ᠮᠣᠩᠭᠣᠯ ᠣᠨᠢᠰᠤᠭᠠ ᠶᠢᠨ ᠲᠡᠭᠦᠪᠦᠷᠢ – ᠬᠣᠶᠠᠳᠤᠭᠠᠷ ᠪᠦᠯᠦᠭ –4 Монгол оньсгын түүвэр –Хоёрдугаар бүлэг–4
981ᠬᠣᠶᠠᠳᠤᠭᠠᠷ ᠪᠦᠯᠦᠭ – ᠠᠷᠠᠳ ᠦ᠋ᠨ ᠠᠮᠠ ᠪᠠᠷ ᠵᠣᠬᠢᠶᠠᠭᠲᠠᠭᠰᠠᠨ ᠣᠨᠢᠰᠣᠬ᠋ᠠ
ᠢᠳᠡᠵᠦ ᠤᠤᠭᠤᠬᠤ ᠳᠤ ᠬᠣᠯᠪᠣᠭᠳᠠᠬᠤ ᠵᠦᠢᠯ
ᠳᠡᠭᠡᠷᠡ ᠪᠡᠨ ᠳᠠᠩ ᠰᠠᠷᠠᠯ
ᠳᠤᠮᠳᠠ ᠪᠠᠨ ᠳᠤᠩ ᠴᠠᠭᠠᠨ
ᠳᠣᠣᠷᠠ ᠪᠠᠨ ᠠᠵᠡᠢ ᠪᠤᠭᠤᠷᠤᠯ
( ᠬᠥᠭᠡᠷᠦᠭᠦᠯᠦᠭᠰᠡᠨ ᠰᠦ᠋ )
ᠴᠠᠭᠠᠨ ᠦᠬᠡᠷ
ᠴᠠᠭᠠᠰᠤᠨ ᠨᠡᠮᠨᠡᠭᠡ ᠲᠡᠢ
(ᠰᠦ᠋ ᠥᠷᠦᠮᠡ )
ᠳᠡᠭᠡᠭᠦᠷ ᠨᠢ ᠳᠡᠷᠳᠡᠩ
ᠳᠣᠭᠤᠤᠷ ᠨᠢ ᠳᠣᠷᠳᠣᠩ
ᠳᠤᠮᠳᠠ ᠨᠢ ᠬᠡᠶ᠋ᠢᠪᠡᠩ
(ᠬᠥᠭᠡᠷᠦᠭᠦᠯᠦᠭᠰᠡᠨ ᠰᠦ᠋ )
ᠪᠠᠬ᠋ᠠ ᠪᠣᠯᠪᠠᠯ ᠡᠮ
ᠪᠠᠬᠠᠨ ᠢᠲᠡᠪᠡᠯ ᠬᠣᠣᠷ
ᠲᠣᠭᠯᠠᠵᠤ ᠨᠠᠭᠠᠤᠠᠬᠤ ᠳ᠋ᠦ᠍ ᠵᠤᠬ᠋ᠠ
ᠲᠣᠮᠤᠬ᠋ᠠ ᠦᠭᠡᠢ ᠨᠥᠬᠦᠷᠯᠡᠪᠡᠯ ᠭᠠᠢ
(ᠠᠷᠢᠬᠢ )
ᠴᠠᠭᠠᠨ ᠭᠡᠭᠦᠦ ᠡᠴᠡ
ᠬᠠᠷᠠ ᠤᠨᠠᠬ᠋ᠠ ᠭᠠᠷᠤᠨᠠ
ᠬᠠᠷᠠ ᠤᠨᠠᠬ᠋ᠠ ᠶ᠋ᠢ ᠤᠨᠤᠭᠰᠠᠨ ᠬᠥᠮᠦᠨ
ᠬᠠᠷᠢᠭᠤ ᠦᠭᠡᠢ ᠲᠡᠨᠡᠭ ᠪᠣᠯᠤᠨᠠ
( ᠠᠷᠢᠬᠢ )
ᠠᠪᠤ ᠶ᠋ᠢᠨ ᠬᠦᠦ ᠶ᠋ᠢ
ᠠᠬ᠋ᠠ ᠶ᠋ᠢᠨ ᠬᠦᠦ ᠲᠠᠶ᠋ᠢᠯᠤᠨᠠ
( ᠠᠷᠢᠬᠢ )
ᠮᠠᠨᠵᠤ ᠶ᠋ᠢᠨ ᠭᠠᠵᠠᠷ ᠦ᠋ᠨ ᠬᠦᠮᠤᠨ
ᠮᠠᠯᠠᠭᠠᠢ ᠶ᠋ᠢ ᠨᠢ ᠠᠪᠤᠪᠠᠯ ᠣᠬᠢᠯᠠᠨᠠ
( ᠰᠢᠯ ᠲᠡᠢ ᠠᠷᠢᠬᠢ )
ᠠᠰᠢᠬ ᠦᠭᠡᠢ ᠠᠲᠠᠯᠠ
ᠠᠮᠢᠲᠠᠨ ᠪᠦᠬᠦᠨ ᠊ᠢ ᠳᠤᠷᠠᠯᠠᠭᠤᠯᠳᠠᠭ
ᠬᠡᠯᠡ ᠦᠭᠡᠢ ᠠᠲᠠᠯᠠ
ᠬᠡᠨ ᠪᠦᠬᠦᠨ ᠊ᠢ ᠶᠠᠷᠢᠭᠤᠯᠲᠠᠭ
ᠬᠡᠢ ᠴᠢᠨᠠᠷ ᠦ᠋ᠨ ᠪᠡᠶᠡ ᠲᠡᠢ
ᠭᠡᠷᠴᠡᠭᠡᠢ ᠪᠠᠯᠠᠮᠠᠳ ᠠᠪᠤᠷᠢ ᠲᠠᠢ
(ᠠᠷᠢᠬᠢ )
ᠲᠡᠮᠡᠭᠡ ᠲᠡᠮᠡᠭᠡ ᠲᠡᠰᠢᠭᠡᠳ ᠪᠠᠶ᠋ᠢᠲᠠᠭ
ᠲᠡᠷᠡ ᠠᠷᠤ ᠶ᠋ᠢ ᠪᠠᠷᠢᠭᠠᠳ ᠪᠠᠶ᠋ᠢᠲᠠᠭ
ᠬᠠᠪᠤᠷ ᠨᠠᠮᠤᠷ ᠊ᠢ ᠮᠡᠲᠡᠭᠡᠳ ᠪᠠᠶ᠋ᠢᠲᠠᠭ
ᠬᠠᠵᠠᠭᠤ ᠶ᠋ᠢᠨ ᠬᠤᠤᠠᠲᠤᠭ ᠤᠷᠤᠭᠤ ᠭᠦᠶᠦᠭᠡᠳ ᠪᠠᠶ᠋ᠢᠲᠠᠭ
(ᠨᠡᠷᠡᠮᠡᠯ ᠠᠷᠢᠬᠢ )
ᠨᠢᠭᠡ ᠯᠣᠩᠬᠣᠨ ᠳ᠋ᠦ᠍
ᠬᠣᠶᠠᠷ ᠵᠦᠢᠯ ᠦ᠋ᠨ ᠳᠤᠰᠤ ᠬᠤᠷᠢᠶᠠᠨᠠ
( ᠥᠨᠲᠡᠭᠡ )
ᠶᠠᠰᠤᠨ ᠳ᠋ᠦ᠍ ᠪᠣᠭᠤᠭᠰᠠᠨ
ᠭᠤᠷᠪᠠᠨ ᠵᠣᠭᠤᠰ ᠦ᠋ᠨ ᠮᠢᠬᠠ
( ᠥᠨᠲᠡᠭᠡ )
ᠥ ᠦᠭᠡᠢ ᠬᠠᠰ ᠶ᠋ᠢᠠᠷ ᠪᠦᠲᠦᠭᠰᠡᠨ ᠮᠡᠲᠦ
ᠥᠩᠭᠡ ᠭᠠᠷᠲᠠᠯᠠ ᠵᠦᠯᠭᠦᠭᠰᠡᠨ ᠮᠡᠲᠤ
ᠬᠤᠷᠠ ᠶ᠋ᠢᠨ ᠤᠰᠤ ᠪᠠᠷ ᠤᠬᠢᠶᠠᠭᠰᠠᠨ ᠮᠡᠲᠤ
ᠬᠤᠷᠴᠠ ᠬᠢᠲᠤᠬ᠋ᠠ ᠪᠠᠷ ᠦᠭᠡᠯᠡᠭᠰᠡᠨ ᠮᠡᠲᠤ
( ᠥᠨᠲᠡᠭᠡ )
ᠲᠡᠭᠷᠢ ᠡᠴᠡ ᠤᠨᠠᠭᠰᠠᠨ ᠪᠠᠶ᠋ᠢᠲᠠᠯ ᠲᠠᠢ
ᠳᠡᠷᠡᠰᠤᠨ ᠢᠷᠣᠭᠠᠷ ᠬᠡᠪᠲᠡᠭᠰᠡᠨ ᠪᠠᠶ᠋ᠢᠲᠠᠯ ᠲᠠᠢ
ᠬᠤᠷᠴᠠ ᠬᠢᠲᠤᠬ᠋ᠠ ᠪᠠᠷ ᠵᠠᠰᠠᠭᠰᠠᠨ ᠪᠠᠶ᠋ᠢᠲᠠᠯ ᠲᠠᠢ
ᠬᠤᠷᠠ ᠶ᠋ᠢᠨ ᠤᠰᠤᠨ ᠳ᠋ᠦ᠍ ᠤᠬᠢᠶᠠᠭᠰᠠᠨ ᠪᠠᠶ᠋ᠢᠲᠠᠯ ᠲᠠᠢ
( ᠥᠨᠲᠡᠭᠡ )
ᠲᠣᠭᠣᠨᠣ ᠦᠭᠡᠢ ᠭᠡᠷ ᠲᠤ
ᠲᠣᠯᠤᠭᠠᠢ ᠦᠭᠡᠢ ᠬᠡᠤᠬᠡᠳ
( ᠥᠨᠲᠡᠭᠡ )
ᠪᠥᠬᠥᠯᠢ ᠰᠠᠶ᠋ᠢᠬᠠᠨ ᠥ ᠦᠭᠡᠢ ᠬᠠᠰ
ᠪᠦᠷᠬᠦᠭ ᠭᠡᠭᠡᠨ ᠢᠯᠭᠠᠷᠠᠭᠠᠲᠤᠢ ᠴᠠᠭ
ᠪᠥᠲᠡᠭᠡᠵᠤ ᠬᠠᠲᠠᠭᠠᠯᠠᠬᠤ ᠬᠣᠷᠢᠨ ᠨᠢᠭᠡᠨ ᠬᠣᠨᠤᠭ
ᠪᠦᠲᠤᠨ ᠭᠠᠷᠪᠠᠯ ᠲᠠᠪᠤᠨ ᠡᠷᠲᠡᠮ ᠲᠡᠭᠦᠰ
( ᠥᠨᠲᠡᠭᠡ ᠪᠠ ᠴᠣᠷᠪᠠᠭᠠᠯᠠᠬᠤ )
ᠱᠥᠯᠦ ᠶ᠋ᠢ ᠨᠢ ᠤᠤᠭᠤᠭᠠᠳ
ᠮᠢᠬᠠ ᠶ᠋ᠢ ᠨᠢ ᠢᠲᠡᠬᠦ ᠦᠭᠡᠢ
( ᠴᠠᠢ )
ᠪᠦᠲᠡᠬᠢ ᠴᠤ᠌ ᠪᠠᠶ᠋ᠢᠲᠠᠭ
ᠴᠠᠶ᠋ᠢᠷᠭᠤ ᠴᠤ᠌ ᠪᠠᠶ᠋ᠢᠲᠠᠭ
ᠪᠥᠬᠦ ᠠᠮᠢᠲᠠᠨ
ᠠᠮᠢᠲᠤᠷᠠᠯ ᠳ᠋ᠠᠭᠠᠨ ᠬᠡᠷᠡᠭᠯᠡᠳᠡᠭ
( ᠴᠠᠢ )
ᠡᠨᠡ ᠪᠡᠶᠡᠨ ᠪ ᠨᠢᠭᠡ
ᠡᠵᠡᠨ ᠬᠠᠭᠠᠨ ᠪ ᠨᠢᠭᠡ
ᠰᠦᠨ ᠳᠠᠯᠠᠢ ᠶ᠋ᠢᠨ ᠨᠢᠭᠡ
ᠰᠦᠮᠪᠤᠷ ᠠᠭᠤᠯᠠ ᠶ᠋ᠢᠨ ᠨᠢᠭᠡ
( ᠴᠠᠢ )
ᠭᠣᠪᠠᠷ ᠰᠢᠪᠠᠷ ᠮᠤᠲᠤᠨ ᠳ᠋ᠦ᠍
ᠭᠤᠴᠢᠨ ᠵᠢᠷᠭᠤᠭᠠᠨ ᠡᠷᠡ
ᠡᠷᠡ ᠪᠦᠷᠢ ᠨᠡᠷᠡ ᠲᠡᠢ
ᠲᠡᠷᠡ ᠪᠦᠷᠢ ᠲᠡᠮᠲᠡᠭ ᠲᠡᠢ
( ᠬᠡᠪ ᠦ᠋ᠨ ᠴᠠᠢ )
ᠰᠦᠯᠵᠢᠮᠡᠯ ᠤᠭᠤᠲᠠᠨ ᠤ ᠳᠣᠲᠣᠷᠠ
ᠰᠦᠷᠦᠭ ᠢᠶ᠋ᠡᠷ ᠢᠶ᠋ᠡᠨ ᠨᠡᠶ᠋ᠢᠯᠡᠵᠦ
ᠤᠨᠲᠠᠵᠤ ᠬᠡᠪᠲᠡᠬᠦ ᠳ᠋ᠡᠭᠡᠨ ᠬᠦᠷᠲᠡᠯᠡ
ᠤᠰᠤ ᠬᠤᠷᠠ ᠠ᠋ᠴᠠ ᠠᠶᠤᠳᠠᠭ ᠪᠣᠯᠪᠠᠴᠤ
ᠤᠴᠠᠷᠠᠭᠰᠠᠨ ᠪᠥᠭᠦᠳᠡ ᠶ᠋ᠢ ᠪᠠᠶᠠᠰᠬᠠᠭᠴᠢ
ᠤᠴᠢᠷ ᠲᠠᠢ ᠴᠢᠨᠠᠷ ᠪᠦᠷᠢᠳᠦᠭᠰᠡᠨ
ᠶᠠᠭᠤᠲᠠᠢ ᠰᠠᠶ᠋ᠢᠬᠠᠨ ᠡᠳ᠋ ᠪᠤᠢ
( ᠬᠡᠪ ᠦᠨ ᠴᠠᠢ )
ᠳᠥᠪ ᠳᠥᠷᠪᠡᠯᠵᠢᠨ
ᠳᠥᠷᠪᠡᠨ ᠦᠨᠴᠦᠭ ᠲᠡᠢ ᠷᠠᠰᠢᠶᠠᠨ
( ᠬᠡᠪ ᠦᠨ ᠴᠠᠢ )
ᠡᠵᠡᠨ ᠬᠠᠭᠠᠨ ᠤ ᠲᠠᠮᠠᠭᠠ
ᠡᠩᠬᠡ ᠲᠦᠷᠦ ᠶ᠋ᠢᠨ ᠪᠡᠯᠡᠭ
( ᠬᠡᠪ ᠦᠨ ᠴᠠᠢ )
ᠭᠠᠤᠯᠢᠨ ᠠᠪᠳᠠᠷᠠ
ᠭᠤᠷᠪᠠᠨ ᠪᠦᠰᠡᠯᠡᠭᠦᠷ ᠲᠡᠢ
ᠭᠤᠴᠢᠨ ᠵᠢᠷᠭᠤᠭᠠᠨ ᠲᠠᠮᠠᠭᠠ ᠲᠠᠢ
ᠲᠠᠮᠠᠭᠠ ᠪᠦᠷᠢ ᠳᠠᠩᠰᠠ ᠲᠠᠢ
ᠳᠠᠩᠰᠠ ᠪᠦᠷᠢ ᠦᠰᠦᠭ ᠲᠡᠢ
( ᠬᠤᠸᠠᠩᠽᠢ ᠲᠠᠢ ᠴᠠᠢ )
ᠨᠠᠮᠠᠶ᠋ᠢ ᠳᠠᠩ ᠢᠶ᠋ᠠᠷ ᠮᠢᠨᠢ ᠢᠳᠡᠳᠡᠭ ᠦᠭᠡᠢ
ᠨᠠᠮᠠᠶ᠋ᠢ ᠦᠭᠡᠢ ᠪᠣᠯ ᠪᠠᠰᠠ ᠢᠳᠡᠳᠡᠭ ᠦᠭᠡᠢ
( ᠳᠠᠪᠤᠰᠤ )
ᠠᠮᠲᠠᠲᠠᠢ ᠪᠠᠶ᠋ᠢᠲᠠᠯᠠ ᠠᠷᠪᠢᠨ ᠢᠳᠡᠵᠦ ᠪᠣᠯᠬᠤ ᠦᠭᠡᠢ
ᠰᠢᠮᠡ ᠲᠡᠢ ᠪᠣᠯᠪᠠᠴᠤ ᠴᠠᠳᠲᠠᠯᠠ ᠢᠳᠡᠵᠦ ᠪᠣᠯᠬᠤ ᠦᠭᠡᠢ
ᠡᠳᠦᠷ ᠦᠨ ᠮᠠᠷᠭᠠᠰᠢ ᠢᠳᠡᠬᠦ ᠦᠭᠡᠢ ᠪᠠᠶ᠋ᠢᠵᠤ ᠴᠢᠳᠠᠬᠤ ᠦᠭᠡᠢ
( ᠳᠠᠪᠤᠰᠤ )
ᠠᠮᠠ ᠦᠭᠡᠢ ᠰᠠᠪᠠ ᠳᠣᠲᠣᠷᠠ
ᠠᠮᠲᠠ ᠦᠭᠡᠢ ᠬᠣᠭᠣᠯᠠ
( ᠴᠢᠮᠥᠭᠡ )
ᠰᠡᠭᠦᠭᠡᠳᠦᠢ ᠠᠪᠳᠠᠷᠠ ᠳᠣᠲᠣᠷᠠ
ᠨᠡᠬᠡᠭᠡᠳᠦᠢ ᠲᠣᠷᠭᠠ
( ᠰᠡᠮᠡᠵᠡᠨ ᠥᠭᠡᠬᠦ )
ᠯᠠᠮᠠ ᠪᠢᠰᠢ ᠪᠠᠶ᠋ᠢᠭᠠᠳ ᠵᠠᠩᠴᠢ ᠲᠠᠢ
ᠯᠠᠨᠳᠤᠤ ᠪᠢᠰᠢ ᠪᠠᠶ᠋ᠢᠭᠠᠳ ᠡᠰᠢ ᠲᠡᠢ
ᠲᠡᠮᠡᠭᠡ ᠪᠢᠰᠢ ᠪᠠᠶ᠋ᠢᠭᠠᠳ ᠲᠦᠷᠦ ᠲᠡᠢ
ᠠᠮᠢᠲᠠᠨ ᠪᠢᠰᠢ ᠪᠠᠶ᠋ᠢᠭᠠᠳ ᠴᠢᠰᠤ ᠲᠠᠢ
( ᠪᠣᠷᠳᠣᠭᠰᠠᠨ ᠬᠣᠳᠣᠭᠣᠳᠣ )
ᠰᠢᠷᠠ ᠰᠢᠪᠠᠭᠤᠨ ᠤ ᠮᠢᠬᠠ ᠶ᠋ᠢ
ᠰᠢᠷᠠᠵᠤ ᠢᠳᠡᠵᠦ ᠪᠣᠯᠬᠤ ᠦᠭᠡᠢ
( ᠰᠢᠷᠠ ᠲᠣᠰᠣ )
ᠲᠩᠷᠢ ᠶ᠋ᠢᠨ ᠬᠡᠦᠬᠡᠨ
ᠲᠩ ᠳᠤᠮᠳᠠ ᠪᠠᠨ ᠬᠦᠢᠰᠦ ᠲᠡᠢ
( ᠠᠮᠤ )
ᠲᠥᠭᠦᠷᠢᠭ ᠬᠣᠲᠠᠨ ᠤ ᠲᠦᠮᠡᠨ ᠴᠡᠷᠢᠭ
ᠲᠡᠭᠦᠨ ᠢ ᠳᠠᠷᠤᠬᠤ ᠬᠣᠶᠠᠷ ᠵᠠᠩᠵᠤᠨ
( ᠠᠶᠠᠭᠠ ᠲᠠᠢ ᠪᠤᠳᠠᠭᠠ ᠂ ᠰᠠᠪᠬᠠ )
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠣᠶᠤᠨᠲᠤᠨᠠᠯ ᠂ ᠳ᠋ᠦ᠋ᠩ ᠹᠧᠩ ᠂ ᠮᠢᠩᠭᠠᠳ · ᠴᠢᠮᠡᠭ
ᠬᠢᠨᠠᠭᠴᠢ ᠄ ᠬᠠᠷᠠᠨᠤᠳ · ᠲᠤᠶᠠᠭᠠ ᠂ ᠮᠢᠩᠭᠠᠳ · ᠴᠢᠮᠡᠭ