ᠴᠠᠭᠠᠨ ᠴᠠᠬᠢᠭᠤᠷᠲᠠᠢ ᠶ᠋ᠢᠨ ᠳᠡᠭᠳᠡᠭᠡᠬᠡᠢ – ᠭᠦᠷᠵᠠᠪ Цагаан цахиуртайн дэгдээхий – Гүржав
309ᠴᠠᠭᠠᠨ ᠴᠠᠬᠢᠭᠤᠷᠲᠠᠢ ᠶ᠋ᠢᠨ ᠳᠡᠭᠳᠡᠭᠡᠬᠡᠢ
ᠭᠦᠷᠵᠡᠪ
ᠴᠠᠭᠠᠨ ᠴᠠᠬᠢᠭᠤᠷᠲᠠᠢ ᠶ᠋ᠢᠨ ᠳᠡᠭᠳᠡᠭᠡᠬᠡᠢ
ᠴᠠᠭᠠᠪᠤᠷ ᠬᠥᠭᠡᠷᠦᠬᠦᠨ ᠠᠮᠢ
ᠴᠠᠭᠠᠨᠠ ᠪᠠᠨ ᠶᠡᠷᠦ ᠨᠢ ᠪᠣᠲᠣᠯᠬ᠋ᠠ ᠦᠭᠡᠢ
ᠴᠠᠪᠢᠲᠠᠭ ᠮᠠᠭᠤ ᠰᠠᠨᠠᠬ᠋ᠠ ᠦᠭᠡᠢ
ᠴᠠᠭᠠᠪᠤᠷ ᠬᠥᠭᠡᠷᠦᠬᠦᠨ ᠠᠮᠢ
ᠴᠠᠭ ᠦ᠋ᠨ ᠰᠠᠶ᠋ᠢᠬᠠᠨ ᠥᠩᠭᠡ ᠪᠡᠷ
ᠴᠠᠬᠢᠯᠲᠠᠭᠲᠤ ᠳᠡᠨᠵᠢᠨ ᠳ᠋ᠡᠭᠡᠨ ᠳᠡᠭᠳᠡᠯᠵᠡᠵᠦ
ᠴᠠᠬᠢᠯᠵᠠᠵᠤ ᠭᠤᠸᠠᠷᠠᠬᠤ ᠠᠬᠤᠢ ᠪᠠᠷ
ᠴᠢᠷᠠᠮᠠᠨ ᠪᠡᠶᠡ ᠪᠡᠨ ᠪᠦᠪᠡᠶ᠋ᠢᠯᠡᠭᠦᠯᠵᠦ
ᠴᠠᠷᠴᠠᠬᠠᠢ ᠂ ᠢᠯᠠᠬ᠋ᠠ ᠂ ᠰᠢᠪᠡᠵᠢ ᠁ ᠶ᠋ᠢ
ᠴᠢᠲᠠᠬᠤ ᠶ᠋ᠢᠨ ᠬᠢᠷᠢ ᠪᠡᠷ ᠶ᠋ᠢᠡᠨ ᠲᠡᠭᠦᠵᠦ
ᠴᠦᠷᠲᠡᠭᠡᠷ ᠵᠢᠭᠠᠬᠠᠨ ᠭᠡᠲᠡᠰᠦ ᠪᠡᠨ
ᠴᠢᠲᠠᠯ ᠦ᠋ᠨ ᠴᠢᠨᠡᠭᠡ ᠪᠡᠷ ᠶ᠋ᠢᠡᠨ ᠳᠦᠭᠦᠷᠭᠡᠵᠦ ᠁
ᠴᠠᠮᠨᠠᠨ ᠴᠠᠷᠪᠠᠨ ᠲᠣᠷᠨᠢᠬᠰᠠᠨ
ᠴᠠᠭᠠᠪᠤᠷ ᠬᠥᠭᠡᠷᠦᠬᠦᠨ ᠠᠮᠢ
ᠴᠠᠭᠠᠰᠢ ᠨᠠᠭᠠᠰᠢ ᠶᠠᠪᠤᠬᠤ
ᠴᠠᠯᠠᠭᠠᠢ ᠂ ᠭᠡᠨᠡᠨ ᠨᠠᠶ᠋ᠢᠵᠠ ᠪᠠᠷ ᠮᠢᠨᠢ
ᠴᠢᠪᠬᠠᠲᠠᠵᠤ ᠪᠤᠤ ᠬᠠᠷᠪᠤᠭᠠᠰᠠᠢ
ᠴᠡᠯᠮᠡᠳᠡᠵᠤ ᠪᠢᠲᠡᠭᠡᠢ ᠣᠷᠠᠬᠠᠲᠠᠭᠠᠰᠠᠢ
ᠴᠠᠮᠴᠠ ᠪᠠᠷ ᠶ᠋ᠢᠠᠨ ᠪᠢᠲᠡᠭᠡᠢ ᠭᠤᠶᠠᠲᠠᠭᠠᠰᠠᠢ !
ᠢᠷᠡᠯᠲᠡ ᠄
ᠭᠦᠷᠵᠠᠪ ᠦ᠋ᠨ ᠵᠣᠬᠢᠶᠠᠭᠰᠠᠨ《 ᠬᠡᠦᠬᠡᠳ ᠨᠠᠰᠤ ᠰᠠᠶ᠋ᠢᠬᠠᠨ 》 ᠭᠡᠳᠡᠭ ᠨᠣᠮ ᠠ᠋ᠴᠠ ᠬᠠᠭᠤᠯᠤᠨ ᠪᠢᠴᠢᠪᠡ ᠂
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠤᠷᠠᠨᠴᠡᠴᠡᠭ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
2023 ᠣᠨ ᠪ3 ᠰᠠᠷᠠ ᠶ᠋ᠢᠨ 24 ᠪ ᠡᠲᠦᠷ