ᠰᠡᠤᠠᠬᠢᠯ ᠨᠢ ᠬᠤᠪᠢᠷᠠᠭᠰᠠᠨ ᠠᠮᠠᠷᠠᠭ ᠳᠠᠭᠠᠨ – ᠷ ᠂ ᠴᠣᠢᠨᠣᠮ Сэтгэл нь хувирсан амрагтаа – Р ᠂ Чойном
289ᠰᠡᠤᠠᠬᠢᠯ ᠨᠢ ᠬᠤᠪᠢᠷᠠᠭᠰᠠᠨ ᠠᠮᠠᠷᠠᠭ ᠳᠠᠭᠠᠨ
ᠣᠷᠣᠭᠠᠳ ᠢᠷᠡᠬᠦ ᠳ᠋ᠦ᠍ ᠴᠢᠨᠢ ᠪᠥᠭᠡᠮ ᠪᠠᠶᠠᠷ ᠪᠣᠯᠤᠯᠠ
ᠣᠷᠴᠢᠯᠠᠩ ᠲᠡᠪᠡᠷᠢᠭᠡᠳ ᠪᠠᠭᠲᠠᠷᠠᠵᠤ ᠤᠨᠠᠬᠤ ᠰᠢᠬᠠᠯᠠ
ᠲᠡᠭᠡᠲᠡᠯᠡ ᠪᠢ ᠨᠢᠲᠦᠨ ᠳ᠋ᠦ᠍ ᠴᠢᠨᠢ ᠥᠪᠡᠷ ᠦ᠋ᠨ ᠶ᠋ᠢᠡᠨ
ᠲᠡᠨᠡᠭᠯᠡᠵᠦ ᠪᠠᠶ᠋ᠢᠬ᠋ᠠ ᠶ᠋ᠢ ᠭᠡᠨᠡᠤᠠᠲᠡ ᠣᠯᠵᠤ ᠬᠠᠷᠠᠯᠠ ᠃
ᠠᠭᠤᠴᠢᠯᠠᠭᠠᠷᠠᠢ ᠨᠠᠮᠠ ᠶ᠋ᠢ
ᠤᠷᠢᠲᠤ ᠶ᠋ᠢᠨ ᠴᠢ ᠮᠢᠨᠢ ᠪᠢᠰᠢ ᠪᠠᠶ᠋ᠢᠨᠠ
ᠡᠮᠦᠰᠦᠭᠡᠳ ᠭᠠᠷᠤᠭᠰᠠᠨ ᠬᠤᠪᠴᠠᠰᠤ ᠴᠢᠨᠢ ᠮᠥᠨ ᠪᠠᠶ᠋ᠢᠨᠠ
ᠥᠪᠡᠷ ᠶ᠋ᠢᠡᠨ ᠴᠢ ᠪᠢᠰᠢ ᠪᠠᠶ᠋ᠢᠨᠠ
ᠨᠢᠲᠦ ᠴᠢᠨᠢ ᠨᠢᠭᠡ ᠯᠡ ᠪᠢᠰᠢ ᠪᠠᠶ᠋ᠢᠨᠠ
ᠨᠢᠭᠦᠯ ᠬᠢᠯᠢᠨᠴᠡ ᠪᠡᠨ ᠪᠢᠲᠡᠭᠡᠢ ᠲᠣᠭᠠᠴᠢᠭᠠᠷᠠᠢ
ᠴᠢᠷᠠᠢ ᠴᠢᠨᠢ ᠨᠢᠭᠡ ᠯᠡ ᠪᠢᠰᠢ ᠪᠠᠶ᠋ᠢᠨᠠ
ᠴᠠᠭᠠᠨᠠ ᠪᠠᠨ ᠬᠥᠮᠦᠨ ᠲᠡᠢ ᠪᠣᠯᠤᠭᠰᠠᠨ ᠭᠡᠵᠦ ᠪᠢᠲᠡᠭᠡᠢ ᠬᠡᠯᠡᠭᠡᠷᠡᠢ
ᠪᠢ ᠮᠡᠲᠡᠵᠦ ᠪᠠᠶ᠋ᠢᠨᠠ ᠁ ᠬᠠᠷᠠᠵᠤ ᠪᠠᠶ᠋ᠢᠨᠠ
ᠪᠢᠲᠡᠭᠡᠢ ᠨᠠᠮᠠ ᠶ᠋ᠢ ᠮᠡᠬᠡᠯᠡ ! ᠪᠢᠲᠡᠭᠡᠢ ᠨᠠᠲᠠ ᠲᠠᠶ᠋ᠢᠯᠤᠨ ᠲᠠᠯᠪᠢ
ᠢᠩᠭᠢᠵᠦ ᠤᠲᠠᠭᠠᠨ ᠬᠦᠯᠢᠶᠡᠯᠭᠡᠭᠡᠳ ᠡᠶ᠋ᠢᠮᠦ ᠢᠷᠡᠬᠦ ᠶ᠋ᠢᠨ ᠣᠷᠣᠨ ᠳ᠋ᠦ᠍
ᠢᠷᠡᠬᠦ ᠦᠭᠡᠢ ᠪᠣᠯ ᠁ ᠳᠡᠭᠡᠷᠡ ᠪᠠᠶ᠋ᠢᠵᠠᠢ ᠳ᠋ᠠ !
ᠥᠭᠡᠷᠡ ᠬᠥᠮᠦᠨ ᠊ᠢ ᠪᠢ ᠬᠦᠯᠢᠶᠡᠭᠰᠡᠨ ᠶᠤᠮ
ᠥᠭᠡᠲᠡ ᠡᠴᠡ ᠮᠢᠨᠢ ᠡᠭᠴᠡ ᠰᠢᠷᠲᠡᠳᠡᠭ ᠨᠢᠭᠦᠯ ᠦᠭᠡᠶ᠋ᠢᠬᠡᠨ ᠬᠣᠩᠭᠣᠷ ᠬᠠᠷᠠᠴᠠ ᠲᠠᠢ
ᠦᠬᠦᠭᠡᠷᠲᠡᠩᠬᠡᠨ ᠡᠩᠬᠦᠷᠡᠢᠯᠡᠳᠡᠭ ᠡᠭᠡᠯ ᠦᠭᠡᠶ᠋ᠢᠬᠡᠨ ᠬᠠᠯᠠᠭᠤᠨ ᠰᠡᠤᠠᠬᠢᠯ ᠲᠡᠢ
ᠡᠪᠦᠷ ᠲᠤ ᠨᠢ ᠰᠠᠯᠬᠢ ᠣᠷᠣᠬ᠋ᠠ ᠦᠭᠡᠢ ᠴᠢᠩ ᠬᠠᠶ᠋ᠢᠷᠠ ᠶ᠋ᠢ ᠪᠡᠨ ᠪᠢ ᠬᠦᠯᠢᠶᠡᠭᠰᠡᠨ ᠶᠤᠮ ᠃
ᠵᠥᠪᠬᠡᠨ ᠶᠣᠰᠣ ᠪᠣᠲᠣᠵᠤ ᠪᠤᠰᠤ ᠦᠨᠡᠨ ᠰᠡᠤᠠᠬᠢᠯ ᠡᠴᠡ ᠪᠡᠨ ᠲᠡᠪᠡᠷᠢᠳᠡᠭ
ᠵᠥᠭᠡᠯᠡᠨ ᠳᠤᠯᠠᠭᠠᠨ ᠢᠨᠢᠶᠡᠲᠦ ᠪᠡᠷ ᠶ᠋ᠢᠡᠨ ᠡᠷᠦᠬᠡ ᠭᠡᠷ ᠊ᠢ ᠳᠤᠯᠠᠭᠠᠴᠠᠭᠤᠯᠳᠠᠭ
ᠵᠥᠷᠢᠭᠦᠤᠠᠬᠡᠨ ᠠᠭᠠᠳ ᠡᠷᠬᠡᠬᠡᠨ ᠬᠡᠦᠬᠡᠳ ᠮᠡᠲᠦ ᠴᠠᠭᠠᠬᠠᠨ
ᠵᠥᠪ ᠦᠨᠡᠨᠴᠢ ᠠᠮᠠᠷᠠᠭ ᠶ᠋ᠢᠠᠨ ᠪᠢ ᠬᠦᠯᠢᠶᠡᠭᠰᠡᠨ ᠶᠤᠮ ᠃
ᠬᠦᠯᠢᠶᠡᠭᠰᠡᠨ ᠢᠨᠠᠭ ᠮᠢᠨᠢ ᠡᠷᠭᠢᠵᠦ ᠢᠷᠡᠭᠰᠡᠨ ᠦᠭᠡᠢ
ᠬᠥᠮᠦᠨ ᠪ ᠬᠠᠯᠠᠭᠤᠨ ᠰᠢᠪᠡᠨᠡᠭᠡ ᠶ᠋ᠢ ᠮᠢᠨᠦ ᠡᠰᠡᠷᠭᠦ ᠬᠤᠤᠪᠢᠯᠲᠤᠭᠠᠨ ᠊ᠢ
ᠬᠦᠢᠲᠡᠨ ᠴᠡᠭᠡᠵᠢᠨ ᠳ᠋ᠦ᠍ ᠪᠡᠨ ᠨᠢᠭᠤᠭᠰᠠᠨ ᠠᠶᠤᠮᠠᠬᠠᠢ ᠨᠢᠭᠡᠨ ᠤᠷᠪᠠᠭᠴᠢ
ᠬᠦᠴᠦ ᠪᠡᠷ ᠢᠨᠢᠶᠡᠮᠰᠦᠭᠯᠡᠬᠦᠢᠴᠡ ᠪᠡᠨ ᠪᠣᠯᠵᠤ ᠮᠢᠨᠦ ᠡᠮᠦᠨᠡ ᠵᠣᠭᠰᠣᠵᠤ ᠪᠠᠶ᠋ᠢᠨᠠ
ᠥᠭᠭᠦᠭᠰᠡᠨ ᠪᠡᠯᠡᠭ ᠶ᠋ᠢᠡᠨ ᠡᠷᠭᠢᠭᠦᠯᠦᠭᠡᠳ ᠬᠤᠯᠠᠭᠠᠶ᠋ᠢᠯᠠᠭᠰᠠᠨ
ᠥᠭᠡᠲᠡ ᠦᠭᠡᠢ ᠠᠮᠢᠲᠠᠨ ᠲᠠᠢ ᠶᠠᠭᠤ ᠪᠠᠨ ᠪᠢ ᠶᠠᠷᠢᠬᠤ ᠪᠢᠯᠡ
ᠣᠲᠣ ᠶᠠᠪᠤ ᠳ᠋ᠠ
ᠨᠠᠮᠠ ᠶ᠋ᠢ ᠪᠡᠨ ᠥᠪᠡᠷ ᠊ᠢ ᠪᠡᠨ ᠪᠠᠭᠠᠬᠠᠨ ᠵᠣᠪᠠᠭᠠᠵᠤ ᠦᠵᠡ !
ᠤᠭᠲᠤ ᠠᠭᠤᠯᠵᠠᠬ᠋ᠠ ᠦᠭᠡᠢ ᠪᠣᠯ
ᠶᠠᠲᠠᠬᠤ ᠳ᠋ᠦ᠍ ᠪᠠᠨ ᠡᠨᠡ ᠠᠭᠤᠯᠵᠠᠯᠲᠠ ᠠ᠋ᠴᠠ ᠪᠠᠨ ᠤᠷᠢᠲᠤ ᠦᠬᠦᠭᠰᠡᠨ ᠰᠠᠨ ᠪᠣᠯ ᠳᠡᠭᠡᠷᠡ ᠪᠠᠶ᠋ᠢᠵᠠᠢ !
1976.10.30
《 ᠷ · ᠴᠣᠶ᠋ᠢᠨᠣᠮ ᠤᠨ ᠰᠢᠯᠦᠭ ᠵᠣᠬᠢᠶᠠᠯ ᠤᠨ ᠬᠤᠷᠢᠶᠠᠬᠤᠢ — 》
— ᠤᠶᠠᠩᠭᠠ ᠶ᠋ᠢᠨ ᠰᠢᠯᠦᠭ ᠠ᠋ᠴᠠ ᠬᠠᠭᠤᠯᠪᠠ ᠃
ᠪᠢ᠊ · ᠳᠠᠮᠳᠢᠨᠰᠦ᠋ᠷᠦᠩ ᠡᠮᠬᠢᠳᠬᠡᠨ ᠨᠠᠶ᠋ᠢᠷᠠᠭᠤᠯᠪᠠ
ᠬᠠᠷᠢᠭᠤᠴᠠᠭᠰᠠᠨ ᠨᠠᠶ᠋ᠢᠷᠠᠭᠤᠯᠤᠭᠴᠢ ᠄ ᠪᠣᠷᠣᠨᠣᠳ ᠳᠣᠷᠵᠢ
ᠦᠰᠦᠭ᠋ ᠠᠮᠢᠯᠠᠭᠤᠯᠤᠭᠴᠢ ᠄ ᠰᠢᠷᠠᠨᠤᠳ ᠂ ᠰᠠᠮᠲᠠᠨᠭᠡᠷᠡᠯ
ᠬᠢᠨᠠᠭᠴᠢ ᠄ ᠪᠤᠤ ᠡᠷᠴᠢᠨ