ᠣᠶ᠋ᠢᠵᠢᠭᠤᠯᠬᠤ ᠬᠦᠰᠡᠯ - ᠭᠦᠷᠵᠠᠪ Ойжуулах хүсэл - Гүржав
254ᠣᠶ᠋ᠢᠵᠢᠭᠤᠯᠬᠤ ᠬᠦᠰᠡᠯ
ᠭᠦᠷᠵᠠᠪ
ᠤᠷᠲᠤ ᠮᠠᠩᠬᠠᠨ ᠪ ᠲᠡᠷᠡ ᠤᠷᠤᠢ
ᠤᠤᠯ ᠠ᠋ᠴᠠ ᠠᠪᠤᠭᠠᠳ ᠬᠣᠵᠢᠭᠢᠷ ᠤᠷᠤᠢ
ᠤᠰᠤ ᠴᠠᠰᠤ ᠶᠡᠷᠦ ᠲᠣᠭᠲᠠᠲᠠᠭ ᠦᠭᠡᠢ
ᠤᠯᠠᠭᠠᠨ ᠨᠢᠴᠦᠭᠦᠨ ᠱᠠᠯᠲᠠᠩ ᠤᠷᠤᠢ
ᠤᠬᠠᠭᠠᠨ ᠰᠡᠴᠡᠨ ᠂ ᠰᠠᠨᠠᠬ᠋ᠠ ᠰᠠᠷᠠᠭᠤᠯ
ᠤᠯᠢᠶᠠᠷᠬᠠᠭ ᠳᠡᠭᠵᠢᠨ ᠪᠠᠭᠠᠴᠤᠳ ᠪᠢᠲᠡ
ᠤᠨᠠᠭᠰᠠᠨ ᠨᠤᠲᠤᠭ ᠶ᠋ᠢᠠᠨ ᠨᠣᠭᠣᠭᠠᠷᠠᠭᠤᠯᠵᠤ ᠴᠡᠴᠡᠭᠯᠡᠭᠦᠯᠬᠦ
ᠤᠬᠠᠮᠰᠠᠷᠲᠤ ᠰᠡᠤᠠᠬᠢᠯᠭᠡ ᠶ᠋ᠢ ᠳᠦᠭᠦᠷᠡᠩ ᠡᠪᠦᠷᠯᠡᠭᠡᠳ
ᠤᠷᠲᠤ ᠮᠠᠩᠬᠠᠨ ᠪ ᠲᠡᠷᠡ ᠤᠷᠤᠢ ᠳ᠋ᠦ᠍
ᠤᠷᠭᠤᠴᠠ ᠰᠠᠶ᠋ᠢᠲᠠᠢ ᠮᠣᠲᠣ ᠲᠠᠷᠢᠶᠠ !
ᠤᠲᠠ ᠲᠠᠷᠢᠶᠠ ᠁ ᠬᠠᠷᠭᠠᠨᠠ ᠲᠠᠷᠢᠶᠠ
ᠤᠯᠢᠶᠠᠰᠤ ᠲᠠᠷᠢᠶᠠ ᠁ ᠳᠣᠯᠣᠨᠣ ᠲᠠᠷᠢᠶᠠ
ᠤᠭ ᠳᠦᠷᠰᠦ ᠶ᠋ᠢ ᠨᠢ ᠪᠦᠷᠢᠨ ᠬᠤᠪᠢᠷᠠᠭᠤᠯᠵᠤ
ᠤᠷᠭᠤᠮᠠᠯ ᠴᠡᠴᠡᠭᠲᠦ ᠮᠠᠩᠬᠠ ᠪᠣᠯᠭᠠᠶᠠ
ᠤᠶᠠᠬᠠᠨ ᠰᠠᠯᠬᠢᠨ ᠳ᠋ᠦ᠍ ᠨᠠᠶ᠋ᠢᠭᠤᠨ ᠱᠤᠤᠭᠢᠬᠰᠠᠨ
ᠤᠷᠢᠨ ᠳᠤᠯᠠᠭᠠᠨ ᠰᠢᠭᠤᠢ ᠪᠣᠯᠭᠠᠶᠠ
ᠤᠷᠠᠨ ᠵᠢᠭᠦᠷᠲᠡᠢ ᠬᠠᠷᠢᠶᠠᠴᠠᠢ ᠪᠤᠶᠤ ᠪᠣᠯᠵᠣᠮᠣᠷ
ᠤᠶᠠᠩᠭᠠᠯᠠᠨ ᠳᠠᠭᠤᠯᠠᠭᠴᠢ ᠬᠥᠬᠥᠭᠡ ᠪᠤᠶᠤ ᠴᠡᠭᠴᠡᠦᠬᠡᠢ —
ᠰᠦᠷᠦᠭ ᠰᠦᠷᠦᠭ ᠶ᠋ᠢᠡᠷ ᠨᠢᠰᠦᠨ ᠢᠷᠡᠵᠦ
ᠰᠠᠭᠤᠯᠭᠠᠭᠰᠠᠨ ᠡᠨᠡ ᠮᠣᠲᠣᠳ ᠲᠤ ᠮᠢᠨᠢ ᠰᠠᠭᠤᠵᠤ
ᠳᠠᠭᠤᠯᠠᠬᠤ ᠳᠤᠷᠠᠲᠠᠢ ᠳᠠᠭᠤᠤ ᠪᠠ ᠤᠶᠠᠩᠬ᠋ᠠ ᠪᠠᠨ
ᠳᠤᠷᠠ ᠪᠠᠷ ᠲᠠᠪᠠ ᠪᠠᠷ ᠳᠠᠭᠤᠯᠠᠵᠤ ᠤᠶᠠᠩᠭᠠᠯᠠᠭ ᠳ᠋ᠠ !
ᠳᠤᠷᠠᠶ᠋ᠢᠲᠠᠯᠠ ᠬᠢᠭᠰᠡᠨ ᠮᠠᠨ ᠪ ᠠᠵᠢᠯᠯᠠᠬ᠋ᠠ ᠶ᠋ᠢ
ᠳᠠᠭᠤᠷᠢᠰᠤᠭᠤᠯᠬᠤ ᠡᠭᠡᠰᠢᠭ ᠶ᠋ᠢᠡᠷ ᠶ᠋ᠢᠡᠨ ᠳᠤᠷᠠᠳᠴᠤ ᠪᠠᠶ᠋ᠢᠬ ᠳ᠋ᠠ !
ᠢᠷᠡᠯᠲᠡ ᠄
ᠭᠦᠷᠵᠠᠪ ᠦ᠋ᠨ ᠵᠣᠬᠢᠶᠠᠭᠰᠠᠨ《 ᠬᠡᠦᠬᠡᠳ ᠨᠠᠰᠤ ᠰᠠᠶ᠋ᠢᠬᠠᠨ 》 ᠭᠡᠳᠡᠭ ᠨᠣᠮ ᠠ᠋ᠴᠠ ᠬᠠᠭᠤᠯᠤᠨ ᠪᠢᠴᠢᠪᠡ ᠂
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠳᠠᠰᠢᠮᠠ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
2023 ᠣᠨ ᠪ3 ᠰᠠᠷᠠ ᠶ᠋ᠢᠨ 24 ᠪ ᠡᠲᠦᠷ ᠃