ᠮᠣᠩᠭᠣᠯ ᠣᠨᠢᠰᠤᠭᠠ ᠶᠢᠨ ᠲᠡᠭᠦᠪᠦᠷᠢ – ᠬᠣᠶᠠᠳᠤᠭᠠᠷ ᠪᠦᠯᠦᠭ –3 Монгол оньсгын түүвэр –Хоёрдугаар бүлэг–3
963ᠬᠣᠶᠠᠳᠤᠭᠠᠷ ᠪᠦᠯᠦᠭ – ᠠᠷᠠᠳ ᠦ᠋ᠨ ᠠᠮᠠ ᠪᠠᠷ ᠵᠣᠬᠢᠶᠠᠭᠲᠠᠭᠰᠠᠨ ᠣᠨᠢᠰᠣᠬ᠋ᠠ
ᠦᠢᠯᠡᠳᠴᠦ ᠬᠢᠬᠦ ᠳᠤ ᠬᠣᠯᠪᠣᠭᠳᠠᠬᠤ ᠵᠦᠢᠯ
ᠳᠠᠩ ᠳᠠᠪᠠᠬ᠋ᠠ
ᠳᠠᠪᠬᠤᠷ ᠳᠠᠪᠠᠬ᠋ᠠ
ᠣᠪᠣᠬ᠋ᠠ ᠴᠢᠯᠠᠭᠤ
ᠣᠷᠬᠢᠯᠤᠬ᠋ᠠ ᠪᠤᠯᠠᠭ
( ᠦᠨᠢᠶᠡ ᠰᠠᠭᠠᠬᠤ)
ᠳᠦᠷᠪᠡᠨ ᠴᠢᠪᠠᠭᠠᠨᠴᠠ
ᠨᠢᠭᠡ ᠨᠦᠬᠡ ᠳ᠋ᠦ᠍ ᠰᠢᠭᠡᠨᠡ
( ᠦᠨᠢᠶᠡ ᠰᠠᠭᠠᠬᠤ )
ᠳᠦᠷᠪᠡᠨ ᠭᠠᠯᠠᠭᠤ
ᠳᠥᠳᠬᠡᠭᠡᠳ ᠢᠷᠡᠯᠡ
ᠲᠥᠷᠥ ᠲᠡᠢ ᠬᠠᠷᠠ
ᠲᠣᠰᠤᠭᠠᠳ ᠠᠪᠤᠯᠠ
( ᠦᠨᠢᠶᠡ ᠰᠠᠭᠠᠬᠤ )
ᠳᠦᠷᠪᠡ ᠳᠦᠷᠪᠡ ᠳᠦᠷᠪᠡᠯᠵᠢᠨ
ᠳᠦᠷᠪᠡᠨ ᠭᠠᠯᠠᠭᠤ ᠵᠡᠷᠭᠡᠯᠵᠢᠨ
ᠰᠠᠶ᠋ᠢᠳ ᠦ᠋ᠨ ᠬᠠᠲᠤᠨ ᠰᠠᠶ᠋ᠢᠪᠠᠯᠵᠢᠨ
ᠰᠠᠶ᠋ᠢᠬᠠᠨ ᠪᠣᠷᠣᠭᠠᠨ ᠴᠢᠤᠠᠬᠤᠯᠠᠩ
( ᠦᠨᠢᠶᠡ ᠰᠠᠭᠠᠬᠤ )
ᠠᠷᠤ ᠶ᠋ᠢᠨ ᠳᠦᠷᠪᠡᠨ ᠪᠤᠯᠠᠭ
ᠠᠭᠠᠷᠤ ᠽᠠᠨᠲᠠᠨ ᠳ᠋ᠦ᠍ ᠴᠢᠤᠠᠬᠤᠨᠠ
( ᠦᠨᠢᠶᠡ ᠰᠠᠭᠠᠬᠤ )
ᠳᠡᠭᠦᠳᠡᠢ ᠮᠡᠷᠭᠡᠨ ᠳᠥᠳᠬᠡᠭᠡᠳ ᠢᠷᠡᠨᠡ
ᠳᠦᠷᠪᠡᠨ ᠭᠠᠯᠠᠭᠤ ᠭᠠᠩᠭᠠᠨᠠᠭᠠᠳ ᠢᠷᠡᠨᠡ
ᠰᠠᠶ᠋ᠢᠬᠠᠨ ᠬᠡᠦᠬᠡᠨ ᠲᠣᠰᠤᠭᠠᠳ ᠢᠷᠡᠨᠡ
ᠰᠠᠷᠢᠰᠤᠨ ᠬᠠᠪᠲᠠᠬ᠋ᠠ ᠰᠠᠵᠢᠭᠠᠳ ᠢᠷᠡᠨᠡ
( ᠦᠨᠢᠶᠡ ᠰᠠᠭᠠᠬᠤ )
ᠳᠦᠷᠪᠡᠨ ᠪᠤᠯᠠᠭ ᠨᠢᠭᠡ ᠨᠦᠬᠡᠨ ᠳ᠋ᠦ᠍ ᠴᠢᠤᠠᠬᠤᠨᠠ
(ᠦᠨᠢᠶᠡ ᠰᠠᠭᠠᠬᠤ )
ᠳᠠᠭᠤ ᠦᠭᠡᠢ ᠮᠣᠲᠣ ᠶ᠋ᠢ
ᠲᠣᠩ ᠰᠤᠮᠤ ᠪᠠᠷ ᠬᠠᠷᠪᠤᠨᠠ
(ᠦᠨᠢᠶᠡ ᠰᠠᠭᠠᠬᠤ )
ᠳᠠᠭᠤᠯᠠᠵᠤ ᠶᠠᠪᠤᠭᠠᠳ
ᠤᠬᠢᠯᠠᠵᠤ ᠢᠷᠡᠨᠡ
(ᠤᠰᠤ ᠳᠠᠮᠨᠠᠬᠤ )
ᠶᠠᠪᠤᠬᠤ ᠳ᠋ᠠᠭᠠᠨ ᠰᠤᠪᠢ
ᠢᠷᠡᠬᠦ ᠳ᠋ᠡᠭᠡᠨ ᠪᠣᠭᠣᠰ ( ᠬᠡᠭᠡᠯᠲᠠᠢ )
( ᠤᠰᠤ ᠳᠠᠮᠨᠠᠬᠤ)
ᠶᠠᠪᠤᠬᠤ ᠳ᠋ᠠᠭᠠᠨ ᠬᠠᠩᠭᠢᠷ ᠵᠢᠩᠭᠢᠷ
ᠢᠷᠡᠬᠦ ᠳ᠋ᠡᠭᠡᠨ ᠦᠢᠯᠡᠨ ᠬᠠᠶ᠋ᠢᠯᠠᠨ
(ᠤᠰᠤ ᠳᠠᠮᠨᠠᠬᠤ )
ᠰᠠᠬᠠᠢ ᠬᠠᠲᠤᠨ ᠰᠠᠯᠪᠠᠯᠵᠠᠨᠠ
ᠰᠠᠶ᠋ᠢᠨ ᠬᠡᠦᠬᠡᠨ ᠮᠡᠯᠮᠡᠯᠵᠡᠨᠡ
( ᠤᠰᠤ ᠳᠠᠮᠨᠠᠬᠤ )
ᠡᠴᠢᠭᠡ ᠨᠢ ᠡᠷᠬᠢ ᠳᠡᠭᠡᠷᠡ ᠰᠠᠭᠤᠨᠠ
ᠡᠷᠬᠡ ᠬᠦᠦ ᠨᠢ ᠬᠤᠤᠠᠲᠤᠭ ᠲᠤ ᠣᠷᠣᠨᠠ
(ᠬᠣᠪᠣᠭᠣ ᠪᠠᠷ ᠤᠰᠤ ᠲᠠᠲᠠᠬᠤ )
ᠬᠠᠷᠠ ᠦᠬᠡᠷ
ᠪᠥᠭᠡᠷᠡ ᠴᠣᠭᠣᠷᠬᠠᠢ
(ᠲᠣᠭᠣᠬ᠋ᠠ ᠨᠡᠷᠡᠬᠦ )
ᠳᠡᠭᠡᠷᠡ ᠡᠴᠡ ᠢᠷᠡᠭᠰᠡᠨ
ᠳᠡᠭᠵᠢᠨ ᠬᠣᠲᠠ
ᠳᠡᠭᠵᠢᠷᠡᠵᠦ ᠪᠠᠶ᠋ᠢᠬᠤ
ᠪᠡᠭᠡᠵᠢᠩ ᠬᠣᠲᠠ
ᠬᠠᠭᠠᠯᠬ᠋ᠠ ᠪᠠᠷ ᠭᠠᠷᠬᠤ
ᠬᠠᠯᠲᠠᠷ ᠯᠠᠭᠤᠰᠠ
ᠬᠠᠨᠴᠤᠢ ᠪᠠᠷ ᠭᠠᠷᠬᠤ
ᠴᠠᠭᠠᠨ ᠬᠥᠭᠡᠰᠦ
( ᠲᠣᠭᠣᠬ᠋ᠠ ᠨᠡᠷᠡᠬᠦ )
ᠳᠡᠭᠡᠷᠡ ᠨᠢ ᠰᠠᠭᠤᠭᠰᠠᠨ
ᠲᠡᠩᠬᠡᠬᠡᠷ ᠨᠣᠶᠠᠨ
ᠳᠣᠣᠷᠠ ᠨᠢ ᠰᠠᠭᠤᠭᠰᠠᠨ
ᠳᠣᠩᠬᠣᠭᠣᠷ ᠨᠣᠶᠠᠨ
ᠤᠷᠢᠲᠤ ᠠ᠋ᠴᠠ ᠢᠷᠡᠭᠰᠡᠨ
ᠤᠩᠬᠤᠷ ᠨᠣᠶᠠᠨ
ᠤᠲᠤᠮ ᠶ᠋ᠢᠠᠨ ᠳᠠᠭᠠᠭᠰᠠᠨ
ᠰᠢᠭᠡᠷᠡᠩ ᠨᠣᠶᠠᠨ
(ᠲᠣᠭᠣᠬ᠋ᠠ ᠨᠡᠷᠡᠬᠦ )
ᠳᠡᠭᠡᠷᠡ ᠨᠢ ᠳᠡᠨᠵᠢ ᠶ᠋ᠢᠨ ᠭᠣᠣᠯ
ᠳᠣᠣᠷᠠ ᠨᠢ ᠲᠤᠨᠵᠢ ᠶ᠋ᠢᠨ ᠭᠣᠣᠯ
ᠬᠣᠣ ᠬᠤᠤᠠᠲᠤᠭ ᠦ᠋ᠨ ᠭᠣᠣᠯ
ᠬᠤᠤᠠᠲᠤᠭ ᠤᠰᠤᠨ ᠪ ᠪᠤᠮᠪᠠᠬᠠᠢ
(ᠲᠣᠭᠣᠬ᠋ᠠ ᠨᠡᠷᠡᠬᠦ )
ᠤᠰᠤᠨ ᠲᠠᠷᠢᠬᠢ ᠲᠠᠢ
ᠲᠡᠮᠦᠷ ᠲᠣᠯᠣᠭᠠᠢ ᠲᠠᠢ
ᠮᠣᠲᠣᠨ ᠴᠡᠭᠡᠵᠢ ᠲᠡᠢ
ᠰᠢᠷᠡᠮᠦᠨ ᠪᠥᠭᠰᠡ ᠲᠡᠢ
( ᠲᠣᠭᠣᠬ᠋ᠠ ᠨᠡᠷᠡᠬᠦ )
ᠥᠨᠲᠥᠷ ᠡᠴᠡ ᠥᠩᠬᠥᠷᠢᠭᠡᠳ
ᠥᠷᠭᠡᠨ ᠊ᠢ ᠳᠠᠭᠠᠷᠢᠭᠠᠳ
ᠨᠠᠷᠢᠨ ᠊ᠢ ᠤᠷᠤᠭᠤᠲᠠᠭᠠᠳ
ᠨᠠᠮᠤᠭ ᠲᠤ ᠲᠣᠭᠲᠠᠨᠠ
(ᠲᠣᠭᠣᠬ᠋ᠠ ᠨᠡᠷᠡᠬᠦ )
ᠴᠠᠭᠠᠨ ᠢᠮᠠᠬ᠋ᠠ
ᠰᠠᠵᠢᠬ ᠰᠠᠵᠢᠬ
ᠭᠠᠭᠴᠠ ᠮᠣᠲᠣ
ᠭᠣᠵᠣᠭ ᠭᠣᠵᠣᠭ
( ᠠᠶ᠋ᠢᠷᠠᠭ ᠪᠦᠯᠢᠬᠦ )
ᠭᠡᠷ ᠦ᠋ᠨ ᠬᠣᠶ᠋ᠢᠨᠠ ᠭᠡᠲᠡᠩ ᠭᠣᠲᠣᠩ
ᠭᠡᠲᠡᠰᠦ ᠪᠡᠨ ᠮᠠᠭᠠᠵᠢᠭᠠᠳ ᠰᠥᠯᠬᠡᠩ ᠰᠠᠯᠬᠠᠩ
( ᠠᠶ᠋ᠢᠷᠠᠭ ᠪᠦᠯᠢᠬᠦ )
ᠴᠠᠭᠠᠭᠴᠢ ᠭᠡᠭᠦᠦ ᠶ᠋ᠢ ᠵᠣᠲᠣᠭᠰᠠᠭᠠᠷ ᠪᠠᠶ᠋ᠢᠵᠤ
ᠰᠠᠷᠠᠯ ᠤᠨᠠᠬ᠋ᠠ ᠶ᠋ᠢ ᠲᠣᠰᠤᠭᠠᠳ ᠠᠪᠤᠯᠠ
( ᠥᠷᠥᠮᠡ ᠡᠷᠴᠢᠭᠡᠬᠦ )
ᠲᠦᠨᠲᠦᠭᠡᠷ ᠡᠮᠡᠭᠡᠨ
ᠲᠦᠮᠡᠨ ᠬᠣᠨᠢ ᠲᠠᠭᠤᠨᠠ
(ᠲᠠᠷᠢᠶᠠ ᠪᠤᠯᠤᠲᠠᠬᠤ )
ᠳᠦᠷᠪᠡᠨ ᠵᠠᠭᠠᠨ ᠨᠢ ᠲᠣᠭᠯᠠᠨᠠ
ᠳᠦᠷᠪᠡᠯᠵᠢᠨ ᠮᠣᠲᠣ ᠪᠠᠷ ᠬᠥᠰᠢᠨᠡ
ᠨᠠᠢ᠍ᠮᠠᠨ ᠡᠪᠦᠭᠡᠨ ᠨᠠᠶ᠋ᠢᠭᠤᠨᠠ
ᠨᠤᠭᠤᠰᠤ ᠭᠠᠯᠠᠭᠤ ᠵᠢᠪᠪᠦᠨᠡ
ᠬᠥᠬᠡ ᠰᠣᠯᠣᠩᠬ᠋ᠠ ᠲᠠᠲᠠᠨᠠ
ᠬᠥᠷᠥᠰᠥᠲᠦ ᠲᠠᠯᠠ ᠶ᠋ᠢ ᠡᠷᠭᠢᠭᠦᠯᠦᠨᠡ
ᠠᠮᠢᠲᠤ ᠡᠷᠲᠡᠨᠢ ᠳᠠᠭᠠᠨᠠ
ᠠᠯᠲᠠᠨ ᠮᠣᠭᠠᠢ ᠰᠢᠷᠪᠡᠨᠡ
(ᠲᠠᠷᠢᠶᠠ ᠠᠪᠬᠤ )
ᠳᠠᠮ ᠬᠠᠷᠠ ᠪᠠᠷ ᠳᠠᠷᠤᠨᠠ
ᠳᠠᠪᠤᠤ ᠪᠦᠰᠡ ᠪᠦᠰᠡᠯᠡᠭᠦᠯᠦᠨᠡ
ᠬᠣᠷᠯᠣᠠ ᠮᠠᠨᠢ ᠡᠷᠭᠢᠭᠦᠯᠦᠨᠡ
ᠬᠣᠣᠷᠲᠤ ᠮᠣᠭᠠᠢ ᠳᠤᠤᠭᠠᠷᠤᠨᠠ
ᠪᠤᠭᠤ ᠶ᠋ᠢᠨ ᠡᠪᠡᠷ ᠶ᠋ᠢᠡᠷ ᠰᠡᠵᠢᠨᠡ
ᠪᠤᠯᠠᠭᠠᠨ ᠰᠡᠭᠦᠯ ᠶ᠋ᠢᠡᠷ ᠢᠯᠪᠡᠨᠡ
( ᠲᠠᠷᠢᠶᠠ ᠠᠪᠬᠤ )
ᠬᠣᠩᠬᠣᠷ ᠳᠣᠲᠣᠷᠠ
ᠬᠣᠨᠢ ᠬᠤᠷᠠᠭᠠᠯᠠᠨᠠ
ᠣᠴᠢᠭᠠᠳ ᠠᠪᠤᠨᠠ ᠭᠡᠬᠦ ᠳ᠋ᠦ᠍
ᠰᠢᠲᠦ ᠪᠡᠨ ᠢᠷᠵᠠᠶ᠋ᠢᠯᠭᠠᠨᠠ
( ᠲᠠᠷᠢᠶᠠ ᠠᠪᠬᠤ )
ᠲᠠᠶ᠋ᠢᠵᠢ ᠶ᠋ᠢᠨ ᠲᠡᠮᠡᠭᠡ
ᠲᠠᠷᠠᠤ ᠪᠡᠯᠴᠢᠨᠡ
ᠲᠠᠷᠭᠤᠨ ᠰᠢᠷᠠ ᠪᠤᠤᠷᠠ
ᠳᠠᠪᠬᠢᠭᠠᠳ ᠭᠠᠷᠤᠨᠠ
( ᠲᠠᠷᠢᠶᠠ ᠠᠪᠬᠤ )
ᠲᠠᠯᠠ ᠳᠡᠭᠡᠷᠡ
ᠲᠠᠴᠢᠬ ᠪᠠᠴᠢᠬ ᠭᠡᠳ
ᠲᠠᠷᠭᠤᠨ ᠪᠣᠷᠣ ᠠᠵᠢᠷᠬ᠋ᠠ
ᠳᠡᠰ ᠨᠢᠰ ᠭᠡᠨᠡ
( ᠲᠠᠷᠢᠶᠠ ᠠᠪᠬᠤ )
ᠠᠬᠠ ᠶ᠋ᠢᠨ ᠠᠲᠤᠭᠤ
ᠠᠯᠠᠭ ᠪᠤᠯᠠᠭ
ᠳᠡᠭᠦᠦ ᠶ᠋ᠢᠨ ᠠᠲᠤᠭᠤ
ᠳᠤᠩ ᠴᠠᠭᠠᠨ
( ᠪᠤᠲᠠᠬ᠋ᠠ ᠴᠠᠶ᠋ᠢᠯᠭᠠᠬᠤ )
ᠦᠢᠯᠭᠡ ᠶ᠋ᠢᠨ ᠳᠠᠪᠠᠬ᠋ᠠ ᠤᠷᠤᠭᠤ
ᠦᠢ ᠲᠦᠮᠡᠨ ᠴᠡᠷᠢᠭ ᠣᠷᠣᠨᠠ
( ᠪᠤᠲᠠᠬ᠋ᠠ ᠴᠠᠶ᠋ᠢᠯᠭᠠᠬᠤ )
ᠲᠦᠭ ᠲᠦᠮᠡᠨ ᠠᠪᠤ ᠲᠠᠢ
ᠲᠦᠮᠡᠨ ᠰᠢᠷᠠ ᠬᠡᠥᠬᠡᠳ ᠲᠡᠢ
ᠣᠯᠣᠭᠠᠢ ᠮᠤᠬᠤᠷ ᠡᠵᠢ ᠲᠡᠢ
ᠣᠯᠠᠨ ᠰᠢᠷᠠ ᠬᠡᠥᠬᠡᠳ ᠲᠡᠢ
( ᠪᠤᠳᠠᠭᠠ ᠨᠦᠳᠦᠬᠦ )
ᠦᠷᠯᠥᠭᠡ ᠪᠥᠷᠢ
ᠥᠯᠥᠨ ᠪᠤᠤᠷᠠ ᠣᠷᠣᠮᠳᠠᠨᠠ
( ᠴᠠᠢ ᠨᠦᠳᠦᠬᠦ )
ᠡᠯᠢᠭᠡ ᠨᠢ ᠡᠷᠭᠢᠯᠳᠦᠭᠡᠳ ᠪᠠᠶ᠋ᠢᠨᠠ
ᠡᠷᠬᠢ ᠨᠢ ᠨᠤᠷᠠᠭᠠᠳ ᠪᠠᠶ᠋ᠢᠨᠠ
( ᠲᠠᠷᠢᠶᠠ ᠪᠤᠯᠤᠳᠠᠬᠤ )
ᠡᠯᠢᠶᠡ ᠨᠢ ᠡᠷᠭᠢᠨᠡ
ᠡᠷᠬᠢ ᠨᠢ ᠨᠤᠷᠠᠨᠠ
ᠭᠠᠯᠠᠭᠤ ᠨᠢ ᠭᠠᠩᠭᠠᠨᠠᠨᠠ
ᠭᠠᠭᠴᠠ ᠮᠤᠳᠤ ᠨᠢ ᠨᠠᠶ᠋ᠢᠭᠤᠨᠠ
( ᠲᠠᠷᠢᠶᠠ ᠪᠤᠯᠤᠳᠠᠬᠤ )
ᠪᠢ ᠮᠠᠯᠲᠠᠨᠠ
ᠪᠦᠳᠥᠨᠡ ᠭᠡᠪᠲᠡᠨᠡ
( ᠭᠠᠯ ᠮᠠᠨᠠᠬᠤ )
ᠪᠢ ᠮᠠᠯᠲᠠᠨᠠ
ᠪᠦᠵᠦᠩ ᠭᠡᠪᠲᠡᠨᠡ
( ᠭᠠᠯ ᠮᠠᠨᠠᠬᠤ )
ᠤᠯᠠᠭᠠᠨ ᠬᠦᠦ
ᠤᠯᠠᠭᠠ ᠨᠡᠭᠡᠭᠡᠳ ᠭᠠᠷᠣᠭᠰᠠᠨ
ᠣᠳᠣ ᠪᠣᠯᠲᠠᠯᠠ ᠠᠯᠠᠭᠠ
( ᠣᠴᠢ ᠦᠰᠦᠷᠬᠦ )
ᠰᠡᠶ᠋ᠢᠮᠡᠬᠢ ᠰᠠᠬᠢᠭᠤᠰᠤ ᠪᠠᠨ ᠠᠷᠤ ᠳ᠋ᠠᠭᠠᠨ ᠵᠠᠯᠠᠭᠠᠳ
ᠰᠢᠷᠳᠡᠮᠡᠯ ᠵᠢᠳᠠ ᠪᠠᠨ ᠪᠠᠷᠠᠭᠤᠨ ᠮᠤᠲᠤᠷ ᠲᠠᠭᠠᠨ ᠪᠠᠷᠢᠭᠠᠳ
ᠪᠣᠯᠭᠤ ᠪᠣᠯᠭᠤ ᠲᠠᠰᠢᠭᠠᠳ
ᠪᠤᠴᠠᠬᠤ ᠳ᠋ᠠᠭᠠᠨ ᠢᠨᠴᠠᠭᠯᠠᠨ ᠵᠢᠳᠭᠦᠬᠦ
( ᠠᠷᠭᠠᠯ ᠲᠡᠭᠦᠬᠦ )
ᠨᠠᠭᠠᠷᠠᠨ ( ᠨᠠᠭᠠᠨᠠ ) ᠳ᠋ᠠᠭᠠᠨ ᠰᠣᠪᠠᠢ
ᠴᠠᠭᠠᠷᠠᠨ ( ᠴᠠᠭᠠᠨᠠ ) ᠳ᠋ᠠᠭᠠᠨ ᠬᠠᠶ᠋ᠢᠮᠠᠯ
( ᠠᠷᠭᠠᠯ ᠲᠡᠭᠦᠬᠦ )
ᠶᠡᠬᠡ ᠰᠢᠷᠭᠠ ᠶ᠋ᠢ ᠤᠨᠤᠭᠠᠳ
ᠪᠠᠭᠠ ᠰᠢᠷᠭᠠ ᠶ᠋ᠢ ᠭᠥᠲᠥᠯᠦᠭᠡᠳ
ᠲᠠᠯᠠ ᠶ᠋ᠢᠨ ᠠᠳᠤᠭᠤ ᠶ᠋ᠢ
ᠲᠠᠰᠤ ᠰᠢᠯᠪᠢᠭᠦᠷᠳᠡᠨᠡ
( ᠠᠷᠭᠠᠯ ᠲᠡᠭᠦᠬᠦ )
ᠣᠴᠢᠬᠤ ᠳ᠋ᠠᠭᠠᠨ ᠬᠤᠰᠠᠷᠠ
ᠢᠷᠡᠬᠦ ᠳ᠋ᠡᠭᠡᠨ ᠬᠡᠭᠡᠯ ᠲᠡᠢ
( ᠠᠷᠭᠠᠯ ᠲᠡᠭᠦᠬᠦ )
ᠲᠠᠯᠠ ᠶ᠋ᠢᠨ ᠠᠳᠤᠭᠤ ᠶ᠋ᠢ
ᠳᠠᠭᠢᠷ ᠤᠷᠭᠠ ᠪᠠᠷ ᠬᠤᠷᠢᠶᠠᠬᠤ ᠳ᠋ᠦ᠍
ᠲᠠᠷᠭᠤᠨ ᠠᠵᠢᠷᠭᠠ ᠦᠯᠡᠳᠡᠨᠡ
( ᠠᠷᠭᠠᠯ ᠲᠡᠭᠦᠬᠦ )
ᠲᠠᠪᠤᠨ ᠠᠭᠤᠯᠠ ᠶ᠋ᠢᠨ ᠣᠷᠣᠢ ᠳᠡᠭᠡᠷᠡ
ᠲᠠᠭᠯᠠᠭᠠ ᠦᠭᠡᠢ ᠰᠠᠭᠤᠯᠠᠭᠠ
( ᠠᠶᠠᠭᠠ ᠪᠠᠷᠢᠬᠤ )
ᠳᠣᠯᠣᠭᠠᠨ ᠨᠠᠭᠤᠷ ᠤᠨ ᠠᠳᠤᠭᠤᠨ ᠤ
ᠳᠣᠭᠰᠢᠨ ᠭᠡᠳᠡᠭ ᠨᠢ ᠶᠠᠷᠢᠶᠠᠨ ᠦᠭᠡᠢ
ᠳᠣᠨᠳᠤᠪ ᠳᠣᠶ᠋ᠢᠷᠣᠪ ᠬᠣᠶᠠᠭᠤᠯᠠ ᠶ᠋ᠢᠨ
ᠤᠷᠭᠠᠯᠠᠭᠠᠴᠢ ᠭᠡᠳᠡᠭ ᠨᠢ ᠶᠠᠷᠢᠶᠠᠨ ᠦᠭᠡᠢ
( ᠪᠠᠩᠰᠢ ᠢᠳᠡᠬᠦ )
ᠲᠠᠪᠤᠯᠳᠠᠢ ᠨᠢ ᠠᠪᠤᠭᠠᠳ
ᠠᠷᠪᠠᠯᠳᠠᠢ ᠳ᠋ᠠᠭᠠᠨ ᠦᠭᠬᠦ
ᠠᠷᠪᠠᠯᠲᠠᠢ ᠨᠢ ᠠᠪᠤᠭᠠᠳ
ᠨᠢᠴᠦᠭᠦᠯᠳᠡᠢ ᠳ᠋ᠡᠭᠡᠨ ᠦᠭᠭᠦ
ᠨᠢᠴᠦᠭᠦᠯᠳᠡᠢ ᠨᠢ ᠠᠪᠤᠭᠠᠳ
ᠨᠦᠬᠡᠨ ᠤᠷᠤᠭᠤ ᠪᠠᠨ ᠬᠢᠬᠦ
( ᠬᠣᠭᠣᠯᠠ ᠢᠳᠡᠬᠦ )
ᠴᠠᠭᠠᠨ ᠮᠣᠷᠢ ᠴᠠᠪᠴᠢᠯᠠ
ᠴᠠᠰᠢ ᠨᠠᠰᠢ ᠳᠦᠯᠬᠢᠯᠡ
ᠬᠤᠯᠠ ᠮᠣᠷᠢ ᠬᠤᠳᠬᠤᠯᠠ
ᠬᠣᠳᠳᠤᠭ ᠤᠷᠤᠭᠤ ᠪᠠᠨ ᠲᠦᠯᠬᠢᠯᠡ
( ᠬᠣᠭᠣᠯᠠ ᠢᠳᠡᠬᠦ )
ᠡᠷᠡᠮᠡᠭ ᠰᠢᠷᠠᠭᠴᠢ ᠭᠡᠭᠦᠦ ᠡᠴᠡ
ᠡᠷᠡ ᠬᠠᠷᠠ ᠤᠨᠠᠭᠠ ᠭᠠᠷᠤᠨᠠ
ᠡᠭᠦᠨ ᠢ ᠰᠤᠷᠭᠠᠭᠰᠠᠨ ᠬᠦᠮᠥᠨ
ᠡᠷᠭᠢᠭᠦᠦ ᠲᠡᠨᠡᠭ ᠪᠣᠯᠤᠨᠠ
( ᠠᠷᠢᠬᠢ ᠤᠤᠭᠤᠬᠤ )
ᠡᠵᠡᠨ ᠬᠠᠭᠠᠨ ᠤ ᠢᠯ ᠴᠠᠭᠠᠨ ᠭᠡᠭᠦᠦ ᠡᠴᠡ
ᠡᠷᠡ ᠬᠠᠷᠠ ᠤᠨᠠᠭᠠ ᠭᠠᠷᠴᠠᠢ
ᠡᠭᠦᠨ ᠢ ᠡᠷᠭᠢᠨ ᠲᠣᠭᠣᠷᠢᠬᠰᠠᠨ ᠤᠯᠤᠰ
ᠡᠷᠭᠢᠭᠦᠦ ᠲᠡᠨᠡᠭ ᠡᠪᠡᠳᠴᠢᠲᠡᠢ ᠪᠣᠯᠵᠠᠢ
( ᠠᠷᠢᠬᠢᠨ ᠳᠤ ᠰᠣᠭᠲᠣᠬᠤ )
ᠬᠣᠲᠣᠭᠣᠷ ᠲᠣᠲᠣᠷᠠ
ᠬᠣᠶᠠᠷ ᠵᠠᠩᠵᠤᠨ ᠪᠠᠶ᠋ᠢᠯᠳᠤᠨᠠ
ᠵᠢᠯᠠᠭᠠ ᠤᠷᠤᠭᠤ
ᠲᠥᠮᠨᠨ ᠴᠡᠷᠢᠭ ᠴᠣᠪᠤᠨᠠ
( ᠠᠶᠠᠭᠠ ᠪᠠᠷ ᠪᠤᠳᠠᠭᠠ ᠢᠳᠡᠬᠦ )
ᠴᠢᠪᠠᠭᠠᠨᠴᠠ ᠳᠤ ᠪᠠᠷᠢᠬᠳᠠᠭᠠᠳ
ᠴᠠᠭᠠᠯᠬᠠᠢ ᠪᠠᠷ ᠴᠠᠪᠴᠢᠬᠳᠠᠭᠠᠳ
ᠬᠤᠯᠤ ᠪᠠᠷ ᠬᠤᠳᠬᠤᠭᠠᠳ
ᠬᠤᠳᠳᠤᠭ ᠤᠷᠤᠭᠤ ᠴᠢᠬᠢᠨᠡ
( ᠬᠣᠭᠣᠯᠠ ᠢᠳᠡᠬᠦ )
ᠡᠯᠪᠡᠭ ᠬᠠᠷᠠ ᠪᠠᠷ ᠡᠬᠢᠯᠡᠭᠦᠯᠦᠭᠡᠳ
ᠡᠷᠳᠡᠨᠢ ᠨᠡᠪᠴᠢ ᠥᠩᠭᠡᠯᠡᠭᠦᠯᠦᠭᠡᠳ
ᠬᠤᠯᠤᠰᠤᠨ ᠰᠢᠷᠭᠠ ᠪᠠᠷ ᠬᠣᠪᠢᠷᠠᠭᠤᠯᠤᠭᠠᠳ
ᠬᠤᠷᠳᠤᠨ ᠴᠠᠭᠠᠨ ᠢᠶ᠋ᠠᠷ ᠪᠢᠯᠬᠠᠭᠤᠯᠤᠨᠠ
( ᠴᠠᠢ ᠴᠢᠨᠠᠵᠤ ᠰᠦᠯᠡᠬᠦ )
ᠲᠠᠪᠤᠨ ᠠᠭᠤᠯᠠ ᠶ᠋ᠢᠨ ᠣᠷᠣᠢ ᠳᠡᠭᠡᠷᠡ
ᠲᠠᠩᠰᠤᠭ ᠪᠦᠷᠢᠳᠦᠭᠰᠡᠨ ᠨᠠᠭᠤᠷ
ᠲᠠᠭᠠᠯᠠᠵᠤ ᠬᠡᠷᠡᠭᠯᠡᠬᠦ ᠳᠦ ᠠᠮᠲᠠᠲᠠᠶ᠋ᠢᠬᠠᠨ
ᠲᠠᠭᠠᠷᠠᠯᠳᠤᠵᠤ ᠢᠷᠡᠪᠡᠯ ᠪᠠᠰᠠ ᠲᠡᠳᠦᠢ ᠦᠭᠡᠢ
( ᠴᠠᠢ ᠤᠤᠭᠤᠬᠤ )
ᠬᠦᠮᠥᠨ ᠬᠥᠮᠦᠨ ᠬᠦᠷᠢᠶᠡᠯᠡᠨᠡ
ᠬᠦᠷᠡᠩ ᠠᠵᠢᠷᠭᠠ ᠵᠢᠷᠣᠭᠠᠯᠠᠨᠠ
ᠲᠠᠭᠠᠬᠠᠢ ( ᠲᠠᠭᠠᠲᠠᠢ ) ᠳᠠᠭᠰᠢᠨᠠ
ᠲᠠᠪᠤᠨ ᠬᠤᠷᠤᠭᠤ ᠯᠤᠭᠰᠢᠨᠠ
( ᠴᠠᠢ ᠪᠤᠴᠠᠯᠭᠠᠵᠤ ᠤᠤᠭᠤᠬᠤ )
ᠱᠠᠭᠠᠵᠠᠭᠠᠢ ᠱᠠᠭ ᠱᠠᠭ
ᠰᠢᠷᠠᠬᠦᠦ ᠪᠦᠭ ᠪᠦᠭ
ᠬᠤᠯᠤᠭᠠᠨᠠ ᠬᠤᠷᠳᠤᠨ
ᠬᠣᠪ ᠬᠠᠷᠠ ᠲᠦᠷᠭᠡᠨ
( ᠴᠠᠢ ᠴᠢᠨᠠᠬᠤ )
ᠲᠡᠮᠡᠴᠠᠭᠠᠨ ᠬᠠᠲᠤᠨ ᠡᠪᠡᠳᠬᠦ ᠳᠦ
ᠲᠠᠪᠤᠨ ᠬᠢᠶᠡ ᠦᠢᠯᠡᠴᠢᠯᠡᠨᠡ
( ᠰᠢᠳᠦ ᠰᠢᠪᠡᠬᠦ )
ᠲᠠᠢ ᠲᠠᠢ ᠡᠵᠢ ᠨᠢ ᠡᠪᠡᠳᠦᠭᠡᠳ
ᠲᠠᠪᠤᠨ ᠢᠨᠵᠢ ᠪᠡᠨ ᠵᠠᠷᠤᠭᠠᠳ
ᠵᠡᠭᠦᠴᠢ ᠪᠠᠭᠰᠢ ᠶ᠋ᠢ ᠵᠠᠯᠠᠵᠤ
ᠵᠡᠭᠦᠯᠡᠵᠦ ᠬᠠᠳᠬᠤᠭᠠᠳ ᠡᠳᠡᠭᠡᠭᠡᠪᠡ
( ᠰᠢᠳᠦ ᠰᠢᠪᠡᠬᠦ )
ᠭᠦᠨ ᠬᠤᠳᠳᠤᠭ ᠲᠦ
ᠭᠦᠩᠭᠡᠷ ᠭᠠᠩᠭᠠᠷ
( ᠬᠦᠮᠦᠨ ᠬᠡᠯᠡᠯᠴᠡᠬᠦ )
ᠤᠷᠳᠤ ᠶ᠋ᠢᠨ ᠭᠣᠣᠯ ᠢᠶ᠋ᠠᠷ
ᠤᠨᠢᠶᠠᠷ ᠲᠠᠲᠠᠨᠠ
ᠤᠷᠢᠳᠤ ᠲᠣᠯᠣᠭᠠᠢ ᠳᠤ
ᠲᠣᠶ᠋ᠢᠮᠠᠷ ᠰᠢᠲᠠᠨᠠ
( ᠭᠠᠩᠰᠠ ᠪᠠᠷ ᠲᠠᠮᠠᠬᠢ ᠲᠠᠲᠠᠬᠤ )
ᠭᠤᠷᠪᠠᠯᠵᠢᠨ ᠲᠣᠯᠣᠭᠠᠢ ᠳᠤ
ᠬᠣᠷᠣ ᠪᠤᠴᠠᠯᠤᠨᠠ
( ᠭᠠᠩᠰᠠ ᠪᠠᠷ ᠲᠠᠮᠠᠬᠢ ᠲᠠᠲᠠᠬᠤ )
ᠪᠠᠷᠠᠭᠤᠨ ᠭᠠᠵᠠᠷ ᠤᠨ ᠪᠠᠭᠰᠢ
ᠪᠠᠯᠭᠠᠷ ᠮᠤᠳᠤᠨ ᠤ ᠨᠠᠪᠴᠢ
ᠬᠣᠨ ᠭᠠᠯᠠᠭᠤᠨ ᠬᠦᠵᠦᠭᠦᠦ
ᠬᠤᠷᠮᠤᠰᠲᠠ ᠲᠡᠭᠷᠢ ᠶ᠋ᠢᠨ ᠮᠠᠨᠠᠨ
( ᠭᠠᠩᠰᠠ ᠪᠠᠷ ᠲᠠᠮᠠᠬᠢ ᠲᠠᠲᠠᠬᠤ )
ᠬᠦᠬᠦ ᠶ᠋ᠢ ᠨᠢ ᠬᠦᠬᠦᠵᠦ
ᠬᠦᠢᠰᠦ ᠶ᠋ᠢ ᠨᠢ ᠲᠥᠭᠡᠨᠡᠨᠡ
( ᠭᠠᠩᠰᠠ ᠪᠠᠷ ᠲᠠᠮᠠᠬᠢ ᠲᠠᠲᠠᠬᠤ )
ᠮᠠᠨ ᠤ ᠡᠨᠳᠡ ᠮᠠᠨᠠᠨ ᠲᠠᠲᠠᠨᠠ
ᠮᠠᠩᠭᠤᠰ ᠤᠨ ᠲᠣᠯᠣᠭᠠᠢ ᠳᠤ ᠲᠤᠶ᠋ᠢᠮᠡᠷ ᠰᠢᠲᠠᠨᠠ
( ᠭᠠᠩᠰᠠ ᠪᠠᠷ ᠲᠠᠮᠠᠬᠢ ᠲᠠᠲᠠᠬᠤ )
ᠭᠡᠷᠡᠯ ᠪᠠᠲᠠᠷᠠᠮᠠᠭᠴᠠ ᠡᠭᠦᠯᠡ ᠨᠡᠭᠥᠨᠡ
( ᠲᠠᠮᠠᠬᠢ ᠲᠠᠲᠠᠬᠤ )
ᠲᠣᠲᠣᠷ ᠭᠠᠵᠠᠷ ᠤᠨ ᠨᠠᠪᠴᠢᠨ ᠭᠠᠶ᠋ᠢᠬᠠᠯ
ᠳᠠᠭᠤᠰᠲᠠᠯᠠ ᠰᠢᠲᠠᠬᠤ ᠦᠨᠡᠰᠦᠨ ᠭᠠᠶ᠋ᠢᠬᠠᠯ
ᠪᠤᠯᠠᠢ ᠲᠠᠷᠢᠲᠠᠭ ᠤᠷᠰᠢᠬᠲᠤ ᠭᠠᠶ᠋ᠢᠬᠠᠯ
ᠪᠥᠬᠦᠨ ᠊ᠢ ᠬᠣᠣᠷᠯᠠᠲᠠᠭ ᠬᠥᠨᠥᠭᠡᠯᠲᠦ ᠭᠠᠶ᠋ᠢᠬᠠᠯ
( ᠲᠠᠮᠡᠬᠢ )
ᠭᠠᠲᠠᠰᠤᠨ ᠪ ᠦᠵᠦᠭᠦᠷ ᠭᠠᠯ ᠠᠰᠠᠭᠠᠪᠠ
( ᠲᠠᠮᠠᠬᠢ ᠲᠠᠲᠠᠬᠤ )
ᠤᠶᠠᠭᠠᠨ ᠪ ᠦᠵᠦᠭᠦᠷ ᠡᠴᠡ ᠤᠲᠤᠬ᠋ᠠ ᠪᠤᠷᠭᠢᠨᠠ
(ᠲᠠᠮᠡᠬᠢ ᠳᠠᠲᠠᠬᠤ )
ᠳᠡᠷᠡᠰᠦᠨ ᠡᠭᠦᠲᠡ ᠳᠡᠪᠢᠬᠦ ᠳ᠋ᠦ᠍
ᠳᠡᠷᠭᠡᠳᠡᠬᠢ ᠬᠦᠮᠦᠨ ᠨᠢ ᠰᠣᠨᠤᠰᠬᠤ ᠦᠭᠡᠢ
( ᠨᠢᠲᠦ ᠴᠪᠴᠢᠬᠤ )
ᠪᠤᠷᠬᠠᠨ ᠪ ᠬᠦᠦ ᠪᠤᠷᠭᠠᠰᠤ ᠪᠠᠷ ᠨᠠᠭᠠᠲᠤᠨᠠ
(ᠨᠢᠲᠦ ᠴᠪᠴᠢᠬᠤ )
ᠠᠲᠠᠨ ᠲᠡᠮᠡᠭᠡ ᠠᠩᠭᠠᠰ ᠬᠢᠬᠦ
ᠠᠷᠭᠠᠮᠵᠢ ᠶ᠋ᠢᠨ ᠦᠵᠦᠭᠦᠷ ᠭᠢᠯᠠᠰ ᠬᠢᠬᠦ
( ᠡᠷᠦᠬᠡ ᠳᠠᠲᠠᠬᠤ )
ᠬᠡᠯᠦᠩ ᠯᠠᠮᠠ ᠭᠡᠲᠠᠷᠬᠦ ᠪᠡᠨ ᠤᠨᠠᠬᠤ
( ᠡᠷᠤᠬᠡ ᠳᠠᠲᠠᠬᠤ )
ᠭᠡᠷ ᠶ᠋ᠢᠡᠷ ᠡᠷᠭᠢᠭᠰᠡᠭᠡᠷ
ᠭᠡᠲᠡᠰᠦ ᠪᠡᠨ ᠴᠠᠤᠠᠬᠠᠭᠠᠪᠠ
( ᠤᠲᠠᠰᠤ ᠡᠭᠡᠷᠡᠬᠦ )
ᠡᠷᠢᠶᠡᠨ ᠦᠬᠡᠷ
ᠡᠷᠭᠢᠯᠲᠦᠨ ᠡᠷᠭᠢᠯᠲᠦᠨ ᠲᠠᠷᠭᠤᠯᠠᠨᠠ
( ᠤᠲᠠᠰᠤ ᠡᠭᠡᠷᠡᠬᠦ )
ᠪᠣᠷᠣ ᠢᠰᠢᠭᠡ
ᠪᠣᠨᠲᠤᠭᠤᠨᠠᠨ ᠪᠣᠨᠲᠤᠭᠤᠨᠠᠨ ᠲᠠᠷᠭᠤᠯᠠᠨᠠ
( ᠤᠲᠠᠰᠤ ᠡᠭᠡᠷᠡᠬᠦ )
ᠱᠤᠪᠠᠷ ᠱᠤᠪᠠᠷ ᠶᠠᠪᠤᠲᠠᠯ ᠲᠠᠢ
ᠰᠢᠪᠠᠭᠤᠨ ᠬᠥᠬᠡ ᠮᠣᠷᠢᠲᠠᠢ
( ᠵᠡᠭᠦᠦ ᠪᠡᠷ ᠣᠶᠤᠬᠤ )
ᠬᠠᠷᠠ ᠬᠤᠷᠠᠭᠠᠨ ᠮᠠᠯᠠᠭᠠᠢ ᠲᠠᠢ
ᠬᠠᠪᠲᠠᠭᠠᠢ ᠪᠥᠭᠲᠦᠷ ᠪᠡᠶᠡ ᠲᠠᠢ
ᠱᠣᠷ ᠱᠠᠷ ᠶᠠᠪᠤᠲᠠᠯ ᠲᠠᠢ
ᠰᠢᠯᠤᠭᠤᠨ ᠰᠠᠶ᠋ᠢᠬᠠᠨ ᠮᠥᠷ ᠲᠡᠢ
( ᠣᠶᠤᠲᠠᠯ ᠣᠶᠤᠬᠤ )
ᠨᠢᠭᠡ ᠨᠦᠬᠡ ᠪᠡᠷ ᠬᠣᠶᠠᠷ ᠮᠣᠭᠠᠢ ᠰᠦᠯᠵᠢᠯᠲᠦᠨᠡ
( ᠭᠤᠲᠤᠯ ᠤᠯᠠᠯᠠᠬᠤ )
ᠠᠩᠭᠠᠷ ᠵᠠᠩᠭᠠᠷ ᠣᠯᠠᠨ ᠭᠡᠰᠡᠭ
ᠠᠤᠠᠬᠤᠭᠠᠳ ᠠᠪᠤᠪᠠᠯ ᠬᠣᠶᠠᠷ ᠭᠡᠰᠡᠭ
( ᠭᠤᠲᠤᠯ ᠬᠠᠪᠴᠢᠬᠤ )
ᠦᠭᠡ ᠬᠡᠯᠡᠭᠡ ᠦᠭᠡᠢ ᠪᠠᠶ᠋ᠢᠬᠤ ᠳ᠋ᠤ᠌ ᠪᠠᠷᠢᠭᠠᠳ ᠠᠪᠤᠨᠠ
ᠡᠭᠦᠯᠡ ᠭᠠᠷᠤᠭᠠ ᠦᠭᠡᠢ ᠪᠠᠶ᠋ᠢᠬᠤ ᠳ᠋ᠤ᠌ ᠪᠣᠷᠣᠭᠠᠨ ᠣᠷᠣᠨᠠ
ᠦᠬᠦᠵᠦ ᠳᠠᠭᠤᠰᠤᠭᠠ ᠦᠭᠡᠢ ᠪᠠᠶ᠋ᠢᠬᠤ ᠳ᠋ᠤ᠌ ᠴᠢᠷᠦᠭᠡᠳ ᠶᠠᠪᠤᠨᠠ
( ᠢᠰᠡᠭᠡᠢ ᠬᠢᠬᠦ )
ᠲᠣᠯᠣᠭᠠᠢ ᠳᠡᠭᠡᠭᠦᠷ ᠲᠣᠭᠯᠠᠨ ᠨᠠᠭᠠᠳᠤᠨᠠ
ᠲᠣᠷᠭᠠᠨ ᠤᠲᠠᠰᠤ ᠵᠠᠩᠭᠢᠳᠤᠨ ᠨᠠᠭᠠᠳᠤᠨᠠ
ᠡᠷᠭᠢᠨ ᠳᠡᠭᠡᠭᠦᠷ ᠡᠷᠬᠡᠯᠡᠨ ᠨᠠᠭᠠᠳᠤᠨᠠ
ᠡᠷᠬᠡᠯᠡᠨ ᠲᠡᠭᠦᠯᠢᠭᠰᠡᠭᠡᠷ ᠭᠦᠶᠦᠵᠦ ᠨᠠᠭᠠᠲᠤᠨᠠ
( ᠢᠰᠡᠭᠡᠢ ᠬᠢᠬᠦ )
ᠠᠯᠲᠠᠢ ᠳᠡᠭᠡᠭᠦᠷ ᠭᠦᠶᠦᠳᠡᠭ
ᠠᠷᠪᠠᠨ ᠬᠣᠶᠠᠷ ᠠᠷᠭᠠᠯᠢ
ᠠᠯᠳᠠᠯ ᠦᠭᠡᠢ ᠨᠠᠮᠨᠠᠭᠠᠴᠢ
ᠠᠷᠰᠢ ᠶ᠋ᠢᠨ ᠬᠣᠶᠠᠷ ᠠᠩᠴᠢᠨ
( ᠱᠠᠭᠠ ᠬᠠᠷᠪᠤᠬᠤ )
ᠬᠣᠲᠠ ᠢᠷᠡᠵᠡᠢ
ᠬᠤᠷᠠᠬ᠋ᠠ ᠠᠯᠠᠵᠠᠢ
ᠬᠣᠲᠠ ᠨᠢ ᠰᠢᠲᠤ ᠦᠭᠡᠢ
ᠬᠤᠷᠠᠬ᠋ᠠ ᠨᠢ ᠶᠠᠰᠤ ᠦᠭᠡᠢ
( ᠬᠡᠦᠬᠡᠳ ᠬᠥᠬᠥᠬᠦ)
ᠪᠦᠩ ᠪᠦᠩ ᠭᠦᠶᠦᠭᠡᠳ ᠢᠷᠡᠨᠡ
ᠪᠥᠭᠡᠷᠡ ᠶ᠋ᠢ ᠨᠢ ᠰᠤᠭᠤᠯᠤᠭᠠᠳ ᠬᠠᠶᠠᠴᠢᠬᠠᠨᠠ
( ᠨᠢᠰᠦ ᠨᠢᠭᠢᠬᠦ )
ᠪᠥᠵᠥᠩ ᠲᠠᠤᠯᠠᠢ ᠪᠥᠭᠬᠦᠭᠡᠳ ᠢᠷᠡᠨᠡ
ᠪᠥᠭᠰᠡ ᠡᠴᠡ ᠨᠢ ᠠᠪᠤᠭᠠᠳ ᠰᠠᠵᠢᠭᠠᠳ ᠤᠨᠠᠭᠠᠨᠠ
( ᠨᠢᠰᠦ ᠨᠢᠭᠢᠬᠦ )
ᠬᠥᠨᠲᠡᠢ ᠪᠡᠷ ᠬᠥᠬᠡ ᠴᠢᠨᠣᠠ ᠭᠦᠶᠦᠭᠡᠳ ᠢᠷᠡᠬᠦ ᠳ᠋ᠦ᠍
ᠬᠦᠯ ᠡᠴᠡ ᠨᠢ ᠠᠪᠤᠭᠠᠳ ᠭᠠᠵᠠᠷ ᠰᠠᠪᠠᠨᠠ
( ᠨᠢᠰᠦ ᠨᠢᠭᠢᠬᠦ )
ᠲᠠᠭᠲᠠᠭᠠᠷ ᠬᠠᠲᠤᠨ ᠴᠢᠯᠡᠷᠡᠭᠡᠳ
ᠲᠠᠪᠤᠨ ᠡᠯᠴᠢ ᠪᠡᠨ ᠶᠠᠪᠤᠭᠤᠯᠵᠤ
ᠪᠦᠢ ᠪᠠᠭᠰᠢ ᠶ᠋ᠢ ᠵᠠᠯᠠᠵᠤ ᠢᠷᠡᠭᠡᠳ
ᠪᠥᠭᠡᠰᠦᠨ ᠡᠴᠡ ᠪᠠᠬ᠋ᠠ ᠭᠠᠢ ᠭᠠᠷᠭᠠᠪᠠ
( ᠥᠷᠭᠡᠰᠦ ᠠᠪᠬᠤ)
ᠪᠤᠯᠠᠭ ᠦ᠋ᠨ ᠡᠬᠢ ᠪᠡᠷ
ᠳᠠᠭᠠᠷᠢᠭᠠᠳ ᠭᠠᠷᠤᠯᠠ
ᠪᠣᠷᠣ ᠪᠤᠷᠭᠠᠰᠤ
ᠬᠠᠲᠤᠭᠠᠳ ᠭᠠᠷᠤᠯᠠ
( ᠡᠪᠴᠢᠭᠦᠦ ᠬᠠᠲᠤᠬᠤ)
ᠡᠪᠦᠭᠡᠨ ᠨᠢ ᠦᠴᠦᠩ ᠦᠴᠦᠩ
ᠡᠮᠡᠭᠡᠨ ᠨᠢ ᠠᠯᠴᠠᠩ ᠠᠯᠴᠠᠩ
ᠬᠥᠨᠵᠢᠯᠡ ᠨᠢ ᠬᠦᠪᠦᠩ ᠬᠦᠪᠦᠩ
ᠬᠥᠯ ᠭᠠᠷ ᠨᠢ ᠢᠲᠡᠩ ᠲᠡᠲᠡᠩ
( ᠬᠡᠲᠡᠷᠭᠡ ᠪᠡᠷ ᠠᠷᠠᠰᠤ ᠡᠯᠲᠡᠬᠦ )
ᠠᠭᠰᠠᠭᠠᠯᠲᠠᠢ ᠡᠮᠡᠭᠡᠨ ᠊ᠢ
ᠠᠷᠪᠠᠨ ᠬᠡᠦᠬᠡᠨ ᠮᠣᠷᠲᠠᠭᠤᠯᠤᠨᠠ
( ᠮᠠᠯᠠᠭᠠᠢ ᠡᠮᠦᠰᠬᠦ )
ᠠᠪᠠᠭᠠᠯᠲᠠᠢ ᠬᠦᠦ ᠶ᠋ᠢ
ᠠᠷᠪᠠᠭᠤᠯᠠ ᠪᠠᠨ ᠮᠣᠷᠲᠠᠭᠤᠯᠤᠨᠠ
( ᠮᠠᠯᠠᠭᠠᠢ ᠡᠮᠦᠰᠬᠦ )
ᠵᠢᠷᠣᠬ᠋ᠠ ᠬᠠᠷᠠ ᠨᠢ
ᠵᠣᠭᠰᠣᠵᠤ ᠪᠠᠶ᠋ᠢᠨᠠ
ᠵᠠᠭᠤᠲᠠᠭ ᠬᠠᠷᠠ ᠨᠢ
ᠴᠠᠪᠴᠢᠵᠤ ᠪᠠᠶ᠋ᠢᠨᠠ
( ᠭᠡᠵᠢᠭᠡ ᠰᠠᠮᠨᠠᠬᠤ)
ᠵᠠᠭᠤᠨ ᠠᠲᠤᠭᠤ ᠵᠣᠭᠰᠣᠵᠤ
ᠵᠢᠷᠣᠬ᠋ᠠ ᠰᠠᠷᠠᠯ ᠴᠠᠪᠴᠢᠨᠠ
ᠮᠢᠩᠭᠠᠨ ᠠᠲᠤᠭᠤ ᠵᠣᠭᠰᠣᠵᠤ
ᠮᠢᠲᠠᠭᠠᠷ ᠰᠠᠷᠠᠯ ᠴᠠᠪᠴᠢᠨᠠ
( ᠭᠡᠵᠢᠭᠡ ᠰᠠᠮᠨᠠᠬᠤ)
ᠪᠣᠰᠤᠨ ᠪᠣᠰᠤᠨ ᠪᠣᠷᠣ ᠳᠠᠬ᠋ᠠ ᠪᠠᠨ ᠵᠠᠶ᠋ᠢᠲᠠᠯᠠᠨᠠ
( ᠪᠣᠰᠤᠬ᠋ᠠ ᠠᠯᠬᠤᠬᠤ )
ᠭᠠᠵᠠᠷ ᠦ᠋ᠨ ᠬᠦᠦ ᠭᠠᠶ᠋ᠢᠬᠠᠨᠠ
ᠭᠠᠭᠴᠠ ᠮᠣᠲᠣ ᠨᠠᠶ᠋ᠢᠭᠤᠨᠠ
( ᠮᠣᠷᠢ ᠤᠷᠭᠠᠯᠠᠬᠤ )
ᠳᠡᠮ ᠰᠠᠶ᠋ᠢᠲᠤ ᠪᠦᠷᠭᠦᠳ
ᠲᠡᠯᠤ ᠰᠠᠶ᠋ᠢᠲᠤ ᠬᠠᠷᠴᠠᠭᠠᠢ
ᠤᠷᠲᠤ ᠰᠠᠶ᠋ᠢᠬᠠᠨ ᠴᠡᠯᠮᠡᠨ
ᠤᠷᠠᠨ ᠰᠠᠶ᠋ᠢᠬᠠᠨ ᠠᠷᠬ᠋ᠠ
( ᠮᠣᠷᠢ ᠤᠷᠭᠠᠯᠠᠬᠤ )
ᠤᠷᠲᠤ ᠰᠠᠶ᠋ᠢᠬᠠᠨ ᠤᠲᠠᠰᠤ
ᠤᠷᠠᠨ ᠰᠠᠶ᠋ᠢᠬᠠᠨ ᠰᠢᠨᠲᠠᠰᠤ
ᠳᠡᠪᠢᠭᠦᠷ ᠰᠠᠶ᠋ᠢᠲᠠᠢ ᠬᠠᠷᠴᠠᠭᠠᠢ
ᠳᠦᠷᠪᠡᠨ ᠬᠦᠯ ᠲᠡᠢ ᠰᠢᠷᠡᠭᠡ
( ᠮᠣᠷᠢ ᠤᠷᠭᠠᠯᠠᠬᠤ )
ᠳᠠᠴᠢ ᠶ᠋ᠢᠨ ᠲᠡᠷᠡ ᠲᠠᠯᠠ
ᠨᠠᠨ ᠲᠠᠯᠠ ᠬᠣᠶᠠᠷ ᠠ᠋ᠴᠠ
ᠬᠡᠨ ᠠᠯᠢᠨ ᠲᠠᠢ ᠪᠠᠨ
ᠬᠡᠯᠡ ᠠᠮᠠ ᠠᠪᠤᠯᠴᠠᠨᠠ
( ᠣᠯᠣᠩ ᠵᠢᠷᠢᠮ ᠲᠠᠲᠠᠬᠤ )
ᠮᠢᠬᠠᠨ ᠳᠠᠪᠠᠬ᠋ᠠ ᠶ᠋ᠢ ᠲᠡᠮᠦᠷ ᠱᠠᠲᠤ ᠪᠠᠷ ᠳᠠᠪᠠᠨᠠ
( ᠳᠥᠷᠥᠭᠡ ᠢᠰᠬᠦᠯᠦᠨ ᠮᠣᠷᠢ ᠤᠨᠤᠬᠤ )
ᠠᠷᠠᠰᠤᠨ ᠰᠢᠷᠡᠭᠡ
ᠠᠮᠢᠲᠤ ᠭᠦᠶᠦᠮᠡᠯ
ᠠᠪᠤ ᠨᠢ ᠰᠠᠭᠤᠮᠠᠯ
ᠬᠦᠦ ᠨᠢ ᠳᠦᠢᠪᠡᠭᠡᠭᠴᠢ
( ᠮᠣᠷᠢ ᠲᠠᠢ ᠬᠥᠮᠦᠨ )
ᠠᠭᠤᠯᠠ ᠶ᠋ᠢ ᠤᠲᠠᠰᠤ ᠪᠠᠷ ᠬᠥᠲᠥᠯᠦᠨᠡ
( ᠲᠡᠮᠡᠭᠡ ᠬᠥᠲᠥᠯᠬᠦ )
ᠬᠠᠷᠠ ᠨᠣᠬᠠᠢ ᠬᠠᠪ ᠭᠡᠵᠦ
ᠰᠢᠷᠠ ᠨᠣᠬᠠᠢ ᠱᠠᠪ ᠭᠡᠨᠡ
( ᠵᠡᠲᠤᠤ ᠪᠠᠷ ᠡᠪᠡᠰᠦ ᠬᠡᠷᠴᠢᠬᠦ )
ᠲᠣᠭᠣᠲᠠᠭ ᠲᠣᠩᠭᠣᠰ
ᠲᠣᠯᠢ ᠭᠢᠯᠠᠰ
( ᠡᠪᠡᠰᠦ ᠬᠠᠲᠤᠬᠤ )
ᠲᠦᠮᠡᠨ ᠠᠲᠤᠭᠤ ᠶ᠋ᠢ
ᠲᠡᠮᠦᠷ ᠶ᠋ᠢᠡᠷ ᠲᠠᠭᠤᠨᠠ
( ᠡᠪᠡᠰᠦ ᠬᠠᠲᠤᠬᠤ )
ᠭᠠᠷᠬᠤ ᠳ᠋ᠠᠭᠠᠨ ᠮᠣᠭᠠᠢ ᠡᠭᠦᠷᠦᠨᠡ
ᠢᠷᠡᠬᠦ ᠳ᠋ᠡᠭᠡᠨ ᠵᠠᠷᠠᠬ᠋ᠠ ᠡᠭᠦᠷᠦᠨᠡ
( ᠲᠦᠯᠡᠭᠡ ᠡᠭᠦᠷᠬᠦ )
ᠲᠣᠭᠣᠷᠤᠤ ᠲᠣᠩᠭᠣᠰ
ᠲᠣᠭᠣᠰᠣ ᠨᠢ ᠭᠢᠯᠠᠰ
( ᠲᠦᠯᠡᠭᠡ ᠬᠠᠭᠠᠯᠬᠤ )
ᠣᠢ ᠳᠣᠲᠣᠷᠠ
ᠥᠨᠲᠥᠷ ᠬᠥᠬᠡ ᠨᠣᠬᠠᠢ ᠬᠤᠴᠠᠨᠠ
( ᠰᠦᠬᠡ ᠪᠡᠷ ᠮᠣᠲᠣ ᠴᠠᠪᠴᠢᠬᠤ )
ᠬᠠᠲᠠᠨ ᠳᠡᠭᠡᠷᠡ
ᠬᠠᠷᠠ ᠮᠣᠷᠢ ᠵᠢᠷᠣᠭᠠᠯᠠᠨᠠ
( ᠬᠢᠲᠤᠬ᠋ᠠ ᠪᠢᠯᠡᠭᠦᠲᠡᠬᠦ )
ᠬᠠᠷᠠ ᠲᠣᠷᠬ᠋ᠠ
ᠨᠡᠮᠡᠰ ᠭᠡᠨᠡ
( ᠲᠣᠭᠣᠬ᠋ᠠ ᠬᠦᠯᠡᠬᠦ )
ᠳᠣᠪᠣᠴᠠᠭ ᠬᠠᠩᠭᠠᠢ ᠶ᠋ᠢᠨ ᠮᠣᠲᠣ ᠶ᠋ᠢ
ᠲᠤᠯᠠᠢ ᠮᠠᠩᠬᠠᠨ ᠪ ᠪᠦᠷᠭᠦᠳ ᠰᠢᠭᠦᠷᠦᠭᠡᠳ ᠶᠠᠪᠤᠯᠠ
( ᠦᠰᠦ ᠠᠪᠬᠤ )
ᠳᠣᠭᠣᠯᠠᠩ ᠱᠠᠭᠠᠵᠠᠭᠠᠢ
ᠳᠣᠪᠣ ᠲᠣᠭᠣᠷᠢᠨᠠ
( ᠦᠰᠦ ᠠᠪᠬᠤ )
ᠮᠢᠩᠭᠠᠨ ᠬᠣᠨᠢ ᠶ᠋ᠢ
ᠲᠡᠮᠦᠷ ᠰᠢᠯᠪᠢᠭᠦᠷ ᠶ᠋ᠢᠡᠷ ᠰᠢᠯᠪᠢᠭᠦᠷᠲᠡᠨᠡ
( ᠦᠰᠦ ᠠᠪᠬᠤ )
ᠬᠠᠷᠠ ᠪᠤᠤᠷᠠ ᠬᠠᠩᠭᠢᠰ ᠭᠡᠨᠡ
ᠬᠠᠵᠠᠭᠤ ᠶ᠋ᠢᠨ ᠡᠪᠡᠰᠦ ᠨᠤᠷᠠᠰ ᠭᠡᠨᠡ
( ᠦᠰᠦ ᠠᠪᠬᠤ )
ᠣᠷᠣᠢ ᠳ᠋ᠦ᠍ ᠭᠠᠷᠤᠭᠰᠠᠨ ᠠᠲᠤᠭᠤ ᠶ᠋ᠢ
ᠣᠭᠳᠤᠷ ᠪᠣᠷᠣ ᠪᠠᠷ ᠬᠤᠷᠢᠶᠠᠨᠠ
( ᠦᠰᠦ ᠠᠪᠬᠤ )
ᠣᠯᠠᠨ ᠮᠢᠩᠭᠠᠨ ᠬᠠᠷᠠ ᠬᠣᠨᠢ ᠶ᠋ᠢ
ᠨᠢᠭᠡ ᠲᠠᠶᠠᠭ ᠶ᠋ᠢᠠᠷ ᠭᠡᠯᠢᠨᠡ
( ᠦᠰᠦ ᠠᠪᠬᠤ )
ᠠᠷᠤ ᠶ᠋ᠢᠨ ᠠᠭᠤᠯᠠ ᠳ᠋ᠦ᠍ ᠠᠯᠢᠮᠠ ᠵᠢᠮᠢᠰ ᠲᠥᠷᠥᠵᠡᠢ
ᠠᠬᠠ ᠳᠡᠭᠦᠦ ᠠᠷᠪᠠᠭᠤᠯᠠ ᠣᠴᠢᠭᠠᠳ ᠠᠪᠴᠢᠷᠠᠵᠤ ᠴᠢᠲᠠᠭᠰᠠᠨ ᠦᠭᠡᠢ ᠶ᠋ᠢ
ᠠᠯᠠᠩᠲᠠᠢ ᠴᠠᠯᠠᠩᠲᠠᠢ ᠬᠣᠶᠠᠭᠤᠯᠠ ᠣᠴᠢᠭᠠᠳ
ᠠᠮᠠ ᠳ᠋ᠠᠭᠠᠨ ᠵᠠᠭᠤᠭᠠᠳ ᠢᠷᠡᠵᠡᠢ
( ᠬᠠᠪᠴᠢ ᠪᠠᠷ ᠭᠠᠯ ᠬᠠᠪᠴᠢᠬᠤ )
ᠰᠡᠯᠭᠢᠲᠤ ᠭᠣᠣᠯ ᠦ᠋ᠨ ᠠᠮᠠᠨ ᠳ᠋ᠦ᠍
ᠰᠠᠶ᠋ᠢᠬᠠᠨ ᠬᠣᠩᠭᠣᠷ ᠭᠡᠭᠦᠦ ᠤᠨᠠᠭᠠᠯᠠᠯᠠ
ᠠᠬᠠ ᠳᠡᠭᠦᠦ ᠠᠷᠪᠠᠭᠤᠯᠠ ᠠᠪᠴᠤ ᠶᠠᠲᠠᠭᠰᠠᠨ ᠊ᠢ
ᠠᠪᠤᠷᠭᠤ ᠬᠠᠷᠠ ᠭᠠᠭᠴᠠᠭᠠᠷ ᠶ᠋ᠢᠠᠨ ᠠᠪᠤᠯᠠ
( ᠬᠥᠭᠡᠷᠭᠡ ᠶ᠋ᠢᠨ ᠭᠠᠯ ᠳ᠋ᠦ᠍ ᠤᠯᠠᠶ᠋ᠢᠬᠰᠠᠨ ᠲᠡᠮᠦᠷ ᠊ᠢ ᠬᠠᠪᠴᠢᠬᠤ )
ᠬᠦᠢᠲᠡᠨ ᠰᠠᠯᠬᠢ ᠲᠠᠢ ᠬᠥᠨᠲᠡᠢ ᠶ᠋ᠢᠨ ᠠᠮᠠ ᠳ᠋ᠦ᠍
ᠬᠦᠷᠡᠩ ᠵᠡᠭᠡᠷᠲᠡ ᠭᠡᠭᠦᠦ ᠤᠨᠠᠭᠠᠯᠠᠭᠠᠳ
ᠬᠥᠮᠦᠨ ᠠᠮᠢᠲᠠᠨ ᠬᠠᠯᠠᠵᠤ ᠠᠪᠤᠭᠠᠲᠤᠢ ᠪᠠᠶ᠋ᠢᠬᠤ ᠳ᠋ᠦ᠍
ᠬᠤᠨ ᠰᠢᠪᠠᠭᠤ ᠬᠣᠰᠢᠭᠤ ᠪᠠᠷ ᠶ᠋ᠢᠠᠨ ᠵᠠᠭᠤᠨ ᠠᠪᠴᠢᠷᠠᠪᠠ
( ᠬᠠᠪᠴᠢᠭᠤᠷ ᠶ᠋ᠢᠠᠷ ᠬᠠᠯᠠᠭᠤᠨ ᠲᠡᠮᠦᠷ ᠬᠠᠪᠴᠢᠬᠤ )
ᠬᠥᠮᠦᠨ ᠬᠥᠮᠦᠨ ᠬᠦᠷᠢᠶᠡᠯᠡᠨᠡ
ᠬᠦᠷᠡᠩ ᠠᠵᠢᠷᠬ᠋ᠠ ᠵᠢᠷᠣᠭᠠᠯᠠᠨᠠ
( ᠴᠠᠮ ᠴᠠᠮᠨᠠᠬᠤ )
ᠲᠦᠮᠡᠨ ᠬᠣᠨᠢ ᠲᠦᠷᠳ᠋ᠬᠢᠨᠡ
ᠲᠦᠨᠲᠦᠭᠡᠷ ᠡᠮᠡ ᠤᠬᠤᠰᠬᠢᠨᠡ
( ᠪᠤᠲᠠᠬ᠋ᠠ ᠬᠠᠭᠤᠷᠬᠤ )
ᠡᠭᠦᠷᠢᠲᠡ ᠳᠡᠯᠭᠡᠷᠡᠭᠴᠢ ᠦᠵᠡᠰᠭᠦᠯᠡᠩᠲᠦ ᠯᠢᠩᠬᠤᠠ
ᠡᠪᠲᠡᠷᠡᠰᠢ ᠦᠭᠡᠢ ᠭᠤᠷᠪᠠᠨ ᠶᠡᠬᠡ ᠵᠢᠬᠰᠠᠭᠠᠯ
ᠡᠰᠡᠷᠭᠦᠴᠡᠨ ᠲᠤᠯᠬᠤ ᠳᠥᠷᠪᠡᠨ ᠮᠥᠷ ᠦ᠋ᠨ ᠪᠠᠭᠠᠲᠤᠷ
ᠡᠭᠦᠨ ᠊ᠢ ᠬᠠᠮᠢᠶᠠᠷᠬᠤ ᠠᠷᠪᠠ ᠭᠠᠷᠦᠢ ᠡᠷᠲᠡᠮᠲᠡᠨ
( ᠲᠤᠯᠬ᠋ᠠ ᠳ᠋ᠦ᠍ ᠭᠠᠯ ᠲᠦᠯᠡᠬᠦ )
ᠡᠯᠢᠶᠡ ᠨᠢ ᠡᠷᠭᠢᠨᠡ
ᠡᠯᠡᠰᠦ ᠨᠢ ᠨᠤᠷᠠᠨᠠ
ᠭᠠᠯᠠᠭᠤ ᠨᠢ ᠭᠠᠩᠭᠢᠨᠠᠨᠠ
ᠭᠠᠭᠴᠠ ᠮᠣᠲᠣ ᠨᠢ ᠨᠠᠶ᠋ᠢᠭᠤᠨᠠ
( ᠲᠠᠷᠢᠶᠠ ᠳᠡᠭᠡᠷᠡᠮᠳᠡᠬᠦ )
ᠪᠠᠬ᠋ᠠ ᠲᠩᠷᠢ ᠡᠴᠡ
ᠪᠠᠭ ᠪᠠᠭ ᠴᠠᠰᠤ ᠤᠨᠠᠨᠠ
( ᠭᠤᠯᠢᠷ ᠰᠠᠶ᠋ᠢᠵᠠᠲᠠᠬᠤ )
ᠡᠯᠢᠶᠡ ᠡᠷᠭᠢᠵᠦ
ᠡᠯᠡᠰᠦ ᠨᠤᠷᠠᠪᠠ
( ᠭᠤᠯᠢᠷ ᠳᠡᠭᠡᠷᠡᠮᠳᠡᠬᠦ )
ᠡᠮᠦᠨᠡ ᠡᠴᠡ ᠢᠷᠡᠭᠰᠡᠨ ᠴᠠᠭᠠᠨ ᠳᠡᠯᠳᠡᠭᠡᠢ
ᠥᠩᠬᠥᠷᠢᠵᠦ ᠲᠥᠩᠬᠥᠷᠢᠵᠦ ᠬᠤᠤᠠᠲᠤᠭ ᠲᠤ ᠤᠨᠠᠨᠠ
(ᠪᠡᠩᠰᠢ ᠴᠢᠨᠠᠬᠤ )
ᠡᠪᠡᠰᠦ ᠦᠭᠡᠢ ᠳᠥᠭᠥᠮ ᠤᠷᠤᠭᠤ
ᠡᠭᠦᠯᠡ ᠦᠭᠡᠢ ᠪᠣᠷᠣᠭᠠᠨ ᠣᠷᠣᠨᠠ
( ᠲᠣᠭᠣᠭᠠᠨ ᠳ᠋ᠦ᠍ ᠤᠰᠤ ᠬᠢᠬᠦ )
ᠡᠪᠡᠰᠦ ᠦᠭᠡᠢ ᠳᠥᠬᠦᠮ ᠳ᠋ᠦ᠍
ᠡᠯᠵᠢᠭᠡ ᠰᠡᠭᠦᠯ ᠶ᠋ᠢᠡᠨ ᠰᠢᠷᠪᠠᠨᠠ
( ᠲᠣᠭᠣᠬ᠋ᠠ ᠤᠬᠢᠶᠠᠬᠤ )
ᠮᠠᠯᠲᠠᠭᠠᠳ ᠯᠠ ᠪᠠᠶ᠋ᠢᠪᠠᠯ ᠭᠦᠨ ᠪᠣᠯᠤᠨᠠ
ᠮᠠᠭᠠᠵᠢᠭᠠᠳ ᠯᠠ ᠪᠠᠶ᠋ᠢᠪᠠᠯ ᠪᠤᠯᠠᠭ ᠤᠨᠲᠤᠷᠤᠨᠠ
( ᠬᠤᠤᠠᠲᠤᠭ ᠮᠠᠯᠲᠠᠬᠤ )
ᠪᠥᠭᠳᠦᠷ ᠮᠣᠲᠣᠨ ᠪᠥᠬᠥᠶ᠋ᠢᠰᠬᠢᠨ
ᠪᠦᠬᠦᠯᠢ ᠴᠢᠯᠠᠭᠤ ᠨᠢ ᠭᠢᠯᠠᠰᠬᠢᠨ
ᠳᠥᠷᠪᠡᠨ ᠪᠠᠭᠠᠲᠤᠷ ᠵᠢᠤᠠᠬᠦᠰᠬᠢᠨ
ᠨᠠᠢ᠍ᠮᠠᠨ ᠰᠣᠯᠣᠩᠬ᠋ᠠ ᠲᠠᠲᠠᠰᠬᠢᠨ
ᠠᠯᠲᠠᠨ ᠮᠣᠭᠠᠢ ᠰᠡᠷᠪᠡᠰᠬᠢᠨ
ᠠᠮᠢᠲᠤ ᠡᠷᠲᠡᠨᠢ ᠳᠠᠭᠠᠰᠬᠢᠨᠡ
( ᠠᠨᠵᠢᠰᠤ ᠪᠠᠷ ᠲᠠᠷᠢᠶᠠ ᠲᠠᠷᠢᠬᠤ )
ᠬᠡᠭᠡᠷ ᠮᠣᠷᠢ ᠬᠠᠩᠭᠢᠰ ᠭᠡᠨᠡ
ᠭᠡᠰᠡᠭ ᠡᠭᠦᠯᠡ ᠪᠠᠤᠠᠬᠠᠰ ᠭᠡᠨᠡ
ᠵᠠᠭᠤᠲᠠᠭ ᠬᠣᠷᠣᠬᠠᠢ ᠵᠤᠮᠠᠰ ᠭᠡᠨᠡ
ᠵᠣᠲᠣᠬᠤ ᠶᠠᠭᠤᠮᠠ ᠪᠠᠨ ᠪᠡᠯᠡᠨ ᠬᠢ
( ᠲᠡᠮᠦᠷ ᠳᠠᠪᠲᠠᠬᠤ )
ᠬᠦᠷᠡᠩ ᠦᠬᠡᠷ ᠬᠦᠨᠲᠦᠰ ᠭᠡᠨᠡ
ᠬᠦᠵᠦᠭᠦᠦ ᠰᠡᠭᠡᠷ ᠶ᠋ᠢᠡᠷ ᠶ᠋ᠢᠡᠨ ᠠᠭᠵᠢᠰ ᠭᠡᠨᠡ
ᠬᠥᠮᠦᠨ ᠪ ᠬᠦᠦ ᠬᠥᠢ ᠭᠡᠨᠡ
ᠬᠥᠷᠥᠰᠥᠲᠦ ᠳᠡᠯᠡᠬᠡᠢ ᠬᠥᠷᠪᠡᠰ ᠭᠡᠨᠡ
( ᠭᠠᠵᠠᠷ ᠬᠠᠭᠠᠯᠪᠤᠷᠢᠯᠠᠬᠤ )
ᠵᠠᠭᠤ ᠨᠠᠢ᠍ᠮᠠᠨ ᠪᠠᠨᠲᠢ
ᠵᠠᠮ ᠨᠢᠭᠡᠲᠡᠢ ᠭᠦᠶᠦᠨᠡ
( ᠮᠠᠨᠢ ᠲᠣᠭᠠᠯᠠᠬᠤ )
ᠵᠢᠩ ᠳᠥᠷᠪᠡᠨ ᠪᠠᠭᠠᠨᠠ
ᠵᠢᠵᠦᠦ ᠭᠤᠷᠪᠠᠨ ᠴᠣᠣᠵᠢ
( ᠮᠣᠷᠢ ᠴᠢᠲᠥᠷᠯᠡᠬᠦ )
ᠲᠩᠷᠢ ᠡᠴᠡ ᠢᠷᠡᠭᠰᠡᠨ
ᠲᠡᠭ ᠳᠥᠷᠪᠡᠯᠵᠢᠨ
ᠮᠠᠨ ᠪ ᠥᠭᠭᠦᠭᠰᠡᠨ
ᠮᠠᠰᠢ ᠭᠤᠷᠪᠠᠯᠵᠢᠨ
( ᠮᠣᠷᠢ ᠴᠢᠲᠥᠷᠯᠡᠬᠦ )
ᠬᠠᠷᠠ ᠬᠤᠴᠠ
ᠬᠠᠷᠳ᠋ ᠭᠡᠨᠡ
ᠬᠠᠮᠤᠭ ᠬᠣᠨᠢᠳ
ᠪᠡᠷᠳ᠋ ᠭᠡᠨᠡ
( ᠪᠤᠲᠠᠬ᠋ᠠ ᠬᠠᠭᠤᠷᠬᠤ )
ᠴᠠᠭᠠᠨ ᠢᠮᠠᠬ᠋ᠠ ᠶ᠋ᠢ
ᠵᠣᠲᠣᠵᠤ ᠢᠰᠢᠭᠡᠯᠡᠭᠦᠯᠦᠨᠡ
( ᠴᠢᠮᠥᠭᠡ ᠬᠠᠭᠠᠯᠬᠤ )
ᠠᠯᠲᠠ ᠶ᠋ᠢ ᠨᠢ ᠠᠪᠤᠭᠠᠳ
ᠠᠪᠲᠠᠷᠠ ᠶ᠋ᠢ ᠨᠢ ᠬᠠᠶᠠᠬᠤ
( ᠴᠢᠮᠥᠭᠡ ᠬᠠᠭᠠᠯᠬᠤ )
ᠲᠥᠭᠦᠷᠢᠭ ᠨᠠᠭᠤᠷ ᠦ᠋ᠨ ᠬᠥᠪᠡᠭᠡᠨ ᠳᠡᠭᠡᠷᠡ
ᠲᠥᠯᠥᠭᠡ ᠣᠷᠬᠢᠭᠠᠳ ᠢᠷᠡᠭᠰᠡᠨ ᠴᠢᠨᠢ
ᠨᠢᠲᠦ ᠨᠢ ᠪᠦᠯᠲᠡᠶ᠋ᠢᠵᠦ ᠴᠢᠬᠢ ᠨᠢ ᠳᠡᠯᠳᠡᠶ᠋ᠢᠵᠦ
ᠠᠮᠠ ᠨᠢ ᠠᠩᠭᠠᠶ᠋ᠢᠪᠠ
( ᠪᠤᠲᠠᠬ᠋ᠠ ᠴᠢᠨᠠᠬᠤ )
ᠲᠤᠯᠤᠨ ᠨᠠᠭᠤᠷ ᠦ᠋ᠨ ᠠᠲᠤᠭᠤᠨ ᠪ
ᠣᠷᠣᠬ᠋ᠠ ᠭᠡᠳᠡᠭ ᠨᠢ ᠶᠠᠭᠤ ᠭᠡᠬᠦ ᠪᠤᠢ
ᠲᠤᠨᠲᠤᠪ ᠯᠥᠨᠲᠥᠪ ᠦ᠋ᠨ ᠤᠷᠭᠠᠨ ᠪ
ᠥᠨᠲᠥᠷ ᠭᠡᠳᠡᠭ ᠨᠢ ᠴᠤ᠌ ᠶᠠᠭᠤ ᠭᠡᠬᠦ ᠪᠤᠢ
( ᠹᠸᠡᠲ᠋ᠢᠶᠣᠣᠽᠢ ᠰᠠᠪᠠᠭᠯᠠᠬᠤ )
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠣᠶᠤᠨᠲᠤᠨᠠᠯ ᠂ ᠳ᠋ᠦ᠋ᠩ ᠹᠧᠩ ᠂ ᠤᠯᠠᠭᠠᠨᠭᠡᠷᠡᠯ ᠂ ᠳᠠᠷᠬᠠᠰ ·ᠠᠯᠲᠠᠨᠲᠤᠶᠠᠭᠠ
ᠬᠢᠨᠠᠭᠴᠢ ᠄ ᠬᠠᠷᠠᠨᠤᠳ · ᠲᠤᠶᠠᠭᠠ ᠂ ᠮᠢᠩᠭᠠᠳ · ᠴᠢᠮᠡᠭ