ᠬᠦᠩ ᠦ᠋ᠨ ᠵᠣᠣ ᠶ᠋ᠢᠨ ᠭᠡᠭᠡᠨ ᠦ᠌ ᠠᠯᠲᠠᠨ ᠰᠤᠷᠭᠠᠯ ᠣᠷᠣᠰᠢᠪᠠ1-3Гүнгийн жуугийн гэгээний алтан сургаал оршивой ᠲᠣᠷᠭᠠᠨ ᠵᠢᠯᠣᠭᠣ

ᠨᠢᠭᠡᠳᠦᠭᠡᠷ ᠪᠦᠯᠦᠭ ᠰᠤᠷᠭᠠᠯ ᠰᠢᠯᠦᠭ

 

    ᠭᠤᠷᠪᠠ

 

ᠡᠷᠲᠡ ᠶ᠋ᠢᠨ ᠴᠠᠭᠠᠨ ᠪᠤᠶᠠᠨ ᠢ᠋ᠶ᠋ᠠᠷ ᠬᠥᠮᠦᠨ ᠦ᠌ ᠪᠡᠶ᠎ᠡ ᠶ᠋ᠢ ᠣᠯᠤᠭᠰᠠᠨ ᠂

ᠡᠳᠦᠷ ᠦ᠋ᠨ ᠣᠳᠣ ᠮᠡᠲᠦ ᠴᠤᠬᠠᠭ ᠭᠡᠮᠡᠨ ᠨᠣᠮᠯᠠᠭᠰᠠᠨ ᠊ᠢ ᠰᠣᠨᠣᠰᠪᠠ ‍ᠤᠤ?

ᠡᠷᠳᠡᠨᠢ ᠡᠴᠡ ᠦᠯᠡᠮᠵᠢᠳᠡ ᠡᠷᠬᠢᠮ ᠰᠣᠨᠢᠨ ᠪᠡᠶ᠎ᠡ ᠶ᠋ᠢ ᠴᠦ᠍ ᠂

ᠡᠪᠳᠡᠷᠡᠬᠦ ᠮᠠᠰᠢ ᠬᠢᠯᠪᠠᠷ ᠭᠡᠮᠡᠨ ᠨᠣᠮᠯᠠᠭᠰᠠᠨ ᠊ᠢ ᠮᠡᠳᠡᠪᠡ ‍ᠤᠤ?

 

ᠬᠣᠶᠠᠳᠤᠭᠠᠷ ᠢᠯᠭᠤᠭᠰᠠᠨ ᠰᠤᠳᠤᠷ ᠲᠠᠷᠨᠢ ᠶ᠋ᠢᠨ ᠱᠠᠵᠢᠨ ᠊ᠢ ᠂

ᠬᠣᠵᠢᠮ ᠦᠭᠡᠢ ᠬᠣᠪᠣᠷ ᠭᠡᠮᠡᠨ ᠨᠣᠮᠯᠠᠭᠰᠠᠨ ᠊ᠢ ᠰᠣᠨᠣᠰᠪᠠ ‍ᠤᠤ?

ᠬᠤᠪᠢ ᠥᠭᠡᠳᠡ ᠤᠴᠠᠷᠠᠭᠰᠠᠨ ᠦᠨᠡᠨ ᠭᠠᠶ᠋ᠢᠬᠠᠯ ᠡᠨᠡ ᠴᠦ᠍ ᠂

ᠬᠣᠷᠣᠮᠬᠠᠨ ᠢ᠋ᠶ᠋ᠠᠷ ᠰᠠᠯᠬᠤ ᠬᠢᠯᠪᠠᠷ ᠭᠡᠮᠡᠨ ᠨᠣᠮᠯᠠᠭᠰᠠᠨ ᠊ᠢ ᠮᠡᠳᠡᠪᠡ ‍ᠤᠤ?

 

ᠤᠴᠠᠷᠠᠭᠰᠠᠨ ᠪᠡᠶ᠎ᠡ ᠶᠦ᠍ᠭᠡᠨ ᠡᠷᠬᠢᠮ ᠴᠤᠬᠠᠭ ᠡᠷᠳᠡᠮ ᠊ᠢ

ᠣᠨᠣᠯ ᠦᠭᠡᠢ ᠭᠠᠯᠵᠠᠭᠤᠷᠠᠨ ᠰᠣᠭᠲᠣᠭᠤᠷᠠᠨ ᠶᠠᠪᠤᠵᠤ᠂

ᠤᠮᠲᠠᠬᠤ ᠪᠠ ᠢᠳᠡᠬᠦ ᠪᠡᠷ ᠨᠥᠭᠴᠢᠭᠡᠬᠦ ᠪᠣᠯᠪᠠᠰᠤ

ᠣᠶᠤᠨ ᠦᠭᠡᠢ ᠠᠳᠤᠭᠤᠰᠤ ᠲᠠᠢ ᠢᠯᠭᠠᠪᠤᠷᠢ ᠶᠠᠭᠤᠨ ᠪᠣᠢ ᠃

 

ᠨᠢᠭᠡᠨ ᠴᠠᠭ ᠤ᠋ᠨ ᠨᠤᠲᠠ ᠦᠭᠡᠢ ᠮᠥᠩᠬᠡ ᠪᠤᠰᠤ ᠶ᠋ᠢᠨ ᠵᠢᠮ᠎ᠡ ᠶ᠋ᠢ

ᠨᠢᠭᠲᠠ ᠰᠠᠢᠬᠠᠨ ᠨᠣᠮᠯᠠᠯ ᠢ᠋ᠶ᠋ᠠᠷ ᠤᠨᠤᠬᠤ ᠪᠡᠷᠬᠡ ᠬᠡᠮᠡᠪᠡᠴᠦ

ᠨᠢᠳᠦᠨ ᠢ᠋ᠶ᠋ᠡᠷ ᠢᠯᠡ ᠦᠵᠡᠨ ᠮᠡᠳᠡᠬᠦ ᠦᠭᠡᠢ ᠪᠣᠯᠪᠠᠰᠤ ᠂

ᠨᠢᠭᠡᠮᠦᠰᠦᠨ ᠦᠬᠦᠭᠰᠡᠳ ᠦ᠋ᠨ ᠬᠡᠭᠦᠷ ᠪᠤᠯᠠᠰᠢ ᠪᠤᠰᠤ ‍ᠦᠦ?

 

ᠡᠷᠲᠡ ᠶ᠋ᠢᠨ ᠨᠥᠬᠥᠴᠡᠯ ᠶᠠᠭᠤᠨ ᠢ᠋ᠶ᠋ᠠᠷ ᠡᠶ᠋ᠢᠮᠦ ᠲᠥᠷᠥᠯ ᠣᠯᠤᠭᠰᠠᠨ ᠂

ᠡᠳᠦᠭᠡ ᠳ᠋ᠦ᠍ᠷ ᠶᠠᠭᠤᠨ ᠢ᠋ᠶ᠋ᠠᠷ ᠡᠶ᠋ᠢᠮᠦ ᠬᠥᠮᠦᠨ ᠪᠣᠯᠤᠭᠰᠠᠨ ᠂

ᠡᠴᠦᠰ ᠲᠡᠭᠡᠨ ᠶᠠᠭᠤᠨ ᠢ᠋ᠶ᠋ᠠᠷ ᠦᠷ᠎ᠡ ᠬᠤᠲᠤᠭ ᠤᠯᠬᠤᠢ ᠶ᠋ᠢ ᠂

ᠡᠷᠭᠢᠴᠡᠭᠦᠯᠦᠨ ᠰᠠᠨᠠᠪᠠᠯ᠎ᠡ ᠰᠠᠶᠢ ᠬᠥᠮᠦᠨ ᠬᠡᠮᠡᠮᠦᠢ᠃

 

ᠡᠴᠢᠭᠡ ᠡᠬᠡ ᠶ᠋ᠢᠨ ᠦᠷ᠎ᠡ ᠪᠣᠯᠬᠤ ᠪᠠᠷᠢᠯᠳᠤᠯᠭ᠎ᠠ ᠪᠦᠷᠢᠳᠦᠨ

ᠡᠭᠦᠰᠦᠭᠰᠡᠨ ᠤᠴᠢᠷ ᠠᠨᠤ ᠪᠠᠭ᠎ᠠ ᠪᠤᠰᠤ  ᠶ᠋ᠢᠨ ᠳᠡᠭᠡᠷ᠎ᠡ ᠂

ᠡᠭᠦᠦᠷᠡᠲᠡᠬᠦ ᠵᠣᠪᠠᠯᠠᠩ ᠢ᠋ᠶ᠋ᠠᠷ ᠬᠡᠪᠡᠯᠢᠨ ᠳ᠋ᠦ᠍ᠷ ᠡᠭᠦᠷᠦᠨ ᠂

ᠡᠭᠦᠲᠦᠭᠰᠡᠨ ᠠᠴᠢ ᠠᠨᠤ ᠶᠠᠭᠤᠨ ᠠ᠋ᠴᠠ ᠭᠠᠷᠤᠮᠤᠢ᠃

 

ᠴᠠᠭᠠᠨ ᠰᠦᠨ ᠊ᠢ ᠬᠥᠬᠥᠭᠦᠯᠦᠨ ᠲᠠᠮᠢᠷ ᠢ᠋ᠶ᠋ᠠᠨ ᠪᠠᠷᠠᠮᠤᠢ ᠂

ᠴᠠᠮᠴᠠ ᠰᠢᠷᠲᠡᠭ ᠪᠡᠶ᠎ᠡ ᠪᠦᠬᠦᠢ ᠶ᠋ᠢ ᠪᠠᠯᠪᠢᠪᠠᠴᠤ ᠪᠡᠶᠡᠰᠦᠨ

ᠴᠠᠭ ᠤ᠋ᠨ ᠨᠢᠭᠲᠠ ᠡᠨᠡᠷᠢᠬᠦ ᠶ᠋ᠢᠨ ᠡᠯᠢᠭᠡᠨ ᠳ᠋ᠦ᠍ᠷ ᠲᠡᠪᠡᠷᠢᠨ ᠂

ᠴᠠᠷᠤᠨ ᠡᠷ᠎ᠡ ᠪᠣᠯᠭᠠᠭᠰᠠᠨ ᠊ᠢ ᠬᠡᠨ ᠦ᠌ ᠠᠴᠢ ᠬᠡᠮᠡᠮᠦᠢ᠃

 

ᠤᠮᠲᠠᠬᠤ ᠪᠠ ᠢᠳᠡᠬᠦᠢ ᠶ᠋ᠢ ᠵᠣᠷᠢᠭ ᠢ᠋ᠶ᠋ᠠᠷ ᠬᠥᠩᠭᠡᠯᠡᠨ ᠂

ᠤᠰᠤ ᠭᠠᠯ ᠤ᠋ᠨ ᠠᠶᠤᠯ ᠠ᠋ᠴᠠ ᠠᠮᠢ ᠵᠢᠳᠬᠦᠨ ᠰᠠᠬᠢᠵᠤ

ᠤᠰᠬᠠᠯ ᠢ᠋ᠶ᠋ᠠᠷ ᠪᠦᠪᠡᠶ᠋ᠢᠯᠡᠵᠦ ᠤᠷᠠᠨ ᠢ᠋ᠶ᠋ᠠᠷ ᠳᠠᠭᠤᠳᠠᠨ ᠂

ᠣᠯᠪᠠᠢ ᠬᠥᠮᠦᠨ ᠪᠣᠯᠭᠠᠭᠰᠠᠨ ᠨᠢ ᠡᠵᠢ ᠶ᠋ᠢᠨ ᠠᠴᠢ ᠪᠢᠰᠢ ‍ᠦᠦ?

 

ᠡᠬᠡ ᠦᠷ᠎ᠡ ᠬᠣᠶᠠᠭᠤᠯᠠ ᠶ᠋ᠢ ᠠᠮᠢ ᠬᠠᠮᠲᠤ ᠡᠨᠡᠷᠢᠨ ᠂

ᠡᠨᠳᠡᠭᠳᠡᠯ  ᠢ᠋ ᠠᠷᠢᠯᠭᠠᠵᠤ ᠠᠰᠠᠷᠠᠯ   ᠊ᠢ ᠪᠦᠷᠢᠳᠬᠡᠨ ᠂

ᠡᠭᠦᠦᠷᠲᠦᠨ ᠶᠠᠪᠤᠬᠤ ᠪᠠ ᠵᠣᠪᠠᠬᠤᠢ ᠳ᠋ᠤᠷ ᠤᠷᠢᠤᠠᠲᠠᠨ ᠂

ᠡᠷᠬᠢᠮ ᠪᠦᠷ ᠢ᠋ ᠲᠡᠭᠦᠰᠬᠡᠳᠡᠭ ᠠᠪᠤ ᠶ᠋ᠢᠨ ᠠᠴᠢ ᠪᠢᠰᠢ ‍ᠦᠦ?

 

ᠠᠪᠤ ᠡᠵᠢ ᠶ᠋ᠢᠨ ᠠᠴᠢ   ᠬᠦᠴᠦᠨ ᠡᠶ᠋ᠢᠮᠦ ᠢᠯᠡ ᠪᠠᠶ᠋ᠢᠲᠠᠯ᠎ᠠ ᠂

ᠠᠳᠠᠭ ᠴᠠᠭ ᠤ᠋ᠨ ᠠᠮᠢᠲᠠᠨ ᠊ᠢ ᠠᠵᠢᠭᠯᠠᠵᠤ ᠦᠵᠡᠪᠡᠯ᠂

ᠠᠰᠠᠷᠠᠬᠤ ᠲᠠᠬᠢᠮᠳᠠᠬᠤ ᠠᠴᠢᠯᠠᠬᠤ ᠪᠠᠶ᠋ᠢᠲᠤᠭᠠᠢ ᠂

ᠠᠲᠠᠯᠠᠬᠤ ᠮᠠᠭᠤᠯᠠᠬᠤ ᠵᠥᠨᠥᠭᠯᠡᠬᠦ ᠣᠯᠠᠨ ᠪᠣᠢ᠃

 

ᠡᠯᠢᠭᠡᠨ ᠦ᠌ ᠢᠯᠴᠢᠨ   ᠳ᠋ᠤᠨᠢ ᠡᠷᠬᠡᠯᠡᠵᠦ ᠥᠰᠦᠭᠡᠳ ᠂

ᠡᠷ᠎ᠡ ᠶ᠋ᠢᠨ ᠲᠠᠮᠢᠷ ᠪᠠᠳᠠᠷᠠᠵᠤ ᠵᠢᠷᠦᠬᠡ ᠨᠢ ᠬᠥᠪᠬᠡᠶ᠋ᠢᠵᠦ ᠂

ᠡᠷᠬᠡᠯᠡᠬᠦ ᠶ᠋ᠢᠨ ᠲᠥᠯᠥᠭᠡᠰᠦᠨ ᠬᠤᠷᠭᠢᠯᠵᠠᠵᠤ ᠪᠤᠯᠭᠢᠯᠠᠨ

ᠡᠷᠡᠯᠬᠡᠬᠦ ᠦᠬᠡᠷ ᠲᠡᠷᠢᠭᠦᠨ ᠡᠪᠡᠷ ᠢ᠋ᠶ᠋ᠡᠨ ᠰᠡᠷᠲᠠᠶ᠋ᠢᠮᠦᠢ ᠃

 

ᠡᠴᠢᠭᠡ ᠡᠬᠡ ᠦᠷ᠎ᠡ ᠶᠦ᠍ᠭᠡᠨ ᠬᠥᠮᠦᠨ ᠪᠣᠯᠬᠤ ᠶ᠋ᠢ ᠰᠡᠯᠪᠢᠵᠦ ᠂

ᠡᠭᠦᠨ ᠲᠡᠭᠦᠨ  ᠢ᠋ ᠴᠤᠭᠯᠠᠭᠤᠯᠤᠨ ᠡᠯᠳᠡᠪ ᠢ᠋ᠶ᠋ᠡᠷ ᠴᠢᠷᠮᠠᠶ᠋ᠢᠵᠤ ᠂

ᠡᠮᠡᠰ ᠥᠬᠢᠳ ᠪᠣᠭᠲᠣᠯᠠᠬᠤ ᠬᠤᠷᠢᠮ ᠪᠠᠶᠠᠷ ᠦᠢᠯᠡᠳᠦᠨ ᠂

ᠡᠷᠬᠢᠮ ᠵᠢᠷᠤᠮ ᠬᠦᠯᠢᠶᠡᠵᠦ ᠬᠡᠳᠦᠨ ᠰᠠᠷ᠎ᠠ ᠪᠣᠯᠬᠤᠯ᠎ᠠ᠃

 

ᠡᠵᠢ ᠶ᠋ᠢᠨ ᠴᠠᠭᠠᠨ ᠰᠦᠨ ᠦ᠌ ᠴᠢᠨᠠᠷ ᠬᠣᠪᠣᠷ ᠬᠣᠮᠰᠠ ᠰᠠᠨᠠᠭᠳᠠᠨ ᠂

ᠡᠨᠳᠡᠭᠳᠡᠯ ᠦ᠋ᠨ ᠱᠥᠯᠥ ᠤᠰᠤ ᠪᠤᠯᠭᠢᠯᠠᠵᠤ ᠪᠤᠴᠠᠯᠤᠨ ᠂

ᠡᠨᠳᠡᠭᠦᠷᠡᠯ ᠰᠢᠨᠤᠬᠠᠶ᠋ᠢᠷᠠᠯ ᠤᠯᠠᠮ ᠢ᠋ᠶ᠋ᠠᠷ ᠳᠡᠭᠳᠡᠵᠦ ᠂

ᠡᠴᠢᠭᠡ ᠡᠬᠡ ᠪᠣᠶ᠋ᠢᠳᠠ ᠳᠠᠯᠳᠠ ᠠᠮᠤᠷ ᠭᠡᠮᠡᠨ ᠬᠡᠯᠡᠯᠴᠡᠮᠦᠢ᠃

 

ᠬᠠᠷᠢᠨ ᠪᠠᠰᠠ ᠮᠠᠲᠠᠯ ᠴᠢᠳᠠᠯ ᠪᠤᠯᠢᠶᠠᠯᠳᠤᠨ ᠡᠵᠡᠷᠬᠡᠨ ᠂

ᠬᠠᠪᠢᠷ ᠦᠤᠠᠲᠦᠷ ᠬᠠᠵᠠᠯᠠᠯᠳᠤᠨ ᠬᠠᠶ᠋ᠢᠴᠢ ᠠᠷᠭᠠᠯ ᠴᠣᠬᠢᠯᠠᠨ ᠂

ᠬᠠᠶ᠋ᠢᠷᠠᠨ ᠵᠢᠷᠤᠮ ᠰᠦᠨᠦᠭᠦᠯᠥᠨ ᠬᠡᠳᠦᠨ ᠵᠢᠯ ᠦ᠋ᠨ ᠳᠣᠲᠣᠷ᠎ᠠ ᠂

ᠬᠠᠭᠠᠴᠠᠯᠳᠤᠨ ᠰᠠᠯᠤᠯᠴᠠᠬᠤ ᠲᠦᠮᠡᠨ ᠢᠷᠣ᠎ᠠ ᠶ᠋ᠢ ᠦᠵᠡᠮᠦᠢ᠃

 

ᠰᠠᠯᠤᠯᠴᠠᠬᠤ ᠶ᠋ᠢᠨ ᠰᠠᠨᠠᠭᠠᠨ ᠳ᠋ᠤᠷ ᠰᠠᠷᠠᠭᠤᠯᠰᠢᠭ ᠪᠣᠯᠪᠠᠴᠤ᠂

ᠰᠠᠢᠬᠠᠨ ᠵᠢᠷᠤᠮ ᠰᠠᠷᠨᠢᠭᠤᠯᠬᠤᠯ᠎ᠠ ᠲᠡᠭᠷᠢ ᠦᠯᠦ ᠢᠪᠡᠭᠡᠨ ᠂

ᠰᠠᠢᠬᠢ ᠦᠢᠯᠡ ᠶ᠋ᠢᠨ ᠪᠣᠯᠪᠠᠰᠤᠷᠠᠯ ᠲᠣᠯᠣᠭᠠᠢ ᠳ᠋ᠤᠷ ᠰᠢᠷᠭᠤᠵᠤ ᠂

ᠰᠠᠨᠳᠤᠷᠬᠤ ᠵᠦᠳᠡᠷᠡᠬᠦ ᠶ᠋ᠢᠨ ᠳᠣᠷᠣᠶ᠋ᠢᠲᠠᠯ ᠳ᠋ᠤᠷ ᠲᠤᠯᠭᠠᠮᠤᠢ ᠃

 

ᠡᠮᠡᠰ ᠥᠬᠢᠳ ᠬᠡᠯᠡᠪᠡᠰᠦ ᠴᠣᠷᠪᠣᠯᠵᠠᠵᠤ ᠢᠨᠢᠶᠡᠨ ᠂

ᠡᠯᠳᠡᠪ ᠢ᠋ᠶ᠋ᠡᠷ ᠵᠥᠪ ᠊ᠢ ᠣᠯᠭᠣᠨ ᠡᠶ᠎ᠡ ᠵᠢᠷᠤᠮ ᠨᠡᠶ᠋ᠢᠯᠡᠯᠴᠡᠨ ᠂

ᠡᠴᠢᠭᠡ ᠡᠬᠡ ᠬᠡᠯᠡᠪᠡᠰᠦ ᠮᠤᠰᠬᠢᠯᠵᠠᠵᠤ ᠠᠭᠤᠷᠯᠠᠨ ᠂

ᠡᠨᠡ ᠵᠥᠨᠥᠭ ᠲᠡᠷᠡ ᠮᠤᠨᠤᠭ ᠴᠠᠯᠴᠢᠴᠢᠪᠠ ᠬᠡᠮᠡᠮᠦᠢ᠃

 

ᠲᠠᠮᠲᠤᠭ ᠪᠣᠯᠬᠢ ᠰᠢᠩᠭᠡᠨ ᠬᠦᠢᠲᠡ ᠊ᠢ ᠡᠪᠦᠭᠡᠳ ᠲᠣᠷ ᠭᠠᠷᠭᠠᠵᠤ᠂

ᠲᠠᠷᠭᠤᠨ ᠲᠣᠰᠣ ᠰᠢᠬᠢᠷ ᠪᠣᠭᠣᠷᠰᠣᠭ ᠊ᠢ ᠪᠡᠶᠡᠨ ᠳ᠋ᠡᠭᠡᠨ ᠡᠲᠯᠡᠭᠡᠳ ᠂

ᠲᠠᠬᠢᠮᠳᠠᠬᠤ ᠠᠴᠢᠯᠠᠬᠤ ᠶ᠋ᠢ ᠮᠡᠳᠡᠬᠦ ᠦᠭᠡᠢ ᠵᠥᠨᠥᠳᠦᠭ ᠦ᠋ᠳ ᠂

ᠲᠠᠭᠳᠠᠪᠠᠴᠤ ᠰᠠᠨᠠᠭᠠᠨ ᠊ᠢ ᠮᠠᠭᠤ ᠭᠡᠮᠡᠨ ᠬᠡᠯᠡᠯᠴᠡᠮᠦᠢ᠃

 

ᠦᠷ᠎ᠡ ᠪᠡᠷᠢ ᠡᠪᠡᠳᠬᠦᠯ᠎ᠡ ᠡᠬᠡ ᠶᠡᠬᠡᠰ ᠵᠣᠪᠠᠨᠢᠨ ᠂

ᠦᠤᠠᠲᠦᠷ ᠲᠦᠷᠭᠡᠨ ᠲᠤᠰᠠ ᠶ᠋ᠢ ᠡᠭᠡᠷᠢᠵᠦ ᠪᠯᠠᠮ᠎ᠡ ᠡᠮᠴᠢ ᠤᠷᠢᠮᠤᠢ ᠂

ᠦᠲᠡᠯᠦᠭᠰᠡᠳ ᠡᠪᠡᠳᠬᠦᠯ᠎ᠡ ᠨᠠᠰᠤ ᠨᠠᠰᠤ ᠬᠡᠮᠡᠯᠳᠦᠨ ᠂

ᠦᠬᠦᠬᠦ ᠶ᠋ᠢ ᠪᠡᠯᠡᠳᠬᠡᠵᠦ ᠠᠷᠪᠢᠯᠠᠬᠤ ᠶ᠋ᠢ ᠰᠡᠳᠬᠢᠮᠦᠢ ᠃

 

ᠠᠴᠢᠲᠠᠨ ᠨᠢ ᠦᠬᠦᠬᠦᠯ᠎ᠡ ᠪᠤᠶᠠᠨ ᠨᠣᠮ ᠤ᠋ᠨ ᠵᠦᠢᠯ ᠊ᠢ ᠨᠢ ᠂

ᠠᠷᠪᠢᠯᠠᠵᠤ ᠬᠠᠷᠠᠮᠯᠠᠵᠤ ᠶᠣᠰᠣ ᠶ᠋ᠢᠨ ᠲᠡᠳᠦᠢ ᠤᠷᠤᠯᠳᠤᠨ ᠂

ᠠᠴᠢ ᠬᠦᠴᠦᠨ ᠬᠠᠷᠢᠭᠤᠯᠬᠤ ᠰᠡᠳᠬᠢᠯ ᠦᠭᠡᠢ ᠪᠢᠷᠢᠳ ᠲᠣᠷ ᠂

ᠠᠷᠢᠭᠤᠨ ᠬᠡᠰᠢᠭ ᠲᠣᠭᠲᠠᠭᠠᠬᠤ ᠪᠤᠷᠬᠠᠨ ᠲᠡᠭᠷᠢ ᠦᠭᠡᠢ ᠪᠠ!

 

ᠲᠦᠰᠢᠭ ᠦᠭᠡᠢ ᠪᠡᠶ᠎ᠡ ᠢᠨᠤ ᠡᠯᠳᠡᠪ ᠢ᠋ᠶ᠋ᠡᠷ ᠭᠠᠴᠢᠭᠳᠠᠨ ᠂

ᠳᠦᠷᠰᠦ ᠦᠭᠡᠢ ᠳᠤᠷ᠎ᠠ ᠪᠠᠨ ᠵᠣᠷᠢᠭ ᠮᠡᠳᠡᠨ ᠲᠠᠯᠪᠢᠯᠠᠨ ᠂

ᠳᠦᠷᠢᠮ ᠦᠭᠡᠢ ᠨᠥᠬᠥᠷ ᠵᠠᠮ ᠤ᠋ᠨ ᠡᠨᠳᠡᠭᠳᠡᠯ ᠢ᠋ᠶ᠋ᠡᠷ ᠳᠦᠭᠦᠷᠭᠡᠨ ᠂

ᠲᠦᠪᠰᠢᠨ ᠦᠭᠡᠢ ᠬᠥᠮᠦᠨ ᠪᠣᠯᠵᠤ ᠣᠷᠬᠢᠭᠳᠠᠬᠤ ᠬᠠᠶ᠋ᠢᠷᠠᠨ ᠃

 

ᠠᠶ᠋ᠢᠯ ᠤ᠋ᠨ ᠥᠬᠢᠳ ᠵᠥᠪ ᠊ᠢ ᠣᠯᠵᠤ ᠡᠵᠡᠯᠡᠬᠦ ᠨᠢᠭᠡᠨ ᠵᠦᠢᠯ ᠂

ᠠᠪᠤ ᠡᠵᠢ ᠠᠬ᠎ᠠ ᠶᠡᠬᠡᠰ ᠪᠤᠷᠤᠭᠤ ᠪᠣᠯᠬᠤ ᠬᠣᠶᠠᠷ ᠵᠦᠢᠯ ᠂

ᠠᠯᠮᠠᠢ ᠪᠡᠶ᠎ᠡ ᠮᠠᠲᠠᠯ ᠠᠯᠲᠠᠨ ᠪᠣᠭᠣᠯ ᠪᠣᠯᠬᠤ ᠭᠤᠷᠪᠠᠨ ᠵᠦᠢᠯ ᠂

ᠠᠮᠢ ᠪᠡᠶ᠎ᠡ ᠶᠠᠪᠤᠭᠰᠠᠨ ᠠ᠋ᠴᠠ ᠦᠬᠦᠭᠰᠡᠨ ᠴᠦ᠍ ᠳᠡᠭᠡᠷ᠎ᠡ᠃

 

ᠪᠠᠭᠰᠢ ᠪᠯᠠᠮ᠎ᠡ ᠶ᠋ᠢᠨ ᠰᠤᠷᠭᠠᠯ ᠦᠭᠡ ᠤᠳᠬ᠎ᠠ ᠦᠭᠡᠢ ᠶᠠᠷᠢᠭ ᠪᠠᠶ᠋ᠢᠨ᠎ᠠ ᠂

ᠪᠠᠷᠵᠠᠩ ᠰᠠᠷᠵᠠᠩ ᠬᠡᠯᠡᠬᠦ ᠨᠢ ᠳᠠᠩᠴᠤ ᠮᠠᠭᠤ ᠱᠠᠯᠢᠭ ᠪᠠᠶ᠋ᠢᠨ᠎ᠠ ᠂

ᠪᠠᠰᠤᠭᠳᠠᠵᠤ ᠭᠣᠯᠣᠭᠳᠠᠪᠠᠯ ᠲᠠᠨᠽᠠᠨᠸᠠᠩᠵᠢᠯ ᠶᠠᠭᠤ ᠪᠠᠶ᠋ᠢᠨ᠎ᠠ ᠂

ᠪᠠᠯᠠᠯᠬᠤ ᠴᠤ᠌ ᠠᠷᠭ᠎ᠠ ᠦᠭᠡᠢ ᠲᠡᠨᠡᠭ ᠢᠯᠡ ᠭᠠᠷᠴᠢᠶ᠎ᠡ ᠃

 

  ᠠᠮᠢᠯᠠᠭᠤᠯᠤᠨ ᠪᠢᠴᠢᠭᠰᠡᠨ ᠨᠢ ᠄ ᠦᠯᠵᠡᠶ᠋ᠢᠪᠠᠭᠠᠲᠤᠷ

  ᠬᠢᠨᠠᠭᠰᠠᠨ ᠨᠢ ᠄ ᠤᠤᠠᠬᠠᠨᠰᠤ᠎ᠡ