ᠵᠤᠨ – ᠭᠦᠷᠵᠠᠪ Зун – гүржав
341ᠵᠤᠨ
ᠭᠦᠷᠵᠡᠪ
ᠬᠣᠯᠠ ᠶ᠋ᠢᠨ ᠬᠣᠯᠠᠬᠢ ᠠᠭᠤᠯᠠᠨ ᠳ᠋ᠦ᠍
ᠬᠦᠲᠡᠩ ᠤᠨᠢᠶᠠᠷ ᠬᠥᠰᠢᠭᠡᠯᠡᠭᠦᠯᠵᠦ
ᠬᠤᠨᠲᠤ ᠶ᠋ᠢᠨ ᠲᠡᠷᠭᠡᠯ ᠨᠠᠭᠤᠷ ᠲᠦ
ᠨᠤᠭᠤᠰᠤᠨ ᠰᠦᠷᠦᠭ ᠢᠷᠠᠯᠵᠠᠭᠤᠯᠵᠤ
ᠬᠣᠶ᠋ᠢᠲᠤ ᠰᠢᠯᠢ ᠶ᠋ᠢᠨ ᠡᠬᠢᠨ ᠳ᠋ᠦ᠍
ᠵᠤᠰᠠᠭᠠᠯ ᠦ᠋ᠨ ᠠᠶ᠋ᠢᠯ ᠦ᠋ᠳ ᠵᠢᠭᠳᠡᠷᠡᠭᠦᠯᠵᠦ
ᠬᠣᠤᠠᠲᠤᠭ ᠦ᠋ᠨ ᠳᠡᠷᠭᠡᠳᠡᠬᠢ ᠱᠠᠯᠪᠠᠭ ᠲᠤ
ᠠᠯᠢᠶᠠ ᠬᠡᠦᠬᠡᠳ ᠦ᠋ᠳ ᠊ᠢ ᠤᠮᠪᠠᠭᠤᠯᠵᠤ
ᠵᠤᠨ
ᠵᠤᠤᠮᠠᠯᠵᠠᠭᠰᠠᠭᠠᠷ ᠢᠷᠡᠪᠡ ᠂
ᠵᠢᠷᠤᠭ ᠲᠠᠢ ᠦᠵᠡᠮᠵᠢ ᠲᠡᠢ
ᠵᠤᠤᠮᠠᠯᠵᠠᠭᠰᠠᠭᠠᠷ ᠢᠷᠡᠪᠡ ᠃
ᠬᠣᠲᠠ ᠶ᠋ᠢᠨ ᠰᠠᠬᠢᠲᠠᠭ ᠬᠠᠯᠲᠠᠷ ᠦ᠋ᠨ ᠬᠡᠯᠡ ᠶ᠋ᠢ
ᠤᠷᠲᠤ ᠠ᠋ᠴᠠ ᠤᠷᠲᠤ ᠤᠨᠵᠢᠢᠯᠭᠠᠵᠤ
ᠬᠤᠷᠤᠳ ᠲᠤ ᠳᠤᠷᠠᠲᠠᠢ ᠮᠢᠨᠦ ᠳᠡᠭᠦᠦ ᠶ᠋ᠢ
ᠡᠲᠦᠷ ᠡᠲᠦᠷ ᠲᠣᠭᠣᠬ᠋ᠠ ᠬᠠᠷᠠᠭᠤᠯᠵᠤ
ᠬᠣᠲᠣᠭᠣᠷ ᠶ᠋ᠢᠠᠷ ᠳᠦᠭᠦᠷᠦᠮᠡ ᠮᠢᠩᠭᠠᠨ ᠠᠲᠤᠭᠤ ᠶ᠋ᠢ
ᠮᠠᠨ ᠪ ᠵᠡᠯᠡᠨ ᠳᠡᠭᠡᠷᠡ ᠵᠣᠭᠰᠣᠭᠠᠵᠤ ᠂
ᠮᠢᠨᠦ ᠲᠠᠷᠢᠬᠰᠠᠨ ᠴᠡᠴᠡᠭ ᠦ᠋ᠨ ᠳᠡᠭᠡᠷᠡ
ᠮᠥᠩᠬᠡ ᠶ᠋ᠢᠨ ᠰᠢᠮᠡ — ᠪᠣᠷᠣᠭᠠᠨ ᠶ᠋ᠢᠠᠨ ᠪᠠᠭᠤᠯᠭᠠᠵᠤ
ᠮᠢᠨᠦ ᠠᠪᠤ ᠶ᠋ᠢᠨ ᠨᠢᠭᠤᠷ ᠦ᠋ᠨ ᠬᠥᠯᠥᠰᠥ ᠶ᠋ᠢ
ᠮᠢᠨᠲᠠᠰᠤᠨ ᠵᠥᠭᠡᠯᠡᠨ ᠰᠠᠯᠬᠢ ᠪᠠᠷ ᠶ᠋ᠢᠠᠨ ᠠᠷᠴᠢᠵᠤ
ᠵᠤᠨ
ᠵᠤᠮᠠᠯᠵᠠᠭᠰᠠᠭᠠᠷ ᠢᠷᠡᠪᠡ ᠂
ᠵᠤᠬ᠋ᠠ ᠲᠠᠢ ᠴᠡᠩᠭᠡᠯ ᠲᠡᠢ
ᠵᠤᠤᠮᠠᠯᠵᠠᠭᠰᠠᠭᠠᠷ ᠢᠷᠡᠪᠡ ᠃
ᠵᠤᠤᠮᠠᠯᠵᠠᠭᠰᠠᠭᠠᠷ ᠢᠷᠡᠬᠦ ᠵᠤᠨ ᠊ᠢ
ᠵᠢᠷᠦᠬᠡᠨ ᠤᠭ ᠠ᠋ᠴᠠ ᠪᠠᠨ
ᠪᠠᠬᠠᠷᠠᠨᠠ ᠡ ᠂ ᠪᠢ !
ᠵᠣᠯᠪᠣᠬ᠋ᠠ ᠲᠠᠢ ᠪᠣᠶ᠋ᠢᠵᠢᠬᠤ
ᠵᠢᠭᠠᠯ ᠪᠠᠬ᠋ᠠ ᠨᠠᠰᠤ ᠪᠠᠨ
ᠵᠦᠢᠯ ᠦ᠋ᠨ ᠮᠡᠲᠡᠯᠭᠡ ᠪᠡᠷ ᠴᠢᠮᠡᠭᠯᠡᠵᠦ
ᠵᠤᠨ ᠪ ᠳᠡᠯᠭᠡᠷ ᠴᠡᠴᠡᠭ ᠰᠢᠤ
ᠮᠢᠷᠠᠯᠵᠠᠵᠤ ᠶᠠᠪᠤᠨᠠ ᠡ ᠂ ᠪᠢ !
ᠢᠷᠡᠯᠲᠡ ᠄
ᠭᠦᠷᠵᠠᠪ ᠦ᠋ᠨ ᠵᠣᠬᠢᠶᠠᠭᠰᠠᠨ《 ᠬᠡᠦᠬᠡᠳ ᠨᠠᠰᠤ ᠰᠠᠶ᠋ᠢᠬᠠᠨ 》 ᠭᠡᠳᠡᠭ ᠨᠣᠮ ᠠ᠋ᠴᠠ ᠬᠠᠭᠤᠯᠤᠨ ᠪᠢᠴᠢᠪᠡ ᠂
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠤᠷᠠᠨᠴᠡᠴᠡᠭ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
2023 ᠣᠨ ᠪ3 ᠰᠠᠷᠠ ᠶ᠋ᠢᠨ16 ᠪ ᠡᠲᠦᠷ ᠃