ᠨᠣᠭᠣᠭᠠᠨ ᠲᠠᠯᠠ ᠳᠡᠭᠡᠷᠡ ᠪᠡᠨ ᠪᠢ ᠬᠡᠪᠲᠡᠬᠦ ᠳᠤᠷᠠᠲᠠᠢ – ᠭᠦᠷᠵᠠᠪ Ногоон тал дээрээ би хэвтэх дуртай – Гүржав
413ᠨᠣᠭᠣᠭᠠᠨ ᠲᠠᠯᠠ ᠳᠡᠭᠡᠷᠡ ᠪᠡᠨ ᠪᠢ ᠬᠡᠪᠲᠡᠬᠦ ᠳᠤᠷᠠᠲᠠᠢ
ᠭᠦᠷᠵᠡᠪ
ᠵᠥᠭᠡᠯᠡᠨ ᠨᠣᠭᠣᠭᠠᠨ ᠥᠩᠭᠡ ᠪᠡᠷ ᠨᠠᠮᠢᠯᠵᠠᠵᠤ
ᠵᠥᠯᠭᠡᠨ ᠰᠡᠪᠡᠭᠦᠨ ᠬᠤᠷᠠ ᠪᠠᠷ ᠱᠠᠭᠢᠵᠤ
ᠵᠠᠭᠦᠲᠦᠨ ᠴᠡᠩᠬᠡᠷ ᠠᠮᠢᠰᠬᠤᠯ ᠶ᠋ᠢᠠᠷ ᠰᠡᠪᠡᠯᠵᠡᠭᠰᠡᠨ
ᠵᠦᠢᠲᠡᠢ ᠨᠣᠭᠣᠭᠠ ᠲᠠᠯᠠ ᠳᠡᠭᠡᠷᠡ ᠪᠡᠨ
ᠪᠢ ᠬᠡᠪᠲᠡᠬᠦ ᠳᠤᠷᠠᠲᠠᠢ
ᠬᠥᠪᠡᠭᠡ ᠵᠠᠬᠠ ᠦᠭᠡᠢ ᠨᠡᠯᠡᠶ᠋ᠢᠨ ᠴᠠᠶ᠋ᠢᠯᠵᠠᠭᠰᠠᠨ
ᠬᠥᠬᠡ ᠨᠣᠮᠢᠨ ᠲᠩᠷᠢ ᠪᠡᠨ ᠪᠠᠷᠠᠲᠠᠭᠠᠳ
ᠬᠥᠪᠪᠥᠨ ᠂ ᠳᠡᠭᠳᠡᠨ — ᠳᠤᠷᠠ ᠪᠠᠷ ᠶ᠋ᠢᠡᠨ ᠳᠠᠪᠬᠢᠬᠰᠠᠨ
ᠬᠥᠩᠭᠡᠨ ᠴᠠᠭᠠᠨ ᠡᠭᠦᠯᠡᠰ ᠶ᠋ᠢᠡᠨ ᠰᠢᠷᠲᠡᠭᠡᠳ
ᠪᠢ ᠬᠡᠪᠲᠡᠬᠦ ᠳᠤᠷᠠᠲᠠᠢ
ᠲᠣᠭᠯᠠᠨ ᠂ ᠲᠣᠶ᠋ᠢᠯᠠᠨ ᠂ ᠲᠣᠩᠭᠤᠴᠠᠨ ᠲᠣᠷᠣᠯᠵᠠᠭᠰᠠᠨ
ᠲᠤᠭᠤᠯ ᠬᠤᠷᠠᠭᠠᠳ ᠦ᠋ᠨ ᠶ᠋ᠢᠠᠨ ᠰᠦᠷᠦᠭ ᠊ᠢ ᠬᠠᠷᠠᠭᠠᠳ
ᠲᠣᠩ ᠴᠤ᠌ ᠰᠠᠶ᠋ᠢᠬᠠᠨ ᠶ᠋ᠢᠠᠷ ᠠᠯᠠᠭᠷᠠᠨ ᠢᠷᠠᠯᠵᠠᠭᠰᠠᠨ
ᠲᠣᠷᠭᠠᠨ ᠴᠡᠴᠡᠭᠡᠰ ᠦ᠋ᠨ ᠶ᠋ᠢᠡᠨ ᠥᠨᠥᠷ ᠊ᠢ ᠠᠮᠲᠠᠯᠠᠭᠠᠳ
ᠪᠢ ᠬᠡᠪᠲᠡᠬᠦ ᠳᠤᠷᠠᠲᠠᠢ
ᠤᠶᠠᠩᠬ᠋ᠠ ᠢᠷᠠᠭᠤ ᠬᠠᠩᠭᠢᠨᠠᠨ ᠳᠠᠭᠤᠷᠢᠰᠤᠭᠰᠠᠨ
ᠣᠯᠠᠨ ᠪᠣᠯᠵᠣᠮᠣᠷ ᠦ᠋ᠨ ᠶ᠋ᠢᠠᠨ ᠳᠠᠭᠤ ᠶ᠋ᠢ ᠴᠢᠩᠨᠠᠭᠠᠳ
ᠤᠷᠬ᠋ᠠ ᠶ᠋ᠢᠨ ᠦᠵᠦᠭᠦᠷ ᠊ᠢ ᠳᠠᠭᠠᠭᠠᠳ ᠢᠰᠭᠡᠷᠦᠭᠰᠡᠨ
ᠬᠣᠯᠠ ᠶ᠋ᠢᠨ ᠰᠠᠯᠬᠢᠨ ᠪ ᠪᠠᠨ ᠳᠡᠪᠵᠢᠶᠡ ᠶ᠋ᠢ ᠵᠠᠶ᠋ᠢᠲᠠᠯᠠᠭᠠᠳ
ᠪᠢ ᠬᠡᠪᠲᠡᠬᠦ ᠳᠤᠷᠠᠲᠠᠢ ᠁
ᠨᠣᠭᠣᠭᠠᠨ ᠲᠠᠯᠠ ᠳᠡᠭᠡᠷᠡ ᠪᠡᠨ ᠪᠢ ᠬᠡᠪᠲᠡᠬᠦ ᠳᠤᠷᠠᠲᠠᠢ
ᠨᠣᠶ᠋ᠢᠷ ᠶ᠋ᠢᠠᠨ ᠰᠡᠷᠭᠦᠲᠡᠯᠡ ᠬᠡᠪᠲᠡᠬᠦ ᠳᠤᠷᠠᠲᠠᠢ
ᠬᠠᠶ᠋ᠢᠷᠠ ᠪᠠᠨ ᠰᠢᠩᠭᠡᠲᠡᠯᠡ ᠬᠡᠪᠲᠡᠬᠦ ᠳᠤᠷᠠᠲᠠᠢ
ᠨᠣᠭᠲᠣ ᠬᠠᠵᠠᠭᠠᠷ ᠦᠭᠡᠢ ᠡᠮᠨᠢᠭ ᠬᠥᠯᠥᠭ ᠰᠢᠭ᠌
ᠬᠠᠨᠲᠠᠯᠠ ᠂ ᠮᠣᠬᠣᠲᠠᠯᠠ ᠬᠥᠷᠪᠡᠬᠦ ᠳᠤᠷᠠᠲᠠᠢ !
ᠢᠷᠡᠯᠲᠡ ᠄
ᠭᠦᠷᠵᠠᠪ ᠦ᠋ᠨ ᠵᠣᠬᠢᠶᠠᠭᠰᠠᠨ《 ᠬᠡᠦᠬᠡᠳ ᠨᠠᠰᠤ ᠰᠠᠶ᠋ᠢᠬᠠᠨ 》 ᠭᠡᠳᠡᠭ ᠨᠣᠮ ᠠ᠋ᠴᠠ ᠬᠠᠭᠤᠯᠤᠨ ᠪᠢᠴᠢᠪᠡ ᠂
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠤᠷᠠᠨᠴᠡᠴᠡᠭ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
2023 ᠣᠨ ᠪ 3 ᠰᠠᠷᠠ ᠶ᠋ᠢᠨ 15 ᠪ ᠡᠲᠦᠷ ᠃