ᠰᠠᠢᠨ ᠡᠷᠡ ᠶᠢᠨ ᠰᠦᠬᠡ – ᠷᠠᠳᠨᠠᠪᠠᠽᠠᠷ Сайн эрийн сүх – Раднаабазар
339ᠰᠠᠢᠨ ᠡᠷᠡ ᠶᠢᠨ ᠰᠦᠬᠡ
ᠷᠠᠳᠨᠠᠪᠠᠽᠠᠷ
ᠲᠦᠰᠢ ᠲᠡᠮᠦᠷ ᠲᠦ ᠳᠠᠪᠲᠠᠭᠳᠠᠭᠰᠠᠭᠠᠷ ᠪᠠᠶ᠋ᠢᠵᠤ
ᠭᠠᠩ ᠰᠦᠬᠡ ᠪᠣᠯᠤᠭᠰᠠᠨ ᠶᠤᠮ
ᠲᠦᠭᠦᠬᠡᠢ ᠴᠢᠯᠠᠭᠤᠨ ᠳ᠋ᠦ᠍ ᠪᠢᠯᠡᠭᠦᠳᠡᠭᠰᠡᠭᠡᠷ ᠪᠠᠶ᠋ᠢᠵᠤ
ᠬᠤᠷᠴᠠ ᠰᠦᠬᠡ ᠪᠣᠯᠤᠭᠰᠠᠨ ᠶᠤᠮ
ᠶᠠᠰᠤᠯᠢᠬ ᠳᠠᠩᠰᠠᠨ ᠳ᠋ᠦ᠍ ᠡᠰᠢᠯᠡᠭᠳᠡᠨ ᠪᠠᠶ᠋ᠢᠵᠤ
ᠭᠠᠷ ᠰᠦᠬᠡ ᠪᠣᠯᠤᠭᠰᠠᠨ ᠶᠤᠮ
ᠢᠷ ᠳᠤᠬᠤᠨ ᠪ ᠪᠠᠨ ᠣᠨᠴᠠ ᠡᠷᠲᠡᠮ ᠶ᠋ᠢᠡᠷ
ᠬᠤᠪᠢᠯᠭᠠᠨ ᠰᠦᠬᠡ ᠪᠣᠯᠤᠭᠰᠠᠨ ᠶᠤᠮ ᠃
ᠵᠡᠷᠯᠢᠭ ᠪᠤᠲᠠ ᠶ᠋ᠢ ᠲᠡᠭᠦᠵᠦ ᠬᠠᠲᠤᠬᠤ ᠳ᠋ᠦ᠍
ᠭᠠᠶ᠋ᠢᠭᠤᠢ ᠬᠣᠶᠠᠷ ᠳᠣᠶᠢᠬᠤ ᠦᠭᠡᠢ
ᠵᠢᠰᠢᠭᠦᠦ ᠰᠠᠯᠠᠬ᠋ᠠ ᠶ᠋ᠢ ᠵᠠᠰᠠᠵᠤ ᠱᠤᠯᠤᠬᠤ ᠳ᠋ᠦ᠍
ᠭᠠᠭᠴᠠ ᠠ᠋ᠴᠠ ᠢᠯᠡᠭᠦᠦ ᠴᠠᠪᠴᠢᠬᠤ ᠦᠭᠡᠢ
ᠬᠥᠨᠲᠡᠢ ᠦᠵᠢᠷᠡᠭᠰᠡᠨ ᠬᠤᠪᠠᠬᠠᠢ ᠮᠣᠲᠣᠨ ᠳ᠋ᠦ᠍
ᠠᠷᠤ ᠳᠤᠬᠤ ᠪᠠᠷ ᠶ᠋ᠢᠠᠨ ᠵᠥᠪᠯᠡᠴᠢᠭᠡᠳᠡᠭ
ᠬᠥᠰᠡᠷ ᠬᠠᠶᠠᠭᠲᠠᠭᠰᠠᠨ ᠲᠦᠯᠡᠭᠡ ᠡᠪᠡᠰᠦᠨ ᠳ᠋ᠦ᠍
ᠠᠯᠠᠬ᠋ᠠ ᠲᠦᠭᠦᠰᠢ ᠪᠡᠷ ᠶ᠋ᠢᠡᠨ ᠢᠷᠯᠡᠴᠢᠭᠡᠳᠡᠭ ᠃
ᠡᠰᠢᠯᠡᠵᠦ ᠴᠢᠲᠠᠬᠤ ᠦᠭᠡᠢ ᠬᠥᠮᠦᠨ ᠳ᠋ᠦ᠍
ᠪᠠᠷᠢᠭᠤᠯ ᠡᠷᠢᠵᠦ ᠶᠠᠪᠤᠬᠤ ᠦᠭᠡᠢ
ᠡᠷᠭᠢᠭᠦᠯᠵᠦ ᠴᠢᠲᠠᠬᠤ ᠦᠭᠡᠢ ᠬᠥᠮᠦᠨ ᠳ᠋ᠦ᠍
ᠪᠢᠯᠡᠭᠦᠦ ᠰᠤᠷᠠᠵᠤ ᠶᠠᠪᠤᠬᠤ ᠦᠭᠡᠢ
ᠰᠠᠶ᠋ᠢᠬᠠᠨ ᠪᠢᠯᠡᠭᠦᠦ ᠲᠣᠬᠢᠶᠠᠵᠤ ᠲᠠᠭᠠᠷᠠᠪᠠᠯ
ᠪᠤᠶ᠋ᠢᠯᠠᠲᠤᠵᠤ ᠮᠣᠬᠣᠵᠤ ᠶᠠᠪᠤᠬᠤ ᠦᠭᠡᠢ
ᠰᠠᠢᠨ ᠴᠠᠤᠠᠲᠠᠯᠠ ᠢᠷ ᠰᠠᠭᠤᠯᠭᠠᠪᠠᠯ
ᠪᠠᠷᠢᠯᠠᠵᠤ ᠪᠢᠰᠢᠭᠦᠷᠬᠡᠵᠦ ᠶᠠᠪᠤᠬᠤ ᠦᠭᠡᠢ
ᠭᠠᠷᠮᠠᠭᠠᠢ ᠰᠠᠢᠨ ᠡᠵᠡᠨ ᠲᠠᠭᠠᠷᠠᠪᠠᠯ
ᠣᠮᠣᠭ ᠪᠠᠷᠲᠠᠮ ᠶᠠᠪᠤᠬᠤ ᠨᠢ ᠦᠨᠡᠨ
ᠭᠠᠩ ᠰᠢᠷᠬᠡᠭ ᠲᠡᠢ ᠮᠣᠲᠣ ᠲᠠᠭᠠᠷᠠᠭᠰᠠᠨ ᠴᠤ᠌
ᠭᠠᠷ ᠦ᠋ᠨ ᠠᠶᠠ ᠪᠠᠷ ᠰᠡᠭᠴᠢᠬᠦ ᠨᠢ ᠨᠠᠭᠠᠲᠤᠮ
ᠵᠢᠭᠠᠭᠰᠠᠨ ᠭᠠᠵᠠᠷ ᠰᠢᠯᠵᠢᠬᠦ ᠦᠭᠡᠢ
ᠣᠩᠭᠢᠨ ᠳ᠋ᠠᠭᠠᠨ ᠲᠤᠯᠲᠠᠯᠠ ᠢᠳᠡᠳᠡᠭ ᠨᠢ ᠦᠨᠡᠨ
ᠵᠢᠪᠡᠷᠡᠭᠰᠡᠨ ᠲᠡᠮᠦᠷ ᠬᠠᠲᠠᠭᠠᠰᠤ ᠶ᠋ᠢ ᠪᠠᠶ᠋ᠢᠲᠠᠯᠠ
ᠬᠥᠯᠲᠡᠭᠦᠦ ᠳ᠋ᠦ᠍ ᠨᠡᠪᠲᠡ ᠳᠡᠯᠡᠰᠬᠦ ᠨᠢ ᠲᠣᠭᠯᠠᠭᠠᠮ ᠃
ᠪᠤᠷᠤᠭᠤ ᠡᠰᠢᠯᠡᠭᠰᠡᠨ ᠰᠦᠬᠡ ᠪᠣᠯ
ᠪᠤᠷᠤᠭᠤ ᠬᠠᠨᠲᠤᠵᠤ ᠲᠤᠰᠤᠨᠠ
ᠵᠥᠷᠢᠭᠦᠦ ᠡᠰᠢᠯᠡᠭᠰᠡᠨ ᠰᠦᠬᠡ ᠪᠣᠯ
ᠵᠥᠷᠢᠭᠦᠦ ᠪᠡᠨ ᠤᠨᠤᠵᠤ ᠲᠤᠰᠤᠨᠠ
ᠵᠥᠷᠢᠭᠦᠦ ᠪᠡᠷ ᠰᠡᠤᠠᠬᠢᠵᠦ ᠴᠣᠬᠢᠪᠠᠯ
ᠵᠥᠪ ᠲᠡᠭᠡᠨ ᠡᠷᠭᠢᠵᠦ ᠲᠤᠰᠤᠨᠠ ᠃
ᠰᠣᠯᠣᠭᠠᠢ ᠡᠰᠢᠯᠡᠭᠰᠡᠨ ᠰᠦᠬᠡ ᠪᠣᠯ
ᠰᠠᠯᠬᠢᠨ ᠊ᠢ ᠳᠠᠭᠠᠵᠤ ᠡᠷᠭᠢᠨᠡ
ᠰᠣᠩᠭᠣᠵᠤ ᠵᠢᠭᠠᠵᠤ ᠴᠠᠪᠴᠢᠪᠠᠯ
ᠰᠥᠭᠥᠮ ᠵᠠᠢ ᠳ᠋ᠦ᠍ ᠬᠥᠨᠲᠡᠯᠢᠰᠦᠨᠡ
ᠡᠨᠡᠲᠡᠢ ᠲᠠᠯᠠ ᠳ᠋ᠤᠨᠢ ᠭᠠᠷᠴᠤ
ᠡᠷᠭᠢᠭᠦᠯᠵᠦ ᠵᠥᠪ ᠴᠠᠪᠴᠢᠪᠠᠯ
ᠡᠲᠡᠭᠡᠳ ᠠᠰᠲᠠᠭᠠᠨ ᠣᠷᠣᠨ ᠳ᠋ᠦ᠍
ᠡᠰᠢ ᠪᠡᠨ ᠲᠤᠯᠲᠠᠯᠠ ᠰᠢᠭᠳᠡᠷᠡᠨᠡ ᠃
ᠵᠥᠪ ᠡᠰᠢᠯᠡᠭᠰᠡᠨ ᠰᠦᠬᠡ ᠪᠣᠯ
ᠵᠦᠭᠡᠷ ᠴᠠᠪᠴᠢᠬᠤ ᠦᠭᠡᠢ
ᠵᠦᠭ ᠲᠡᠭᠡᠨ ᠵᠥᠪ ᠬᠠᠨᠲᠤᠵᠤ
ᠵᠦᠩ ᠪᠢᠯᠢᠭ᠌ ᠶ᠋ᠢᠡᠷ ᠲᠤᠰᠤᠨᠠ
ᠵᠥᠪ ᠡᠰᠢᠯᠡᠭᠰᠡᠨ ᠰᠦᠬᠡ ᠪᠣᠯ
ᠰᠠᠶᠠ ᠲᠦᠮᠡᠨ ᠪ ᠵᠡᠪᠰᠡᠭ
ᠵᠣᠷᠢᠯᠲᠠ ᠳ᠋ᠦ᠍ ᠳᠠᠶ᠋ᠢᠰᠤᠨ ᠦᠭᠡᠢ
ᠰᠠᠢᠨ ᠡᠷᠡ ᠶ᠋ᠢᠨ ᠰᠦᠬᠡ ᠃
ᠰᠠᠢᠨ ᠡᠷᠡ ᠶ᠋ᠢᠨ ᠰᠦᠬᠡ ᠪᠣᠯ
ᠥᠭᠡᠬᠦᠨ ᠳ᠋ᠦ᠍ ᠡᠷᠡ ᠭᠠᠷᠭᠠᠬᠤ ᠦᠭᠡᠢ
ᠰᠠᠢᠨ ᠡᠷᠡ ᠶ᠋ᠢᠨ ᠰᠦᠬᠡ ᠪᠣᠯ
ᠡᠪᠡᠰᠦᠨ ᠳ᠋ᠦ᠍ ᠢᠲᠡ ᠭᠠᠷᠭᠠᠬᠤ ᠦᠭᠡᠢ
ᠰᠠᠢᠨ ᠡᠷᠡ ᠶ᠋ᠢᠨ ᠰᠦᠬᠡ ᠪᠣᠯ
ᠡᠰᠢ ᠪᠡᠨ ᠡᠷᠭᠢᠵᠦ ᠳᠠᠭᠠᠭᠠᠬᠤ ᠦᠭᠡᠢ
ᠰᠠᠢᠨ ᠡᠷᠡ ᠶ᠋ᠢᠨ ᠰᠦᠬᠡ ᠪᠣᠯ
ᠡᠵᠡᠨ ᠶ᠋ᠢᠡᠨ ᠡᠷᠭᠢᠭᠦᠯᠵᠦ ᠴᠣᠬᠢᠬᠤ ᠦᠭᠡᠢ ᠃
ᠰᠠᠢᠨ ᠡᠷᠡ ᠶ᠋ᠢᠨ ᠰᠦᠬᠡ ᠪᠣᠯ
ᠥᠪᠡᠷ ᠦ᠋ᠨ ᠶ᠋ᠢᠡᠨ ᠲᠥᠯᠥᠭᠡ ᠶᠠᠪᠤᠬᠤ ᠦᠭᠡᠢ
ᠰᠠᠢᠨ ᠡᠷᠡ ᠶ᠋ᠢᠨ ᠰᠦᠬᠡ ᠪᠣᠯ
ᠥᠷᠥᠭᠡᠯ ᠦ᠋ᠨ ᠲᠥᠯᠥᠭᠡ ᠥᠷᠢᠲᠦᠬᠦ ᠦᠭᠡᠢ
ᠰᠠᠢᠨ ᠡᠷᠡ ᠶ᠋ᠢᠨ ᠰᠦᠬᠡ ᠪᠣᠯ
ᠬᠦᠴᠦᠨ ᠳ᠋ᠡᠭᠡᠨ ᠡᠷᠲᠦᠵᠦ ᠶᠠᠪᠤᠬᠤ ᠦᠭᠡᠢ
ᠰᠠᠢᠨ ᠡᠷᠡ ᠶ᠋ᠢᠨ ᠰᠦᠬᠡ ᠪᠣᠯ
ᠬᠥᠨᠲᠡᠯᠡᠨ ᠰᠦᠬᠡ ᠪᠣᠯᠬᠤ ᠦᠭᠡᠢ ᠃
ᠰᠠᠢᠨ ᠡᠷᠡ ᠶ᠋ᠢᠨ ᠰᠦᠬᠡ ᠭᠡᠵᠦ
ᠡᠷᠡ ᠬᠥᠮᠦᠨ ᠪ ᠡᠷᠡ ᠮᠥᠰᠥ
ᠰᠠᠢᠨ ᠡᠷᠡ ᠶ᠋ᠢᠨ ᠰᠦᠬᠡ ᠭᠡᠵᠦ
ᠡᠷᠡ ᠬᠥᠮᠦᠨ ᠪ ᠡᠷᠡ ᠰᠢᠨᠲᠠᠰᠤ
ᠰᠠᠢᠨ ᠡᠷᠡ ᠶ᠋ᠢᠨ ᠰᠦᠬᠡ ᠭᠡᠵᠦ
ᠡᠷᠡ ᠬᠥᠮᠦᠨ ᠪ ᠰᠦᠷ ᠵᠢᠪᠬᠤᠬ᠋ᠠ
ᠰᠠᠢᠨ ᠡᠷᠡ ᠶ᠋ᠢᠨ ᠰᠦᠬᠡ ᠭᠡᠵᠦ
ᠡᠷᠡ ᠬᠥᠮᠦᠨ ᠪ ᠠᠯᠲᠠᠷ ᠴᠣᠯᠠ ᠃
2012.1.20
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ : ᠪᠠᠶᠠᠨᠰᠡᠷᠡᠩ