ᠨᠠᠷᠠ ᠵᠢᠷᠭᠠᠯᠠ – ᠭᠦᠷᠵᠠᠪ Нар жаргалаа – Гүржав
265ᠨᠠᠷᠠ ᠵᠢᠷᠭᠠᠯᠠ
ᠭᠦᠷᠵᠠᠪ
— ᠳᠡᠭᠦᠦ ᠶ᠋ᠢᠨ ᠮᠢᠨᠢ ᠦᠭᠡ
ᠨᠠᠷᠠ ᠵᠢᠷᠭᠠᠯᠠ —
ᠨᠠᠢ᠍ᠮᠠᠨ ᠵᠣᠪᠬᠢᠰ ᠲᠦ ᠰᠠᠴᠤᠷᠠᠲᠠᠭ
ᠨᠠᠯᠠᠭᠠᠷ ᠰᠢᠷᠭᠠᠯ — ᠭᠡᠷᠡᠯ ᠪᠠ ᠭᠡᠭᠡ ᠪᠡᠨ
ᠨᠠᠪᠴᠢ ᠴᠡᠴᠡᠭ ᠂ ᠡᠪᠡᠰᠦ ᠤᠷᠭᠤᠮᠠᠯ ᠁
ᠪᠦᠬᠦᠨ ᠳᠡᠭᠡᠷᠡ ᠲᠦᠭᠡᠭᠡᠵᠦ ᠂ ᠰᠠᠴᠤᠵᠤ
ᠨᠠᠮᠤᠭᠤᠬᠠᠨ ᠬᠦᠷᠡᠩ ᠠᠭᠤᠯᠠᠰ ᠦ᠋ᠨ ᠰᠡᠵᠢᠭᠦᠷ ᠰᠢᠭᠦᠷᠡᠨ
ᠨᠠᠰᠤᠲᠠᠢ ᠪᠤᠭᠤᠷᠤᠯ ᠡᠮᠡᠭᠡ ᠶ᠋ᠢᠨ ᠮᠢᠨᠢ
ᠦᠯᠢᠭᠡᠷ ᠊ᠢ ᠡᠬᠢᠯᠡᠭᠦᠯᠵᠦ
ᠨᠠᠷᠠ ᠵᠢᠷᠭᠠᠯᠠ
ᠨᠠᠲᠠ ᠂ ᠨᠢᠭᠡ ᠡᠲᠦᠷ ᠦ᠋ᠨ
ᠠᠶᠠᠨ ᠪ ᠤᠴᠠᠷᠠᠯ ᠶ᠋ᠢᠠᠨ ᠲᠣᠭᠠᠴᠢᠵᠤ
ᠨᠠᠭᠠᠴᠤ ᠳ᠋ᠦ᠍ ᠂ ᠨᠡᠭᠦᠲᠡᠯ ᠪᠠᠭᠤᠲᠠᠯ ᠦ᠋ᠨ
ᠰᠠᠶ᠋ᠢᠬᠠᠨ ᠵᠦᠭ ᠵᠢᠭᠠᠵᠤ
ᠨᠠᠷᠠᠰᠤᠨ ᠮᠣᠲᠣᠨ ᠪ ᠨᠠᠮᠠᠭᠠᠨ ᠳ᠋ᠦ᠍
ᠨᠢᠭᠡ ᠴᠤ᠌ ᠬᠤᠪᠢᠷᠠᠲᠠᠭ ᠦᠭᠡᠢ
ᠨᠣᠭᠣᠭᠠᠨ ᠥᠩᠭᠡ ᠰᠠᠭᠤᠯᠭᠠᠵᠤ
ᠨᠠᠰᠤ ᠪᠠᠬ᠋ᠠ ᠮᠢᠨᠦ ᠳᠡᠭᠦᠦ ᠳ᠋ᠦ᠍
ᠨᠠᠭᠠᠲᠤᠮ ᠳ᠋ᠦ᠍ ᠥᠩᠭᠡᠷᠡᠦ ᠰᠢᠨᠤᠬᠠᠶ᠋ᠢᠷᠠᠬᠤ ᠶ᠋ᠢᠨ
ᠬᠣᠣᠷ ᠂ ᠰᠢᠷᠠ ᠶ᠋ᠢ ᠰᠠᠨᠠᠭᠤᠯᠵᠤ
ᠨᠠᠷᠠ ᠵᠢᠷᠭᠠᠯᠠ ᠁
ᠨᠤᠭᠤᠰᠤ ᠭᠠᠯᠠᠭᠤᠨ ᠰᠦᠷᠦᠭ ᠊ᠢ
ᠨᠠᠭᠤᠷ ᠭᠣᠣᠯ ᠳ᠋ᠤᠨᠢ ᠲᠠᠪᠠᠲᠠᠢ ᠨᠣᠷᠭᠢᠭᠤᠯᠵᠤ —
ᠨᠤᠲᠤᠭ ᠦ᠋ᠨ ᠰᠢᠷᠭᠠᠯ ᠦᠲᠡᠰᠢ ᠳ᠋ᠦ᠍
ᠢᠷᠠᠭᠤ ᠬᠥᠭ ᠠᠵᠠᠲᠠᠢ ᠡᠷᠭᠦᠭᠦᠯᠵᠦ
ᠨᠢᠷᠤᠭᠤᠨ ᠠᠯᠠᠭ ᠦᠬᠡᠷ ᠦ᠋ᠳ ᠊ᠢ
ᠬᠣᠲᠠ ᠤᠰᠤᠨ ᠳ᠋ᠦ᠍ᠨᠢ ᠠᠮᠤᠭᠤᠯᠠᠩ ᠪᠤᠴᠠᠭᠤᠯᠵᠤ —
ᠨᠣᠯ ᠨᠣᠭᠣᠭᠠᠨ ᠬᠢᠶᠠᠭ ᠊ᠢ
ᠳᠤᠯᠠᠭᠠᠨ ᠬᠡᠪᠲᠡᠯᠭᠡᠨ ᠳ᠋ᠤᠨᠢ ᠰᠢᠮᠡᠲᠡᠢ ᠬᠡᠪᠢᠭᠦᠯᠵᠦ
ᠨᠠᠷᠠ ᠵᠢᠷᠭᠠᠯᠠ
ᠨᠣᠮᠣᠬᠠᠨ ᠪᠣᠷᠣᠯᠠᠭ ᠮᠣᠷᠢ ᠶ᠋ᠢ ᠮᠢᠨᠢ
ᠡᠪᠦᠭᠡ ᠪᠡᠷ — ᠬᠣᠯᠠ ᠠᠷᠭᠠᠮᠵᠢᠭᠤᠯᠵᠤ
ᠨᠣᠭᠲᠣ ᠂ ᠬᠠᠵᠠᠭᠠᠷ ᠂ ᠲᠠᠰᠢᠭᠤᠷ ᠊ᠢ
ᠡᠭᠦᠲᠡᠨ ᠠᠷᠤ ᠳ᠋ᠦ᠍ ᠲᠣᠬᠢᠲᠠᠢ ᠡᠯᠭᠦᠭᠦᠯᠵᠦ
ᠨᠣᠮ ᠰᠤᠷᠲᠠᠯ ᠰᠠᠶ᠋ᠢᠲᠠᠢ ᠠᠶ᠋ᠢᠯ ᠦ᠋ᠨ ᠨᠣᠬᠠᠳ ᠊ᠢ
ᠬᠣᠷᠣᠬ᠋ᠠ ᠬᠠᠰᠢᠶᠠᠨ ᠪ ᠴᠠᠭᠠᠨᠠ ᠣᠴᠢᠭᠤᠯᠵᠤ
ᠨᠣᠭᠣᠭᠠᠨ ᠭᠡᠷᠡᠯ — ᠨᠢᠲᠦ ᠲᠡᠢ
ᠰᠡᠭᠰᠡᠭᠡᠷ ᠰᠠᠷᠠᠯ ᠊ᠢ ᠴᠠᠭᠲᠠᠭᠤᠯᠵᠤ
ᠨᠠᠷᠠ ᠵᠢᠷᠭᠠᠯᠠ ᠁
ᠢᠷᠡᠯᠲᠡ ᠄
ᠭᠦᠷᠵᠠᠪ ᠦ᠋ᠨ ᠵᠣᠬᠢᠶᠠᠭᠰᠠᠨ《 ᠬᠡᠦᠬᠡᠳ ᠨᠠᠰᠤ ᠰᠠᠶ᠋ᠢᠬᠠᠨ 》 ᠭᠡᠳᠡᠭ ᠨᠣᠮ ᠠ᠋ᠴᠠ ᠬᠠᠭᠤᠯᠤᠨ ᠪᠢᠴᠢᠪᠡ ᠂
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠪᠠᠶᠠᠷᠴᠡᠴᠡᠭ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
2023032