ᠳᠠᠪᠤᠰᠤᠨ ᠠᠶᠠᠨ - ᠰᠸᠷᠵᠢ Давсан аян - Серж
1087ᠳᠠᠪᠤᠰᠤᠨ ᠠᠶᠠᠨ
ᠰᠸᠷᠵᠢ
ᠳᠡᠭᠡᠷᠡ ᠵᠠᠭᠤᠨ ᠤ ᠳᠤᠮᠳᠠᠴᠢ ᠠ᠋ᠴᠠ
ᠳᠠᠪᠤᠰᠤᠨ ᠠᠶᠠᠨ ᠳᠤ ᠶᠠᠪᠤᠵᠠᠭᠠᠳᠠᠭ
ᠦᠬᠡᠷ ᠲᠡᠷᠭᠡ ᠪᠡᠨ ᠴᠦᠷᠬᠡᠯᠡᠭᠡᠳ
ᠦᠵᠦᠮᠦᠴᠢᠨ ᠨᠤᠲᠤᠭ ᠢᠶ᠋ᠡᠨ ᠵᠣᠷᠢᠳᠠᠭ
ᠬᠠᠭᠤᠷᠤᠭᠰᠠᠨ ᠪᠤᠳᠠᠭᠠ ᠪᠠᠨ ᠲᠡᠭᠡᠭᠡᠭᠡᠳ
ᠬᠤᠷᠤᠳ ᠲᠣᠰᠣ ᠪᠠᠨ ᠪᠠᠭᠴᠠᠯᠠᠭᠠᠳ
ᠥᠷᠯᠥᠭᠡ ᠦᠳᠡᠰᠢ ᠲᠡᠢ ᠲᠡᠮᠡᠴᠡᠨ
ᠡᠵᠢ ᠨᠠᠭᠤᠷ ᠢ ᠴᠢᠭᠯᠡᠳᠡᠭ
ᠠᠪᠤ ᠳᠡᠭᠡᠳᠦ ᠶ᠋ᠢᠨ ᠨᠤᠲᠤᠭ ᠠ᠋ᠴᠠ
ᠠᠯᠤᠰ ᠤᠨ ᠬᠣᠯᠠ ᠶ᠋ᠢ ᠵᠣᠷᠢᠨᠠ
ᠠᠷᠠᠰᠤᠨ ᠳᠡᠪᠡᠯ ᠢᠶ᠋ᠡᠨ ᠡᠮᠦᠰᠦᠭᠡᠳ
ᠠᠶᠠᠨ ᠤ ᠵᠠᠮ ᠢᠶ᠋ᠠᠨ ᠡᠯᠭᠦᠨᠡ
ᠦᠬᠡᠷ ᠢᠶ᠋ᠡᠨ ᠲᠠᠯᠪᠢᠵᠤ ᠢᠳᠡᠭᠦᠯᠬᠦ ᠵᠠᠭᠤᠷᠠ
ᠥᠷᠯᠥᠭᠡ ᠶ᠋ᠢᠨ ᠴᠠᠢ ᠪᠠᠨ ᠪᠤᠴᠠᠯᠭᠠᠨᠠ
ᠤᠤᠭᠤᠵᠤ ᠵᠣᠭᠣᠭᠯᠠᠬᠤ ᠠ᠋ᠴᠠ ᠡᠮᠦᠨᠡ
ᠠᠭᠤᠯᠠᠨ ᠰᠠᠬᠢᠭᠤᠰᠤ ᠳᠤ ᠪᠠᠨ ᠡᠷᠭᠦᠨᠡ
ᠠᠭᠤᠯᠠᠨ ᠬᠣᠷᠮᠣᠢ ᠳᠤ ᠪᠠᠭᠤᠳᠠᠯᠯᠠᠬᠤ ᠳᠤ
ᠠᠬᠠᠮᠠᠳ ᠲᠣᠮᠣᠭᠠᠲᠠᠳ ᠬᠠᠭᠤᠴᠢᠯᠠᠨᠠ
ᠤᠬᠠᠭᠠᠯᠢᠬ ᠰᠠᠮᠪᠠᠭᠠᠲᠠᠢ ᠵᠠᠯᠠᠭᠤᠰ ᠨᠢ
ᠤᠴᠢᠷᠲᠠᠢ ᠶᠠᠷᠢᠶᠠᠨ ᠳᠤ ᠰᠣᠭᠲᠣᠭᠤᠷᠠᠨᠠ
ᠮᠥᠰᠥ ᠴᠠᠰᠤ ᠶ᠋ᠢ ᠲᠤᠭᠤᠯᠬᠤ ᠳᠤ
ᠮᠥᠷᠥᠭᠡᠳᠬᠦ ᠰᠡᠳᠬᠢᠯ ᠨᠤᠲᠤᠭ ᠵᠦᠭ ᠲᠤ
ᠮᠤᠷᠤᠢ ᠰᠠᠷᠤᠢ ᠬᠠᠩᠭᠠᠢ ᠶ᠋ᠢᠨ ᠵᠠᠮ
ᠮᠢᠷᠠᠯᠵᠠᠭᠰᠠᠨ ᠬᠠᠳᠠᠭ ᠰᠢᠭ᠋ ᠰᠤᠨᠤᠯᠵᠠᠨᠠ
ᠴᠡᠪᠡᠷ ᠠᠷᠢᠭᠤᠨ ᠡᠵᠢ ᠨᠠᠭᠤᠷ
ᠴᠡᠯᠮᠡᠭ ᠣᠭᠲᠠᠷᠭᠤᠢ ᠶ᠋ᠢᠨ ᠰᠠᠷᠠ ᠦᠦ
ᠮᠥᠩᠬᠡ ᠲᠩᠷᠢ ᠡᠴᠡ ᠬᠠᠶ᠋ᠢᠷᠠᠯᠠᠭᠰᠠᠨ
ᠮᠣᠯᠣᠷ ᠡᠷᠳᠡᠨᠢ ᠶ᠋ᠢᠨ ᠰᠠᠩ ᠦᠦ
ᠪᠤᠶᠠᠨ ᠬᠤᠷᠤᠶ᠋ᠢᠯᠠᠭᠰᠠᠨ ᠡᠵᠢ ᠨᠠᠭᠤᠷ
ᠪᠤᠷᠬᠠᠨ ᠰᠠᠬᠢᠭᠤᠰᠤ ᠢᠪᠡᠭᠡᠪᠡ ᠦᠦ
ᠪᠣᠭᠳᠠ ᠡᠵᠡᠨ ᠦ ᠰᠣᠶᠣᠷᠬᠠᠭᠰᠠᠨ
ᠪᠣᠮᠠᠨ ᠡᠷᠳᠡᠨᠢᠰ ᠦᠨ ᠳᠠᠯᠠᠢ ᠦᠦ
ᠴᠠᠰᠤ ᠮᠥᠰᠥ ᠲᠡᠢ ᠵᠠᠮ ᠢᠶ᠋ᠠᠷ
ᠵᠢᠵᠢᠭᠢᠨᠡᠭᠦᠯᠵᠦ ᠶᠠᠪᠤᠨᠠ ! ᠦᠬᠡᠷ ᠲᠡᠷᠭᠡ ᠮᠢᠨᠢ
ᠴᠡᠩᠬᠡᠷ ᠠᠯᠤᠰ ᠤᠨ ᠦᠵᠦᠮᠦᠴᠢᠨ ᠳᠦ
ᠴᠠᠬᠢᠯᠳᠠᠭ ᠬᠥᠬᠡᠷᠡᠲᠡᠯᠡ ᠠᠶᠠᠯᠠᠳᠠᠭ
ᠭᠠᠯᠠᠭᠤ ᠰᠢᠪᠠᠭᠤ ᠡᠷᠭᠢᠬᠦ ᠪᠣᠯᠤᠯᠠ
ᠭᠠᠩᠭᠠᠷ ᠭᠣᠩᠭᠣᠷ ᠳᠣᠩᠭᠣᠳᠤᠨᠠ
ᠬᠠᠰᠠᠭ ᠲᠡᠷᠭᠡ ᠪᠡᠨ ᠳᠦᠭᠦᠷᠭᠡᠭᠡᠳ
ᠬᠠᠷᠢᠨ ᠪᠢᠳᠡ ᠨᠤᠲᠤᠭ ᠵᠦᠭ ᠢᠶ᠋ᠡᠨ ᠁
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠠᠵᠠᠵᠠᠶᠠᠭᠠ
ᠬᠢᠨᠠᠭᠴᠢ ᠄ ᠰᠡᠴᠡᠨᠴᠢᠮᠡᠭ ᠂ ᠣᠳᠣᠨᠭᠡᠷᠡᠯ