ᠮᠣᠩᠭᠣᠯ ᠣᠨᠢᠰᠤᠭᠠ ᠶᠢᠨ ᠲᠡᠭᠦᠪᠦᠷᠢ – ᠬᠣᠶᠠᠳᠤᠭᠠᠷ ᠪᠦᠯᠦᠭ –2 Монгол оньсгын түүвэр –Хоёрдугаар бүлэг–2
920ᠬᠣᠶᠠᠳᠤᠭᠠᠷ ᠪᠦᠯᠦᠭ – ᠠᠷᠠᠳ ᠦ᠋ᠨ ᠠᠮᠠ ᠪᠠᠷ ᠵᠣᠬᠢᠶᠠᠭᠲᠠᠭᠰᠠᠨ ᠣᠨᠢᠰᠣᠬ᠋ᠠ
ᠥᠷᠭᠥᠭᠡ ᠭᠡᠷ ᠲᠤ ᠬᠣᠯᠪᠣᠭᠲᠠᠬᠤ ᠵᠦᠢᠯ
ᠠᠷᠬ᠋ᠠ ᠦᠭᠡᠢ ᠰᠢᠪᠠᠭᠤ
ᠠᠷᠪᠠᠨ ᠬᠣᠶᠠᠷ ᠲᠡᠮᠦᠷ ᠰᠣᠶᠣᠬ᠋ᠠ ᠲᠠᠢ
( ᠮᠠᠶ᠋ᠢᠬᠠᠨ )
ᠬᠠᠮᠠᠷ ᠦᠭᠡᠢ ᠠᠮᠠ
ᠬᠠᠪᠢᠷᠬ᠋ᠠ ᠦᠭᠡᠢ ᠨᠢᠷᠤᠭᠤ
ᠬᠣᠭᠣᠰᠣᠨ ᠠᠷᠠᠰᠤ
ᠬᠣᠶᠠᠷ ᠬᠠ
( ᠮᠠᠶ᠋ᠢᠬᠠᠨ )
ᠬᠣᠭᠣᠰᠣᠨ ᠬᠥᠨᠲᠡᠢ ᠠᠷᠠᠰᠤ
ᠬᠣᠷᠢᠨ ᠳᠥᠷᠪᠡᠨ ᠬᠥᠯ
( ᠮᠠᠶ᠋ᠢᠬᠠᠨ )
ᠪᠦᠲᠦᠭᠦᠨ ᠬᠥᠮᠦᠨ
ᠪᠦᠰᠡ ᠪᠡᠨ ᠪᠦᠰᠡᠯᠡᠵᠦ ᠴᠢᠲᠠᠬᠤ ᠦᠭᠡᠢ
( ᠮᠣᠩᠭᠣᠯ ᠭᠡᠷ )
ᠣᠷᠣᠰ ᠬᠠᠲᠠᠭᠠᠰᠤᠨ ᠪ ᠣᠷᠣᠮ ᠦᠭᠡᠢ
ᠣᠯᠣᠰᠣᠨ ᠳᠡᠭᠡᠰᠦᠨ ᠪ ᠰᠢᠷᠬᠡᠭ ᠦᠭᠡᠢ
ᠴᠢᠯᠠᠭᠤ ᠰᠢᠷᠣᠢ ᠶ᠋ᠢᠨ ᠵᠠᠷᠤᠲᠠᠯ ᠦᠭᠡᠢ
ᠴᠤᠯᠤ ᠡᠷᠲᠡᠨᠢ ᠶ᠋ᠢᠨ ᠮᠥᠩᠭᠥᠨ ᠣᠷᠲᠣᠨ —
ᠲᠠᠩᠰᠤᠭ ᠪᠠᠶᠠᠨ ᠬᠠᠶ᠋ᠢᠷᠬᠠᠨ ᠠ᠋ᠴᠠ ᠪᠠᠨ
ᠰᠢᠯᠢᠵᠦ ᠰᠣᠩᠭᠣᠭᠰᠠᠨ ᠬᠠᠷᠭᠠᠢ
ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠦ᠋ᠨ ᠶ᠋ᠢᠠᠨ
ᠰᠢᠮᠡ ᠪᠡᠷ ᠪᠦᠷᠢᠯᠲᠦᠭᠦᠯᠦᠭᠰᠡᠨ ᠬᠠᠷᠰᠢ —
ᠤᠯᠠᠷᠢᠯ ᠦ᠋ᠨ ᠰᠠᠶ᠋ᠢᠬᠠᠨ ᠊ᠢ ᠦᠵᠡᠵᠦ
ᠨᠤᠲᠤᠭ ᠶ᠋ᠢᠠᠨ ᠰᠣᠩᠭᠣᠨ ᠨᠡᠭᠦᠳᠡᠯᠯᠡᠳᠡᠭ
ᠤᠲᠤᠮ ᠦ᠋ᠨ ᠰᠠᠢᠨ ᠶ᠋ᠢᠠᠨ ᠭᠠᠶ᠋ᠢᠬᠠᠭᠤᠯᠵᠤ
ᠨᠣᠮᠢᠨ ᠲᠠᠯᠠ ᠳ᠋ᠠᠭᠠᠨ ᠰᠦᠨᠲᠡᠷᠯᠡᠨᠡ
( ᠮᠣᠩᠭᠣᠯ ᠭᠡᠷ )
ᠣᠭᠣᠯᠢ ᠪᠠᠷ ᠬᠢᠭᠰᠡᠨ ᠤᠮᠪᠤᠬᠠᠢ
ᠣᠶᠣᠵᠤ ᠬᠢᠭᠰᠡᠨ ᠱᠤᠮᠪᠤᠬᠠᠢ
( ᠮᠣᠩᠭᠣᠯ ᠭᠡᠷ )
ᠶᠡᠬᠡ ᠬᠣᠪᠢᠩ
ᠢᠰᠡᠭᠡᠢ ᠶ᠋ᠢᠨ ᠲᠠᠭᠯᠠᠬ᠋ᠠ ᠲᠠᠢ
( ᠮᠣᠩᠭᠣᠯ ᠭᠡᠷ )
ᠨᠢᠷᠤᠭᠤ ᠴᠤᠭᠤᠷᠤᠬᠠᠢ
ᠳᠣᠲᠣᠷᠠ ᠦᠲᠡᠩᠬᠡᠢ
ᠰᠡᠭᠦᠯ ᠰᠢᠷᠪᠠᠩᠬᠠᠢ
( ᠮᠣᠩᠭᠣᠯ ᠭᠡᠷ )
ᠬᠥᠮᠥᠷᠭᠡ ᠰᠠᠩ
ᠬᠥᠮᠦᠨ ᠶ᠋ᠢᠡᠷ ᠪᠥᠭᠡᠯᠵᠢᠨᠡ
( ᠮᠣᠩᠭᠣᠯ ᠭᠡᠷ )
ᠬᠠᠰᠢᠶᠠ ᠨᠢ ᠳᠣᠲᠣᠷᠠ ᠪᠠᠨ
ᠬᠠᠨᠠ ᠨᠢ ᠭᠠᠲᠠᠨᠠ ᠪᠠᠨ
( ᠮᠣᠩᠭᠣᠯ ᠭᠡᠷ )
ᠬᠠᠷᠠ ᠦᠬᠡᠷ
ᠭᠡᠷ ᠲᠣᠭᠣᠷᠢᠵᠤ ᠰᠢᠷᠪᠠᠭᠠᠨᠠᠨᠠ
( ᠭᠡᠷ ᠦ᠋ᠨ ᠰᠡᠭᠦᠲᠡᠷ )
ᠥᠨᠲᠥᠷ ᠴᠠᠭᠠᠨ ᠮᠣᠷᠢ
ᠶᠠᠰᠤᠨ ᠴᠠᠭᠠᠨ ᠲᠣᠬᠣᠮ ᠲᠠᠢ
( ᠮᠣᠩᠭᠣᠯ ᠭᠡᠷ )
ᠢᠰᠡᠭᠡᠢ ᠤᠭᠤᠲᠠ
ᠠᠷᠴᠢᠨ ᠲᠠᠲᠠᠬ᠋ᠠ
( ᠮᠣᠩᠭᠣᠯ ᠭᠡᠷ )
ᠲᠡᠮᠡᠭᠡᠨ ᠳᠡᠭᠡᠷᠡ ᠳᠡᠭᠵᠢ ( ᠳᠥᠷᠪᠡᠯᠵᠢ )
ᠲᠡᠷᠡ ᠭᠠᠵᠠᠷ ᠶᠠᠭᠵᠢ ( ᠶᠠᠭᠵᠢᠭᠠᠷ )
ᠪᠠᠷᠠᠭᠠᠨ ᠳᠡᠭᠡᠷᠡ ᠪᠠᠭᠵᠢ ( ᠪᠠᠭᠵᠢᠭᠠᠷ )
ᠪᠠᠷᠠᠭᠰᠠᠨ ᠬᠣᠶ᠋ᠢᠨᠠ ᠪᠠᠨ ᠳᠤᠭᠤᠢ
( ᠮᠣᠩᠭᠣᠯ ᠭᠡᠷ )
ᠰᠤᠭ ᠲᠡᠮᠡᠭᠡ ᠰᠣᠭᠰᠣᠯᠵᠠᠨᠠ
ᠰᠤᠬᠠᠢ ᠮᠣᠲᠣ ᠨᠠᠶ᠋ᠢᠭᠤᠯᠵᠠᠨᠠ
( ᠮᠣᠩᠭᠣᠯ ᠭᠡᠷ ᠪᠣᠰᠬᠠᠬᠤ )
ᠬᠦᠷᠡᠩ ᠦᠬᠡᠷ
ᠬᠦᠷᠵᠡ ᠶ᠋ᠢᠨ ᠰᠡᠭᠦᠯ ᠲᠡᠢ
( ᠮᠣᠩᠭᠣᠯ ᠭᠡᠷ )
ᠠᠭᠤᠯᠠᠨ ᠴᠢᠨᠡᠭᠡ ᠵᠢᠷᠦᠬᠡ
ᠵᠦᠭ ᠪᠦᠷᠢ ᠳ᠋ᠡᠭᠡᠨ ᠵᠠᠮ ᠲᠠᠢ
( ᠡᠷᠦᠬᠡ ᠶ᠋ᠢᠨ ᠣᠭᠣᠰᠣᠷ )
ᠡᠪᠬᠡᠪᠡᠯ ᠵᠠᠩᠴᠢ ᠰᠢᠭ᠋
ᠨᠡᠭᠡᠭᠡᠪᠡᠯ ᠰᠡᠮᠡᠵᠡ ᠰᠢᠭ᠌
( ᠮᠣᠩᠭᠣᠯ ᠭᠡᠷ ᠦ᠋ᠨ ᠬᠠᠨᠠ )
ᠤᠷᠲᠤ ᠬᠥᠮᠦᠨ ᠤᠯᠠᠨ ᠳ᠋ᠠᠭᠠᠨ ᠦᠰᠦᠲᠡᠢ
( ᠮᠣᠩᠭᠣᠯ ᠭᠡᠷ ᠦ᠋ᠨ ᠣᠨᠢ )
ᠭᠡᠷ ᠳᠦᠭᠦᠷᠡᠩ
ᠭᠡᠲᠡᠭᠡᠷ ᠪᠤᠷᠬᠠᠨ
( ᠬᠠᠨᠠ ᠶ᠋ᠢᠨ ᠲᠣᠯᠣᠭᠠᠢ )
ᠪᠢ ᠡᠭᠦᠪᠡᠷ ᠶᠠᠪᠤᠶᠠ
ᠴᠢ ᠲᠡᠭᠦᠪᠡᠷ ᠶᠠᠪᠤ
ᠪᠢᠯᠡᠭᠦᠲᠦ ᠶ᠋ᠢᠨ ᠭᠣᠣᠯ ᠳᠡᠭᠡᠷᠡ ᠠᠭᠤᠯᠵᠠᠶᠠ
( ᠭᠡᠷ ᠦ᠋ᠨ ᠪᠦᠰᠡᠯᠡᠭᠦᠷ )
ᠬᠠᠪᠬᠠᠭᠠᠰᠤ ᠪᠠᠨ ᠠᠪᠬᠤ ᠳ᠋ᠦ᠍
ᠬᠠᠭ ᠨᠢ ᠦᠯᠡᠲᠡᠵᠡᠢ
( ᠭᠡᠷ ᠦ᠋ᠨ ᠪᠠᠭᠤᠷᠢ )
ᠪᠦᠷᠭᠦᠳ ᠪᠥᠭᠰᠡ ᠪᠡᠨ ᠬᠠᠶᠠᠨᠠ
( ᠭᠡᠷ ᠦ᠋ᠨ ᠪᠠᠭᠤᠷᠢ )
ᠭᠠᠵᠠᠷ ᠲᠤ ᠭᠠᠷᠬ᠋ᠠ
( ᠭᠡᠷ ᠦ᠋ᠨ ᠪᠠᠭᠤᠷᠢ )
ᠡᠲᠦᠷ ᠲᠡᠭᠡᠨ ᠭᠤᠷᠪᠠᠯᠵᠢᠨ
ᠰᠥᠨᠢ ᠳ᠋ᠡᠭᠡᠨ ᠳᠥᠷᠪᠡᠯᠵᠢᠨ
( ᠭᠡᠷ ᠦ᠋ᠨ ᠡᠷᠦᠬᠡ )
ᠵᠢᠰᠦᠲᠡᠢ ᠲᠥᠷᠥᠭᠰᠡᠨ ᠬᠡᠦᠬᠡᠨ ᠪ
ᠵᠥᠷᠢᠭᠦᠯᠵᠦ ᠲᠠᠯᠪᠢᠬᠰᠠᠨ ᠠᠯᠴᠢᠭᠤᠷ
ᠵᠦᠭ ᠪᠣᠯᠭᠠᠨ ᠳ᠋ᠠᠭᠠᠨ ᠪᠦᠴᠡ ᠲᠡᠢ ᠴᠤ᠌
ᠵᠥᠷᠢᠭᠦᠯᠵᠦ ᠵᠠᠷᠤᠲᠠᠭ ᠶᠣᠰᠣ ᠦᠭᠡᠢ
ᠡᠮᠦᠨᠡᠬᠢ ᠨᠢᠭᠡ ᠨᠢ ᠰᠤᠯᠠ ᠴᠤ᠌
ᠥᠷᠯᠥᠭᠡ ᠦᠲᠡᠰᠢ ᠶ᠋ᠢᠨ ᠡᠭᠦᠷᠭᠡ ᠲᠡᠢ
ᠥᠷᠥᠭᠡᠯ ᠭᠤᠷᠪᠠ ᠨᠢ ᠤᠶᠠᠬ᠋ᠠ ᠲᠠᠢ ᠴᠤ᠌
ᠡᠲᠦᠷ ᠰᠥᠨᠢ ᠶ᠋ᠢᠨ ᠲᠤᠰᠢᠶᠠᠯ ᠲᠠᠢ
( ᠭᠡᠷ ᠦ᠋ᠨ ᠡᠷᠦᠬᠡ )
ᠳᠥᠨᠵᠢᠨ ᠲᠡᠮᠡᠭᠡ
ᠳᠥᠷᠪᠡᠨ ᠪᠤᠷᠠᠨᠲᠠᠭ ᠲᠠᠢ
( ᠭᠡᠷ ᠦ᠋ᠨ ᠡᠷᠦᠬᠡ )
ᠥᠷᠯᠥᠭᠡ ᠶᠠᠪᠤᠭᠠᠳ ᠣᠷᠣᠢ ᠢᠷᠡᠳᠡᠭ
( ᠭᠡᠷ ᠦ᠋ᠨ ᠡᠷᠦᠬᠡ )
ᠥᠷᠯᠥᠭᠡ ᠪᠤᠴᠠᠲᠠᠭ ᠯᠡᠪᠯᠡᠭᠡᠷ
ᠣᠷᠣᠢ ᠢᠷᠡᠳᠡᠭ ᠯᠡᠪᠯᠡᠭᠡᠷ
( ᠭᠡᠷ ᠦ᠋ᠨ ᠡᠷᠦᠬᠡ )
ᠠᠮᠠ ᠦᠭᠡᠢ ᠪᠠᠶ᠋ᠢᠭᠠᠳ ᠲᠥᠷᠥ ᠲᠡᠢ
ᠠᠯᠬᠤᠬᠤ ᠦᠭᠡᠢ ᠪᠠᠶ᠋ᠢᠭᠠᠳ ᠬᠥᠯ ᠲᠡᠢ
( ᠭᠡᠷ ᠦ᠋ᠨ ᠡᠷᠦᠬᠡ )
ᠥᠷᠯᠥᠭᠡ ᠶ᠋ᠢᠨ ᠬᠣᠨᠢ ᠬᠣᠶ᠋ᠢᠰᠢ ᠪᠠᠨ ᠪᠡᠯᠴᠢᠨᠡ
ᠦᠲᠡᠰᠢ ᠶ᠋ᠢᠨ ᠬᠣᠨᠢ ᠤᠷᠤᠭᠰᠢ ᠪᠠᠨ ᠪᠡᠯᠴᠢᠨᠡ
( ᠭᠡᠷ ᠦ᠋ᠨ ᠡᠷᠦᠬᠡ)
ᠶᠡᠬᠡ ᠴᠠᠭᠠᠨ ᠭᠡᠭᠦᠦ
ᠶᠡᠷᠢ ᠶᠢᠰᠦᠨ ᠲᠠᠮᠠᠬ᠋ᠠ ᠲᠠᠢ
( ᠡᠷᠦᠬᠡᠨ ᠣᠭᠣᠰᠣᠷ)
ᠭᠡᠷ ᠦ᠋ᠨ ᠠᠷᠤ ᠳᠡᠭᠡᠷᠡ ᠭᠡᠲᠡᠩ ᠭᠣᠲᠣᠩ
ᠭᠡᠲᠡᠬᠡᠷ ᠮᠣᠲᠣ ᠪᠠᠷ ᠭᠡᠳ ᠭᠣᠣᠨ
( ᠡᠷᠦᠬᠡᠨ ᠣᠭᠣᠰᠣᠷ)
ᠨᠢᠭᠡ ᠨᠣᠶᠠᠨ ᠳᠦᠷᠪᠡᠨ ᠲᠦᠰᠢᠮᠡᠯ ᠲᠡᠢ
( ᠡᠷᠦᠬᠡᠨ ᠣᠭᠣᠰᠣᠷ)
ᠥᠷᠯᠥᠭᠡ ᠶ᠋ᠢᠨ ᠭᠠᠯᠠᠭᠤ
ᠥᠭᠡᠲᠡ ᠪᠡᠨ ᠴᠤᠪᠤᠨᠠ
ᠣᠷᠣᠢ ᠶ᠋ᠢᠨ ᠭᠠᠯᠠᠭᠤ
ᠤᠷᠤᠭᠤ ᠪᠠᠨ ᠴᠤᠪᠤᠨᠠ
( ᠡᠷᠦᠬᠡᠨ ᠣᠭᠣᠰᠣᠷ)
ᠠᠮᠢᠲᠤ ᠪᠢᠰᠢ ᠪᠠᠶ᠋ᠢᠭᠠᠳ ᠭᠣᠣᠯ ᠲᠠᠢ
ᠠᠲᠤᠭᠤ ᠪᠢᠰᠢ ᠪᠠᠶ᠋ᠢᠭᠠᠳ ᠳᠠᠬ᠋ᠠ ᠲᠠᠢ
ᠮᠠᠯ ᠪᠢᠰᠢ ᠪᠠᠶ᠋ᠢᠭᠠᠳ ᠱᠠᠬ᠋ᠠ ᠲᠠᠢ
ᠮᠠᠨ ᠪ ᠳ᠋ᠦ᠍ ᠴᠤ᠌ ᠪᠠᠶ᠋ᠢᠨᠠ ᠂ ᠲᠠᠨ ᠪ ᠳ᠋ᠦ᠍ ᠴᠤ᠌ ᠪᠠᠶ᠋ᠢᠨᠠ
( ᠲᠣᠭᠣᠨᠣ)
ᠮᠥᠩᠭᠥᠨ ᠰᠠᠷᠠᠨ ᠪ ᠬᠡᠯᠪᠡᠷᠢ ᠲᠡᠢ
ᠮᠦᠭᠡᠷᠦᠨ ᠳᠦᠷᠪᠡᠨ ᠬᠠᠮᠠᠷ ᠲᠠᠢ
ᠮᠤᠰᠬᠢᠶᠠ ᠰᠦᠯᠵᠢᠶᠡ ᠭᠡ ᠲᠡᠢ
ᠮᠤᠨᠠ ᠶ᠋ᠢᠨ ᠨᠠᠷᠠᠰᠤᠨ ᠵᠢᠭᠦᠷ ᠲᠡᠢ
ᠤᠷᠠᠨ ᠳᠠᠷᠬᠠᠨ ᠪ ᠰᠡᠢᠯᠦᠭᠰᠡᠨ ᠤᠭᠠᠯᠵᠠ
ᠤᠲᠤᠮᠲᠤ ᠮᠣᠩᠭᠣᠯ ᠦ᠋ᠨ ᠰᠢᠲᠢᠲᠦ ᠭᠡᠭᠡᠪᠴᠢ
( ᠲᠣᠭᠣᠨᠣ)
ᠵᠣᠭᠣᠰ ᠰᠢᠭ᠋ ᠬᠡᠯᠪᠡᠷᠢ ᠲᠡᠢ
ᠵᠠᠭᠤ ᠨᠠᠢ᠍ᠮᠠᠨ ᠡᠯᠴᠢ ᠲᠠᠢ
( ᠲᠣᠭᠣᠨᠣ)
ᠠᠴᠠ ᠮᠣᠲᠣᠨ ᠳᠡᠭᠡᠷᠡ
ᠪᠠᠴᠠ ᠮᠣᠲᠣ
ᠪᠠᠴᠠ ᠮᠣᠲᠣᠨ ᠳᠡᠭᠡᠷᠡ
ᠪᠠᠤᠠᠮᠠ ᠲᠠᠮᠠᠬ᠋ᠠ
( ᠲᠣᠭᠣᠨᠣ)
ᠵᠣᠭᠰᠣᠭᠠᠯ ᠬᠠᠲᠤᠨ
ᠵᠠᠭᠤ ᠨᠠᠢ᠍ᠮᠠᠨ ᠢᠨᠵᠢ ᠲᠡᠢ
( ᠲᠣᠭᠣᠨᠣ)
ᠵᠢᠷᠠᠨ ᠤᠯᠠᠭᠠᠨ ᠢᠮᠠᠬ᠋ᠠ
ᠵᠢᠷᠠᠨᠲᠠᠢ ᠶ᠋ᠢᠨ ᠳᠠᠪᠠᠬ᠋ᠠ ᠪᠠᠷ ᠳᠠᠪᠠᠨᠠ
( ᠲᠣᠭᠣᠨᠣ ᠪᠠᠷ ᠣᠴᠢ ᠪᠤᠲᠠᠷᠠᠬᠤ)
ᠲᠠᠶ᠋ᠢᠯᠤᠭ ᠲᠡᠮᠡᠭᠡ
ᠲᠠᠪᠤᠨ ᠪᠤᠷᠠᠨᠲᠠᠭ
( ᠲᠣᠭᠣᠨᠣ)
ᠨᠠᠩ ᠮᠣᠲᠣᠨ ᠳᠡᠭᠡᠷᠡ
ᠰᠠᠩ ᠮᠣᠲᠣ
ᠰᠠᠩ ᠮᠣᠲᠣᠨ ᠳᠡᠭᠡᠷᠡ
ᠰᠠᠶ᠋ᠢᠬᠠᠨ ᠰᠢᠪᠠᠭᠤ
( ᠬᠠᠨᠠ ᠣᠨᠢ ᠲᠣᠭᠣᠨᠣ)
ᠠᠴᠠ ᠮᠣᠲᠣᠨ ᠳᠡᠭᠡᠷᠡ
ᠨᠠᠴᠠ ᠮᠣᠲᠣ
ᠨᠠᠴᠠ ᠮᠣᠲᠣ ᠳᠡᠭᠡᠷᠡ
ᠨᠠᠷᠠ ᠰᠠᠷᠠ
( ᠬᠠᠨᠠ ᠤᠨᠢ ᠲᠣᠭᠣᠨᠣ)
ᠨᠠᠭᠤᠷ ᠲᠣᠭᠣᠷᠢᠭᠠᠳ
ᠨᠤᠭᠤᠰᠤ ᠰᠠᠭᠤᠬ᠋ᠠ
( ᠲᠣᠭᠣᠨᠣ ᠶ᠋ᠢᠨ ᠬᠤᠷᠤᠭᠤ)
ᠵᠠᠷᠲᠠᠭᠠᠢ ᠰᠢᠮᠨᠤ ᠶ᠋ᠢ
ᠵᠢᠷᠠᠨ ᠵᠢᠲᠠ ᠪᠠᠷ ᠵᠢᠲᠠᠯᠠᠨᠠ
( ᠲᠣᠭᠣᠨᠣ)
ᠨᠣᠮᠣᠬᠠᠨ ᠬᠠᠷᠠ ᠮᠣᠷᠢ
ᠨᠠᠶᠠᠨ ᠲᠠᠪᠤᠨ ᠰᠢᠲᠤ ᠲᠠᠢ
( ᠲᠣᠭᠣᠨᠣ)
ᠳᠠᠯᠠᠨ ᠤᠷᠬ᠋ᠠ ᠴᠢᠷᠦᠭᠰᠡᠨ
ᠳᠠᠯᠠᠢ ᠪᠠᠶᠠᠨ ᠠᠵᠢᠷᠬ᠋ᠠ
( ᠲᠣᠭᠣᠨᠣ)
ᠵᠣᠪᠠᠵᠤ ᠵᠦᠳᠡᠷᠡᠳᠡᠭ ᠦᠭᠡᠢ
ᠵᠣᠭᠰᠣᠭᠠᠯ ᠬᠠᠲᠤᠨ
( ᠲᠣᠭᠣᠨᠣ)
ᠣᠯᠠᠨ ᠲᠡᠮᠡᠭᠡ ᠳᠣᠲᠣᠷᠠ
ᠣᠩᠭᠣᠷᠬᠠᠢ ᠬᠠᠷᠠ ᠪᠤᠤᠷᠠ
( ᠲᠣᠭᠣᠨᠣ)
ᠰᠠᠷᠠ ᠰᠢᠭ᠋ ᠳᠤᠭᠤᠢ
ᠰᠠᠮ ᠰᠢᠭ᠋ ᠰᠠᠲᠠᠷᠬᠠᠢ
( ᠲᠣᠭᠣᠨᠣ)
ᠵᠠᠭᠤᠨ ᠬᠠᠶ᠋ᠢᠨᠤᠭ
ᠨᠢᠭᠡ ᠲᠥᠷᠥ ᠲᠡᠢ
( ᠣᠨᠢ)
ᠵᠠᠭᠤᠨ ᠬᠥᠮᠦᠨ
ᠨᠢᠭᠡ ᠳᠡᠷᠡ ᠲᠡᠢ
( ᠤᠨᠢ)
ᠤᠷᠲᠤ ᠬᠦᠮᠦᠨ
ᠤᠯᠠ ᠳ᠋ᠠᠭᠠᠨ ᠦᠰᠦ ᠲᠡᠢ
( ᠤᠨᠢ)
ᠤᠷᠲᠤ ᠬᠦᠮᠦᠨ
ᠤᠲᠠᠰᠤᠨ ᠳᠥᠷᠥᠭᠡ ᠲᠡᠢ
( ᠤᠨᠢ)
ᠵᠠᠭᠤᠨ ᠬᠠᠷᠠ ᠢᠮᠠᠭᠠᠨ ᠳ᠋ᠦ᠍
ᠵᠠᠭᠤᠲᠠᠭ ᠬᠠᠷᠠ ᠳᠡᠬᠡ ᠲᠡᠢ
( ᠤᠨᠢ)
ᠭᠡᠷ ᠶ᠋ᠢᠡᠷ ᠳᠦᠭᠦᠷᠡᠩ
ᠤᠷᠲᠤ ᠬᠠᠷᠠ ᠵᠢᠲᠠ
( ᠤᠨᠢ)
ᠤᠷᠲᠤ ᠬᠡᠦᠬᠡᠨ
ᠤᠷᠤᠭᠤᠯ ᠶ᠋ᠢᠠᠷ ᠶ᠋ᠢᠠᠨ ᠨᠦᠬᠡ ᠲᠡᠢ
ᠪᠣᠭᠣᠨᠢ ᠬᠡᠦᠬᠡᠨ
ᠪᠣᠷᠪᠢ ᠪᠠᠷ ᠶ᠋ᠢᠠᠨ ᠨᠦᠬᠡ ᠲᠡᠢ
( ᠤᠨᠢ ᠲᠣᠭᠣᠨᠣ)
ᠲᠠᠭ ᠳᠡᠭᠡᠷᠡ
ᠲᠠᠪᠤᠨ ᠭᠠᠯᠠᠭᠤ
( ᠲᠣᠲᠣᠭᠣ ᠶ᠋ᠢᠨ ᠲᠠᠪᠤᠨ ᠤᠨᠢ)
ᠲᠠᠭ ᠳᠡᠭᠡᠷᠡ
ᠲᠠᠪᠤᠨ ᠰᠤᠪᠠᠢ ᠭᠡᠭᠦᠦ
( ᠲᠣᠲᠣᠭᠣ ᠶ᠋ᠢᠨ ᠲᠠᠪᠤᠨ ᠤᠨᠢ)
ᠲᠡᠮᠡᠭᠡᠨ ᠰᠢᠷᠢ ᠪᠠᠷ ᠲᠡᠩᠴᠡᠭᠦᠯᠵᠦ ᠬᠣᠯᠪᠣᠭᠰᠠᠨ
ᠲᠡᠯᠡᠵᠦ ᠠᠪᠴᠢᠬᠤ ᠰᠦᠯᠵᠢᠶᠡ ᠪᠤᠷᠭᠠᠰᠤ
ᠠᠭᠠᠷᠤ ᠽᠠᠨᠳᠠᠨ ᠢ ᠬᠠᠪᠴᠢᠭᠠᠳ ᠠᠪᠳᠠᠭ
ᠠᠴᠠ ᠮᠣᠳᠣ ᠨᠢ ᠳᠠᠷᠢ ᠲᠡᠭᠰᠢ
ᠠᠷᠭᠤᠮᠠᠭ ᠬᠢᠯᠭᠠᠰᠤᠨ ᠬᠦᠵᠦᠭᠦᠪᠴᠢ ᠵᠡᠭᠦᠳᠡᠭ
ᠠᠮᠠᠨ ᠬᠦᠵᠦᠭᠦᠦ ᠨᠢ ᠰᠦᠯᠵᠢᠶᠡ ᠰᠠᠯᠠᠭᠠ
( ᠬᠠᠨᠠ)
ᠢᠰᠢᠭᠡᠨ ᠡᠪᠡᠷ
ᠡᠰᠢ ᠪᠠᠨ ᠲᠠᠰᠢ ᠪᠠᠨ
ᠬᠣᠨᠢᠨ ᠡᠪᠡᠷ
ᠬᠣᠶ᠋ᠢᠰᠢ ᠪᠠᠨ ᠤᠷᠤᠭᠰᠢ ᠪᠠᠨ
( ᠬᠠᠨᠠ)
ᠮᠣᠩᠬᠣᠲᠠᠢ ᠮᠣᠳᠣ ᠡᠮᠬᠦᠵᠡᠢ
ᠱᠣᠩᠭᠣᠲᠠᠢ ᠰᠢᠷᠣᠢ ᠡᠮᠬᠦᠵᠡᠢ
( ᠬᠠᠨᠠ )
ᠵᠢᠷᠠᠨ ᠵᠢᠷᠠᠭᠠᠬᠠᠢ ᠶ᠋ᠢᠨ ᠠᠮᠠ ᠨᠢᠭᠡ
ᠵᠠᠭ ᠬᠠᠷᠭᠠᠨᠠ ᠶ᠋ᠢᠨ ᠦᠶᠡ ᠨᠢᠭᠡ
( ᠬᠠᠨᠠ )
ᠰᠡᠮᠡᠵᠡ ᠰᠢᠭ᠌ ᠳᠡᠯᠭᠡᠵᠦ
ᠰᠡᠭᠡᠷ ᠰᠢᠭ᠌ ᠨᠤᠭᠤᠯᠤᠨᠠ
( ᠬᠠᠨᠠ)
ᠭᠡᠷ ᠢᠶ᠋ᠠᠷ ᠳᠦᠭᠦᠷᠡᠩ
ᠭᠡᠰᠡᠷ ᠤᠨ ᠣᠯᠪᠣᠭ
( ᠬᠠᠨᠠ ᠶ᠋ᠢᠨ ᠨᠢᠳᠦ)
ᠭᠡᠷ ᠪᠣᠯᠭᠠᠨ ᠭᠡᠯᠦᠩ ᠲᠠᠢ
ᠭᠡᠯᠦᠩ ᠪᠣᠯᠭᠠᠨ ᠣᠯᠪᠣᠭ ᠲᠠᠢ
( ᠬᠠᠨᠠ ᠶ᠋ᠢᠨ ᠨᠢᠳᠦ)
ᠭᠡᠷ ᠢᠶ᠋ᠠᠷ ᠳᠦᠭᠦᠷᠡᠩ
ᠠᠮᠠ ᠴᠠᠭᠠᠨ ᠳᠠᠪᠤᠤ
( ᠬᠠᠨᠠ ᠶ᠋ᠢᠨ ᠨᠢᠳᠦ )
ᠲᠠᠶ᠋ᠢᠵᠢ ᠶ᠋ᠢᠨ ᠲᠡᠮᠡᠭᠡ
ᠲᠠᠯᠠ ᠤᠷᠤᠭᠤ ᠪᠡᠯᠴᠢᠨᠡ
ᠲᠠᠪᠤᠨᠠᠩ ᠤᠨ ᠬᠡᠦᠬᠡᠳ
ᠨᠢᠭᠡ ᠨᠢᠭᠡᠨ ᠢᠶ᠋ᠠᠨ ᠵᠠᠶ᠋ᠢᠳᠠᠯᠠᠨᠠ
( ᠤᠨᠢ ᠶ᠋ᠢ ᠬᠠᠨᠠ ᠳ᠋ᠦ᠍ ᠲᠠᠭᠠᠷᠠᠭᠤᠯᠬᠤ)
ᠵᠢᠷᠠᠨ ᠪᠢᠯᠵᠤᠤᠬᠠᠢ
ᠭᠠᠵᠠᠷ ᠤᠬᠤᠨᠠ
( ᠬᠠᠨᠠ ᠶ᠋ᠢᠨ ᠰᠢᠭᠢᠷᠡ)
ᠵᠢᠷᠠᠨ ᠵᠡᠭᠡᠷᠡ
ᠭᠠᠵᠠᠷ ᠴᠠᠪᠴᠢᠨᠠ
( ᠬᠠᠨᠠ ᠶ᠋ᠢᠨ ᠰᠢᠭᠢᠷᠡ )
ᠮᠠᠨ ᠤ ᠬᠡᠦᠬᠡᠳ
ᠮᠢᠬᠠᠨ ᠳ᠋ᠦ᠍ ᠳᠤᠷᠠᠲᠠᠢ
ᠮᠠᠩᠭᠤᠰ ᠤᠨ ᠬᠡᠦᠬᠡᠳ
ᠰᠢᠷᠣᠢ ᠳ᠋ᠦ᠍ ᠳᠤᠷᠠᠲᠠᠢ
( ᠬᠠᠨᠠ ᠶ᠋ᠢᠨ ᠰᠢᠭᠢᠷᠡ )
ᠠᠪᠤ ᠴᠢᠨᠢ ᠴᠢᠨᠦ ᠠᠷᠤ ᠠ᠋ᠴᠠ
ᠨᠤᠳᠤᠷᠮᠠ ( ᠨᠢᠳᠤᠷᠭᠠ ) ᠪᠠᠨ ᠵᠠᠩᠭᠢᠳᠴᠤ ᠪᠠᠶ᠋ᠢᠨᠠ
( ᠬᠠᠨᠠ ᠶ᠋ᠢᠨ ᠦᠳᠡᠭᠡᠷᠢ)
ᠭᠡᠷ ᠲᠦ ᠨᠢᠭᠡ ᠨᠢᠳᠤᠷᠭᠠ
ᠭᠠᠳᠠᠭᠠ ᠨᠢᠭᠡ ᠨᠢᠳᠤᠷᠭᠠ
( ᠬᠠᠨᠠ ᠶ᠋ᠢᠨ ᠦᠳᠡᠭᠡᠷᠢ )
ᠭᠡᠷ ᠳᠦᠭᠦᠷᠡᠩ ᠠᠭᠠᠯᠵᠢ
( ᠬᠠᠨᠠ ᠶ᠋ᠢᠨ ᠦᠳᠡᠭᠡᠷᠢ)
ᠭᠠᠳᠠᠭᠠ ᠴᠤ᠌ ᠨᠢᠭᠡ ᠮᠥᠴᠢ
ᠭᠡᠷ ᠲᠤ ᠴᠤ᠌ ᠨᠢᠭᠡ ᠮᠥᠴᠢ
( ᠬᠠᠨᠠ ᠶ᠋ᠢᠨ ᠦᠳᠡᠭᠡᠷᠢ)
ᠭᠡᠷ ᠢᠶ᠋ᠠᠷ ᠳᠦᠭᠦᠷᠡᠩ ᠱᠠᠯᠵᠠ
( ᠬᠠᠨᠠ ᠶ᠋ᠢᠨ ᠦᠳᠡᠭᠡᠷᠢ )
ᠣᠷᠳᠣᠨ ᠤ ᠳᠣᠲᠣᠭᠤᠷ
ᠣᠯᠪᠣᠭ ᠤᠨ ᠳᠡᠭᠡᠭᠦᠷ
ᠣᠪᠣ ᠳᠣᠪᠣ ᠱᠠᠯᠵᠠ
( ᠬᠠᠨᠠ ᠶ᠋ᠢᠨ ᠦᠳᠡᠭᠡᠷᠢ )
ᠭᠡᠷ ᠲᠤ ᠨᠢᠭᠡ ᠱᠠᠯᠵᠠ
ᠭᠠᠳᠠᠭᠠ ᠨᠢᠭᠡ ᠱᠠᠯᠵᠠ
( ᠬᠠᠨᠠ ᠶ᠋ᠢᠨ ᠦᠳᠡᠭᠡᠷᠢ)
ᠴᠠᠭᠠᠨᠠ ᠨᠢ ᠴᠤ ᠨᠢᠭᠡ ᠱᠠᠯᠵᠠ
ᠨᠠᠭᠠᠨᠠ ᠨᠢ ᠴᠤ ᠨᠢᠭᠡ ᠱᠠᠯᠵᠠ
( ᠬᠠᠨᠠ ᠶ᠋ᠢᠨ ᠦᠳᠡᠭᠡᠷᠢ )
ᠲᠩᠷᠢ ᠠ᠋ᠴᠠ ᠲᠡᠯᠡᠭᠡ ᠲᠠᠢ
ᠲᠡᠷᠡ ᠮᠣᠳᠣᠨ ᠠ᠋ᠴᠠ ᠤᠶᠠᠭᠠ ᠲᠠᠢ
ᠭᠠᠵᠠᠷ ᠠ᠋ᠴᠠ ᠭᠠᠢ ᠲᠠᠢ
ᠭᠠᠭᠴᠠ ᠮᠣᠳᠣᠨ ᠠ᠋ᠴᠠ ᠤᠶᠠᠭᠠ ᠲᠠᠢ
( ᠴᠢᠬᠲᠠᠭᠠ)
ᠲᠩᠷᠢ ᠠ᠋ᠴᠠ ᠲᠡᠮᠡᠭᠡᠨ ᠰᠡᠭᠦᠯ
( ᠴᠢᠬᠲᠠᠭᠠ)
ᠭᠦᠨ ᠬᠤᠳᠳᠤᠭ ᠲᠤ ᠭᠦᠷᠪᠡᠯ ᠮᠣᠭᠠᠢ
( ᠴᠢᠬᠲᠠᠭᠠ)
ᠶᠠᠮᠠᠷ ᠴᠦ᠍ ᠶᠡᠬᠡᠮᠰᠦᠭ ᠢ
ᠶᠠᠭᠠᠬᠢᠪᠠᠴᠤ ᠮᠥᠷᠭᠥᠭᠦᠯᠳᠡᠭ
ᠶᠠᠪᠤᠬᠤ ᠣᠷᠣᠬᠤ ᠶ᠋ᠢ ᠴᠠᠭᠳᠠᠳᠠᠭ
ᠶᠠᠮᠠᠷ ᠰᠦᠷᠡᠬᠡᠢ ᠭᠠᠶ᠋ᠢᠬᠠᠯ ᠪᠤᠢ
( ᠬᠠᠭᠠᠯᠭᠠ)
ᠬᠣᠶᠠᠷ ᠨᠢ ᠬᠡᠪᠲᠡᠨᠡ
ᠬᠣᠶᠠᠷ ᠨᠢ ᠵᠣᠭᠰᠣᠨᠠ
ᠨᠢᠭᠡ ᠨᠢ ᠳᠠᠭᠤᠯᠠᠨᠠ
( ᠬᠠᠭᠠᠯᠭᠠ)
ᠡᠭᠦᠳᠡ ᠶ᠋ᠢ ᠰᠠᠬᠢᠬᠰᠠᠨ ᠡᠭᠦᠷᠢᠳᠡ ᠶ᠋ᠢᠨ ᠬᠠᠷᠠᠭᠤᠯ
ᠦᠶᠡᠷᠬᠡᠵᠦ ᠵᠣᠭᠰᠣᠭᠰᠠᠨ ᠦᠶᠡ ᠶ᠋ᠢᠨ ᠬᠣᠶᠠᠷ
ᠮᠣᠷᠢᠯᠠᠨ ᠢᠷᠡᠭᠰᠡᠳ ᠢ ᠤᠭᠲᠤᠵᠤ
ᠮᠣᠷᠳᠠᠨ ᠶᠠᠪᠤᠭᠰᠠᠳ ᠢ ᠦᠳᠡᠨᠡ
( ᠬᠠᠭᠠᠯᠭᠠ )
ᠡᠭᠡᠴᠢ ᠳᠡᠭᠦᠦ ᠬᠣᠶᠠᠷ
ᠡᠭᠡᠭᠡ ᠯᠡ ᠰᠠᠴᠠᠭᠤ
( ᠬᠠᠭᠠᠯᠭᠠ )
ᠳᠠᠩᠬᠠᠯᠲᠠᠢ ᠡᠪᠦᠭᠡᠨ ᠡᠪᠦᠯ ᠵᠤᠨ ᠦᠭᠡᠢ
ᠳᠠᠩ ᠴᠠᠮᠴᠠ ᠪᠠᠷ ᠳᠠᠩᠬᠠᠯᠵᠠᠨᠠ
( ᠴᠣᠩᠬᠣ )
ᠡᠩᠭᠡᠷ ᠬᠣᠷᠮᠣᠢ ᠵᠠᠯᠭᠠᠭᠠ ᠲᠠᠢ
ᠡᠪᠬᠡᠷᠡᠬᠦ ᠨᠣᠣᠰᠣᠨ ᠡᠮᠵᠢᠶᠡᠷᠢ ᠲᠠᠢ
ᠡᠨᠡ ᠲᠡᠷᠡ ᠲᠠᠯᠠ ᠢᠯᠭᠠᠭᠠ ᠦᠭᠡᠢ
ᠡᠷᠴᠢᠯᠡᠭᠰᠡᠨ ᠭᠤᠷᠪᠠᠨ ᠲᠣᠷᠤᠯᠭᠠ ᠲᠠᠢ
ᠲᠠᠩᠭᠤᠳ ᠵᠠᠭᠠᠮᠠ ᠮᠣᠩᠭᠣᠯ ᠬᠣᠷᠮᠣᠶ᠋ᠢᠪᠴᠢ
ᠲᠠᠭᠠᠷᠠᠭᠰᠠᠨ ᠭᠡᠳᠡᠭ ᠨᠢ ᠶᠠᠪ ᠴᠠᠪ
( ᠳᠡᠭᠡᠪᠦᠷ )
ᠭᠠᠳᠠᠭᠠᠳᠤ ᠡᠩᠭᠡᠷ ᠳᠣᠲᠣᠭᠠᠳᠤ ᠡᠩᠭᠡᠷ
ᠵᠥᠷᠢᠭᠡᠳ ᠭᠠᠷᠬᠤ ᠦᠭᠡᠢ
ᠠᠭᠤᠯᠵᠠᠭᠠᠳ ᠰᠠᠯᠬᠤ ᠦᠭᠡᠢ
ᠪᠡᠯᠬᠡᠭᠦᠰᠦᠨ ᠳ᠋ᠡᠭᠡᠨ ᠭᠤᠷᠪᠠᠨ ᠳᠠᠪᠬᠤᠷ ᠪᠦᠰᠡ ᠲᠠᠢ
ᠪᠡᠶᠡ ᠳ᠋ᠡᠭᠡᠨ ᠵᠢᠷᠭᠤᠭᠠᠨ ᠬᠣᠣᠰ ᠪᠦᠰᠡ ᠲᠠᠢ
ᠮᠢᠨᠲᠠᠰᠤᠨ ᠬᠣᠨᠢᠳ ᠦ᠋ᠨ ᠨᠣᠣᠰᠣᠨ ᠰᠢᠷᠬᠡᠭ
ᠮᠠᠯᠴᠢᠨ ᠪᠦᠰᠡᠭᠦᠢ ᠶ᠋ᠢᠨ ᠨᠡᠭᠡᠭᠡᠭᠰᠡᠨ ᠪᠦᠰᠡ
( ᠲᠤᠭᠤᠷᠬ᠋ᠠ )
ᠭᠡᠷ ᠦ᠋ᠨ ᠳᠡᠭᠡᠷᠡ ᠭᠡᠷᠡᠯᠦᠭ ( ᠭᠡᠷᠡᠯ ᠲᠠᠢ )
ᠭᠡᠷ ᠦ᠋ᠨ ᠬᠣᠶ᠋ᠢᠨᠠ ᠰᠢᠷᠠᠯᠠᠭ ( ᠰᠢᠷᠠ ᠥᠩᠭᠡ ᠲᠠᠢ )
( ᠳᠡᠭᠡᠪᠦᠷ ᠭᠡᠷ ᠦ᠋ᠨ ᠰᠡᠭᠦᠲᠡᠷ )
ᠠᠪᠲᠠᠷᠠ ᠶ᠋ᠢᠨ ᠠᠷᠤ ᠳ᠋ᠦ᠍
ᠠᠮᠠ ᠲᠣᠷᠬ᠋ᠠ
( ᠭᠡᠷ ᠦ᠋ᠨ ᠰᠡᠭᠦᠲᠡᠷ )
ᠴᠦᠯ ᠨᠦᠬᠡ
ᠴᠦᠨᠴᠤᠭᠡᠷ ᠲᠠᠷᠪᠠᠬ᠋ᠠ
ᠨᠠᠬᠢᠭᠤ ᠳᠠᠪᠠᠬ᠋ᠠ
ᠨᠠᠮ ᠬᠣᠷᠮᠣᠢ
( ᠭᠡᠷ ᠬᠥᠮᠦᠨ ᠪᠣᠰᠤᠬ᠋ᠠ ᠡᠭᠦᠲᠡ )
ᠡᠪᠲᠡᠬᠦ ᠶ᠋ᠢᠨ ᠮᠠᠭᠤ ᠪᠠᠷ ᠡᠪᠲᠡᠵᠦ
ᠡᠮᠴᠢᠯᠡᠬᠦ ᠶ᠋ᠢᠨ ᠰᠠᠢᠨ ᠶ᠋ᠢᠠᠷ ᠡᠲᠡᠭᠡᠭᠡᠨᠡ
( ᠭᠡᠷ ᠪᠠᠭᠤᠯᠭᠠᠬᠤ ᠪᠠ ᠪᠠᠷᠢᠬᠤ )
ᠲᠣᠩ ᠊ᠢ ᠨᠢ ᠠᠪᠤᠭᠠᠳ
ᠲᠣᠭᠣᠷᠢᠬ ᠊ᠢ ᠨᠢ ᠬᠠᠶᠠᠨᠠ
( ᠭᠡᠷ ᠪᠠᠭᠤᠯᠭᠠᠬᠤ )
ᠡᠷᠭᠢᠨ ᠡᠷᠭᠢᠨ ᠨᠠᠭᠠᠯᠲᠤᠭᠠᠳ
ᠡᠭᠡᠴᠢ ᠳᠡᠭᠦᠦ ᠲᠠᠢ ᠪᠠᠨ ᠵᠣᠯᠭᠠᠵᠤ ᠨᠠᠭᠠᠲᠤᠭᠠᠳ
ᠳᠤᠷᠳᠤᠩ ᠪᠦᠰᠡ ᠪᠡᠨ ᠳᠡᠪᠢᠰᠴᠦ ᠨᠠᠭᠠᠲᠤᠭᠠᠳ
ᠲᠤᠤᠬᠠᠢ ᠪᠦᠰᠡ ᠪᠡᠨ ᠵᠠᠩᠭᠢᠯᠠᠵᠤ ᠨᠠᠭᠠᠤᠠᠪᠠ
( ᠭᠡᠷ ᠪᠠᠷᠢᠬᠤ )
ᠳᠦᠯᠡᠢ ᠡᠪᠦᠭᠡᠨ ᠳᠥᠷᠪᠡᠨ ᠲᠡᠰᠢ ᠪᠡᠨ ᠰᠠᠷᠠᠪᠴᠢᠯᠠᠨᠠ
( ᠪᠠᠶ᠋ᠢᠰᠢᠩ ᠦ᠋ᠨ ᠪᠤᠯᠤᠩ )
ᠲᠡᠨᠡᠭ᠋ ᠬᠠᠷᠠ ᠬᠦᠦ ᠲᠩᠷᠢ ᠥᠭᠡᠲᠡ ᠰᠠᠷᠠᠪᠴᠢᠯᠠᠨᠠ
( ᠪᠠᠭᠠᠨᠠ )
ᠵᠠᠭᠤᠨ ᠢᠮᠠᠭᠠᠨ ᠪ ᠳᠣᠲᠣᠷᠠ ᠠ᠋ᠴᠠ
ᠵᠠᠭᠤᠲᠠᠭ ᠬᠠᠷᠠ ᠤᠬᠤᠨᠠ
( ᠪᠠᠭᠠᠨᠠ )
ᠢᠩᠭᠡᠨ ᠲᠡᠮᠡᠭᠡᠨ ᠪ ᠬᠡᠪᠲᠡᠭᠰᠡᠨ ᠣᠷᠣ
ᠢᠷᠡᠬᠦ ᠵᠢᠯ ᠠᠷᠢᠯᠬᠤ ᠦᠭᠡᠢ
ᠭᠤᠨᠵᠢᠨ ᠲᠡᠮᠡᠭᠡᠨ ᠪ ᠬᠡᠪᠲᠡᠭᠰᠡᠨ ᠣᠷᠣ
ᠭᠤᠷᠪᠠᠨ ᠵᠢᠯ ᠠᠷᠢᠯᠬᠤ ᠦᠭᠡᠢ
( ᠭᠡᠷ ᠦ᠋ᠨ ᠪᠠᠭᠤᠴᠠ )
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠮᠢᠩᠭᠠᠳ · ᠴᠢᠮᠡᠭ ᠂ ᠬᠠᠳᠠᠴᠢ · ᠤᠷᠠᠨᠠ ᠂ ᠠᠯᠲᠠᠨᠲᠣᠶᠠᠭᠠ
ᠬᠢᠨᠠᠭᠴᠢ ᠄ ᠬᠠᠷᠠᠨᠤᠳ · ᠲᠤᠶᠠᠭᠠ