ᠠᠪᠤ ᠮᠢᠨᠢ — ᠠᠭᠤᠯᠠ ᠄ ᠭᠦᠷᠵᠠᠪ Аав минь — Уул ᠄ Гүржав
293ᠠᠪᠤ ᠮᠢᠨᠢ — ᠠᠭᠤᠯᠠ
ᠭᠦᠷᠵᠡᠪ
ᠠᠪᠤ ᠮᠢᠨᠢ — ᠠᠭᠤᠯᠠ
ᠠᠴᠢᠯᠠᠯ ᠲᠡᠭᠦᠰ ᠠᠭᠤᠯᠠ
ᠠᠴᠢᠷ ᠦᠷᠡ ᠪᠡᠨ ᠰᠤᠷᠭᠠᠬᠤ ᠭᠡᠵᠦ
ᠠᠵᠠᠲᠠᠢ ᠵᠤᠯᠠᠲᠠᠢ ᠥᠰᠭᠡᠬᠦ ᠭᠡᠵᠦ
ᠠᠬᠤᠢ ᠠᠮᠢᠲᠤᠷᠠᠯ ᠶ᠋ᠢᠠᠨ ᠲᠦᠪᠬᠢᠨᠡᠭᠦᠯᠬᠦ ᠭᠡᠵᠦ
ᠠᠰᠢᠲᠠ ᠳᠡᠭᠡᠭᠰᠢ ᠪᠡᠨ ᠲᠠᠲᠠᠬᠤ ᠭᠡᠵᠦ
ᠠᠵᠢᠯ ᠬᠢᠲᠡᠯ ᠪᠦᠬᠦᠨ ᠳ᠋ᠡᠭᠡᠨ
ᠠᠵᠢᠯᠯᠠᠬ᠋ᠠ ᠬᠥᠭᠡᠭᠡᠴᠡᠯᠲᠦᠭᠡ ᠪᠦᠷᠢ ᠳ᠋ᠡᠭᠡᠨ
ᠠᠯᠮᠠᠶ᠋ᠢᠷᠠᠯ ᠦᠭᠡᠢ ᠰᠢᠮᠲᠠᠲᠠᠭ
ᠠᠯᠭᠠᠰᠠᠯ ᠦᠭᠡᠢ ᠵᠢᠳᠬᠦᠳᠡᠭ
ᠠᠴᠢᠯᠠᠯ ᠲᠡᠭᠦᠰ ᠠᠭᠤᠯᠠ ᠃
ᠠᠪᠤ ᠮᠢᠨᠢ — ᠠᠭᠤᠯᠠ
ᠠᠪᠤᠷᠭᠤ ᠲᠣᠮᠣ ᠠᠭᠤᠯᠠ
ᠠᠷᠪᠠᠨ ᠬᠤᠷᠤᠭᠤ ᠬᠠᠷᠠᠭᠲᠠᠬᠤ ᠦᠭᠡᠢ
ᠠᠭᠠᠷ ᠦ᠋ᠨ ᠬᠠᠷᠠᠩᠭᠤᠢ ᠰᠥᠨᠢ
ᠠᠯᠤᠰ ᠬᠡᠭᠡᠷᠡ ᠭᠠᠷᠴᠤ
ᠠᠶᠠᠨ ᠵᠠᠮ ᠬᠥᠭᠡᠭᠡᠬᠦ ᠳ᠋ᠦ᠍
ᠠᠯᠠᠭ ᠬᠣᠶᠠᠷ ᠨᠢᠲᠦᠨ ᠳ᠋ᠦ᠍ ᠮᠢᠨᠢ
ᠠᠮᠤᠭᠤᠯᠠᠩ ᠰᠦᠷᠯᠢᠭ ᠶ᠋ᠢᠡᠷ ᠰᠦᠮᠪᠦᠷᠯᠡᠵᠦ
ᠠᠶᠤᠨ ᠪᠠᠯᠠᠲᠠᠬᠤ ᠰᠡᠤᠠᠬᠢᠯ ᠊ᠢ ᠮᠢᠨᠢ
ᠠᠷᠢᠯᠭᠠ ᠨᠠᠮᠬᠠᠤᠠᠬᠠᠵᠤ ᠲᠠᠶ᠋ᠢᠤᠠᠬᠤᠷᠠᠭᠤᠯᠲᠠᠭ
ᠠᠪᠤᠷᠭᠤ ᠲᠣᠮᠣ ᠠᠭᠤᠯᠠ ᠃
ᠠᠪᠤ ᠮᠢᠨᠢ — ᠠᠭᠤᠯᠠ
ᠠᠭᠠᠰᠢ ᠨᠠᠶ᠋ᠢᠷᠠᠮᠲᠠᠭᠤ ᠠᠭᠤᠯᠠ
ᠠᠶ᠋ᠢᠯ ᠵᠡᠷᠭᠡᠯᠡᠲᠡᠭᠡ ᠣᠯᠠᠨ ᠪ ᠪᠡᠨ
ᠠᠯᠢ ᠪᠠᠶ᠋ᠢᠬᠰᠠᠨ ᠶᠠᠪᠤᠲᠠᠯ ᠊ᠢ
ᠠᠮᠢ ᠬᠤᠪᠢᠨ ᠪ ᠪᠠᠨ ᠤᠴᠢᠷ ᠰᠢᠭ᠋
ᠠᠲᠠᠯᠢ ᠲᠡᠭᠰᠢ ᠪᠡᠷ ᠦᠵᠡᠵᠦ
ᠠᠯᠢᠰᠤ ᠵᠡᠭᠡᠰᠦ ᠲᠡᠭᠡᠭᠡᠬᠦ
ᠠᠷᠭᠠᠯ ᠲᠦᠯᠡᠰᠢ ᠣᠶ᠋ᠢᠷᠠᠲᠤᠭᠤᠯᠬᠤ
ᠠᠷᠰᠠᠷ ᠦᠢᠯᠡ ᠪᠦᠲᠦᠭᠡᠯᠭᠡ ᠳ᠋ᠤᠨᠢ
ᠠᠯᠠᠭ ᠦᠭᠡᠢ ᠰᠡᠤᠠᠬᠢᠯ ᠶ᠋ᠢᠡᠷ ᠱᠣᠭᠰᠢᠲᠠᠭ —
ᠠᠭᠠᠰᠢ ᠨᠠᠶ᠋ᠢᠷᠠᠮᠲᠠᠭᠤ ᠠᠭᠤᠯᠠ ᠃
ᠠᠪᠤ ᠮᠢᠨᠢ — ᠠᠭᠤᠯᠠ
ᠠᠮᠢᠰᠬᠤᠯ ᠠᠭᠤᠵᠢᠮ ᠠᠭᠤᠯᠠ
ᠠᠲᠠᠭᠠᠷᠬᠠᠭ ᠵᠠᠷᠢᠮ ᠨᠥᠬᠥᠳ ᠨᠢ
ᠠᠯᠠᠭᠠᠲᠠᠭᠠᠳ ᠨᠢᠲᠤᠷᠭᠠᠲᠠᠭᠠᠳ ᠠᠪᠬᠤ ᠳ᠋ᠦ᠍
ᠠᠪᠤᠷᠢ ᠮᠠᠭᠤ ᠲᠠᠢ ᠨᠢᠭᠡ ᠨᠢ
ᠠᠷᠤ ᠬᠣᠶ᠋ᠢᠭᠤᠷ ᠨᠢ ᠶᠣᠷᠣᠯᠠᠴᠢᠬᠠᠬᠤ ᠳ᠋ᠦ᠍
ᠠᠲᠠᠭᠠᠷᠬᠠᠵᠤ ᠵᠢᠲᠦᠭᠡᠷᠬᠡᠨ ᠠᠭᠤᠷᠯᠠᠲᠠᠭ ᠦᠭᠡᠢ
ᠠᠷᠬ᠋ᠠ ᠪᠠᠨ ᠪᠠᠷᠠᠨ ᠪᠤᠬᠢᠨᠢᠲᠤᠲᠠᠭ ᠦᠭᠡᠢ
ᠠᠶ᠋ᠢᠪᠤᠷ ᠰᠠᠶ᠋ᠢᠪᠤᠷ ᠭᠠᠷᠭᠠᠲᠠᠭ ᠦᠭᠡᠢ
ᠠᠪᠤᠰᠢ ᠦᠭᠡᠢ ᠮᠠᠭᠤᠬᠠᠢ ᠳᠦᠷᠢᠯᠡᠳᠡᠭ ᠦᠭᠡᠢ
ᠠᠮᠢᠰᠬᠤᠯ ᠠᠭᠤᠵᠢᠮ ᠠᠭᠤᠯᠠ ᠃
ᠠᠪᠤ ᠮᠢᠨᠢ — ᠠᠭᠤᠯᠠ
ᠠᠯᠬᠤᠲᠠᠯ ᠴᠢᠩᠬ᠋ᠠ ᠠᠭᠤᠯᠠ
ᠠᠵᠢᠷᠭᠠᠨ ᠳᠣᠭᠰᠢᠨ ᠪᠣᠷᠣᠬ᠋ᠠ
ᠠᠶᠤᠤᠯᠢᠬᠠᠢ ᠶ᠋ᠢ ᠡᠮᠵᠡᠭᠯᠡᠭᠦᠯᠬᠦ ᠦᠲᠡᠰᠢ
ᠠᠷᠲᠠᠭ ᠭᠠᠯᠵᠠᠭᠤ ᠰᠢᠭᠤᠷᠬ᠋ᠠ
ᠠᠷᠠᠰᠤ ᠶ᠋ᠢ ᠵᠢᠮᠵᠢᠭᠢᠨᠡᠭᠦᠯᠬᠦ ᠴᠠᠭ
ᠠᠶᠠᠯᠠᠭᠰᠠᠨ ᠵᠦᠭ ᠶ᠋ᠢᠡᠨ ᠠᠯᠲᠠᠲᠠᠭ
ᠠᠤᠠᠬᠤᠭᠰᠠᠨ ᠤᠷᠬ᠋ᠠ ᠪᠠᠨ ᠲᠠᠶᠠᠭᠲᠠᠲᠠᠭ ᠦᠭᠡᠢ
ᠠᠮᠠᠯᠠᠭᠰᠠᠨ ᠡᠭᠦᠷᠭᠡ ᠪᠡᠨ ᠬᠣᠭᠣᠰᠤᠲᠠᠭᠤᠯᠲᠠᠭ ᠦᠭᠡᠢ
ᠠᠮᠵᠢᠯᠲᠠ ᠪᠦᠲᠦᠮᠵᠢ ᠪᠡᠨ ᠭᠠᠵᠠᠷᠲᠠᠭᠤᠯᠲᠠᠭ ᠦᠭᠡᠢ
ᠠᠯᠬᠤᠲᠠᠯ ᠴᠢᠩᠬ᠋ᠠ ᠠᠭᠤᠯᠠ ᠃
ᠢᠷᠡᠯᠲᠡ ᠄
ᠭᠦᠷᠵᠠᠪ ᠦ᠋ᠨ ᠵᠣᠬᠢᠶᠠᠭᠰᠠᠨ《 ᠬᠡᠦᠬᠡᠳ ᠨᠠᠰᠤ ᠰᠠᠶ᠋ᠢᠬᠠᠨ 》 ᠭᠡᠳᠡᠭ ᠨᠣᠮ ᠠ᠋ᠴᠠ ᠬᠠᠭᠤᠯᠤᠨ ᠪᠢᠴᠢᠪᠡ ᠂
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠤᠷᠠᠨᠴᠡᠴᠡᠭ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
2023 ᠣᠨ ᠪ3 ᠰᠠᠷᠠ ᠶ᠋ᠢᠨ19 ᠪ ᠡᠲᠦᠷ ᠃