ᠬᠥᠮᠦᠨ ᠪ ᠨᠢᠭᠡ ᠨᠠᠰᠤ – ᠭᠦᠷᠵᠠᠪ Хүний нэг нас – Гүржав
318ᠬᠥᠮᠦᠨ ᠪ ᠨᠢᠭᠡ ᠨᠠᠰᠤ
— ᠵᠠᠯᠠᠭᠤ ᠪᠠᠬ᠋ᠠ ᠨᠥᠬᠥᠳ ᠲᠡᠭᠡᠨ
ᠭᠦᠷᠵᠠᠪ
ᠬᠥᠮᠦᠨ ᠪ ᠨᠢᠭᠡᠨ ᠨᠠᠰᠤ ᠭᠡᠵᠦ
ᠬᠥᠷᠥᠰᠥᠨ ᠳ᠋ᠦ᠍ ᠰᠠᠴᠤᠭᠰᠠᠨ ᠠᠯᠠᠭ ᠦᠷᠡ
ᠬᠦᠪᠦᠷᠡᠵᠦ ᠴᠤᠬᠤᠶ᠋ᠢᠬᠰᠠᠨ ᠨᠢᠯᠬᠠ ᠨᠠᠬᠢᠶᠠ
ᠬᠥᠯ ᠳ᠋ᠦ᠍ ᠣᠷᠣᠬᠤ ᠪᠢᠴᠢᠬᠠᠨ ᠬᠡᠦᠬᠡᠳ
ᠬᠥᠲᠥᠯ ᠳᠠᠪᠠᠬᠤ ᠬᠥᠰᠭᠡ ᠲᠡᠷᠭᠡ ᠁
ᠬᠠᠶ᠋ᠢᠷᠠᠯᠠᠵᠤ ᠬᠢᠮᠠᠭᠠᠲᠠᠵᠤ ᠶᠠᠪᠤᠶᠠ
ᠬᠥᠮᠦᠨ ᠪ ᠨᠢᠭᠡᠨ ᠨᠠᠰᠤ ᠭᠡᠵᠦ
ᠲᠠᠯᠠ ᠳ᠋ᠦ᠍ ᠳᠡᠯᠭᠡᠷᠡᠬᠦ ᠬᠦᠢᠰ ᠴᠡᠴᠡᠭ
ᠲᠠᠬᠢᠷᠯᠠᠵᠤ ᠮᠤᠷᠤᠶ᠋ᠢᠯᠵᠠᠭᠰᠠᠨ ᠨᠠᠷᠢᠨ ᠭᠣᠷᠣᠬᠠ
ᠲᠠᠪᠰᠢᠵᠤ — ᠥᠭᠡᠲᠡᠯᠡᠬᠦ ᠵᠠᠮ ᠮᠥᠷ
ᠲᠠᠰᠤᠷᠠᠵᠤ — ᠰᠤᠭᠤᠷᠠᠬᠤ ᠠᠵᠠ ᠬᠡᠢ ᠮᠣᠷᠢ
ᠡᠷᠭᠦᠵᠦ ᠲᠠᠲᠠᠵᠤ ᠶᠠᠪᠤᠶᠠ
ᠬᠥᠮᠦᠨ ᠪ ᠨᠢᠭᠡᠨ ᠨᠠᠰᠤ ᠭᠡᠵᠦ
ᠪᠣᠰᠬᠠᠵᠤ ᠪᠦᠲᠦᠭᠡᠬᠦ ᠶᠠᠪᠤᠴᠠ ᠂ ᠥᠩᠭᠡᠷᠡᠯᠲᠡ
ᠪᠣᠲᠣᠵᠤ ᠰᠡᠤᠠᠬᠢᠬᠦ ᠵᠠᠢ ᠂ ᠵᠠᠪᠰᠠᠷ
ᠪᠤᠰᠢᠭᠤᠯᠠᠵᠤ ᠲᠦᠷᠭᠡᠯᠡᠬᠦ ᠵᠠᠩ ᠂ ᠵᠢᠮᠡ
ᠪᠤᠲᠠᠷᠠᠭᠤᠯᠵᠤ ᠰᠡᠶ᠋ᠢᠭᠡᠭᠦᠯᠬᠦ ᠵᠦᠭ ᠂ ᠴᠢᠭ᠌ ᠁
ᠬᠠᠮᠠᠭᠠᠯᠠᠵᠤ ᠲᠦᠰᠢᠵᠦ ᠶᠠᠪᠤᠶᠠ
ᠬᠥᠮᠦᠨ ᠪ ᠨᠢᠭᠡᠨ ᠨᠠᠰᠤ ᠭᠡᠵᠦ
ᠤᠨᠠᠵᠤ ᠲᠤᠰᠬᠤ ᠤᠴᠢᠷ ᠶᠠᠪᠤᠲᠠᠯ
ᠤᠬᠤᠷᠢᠵᠤ ᠮᠡᠲᠡᠬᠦ ᠲᠣᠬᠢᠶᠠᠯᠲᠤᠯ ᠬᠠᠷᠭᠤᠯ
ᠤᠷᠠᠭᠲᠠᠵᠤ ᠰᠡᠮᠡᠷᠡᠬᠦ ᠤᠭ ᠵᠦᠢ
ᠤᠷᠤᠭᠤᠲᠠᠵᠤ ᠪᠤᠲᠠᠷᠠᠬᠤ ᠡᠨᠲᠡᠰᠢ ᠪᠣᠯᠵᠤ ᠁
ᠬᠢᠴᠢᠶᠡᠵᠦ ᠪᠣᠯᠭᠣᠮᠵᠢᠯᠠᠵᠤ ᠶᠠᠪᠤᠶᠠ
ᠢᠷᠡᠯᠲᠡ ᠄
ᠭᠦᠷᠵᠠᠪ ᠦ᠋ᠨ ᠵᠣᠬᠢᠶᠠᠭᠰᠠᠨ《 ᠬᠡᠦᠬᠡᠳ ᠨᠠᠰᠤ ᠰᠠᠶ᠋ᠢᠬᠠᠨ 》 ᠭᠡᠳᠡᠭ ᠨᠣᠮ ᠠ᠋ᠴᠠ ᠬᠠᠭᠤᠯᠤᠨ ᠪᠢᠴᠢᠪᠡ ᠂
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠪᠠᠶᠠᠷᠴᠡᠴᠡᠭ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
20230319