ᠪᠣᠯᠵᠣᠮᠣᠷ - ᠭᠦᠷᠵᠠᠪ Болжмор – Гүржав
275ᠪᠣᠯᠵᠣᠮᠣᠷ
ᠭᠦᠷᠵᠠᠪ
ᠪᠣᠷᠣ ᠰᠠᠷᠠᠪᠴᠢᠨ ᠳ᠋ᠤ᠌ ᠡᠭᠦᠷ ᠲᠡᠢ
ᠪᠤᠲᠠ ᠳᠡᠷᠡᠰᠦᠨ ᠳ᠋ᠦ᠍ ᠨᠤᠲᠤᠭ ᠲᠠᠢ
ᠪᠤᠷᠴᠠᠭ — ᠦᠷᠡ ᠶ᠋ᠢᠨ ᠢᠳᠡᠰᠢ ᠲᠡᠢ
ᠪᠤᠷᠭᠠᠰᠤ ᠂ ᠰᠢᠪᠠᠭ ᠤ᠋ᠨ ᠵᠠᠭᠤᠰᠢ ᠲᠠᠢ
ᠪᠤᠰᠢᠭᠤ ᠂ ᠬᠥᠩᠭᠡᠨ ᠪᠣᠯᠵᠣᠮᠣᠷ
ᠪᠣᠯᠢ — ᠬᠥᠭᠡᠷᠦᠬᠦᠨ ᠠᠮᠢᠲᠠᠨ
ᠫᠦᠷᠴᠢᠭᠢᠨᠡᠲᠡᠯᠡ ᠨᠢᠰᠦᠨ ᠪᠣᠰᠳᠠᠭ
ᠪᠤᠰᠤᠳ ᠠ᠋ᠴᠠ ᠱᠠᠯᠠᠮᠠᠭ ᠠᠮᠢᠲᠠᠨ
ᠪᠣᠷᠣᠭᠠᠨ ᠴᠠᠰᠤᠨ ᠠ᠋ᠴᠠ ᠠᠶᠤᠳᠠᠭ ᠦᠭᠡᠢ
ᠪᠤᠤᠭᠢᠬᠤ ᠰᠢᠭᠤᠷᠭᠠᠨ ᠠ᠋ᠴᠠ ᠵᠢᠷᠦᠬᠡᠰᠢᠶᠡᠳᠡᠭ ᠦᠭᠡᠢ
ᠪᠣᠰᠬᠤ ᠴᠠᠭ ᠠ᠋ᠴᠠ ᠪᠠᠨ ᠬᠣᠴᠣᠷᠳᠠᠭ ᠦᠭᠡᠢ
ᠪᠣᠯᠪᠠᠰᠤᠷᠠᠯ ᠰᠠᠢᠨ ᠠᠮᠢᠲᠠᠨ
ᠬᠦᠢᠲᠡᠨ ᠬᠠᠯᠠᠭᠤᠨ ᠠ᠋ᠴᠠ ᠰᠦᠷᠳᠡᠳᠡᠭ ᠦᠭᠡᠢ
ᠬᠥᠯᠳᠡᠵᠦ ᠲᠠᠭᠠᠷᠠᠬᠤ ᠠ᠋ᠴᠠ ᠡᠮᠢᠶᠡᠳᠡᠭ ᠦᠭᠡᠢ
ᠬᠥᠰᠢᠵᠦ ᠴᠢᠯᠡᠬᠦ ᠡᠴᠡ ᠵᠣᠪᠠᠳᠠᠭ ᠦᠭᠡᠢ
ᠬᠥᠳᠡᠯᠭᠡᠭᠡᠨ ᠲᠦᠷᠭᠡᠨ ᠠᠮᠢᠲᠠᠨ
ᠬᠥᠭᠵᠢᠶᠡᠨᠲᠦ ᠵᠢᠭᠠᠬᠠᠨ ᠬᠡᠦᠬᠡᠳ ᠦ᠋ᠳ ᠮᠢᠨᠢ
ᠬᠥᠳᠡᠭᠡ ᠭᠠᠳᠠᠭᠤᠷ ᠲᠣᠭᠣᠷᠢᠬᠤ ᠳ᠋ᠠᠭᠠᠨ
ᠬᠥᠭᠡᠷᠴᠦ ᠨᠢᠰᠬᠦ ᠪᠣᠯᠵᠣᠮᠣᠷ ᠊ᠢ
ᠬᠥᠭᠡᠭᠡᠵᠦ — ᠪᠢᠲᠡᠭᠡᠢ ᠥᠷᠭᠥᠭᠡ ᠳᠡ
ᠬᠦᠯᠲᠡᠭᠦᠰ ᠢ᠋ᠶ᠋ᠡᠷ ᠪᠢᠲᠡᠭᠡᠢ ᠴᠣᠬᠢ ᠳᠠ
ᠬᠥᠯ ᠊ᠢ ᠨᠢ ᠪᠤᠤ ᠭᠡᠮᠲᠦᠭᠡᠴᠢᠬᠡ ᠳᠡ
ᠬᠥᠨᠥᠭᠡᠯ ᠦᠭᠡᠢ — ᠲᠠᠶ᠋ᠢᠪᠤᠩ ᠠᠮᠢᠳᠤᠷᠠᠬᠤ ᠶ᠋ᠢ ᠨᠢ
ᠬᠡᠵᠢᠶᠡᠳᠡ ᠪᠠᠲᠤᠯᠠᠵᠤ ᠶᠠᠪᠤ ᠳᠠ !
ᠢᠷᠡᠯᠲᠡ ᠄
ᠭᠦᠷᠵᠠᠪ ᠤ᠋ᠨ ᠵᠣᠬᠢᠶᠠᠭᠰᠠᠨ 《 ᠬᠡᠦᠬᠡᠳ ᠨᠠᠰᠤ ᠰᠠᠢᠬᠠᠨ 》 ᠭᠡᠬᠦ ᠨᠣᠮ ᠠ᠋ᠴᠠ ᠬᠠᠭᠤᠯᠤᠨ ᠪᠢᠴᠢᠪᠡ ᠃
ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠠᠷᠠᠳ ᠤ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ ᠬᠡᠪᠯᠡᠭᠦᠯᠪᠡ ᠃
ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ ᠃
ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠳᠪᠦᠷᠢ ᠬᠡᠪᠯᠡᠪᠡ ᠃
2004 ᠣᠨ ᠤ᠋9 ᠰᠠᠷᠠ ᠳ᠋ᠤ᠌ ᠠᠩᠬᠠᠳᠤᠭᠠᠷ ᠬᠡᠪ ᠊ᠢ ᠬᠢᠪᠡ ᠃
2004 ᠣᠨ ᠤ᠋9 ᠰᠠᠷᠠ ᠳ᠋ᠤ᠌ ᠠᠩᠬᠠ ᠤᠳᠠᠭᠠ ᠬᠡᠪᠯᠡᠭᠦᠯᠪᠡ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠪᠠᠶᠠᠷᠴᠡᠴᠡᠭ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
20230318