ᠭᠠᠩᠬ᠋ᠠ ᠶ᠋ᠢᠨ ᠤᠷᠤᠰᠬᠠᠯ – ᠴᠤᠶ᠋ᠢᠵᠢ ᠲᠤᠯᠭᠠᠨ ᠬᠠᠷᠢᠴᠠᠭᠤᠯᠵᠤ ᠲᠠᠶ᠋ᠢᠯᠪᠤᠷᠢᠯᠠᠪᠠ ᠤᠳᠤᠷᠢᠳᠬᠠᠯ –2 Гангын урсгал – Чойж Тулган харьцуулж тайлбарлав Удиртгал – 2
598ᠤᠳᠤᠷᠢᠳᠬᠠᠯ ( ᠬᠣᠶᠠᠷ )
( ᠬᠣᠶᠠᠷ )
ᠭᠣᠮᠪᠣᠵᠠᠪ ᠦ᠋ᠨ 《 ᠭᠠᠩᠬ᠋ᠠ ᠶ᠋ᠢᠨ ᠤᠷᠤᠰᠬᠠᠯ 》 ᠭᠡᠬᠦ ᠣᠨ ᠳᠠᠷᠠᠭᠠᠯᠠᠭᠰᠠᠨ ᠲᠡᠦᠬᠡᠨ ᠵᠣᠬᠢᠶᠠᠯ ᠵᠣᠬᠢᠶᠠᠭᠲᠠᠭᠠᠳ ᠨᠢᠭᠡᠨᠲᠡ ᠬᠣᠶᠠᠷ ᠵᠠᠭᠤ ᠲᠠᠪᠢᠨ ᠲᠠᠪᠤᠨ ᠵᠢᠯ ᠦ᠋ᠨ ᠣᠢ ᠪᠣᠯᠤᠭᠰᠠᠨ ᠠᠲᠠᠯᠠ ᠴᠣᠬᠣᠮ ᠬᠦ ᠦᠨᠡᠨ ᠤᠭ ᠡᠭᠡ ᠵᠣᠬᠢᠶᠠᠯ ᠊ᠢ ᠨᠢ ᠣᠯᠤᠭᠰᠠᠨ ᠰᠤᠷᠠᠭ ᠳᠤᠭᠤᠯᠳᠠᠭᠠᠳᠤᠢ ᠪᠠᠶ᠋ᠢᠨᠠ ᠃ ᠭᠠᠲᠠᠭᠠᠲᠤ ᠤᠯᠤᠰ ᠦ᠋ᠨ ᠮᠣᠩᠭᠣᠯᠴᠢ ᠡᠷᠲᠡᠮᠲᠡᠨ ᠪᠠ ᠪᠢᠲᠡᠨ ᠳᠤ ᠣᠯᠲᠠᠭᠰᠠᠨ ᠨᠢ ᠴᠥᠮ ᠬᠠᠭᠤᠯᠤᠮᠠᠯ ᠰᠤᠲᠤᠷ ᠪᠣᠯᠤᠨᠠ ᠃ ᠵᠥᠪᠯᠡᠯᠲᠦ ᠬᠣᠯᠪᠣᠭᠠᠲᠤ ᠤᠯᠤᠰ ᠦ᠋ᠨ ᠮᠣᠩᠭᠣᠯᠴᠢ ᠡᠷᠲᠡᠮᠲᠡᠨ ᠯ ᠂ ᠰ ᠂ ᠫᠥᠴᠺᠤᠸᠰᠺᠢ ᠠᠪᠤᠭᠠᠢ1909 —1910 ᠣᠨ ᠪ ᠦᠶᠡ ᠪᠡᠷ ᠠᠪᠠᠬ᠋ᠠ ᠬᠣᠰᠢᠭᠤᠨ ᠠ᠋ᠴᠠ ᠣᠯᠲᠠᠭᠰᠠᠨ ᠨᠢᠭᠡᠨ ᠢᠵᠢ 《 ᠭᠠᠩᠬ᠋ᠠ ᠶ᠋ᠢᠨ ᠤᠷᠤᠰᠬᠠᠯ 》 ᠦ᠋ᠨ ᠬᠠᠭᠤᠯᠤᠮᠠᠯ ᠰᠤᠲᠤᠷ ᠊ᠢ1960 ᠣᠨ ᠳᠤ ᠭᠡᠷᠡᠯ ᠵᠢᠷᠤᠭ ᠶ᠋ᠢᠡᠷ ᠪᠠᠭᠤᠯᠭᠠᠨ ᠲᠣᠪᠴᠢ ᠤᠲᠤᠷᠢᠤᠠᠬᠠᠯ ᠪᠢᠴᠢᠭᠡᠳ ᠮᠣᠰᠺᠸᠠ ᠳᠤ ᠬᠡᠪᠯᠡᠭᠦᠯᠵᠡᠢ ᠃ ᠡᠨᠡ ᠡᠷᠲᠡᠮᠲᠡᠨ ᠡᠨᠡᠬᠦ ᠦᠨᠡ ᠪᠡᠨᠡ ᠲᠡᠢ ᠲᠡᠦᠬᠡᠨ ᠵᠣᠬᠢᠶᠠᠯ ᠊ᠢ ᠢᠩᠭᠢᠵᠦ ᠬᠡᠪᠯᠡᠭᠦᠯᠬᠦ ᠳ᠋ᠡᠭᠡᠨ ᠲᠠᠶ᠋ᠢᠯᠤᠯᠬ᠋ᠠ ᠵᠡᠭᠦᠯᠲᠡ ᠭᠡᠵᠦ ᠤᠭᠲᠤ ᠬᠢᠭᠰᠡᠨ ᠦᠭᠡᠢ ᠪᠡᠷ ᠥᠯᠥ ᠪᠠᠷᠠᠨ ᠂ ᠪᠠᠰᠠ ᠭᠡᠷᠡᠯ ᠵᠢᠷᠤᠭ ᠶ᠋ᠢᠠᠷ ᠪᠠᠭᠤᠯᠭᠠᠬᠤ ᠳ᠋ᠠᠭᠠᠨ ᠤᠭ ᠬᠠᠭᠤᠯᠤᠮᠠᠯ ᠰᠤᠲᠤᠷ ᠦ᠋ᠨ ᠡᠮᠦᠨᠡ ᠬᠣᠶ᠋ᠢᠨᠠ ᠨᠢᠭᠤᠷ ᠬᠠᠭᠤᠲᠠᠰᠤᠨ ᠳᠤ ᠣᠨᠴᠠ ᠶᠡᠬᠡ ᠰᠣᠯᠢᠶᠠᠷᠠᠨ ᠡᠭᠡᠳᠡᠷᠡᠭᠰᠡᠨ ᠳᠥᠷᠪᠡᠨ ᠭᠡᠰᠡᠭ (1) ᠊ᠢ ᠡᠰᠡ ᠠᠩᠬᠠᠷᠤᠭᠰᠠᠨ ᠪᠤᠶᠤ ᠡᠰᠡᠬᠦᠯᠡ ᠡᠰᠡ ᠮᠡᠳᠡᠭᠰᠡᠨ ᠡᠴᠡ ᠪᠣᠯᠵᠤ ᠮᠥᠨ ᠲᠡᠷᠡ ᠴᠢᠭ᠌ ᠶ᠋ᠢᠡᠷ ᠨᠢ ᠪᠠᠭᠤᠯᠭᠠᠵᠠᠢ ᠃ ᠶᠠᠭ ᠡᠶ᠋ᠢᠮᠦ ᠡᠴᠡ ᠮᠣᠰᠺᠸᠠ ᠳᠤ ᠬᠡᠪᠯᠡᠭᠳᠡᠭᠰᠡᠨ 《 ᠭᠠᠩᠬ᠋ᠠ ᠶ᠋ᠢᠨ ᠤᠷᠤᠰᠬᠠᠯ 》 ᠦ᠋ᠨ 8 B ᠨᠢᠭᠤᠷ ( ᠪᠠᠷᠤᠭ ᠫᠦᠴᠺᠦᠸᠰᠺᠢ ᠠᠪᠤᠭᠠᠢ ᠶ᠋ᠢᠨ ᠲᠠᠯᠪᠢᠬᠰᠠᠨ ᠨᠣᠮᠧᠷ ᠪᠣᠯᠤᠯᠲᠠᠢ ) ᠠ᠋ᠴᠠ ᠬᠣᠶ᠋ᠢᠰᠢ ᠳᠡᠰ ᠳᠠᠷᠠᠬ᠋ᠠ ᠶᠡᠬᠡᠯᠡ ᠰᠣᠯᠢᠬᠲᠠᠨ ᠤᠤᠠᠬᠠ ᠰᠠᠨᠠᠬ᠋ᠠ ᠠᠪᠴᠠᠯᠲᠤᠨ ᠨᠡᠶ᠋ᠢᠯᠡᠬᠦ ᠦᠭᠡᠢ ᠪᠣᠯᠵᠠᠢ ᠃ ᠬᠡᠲᠦᠢ ᠡᠶ᠋ᠢᠮᠦ ᠪᠠᠶ᠋ᠢᠬᠰᠠᠨ ᠴᠤ᠌ ᠫᠦᠴᠺᠦᠸᠰᠺᠢ ᠠᠪᠤᠭᠠᠢ 《 ᠭᠠᠩᠬ᠋ᠠ ᠶ᠋ᠢᠨ ᠤᠷᠤᠰᠬᠠᠯ 》 ᠊ᠢ ᠳᠠᠶᠠᠭᠠᠷ ᠨᠡᠶ᠋ᠢᠲᠡ ᠳᠤ ᠠᠩᠬᠠᠲᠤᠭᠴᠢ ᠤᠲᠠᠬ᠋ᠠ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠡᠷᠲᠡᠮᠲᠡᠨ ᠪ ᠬᠤᠪᠢ ᠳᠤ ᠂ ᠮᠥᠨ ᠲᠡᠭᠦᠨᠴᠢᠯᠡᠨ ᠪᠢᠲᠡ ᠣᠯᠠᠨ ᠳᠤ ᠮᠠᠰᠢ ᠰᠣᠨᠢᠷᠬᠠᠯᠲᠠᠢ ᠮᠡᠲᠡᠭᠡ ᠨᠤᠭᠦᠳ ᠊ᠢ ᠮᠡᠳᠡᠭᠡᠯᠡᠭᠰᠡᠨ ᠪ ᠬᠤᠪᠢ ᠳᠤ ᠬᠦᠨᠲᠦᠤᠠᠬᠡᠨ ᠪᠢᠰᠢᠷᠡᠭᠦᠰᠢᠲᠡᠢ ᠶᠤᠮ ᠃ ᠡᠨᠡ ᠤᠲᠠᠬ᠋ᠠ ᠪᠢ ᠡᠨᠡᠬᠦ 《 ᠭᠠᠩᠬ᠋ᠠ ᠶ᠋ᠢᠨ ᠤᠷᠤᠰᠬᠠᠯ 》 ᠳᠤ ᠲᠠᠶ᠋ᠢᠯᠤᠯᠬ᠋ᠠ ᠲᠠᠯᠪᠢᠬᠤ ᠳ᠋ᠠᠭᠠᠨ ᠮᠣᠰᠺᠸᠠ ᠶ᠋ᠢᠨ ᠬᠡᠪᠯᠡᠯ ᠳᠤ ᠡᠨᠲᠡᠭᠦᠷᠡᠨ ᠰᠣᠯᠢᠬᠲᠠᠭᠰᠠᠨ ᠳᠥᠷᠪᠡᠨ ᠭᠡᠰᠡᠭ ᠊ᠢ ᠤᠭ ᠳᠡᠰ ᠳᠠᠷᠠᠬ᠋ᠠ ᠪᠠᠷ ᠨᠢ ᠪᠠᠶ᠋ᠢᠷᠢᠯᠠᠭᠤᠯᠤᠨ ᠲᠠᠯᠪᠢᠭᠠᠳ ᠲᠡᠭᠦᠨ ᠪ ᠦᠨᠡᠨᠬᠦ ᠳᠦᠷᠢ ᠶ᠋ᠢ ᠭᠠᠷᠭᠠᠭᠰᠠᠨ ᠶᠤᠮ ᠃ ᠡᠭᠦᠨ ᠪ ᠵᠡᠷᠭᠡᠲᠡ ᠤᠭ ᠬᠠᠭᠤᠯᠤᠮᠠᠯ ᠳ᠋ᠡᠬᠢ ᠬᠥᠮᠦᠨ ᠪ ᠨᠡᠷᠡ ᠂ ᠭᠠᠵᠠᠷ ᠦ᠋ᠨ ᠨᠡᠷᠡ ᠵᠢᠴᠢ ᠵᠡᠷᠭᠡ ᠬᠡᠷᠬᠡᠮ ᠦ᠋ᠨ ᠨᠡᠷᠡᠰ ᠵᠡᠷᠭᠡ ᠶ᠋ᠢ ᠮᠠᠨᠵᠤ ᠦᠰᠦᠭ ᠶ᠋ᠢᠡᠷ ᠪᠢᠴᠢᠭᠰᠡᠨ ᠪᠤᠶᠤ ᠵᠠᠷᠢᠮ ᠨᠡᠷᠡᠰ ᠊ᠢ ᠲᠠᠯᠠ ᠳ᠋ᠤᠨᠢ ᠲᠥᠪᠡᠳ ᠦᠰᠦᠭ ᠶ᠋ᠢᠡᠷ ᠳᠠᠭᠤᠳᠠᠯᠬ᠋ᠠ ᠬᠠᠲᠠᠵᠤ ᠲᠠᠯᠪᠢᠬᠰᠠᠨ ᠊ᠢ ᠴᠥᠮ ᠮᠣᠩᠭᠣᠯ ᠦᠰᠦᠭ ᠪᠣᠯᠭᠠᠨ ᠲᠡᠮᠲᠡᠭᠯᠡᠭᠰᠡᠨ ᠶ᠋ᠢᠡᠨ ᠡᠨᠲᠡ ᠣᠨᠴᠠ ᠲᠡᠮᠲᠡᠭᠯᠡᠰᠦᠭᠡᠢ ᠃
— — — —
(1) 《 ᠭᠠᠩᠬ᠋ᠠ ᠶ᠋ᠢᠨ ᠤᠷᠤᠰᠬᠠᠯ 》 ᠂ ᠮᠣᠰᠺᠸᠠ ᠶ᠋ᠢᠨ ᠬᠡᠪᠯᠡᠯ ᠦ᠋ᠨ 8B , 9B ,11B ,
《 ᠭᠠᠩᠬ᠋ᠠ ᠶ᠋ᠢᠨ ᠤᠷᠤᠰᠬᠠᠯ 》 ᠦ᠋ᠨ ᠡᠬᠢᠨ ᠪ ᠬᠠᠭᠤᠲᠠᠰᠤᠨ ᠳᠤ 《 ᠴᠢᠩᠭᠢᠰ ᠡᠵᠡᠨ ᠪ ᠠᠯᠲᠠᠨ ᠤᠷᠤᠭ ᠦ᠋ᠨ ᠲᠡᠦᠬᠡ ᠺᠠᠩᠺᠠ ( ᠭᠠᠩᠬ᠋ᠠ ) ᠶ᠋ᠢᠨ ᠤᠷᠤᠰᠬᠠᠯ ᠨᠡᠷᠡᠲᠦ ᠪᠢᠴᠢᠭ ᠣᠷᠣᠰᠢᠪᠠ 》 ᠭᠡᠵᠦ ᠲᠡᠮᠳᠡᠭᠯᠡᠭᠰᠡᠨ ᠪᠥᠭᠡᠲᠡᠯᠡ ᠵᠣᠬᠢᠶᠠᠯ ᠦ᠋ᠨ ᠲᠡᠭᠦᠰᠬᠡᠯ ᠳ᠋ᠡᠭᠡᠨ 《 ᠭᠠᠯᠲᠠᠷᠠ ᠮᠣᠳᠣᠨ ᠪ ᠭᠣᠣᠯ ᠰᠠᠯᠠᠭᠠᠨ ᠊ᠢ ᠳᠦᠷᠢᠮᠯᠡᠨ ᠵᠡᠷᠭᠡᠪᠡᠷ ᠲᠣᠪᠴᠢᠯᠠᠵᠤ ᠵᠢᠭᠰᠠᠭᠠᠭᠰᠠᠨ ᠭᠠᠩᠭᠠ ᠶ᠋ᠢᠨ ᠤᠷᠤᠰᠬᠠᠯ ᠬᠡᠮᠡᠬᠦ ᠡᠨᠡ ᠪᠢᠴᠢᠭ 》 ᠭᠡᠵᠦ ᠲᠣᠳᠣᠷᠬᠠᠢ ᠲᠡᠮᠲᠡᠭᠯᠡᠭᠰᠡᠨ ᠪᠠ ᠵᠢᠴᠢ ᠵᠣᠬᠢᠶᠠᠯ ᠦ᠋ᠨ ᠠᠭᠤᠯᠭᠠ ᠠ᠋ᠴᠠ ᠦᠵᠡᠪᠡᠯ ᠡᠨᠡ ᠵᠣᠬᠢᠶᠠᠯ ᠦ᠋ᠨ ᠨᠡᠷᠡ ᠨᠢ 《 ᠭᠠᠩᠭᠠ ᠶ᠋ᠢᠨ ᠤᠷᠤᠰᠬᠠᠯ 》 ᠬᠡᠮᠡᠭᠳᠡᠬᠦ ᠪᠥᠭᠡᠳ ᠲᠡᠭᠦᠨ ᠪ ᠳᠣᠲᠣᠷᠠᠬᠢ ᠠᠭᠤᠯᠭᠠ ᠨᠢ 《 ᠴᠢᠩᠭᠢᠰ ᠡᠵᠡᠨ ᠪ ᠠᠯᠲᠠᠨ ᠤᠷᠤᠭ ᠦ᠋ᠨ ᠲᠡᠦᠬᠡ 》 ᠪᠣᠯᠤᠨᠠ᠃ ᠭᠣᠮᠪᠣᠵᠠᠪ ᠶᠠᠭᠤᠨ ᠪ ᠤᠴᠢᠷ ᠠ᠋ᠴᠠ ᠵᠣᠬᠢᠶᠠᠯ ᠦ᠋ᠨ ᠨᠡᠷᠡ ᠪᠡᠨ 《 ᠭᠠᠩᠭᠠ ᠶ᠋ᠢᠨ ᠤᠷᠤᠰᠬᠠᠯ 》 ᠭᠡᠵᠦ ᠨᠡᠷᠡᠯᠡᠭᠰᠡᠨ ᠪᠣᠢ? ᠡᠭᠦᠨ ᠊ᠢ ᠳ᠋ᠠᠷᠮᠠ ᠭᠦᠦᠰᠢ ᠂ 《 ᠠᠯᠲᠠᠨ ᠤᠷᠤᠭ ᠲᠠᠨ ᠪ ᠲᠣᠲᠣ ᠲᠡᠦᠬᠡ 》 ᠳ᠋ᠡᠭᠡᠨ ᠬᠠᠷᠢᠭᠤᠯᠲᠠ ᠬᠢᠵᠡᠢ᠃ ᠲᠡᠭᠦᠨ ᠳᠤ ᠬᠡᠯᠡᠭᠰᠡᠨ ᠨᠢ᠄ 《 ᠬᠠᠳ ᠦ᠋ᠨ ᠦᠨᠲᠦᠰᠦᠨ ᠵᠠᠯᠭᠠᠮᠵᠢᠯᠠᠨ ᠭᠠᠩᠭᠠ ᠶ᠋ᠢᠨ ᠤᠷᠤᠰᠬᠠᠯ ᠮᠡᠲᠦ ᠂ ᠬᠠᠰ ᠶᠡᠬᠡ ᠲᠥᠷᠥ ᠪᠡᠨ ᠢᠨᠤ ᠪᠠᠲᠤᠤᠠᠬᠠᠨ ᠂ ᠰᠦᠮᠪᠦᠷ ᠠᠭᠤᠯᠠ ᠮᠡᠲᠦ 》 ᠭᠡᠵᠡᠢ ᠃ ᠳᠠᠷᠤᠢ ᠴᠢᠩᠭᠢᠰ ᠬᠠᠭᠠᠨ ᠪ ᠠᠯᠲᠠᠨ ᠤᠷᠤᠭ ᠂ ᠦᠶᠡ ᠶ᠋ᠢᠨ ᠦᠶᠡ ᠳᠤ ᠬᠠᠳ ᠦ᠋ᠨ ᠦᠨᠲᠦᠰᠦᠨ ᠊ᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠵᠠᠯᠭᠠᠮᠵᠢᠯᠠᠨ ᠂ ᠪᠤᠷᠬᠠᠨ ᠱᠠᠰᠢᠨ ᠮᠠᠨᠳᠤᠨ ᠳᠡᠯᠭᠡᠷᠡᠭᠰᠡᠨ ᠡᠨᠡᠳᠬᠡᠭ ᠤᠯᠤᠰ ᠦ᠋ᠨ ᠭᠠᠩᠭᠠ ᠮᠥᠷᠡᠨ ᠪ ᠤᠷᠤᠰᠬᠠᠯ ᠮᠡᠲᠦ ᠥᠨᠢ ᠡᠭᠦᠷᠢᠳᠡ ᠵᠣᠭᠰᠣᠯ ᠦᠭᠡᠢ ᠤᠷᠤᠰᠴᠤ ᠂ ᠮᠣᠩᠭᠣᠯ ᠦ᠋ᠨ ᠶᠡᠬᠡ ᠲᠥᠷᠥ ᠨᠢ ᠰᠦᠮᠪᠦᠷ ᠠᠭᠤᠯᠠ ᠮᠡᠲᠦ ᠥᠨᠢᠳᠡ ᠣᠷᠣᠰᠢᠬᠤ ᠪᠣᠯᠲᠤᠭᠠᠢ ᠭᠡᠰᠡᠨ ᠰᠠᠨᠠᠭᠠ ᠪᠣᠯᠠᠢ ᠃ ᠡᠨᠡ ᠨᠢ ᠂ ᠪᠤᠷᠬᠠᠨ ᠱᠠᠰᠢᠨ ᠮᠣᠩᠭᠣᠯ ᠣᠷᠣᠨ ᠳᠤ ᠳᠡᠯᠭᠡᠷᠡᠨ ᠣᠷᠭᠢᠯ ᠳ᠋ᠤᠷ ᠬᠦᠷᠦᠭᠰᠡᠨ ᠮᠠᠨᠵᠤ ᠴᠢᠩ ᠤᠯᠤᠰ ᠦ᠋ᠨ ᠦᠶᠡ ᠳ᠋ᠡᠬᠢ ᠮᠣᠩᠭᠣᠯ ᠲᠡᠦᠬᠡᠴᠢ ᠭᠣᠮᠪᠣᠵᠠᠪ ᠪᠠ ᠵᠢᠴᠢ ᠲᠡᠭᠦᠨ ᠊ᠢ ᠬᠦᠨᠳᠦᠳᠬᠡᠨ ᠪᠢᠰᠢᠷᠡᠭᠴᠢ ᠳ᠋ᠠᠷᠮᠠ ᠭᠦᠦᠰᠢ ᠲᠡᠲᠡᠨ ᠳᠤ ᠠᠪᠴᠤ ᠬᠡᠯᠡᠪᠡᠯ ᠮᠠᠰᠢ ᠠᠶᠠᠨᠳᠠᠭᠠᠨ ᠪᠣᠯᠤᠭᠰᠠᠨ ᠦᠵᠡᠯ ᠰᠠᠨᠠᠭᠠ ᠪᠣᠯᠬᠤ ᠶᠤᠮ᠃
《 ᠭᠠᠩᠭᠠ ᠶ᠋ᠢᠨ ᠤᠷᠤᠰᠬᠠᠯ 》 ᠪᠣᠯ ᠨᠢᠭᠡᠨ ᠢᠵᠢ ᠮᠣᠩᠭᠣᠯ ᠲᠥᠷᠥ ᠶ᠋ᠢᠨ ᠡᠵᠡᠨ ᠬᠠᠳ ᠪᠠ ᠨᠣᠶᠠᠳ ᠦ᠋ᠨ ᠭᠣᠣᠯ ᠤᠭᠰᠠᠭᠠᠨ ᠪ ᠤᠯᠠᠮᠵᠢᠯᠠᠯ ᠊ᠢ ᠣᠨ ᠳᠠᠷᠠᠭᠠᠯᠠᠨ ᠪᠢᠴᠢᠭᠰᠡᠨ ᠲᠡᠦᠬᠡ ᠶᠤᠮ᠃ ᠲᠡᠷᠡ ᠨᠢ 《 ᠠᠩᠬᠠᠨ ᠪ ᠪᠦᠯᠦᠭ 》 ᠂ 《 ᠨᠥᠭᠦᠭᠡ ᠪᠦᠯᠦᠭ 》 ᠭᠡᠵᠦ ᠬᠣᠶᠠᠷ ᠪᠦᠯᠦᠭ ᠲᠤ ᠬᠤᠪᠢᠶᠠᠭᠳᠠᠵᠠᠢ᠃ 《 ᠠᠩᠬᠠᠨ ᠪ ᠪᠦᠯᠦᠭ 》 ᠲᠤ 《 ᠬᠢᠶᠣᠳ ᠶᠠᠰᠤᠲᠠᠨ ᠪ ᠠᠯᠲᠠᠨ ᠤᠷᠤᠭ ᠦ᠋ᠨ ᠤᠭ ᠦᠨᠲᠦᠰᠦᠨ 》 — ᠴᠢᠩᠭᠢᠰ ᠬᠠᠭᠠᠨ ᠲᠠᠭᠦᠨᠴᠢᠯᠡᠨ ᠲᠡᠭᠦᠨᠴᠡ ᠬᠣᠶ᠋ᠢᠰᠢᠬᠢ ᠮᠣᠩᠭᠣᠯ ᠲᠥᠷᠥ ᠶ᠋ᠢᠨ ᠡᠯᠡ ᠬᠠᠳ ᠦ᠋ᠨ ᠵᠠᠯᠭᠠᠮᠵᠢᠯᠠᠯ ᠪᠠ ᠴᠢᠩᠭᠢᠰ ᠬᠠᠭᠠᠨ ᠪ 《 ᠠᠯᠲᠠᠨ ᠤᠷᠤᠭ 》 ᠡᠴᠡ ᠰᠢᠭᠤᠳ ᠡᠭᠦᠰᠦᠭᠰᠡᠨ ᠠᠶ᠋ᠢᠮᠠᠭ ᠦ᠋ᠨ ᠨᠣᠶᠠᠳ ᠦ᠋ᠨ ᠵᠠᠯᠭᠠᠮᠵᠢᠯᠠᠯ ᠊ᠢ ᠪᠢᠴᠢᠵᠡᠢ᠃ 《 ᠨᠥᠭᠦᠭᠡ ᠪᠦᠯᠦᠭ 》 ᠨᠢ ᠴᠢᠩᠭᠢᠰ ᠬᠠᠭᠠᠨ ᠪ ᠳᠡᠭᠦᠨᠡᠷ ᠪᠣᠯᠤᠨ ᠲᠡᠳᠡᠨ ᠪ ᠦᠷᠡ ᠠᠴᠢᠨᠠᠷ ᠦ᠋ᠨ ᠬᠠᠷᠢᠶᠠ ᠠᠶ᠋ᠢᠮᠠᠭ ᠦ᠋ᠨ ᠨᠣᠶᠠᠳ ᠦ᠋ᠨ ᠵᠠᠯᠭᠠᠮᠵᠢᠯᠠᠯ ᠂ ᠮᠣᠩᠭᠣᠯ ᠦ᠋ᠨ ᠲᠡᠦᠬᠡᠨ ᠳ᠋ᠡᠬᠢ ᠨᠡᠷᠡᠲᠦ ᠰᠠᠶ᠋ᠢᠳ ᠪᠠ ᠮᠣᠩᠭᠣᠯ ᠦ᠋ᠨ ᠨᠡᠶ᠋ᠢᠭᠡᠮ ᠦ᠋ᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠪ ᠪᠠᠶ᠋ᠢᠭᠤᠯᠤᠮᠵᠢ ᠂ ᠶᠡᠷᠦᠩᠬᠡᠢ ᠪᠠᠶ᠋ᠢᠳᠠᠯ ᠵᠡᠷᠭᠡ ᠶ᠋ᠢ ᠥᠭᠦᠯᠡᠨ ᠲᠤᠰᠢᠶᠠᠵᠠᠢ᠃
《 ᠭᠠᠩᠭᠠ ᠶ᠋ᠢᠨ ᠤᠷᠤᠰᠬᠠᠯ 》 ᠡᠬᠢᠯᠡᠮᠡᠭᠴᠡ 《 ᠲᠡᠭᠷᠢ ᠳ᠋ᠠᠴᠠ ( ᠡᠴᠡ ) ᠵᠠᠶᠠᠭᠠᠭᠳᠠᠭᠰᠠᠨ ᠪᠤᠲᠠᠨᠴᠢᠷ ᠡᠵᠡᠨ 》 ᠡᠴᠡ ᠡᠬᠢᠯᠡᠨ ᠴᠢᠩᠭᠢᠰ ᠬᠠᠭᠠᠨ ᠬᠦᠷᠲᠡᠯᠡᠬᠢ 《 ᠤᠭ ᠦᠶᠡ ᠶ᠋ᠢ ᠲᠣᠪᠴᠢᠯᠠᠨ ᠲᠤᠭᠤᠯᠵᠢ 》 ᠃ ᠡᠨᠡ ᠨᠢ ᠣᠨ ᠲᠣᠭᠠᠯᠠᠯ ᠦ᠋ᠨ 970 ᠣᠨ ( ᠪᠤᠲᠠᠨᠴᠢᠷ ᠦ᠋ᠨ ᠮᠡᠨᠳᠦᠯᠡᠭᠰᠡᠨ ᠣᠨ ) ᠡᠴᠡ1162 ( ᠴᠢᠩᠭᠢᠰ ᠬᠠᠭᠠᠨ ᠪ ᠮᠡᠨᠳᠦᠯᠡᠭᠰᠡᠨ ᠣᠨ ) ᠬᠦᠷᠲᠡᠯᠡᠬᠢ ᠲᠡᠦᠬᠡᠨ ᠬᠤᠭᠤᠴᠠᠭᠠᠨ ᠳ᠋ᠠᠬᠢ ᠴᠢᠩᠭᠢᠰ ᠬᠠᠭᠠᠨ ᠪ 《 ᠤᠭ ᠦᠨᠳᠦᠰᠦ 》 ᠪᠣᠯᠤᠭᠴᠢᠳ ᠊ᠢ ᠳᠡᠰ ᠳᠠᠷᠠᠭᠠᠯᠠᠨ ᠲᠣᠭᠠᠴᠢᠭᠰᠠᠨ ᠪᠣᠯᠤᠨᠠ᠃ ᠡᠭᠦᠨ ᠪ ᠳᠠᠷᠠᠭᠠ ᠳ᠋ᠤᠨᠢ ᠂ ᠴᠢᠩᠭᠢᠰ ᠬᠠᠭᠠᠨ ᠠ᠋ᠴᠠ ᠡᠬᠢᠯᠡᠨ ᠮᠣᠩᠭᠣᠯ ᠲᠥᠷᠥ ᠶ᠋ᠢᠨ ᠯᠢᠭᠳᠡᠨ ᠬᠤᠲᠤᠭᠲᠤ ᠬᠠᠭᠠᠨ ᠬᠦᠷᠲᠡᠯᠡ ᠨᠡᠶ᠋ᠢᠲᠡ ᠭᠤᠴᠢᠨ ᠲᠠᠪᠤᠨ ᠬᠠᠭᠠᠨ ᠪ ᠲᠥᠷᠥᠭᠰᠡᠨ ᠣᠨ ᠵᠢᠯ ᠂ ᠬᠠᠭᠠᠨ ᠰᠠᠭᠤᠷᠢᠨᠠ ᠰᠠᠭᠤᠭᠰᠠᠨ ᠵᠢᠯ ᠬᠤᠭᠤᠴᠠᠭᠠ ᠂ ᠨᠠᠰᠤ ᠪᠠᠷᠠᠭᠰᠠᠨ ᠣᠨ ᠰᠠᠷᠠ ᠵᠡᠷᠭᠡ ᠶ᠋ᠢ ᠴᠥᠮ ᠨᠠᠷᠢᠨ ᠬᠢᠴᠢᠶᠡᠩᠭᠦᠢ ᠲᠡᠮᠲᠡᠭᠯᠡᠬᠦ ᠶ᠋ᠢᠨ ᠵᠡᠷᠭᠡᠳᠡ ᠮᠣᠩᠭᠣᠯ ᠦ᠋ᠨ ᠲᠡᠦᠬᠡᠨ ᠳ᠋ᠡᠬᠢ ᠴᠢᠬᠤᠯᠠ ᠬᠡᠷᠡᠭ ᠦ᠋ᠨ ᠲᠣᠶ᠋ᠢᠮᠣ ᠶ᠋ᠢ ᠲᠡᠮᠳᠡᠭᠯᠡᠵᠡᠢ᠃
ᠡᠭᠦᠨ ᠪ ᠳᠠᠷᠠᠭᠠ ᠳ᠋ᠤᠨᠢ ᠂ 《 ᠭᠠᠩᠭᠠ ᠶ᠋ᠢᠨ ᠤᠷᠤᠰᠬᠠᠯ 》 ᠦ᠋ᠨ ᠭᠣᠣᠯ ᠬᠡᠰᠡᠭ ᠪᠣᠯᠬᠤ ᠵᠦᠢᠯ ᠨᠢ ᠳᠠᠷᠤᠢ ᠮᠠᠨᠵᠤ ᠴᠢᠩ ᠤᠯᠤᠰ ᠦ᠋ᠨ ᠡᠬᠢᠨ ᠪ ᠦᠶᠡ ᠪᠡᠷ ᠮᠣᠩᠭᠣᠯ ᠣᠷᠣᠨ ᠬᠣᠰᠢᠭᠤ ᠠᠶ᠋ᠢᠮᠠᠭ ᠪᠣᠯᠤᠨ ᠬᠤᠪᠢᠶᠠᠭᠳᠠᠭᠰᠠᠨ ᠵᠢᠴᠢ ᠲᠡᠳᠡᠭᠡᠷ ᠦ᠋ᠨ 《 ᠨᠣᠶᠠᠳ ᠦ᠋ᠨ ᠤᠭ 》 ᠪᠠ ᠵᠡᠷᠭᠡ ᠬᠡᠷᠬᠡᠮ ᠊ᠢ ᠦᠶᠡ ᠳᠠᠷᠠᠭᠠᠯᠠᠨ ᠲᠣᠭᠠᠴᠢᠵᠠᠢ᠃ ᠡᠭᠦᠨ ᠳᠤ ᠴᠠᠬᠠᠷ ᠂ ᠦᠵᠦᠮᠦᠴᠢᠨ ᠂ ᠠᠤᠬᠠᠨ ᠂ ᠨᠠᠢ᠍ᠮᠠᠨ ᠂ ᠣᠷᠳᠣᠰ᠂ ᠲᠦᠮᠡᠳ ᠂ᠬᠠᠭᠤᠴᠢᠳ᠂ ᠬᠡᠰᠢᠭᠲᠡᠨ᠂ ᠵᠠᠷᠤᠳ ᠂ ᠪᠠᠭᠠᠷᠢᠨ ᠬᠠᠷᠠᠴᠢᠨ ᠂ ᠤᠷᠠᠳ ᠂ ᠲᠠᠲ᠋ᠠᠷ ᠂ ᠣᠷᠢᠶᠠᠩᠬᠠᠨ᠂ ᠬᠠᠯᠬᠠ ᠂ᠮᠤᠤᠮᠢᠩᠭᠠᠨ ᠂ ᠨᠣᠨ ᠬᠣᠷᠴᠢᠨ ( ᠡᠭᠦᠨ ᠳᠤ ᠳᠥᠷᠪᠡᠳ ᠂ ᠭᠣᠷᠯᠣᠰ ᠂ ᠵᠠᠯᠠᠶ᠋ᠢᠳ ᠪᠠᠭᠲᠠᠪᠠ ) ᠂ ᠠᠷᠤ ᠬᠣᠷᠴᠢᠨ ᠂ ᠳᠥᠷᠪᠡᠨ ᠬᠡᠦᠬᠡᠳ ᠂ ᠬᠥᠬᠡᠨᠠᠭᠤᠷ ᠦ᠋ᠨ ᠥᠭᠡᠯᠡᠳ ( ᠣᠶ᠋ᠢᠷᠠᠳ ) ᠂ ᠣᠩᠨᠢᠭᠤᠳ ᠂ ᠠᠪᠠᠭᠠ ᠵᠡᠷᠭᠡ ᠮᠣᠩᠭᠣᠯ ᠠᠶ᠋ᠢᠮᠠᠭᠲᠠᠨ ᠪ 《 ᠨᠣᠶᠠᠳ ᠦ᠋ᠨ ᠤᠭ 》 ᠊ᠢ ᠪᠢᠴᠢᠨ ᠭᠠᠷᠭᠠᠵᠠᠢ᠃ ᠡᠨᠡ ᠪᠣᠯ ᠮᠠᠨᠵᠤ ᠴᠢᠩ ᠦ᠋ᠨ ᠦᠶᠡ ᠳᠤ ᠪᠢᠴᠢᠭᠳᠡᠭᠰᠡᠨ ᠮᠣᠩᠭᠣᠯ ᠦ᠋ᠨ ᠲᠡᠦᠬᠡᠨ ᠵᠣᠬᠢᠶᠠᠯ ᠦ᠋ᠨ ᠳᠣᠲᠣᠷᠠ ᠮᠣᠩᠭᠣᠯ ᠠᠶ᠋ᠢᠮᠠᠭ ᠬᠣᠰᠢᠭᠤᠳ ᠦ᠋ᠨ 《 ᠨᠣᠶᠠᠳ ᠦ᠋ᠨ ᠤᠭ 》 ᠊ᠢ ᠠᠩᠬᠠ ᠤᠲᠠᠬ᠋ᠠ ᠲᠣᠲᠣᠷᠬᠠᠢ ᠢᠯᠭᠠᠵᠤ ᠲᠡᠮᠲᠡᠭᠯᠡᠵᠦ ᠪᠣᠯᠤᠨᠠ ᠃ ᠡᠨᠡ ᠲᠡᠮᠲᠡᠭᠯᠡᠯ ᠨᠢ ᠡᠭᠦᠨ ᠡᠴᠡ ᠬᠣᠶ᠋ᠢᠰᠢ ᠪᠢᠴᠢᠭᠳᠡᠭᠰᠡᠨ ᠮᠣᠩᠭᠣᠯ ᠲᠡᠦᠬᠡ ᠶ᠋ᠢᠨ ᠵᠣᠬᠢᠶᠠᠯ ᠳᠤ ᠮᠠᠰᠢ ᠶᠡᠬᠡ ᠨᠥᠯᠥᠭᠡ ᠦᠵᠡᠭᠦᠯᠵᠡᠢ ᠃
《 ᠭᠠᠩᠬ᠋ᠠ ᠶ᠋ᠢᠨ ᠤᠷᠤᠰᠬᠠᠯ 》 ᠦ᠋ᠨ ᠰᠡᠭᠦᠯᠴᠢ ᠶ᠋ᠢᠨ ᠭᠡᠰᠡᠭ ᠲᠤ ᠪᠠᠭᠲᠠᠭᠠᠭᠰᠠᠨ ᠠᠭᠤᠯᠬ᠋ᠠ ᠨᠡᠯᠢᠶᠡᠳ ᠥᠷᠭᠡᠨ ᠳᠡᠯᠭᠡᠷᠡᠩᠭᠦᠢ ᠪᠠᠶ᠋ᠢᠲᠠᠭ ᠃ ᠡᠭᠦᠨ ᠳᠤ ᠂ ᠴᠢᠩᠭᠢᠰ ᠬᠠᠭᠠᠨ ᠪ ᠶᠢᠰᠦᠨ ᠥᠷᠯᠥᠭ ᠂ ᠲᠠᠪᠤᠨ ᠥᠩᠭᠡ ᠳᠥᠷᠪᠡᠨ ᠬᠠᠷᠢ ᠤᠯᠤᠰ ᠬᠡᠮᠡᠭᠳᠡᠬᠦ ᠶ᠋ᠢᠨ ᠲᠤᠬᠠᠢ ᠃ ᠴᠢᠩᠭᠢᠰ ᠬᠠᠭᠠᠨ ᠴᠠᠩ ᠴᠦᠨ ᠠᠷᠰᠢ ᠴᠢᠦ ᠴᠤ᠌ ᠵᠢᠢ ᠶ᠋ᠢ ᠤᠷᠢᠵᠤ ᠠᠭᠤᠯᠵᠠᠭᠰᠠᠨ ᠃ ᠶᠤᠸᠠᠨ ᠤᠯᠤᠰ ᠠ᠋ᠴᠠ ᠳᠠᠷᠠᠭᠠᠬᠢ ᠮᠣᠩᠭᠣᠯ ᠦ᠋ᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠪ ᠪᠠᠶ᠋ᠢᠭᠤᠯᠤᠮᠵᠢ ᠃ ᠮᠣᠩᠭᠣᠯ ᠬᠥᠭᠵᠢᠮ ᠦ᠋ᠨ ᠲᠤᠬᠠᠢ ᠵᠡᠷᠭᠡ ᠵᠦᠢᠯ ᠊ᠢ ᠬᠠᠮᠲᠤᠷᠠᠨ ᠥᠭᠦᠯᠡᠵᠡᠢ ᠃ ᠡᠨᠡ ᠭᠡᠰᠡᠭ ᠨᠢ ᠨᠢᠭᠤᠷ ᠬᠠᠭᠤᠲᠠᠰᠤ ᠶ᠋ᠢᠨ ᠬᠤᠪᠢ ᠳᠤ ᠨᠢᠮᠭᠡᠨ ᠪᠠᠶ᠋ᠢᠬᠰᠠᠨ ᠴᠤ᠌ ᠠᠭᠤᠯᠤᠭᠲᠠᠭᠰᠠᠨ ᠠᠭᠤᠯᠬ᠋ᠠ ᠨᠢ ᠨᠡᠯᠢᠶᠡᠳ ᠥᠷᠭᠡᠨ ᠶᠤᠮ ᠃ ᠡᠭᠦᠪᠡᠷ ᠦᠯᠦ ᠪᠠᠷᠠᠮ ᠂ ᠡᠲᠡᠭᠡᠷ ᠠᠭᠤᠯᠬ᠋ᠠ ᠶ᠋ᠢ ᠬᠦᠦᠷᠨᠢᠨ ᠶᠠᠷᠢᠬᠤ ᠳ᠋ᠠᠭᠠᠨ ᠭᠣᠮᠪᠣᠵᠠᠪ ᠭᠦᠩ ᠥᠪᠡᠷ ᠦ᠋ᠨ ᠦᠵᠡᠯᠲᠡ ᠰᠢᠨᠵᠢᠯᠡᠭᠡᠨ ᠶ᠋ᠢᠡᠨ ᠥᠪᠡᠷᠮᠢᠴᠡ ᠳᠤᠷᠠᠳᠤᠭᠰᠠᠨ ᠪᠠᠶ᠋ᠢᠨᠠ ᠃
《 ᠲᠠᠪᠤᠨ ᠥᠩᠭᠡ ᠳᠥᠷᠪᠡᠨ ᠬᠠᠷᠢ ᠤᠯᠤᠰ 》 ᠭᠡᠳᠡᠭ ᠪᠣᠯ ᠮᠣᠩᠭᠣᠯ ᠦ᠋ᠨ ᠲᠡᠦᠬᠡᠨ ᠰᠤᠷᠪᠤᠯᠵᠢ ᠪᠢᠴᠢᠭ ᠲᠤ ᠭᠠᠲᠠᠭᠠᠲᠤ ᠤᠯᠤᠰ ᠬᠠᠷᠢ ᠦᠨᠲᠦᠰᠦᠲᠡᠨ ᠊ᠢ ᠨᠡᠷᠡᠯᠡᠭᠰᠡᠨ ᠶᠡᠷᠦᠩᠬᠡᠢ ᠨᠡᠷᠡᠶ᠋ᠢᠲᠦᠯ ᠶᠤᠮ ᠃ ᠮᠣᠩᠭᠣᠯ ᠦ᠋ᠨ ᠲᠡᠦᠬᠡᠨ ᠰᠤᠷᠪᠤᠯᠵᠢ ᠪᠢᠴᠢᠭ ᠡᠴᠡ ᠦᠵᠡᠪᠡᠯ ᠂ ᠵᠥᠪᠬᠡᠨ 《 ᠲᠠᠪᠤᠨ ᠥᠩᠭᠡ 》 《ᠳᠥᠷᠪᠡᠨ ᠬᠠᠷᠢ 》 ᠶ᠋ᠢᠨ ᠭᠡᠳᠡᠭ ᠨᠢ ᠲᠤᠰ ᠲᠤᠰ ᠪᠣᠲᠠᠲᠠᠢ ᠶᠠᠭᠤᠨ ᠊ᠢ ᠵᠢᠭᠠᠭᠰᠠᠨ ᠊ᠢ ᠲᠣᠪᠴᠢ ᠳᠤᠷᠠᠳᠤᠭᠰᠠᠨ ᠠ᠋ᠴᠠ ᠭᠠᠲᠠᠨᠠ ᠡᠨᠡ ᠨᠢ ᠴᠣᠬᠣᠮ ᠶᠠᠮᠠᠷ ᠢᠷᠡᠯᠲᠡ ᠲᠡᠢ ᠂ ᠬᠡᠷᠬᠢᠨ ᠢᠩᠭᠢᠵᠦ ᠨᠡᠷᠡᠢᠳᠦᠭᠰᠡᠨ ᠲᠤᠰᠬᠠᠢ ᠲᠠᠶ᠋ᠢᠯᠪᠤᠷᠢᠯᠠᠯ ᠳᠡᠮᠡᠢ ᠬᠠᠷᠠᠭᠲᠠᠬᠤ ᠦᠭᠡᠢ ᠶᠤᠮ ᠃
《 ᠲᠠᠪᠤᠨ ᠥᠩᠭᠡ ᠳᠥᠷᠪᠡᠨ ᠬᠠᠷᠢ ᠤᠯᠤᠰ 》 ᠦ᠋ᠨ ᠲᠤᠬᠠᠢ ᠬᠤᠪᠢᠯᠠᠢ ᠬᠠᠭᠠᠨ ᠪ ᠦᠶᠡ ᠳᠤ ᠵᠣᠬᠢᠶᠠᠭᠲᠠᠭᠰᠠᠨ 《 ᠠᠷᠪᠠᠨ ᠪᠤᠶᠠᠨᠲᠤ ᠨᠣᠮ ᠦ᠋ᠨ ᠴᠠᠭᠠᠨ ᠲᠡᠦᠬᠡ 》 ᠳᠤ ᠬᠠᠮᠤᠭ ᠡᠷᠲᠡ ᠳᠤᠷᠠᠳᠤᠭᠰᠠᠨ ᠶᠤᠮ ᠃ ᠡᠨᠡᠬᠦ 《 ᠴᠠᠭᠠᠨ ᠲᠡᠦᠬᠡ 》 ᠳᠤ ᠲᠡᠮᠲᠡᠭᠯᠡᠭᠰᠡᠨ ᠊ᠢ ᠦᠵᠡᠪᠡᠯ ᠠᠷᠪᠠᠨ ᠭᠤᠷᠪᠠᠲᠤᠭᠠᠷ ᠵᠠᠭᠤᠨ ᠪ ᠰᠡᠭᠦᠯᠴᠢ ᠶ᠋ᠢᠨ ᠦᠶᠡ ᠪᠡᠷ ᠮᠣᠩᠭᠣᠯ ᠦ᠋ᠨ ᠬᠠᠭᠠᠨᠲᠤ ᠤᠯᠤᠰ ᠲᠤ ᠬᠠᠮᠤᠷᠤᠭᠲᠠᠨ ᠪᠠᠭᠲᠠᠭᠲᠠᠭᠰᠠᠨ ᠤᠯᠤᠰ ᠶ᠋ᠢᠠᠨ 《 ᠲᠠᠪᠤᠨ ᠥᠩᠭᠡ ᠳᠥᠷᠪᠡᠨ ᠬᠠᠷᠢ 》 ᠭᠡᠵᠦ ᠬᠤᠪᠢᠶᠠᠯᠠᠨ ᠨᠡᠷᠡᠶ᠋ᠢᠤᠠᠴᠦ ᠪᠠᠶ᠋ᠢᠬᠰᠠᠨ ᠪᠠᠶ᠋ᠢᠵᠠᠢ ᠃ 《 ᠴᠠᠭᠠᠨ ᠲᠡᠦᠬᠡ 》 ᠳᠤ 《 ᠬᠤᠪᠢᠯᠠᠢ ᠡᠬ᠋ᠷᠡᠸᠡᠷᠢ ᠰᠡᠴᠡᠨ ᠬᠠᠭᠠᠨ ᠲᠠᠪᠤᠨ ᠥᠩᠭᠡ ᠲᠦᠷᠪᠡᠨ ᠬᠠᠷᠢ ᠶᠡᠷᠦᠩᠬᠡᠢ ᠤᠯᠤᠰ ᠊ᠢ ᠠᠮᠤᠭᠤᠯᠬᠤ ᠶ᠋ᠢᠨ ᠲᠤᠯᠠ 》 ᠭᠡᠵᠦ ᠲᠡᠮᠲᠡᠭᠯᠡᠭᠰᠡᠨ ᠡᠴᠡ ᠦᠵᠡᠪᠡᠯ 《 ᠲᠠᠪᠤᠨ ᠥᠩᠭᠡ ᠲᠦᠷᠪᠡᠨ ᠬᠠᠷᠢ 》 ᠪᠤᠯ 《 ᠶᠡᠷᠦᠩᠬᠡᠢ ᠤᠯᠤᠰ 》 · ᠲᠠᠷᠤᠢ ᠮᠣᠩᠭᠣᠯ ᠦ᠋ᠨ ᠬᠠᠭᠠᠨᠲᠤ ᠤᠯᠤᠰ ᠲᠤ ᠬᠠᠮᠤᠷᠤᠭᠲᠠᠨ ᠪᠠᠭᠲᠠᠭᠲᠠᠭᠰᠠᠨ ᠤᠯᠤᠰ ᠭᠡᠰᠡᠨ ᠰᠠᠨᠠᠬ᠋ᠠ ᠶ᠋ᠢ ᠠᠭᠤᠯᠵᠣ ᠪᠠᠶ᠋ᠢᠬ᠋ᠠ ᠶᠤᠮ ᠃ ᠴᠢᠨᠠᠭᠰᠢᠲᠠ ᠪᠢᠲᠡ ᠪᠠᠰᠠ ᠬᠤᠪᠢᠯᠠᠢ ᠰᠡᠴᠡᠨ ᠬᠠᠭᠠᠨ ᠠ᠋ᠴᠠ ᠮᠣᠩᠭᠣᠯ ᠦ᠋ᠨ ᠬᠠᠭᠠᠨᠲᠤ ᠤᠯᠤᠰ ᠦ᠋ᠨ ᠨᠣᠶᠠᠳ ᠲᠦᠰᠢᠮᠡᠳ ᠲᠡᠭᠡᠨ ᠵᠠᠷᠯᠢᠬ ᠪᠠᠭᠤᠯᠭᠠᠭᠰᠠᠨ ᠦᠭᠡ ᠡᠴᠡ ᠦᠵᠡᠪᠡᠯ · ᠮᠣᠩᠭᠣᠯ ᠬᠠᠭᠠᠨᠲᠤ ᠤᠯᠤᠰ ᠦ᠋ᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠪ ᠬᠠᠮᠢᠶᠠᠷᠤᠯᠲᠠ ᠳᠤ 《 ᠲᠠᠪᠤᠨ ᠥᠩᠭᠡ ᠲᠦᠷᠪᠡᠨ ᠬᠠᠷᠢ 》 ᠨᠢᠭᠡᠨᠲᠡ ᠪᠠᠭᠲᠠᠭᠲᠠᠵᠤ 《 ᠶᠡᠷᠦᠩᠬᠡᠢ ᠤᠯᠤᠰ 》 ᠪᠣᠯᠤᠭᠰᠠᠨ ᠨᠢ ᠨᠡᠩ ᠲᠣᠲᠣᠷᠬᠠᠢ ᠶᠣᠮ ᠃ 《 ᠴᠠᠭᠠᠨ ᠲᠡᠥᠬᠡ 》 ᠳᠤ ᠬᠣᠪᠢᠯᠢ ᠬᠠᠭᠠᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠪ ᠬᠠᠮᠢᠶᠠ ᠲᠠᠢ ᠵᠠᠷᠯᠢᠬ ᠪᠠᠭᠤᠯᠭᠠᠭᠰᠠᠨ ᠊ᠢ ᠲᠡᠮᠲᠡᠭᠯᠡᠬᠦ ᠳ᠋ᠡᠭᠡᠨ ᠄ 《 ᠲᠠᠪᠤᠨ ᠥᠩᠭᠡ ᠲᠦᠷᠪᠡᠨ ᠬᠠᠷᠢ ᠤᠯᠤᠰ ᠲᠤᠷ ᠠᠷᠪᠠᠨ ᠪ ᠠᠬᠠ ᠲᠠᠪᠢᠲᠤ · ᠵᠠᠭᠤᠲᠥ · ᠮᠢᠩᠭᠠᠲᠥ · ᠲᠦᠮᠡᠨᠲᠡ· ᠲᠦᠭ ᠲᠦᠮᠡᠨ ᠪ ᠨᠣᠶᠠᠳ ᠠᠨᠤ ᠠᠶ᠋ᠢᠮᠠᠭ ᠠᠶ᠋ᠢᠮᠠᠭ ᠤᠯᠤᠰ ᠶ᠋ᠢᠠᠷ ᠲᠣᠰ ᠪᠦᠷᠢ ᠮᠡᠲᠡᠲᠦᠭᠡᠢ 》 ᠭᠡᠵᠢ ᠃ ᠠᠷᠪᠠᠨ ᠭᠤᠷᠪᠠᠲᠤᠭᠠᠷ ᠵᠠᠭᠤᠨ ᠪ ᠡᠬᠢᠨ ᠪ ᠦᠶᠡ ᠪᠡᠷ ᠮᠣᠩᠭᠣᠯ ᠦ᠋ᠨ ᠬᠠᠭᠠᠨᠲᠤ ᠤᠯᠤᠰ ᠨᠢ ᠪᠦᠷᠢᠯᠲᠦᠨ ᠲᠣᠭᠲᠠᠭᠠᠲᠤᠢ ᠪᠠᠶ᠋ᠢᠬᠰᠠᠨ ᠪᠣᠯᠬᠤᠷ 《 ᠲᠠᠪᠤᠨ ᠥᠩᠭᠡ ᠲᠦᠷᠪᠡᠨ ᠬᠠᠷᠢ ᠤᠯᠤᠰ 》 ᠭᠡᠰᠡᠨ ᠨᠡᠷᠡᠶ᠋ᠢᠲᠦᠯ ᠲᠡᠢ ᠶᠣᠮ ᠃ ᠡᠭᠦᠨ ᠊ᠢ1240 ᠣᠨ ᠳᠤ ᠵᠣᠬᠢᠶᠠᠭᠲᠠᠭᠰᠠᠨ 《 ᠮᠣᠩᠭᠣᠯ ᠦ᠋ᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ 》 ᠭᠡᠷᠡᠴᠢᠯᠡᠨᠡ · ᠤᠴᠢᠷ ᠨᠢ 《 ᠮᠣᠩᠭᠣᠯ ᠦ᠋ᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ 》 ᠳᠤ ᠡᠶ᠋ᠢᠮᠦ ᠨᠡᠷᠡᠶ᠋ᠢᠲᠦᠯ ᠦᠭᠡᠢ ᠶᠣᠮ ᠃
《 ᠴᠠᠭᠠᠨ ᠲᠡᠦᠬᠡ 》 ᠡᠴᠡ ᠬᠣᠶ᠋ᠢᠰᠢᠬᠢ ᠮᠣᠩᠭᠣᠯ ᠦ᠋ᠨ ᠲᠡᠣᠬᠡᠨ ᠵᠣᠬᠢᠶᠠᠯ ᠳᠤ ᠡᠩ ᠨᠠᠶ᠋ᠢᠲᠡᠮ 《 ᠲᠠᠪᠤᠨ ᠥᠩᠭᠡ ᠲᠦᠷᠪᠡᠨ ᠬᠠᠷᠢ 》 ᠭᠡᠳᠡᠭ ᠲᠣᠮᠢᠶᠠᠯᠠᠯ ᠊ᠢ ᠬᠡᠷᠡᠭᠯᠡᠵᠦ ᠮᠥᠨ ᠴᠤ᠌ ᠡᠶ᠋ᠢᠮᠦ ᠰᠠᠨᠠᠬ᠋ᠠ ᠶ᠋ᠢ ᠭᠠᠷᠭᠠᠭᠰᠠᠭᠠᠷ ᠢᠷᠡᠵᠡᠢ ᠃
ᠠᠷᠪᠠᠨ ᠲᠣᠯᠣᠲᠤᠭᠠᠷ ᠵᠠᠭᠤᠨ ᠪ ᠲᠤᠮᠲᠠᠴᠢ ᠪᠡᠷ ᠵᠣᠬᠢᠶᠠᠭᠲᠠᠭᠰᠠᠨ 《 ᠰᠢᠷᠠ ᠲᠤᠭᠤᠵᠢ 》 ᠳᠤ 《 ᠲᠠᠪᠤᠨ ᠥᠩᠭᠡ 》ᠤᠯᠤᠰ ᠭᠡᠳᠡᠭ ᠨᠢ ᠬᠥᠬᠡ ᠮᠣᠩᠭᠣᠯ ᠂ ᠴᠠᠭᠠᠨ ᠰᠣᠯᠣᠩᠭᠣᠰ ᠂ ᠰᠢᠷᠠ ᠰᠠᠷᠲᠠᠭᠤᠯ ᠂ ᠤᠯᠠᠭᠠᠨ ᠬᠢᠲᠠᠣᠨ · ᠬᠠᠷᠠ ᠲᠠᠩᠭᠤᠳ ᠭᠡᠵᠦ ᠲᠠᠶ᠋ᠢᠯᠪᠤᠷᠢᠯᠠᠨ 《 ᠡᠨᠡ ᠲᠠᠪᠤ ᠶ᠋ᠢᠨ ᠨᠢᠭᠡ ᠨᠢ ᠳᠥᠷᠪᠡᠨ ᠳ᠋ᠡᠭᠡᠨ ᠬᠠᠷᠢ ᠪᠤᠯᠬᠤ 》 ( ᠡᠲᠡᠭᠡᠷ ᠦ᠋ᠨ ᠳᠣᠳᠣᠷᠠᠬᠢ ᠳᠦᠷᠪᠡ ᠨᠢ ᠨᠢᠭᠡᠨ ᠳᠡᠭᠡᠨ ᠬᠠᠷᠢ ᠪᠣᠯᠤᠨᠠ ᠭᠡᠵᠡᠢ ) ᠃ ᠡᠨᠡ ᠲᠠᠶ᠋ᠢᠯᠪᠤᠷᠢᠯᠠᠯ ᠨᠢ ᠮᠦᠨ ᠴᠤ᠌ 《 ᠴᠠᠭᠠᠨ ᠲᠡᠦᠬᠡ 》 ᠳᠤ ᠲᠤᠷᠠᠲᠤᠭᠰᠠᠨ 《 ᠲᠠᠪᠤᠨ ᠦᠩᠭᠡ ᠳᠥᠷᠪᠡᠨ ᠬᠠᠷᠢ ᠶᠡᠷᠦᠩᠬᠡᠢ ᠶ᠋ᠢᠨ ᠤᠯᠤᠰ 》 ᠂ ᠳᠠᠷᠤᠢ ᠮᠣᠩᠭᠣᠯ ᠬᠠᠭᠠᠨᠲᠤ ᠤᠯᠤᠰ ᠦ᠋ᠨ ᠡᠵᠡᠮᠰᠢᠯ ᠳᠤ ᠪᠠᠭᠲᠠᠭᠲᠠᠭᠰᠠᠨ ᠤᠯᠤᠰ ᠣᠷᠣᠨ ᠊ᠢ ᠵᠢᠭᠠᠭᠰᠠᠨ ᠪᠠᠶ᠋ᠢᠨᠠ ᠃ ᠡᠶ᠋ᠢᠮᠦ ᠡᠴᠡ ᠮᠣᠩᠭᠣᠯ ᠦ᠋ᠨ ᠣᠯᠠᠩᠬᠢ ᠲᠡᠦᠬᠡᠨ ᠵᠣᠬᠢᠶᠠᠯ ᠳᠤ 《 ᠲᠠᠪᠤᠨ ᠦᠩᠭᠡ ᠳᠥᠷᠪᠡᠨ ᠬᠠᠷᠢ ᠤᠯᠤᠰ ᠊ᠢ ᠡᠷᠬᠡ ᠳ᠋ᠡᠭᠡᠨ ᠣᠷᠣᠭᠤᠯᠤᠭᠰᠠᠨ 》 ᠭᠡᠵᠦ ᠪᠢᠴᠢᠳᠡᠭ ᠶᠤᠮ ᠃
ᠶᠠᠭᠤᠨ ᠪ ᠤᠴᠢᠷ ᠠ᠋ᠴᠠ 《 ᠲᠠᠪᠤᠨ ᠦᠩᠭᠡ ᠳᠥᠷᠪᠡᠨ ᠬᠠᠷᠢ 》 ᠭᠡᠵᠦ ᠨᠡᠷᠡᠯᠡᠭᠰᠡᠨ ᠲᠤᠬᠠᠢ ᠭᠣᠮᠪᠤᠵᠠᠪ ᠪᠠᠷ ᠥᠪᠡᠷ ᠦ᠋ᠨ ᠦᠵᠡᠯᠲᠡ ᠪᠡᠨ ᠶᠠᠷᠢᠵᠠᠢ ᠃ ᠲᠡᠬᠦᠨ ᠪ ᠦᠵᠡᠬᠦ ᠪᠡᠷ ᠪᠣᠯ 《 ᠲᠡᠲᠡᠭᠡᠷ ᠤᠯᠤᠰ ᠴᠥᠮ ᠪᠣᠭᠲᠠ ᠶ᠋ᠢᠨ ᠰᠣᠶᠣᠯ ᠳ᠋ᠤᠷ ᠳᠠᠭᠠᠭᠰᠠᠨ ᠨᠣᠶᠠᠨ ᠠᠯᠲᠠᠨ ( ᠠᠲᠠᠯᠠ )ᠲᠡᠲᠡᠨ ᠳ᠋ᠤᠷ ᠲᠡᠷᠡ ᠮᠡᠲᠦ ᠥᠩᠭᠡ ᠬᠠᠲᠠᠵᠤ ᠬᠠᠷᠢ ᠪᠣᠯᠭᠠᠬᠤ ᠤᠴᠢᠷ ᠦ᠋ᠨ ᠪᠠᠷᠢᠯᠲᠤᠯᠬ᠋ᠠ ᠲᠣᠲᠣᠷᠬᠠᠢ ᠦᠭᠡᠢ 》 ᠭᠡᠵᠡᠢ ᠃ ᠡᠶ᠋ᠢᠮᠦ ᠡᠴᠡ 《 ᠲᠠᠪᠤᠨ ᠦᠩᠭᠡ ᠳᠥᠷᠪᠡᠨ ᠬᠠᠷᠢ 》 ᠬᠡᠮᠡᠬᠦ ᠶ᠋ᠢᠨ ᠢᠷᠡᠯᠲᠡ ᠪᠣᠯ ᠂ ᠴᠢᠩᠭᠡᠰ ᠬᠠᠭᠠᠨ ᠴᠠᠩ ᠴᠦᠨ ᠠᠷᠱᠢ ᠶ᠋ᠢ ᠤᠷᠢᠵᠤ ᠠᠭᠤᠯᠵᠠᠨ 《 ᠲᠦᠷᠦ ᠪᠠᠷᠢᠵᠤ ᠠᠮᠢᠲᠠᠨ ᠊ᠢ ᠲᠡᠤᠠᠬᠦᠬᠦ ᠶᠣᠰᠣᠨ ᠊ᠢ ᠠᠰᠠᠭᠤᠵᠤ 》 ᠯᠠᠪᠯᠠᠭᠰᠠᠨ ᠠ᠋ᠴᠠ ᠬᠣᠶ᠋ᠢᠰᠢ 《ᠥᠭᠡᠲᠡᠢ ᠡᠵᠡᠨ ᠂ ᠰᠡᠴᠡᠨ ᠬᠠᠭᠠᠨᠲᠠᠨ ᠠᠯᠢᠪᠡ ᠵᠠᠷᠴᠢᠮ ᠵᠢᠷᠦᠮ ᠬᠠᠤᠯᠢ ᠶᠣᠰᠣᠨ ᠊ᠢ ᠬᠢᠲᠠᠳ ᠶᠣᠰᠣᠭᠠᠷ ᠵᠣᠬᠢᠶᠠᠭᠰᠠᠨ 》 ᠲᠤᠯᠠ 《 ᠲᠠᠪᠤᠨ ᠦᠩᠭᠡ ᠢᠨᠤ ᠬᠦᠩ ᠂ ᠱᠠᠩ ᠂ ᠵᠢᠶᠣᠤ ᠂ ᡁᠢ ᠂ ᠢᠦᠢ ᠲᠠᠪᠤᠨ ᠮᠠᠬᠠᠪᠣᠳ ᠦ᠋ᠨ ᠲᠠᠪᠤᠨ ᠴᠢᠨᠠᠷ ᠲᠤ ᠲᠠᠪᠤᠨ ᠵᠦᠢᠯ ᠣᠪᠣᠭ ᠳᠤᠷ ᠪᠠᠭᠲᠠᠭᠰᠠᠨ ᠡᠯᠡ ᠭᠣᠣᠯ ᠤᠯᠤᠰ ᠢᠷᠭᠡᠨ ᠪᠠ ᠳᠥᠷᠪᠡᠨ ᠬᠠᠷᠢ ᠠᠨᠤ ᠽᠢ ᠢ ᠬᠡᠮᠡᠭᠳᠡᠬᠦ ᠳᠤᠮᠳᠠᠳᠤ ᠤᠯᠤᠰ ᠦ᠋ᠨ ᠳᠥᠷᠪᠡᠨ ᠵᠦᠭ ᠲᠣᠷ ᠠᠭᠴᠢ ᠠᠯᠪᠠ ᠡᠷᠭᠦᠨ ᠢᠪᠡᠭᠡᠯ ᠳ᠋ᠤᠷ ᠬᠦᠷᠲᠡᠬᠡᠴᠢ ᠡᠯᠡ ᠭᠠᠲᠠᠭᠠᠲᠤ ᠤᠯᠤᠰ ᠨᠡᠶ᠋ᠢᠲᠡ ᠶ᠋ᠢᠨ ᠨᠡᠷᠡ ᠪᠥᠭᠡᠳ ᠬᠢᠲᠠᠳ ᠦ᠋ᠨ ᠶᠣᠰᠣᠨ ᠪ ᠥᠭᠦᠯᠡᠯ ᠊ᠢ ᠳᠠᠭᠠᠵᠤ ᠮᠣᠩᠭᠣᠯᠴᠢᠯᠠᠨ ᠣᠷᠴᠢᠭᠤᠯᠤᠭᠰᠠᠨ ᠮᠡᠲᠦ ᠪᠠᠢᠨᠠᠮ 》 ( ᠲᠣᠰ ᠨᠣᠮ ᠦ᠋ᠨ ᠬᠣᠶ᠋ᠢᠨᠠᠬᠢ170 ᠳ᠋ᠤᠭᠠᠷ ᠨᠢᠭᠤᠷ ᠦ᠋ᠨ ᠲᠠᠶ᠋ᠢᠯᠤᠯᠬ᠋ᠠ ᠶ᠋ᠢ ᠦᠵᠡ ) ᠃ ᠡᠨᠡ ᠪᠣᠯ ᠭᠣᠮᠪᠤᠵᠠᠪ ᠡᠴᠡ ᠲᠡᠦᠬᠡᠨ ᠵᠣᠬᠢᠶᠠᠯ ᠳᠤ ᠨᠡᠶ᠋ᠢᠲᠡᠮ ᠳᠤᠷᠠᠳᠤᠭᠳᠠᠵᠤ ᠢᠷᠡᠭᠰᠡᠨ 《 ᠲᠠᠪᠤᠨ ᠦᠩᠭᠡ ᠳᠥᠷᠪᠡᠨ ᠬᠠᠷᠢ 》 ᠶ᠋ᠢᠨ ᠢᠷᠡᠯᠲᠡ ᠵᠠᠭᠤᠨ ᠡᠴᠡ ᠪᠣᠯᠪᠠ ᠭᠡᠰᠡᠨ ᠊ᠢ ᠠᠩᠬᠠ ᠤᠲᠠᠬ᠋ᠠ ᠲᠠᠶ᠋ᠢᠯᠪᠤᠷᠢᠯᠠᠭᠰᠠᠨ ᠪᠣᠯᠪᠠᠴᠤ 《 ᠬᠢᠲᠠᠳ ᠶᠣᠰᠣᠨ ᠪ ᠥᠭᠦᠯᠡᠯ ᠊ᠢ ᠳᠠᠭᠠᠵᠤ ᠮᠣᠩᠭᠣᠯᠴᠢᠯᠠᠨ ᠣᠷᠴᠢᠭᠤᠯᠤᠭᠰᠠᠨ ᠮᠡᠲᠦ ᠪᠠᠶ᠋ᠢᠨᠠ 》 ᠭᠡᠳᠡᠭ ᠪᠣᠯ ᠲᠡᠭᠦᠨ ᠪ ᠦᠨᠲᠦᠰᠦᠨ ᠦᠵᠡᠯᠲᠡ ᠶᠣᠮ ᠃
《 ᠭᠠᠩᠬ᠋ᠠ ᠶ᠋ᠢᠨ ᠤᠷᠤᠰᠬᠠᠯ 》 ᠳᠤ ᠶᠤᠸᠠᠨ ᠤᠯᠤᠰ ᠠ᠋ᠴᠠ ᠬᠣᠶ᠋ᠢᠰᠢᠬᠢ ᠮᠣᠩᠭᠣᠯ ᠦ᠋ᠨ ᠲᠥᠷᠥ ᠶ᠋ᠢᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠪ ᠪᠠᠶ᠋ᠢᠭᠤᠯᠤᠯᠵᠢ ᠶ᠋ᠢ 《 ᠵᠢᠷᠭᠤᠭᠠᠨ ᠮᠣᠩᠭᠣᠯ 》 · 《 ᠳᠦᠷᠪᠡᠨ ᠣᠶ᠋ᠢᠷᠠᠳ 》 ᠭᠡᠵᠦ ᠳᠤᠷᠠᠳᠤᠭᠰᠠᠨ ᠪᠠ ᠮᠣᠩᠭᠣᠯ ᠦ᠋ᠨ ᠡᠷᠲᠡᠨ ᠪ ᠠᠶ᠋ᠢᠮᠠᠭ ᠪᠥᠯᠥᠭ ᠊ᠢ 《 ᠲᠠᠯᠠᠨ ᠬᠣᠶᠠᠷ ᠮᠣᠩᠭᠣᠯ 》ᠭᠡᠵᠦ ᠲᠡᠭᠦᠨ ᠡᠴᠡ ᠪᠣᠰᠤᠤᠨ ᠊ᠢ 《 ᠭᠣᠴᠢᠨ ᠨᠢᠭᠡᠨ ᠬᠠᠷᠢ 》 · 《 ᠨᠠᠢ᠍ᠮᠠᠨ ᠵᠠᠬᠠ 》 ᠭᠡᠵᠦ 《ᠵᠠᠷᠢᠮ ᠰᠤᠲᠤᠷ 》 ᠭᠡᠵᠦ ᠲᠡᠮᠲᠡᠭᠯᠡᠭᠰᠡᠨ ᠡᠴᠡ ᠴᠣᠬᠣᠰ ᠲᠤᠷᠠᠤᠠᠴᠠᠢ ᠃
《 ᠭᠠᠩᠬ᠋ᠠ ᠶ᠋ᠢᠨ ᠤᠷᠤᠰᠬᠠᠯ 》 ᠳᠤ ᠪᠠᠰᠠ ᠮᠣᠩᠭᠣᠯ ᠦ᠋ᠨ ᠶᠡᠬᠡ ᠬᠥᠭᠵᠢᠮ ᠠᠷᠪᠠᠨ ᠵᠢᠷᠭᠤᠬ᠋ᠠ ᠂ ᠪᠠᠬ᠋ᠠ ᠬᠥᠭᠵᠢᠮ ᠠᠷᠪᠠᠨ ᠭᠤᠷᠪᠠ ᠭᠡᠵᠦ ᠲᠣᠷᠠᠲᠤᠭᠠᠤᠨ ᠨᠡᠶ᠋ᠢᠯᠡᠨ ᠨᠡᠶ᠋ᠢᠲᠡ ᠠᠷᠪᠠᠨ ᠬᠡᠲᠦᠨ ᠬᠥᠭᠵᠢᠮ ᠦ᠋ᠨ ᠨᠡᠷᠡ ᠶ᠋ᠢ ᠲᠤᠷᠠᠤᠠᠴᠠᠢ ᠃ ᠡᠭᠦᠨᠴᠠ · ᠡᠮᠦᠨᠡ ᠮᠣᠩᠭᠣᠯ ᠦ᠋ᠨ ᠬᠥᠭᠵᠢᠮ ᠪᠠ ᠲᠡᠭᠦᠨ ᠪ ᠨᠡᠷᠡᠰ ᠦ᠋ᠨ ᠲᠣᠬᠠᠢ ᠲᠡᠮᠲᠡᠭᠯᠡᠯ ᠮᠣᠩᠭᠣᠯ ᠲᠡᠦᠬᠡᠨ ᠪᠢᠴᠢᠭ᠌ ᠲᠦ ᠪᠠᠷᠣᠭ ᠪᠠᠶ᠋ᠢᠬᠤ ᠦᠭᠡᠢ ᠶᠣᠮ ᠃
ᠵᠣᠬᠢᠶᠠᠯ ᠦ᠋ᠨ ᠲᠡᠭᠦᠰᠬᠡᠯ ᠳᠤ ᠨᠠᠢ᠍ᠮᠠᠨ ᠮᠦᠷ ᠰᠢᠯᠦᠭ ᠪᠢᠴᠢᠭᠡᠳ 《 ᠨᠠᠶ᠋ᠢᠷᠠᠯᠲᠤ ᠲᠦᠪ ᠦ᠋ᠨ ᠭᠣᠲᠠᠭᠠᠷ ᠣᠨ ᠪ ᠲᠦᠷᠪᠡᠨ ᠰᠠᠷᠠ ᠶ᠋ᠢᠨ ᠰᠠᠶ᠋ᠢᠨ ᠡᠲᠦᠷ ᠲᠡᠭᠦᠰᠭᠡᠪᠡᠢ 》 ᠭᠡᠵᠢ ᠃
