《 ᠨᠢᠭᠡ ᠳᠦᠭᠦᠷᠡᠩ 》 ᠬᠡᠮᠡᠬᠦ ᠪᠡᠷ ᠢᠷᠦᠭᠡᠬᠦ ᠨᠢ“ Нэг дүүрэн ” хэмээхээр ерөөх нь
201《 ᠨᠢᠭᠡ ᠳᠦᠭᠦᠷᠡᠩ 》 ᠬᠡᠮᠡᠬᠦ ᠪᠡᠷ ᠢᠷᠦᠭᠡᠬᠦ ᠨᠢ
ᠡᠷᠬᠡᠲᠡᠨ ᠭᠤᠸᠠᠯᠢᠭ ᠪᠡᠶᠡᠰ ᠴᠢᠨᠢ
ᠴᠣᠭ ᠵᠢᠪᠬᠤᠭᠠ ᠳᠦᠭᠦᠷᠡᠩ ᠶᠠᠪᠤ
ᠡᠳ᠋ ᠬᠥᠷᠥᠩᠭᠡ ᠴᠢᠨᠢ ᠠᠷᠪᠢᠳᠤᠭᠠᠳ
ᠳᠤᠲᠠᠰᠢ ᠦᠭᠡᠢ ᠳᠦᠭᠦᠷᠡᠩ ᠶᠠᠪᠤ ᠃
ᠡᠴᠢᠭᠡ ᠡᠬᠡ ᠨᠠᠰᠤᠲᠠᠨ ᠳ᠋ᠤ᠌ ᠪᠠᠨ
ᠠᠴᠢᠯᠠᠯ ᠵᠢᠷᠤᠮ ᠳᠦᠭᠦᠷᠡᠩ ᠶᠠᠪᠤ
ᠡᠭᠡᠯᠵᠢᠯᠡᠵᠦ ᠠᠪᠬᠤ ᠵᠠᠯᠭᠠᠮᠵᠢ ᠳ᠋ᠤ᠌ ᠪᠠᠨ
ᠭᠠᠪᠢᠶᠠ ᠬᠦᠨᠳᠦ ᠳᠦᠭᠦᠷᠡᠩ ᠶᠠᠪᠤ
ᠡᠷᠳᠡᠮ ᠰᠣᠶᠣᠯ ᠤ᠋ᠨ ᠲᠠᠪᠴᠠᠩ ᠳ᠋ᠤ᠌
ᠮᠡᠳᠡᠯᠭᠡ ᠴᠢᠳᠠᠯ ᠳᠦᠭᠦᠷᠡᠩ ᠶᠠᠪᠤ
ᠡᠳ᠋ ᠬᠥᠷᠥᠩᠭᠡ ᠴᠢᠨᠢ ᠠᠷᠪᠢᠳᠠᠭᠠᠳ
ᠳᠤᠨᠳᠠᠷᠠᠰᠢ ᠦᠭᠡᠢ ᠳᠦᠭᠦᠷᠡᠩ ᠶᠠᠪᠤ ᠃
ᠡᠷᠬᠢᠮ ᠨᠥᠬᠥᠳ ᠰᠡᠯᠲᠡ ᠳ᠋ᠦ᠍ ᠪᠡᠨ
ᠢᠲᠡᠭᠡᠯ ᠡᠶᠡ ᠳᠦᠭᠦᠷᠡᠩ ᠶᠠᠪᠤ
ᠡᠩ ᠳᠡᠯᠡᠬᠡᠢ ᠣᠷᠴᠢᠯᠠᠩ ᠳ᠋ᠤ᠌
ᠨᠠᠶ᠋ᠢᠵᠠ ᠬᠥᠷᠰᠢ ᠳᠦᠭᠦᠷᠡᠩ ᠶᠠᠪᠤ ᠃
ᠡᠷᠦᠬᠡ ᠭᠡᠷ ᠠᠳᠠᠯ ᠳ᠋ᠤ᠌ ᠪᠠᠨ
ᠡᠩᠬᠡ ᠵᠢᠷᠭᠠᠯ ᠳᠦᠭᠦᠷᠡᠩ ᠶᠠᠪᠤ
ᠶᠢᠷᠲᠢᠨᠴᠦ ᠶ᠋ᠢᠨ ᠵᠠᠶᠠᠭᠠ ᠪᠠᠷᠢᠯᠳᠤᠯᠭᠠᠨ ᠳ᠋ᠤ᠌ ᠪᠠᠨ
ᠬᠠᠶ᠋ᠢᠷᠠ ᠰᠡᠳᠬᠢᠯ ᠳᠦᠭᠦᠷᠡᠩ ᠶᠠᠪᠤ ᠃
ᠡᠯᠳᠡᠪ ᠡᠰᠡᠨ ᠦ᠌ ᠬᠠᠷᠰᠢ ᠶ᠋ᠢ ᠳᠠᠪᠠᠬᠤ
ᠣᠮᠣᠭ ᠳᠦᠭᠦᠷᠡᠩ ᠶᠠᠪᠤ
ᠡᠮᠲᠡᠷᠡᠵᠦ ᠰᠢᠮᠰᠢᠷᠡᠬᠦ ᠶᠠᠪᠤᠳᠠᠯ ᠦᠭᠡᠢ
ᠰᠠᠨᠠᠭᠠ ᠰᠡᠳᠬᠢᠯ ᠳᠦᠭᠦᠷᠡᠩ ᠶᠠᠪᠤ ᠃
ᠡᠩ ᠭᠡᠬᠦ ᠶ᠋ᠢᠨ ᠠᠷᠬᠠᠭ ᠦᠭᠡᠢ
ᠡᠷᠡᠭᠦᠯ ᠴᠢᠬᠢᠷᠡᠭ ᠳᠦᠭᠦᠷᠡᠩ ᠶᠠᠪᠤ
ᠡᠷᠭᠢᠬᠦ ᠪᠥᠮᠪᠥᠷᠴᠡᠭ ᠦ᠋ᠨ ᠴᠢᠮᠥᠭᠡ ᠰᠢᠭ
ᠢᠳᠡ ᠰᠢᠳᠢ ᠳᠦᠭᠦᠷᠡᠩ ᠶᠠᠪᠤ ᠃
ᠡᠩᠨᠡᠵᠦ ᠰᠠᠭᠤᠭᠰᠠᠨ ᠵᠣᠴᠢᠨ ᠳᠦᠭᠦᠷᠡᠩ
ᠡᠶᠡ ᠨᠠᠶ᠋ᠢᠷ ᠲᠠᠯᠠᠪᠠᠢ ᠳᠦᠭᠦᠷᠡᠩ
ᠡᠭᠡᠰᠢᠭ ᠤᠶᠠᠩᠭᠠ ᠰᠣᠨᠣᠷ ᠳᠦᠭᠦᠷᠡᠩ
ᠡᠯᠳᠡᠪ ᠱᠣᠭ ᠠᠭᠤᠯᠭᠠ ᠳᠦᠭᠦᠷᠡᠩ
ᠡᠷᠬᠡ ᠪᠠᠶᠠᠨ ᠪᠠᠲᠤᠯᠠᠭᠠ ᠳᠦᠭᠦᠷᠡᠩ
ᠡᠨᠡ ᠪᠦᠬᠦᠨ ᠊ᠢ ᠪᠡᠯᠭᠡᠳᠡᠨ ᠪᠠᠭᠴᠠᠯᠠᠭᠠᠳ
ᠡᠷᠭᠦᠭᠰᠡᠨ ᠳᠠᠷᠠᠰᠤ ᠬᠤᠨᠳᠠᠭᠠ ᠳᠦᠭᠦᠷᠡᠩ
ᠡᠭᠦᠨ ᠦ᠌ ᠪᠡᠯᠭᠡᠲᠦ ᠵᠥᠩᠨᠡᠯ ᠢ᠋ᠶ᠋ᠡᠷ
ᠡᠩᠬᠡ ᠵᠢᠷᠭᠠᠯ ᠡᠭᠦᠷᠢᠳᠡ ᠪᠡᠨ ᠳᠦᠭᠦᠷᠡᠩ ᠪᠣᠯᠲᠤᠭᠠᠢ !
《 ᠬᠣᠶᠠᠷ ᠬᠤᠪᠢ 》ᠬᠡᠮᠡᠬᠦ ᠪᠡᠷ ᠢᠷᠥᠭᠡᠬᠦ ᠨᠢ
ᠠᠭᠤᠯᠠ ᠤᠰᠤ ᠪᠠᠷ ᠴᠢᠮᠡᠭᠲᠡᠭᠰᠡᠨ
ᠪᠠᠶ᠋ᠢᠭᠠᠯᠢ ᠶ᠋ᠢᠨ ᠭᠤᠸᠠ ᠬᠣᠣᠰ ᠬᠤᠪᠢ
ᠤᠴᠢᠷ ᠵᠢᠷᠤᠮ ᠶ᠋ᠢᠠᠷ ᠴᠤᠭᠯᠠᠷᠠᠭᠰᠠᠨ
ᠨᠠᠶ᠋ᠢᠷ ᠤ᠋ᠨ ᠴᠤᠭᠯᠠᠭᠠ ᠬᠣᠣᠰ ᠬᠤᠪᠢ
ᠤᠷᠤᠭ ᠬᠣᠲᠠ ᠪᠠᠷ ᠨᠠᠶ᠋ᠢᠵᠠᠯᠠᠭᠰᠠᠨ
ᠲᠥᠷᠥᠯ ᠦ᠋ᠨ ᠬᠣᠯᠪᠣᠭᠠ ᠬᠣᠣᠰ ᠬᠤᠪᠢ
ᠤᠬᠠᠭᠠᠨ ᠡᠷᠳᠡᠮ ᠲᠡᠩᠴᠡᠭᠰᠡᠨ ᠬᠦᠦ ᠬᠡᠦᠬᠡᠨ ᠦ᠌ ᠬᠣᠣᠰ ᠬᠤᠪᠢ
ᠤᠶᠠᠩᠭᠠ ᠰᠢᠯᠦᠭ ᠨᠡᠶ᠋ᠢᠴᠡᠭᠰᠡᠨ ᠰᠣᠨᠣᠷ ᠤ᠋ᠨ ᠴᠡᠩᠭᠡᠯ ᠬᠣᠣᠰ ᠬᠤᠪᠢ
ᠤᠳᠤᠮ ᠤ᠋ᠨ ᠳᠦᠷᠢᠮ ᠢ᠋ᠶ᠋ᠡᠷ ᠮᠦᠷᠲᠡᠭᠰᠡᠨ ᠬᠦᠨᠳᠦᠯᠡᠯ ᠦ᠋ᠨ ᠰᠡᠳᠬᠢᠯ ᠬᠣᠣᠰ ᠬᠤᠪᠢ
ᠦᠵᠦᠮ ᠵᠢᠮᠢᠰ ᠢ᠋ᠶ᠋ᠡᠷ ᠰᠢᠭᠦᠰᠦᠯᠡᠭᠰᠡᠨ ᠰᠠᠷᠬᠤᠳ ᠤ᠋ᠨ ᠴᠢᠨᠠᠷ ᠬᠣᠣᠰ ᠬᠤᠪᠢ
ᠤᠷᠢᠳᠤ ᠶ᠋ᠢᠨ ᠵᠠᠩ ᠢ᠋ᠶ᠋ᠠᠨ ᠪᠠᠷᠢᠮᠲᠠᠯᠠᠭᠰᠠᠨ
ᠱᠠᠩᠨᠠᠬᠤ ᠬᠦᠷᠲᠡᠭᠡᠯ ᠬᠣᠣᠰ ᠬᠤᠪᠢ
ᠤᠷᠲᠤ ᠤᠳᠠᠭᠠᠨ ᠵᠢᠷᠭᠠ ᠭᠡᠳ ᠢᠷᠦᠭᠡᠯ ᠦ᠋ᠨ ᠪᠡᠯᠭᠡ ᠬᠣᠣᠰ ᠬᠤᠪᠢ
ᠤᠯᠤᠰ ᠲᠤ᠌ ᠪᠠᠨ ᠵᠢᠳᠬᠦᠵᠦ ᠶᠠᠪᠤᠭᠠᠷᠠᠢ ᠭᠡᠳ
ᠰᠤᠷᠭᠠᠯ ᠰᠣᠪᠢᠯ ᠬᠣᠣᠰ ᠬᠤᠪᠢ ᠤᠭᠰᠠᠭᠠ ᠳ᠋ᠤ᠌ ᠪᠠᠨ
ᠰᠢᠳᠤᠷᠭᠤ ᠶᠠᠪᠤᠭᠠᠷᠠᠢ ᠭᠡᠳ ᠢᠷᠦᠭᠡᠯ ᠦ᠋ᠨ ᠰᠠᠨᠠᠭᠠ ᠬᠣᠣᠰ ᠬᠤᠪᠢ ᠃
ᠵᠠ ! ᠲᠣᠭᠠᠯᠠᠵᠤ ᠪᠠᠷᠠᠬᠤ ᠦᠭᠡᠢ ᠬᠣᠣᠰ ᠬᠤᠪᠢ
ᠲᠤᠭᠤᠯᠵᠤ ᠪᠠᠷᠠᠬᠤ ᠦᠭᠡᠢ ᠪᠤᠶᠠᠨ ᠵᠠᠶᠠᠭᠠ
ᠲᠣᠰᠣᠨ ᠤ᠋ ᠰᠢᠮᠡ ᠲᠡᠢ ᠳᠠᠷᠠᠰᠤ ᠶᠤᠮ ᠂
ᠤᠮᠳᠠ ᠶ᠋ᠢᠨ ᠪᠡᠶᠡ ᠲᠡᠢ ᠠᠷᠢᠬᠢ ᠶᠤᠮ ᠃
ᠲᠣᠯᠣᠭᠠᠢ ᠳᠠᠷᠤᠨ ᠶᠣᠰᠣᠯᠠᠭᠠᠳ
ᠲᠣᠰᠴᠤ ᠪᠠᠷᠢᠭᠠᠳ ᠡᠷᠭᠦᠵᠦ ᠪᠠᠶ᠋ᠢᠨᠠ ᠂
ᠲᠣᠮᠣᠭᠠᠲᠠᠨ ᠮᠡᠷᠭᠡᠳ ᠪᠦᠬᠦᠨ ᠳ᠋ᠡᠭᠡᠨ ᠬᠣᠣᠰ ᠵᠤᠶ᠋ᠢᠷᠡᠢ ᠡᠷᠭᠦᠶᠡ !
ᠢᠷᠡᠯᠲᠡ —ᠮᠣᠩᠭᠣᠯ ᠲᠤᠯᠭᠤᠷ ᠪᠢᠴᠢᠭ
ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠢᠷᠦᠭᠡᠯ ᠮᠠᠭᠲᠠᠭᠠᠯ ᠠ᠋ᠴᠠ —
ᠠᠮᠢᠯᠠᠭᠤᠯᠤᠭᠴᠢ ᠄ ᠡᠷᠲᠡᠨᠢᠬᠦᠦ
ᠬᠢᠨᠠᠭᠴᠢ ᠄ ᠣᠤᠠᠬᠠᠨᠰᠣᠡ ᠂ ᠭᠠᠷᠮᠠ