ᠨᠠᠮᠤᠷ ᠦ᠋ᠨ ᠮᠣᠲᠣ – ᠭᠦᠷᠵᠠᠪ Намрын мод – Гүржав
275ᠨᠠᠮᠤᠷ ᠦ᠋ᠨ ᠮᠣᠲᠣ
ᠭᠦᠷᠵᠡᠪ
ᠨᠠᠮᠤᠷ ᠦ᠋ᠨ ᠮᠣᠲᠣ
ᠨᠠᠭᠠᠰᠢ ᠪᠠᠨ ᠰᠠᠵᠢᠯᠠᠨᠠ
ᠴᠠᠭᠠᠰᠢ ᠪᠠᠨ ᠰᠠᠵᠢᠯᠠᠨᠠ ᠁
ᠨᠠᠶ᠋ᠢᠷᠠᠮᠲᠠᠭᠤ ᠵᠥᠭᠡᠯᠡᠬᠡᠨ
ᠲᠠᠯᠠ ᠶ᠋ᠢᠨ ᠰᠠᠯᠬᠢᠨ ᠳᠤ
ᠢᠯᠪᠢᠭᠳᠡᠨ
ᠨᠠᠮᠵᠢᠭᠤᠨ ᠳᠤᠯᠠᠭᠠᠬᠠᠨ
ᠨᠠᠷᠠᠨ ᠪ ᠲᠤᠶᠠᠭᠠᠨ ᠳᠤ
ᠪᠦᠪᠡᠢᠯᠡᠭᠳᠡᠨ
ᠨᠠᠭᠠᠰᠢ ᠪᠠᠨ ᠰᠠᠵᠢᠯᠠᠨᠠ
ᠴᠠᠭᠠᠰᠢ ᠪᠠᠨ ᠰᠠᠵᠢᠯᠠᠨᠠ
ᠨᠠᠭᠠᠲᠤᠮ ᠳᠤ ᠳᠤᠷᠠᠲᠠᠢ
ᠨᠠᠲᠠ ᠳᠤ ᠲᠣᠭᠯᠠᠶᠠ ᠭᠡᠳ
ᠰᠠᠵᠢᠯᠠᠨᠠ
ᠨᠣᠮ ᠳᠤ ᠪᠠᠬᠠᠲᠠᠢ
ᠴᠢᠮᠠ ᠲᠠᠢ ᠬᠠᠨᠢᠯᠠᠶᠠ ᠭᠡᠳ
ᠰᠠᠵᠢᠯᠠᠨᠠ ᠃
ᠨᠠᠭᠤᠢ ᠪᠦᠲᠦᠭᠡᠯ ᠲᠠᠢ
ᠲᠡᠭᠦᠨ ᠲᠡᠢ ᠨᠥᠬᠥᠷᠯᠡᠶᠡ ᠭᠡᠳ
ᠰᠠᠵᠢᠯᠠᠨᠠ ᠂
ᠨᠠᠷᠭᠢᠶᠠᠨ ᠪᠠᠶᠠᠰᠤᠭᠠᠨ ᠲᠠᠢ
ᠬᠡᠦᠬᠡᠳ ᠦ᠋ᠳ ᠲᠡᠢ ᠨᠠᠶ᠋ᠢᠵᠠᠯᠠᠶᠠ ᠭᠡᠳ
ᠰᠠᠵᠢᠯᠠᠨᠠ ᠁
ᠨᠠᠮᠤᠷ ᠪᠣᠯᠤᠯᠠ —
ᠰᠡᠷᠢᠭᠦᠦ ᠣᠷᠣᠯᠠ ᠂
ᠬᠤᠪᠴᠠᠰᠤ ᠪᠠᠨ ᠵᠤᠵᠠᠭᠠᠯᠠ ᠭᠡᠳ
ᠰᠠᠵᠢᠯᠠᠨᠠ ᠂
ᠨᠠᠰᠤ ᠴᠢᠨᠢ ᠨᠡᠮᠡᠭᠳᠡᠵᠦ ᠪᠠᠶ᠋ᠢᠨᠠ —
ᠴᠢᠷᠮᠠᠶ᠋ᠢᠵᠤ ᠰᠤᠷ !
ᠬᠣᠵᠢᠮᠲᠠᠵᠤ ᠮᠡᠲᠡᠨᠡ ᠭᠡᠳ
ᠰᠠᠵᠢᠯᠠᠨᠠ ᠃
ᠨᠠᠭᠠᠴᠤ ᠴᠢᠨᠢ ᠢᠷᠡᠯᠡ —
ᠲᠣᠰᠴᠤ ᠭᠠᠷ !
ᠳᠣᠲᠣᠭᠰᠢ ᠵᠠᠯᠠ ᠭᠡᠳ
ᠰᠠᠵᠢᠯᠠᠨᠠ ᠂
ᠨᠠᠷᠢᠮᠤ ᠴᠢᠨᠢ ᠪᠣᠯᠪᠠᠰᠤᠷᠠᠯᠠ —
ᠬᠠᠲᠤᠵᠤ ᠬᠤᠷᠢᠶᠠ !
ᠬᠠᠲᠠᠵᠤ ᠰᠢᠷᠠᠯᠠᠯᠠ ᠭᠡᠳ
ᠰᠠᠵᠢᠯᠠᠨᠠ ᠁
ᠨᠠᠮᠤᠷ ᠦ᠋ᠨ ᠮᠣᠲᠣ
ᠨᠠᠭᠠᠰᠢ ᠪᠠᠨ ᠰᠠᠵᠢᠯᠠᠨᠠ ᠂
ᠴᠠᠭᠠᠰᠢ ᠪᠠᠨ ᠰᠠᠵᠢᠯᠠᠨᠠ ᠃
ᠢᠷᠡᠯᠲᠡ ᠄
ᠭᠦᠷᠵᠠᠪ ᠦ᠋ᠨ ᠵᠣᠬᠢᠶᠠᠭᠰᠠᠨ《 ᠬᠡᠦᠬᠡᠳ ᠨᠠᠰᠤ ᠰᠠᠶ᠋ᠢᠬᠠᠨ 》 ᠭᠡᠳᠡᠭ ᠨᠣᠮ ᠠ᠋ᠴᠠ ᠬᠠᠭᠤᠯᠤᠨ ᠪᠢᠴᠢᠪᠡ ᠂
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠤᠷᠠᠨᠴᠡᠴᠡᠭ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
2023 ᠣᠨ ᠪ3 ᠰᠠᠷᠠ ᠶ᠋ᠢᠨ18 ᠪ ᠡᠲᠦᠷ ᠃