ᠲᠣᠷᠭᠣᠨ ᠵᠠᠶᠠᠭᠠ – ᠷᠠᠳᠨᠠᠪᠠᠽᠠᠷ Торгон заяа – Раднаабазар
283ᠲᠣᠷᠭᠣᠨ ᠵᠠᠶᠠᠭᠠ
ᠷᠠᠤᠠᠨᠠᠪᠠᠽᠠᠷ
— ᠲᠤᠰᠢᠶᠠᠯ ᠶ᠋ᠢᠠᠨ ᠠᠪᠲᠠᠭᠲᠠᠭᠰᠠᠨ ᠵᠠᠯᠠᠭᠤ ᠺᠠᠲᠠᠷᠴᠤᠳ ᠊ᠢ ᠦᠵᠡᠭᠡᠳ
1 ᠬᠢᠯᠢᠰᠲᠡᠯ
ᠡᠭᠦᠯᠡᠨ ᠳ᠋ᠦ᠍ ᠬᠠᠯᠬᠠᠯᠠᠭᠳᠠᠭᠰᠠᠨ ᠰᠠᠴᠤᠷᠠᠯᠳᠤ ᠨᠠᠷᠠᠨ ᠪᠣᠯᠤᠭᠰᠠᠨ ᠶᠤᠮ
ᠤᠨᠢᠶᠠᠷ ᠲᠤ᠌ ᠪᠤᠳᠠᠩᠰᠢᠭᠰᠠᠨ ᠲᠤᠩᠭᠠᠯᠠᠭ ᠰᠠᠷᠠᠨ ᠪᠣᠯᠤᠭᠰᠠᠨ ᠶᠤᠮ
ᠤᠲᠤᠭᠠᠨ ᠳ᠋ᠤ᠌ ᠲᠤᠨᠤᠷᠠᠭᠰᠠᠨ ᠭᠡᠷᠡᠯᠲᠦ ᠣᠳᠣᠨ ᠪᠣᠯᠤᠭᠰᠠᠨ ᠶᠤᠮ
ᠤᠰᠤᠨ ᠳ᠋ᠤ᠌ ᠵᠢᠪᠦᠭᠰᠡᠨ ᠠᠶᠠᠨ ᠤ᠋ ᠣᠩᠭᠣᠴᠠ ᠪᠣᠯᠤᠭᠰᠠᠨ ᠶᠤᠮ ᠃
ᠢᠷ ᠮᠡᠰᠡ ᠨᠢ ᠵᠣᠬᠢᠴᠠᠭᠰᠠᠨ ᠪᠠᠶ᠋ᠢᠯᠲᠤᠭᠠᠨ ᠤ᠋ ᠰᠡᠯᠡᠮᠡ ᠪᠠᠶ᠋ᠢᠬᠰᠠᠨ ᠶᠤᠮ
ᠢᠳᠡ ᠡᠰᠢ ᠨᠢ ᠳᠠᠩᠨᠠᠭᠰᠠᠨ ᠪᠠᠷᠢᠴᠠ ᠶ᠋ᠢᠨ ᠰᠦᠬᠡ ᠪᠠᠶ᠋ᠢᠬᠰᠠᠨ ᠶᠤᠮ
ᠤᠶᠠᠯᠭᠠ ᠰᠣᠶ᠋ᠢᠯᠬ᠋ᠠ ᠨᠢ ᠲᠠᠭᠠᠷᠠᠭᠰᠠᠨ ᠤᠷᠤᠯᠳᠤᠭᠠᠨ ᠤ᠋ ᠬᠦᠯᠦᠭ ᠪᠠᠶ᠋ᠢᠬᠰᠠᠨ ᠶᠤᠮ
ᠤᠭᠠᠯᠭᠠ ᠰᠢᠷᠭᠠᠯᠳᠠ ᠨᠢ ᠬᠦᠢᠴᠡᠭᠰᠡᠨ ᠰᠢᠵᠢᠷ ᠠᠯᠲᠠ ᠪᠠᠶ᠋ᠢᠬᠰᠠᠨ ᠶᠤᠮ ᠃
ᠬᠤᠯᠠᠭᠠᠢ ᠰᠤᠮᠤᠨ ᠳ᠋ᠤ᠌ ᠬᠠᠷᠪᠤᠭᠳᠠᠭᠰᠠᠨ ᠰᠠᠢᠨ ᠵᠠᠩᠵᠤᠨ ᠪᠣᠯᠤᠭᠠ ᠶᠤᠮ
ᠬᠣᠪᠴᠢ ᠦᠭᠡᠨ ᠳ᠋ᠦ᠍ ᠬᠣᠣᠷᠳᠠᠭᠳᠠᠭᠰᠠᠨ ᠰᠢᠯᠢᠳᠡᠭ ᠰᠠᠶ᠋ᠢᠳ ᠪᠣᠯᠤᠭᠠ ᠶᠤᠮ
ᠬᠤᠯᠵᠢᠨ ᠨᠣᠶᠠᠨ ᠳ᠋ᠤ᠌ ᠬᠡᠦᠳᠡᠢᠯᠡᠭᠳᠡᠭᠰᠡᠨ ᠴᠢᠬᠡᠴᠢ ᠸᠠᠩ ᠪᠣᠯᠤᠭᠠ ᠶᠤᠮ
ᠬᠤᠶ᠋ᠢᠬᠤᠷ ᠡᠲᠡᠭᠡᠳ ᠲᠦ᠍ ᠬᠤᠤᠪᠢᠯᠳᠤᠭᠳᠠᠭᠰᠠᠨ ᠴᠡᠴᠡᠨ ᠬᠦᠩ ᠪᠣᠯᠤᠭᠠ ᠶᠤᠮ
ᠬᠠᠪᠤᠷ ᠢ᠋ᠶ᠋ᠠᠨ ᠳᠠᠭᠤᠰᠬᠤ ᠠ᠋ᠴᠠ ᠡᠮᠦᠨᠡ ᠵᠤᠯᠭᠠᠷᠠᠴᠢᠬᠠᠭᠰᠠᠨ ᠰᠣᠷᠭᠣᠭ ᠴᠡᠴᠡᠭ
ᠬᠢᠷᠠᠭᠤ ᠤᠨᠠᠬᠤ ᠠ᠋ᠴᠠ ᠡᠮᠦᠨᠡ ᠬᠤᠪᠠᠬᠠᠶ᠋ᠢᠷᠠᠴᠢᠬᠠᠭᠰᠠᠨ ᠪᠤᠯᠪᠠᠷᠠᠢ ᠨᠠᠪᠴᠢ
ᠲᠠᠩᠭᠢᠰ ᠬᠦᠷᠬᠦ ᠡᠴᠡ ᠡᠮᠦᠨᠡ ᠲᠠᠰᠤᠷᠠᠴᠢᠬᠠᠭᠰᠠᠨ ᠭᠣᠣᠯ ᠤ᠋ᠨ ᠤᠰᠤ
ᠲᠠᠯᠠᠪᠠᠢ ᠳ᠋ᠤ᠌ ᠣᠷᠣᠬᠤ ᠠ᠋ᠴᠠ ᠡᠮᠦᠨᠡ ᠲᠠᠭᠯᠠᠷᠠᠴᠢᠬᠠᠭᠰᠠᠨ ᠠᠪᠤᠷᠭᠤ ᠲᠠᠮᠢᠷᠴᠢᠨ ᠃
ᠦᠨᠡᠨ ᠢ᠋ᠶ᠋ᠡᠨ ᠬᠡᠯᠡᠵᠦ ᠪᠡᠯᠡᠨ ᠢ᠋ᠶ᠋ᠡᠨ ᠢᠳᠡᠭᠰᠡᠨ ᠰᠢᠳᠤᠷᠭᠤ ᠬᠥᠮᠦᠨ
ᠦᠬᠡᠷ ᠲᠡᠷᠭᠡ ᠪᠡᠷ ᠲᠠᠤᠯᠠᠢ ᠨᠡᠬᠡᠭᠰᠡᠨ ᠦᠨᠡᠨᠴᠢ ᠬᠥᠮᠦᠨ
ᠵᠣᠭᠣᠰ ᠦᠭᠡᠢ ᠬᠥᠮᠦᠨ ᠴᠦ᠍ ᠦᠭᠡᠢ ᠶᠠᠳᠠᠭᠤ ᠬᠥᠮᠦᠨ
ᠵᠠᠶᠠᠭᠠ ᠪᠠᠨ ᠬᠦᠯᠢᠶᠡᠵᠦ ᠬᠡᠭᠡᠷᠡ ᠬᠣᠨᠣᠭᠰᠠᠨ ᠬᠥᠭᠡᠷᠦᠬᠦᠢ ᠬᠥᠮᠦᠨ ᠃
2 ᠱ᠌ᠢᠷᠦ
ᠡᠷᠳᠡᠮ ᠦᠭᠡᠢ ᠡᠷᠭᠦᠭᠦᠯᠲᠡ ᠪᠡᠷ ᠭᠠᠷᠤᠭᠰᠠᠨ ᠡᠷᠬᠢᠯᠡᠭᠴᠢ
ᠰᠣᠶᠣᠯ ᠦᠭᠡᠢ ᠰᠣᠩᠭᠣᠯᠲᠠ ᠪᠠᠷ ᠭᠠᠷᠤᠭᠰᠠᠨ ᠳᠠᠷᠤᠭᠠ
ᠪᠢᠴᠢᠭ ᠦᠭᠡᠢ ᠬᠠᠬᠤᠤᠯᠢ ᠪᠠᠷ ᠭᠠᠷᠤᠭᠰᠠᠨ ᠳᠠᠭᠠᠭᠠᠮᠠᠯ
ᠪᠢᠯᠢᠭ ᠦᠭᠡᠢ ᠪᠢᠯᠳᠠᠤᠴᠢ ᠪᠠᠷ ᠭᠠᠷᠤᠭᠰᠠᠨ ᠨᠣᠶᠠᠨ ᠃
ᠵᠣᠭᠣᠰ ᠊ᠢ ᠯᠡ ᠮᠡᠳᠡᠵᠦ ᠵᠢᠷᠤᠮ ᠊ᠢ ᠮᠡᠳᠡᠬᠦ ᠦᠭᠡᠢ ᠠᠵᠢᠯᠲᠠᠨ
ᠠᠯᠲᠠ ᠶ᠋ᠢ ᠯᠡ ᠲᠠᠨᠢᠵᠤ ᠠᠷᠠᠳ ᠊ᠢ ᠲᠠᠨᠢᠬᠤ ᠦᠭᠡᠢ ᠠᠯᠪᠠᠲᠠᠨ
ᠵᠡᠷᠭᠡ ᠶ᠋ᠢ ᠬᠥᠭᠡᠭᠡᠴᠡᠯᠳᠦᠵᠦ ᠵᠠᠰᠠᠭ ᠊ᠢ ᠣᠭᠣᠷᠳᠠᠭ ᠺᠠᠲᠠᠷ
ᠡᠷᠬᠡ ᠶ᠋ᠢ ᠯᠡ ᠠᠳᠬᠤᠵᠤ ᠬᠠᠤᠯᠢ ᠶ᠋ᠢ ᠲᠡᠪᠴᠢᠳᠡᠭ ᠲᠦᠰᠢᠮᠡᠯ ᠃
ᠥᠩᠭᠡᠨ ᠳ᠋ᠦ᠍ ᠤᠨᠠᠵᠤ ᠳᠡᠷᠡᠰᠦᠨ ᠳ᠋ᠦ᠍ ᠰᠢᠨᠤᠭᠰᠠᠨ ᠬᠥᠮᠦᠨ
ᠥᠪᠡᠷ ᠊ᠢ ᠪᠡᠨ ᠪᠣᠷᠳᠣᠵᠤ ᠤᠯᠤᠰ ᠊ᠢ ᠬᠣᠬᠢᠷᠠᠭᠤᠯᠤᠭᠰᠠᠨ ᠬᠥᠮᠦᠨ
ᠬᠠᠮᠤᠭ ᠊ᠢ ᠮᠡᠬᠡᠯᠡᠵᠦ ᠣᠷᠣ ᠡᠵᠡᠯᠡᠭᠰᠡᠨ ᠬᠥᠮᠦᠨ
ᠬᠥᠮᠦᠨ ᠢ᠋ᠶ᠋ᠡᠨ ᠭᠡᠭᠡᠵᠦ ᠰᠢᠪᠰᠢᠭ ᠪᠣᠯᠤᠭᠰᠠᠨ ᠬᠥᠮᠦᠨ ᠃
3 ᠬᠣᠶ᠋ᠢᠰᠢᠲᠠ
ᠥᠯᠥᠩ ᠳ᠋ᠦ᠍ ᠬᠡᠪᠲᠡᠭᠡ ᠥᠯᠥᠨ ᠪᠠᠷᠰ
ᠤᠰᠤᠨ ᠳ᠋ᠤ᠌ ᠨᠢᠭᠤᠭᠳᠠᠭᠠ ᠳᠠᠪᠵᠠᠨ ᠮᠠᠲᠠᠷ
ᠠᠩᠭᠠᠵᠤ ᠬᠠᠲᠠᠭᠰᠠᠨ ᠬᠦᠳᠡᠷ ᠵᠠᠭᠠᠨ
ᠠᠩ ᠳ᠋ᠤ᠌ ᠬᠣᠪᠳᠣᠭᠯᠠᠭᠰᠠᠨ ᠳᠡᠰ ᠪᠦᠷᠭᠦᠳ ᠃
ᠨᠠᠪᠴᠢᠨ ᠳᠣᠣᠭᠤᠷ ᠤᠷᠤᠰᠤᠭᠠ ᠤᠰᠤ
ᠨᠣᠪᠴᠢᠨ ᠳᠣᠣᠷᠠ ᠨᠢᠭᠤᠭᠳᠠᠭᠠ ᠵᠠᠩᠭᠤᠤ
ᠨᠤᠷᠮᠠᠨ ᠳᠣᠲᠣᠷᠠ ᠪᠤᠯᠠᠭᠳᠠᠭᠠ ᠭᠠᠯ
ᠨᠢᠭᠤᠴᠠ ᠳᠠᠯᠳᠠ ᠨᠣᠴᠣᠭᠠ ᠮᠢᠨᠠ ᠃
ᠬᠠᠨᠢᠶᠠᠳᠤ ᠬᠠᠭᠰᠢᠯᠲᠠ ᠲᠠᠢ ᠪᠠᠶᠠᠰᠤᠯ ᠵᠢᠷᠭᠠᠯ
ᠬᠠᠷᠠᠰᠠᠯ ᠬᠣᠷᠣᠰᠤᠯᠲᠠ ᠲᠠᠢ ᠠᠮᠢᠳᠤᠷᠠᠯ ᠣᠨᠳᠣᠷᠣᠯ
ᠨᠢᠰᠦ ᠨᠢᠯᠪᠤᠰᠤ ᠲᠠᠢ ᠮᠦᠰᠢᠶᠡᠳᠦ ᠢᠨᠢᠶᠡᠳᠦ
ᠨᠠᠰᠤᠨ ᠲᠤᠷᠰᠢᠬᠢ ᠭᠣᠷᠢᠳᠠᠯ ᠭᠣᠮᠣᠳᠠᠯ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ · ᠪᠠᠶᠠᠨᠰᠡᠷᠡᠩ
ᠬᠢᠨᠠᠭᠴᠢ ᠪᠠᠭᠰᠢ · ᠣᠤᠠᠬᠠᠨᠰᠣᠠ