ᠮᠣᠩᠭᠣᠯ ᠦᠰᠦᠭ ᠮᠣᠯᠣᠷ ᠡᠷᠳᠡᠨᠢ-ᠳᠦᠷᠰᠦ ᠣᠢᠷᠠᠯᠴᠠᠭ᠎ᠠ ᠦᠭᠡᠰ-ᠬᠠ ᠭᠠ ᠠᠢᠮᠠᠭ Монгол үсэг молор эрдэнэ-дүрс ойролцоо үгс ᠰᠢᠯᠦᠭ ᠢᠷᠠᠭᠤ ᠨᠠᠢᠷᠠᠭ

ᠬᠠᠢᠬᠤ ᠬᠢᠭᠡᠳ ᠬᠠᠶᠠᠬᠤ

ᠠᠯᠲᠠᠨ ᠬᠢᠯᠢ ᠶ᠋ᠢᠨ ᠪᠠᠭᠠᠲᠤᠷᠴᠤᠳ

ᠠᠯᠤᠰ ᠤ᠋ᠨ ᠪᠠᠷ᠎ᠠ ᠶ᠋ᠢ ᠬᠠᠢᠬᠤ ᠰᠠᠢᠬᠠᠨ ᠂

ᠠᠪᠤᠷᠭᠤ ᠣᠯᠠᠨ ᠪᠥᠬᠡᠴᠦᠳ

ᠠᠤᠭ᠎ᠠ ᠬᠦᠴᠦ ᠪᠡᠷ ᠢ᠋ᠶ᠋ᠡᠨ ᠬᠠᠶᠠᠬᠤ ᠰᠠᠢᠬᠠᠨ ᠃

ᠬᠠᠢᠯᠬᠤ ᠬᠢᠭᠡᠳ ᠬᠠᠢᠯᠠᠬᠤ

ᠴᠠᠰᠤ ᠮᠥᠰᠥ ᠬᠠᠢᠯᠬᠤ

ᠤᠷᠢᠬᠠᠨ ᠬᠠᠪᠤᠷ ᠤ᠋ᠨ ᠳᠤᠯᠠᠭᠠᠨ ᠂

ᠴᠠᠭ ᠦᠷᠭᠦᠯᠵᠢ ᠬᠠᠢᠯᠠᠬᠤ

ᠤᠬᠢᠯᠠᠮᠠᠲᠠᠭᠠᠢ ᠬᠡᠦᠬᠡᠳ ᠮᠠᠭᠤᠬᠠᠢ ᠃

ᠬᠠᠢᠷ ᠬᠢᠭᠡᠳ ᠬᠠᠢᠷ᠎ᠠ

ᠬᠠᠮᠲᠤ ᠨᠥᠬᠥᠳ ᠡᠴᠡ ᠪᠡᠨ ᠬᠠᠭᠠᠴᠠᠪᠠᠯ

ᠬᠠᠢᠷ ᠴᠢᠯᠠᠭᠤ ᠰᠢᠭ᠋ ᠪᠤᠲᠠᠷᠠᠨ᠎ᠠ ᠂

ᠬᠠᠢᠷ᠎ᠠ ᠰᠡᠳᠬᠢᠯ ᠢ᠋ᠶ᠋ᠡᠨ ᠨᠢᠭᠡᠳᠬᠡᠪᠡᠯ

ᠬᠠᠳᠠ ᠴᠢᠯᠠᠭᠤ ᠰᠢᠭ᠋ ᠰᠦᠭᠯᠦᠢᠨ᠎ᠡ ᠃

ᠬᠠᠢᠷᠠᠬᠠᠨ ᠬᠢᠭᠡᠳ ᠬᠠᠢᠷᠬᠠᠨ

ᠬᠠᠢᠷᠠᠬᠠᠨ ᠪᠡᠶ᠎ᠡ ᠶ᠋ᠢ

ᠨᠠᠰᠤ ᠳᠠᠷᠤᠨ᠎ᠠ ᠂

ᠬᠠᠨ ᠬᠠᠢᠷᠬᠠᠨ ᠊ᠢ

ᠴᠠᠰᠤ ᠳᠠᠷᠤᠨ᠎ᠠ ᠃

ᠬᠠᠨ ᠬᠢᠭᠡᠳ ᠬᠠᠨ᠎ᠠ

ᠬᠠᠨ ᠥᠨᠳᠥᠷ ᠠᠭᠤᠯᠠᠨ ᠳ᠋ᠤ᠌

ᠬᠠᠷᠴᠠᠭᠠᠢ ᠰᠢᠪᠠᠭᠤ ᠨᠢᠰᠦᠨ᠎ᠡ ᠂

ᠬᠠᠰ ᠴᠠᠭᠠᠨ ᠭᠡᠷ ᠲᠦ᠍

ᠬᠠᠨ᠎ᠠ ᠣᠨᠢ ᠪᠣᠰᠤᠨ᠎ᠠ ᠃

ᠬᠠᠩᠭᠠᠨ ᠬᠢᠭᠡᠳ ᠬᠠᠩᠭᠢᠨ

ᠬᠠᠩᠭᠠᠨ ᠪᠣᠷᠣᠯᠠᠭᠤᠯᠬᠤ ᠬᠣᠷᠰᠢᠶ᠎ᠠ ᠳ᠋ᠤ᠌

ᠡᠳ᠋ ᠲᠠᠸᠠᠷ ᠡᠯᠪᠡᠭ ᠂

ᠬᠠᠩᠭᠢᠨ ᠬᠤᠰᠢᠭᠤᠨ ᠤ᠋ ᠳᠡᠯᠭᠡᠭᠦᠷ ᠲᠦ᠍

ᠡᠲᠯᠡᠯ ᠬᠡᠷᠡᠭᠰᠡᠯ ᠡᠯᠳᠡᠩ ᠃

ᠬᠠᠪ ᠬᠢᠭᠡᠳ ᠬᠠᠪᠠ

ᠬᠠᠪ ᠬᠠᠷ᠎ᠠ ᠦᠰᠦ ᠲᠡᠢ

ᠬᠠᠪᠠ ᠭᠥᠯᠥᠭᠡ ᠲᠡᠵᠢᠭᠡᠭᠰᠡᠨ ᠴᠢᠨᠢ

ᠬᠠᠯᠲᠠᠷ ᠢᠰᠢᠭᠡ ᠶ᠋ᠢ ᠦᠵᠡᠭᠡᠳ

ᠬᠠᠪ ᠬᠠᠪ ᠬᠤᠴᠠᠨ᠎ᠠ ᠃

ᠬᠠᠪᠢ ᠬᠢᠭᠡᠳ ᠬᠠᠪᠤ

ᠣᠢᠷ᠎ᠠ ᠬᠠᠪᠢ ᠶ᠋ᠢᠨ ᠠᠭᠤᠯᠠᠨ ᠳ᠋ᠤ᠌

ᠣᠭᠣᠨᠣ ᠭᠥᠷᠥᠭᠡᠰᠦ ᠣᠯᠠᠨ ᠂

ᠤᠷᠮ᠎ᠠ ᠬᠠᠪᠤ ᠬᠥᠳᠡᠯᠪᠡᠯ

ᠣᠴᠢᠵᠤ ᠦᠵᠡᠵᠦ ᠪᠣᠯᠤᠨ᠎ᠠ ᠃

ᠬᠠᠭᠤᠷᠠᠢ ᠬᠢᠭᠡᠳ ᠬᠠᠤᠷᠠᠢ

ᠭᠠᠩ ᠬᠠᠭᠤᠷᠠᠢ ᠬᠠᠳᠠᠮᠠᠯ ᠬᠠᠭᠤᠷᠠᠢ

ᠲᠡᠭᠷᠢ ᠶ᠋ᠢᠨ ᠭᠠᠮᠰᠢᠭ ᠲᠦᠮᠡᠨ ᠦ᠌ ᠵᠣᠪᠠᠯᠠᠩ ᠂

ᠭᠠᠩ ᠬᠠᠤᠷᠠᠢ ᠲᠡᠮᠦᠷ ᠦ᠋ᠨ ᠬᠠᠤᠷᠠᠢ

ᠲᠡᠮᠦᠷ ᠊ᠢ ᠥᠷᠥᠨ᠎ᠡ ᠮᠣᠳᠣ ᠶ᠋ᠢ ᠥᠷᠥᠨ᠎ᠡ ᠃

ᠬᠠᠭᠳᠠ ᠬᠢᠭᠡᠳ ᠬᠠᠨᠳᠠ

ᠬᠥᠳᠡᠭᠡ ᠲᠠᠯ᠎ᠠ ᠶ᠋ᠢᠨ ᠬᠠᠭᠳᠠ

ᠬᠥᠭᠵᠢᠯᠲᠦ ᠬᠠᠪᠤᠷ ᠲᠤ᠌ ᠰᠣᠶᠣᠭᠠᠯᠠᠨ᠎ᠠ ᠂

ᠬᠥᠬᠡ ᠴᠠᠢ ᠶ᠋ᠢᠨ ᠬᠠᠨᠳᠠ

ᠬᠥᠨᠥᠭ ᠴᠣᠮᠣ ᠳ᠋ᠤ᠌ ᠢᠳᠡᠭᠡᠰᠢᠨ᠎ᠡ ᠃

ᠬᠠᠯᠠᠭ᠎ᠠ ᠬᠢᠭᠡᠳ ᠬᠠᠯᠠᠭᠠᠢ

ᠬᠠᠯᠠᠭ᠎ᠠ ᠬᠠᠯᠠᠭ᠎ᠠ

ᠡᠭᠡᠯᠵᠢ ᠳᠡᠭᠡᠷ᠎ᠡ

ᠬᠠᠯᠠᠭᠠᠢ ᠨᠣᠭᠣᠭ᠎ᠠ

ᠬᠠᠳᠠᠨ ᠳᠡᠭᠡᠷ᠎ᠡ

ᠬᠠᠯᠢᠮ ᠬᠢᠭᠡᠳ ᠬᠠᠯᠢᠮᠤ

ᠬᠣᠨᠢ ᠢᠮᠠᠭᠠᠨ ᠤ᠋

ᠬᠠᠯᠢᠮ ᠥᠭᠡᠬᠦ ᠠᠮᠲᠠ ᠲᠠᠢ ᠂

ᠬᠣᠯᠠ ᠳᠠᠯᠠᠢ ᠶ᠋ᠢᠨ

ᠬᠠᠯᠢᠮᠤ ᠵᠢᠭᠠᠰᠤ ᠪᠤᠵᠠᠭᠠᠢ ᠃

ᠬᠠᠰ ᠬᠢᠭᠡᠳ ᠬᠠᠰᠠ

ᠬᠠᠰ ᠡᠷᠳᠡᠨᠢ ᠶ᠋ᠢᠨ ᠴᠢᠯᠠᠭᠤ

ᠬᠠᠷᠢᠨ ᠬᠣᠪᠣᠷ ᠡᠲᠯᠡᠯ ᠂

ᠬᠠᠰᠠ ᠭᠤᠶ᠎ᠠ ᠬᠣᠶᠠᠷ

ᠬᠠᠷᠢᠨ ᠬᠡᠵᠢᠶᠡᠳᠡ ᠬᠠᠮᠲᠤ ᠃

ᠬᠠᠳᠠᠨ ᠬᠢᠭᠡᠳ ᠬᠠᠲᠤᠨ

ᠬᠠᠷ᠎ᠠ ᠬᠠᠳᠠᠨ ᠤ᠋ ᠣᠷᠭᠢᠯ ᠠ᠋ᠴᠠ

ᠬᠠᠯᠢᠯ ᠬᠦᠷᠭᠡᠷ᠎ᠡ ᠱᠤᠤᠭᠢᠨ᠎ᠠ ᠂

ᠬᠠᠷᠢ ᠤᠯᠤᠰ ᠤ᠋ᠨ ᠵᠣᠴᠢᠳ

ᠬᠠᠲᠤᠨ ᠢ᠋ᠶ᠋ᠠᠨ ᠳᠠᠭᠠᠭᠤᠯᠤᠨ ᠰᠣᠨᠢᠷᠬᠠᠨ᠎ᠠ ᠃

ᠬᠠᠲᠠᠭᠢ ᠬᠢᠭᠡᠳ ᠬᠠᠳᠠᠭ

ᠠᠷᠠᠰᠤᠨ ᠡᠪᠡᠳᠴᠢᠨ ᠬᠠᠲᠠᠭᠢ ᠶ᠋ᠢ

ᠠᠷᠢᠯᠭᠠᠵᠤ ᠵᠠᠰᠠᠭᠤᠯᠵᠤ ᠶᠠᠪᠤᠶ᠎ᠠ ᠂

ᠠᠷᠢᠭᠤᠨ ᠴᠠᠭᠠᠨ ᠬᠠᠳᠠᠭ ᠢ᠋ᠶ᠋ᠠᠨ

ᠠᠷᠠᠳ ᠤ᠋ᠨ ᠡᠮᠴᠢ ᠳ᠋ᠡᠭᠡᠨ ᠳᠡᠪᠰᠢᠭᠦᠯᠦᠶ᠎ᠡ ᠃

ᠬᠠᠲᠠᠭᠠᠳ ᠬᠢᠭᠡᠳ ᠬᠠᠳᠤᠭᠠᠳ

ᠮᠣᠳᠣᠴᠢᠨ ᠡᠪᠦᠭᠡ

ᠬᠠᠳᠠᠭᠠᠰᠤ ᠬᠠᠲᠠᠭᠠᠳ ᠲᠤᠭ ᠲᠤᠭ ᠂

ᠮᠠᠯᠴᠢᠨ ᠠᠪᠠᠭ᠎ᠠ

ᠡᠪᠡᠰᠦ ᠬᠠᠳᠤᠭᠠᠳ ᠱᠤᠸᠠᠷ ᠱᠤᠸᠠᠷ ᠃

ᠬᠠᠲᠠᠷᠢᠬᠤ ᠬᠢᠭᠡᠳ ᠬᠠᠳᠤᠷᠬᠤ

ᠠᠭᠲᠠ ᠬᠦᠯᠦᠭ ᠮᠣᠷᠢ ᠮᠢᠨᠢ

ᠠᠶᠠᠨ ᠤ᠋ ᠵᠠᠮ ᠳ᠋ᠠᠭᠠᠨ ᠬᠠᠲᠠᠷᠢᠬᠤ ᠶᠤᠮ ᠂

ᠠᠪᠠ ᠶ᠋ᠢᠨ ᠲᠠᠢᠭ᠎ᠠ ᠨᠣᠬᠠᠢ ᠮᠢᠨᠢ

ᠠᠷᠢᠶᠠᠲᠠᠨ ᠊ᠢ ᠦᠵᠡᠪᠡᠯ ᠬᠠᠳᠤᠷᠬᠤ ᠶᠤᠮ ᠃

ᠬᠠᠶᠠ ᠬᠢᠭᠡᠳ ᠬᠠᠶᠠᠭ᠎ᠠ

ᠬᠠᠶᠠ ᠵᠠᠷᠢᠮ ᠡᠴᠢᠭᠡ ᠡᠬᠡ

ᠬᠠᠢᠷᠠᠲᠠᠢ ᠬᠡᠦᠬᠡᠨ ᠢ᠋ᠶ᠋ᠡᠨ ᠰᠠᠨᠠᠬᠤ ᠭᠡᠳ

ᠭᠡᠷ ᠦ᠋ᠨ ᠬᠠᠶᠠᠭ᠎ᠠ ᠰᠠᠬᠢᠭᠤᠯᠳᠠᠭ

ᠭᠡᠨᠡᠨ ᠵᠠᠩ ᠨᠢ ᠵᠢᠭᠰᠢᠯᠲᠡᠢ ᠃

ᠬᠠᠷᠠᠵᠤ ᠬᠢᠭᠡᠳ ᠬᠠᠷᠢᠵᠤ

ᠥᠷᠯᠥᠭᠡ ᠶ᠋ᠢᠨ ᠰᠠᠢᠬᠠᠨ ᠊ᠢ ᠵᠠᠪᠳᠤᠵᠤ

ᠥᠯᠥᠭᠡᠢ ᠨᠤᠲᠤᠭ ᠢ᠋ᠶ᠋ᠠᠨ ᠬᠠᠷᠠᠵᠤ ᠵᠢᠷᠤᠭᠯᠠᠶ᠎ᠠ ᠂

ᠦᠳᠡ ᠶ᠋ᠢᠨ ᠨᠠᠷᠠᠨ ᠤ᠋ ᠦᠶᠡᠰ ᠢ᠋ᠶ᠋ᠡᠷ

ᠦᠷᠢᠶ᠎ᠡ ᠮᠣᠷᠢ ᠪᠠᠷ ᠢ᠋ᠶ᠋ᠠᠨ ᠬᠠᠷᠢᠵᠤ ᠢᠷᠡᠶ᠎ᠡ ᠃

ᠬᠠᠷᠠᠭ᠎ᠠ ᠬᠢᠭᠡᠳ ᠬᠠᠷ᠎ᠠ

ᠨᠠᠷᠠᠨ ᠤ᠋ ᠭᠡᠷᠡᠯ ᠊ᠢ ᠳᠠᠭᠠᠭᠠᠳ

ᠨᠢᠳᠦᠨ ᠦ᠌ ᠬᠠᠷᠠᠭ᠎ᠠ ᠲᠤᠩᠭᠠᠯᠠᠭ ᠂

ᠨᠢᠭᠦᠯ ᠬᠠᠷ᠎ᠠ ᠶ᠋ᠢ ᠠᠷᠢᠯᠭᠠᠭᠠᠳ

ᠨᠡᠢᠭᠡᠮ ᠨᠡᠢᠲᠡ ᠠᠮᠤᠭᠤᠯᠠᠩ ᠃

ᠬᠠᠷᠠᠭᠤᠯ ᠬᠢᠭᠡᠳ ᠬᠠᠷᠤᠭᠤᠯ

ᠠᠯᠲᠠᠨ ᠬᠢᠯᠢ ᠪᠡᠨ ᠴᠠᠭᠳᠠᠬᠤ ᠳ᠋ᠤ᠌

ᠬᠠᠷᠠᠭᠤᠯ ᠮᠠᠨᠠᠭ᠎ᠠ ᠴᠢᠬᠤᠯᠠ ᠲᠠᠢ ᠂

ᠠᠪᠳᠠᠷ᠎ᠠ ᠬᠣᠷᠭᠣ ᠬᠢᠬᠦ ᠳ᠋ᠦ᠍

ᠬᠠᠷᠤᠭᠤᠯ ᠴᠦᠴᠡ ᠬᠡᠷᠡᠭᠲᠡᠢ ᠃

ᠬᠠᠷᠠᠮᠴᠢ ᠬᠢᠭᠡᠳ ᠬᠠᠷᠠᠮᠵᠢ

ᠡᠮᠦᠨ᠎ᠡ ᠠᠢᠯ ᠤ᠋ᠨ ᠬᠠᠩᠭᠠᠢ

ᠬᠠᠷᠠᠮᠴᠢ ᠵᠠᠩ ᠭᠡᠵᠦ ᠦᠭᠡᠢ ᠂

ᠡᠬᠡ ᠪᠢᠴᠢᠭ ᠪᠢᠴᠢᠭᠡᠳ

ᠬᠠᠷᠠᠮᠵᠢ ᠶ᠋ᠢᠨ ᠮᠥᠩᠭᠥ ᠣᠯᠳᠠᠭ ᠃

ᠬᠠᠷᠠ ᠬᠢᠭᠡᠳ ᠬᠠᠷ᠎ᠠ

ᠬᠠᠷᠠ ᠬᠠᠷᠠ ᠳᠡᠭᠦᠦ ᠮᠢᠨᠢ

ᠪᠠᠷ᠎ᠠ ᠬᠠᠷᠠ ᠦᠵᠡᠪᠡᠦ ?

ᠬᠠᠷ᠎ᠠ ᠬᠠᠷ᠎ᠠ ᠲᠡᠷᠡ ᠴᠢᠨᠢ

ᠪᠠᠷᠠᠭᠠᠨ ᠬᠠᠷ᠎ᠠ ᠥᠩᠭᠡ ᠰᠢᠦ ᠃

ᠬᠠᠷᠠᠴᠠ ᠬᠢᠭᠡᠳ ᠬᠠᠷᠠᠴᠤ

ᠬᠠᠷᠠᠴᠤ ᠭᠠᠷᠤᠯ ᠲᠠᠢ

ᠬᠠᠲᠠᠭᠢᠨ ᠣᠪᠣᠭ ᠲᠠᠢ ᠂

ᠬᠠᠷᠠᠴᠠ ᠲᠤᠩᠭᠠᠯᠠᠭ

ᠬᠠᠳᠠᠨ ᠵᠣᠷᠢᠭᠲᠠᠨ ᠃

ᠬᠠᠷᠭᠠᠨ᠎ᠠ ᠬᠢᠭᠡᠳ ᠬᠠᠷᠠᠭᠤᠨ᠎ᠠ

ᠬᠠᠳᠠᠨ ᠤ᠋ ᠡᠩᠭᠡᠷ ᠲᠡᠬᠢ

ᠬᠠᠷᠭᠠᠨ᠎ᠠ ᠮᠣᠳᠣᠨ ᠠ᠋ᠴᠠ

ᠬᠠᠷᠠᠭᠤᠨ᠎ᠠ ᠰᠢᠪᠠᠭᠤ

ᠬᠠᠯᠢᠨ ᠨᠢᠰᠪᠡ ᠃

ᠬᠠᠷᠭᠤᠢ ᠬᠢᠭᠡᠳ ᠬᠠᠷᠭᠠᠢ

ᠥᠷᠭᠡᠨ ᠳᠠᠷᠳᠠᠩ

ᠬᠠᠷᠭᠤᠢ ᠵᠠᠮ ᠂

ᠥᠨᠳᠥᠷ ᠠᠭᠤᠯᠠᠨ ᠤ᠋

ᠬᠠᠷᠭᠠᠢ ᠮᠣᠳᠣ ᠃

ᠬᠠᠵᠠᠭᠠᠷ ᠬᠢᠭᠡᠳ ᠬᠢᠵᠠᠭᠠᠷ

ᠬᠠᠷ᠎ᠠ ᠬᠡᠭᠡᠷ ᠮᠣᠷᠢᠨ ᠳ᠋ᠠᠭᠠᠨ

ᠬᠠᠵᠠᠭᠠᠷ ᠡᠮᠡᠭᠡᠯ ᠳᠤᠬᠤᠶ᠎ᠠ ᠂

ᠬᠠᠢᠷᠠᠲᠤ ᠡᠬᠡ ᠤᠯᠤᠰ ᠤ᠋ᠨ ᠢ᠋ᠶ᠋ᠠᠨ

ᠬᠢᠵᠠᠭᠠᠷ ᠣᠷᠣᠨ ᠊ᠢ ᠬᠠᠮᠠᠭᠠᠯᠠᠶ᠎ᠠ ᠃

ᠬᠡᠭᠡᠯ ᠬᠢᠭᠡᠳ ᠬᠡᠭᠡᠯᠢ

ᠬᠡᠭᠡᠯ ᠲᠡᠢ ᠭᠡᠭᠦᠦ ᠨᠤᠭᠦᠳ

ᠬᠡᠭᠡᠷ᠎ᠡ ᠲᠠᠯ᠎ᠠ ᠳ᠋ᠤ᠌ ᠦᠦᠷᠰᠡᠵᠦ ᠪᠠᠢᠨ᠎ᠠ ᠂

ᠬᠡᠭᠡᠯᠢ ᠢᠲᠡᠭᠰᠡᠳ ᠦ᠋ᠨ ᠭᠡᠳᠡᠰᠦ

ᠬᠡᠩᠭᠡᠷᠭᠡ ᠰᠢᠭ ᠳᠤᠤᠭᠠᠷᠴᠤ ᠪᠠᠢᠨ᠎ᠠ ᠃

ᠬᠡᠭᠡᠷ ᠬᠢᠭᠡᠳ ᠬᠡᠭᠡᠷ᠎ᠡ

ᠬᠡᠭᠡᠷ ᠮᠣᠷᠢ ᠪᠠᠨ ᠤᠨᠤᠭᠠᠳ

ᠬᠡᠭᠡᠷ᠎ᠡ ᠲᠠᠯ᠎ᠠ ᠪᠠᠷ ᠠᠪᠠᠯᠠᠶ᠎ᠠ ᠂

ᠬᠡᠭᠡᠷ᠎ᠡ ᠲᠠᠯ᠎ᠠ ᠶ᠋ᠢᠨ ᠦᠨᠡᠭᠡ ᠶ᠋ᠢ

ᠬᠡᠭᠡᠷ ᠮᠣᠷᠢᠨ ᠳ᠋ᠠᠭᠠᠨ ᠭᠠᠨᠵᠤᠭᠠᠯᠠᠶ᠎ᠠ ᠃

ᠬᠡᠯᠪᠡᠷᠢ ᠬᠢᠭᠡᠳ ᠬᠡᠯᠪᠡᠭᠡᠷ

ᠬᠡᠷᠡᠭ ᠪᠣᠳᠠᠰ ᠤ᠋ᠨ ᠮᠠᠶᠢᠬ ᠳᠦᠷᠰᠦ ᠶ᠋ᠢ

ᠬᠡᠯᠪᠡᠷᠢ ᠶᠠᠩᠵᠤ ᠠ᠋ᠴᠠ ᠨᠢ ᠦᠵᠡᠨ᠎ᠡ ᠂

ᠬᠡᠷᠪᠡ ᠲᠡᠷᠡ ᠨᠢ ᠬᠠᠵᠠᠢᠬᠰᠠᠨ ᠪᠣᠯ

ᠬᠡᠯᠪᠡᠭᠡᠷ ᠪᠣᠯᠵᠠᠢ ᠭᠡᠵᠦ ᠦᠵᠡᠨ᠎ᠡ ᠃

ᠬᠡᠰᠡᠭ ᠬᠢᠭᠡᠳ ᠬᠡᠰᠢᠭ

ᠬᠡᠰᠡᠭ ᠪᠦᠯᠦᠭ ᠨᠢ ᠲᠣᠳᠣᠷᠬᠠᠢ ᠪᠣᠯ

ᠤᠷᠠᠨ ᠵᠣᠬᠢᠶᠠᠯ ᠣᠢᠯᠠᠭᠠᠮᠵᠢᠲᠠᠢ ᠂

ᠬᠡᠰᠢᠭ ᠱᠠᠩᠨᠠᠯ ᠨᠢ ᠦᠯᠡᠮᠵᠢ ᠪᠣᠯ

ᠤᠷᠤᠯᠳᠤᠨ ᠮᠡᠷᠡᠢᠭᠰᠡᠳ ᠤᠷᠮᠠᠲᠠᠢ ᠃

ᠬᠡᠲᠡ ᠬᠢᠭᠡᠳ ᠬᠡᠳᠦ

ᠬᠡᠭᠡᠷ᠎ᠡ ᠲᠠᠯ᠎ᠠ ᠶ᠋ᠢᠨ ᠮᠠᠯᠴᠢᠳ

ᠬᠡᠲᠡ ᠶ᠋ᠢᠨ ᠭᠠᠯ ᠊ᠢ ᠵᠠᠷᠤᠵᠤ ᠪᠠᠢᠵᠠᠢ ᠂

ᠬᠡᠳᠦ ᠶ᠋ᠢᠨ ᠰᠠᠢᠬᠠᠨ ᠢ᠋ᠶ᠋ᠠᠨ ᠪᠠᠷᠠᠯᠠᠭᠠᠳ

ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠪᠠᠶᠠᠷᠯᠠᠵᠤ ᠪᠠᠢᠵᠠᠢ ᠃

ᠬᠡᠷᠡᠮ ᠬᠢᠭᠡᠳ ᠬᠡᠷᠡᠮᠦ

ᠠᠢᠯ ᠠᠢᠯ ᠤ᠋ᠨ

ᠬᠡᠷᠡᠮ ᠬᠠᠰᠢᠶ᠎ᠠ ᠥᠨᠳᠥᠷ ᠂

ᠠᠭᠤᠯᠠ ᠠᠭᠤᠯᠠ ᠶ᠋ᠢᠨ

ᠬᠡᠷᠡᠮᠦ ᠠᠮᠢᠲᠠᠨ ᠠᠷᠪᠢᠨ ᠃

ᠬᠢᠭᠢᠯᠢ ᠬᠢᠭᠡᠳ ᠬᠢᠭᠢᠷᠢ

ᠲᠤᠩᠭᠠᠯᠠᠭ ᠢᠷᠠᠭᠤᠬᠠᠨ ᠡᠭᠡᠰᠢᠭ ᠲᠡᠢ

ᠬᠢᠭᠢᠯᠢ ᠪᠡᠨ ᠪᠢ ᠬᠠᠢᠷᠠᠯᠠᠨ᠎ᠠ ᠂

ᠲᠤᠭ ᠬᠢᠭᠢᠷᠢ ᠪᠡᠨ ᠡᠷᠭᠦᠭᠡᠳ

ᠳᠤᠷᠠᠰᠬᠠᠯ ᠤ᠋ᠨ ᠡᠳᠦᠷ ᠢ᠋ᠶ᠋ᠡᠨ ᠪᠡᠯᠭᠡᠯᠡᠨ᠎ᠡ ᠃

ᠬᠢᠮᠤᠰᠤ ᠬᠢᠭᠡᠳ ᠬᠢᠮᠰᠠ

ᠬᠤᠷᠤᠭᠤ ᠬᠢᠮᠤᠰᠤ ᠪᠠᠨ

ᠴᠡᠪᠡᠷ ᠪᠠᠢᠯᠭᠠᠶ᠎ᠠ ᠂

ᠬᠠᠪᠴᠢᠭᠤᠷ ᠬᠢᠮᠰᠠ ᠪᠠᠨ

ᠬᠠᠮᠠᠭᠠᠯᠠᠵᠤ ᠵᠠᠷᠤᠶ᠎ᠠ ᠃

ᠬᠢᠯᠢ ᠬᠢᠭᠡᠳ ᠬᠡᠯᠡ

ᠬᠢᠯᠢ ᠬᠢᠵᠠᠭᠠᠷ ᠢ᠋ᠶ᠋ᠠᠨ ᠬᠠᠮᠠᠭᠠᠯᠠᠳᠠᠭ

ᠬᠢᠯᠢᠴᠢᠳ ᠠᠪᠠᠭ᠎ᠠ ᠳ᠋ᠠᠭᠠᠨ ᠲᠠᠯᠠᠷᠬᠠᠨ᠎ᠠ ᠂

ᠬᠡᠳᠦ ᠶ᠋ᠢᠨ ᠰᠠᠢᠬᠠᠨ ᠊ᠢ ᠲᠠᠨᠢᠭᠤᠯᠤᠭᠰᠠᠨ

ᠬᠡᠯᠡ ᠪᠢᠴᠢᠭ ᠢ᠋ᠶ᠋ᠡᠨ ᠬᠠᠢᠷᠠᠯᠠᠨ᠎ᠠ ᠃

ᠬᠢᠰᠠᠭ᠎ᠠ ᠬᠢᠭᠡᠳ ᠬᠢᠰᠠ

ᠠᠭᠤᠯᠠ ᠤᠰᠤᠨ ᠤ᠋ ᠵᠠᠪᠰᠠᠷ ᠤ᠋ᠨ

ᠤᠷᠲᠤ ᠬᠠᠪᠴᠢᠯ ᠲᠠᠢ ᠬᠢᠰᠠᠭ᠎ᠠ ᠂

ᠣᠯᠠᠨ ᠪᠦᠬᠦᠨ ᠦ᠌ ᠵᠠᠷᠤᠳᠠᠭ

ᠤᠯᠠᠭᠠᠨ ᠭᠠᠯ ᠲᠠᠢ ᠬᠢᠰᠠ ᠃

ᠬᠢᠲᠤᠭ᠎ᠠ ᠬᠢᠭᠡᠳ ᠬᠤᠲᠤᠭ

ᠬᠢᠲᠤᠭ᠎ᠠ ᠬᠤᠷᠴᠠ ᠪᠣᠯᠪᠠᠴᠤ

ᠡᠰᠢᠨ ᠳ᠋ᠡᠭᠡᠨ ᠲᠤᠰᠠ ᠦᠭᠡᠢ ᠂

ᠬᠤᠲᠤᠭ ᠭᠤᠶᠤᠳᠠᠭ ᠪᠣᠯᠪᠠᠴᠤ

ᠡᠭᠡᠨᠡᠭᠲᠡ ᠲᠤᠰᠠ ᠦᠭᠡᠢ ᠃

ᠬᠢᠷᠠᠭ᠎ᠠ ᠬᠢᠭᠡᠳ ᠬᠢᠷ᠎ᠠ

ᠦᠷ ᠦ᠋ᠨ ᠬᠢᠷᠠᠭ᠎ᠠ ᠰᠤᠪᠤᠷᠠᠬᠤ ᠪᠠᠷ

ᠣᠲᠣᠷ ᠤ᠋ᠨ ᠰᠤᠷᠭᠠᠭᠤᠯᠢ ᠪᠠᠨ ᠴᠢᠭᠯᠡᠪᠡ ᠂

ᠥᠨᠳᠥᠷ ᠠᠭᠤᠯᠠᠨ ᠤ᠋ ᠬᠢᠷ᠎ᠠ ᠪᠠᠷ

ᠣᠳᠣ ᠲᠠᠢ ᠤᠷᠤᠯᠳᠤᠨ ᠳᠣᠪᠲᠣᠯᠪᠠ ᠃

ᠬᠢᠷᠢ ᠬᠢᠭᠡᠳ ᠬᠬᠢᠷ

ᠳᠤᠯᠠᠢᠬᠤ ᠨᠠᠷᠠᠨ ᠤ᠋ ᠭᠡᠷᠡᠯ ᠳ᠋ᠦ᠍

ᠲᠤᠭ ᠬᠢᠭᠢᠷᠢ ᠰᠣᠯᠣᠩᠭᠠᠷᠠᠨ᠎ᠠ ᠂

ᠳᠤᠷᠳᠤᠩ ᠬᠤᠷᠴᠠ ᠥᠩᠭᠡᠨ ᠳ᠋ᠦ᠍ᠨᠢ

ᠲᠣᠭᠣᠰᠣ ᠬᠬᠢᠷ ᠳᠠᠷᠤᠭᠳᠠᠨ᠎ᠠ ᠃

ᠬᠢᠷᠥᠭᠡ ᠬᠢᠭᠡᠳ ᠬᠡᠷᠢᠶ᠎ᠡ

ᠳᠠᠷᠬᠠᠨ ᠯᠦ᠍ ᠶ᠋ᠢᠨ ᠢ᠋ᠶ᠋ᠡᠨ ᠵᠣᠬᠢᠶᠠᠭᠰᠠᠨ

ᠬᠢᠷᠥᠭᠡ ᠨᠢ ᠮᠣᠳᠣᠴᠢᠨ ᠤ᠋ ᠪᠠᠭᠠᠵᠢ ᠂

ᠳᠠᠶᠠᠭᠠᠷ ᠣᠯᠠᠨ ᠳ᠋ᠤ᠌ ᠵᠢᠭᠰᠢᠭᠲᠡᠲᠡᠭ᠋

ᠬᠡᠷᠢᠶ᠎ᠡ ᠨᠢ ᠵᠢᠭᠦᠷᠲᠡᠨ ᠦ᠌ ᠨᠢᠭᠡ ᠃

ᠬᠣᠨᠢ ᠬᠢᠭᠡᠳ ᠬᠠᠨᠢ

ᠠᠮᠲᠠᠲᠤ ᠬᠣᠨᠢᠨ ᠤ᠋

ᠰᠢᠭᠦᠰᠦ ᠲᠠᠯᠪᠢᠵᠤ ᠂

ᠠᠨᠳᠠ ᠬᠠᠨᠢ ᠳ᠋ᠠᠭᠠᠨ

ᠰᠢᠷᠡᠭᠡ ᠵᠠᠰᠠᠶ᠎ᠠ ᠃

ᠬᠣᠨᠢ ᠬᠢᠭᠡᠳ ᠬᠤᠨ

ᠬᠣᠨᠢ ᠮᠠᠯ

ᠬᠣᠷᠣᠭ᠎ᠠ ᠳᠦᠭᠦᠷᠡᠩ ᠂

ᠬᠤᠨ ᠭᠠᠯᠠᠭᠤ

ᠨᠠᠭᠤᠷ ᠳᠦᠭᠦᠷᠡᠩ ᠃

ᠬᠣᠩᠬᠣ ᠬᠢᠭᠡᠳ ᠬᠤᠩᠬ᠎ᠠ

ᠲᠡᠮᠡᠭᠡᠨ ᠬᠦᠵᠦᠭᠦᠨ ᠳ᠋ᠡᠬᠢ ᠬᠣᠩᠬᠣ

ᠲᠡᠨᠳᠡ ᠡᠴᠡ ᠨᠠᠰᠢ ᠵᠢᠩᠭᠢᠨᠡᠵᠦ ᠪᠠᠢᠨ᠎ᠠ ᠂

ᠲᠠᠨ ᠤ᠋ ᠰᠤᠷᠭᠠᠭᠤᠯᠢ ᠶ᠋ᠢᠨ ᠬᠤᠩᠬ᠎ᠠ

ᠳᠠᠪᠲᠠᠯᠭ᠎ᠠ ᠣᠷᠣᠬᠤ ᠪᠠᠷ ᠳᠠᠭᠤᠷᠢᠰᠴᠤ ᠪᠠᠢᠨ᠎ᠠ ᠂

ᠬᠣᠩᠭᠣᠷ ᠬᠢᠭᠡᠳ ᠬᠣᠩᠬᠣᠷ

ᠬᠣᠩᠭᠣᠷ ᠬᠠᠯᠢᠭᠤᠨ ᠮᠣᠷᠢ ᠮᠢᠨᠢ

ᠬᠣᠯᠠ ᠶ᠋ᠢᠨ ᠬᠤᠷᠳᠤᠨ ᠭᠦᠶᠦᠳᠡᠯ ᠲᠡᠢ ᠂

ᠬᠣᠩᠬᠣᠷ ᠭᠠᠵᠠᠷ ᠲᠤ᠌ ᠴᠤ᠌ ᠭᠡᠰᠡᠨ

ᠬᠤᠷᠳᠤᠨ ᠳᠠᠪᠬᠢᠬᠤ ᠲᠤᠭᠤᠷᠠᠢ ᠲᠠᠢ ᠃

ᠬᠣᠩᠭᠣᠷ ᠬᠢᠭᠡᠳ ᠬᠤᠩᠭᠠᠷ

ᠬᠣᠩᠭᠣᠷ ᠬᠠᠯᠢᠭᠤᠨ ᠮᠣᠷᠢ ᠯᠠ ᠪᠠᠢᠨ᠎ᠠ

ᠬᠣᠯᠠ ᠶ᠋ᠢᠨ ᠭᠦᠶᠦᠳᠡᠯ ᠲᠠᠭᠰᠢ ᠰᠠᠨ ᠂

ᠬᠤᠩᠭᠠᠷ ᠴᠠᠰᠤ ᠶ᠋ᠢ ᠪᠤᠲᠠᠷᠠᠭᠠᠭᠠᠳ

ᠬᠤᠨ ᠰᠢᠬ ᠱᠤᠩᠪᠠᠵᠤ ᠯᠠ ᠪᠠᠢᠨ᠎ᠠ ᠃

ᠬᠣᠪᠣᠩ ᠬᠢᠭᠡᠳ ᠬᠤᠪᠢᠩ

ᠬᠣᠪᠣᠩ ᠲᠠᠢ ᠭᠠᠯ ᠊ᠢ ᠲᠣᠭᠣᠷᠢᠭᠠᠳ

ᠬᠣᠶᠠᠷ ᠬᠥᠮᠦᠨ ᠰᠠᠭᠤᠯᠴᠠᠵᠤ

ᠬᠤᠪᠢᠩ ᠲᠠᠢ ᠠᠷᠢᠬᠢ ᠪᠠᠨ ᠲᠡᠪᠡᠷᠢᠭᠡᠳ

ᠬᠣᠶᠠᠭᠤᠯᠠ ᠪᠠᠯᠭᠤᠵᠤ ᠪᠠᠢᠨ᠎ᠠ ᠃

ᠬᠣᠱᠣᠣ ᠬᠢᠭᠡᠳ ᠬᠣᠱᠣᠢ

ᠳᠠᠭᠠᠷᠢᠭᠠᠳ ᠭᠠᠷᠳᠠᠭ

ᠳᠠᠯᠠᠢ ᠶ᠋ᠢᠨ ᠬᠣᠱᠣᠣ ᠂

ᠳᠠᠪᠬᠤᠷ ᠬᠥᠬᠢᠭᠦᠯᠦᠭᠲᠡᠲᠡᠭ᠋

ᠬᠣᠱᠣᠢ ᠱᠠᠩᠨᠠᠯ ᠃

ᠬᠣᠲᠠᠯᠠ ᠬᠢᠭᠡᠳ ᠬᠣᠲᠣᠯᠠ

ᠬᠣᠲᠠᠯᠠ ᠣᠯᠠᠨ ᠤ᠋ ᠪᠠᠨ ᠡᠮᠦᠨ᠎ᠡ ᠡᠴᠡ

ᠬᠣᠶᠠᠷ ᠳᠤᠷᠠᠳᠤᠯᠭ᠎ᠠ ᠭᠠᠷᠭᠠᠶ᠎ᠠ ᠂

ᠬᠣᠶᠠᠷ ᠨᠠᠰᠤ ᠲᠠᠢ ᠬᠣᠲᠣᠯᠠ ᠶ᠋ᠢ

ᠬᠣᠲᠠ ᠶ᠋ᠢᠨ ᠴᠡᠴᠡᠷᠯᠢᠭ ᠲᠦ᠍ ᠬᠦᠷᠭᠡᠶ᠎ᠡ ᠃

ᠬᠣᠷᠢᠭ᠎ᠠ ᠬᠢᠭᠡᠳ ᠬᠣᠷᠢᠶ᠎ᠠ

ᠬᠣᠷᠢᠭ᠎ᠠ ᠴᠡᠭᠡᠷ ᠲᠡᠢ ᠭᠠᠵᠠᠷ

ᠬᠥᠯ ᠲᠥᠷᠥᠵᠦ ᠪᠣᠯᠬᠤ ᠦᠭᠡᠢ ᠂

ᠬᠣᠷᠢᠶ᠎ᠠ ᠪᠠᠢᠭᠤᠯᠤᠯᠭ᠎ᠠ ᠶ᠋ᠢᠨ ᠭᠠᠵᠠᠷ

ᠬᠥᠮᠦᠨ ᠳᠦᠷᠢ ᠲᠡᠢ ᠶᠠᠪᠤ ᠃

ᠬᠣᠷᠣᠭ᠎ᠠ ᠬᠢᠭᠡᠳ ᠬᠣᠷᠭᠣ

ᠬᠣᠷᠣᠭ᠎ᠠ ᠬᠠᠰᠢᠶ᠎ᠠ

ᠬᠣᠲᠠ ᠶ᠋ᠢᠨ ᠴᠢᠮᠡᠭ

ᠬᠣᠷᠭᠣ ᠠᠪᠳᠠᠷ᠎ᠠ

ᠭᠡᠷ ᠦ᠋ᠨ ᠴᠢᠮᠡᠭ ᠃

ᠬᠤᠤᠱᠠᠩ ᠬᠢᠭᠡᠳ ᠬᠣᠱᠣᠩ

ᠬᠤᠤᠱᠠᠩ ᠯᠠᠮ᠎ᠠ ᠶ᠋ᠢ ᠢᠲᠡᠭᠡᠪᠡᠯ

ᠬᠣᠭᠣᠰᠣᠷᠠᠵᠤ ᠳᠣᠷᠣᠢᠲᠠᠬᠤ ᠶ᠋ᠢᠨ ᠲᠡᠮᠳᠡᠭ ᠂

ᠬᠣᠱᠣᠩ ᠵᠣᠬᠢᠶᠠᠯ ᠪᠢᠴᠢᠪᠡᠯ

ᠬᠣᠲᠠᠯᠠ ᠣᠯᠠᠨ ᠤ᠋ ᠴᠢᠮᠡᠭ ᠃

ᠬᠤᠯᠤ ᠬᠢᠭᠡᠳ ᠬᠤᠯᠤᠤ

ᠭᠠᠵᠠᠷ ᠳᠡᠭᠡᠷ᠎ᠡ ᠤᠷᠭᠤᠭᠰᠠᠨ

ᠬᠤᠯᠤ ᠰᠠᠢᠬᠠᠨ ᠂

ᠭᠠᠷ ᠳᠡᠭᠡᠷ᠎ᠡ ᠪᠠᠭᠤᠭᠰᠠᠨ

ᠬᠤᠯᠤᠤ ᠮᠠᠭᠤᠬᠠᠢ ᠃

ᠬᠣᠯᠠ ᠬᠢᠭᠡᠳ ᠬᠤᠯᠤ

ᠬᠣᠯᠠ ᠭᠠᠵᠠᠷ ᠣᠴᠢᠬᠤ ᠲᠤᠯᠠ

ᠬᠣᠯᠠ ᠮᠣᠷᠢ ᠪᠠᠨ ᠤᠨᠤᠶ᠎ᠠ ᠂

ᠬᠤᠯᠤ ᠲᠠᠢ ᠤᠰᠤ ᠶ᠋ᠢ ᠤᠤᠭᠤᠭᠠᠳ

ᠬᠤᠷᠳᠤᠨ ᠲᠦᠷᠭᠡᠨ ᠮᠣᠷᠳᠠᠶ᠎ᠠ ᠃

ᠬᠤᠯᠤᠤ ᠬᠢᠭᠡᠳ ᠬᠤᠯᠤᠭᠤ

ᠬᠣᠶᠠᠷ ᠪᠠᠭᠤᠤ ᠶ᠋ᠢᠨ

ᠬᠤᠶᠠᠩ ᠬᠤᠯᠤᠤ ᠮᠠᠭᠤᠬᠠᠢ ᠂

ᠬᠣᠣᠰ ᠴᠢᠬᠢᠨ ᠦ᠌

ᠬᠤᠯᠤᠭᠤ ᠰᠢᠭᠦᠰᠦ ᠮᠠᠭᠤᠬᠠᠢ ᠃

ᠬᠤᠰᠤ ᠬᠢᠭᠡᠳ ᠬᠣᠣᠰ

ᠡᠪᠦᠭᠡᠨ ᠠᠭᠤᠯᠠᠨ ᠳ᠋ᠤ᠌ ᠰᠦᠨᠲᠡᠷᠯᠡᠭᠰᠡᠨ

ᠬᠤᠰᠤ ᠮᠣᠳᠣ ᠴᠠᠭᠠᠬᠠᠨ ᠂

ᠡᠷᠦᠬᠡ ᠪᠦᠬᠦᠨ ᠦ᠌ ᠡᠭᠦᠳᠡᠨ ᠳ᠋ᠦ᠍ ᠨᠠᠭᠠᠭᠰᠠᠨ

ᠬᠣᠣᠰ ᠤᠶᠠᠩᠭ᠎ᠠ ᠰᠠᠢᠬᠠᠨ ᠃

ᠬᠤᠳᠳᠤᠭ ᠬᠢᠭᠡᠳ ᠬᠤᠲᠤᠭ

ᠬᠤᠳᠳᠤᠭ ᠤ᠋ᠨ ᠤᠰᠤᠨ ᠳ᠋ᠤ᠌

ᠮᠡᠯᠡᠬᠡᠢ ᠦᠭᠡᠢ ᠂

ᠬᠤᠲᠤᠭ ᠥᠯᠵᠡᠢ ᠳ᠋ᠦ᠍

ᠦᠨᠡᠨ ᠦᠭᠡᠢ ᠃

ᠬᠤᠴᠠ ᠬᠢᠭᠡᠳ ᠬᠣᠴᠢ

ᠬᠤᠨ ᠴᠠᠭᠠᠨ ᠰᠦᠷᠦᠭ ᠲᠦ᠍ ᠮᠢᠨᠢ

ᠬᠤᠴᠠ ᠤᠬᠤᠨ᠎ᠠ ᠪᠣᠢ ᠂

ᠬᠣᠲᠠᠯᠠ ᠣᠯᠠᠨ ᠤ᠋ ᠵᠣᠭᠣᠭ ᠲᠤ᠌

ᠬᠣᠴᠢ ᠱᠣᠭ ᠴᠤ᠌ ᠪᠣᠢ ᠃

ᠬᠤᠴᠢᠬᠤ ᠬᠢᠭᠡᠳ ᠬᠤᠴᠠᠬᠤ

ᠤᠭᠤᠷᠠᠭ ᠴᠠᠭᠠᠨ ᠴᠠᠰᠤ ᠮᠢᠨᠢ

ᠠᠭᠤᠳᠠᠮ ᠨᠤᠲᠤᠭ ᠊ᠢ ᠬᠤᠴᠢᠬᠤ ᠰᠠᠢᠬᠠᠨ ᠂

ᠣᠳᠣᠨ ᠴᠣᠬᠣᠷ ᠭᠥᠯᠥᠭᠡ ᠮᠢᠨᠢ

ᠣᠪᠣᠬᠠᠢ ᠪᠠᠨ ᠰᠠᠬᠢᠭᠠᠳ ᠬᠤᠴᠠᠬᠤ ᠲᠣᠳᠣᠬᠠᠨ ᠃

ᠬᠤᠷ᠎ᠠ ᠬᠢᠭᠡᠳ ᠬᠤᠷ

ᠬᠤᠷ᠎ᠠ ᠪᠣᠷᠣᠭᠠᠨ ᠤ᠋ ᠮᠥᠬᠥᠯᠢᠭ

ᠬᠥᠳᠡᠭᠡ ᠲᠠᠯ᠎ᠠ ᠶ᠋ᠢ ᠤᠮᠳᠠᠯᠠᠬᠤ ᠳ᠋ᠤ᠌ ᠂

ᠬᠤᠷ ᠤᠷᠭᠤᠭᠰᠠᠨ ᠡᠪᠡᠰᠦ

ᠬᠥᠨᠳᠡᠢ ᠴᠠᠢᠲᠠᠮ ᠊ᠢ ᠴᠢᠮᠡᠨ᠎ᠡ ᠃

ᠬᠤᠷᠠᠭ ᠬᠢᠭᠡᠳ ᠬᠤᠷᠠᠭ᠎ᠠ

ᠬᠤᠷᠠᠭ ᠨᠠᠰᠤᠨ ᠤ᠋ ᠬᠣᠶᠠᠷ ᠬᠡᠦᠬᠡᠳ

ᠬᠣᠢᠲᠤ ᠬᠤᠸᠠ ᠳᠡᠭᠡᠷ᠎ᠡ ᠪᠠᠷᠢᠯᠳᠤᠵᠤ ᠪᠠᠢᠨ᠎ᠠ ᠂

ᠬᠤᠷᠠᠭ᠎ᠠ ᠢᠰᠢᠭᠡ ᠬᠣᠶᠠᠷ ᠨᠢ ᠴᠦ᠍

ᠬᠠᠵᠠᠭᠤ ᠲᠠᠯ᠎ᠠ ᠳ᠋ᠤᠨᠢ ᠮᠥᠷᠭᠥᠯᠳᠦᠵᠦ ᠪᠠᠢᠨ᠎ᠠ ᠃

ᠬᠥᠬᠡ ᠬᠢᠭᠡᠳ ᠬᠥᠬᠥᠭᠡ

ᠬᠥᠬᠡ ᠮᠣᠩᠭᠣᠯ ᠤ᠋ᠨ

ᠬᠥᠬᠡ ᠲᠤᠭ ᠃

ᠬᠥᠭᠵᠢᠯᠲᠦ ᠬᠠᠪᠤᠷ ᠤ᠋ᠨ

ᠬᠥᠬᠥᠭᠡ ᠰᠢᠪᠠᠭᠤ ᠃

ᠬᠥᠬᠡ ᠬᠢᠭᠡᠳ ᠬᠥᠭ

ᠳᠠᠯᠠᠢ ᠪᠠᠶᠠᠯᠢᠭ ᠨᠤᠲᠤᠭ ᠮᠢᠨᠢ

ᠳᠠᠢᠴᠢᠨ ᠮᠣᠩᠭᠣᠯ ᠤ᠋ᠨ ᠦᠷᠡᠰ ᠂

ᠬᠥᠬᠡ ᠲᠤᠭ ᠢ᠋ᠶ᠋ᠠᠨ ᠡᠷᠭᠦᠭᠡᠳ

ᠬᠥᠭ ᠠᠶᠠᠰ ᠢ᠋ᠶ᠋ᠠᠨ ᠨᠢᠭᠡᠳᠬᠡᠨ᠎ᠡ ᠃

ᠬᠥᠬᠡᠷᠡᠭᠰᠡᠨ ᠬᠢᠭᠡᠳ ᠬᠥᠬᠥᠷᠡᠭᠰᠡᠨ

ᠬᠥᠬᠡ ᠲᠡᠭᠷᠢ ᠶ᠋ᠢ ᠪᠠᠭᠠᠨᠠᠳᠠᠭᠠᠳ

ᠬᠥᠬᠡᠷᠡᠭᠰᠡᠨ ᠠᠭᠤᠯᠠᠰ ᠰᠦᠷᠯᠢᠭ ᠂

ᠬᠥᠭᠵᠢᠯ ᠵᠢᠷᠭᠠᠯ ᠊ᠢ ᠲᠡᠪᠡᠷᠢᠭᠡᠳ

ᠬᠥᠬᠥᠷᠡᠭᠰᠡᠨ ᠪᠠᠭᠠᠴᠤᠳ ᠴᠢᠮᠡᠭ ᠃

ᠬᠥᠬᠥ ᠬᠢᠭᠡᠳ ᠬᠥᠬᠡ

ᠮᠥᠮᠥ ᠶ᠋ᠢᠨ ᠬᠥᠬᠥ ᠶ᠋ᠢ ᠰᠢᠮᠡᠵᠦ

ᠬᠥᠮᠦᠨ ᠦ᠌ ᠵᠡᠷᠭᠡ ᠳ᠋ᠦ᠍ ᠬᠦᠷᠦᠯ᠎ᠡ ᠂

ᠮᠥᠩᠭᠥᠨ ᠨᠢᠰᠬᠡᠯ ᠊ᠢ ᠵᠢᠯᠣᠭᠣᠳᠴᠤ

ᠬᠥᠬᠡ ᠣᠭᠲᠠᠷᠭᠤᠢ ᠳ᠋ᠤ᠌ ᠠᠶᠠᠯᠠᠯ᠎ᠠ ᠃

ᠬᠥᠬᠥᠭᠡ ᠬᠢᠭᠡᠳ ᠬᠥᠬᠡᠭᠡ

ᠬᠥᠬᠥᠭᠡ ᠰᠢᠪᠠᠭᠤ

ᠭᠦᠳ ᠭᠦᠳ ᠳᠠᠭᠤ ᠲᠠᠢ ᠂

ᠬᠥᠬᠡᠭᠡ ᠡᠪᠦᠯ

ᠬᠥᠷ ᠬᠥᠷ ᠰᠠᠯᠬᠢ ᠲᠠᠢ ᠃

ᠬᠥᠬᠦᠦᠷ ᠬᠢᠭᠡᠳ ᠬᠦᠬᠦᠷ

ᠠᠷᠠᠰᠤ ᠰᠢᠷᠢ ᠪᠡᠷ ᠰᠢᠳᠡᠭᠡᠳ

ᠠᠢᠷᠠᠭ ᠰᠠᠪᠠᠯᠠᠳᠠᠭ ᠬᠥᠬᠦᠦᠷ ᠂

ᠠᠷᠢᠭᠤᠨ ᠱᠠᠵᠠᠩ ᠢ᠋ᠶ᠋ᠠᠷ ᠴᠢᠳᠬᠤᠭᠠᠳ

ᠲᠠᠮᠠᠬᠢ ᠬᠢᠳᠡᠭ ᠬᠦᠬᠦᠷ ᠃

ᠬᠥᠭᠥᠷᠭᠡ ᠬᠢᠭᠡᠳ ᠬᠥᠭᠡᠷᠭᠡ

ᠬᠥᠬᠡ ᠮᠥᠷᠡᠨ ᠦ᠌ ᠬᠥᠭᠥᠷᠭᠡ

ᠬᠥᠪᠴᠢᠨ ᠳᠡᠯᠡᠬᠡᠢ ᠳ᠋ᠦ᠍ ᠠᠯᠳᠠᠷᠲᠠᠢ ᠂

ᠬᠦᠳᠡᠷ ᠲᠡᠮᠦᠷ ᠊ᠢ ᠬᠠᠢᠯᠤᠭᠤᠯᠲᠠᠭ

ᠬᠥᠭᠡᠷᠭᠡ ᠶ᠋ᠢᠨ ᠭᠠᠯ ᠢᠯᠴᠢᠲᠡᠢ ᠃

ᠬᠥᠯᠥᠰᠥ ᠬᠢᠭᠡᠳ ᠭᠥᠯᠢᠰ

ᠬᠥᠯᠥᠰᠥ ᠪᠡᠨ ᠤᠷᠤᠰᠬᠠᠭᠰᠠᠨ

ᠬᠥᠳᠡᠯᠮᠦᠷᠢ ᠰᠠᠢᠬᠠᠨ ᠪᠠᠢᠳᠠᠭ ᠂

ᠬᠦᠵᠢ ᠰᠢᠲᠠᠭᠠᠭᠰᠠᠨ

ᠬᠦᠯᠢᠰ ᠭᠣᠶᠣᠬᠠᠨ ᠪᠠᠢᠳᠠᠭ ᠃

ᠬᠥᠯᠭᠡ ᠬᠢᠭᠡᠳ ᠬᠦᠯᠦᠭ

ᠬᠥᠬᠡ ᠨᠣᠮᠢᠨ ᠳᠠᠯᠠᠢ ᠳ᠋ᠤ᠌

ᠬᠥᠯᠭᠡ ᠣᠩᠭᠣᠴᠠ ᠰᠦᠯᠵᠢᠯᠳᠦᠨ᠎ᠡ ᠂

ᠬᠥᠳᠡᠭᠡ ᠨᠣᠭᠣᠭᠠᠨ ᠲᠠᠯ᠎ᠠ ᠳ᠋ᠤ᠌

ᠬᠦᠯᠦᠭ ᠮᠣᠷᠢᠳ ᠳᠠᠪᠬᠢᠯᠳᠤᠨ᠎ᠠ ᠃

ᠬᠥᠰᠢᠶ᠎ᠡ ᠬᠢᠭᠡᠳ ᠬᠥᠰᠢᠭᠡ

ᠮᠥᠩᠬᠡ ᠶ᠋ᠢᠨ ᠬᠥᠰᠢᠶ᠎ᠡ ᠪᠤᠰᠬᠠᠵᠤ

ᠦᠷᠡᠭᠲᠡᠭᠰᠡᠨ ᠪᠠᠭᠠᠲᠤᠷᠴᠤᠳ ᠢ᠋ᠶ᠋ᠠᠨ ᠳᠤᠷᠠᠰᠬᠠᠳᠠᠭ ᠂

ᠮᠥᠩᠭᠥᠨ ᠬᠥᠰᠢᠭᠡ ᠡᠯᠭᠦᠵᠦ

ᠦᠯᠢᠭᠡᠷ ᠺᠢᠨᠣ᠋ ᠪᠠᠨ ᠰᠣᠨᠢᠷᠬᠠᠳᠠᠭ ᠃

ᠬᠥᠰᠬᠡ ᠬᠢᠭᠡᠳ ᠬᠥᠰᠢᠭᠡ

ᠣᠲᠣᠷ ᠵᠤᠰᠠᠯᠠᠩ ᠳ᠋ᠤ᠌ ᠶᠠᠪᠤᠬᠤ ᠠ᠋ᠴᠠ

ᠬᠥᠰᠬᠡ ᠲᠡᠷᠭᠡ ᠵᠣᠬᠢᠶᠠᠯ᠎ᠠ ᠂

ᠣᠯᠠᠨ ᠳ᠋ᠤ᠌ ᠺᠢᠨᠣ᠋ ᠦᠵᠡᠭᠦᠯᠬᠦ ᠡᠴᠡ

ᠬᠥᠰᠢᠭᠡ ᠹᠢᠯᠢᠮ ᠪᠡᠯᠡᠳᠬᠡᠯ᠎ᠡ ᠃

ᠬᠥᠳᠡᠯ ᠬᠢᠭᠡᠳ ᠬᠥᠲᠥᠯ

ᠬᠠᠪᠤᠷ ᠤ᠋ᠨ ᠤᠯᠠᠷᠢᠯ ᠊ᠢ ᠵᠠᠪᠳᠤᠨ

ᠬᠠᠮᠤᠭ ᠣᠯᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠬᠥᠳᠡᠯ ᠂

ᠬᠣᠵᠢᠭᠢᠷ ᠮᠠᠩᠬ᠎ᠠ ᠬᠥᠲᠥᠯ ᠢ᠋ᠶ᠋ᠡᠨ

ᠬᠤᠷᠳᠤᠨ ᠲᠦᠷᠭᠡᠨ ᠨᠣᠭᠣᠭᠠᠷᠠᠭᠤᠯᠤᠶ᠎ᠠ ᠃

ᠬᠥᠵᠥᠷ ᠬᠢᠭᠡᠳ ᠭᠦᠵᠢᠷ

ᠬᠢᠴᠢᠶᠡᠯ ᠳᠠᠪᠲᠠᠯᠭ᠎ᠠ ᠶ᠋ᠢᠨ ᠴᠠᠭ ᠲᠠᠭᠠᠨ

ᠬᠥᠵᠥᠷ ᠪᠢᠲᠡᠭᠡᠢ ᠨᠠᠭᠠᠳ ᠂

ᠬᠢᠯᠢᠰ ᠭᠦᠵᠢᠷ ᠬᠡᠷᠡᠭ ᠊ᠢ

ᠬᠡᠨ ᠴᠦ᠍ ᠪᠢᠲᠡᠭᠡᠢ ᠦᠢᠯᠡᠳ ᠃

ᠬᠥᠷᠥᠬᠦ ᠬᠢᠭᠡᠳ ᠬᠦᠷᠬᠦ

ᠢᠮᠠᠭᠠᠨ ᠮᠢᠬ᠎ᠠ

ᠬᠥᠷᠥᠬᠦ ᠨᠢ ᠬᠤᠷᠳᠤᠨ ᠂

ᠶᠠᠪᠤᠭᠰᠠᠨ ᠬᠥᠮᠦᠨ

ᠬᠦᠷᠬᠦ ᠨᠢ ᠴᠢᠬᠤᠯᠠ ᠃

ᠬᠦᠢᠰ ᠬᠢᠭᠡᠳ ᠬᠦᠢᠰᠦ

ᠬᠦᠢᠰ ᠬᠦᠢᠰ ᠴᠡᠴᠡᠭ ᠰᠠᠢᠬᠠᠨ ᠂

ᠬᠦᠢᠰᠦ ᠬᠦᠢ

ᠴᠢᠨᠠᠷ ᠤ᠋ᠨ ᠢᠯᠭᠠᠯ ᠃

ᠬᠦᠯᠦᠭ ᠬᠢᠭᠡᠳ ᠭᠥᠯᠥᠭᠡ

ᠬᠦᠯᠦᠭ ᠮᠣᠷᠢᠨ ᠳ᠋ᠠᠭᠠᠨ ᠮᠣᠷᠳᠠᠭᠠᠳ

ᠬᠥᠳᠡᠭᠡ ᠲᠠᠯ᠎ᠠ ᠪᠠᠷ ᠳᠠᠪᠬᠢᠭᠤᠯᠤᠨ᠎ᠠ ᠂

ᠭᠥᠯᠥᠭᠡ ᠲᠠᠢᠭ᠎ᠠ ᠪᠠᠨ ᠳᠠᠭᠠᠭᠤᠯᠤᠭᠠᠳ

ᠭᠦᠨ ᠰᠢᠭᠤᠢ ᠪᠠᠷ ᠠᠶᠠᠯᠠᠨ᠎ᠠ ᠃

ᠬᠦᠳᠡᠷ ᠬᠢᠭᠡᠳ ᠬᠦᠳᠡᠷᠢ

ᠬᠥᠬᠡ ᠪᠣᠯᠣᠳ ᠲᠡᠮᠦᠷ ᠊ᠢ

ᠬᠦᠳᠡᠷ ᠡᠴᠡ ᠬᠠᠢᠯᠤᠭᠤᠯᠵᠤ ᠣᠯᠳᠠᠭ ᠂

ᠬᠥᠬᠥᠲᠡᠨ ᠠᠮᠢᠲᠠᠨ ᠬᠦᠳᠡᠷᠢ

ᠬᠦᠢᠰᠦᠨ ᠳ᠋ᠡᠭᠡᠨ ᠵᠢᠭᠠᠷ ᠬᠤᠷᠠᠮᠳᠤᠭᠤᠯᠳᠠᠭ ᠃

ᠬᠦᠷᠡᠩ ᠬᠢᠭᠡᠳ ᠬᠥᠷᠥᠩᠭᠡ

ᠬᠦᠷᠡᠩ ᠤᠯᠠᠭᠠᠨ ᠥᠩᠭᠡ ᠲᠡᠢ

ᠬᠦᠴᠦ ᠶᠡᠬᠡᠲᠡᠢ ᠲᠷᠠᠺᠲ᠋ᠣᠷ ᠪᠣᠯ

ᠬᠥᠭᠵᠢᠯ ᠠᠪᠠᠭ᠎ᠠ ᠶ᠋ᠢᠨ ᠬᠣᠪᠢᠨ ᠤ᠋

ᠬᠥᠷᠥᠩᠭᠡ ᠪᠠᠭᠠᠵᠢ ᠮᠥᠨ ᠃

ᠭᠠᠤᠯᠢ ᠬᠢᠭᠡᠳ ᠭᠠᠢᠯᠢ

ᠭᠠᠤᠯᠢ ᠮᠥᠩᠭᠥ

ᠲᠡᠮᠦᠷᠯᠢᠭ ᠦ᠋ᠨ ᠵᠦᠢᠯ ᠂

ᠭᠠᠢᠯᠢ ᠲᠠᠲᠠᠪᠤᠷᠢ

ᠲᠣᠭᠲᠠᠭᠠᠯ ᠶᠣᠰᠣ ᠃

ᠭᠠᠩ ᠬᠢᠭᠡᠳ ᠭᠠᠩᠭ᠎ᠠ

ᠤᠰᠤᠨ ᠭᠠᠩ

ᠰᠠᠪᠠ ᠬᠡᠷᠡᠭᠰᠡᠯ ᠂

ᠠᠭᠤᠯᠠᠨ ᠤ᠋ ᠭᠠᠩᠭ᠎ᠠ

ᠭᠣᠣ ᠨᠦᠬᠡ ᠃

ᠭᠠᠷᠠᠬ᠎ᠠ ᠬᠢᠭᠡᠳ ᠭᠠᠷᠠᠭ

ᠭᠠᠷᠠᠬ᠎ᠠ ᠪᠠᠭᠤᠤ ᠬᠣᠶᠠᠷ ᠢ᠋ᠶ᠋ᠠᠨ

ᠭᠠᠩᠭᠠᠩ ᠰᠠᠢᠬᠠᠨ ᠵᠢᠷᠤᠶ᠎ᠠ ᠂

ᠭᠠᠷᠠᠭ ᠣᠳᠣᠨ ᠳ᠋ᠤ᠌ ᠭᠠᠷᠤᠭᠠᠳ

ᠭᠠᠢᠬᠠᠭᠤᠯᠵᠤ ᠪᠠᠢᠬᠤ ᠪᠠᠷ ᠵᠢᠷᠤᠶ᠎ᠠ ᠃

ᠭᠠᠷᠴᠠᠭ ᠬᠢᠭᠡᠳ ᠭᠠᠷᠴᠠᠭ᠎ᠠ

ᠣᠯᠠᠨ ᠠᠷᠪᠢᠨ ᠨᠣᠮ ᠤ᠋ᠨ

ᠭᠠᠷᠴᠠᠭ ᠊ᠢ ᠯᠡ ᠤᠩᠰᠢᠭᠠᠳ ᠪᠣᠯᠬᠤ ᠦᠭᠡᠢ ᠂

ᠤᠴᠢᠷ ᠠᠭᠤᠯᠭ᠎ᠠ ᠶ᠋ᠢ ᠨᠢ ᠨᠢᠭᠲᠠᠯᠠᠬᠤ ᠨᠢ

ᠭᠠᠷᠴᠠᠭ᠎ᠠ ᠦᠭᠡᠢ ᠴᠢᠬᠤᠯᠠ ᠰᠢᠦ ᠃

ᠭᠡᠳᠡᠰᠦ ᠬᠢᠭᠡᠳ ᠭᠡᠳᠡᠰ

ᠭᠡᠳᠡᠰᠦ ᠨᠠᠷᠢᠬᠠᠨ

ᠲᠠᠤᠯᠠᠢ ᠪᠠᠢᠨ᠎ᠠ ᠂

ᠭᠡᠳᠡᠰ ᠭᠣᠳᠣᠰ

ᠲᠣᠭᠯᠠᠵᠤ ᠪᠠᠢᠨ᠎ᠠ ᠃

ᠭᠡᠵᠢᠭᠡ ᠬᠢᠭᠡᠳ ᠬᠢᠵᠢᠭ

ᠭᠡᠵᠢᠭᠡ ᠦᠰᠦ ᠪᠡᠨ ᠰᠠᠮᠨᠠᠵᠤ

ᠡᠭᠡᠯ ᠪᠣᠷᠣᠭᠵᠢᠭᠤᠨ ᠶᠠᠪᠤᠭᠠᠷᠠᠢ ᠂

ᠬᠢᠵᠢᠭ ᠡᠪᠡᠳᠴᠢᠨ ᠊ᠢ ᠰᠡᠷᠭᠡᠢᠯᠡᠵᠦ

ᠡᠷᠡᠭᠦᠯ ᠴᠢᠬᠢᠷᠡᠭ ᠪᠣᠢᠵᠢᠭᠠᠷᠠᠢ ᠃

ᠭᠡᠷ ᠬᠢᠭᠡᠳ ᠬᠡᠷᠦ

ᠥᠰᠴᠦ ᠪᠣᠢᠵᠢᠬᠰᠠᠨ

ᠥᠯᠥᠭᠡᠢ ᠳᠤᠯᠠᠭᠠᠨ ᠭᠡᠷ ᠂

ᠥᠨᠳᠥᠷ ᠠᠭᠤᠯᠠᠨ ᠤ᠋

ᠥᠪᠴᠢ ᠨᠣᠭᠣᠭᠠᠨ ᠬᠡᠷᠦ ᠃

ᠭᠡᠷ ᠬᠢᠭᠡᠳ ᠭᠡᠷ᠎ᠡ

ᠭᠡᠷ ᠪᠠᠢᠰᠢᠩ ᠭᠡᠳᠡᠭ ᠴᠢᠨᠢ

ᠲᠤᠯᠭᠠᠭᠤᠷᠢ ᠦᠭᠡᠢ ᠪᠡᠷ ᠪᠣᠯᠤᠨ᠎ᠠ ‍ᠤᠤ ᠳᠠ ᠂

ᠭᠡᠷ᠎ᠡ ᠪᠢᠴᠢᠭ ᠭᠡᠳᠡᠭ ᠴᠢᠨᠢ

ᠲᠠᠮᠠᠭ᠎ᠠ ᠦᠭᠡᠢ ᠪᠡᠷ ᠪᠣᠯᠤᠨ᠎ᠠ ‍ᠤᠤ ᠳᠠ ᠃

ᠭᠣᠷ ᠬᠢᠭᠡᠳ ᠭᠤᠷ᠎ᠠ

ᠭᠣᠷ ᠦᠰᠦᠭ

ᠡᠪᠬᠡᠮᠡᠯ ᠦᠰᠦᠭ ᠦ᠋ᠨ ᠲᠢᠭ ᠂

ᠭᠤᠷ᠎ᠠ ᠵᠦᠷ

ᠡᠷ᠎ᠡ ᠡᠮ᠎ᠡ ᠭᠥᠷᠥᠭᠡᠰᠦ ᠃

ᠭᠤᠤᠷ ᠬᠢᠭᠡᠳ ᠭᠤᠷ᠎ᠠ

ᠠᠷᠠᠰᠤ ᠮᠢᠬᠠᠨ ᠤ᠋ ᠵᠠᠪᠰᠠᠷ

ᠭᠤᠤᠷ ᠬᠣᠷᠣᠬᠠᠢ ᠪᠠᠢᠳᠠᠭ ᠂

ᠠᠭᠤᠯᠠ ᠳᠠᠪᠠᠭ᠎ᠠ ᠶ᠋ᠢᠨ ᠬᠠᠪᠴᠢᠯ ᠳ᠋ᠤ᠌

ᠭᠤᠷ᠎ᠠ ᠵᠦᠷ ᠪᠡᠯᠴᠢᠳᠡᠭ ᠃

ᠭᠤᠶ᠎ᠠ ᠬᠢᠭᠡᠳ ᠭᠣᠶᠣ

ᠲᠡᠮᠦᠷ ᠬᠠᠢᠴᠢᠨ ᠤ᠋

ᠬᠠᠪᠴᠢᠭᠤᠷ ᠭᠤᠶ᠎ᠠ ᠂

ᠲᠦᠮᠡᠨ ᠴᠡᠴᠡᠭ ᠦ᠋ᠨ

ᠭᠣᠶᠣ ᠳᠡᠯᠪᠢ ᠃

ᠭᠤᠸᠠ ᠬᠢᠭᠡᠳ ᠭᠤᠸ᠋᠎ᠠ

ᠭᠤᠸᠠ ᠵᠢᠮᠢᠰ ᠦ᠋ᠨ ᠰᠠᠢᠨ ᠨᠢ

ᠠᠮᠲᠠ ᠳ᠋ᠤᠨᠢ ᠪᠠᠢᠳᠠᠭ ᠂

ᠭᠤᠸ᠋᠎ᠠ ᠬᠡᠭᠡᠨᠴᠢᠷ ᠦ᠋ᠨ ᠰᠠᠢᠬᠠᠨ ᠨᠢ

ᠥᠩᠭᠡᠨ ᠳ᠋ᠦ᠍ᠨᠢ ᠪᠠᠢᠳᠠᠭ ᠃

ᠬᠦᠷᠦᠭᠡ ᠬᠢᠭᠡᠳ ᠭᠦᠷᠡᠭᠡ

ᠠᠭᠯᠠᠭ ᠠᠭᠤᠯᠠᠨ ᠳ᠋ᠤ᠌ ᠪᠠᠢᠳᠠᠭ

ᠠᠩ ᠬᠦᠷᠦᠭᠡ ᠰᠠᠢᠬᠠᠨ ᠂

ᠠᠰ ᠤ᠋ᠨ ᠪᠡᠶ᠎ᠡ ᠳ᠋ᠦ᠍ ᠪᠠᠢᠳᠠᠭ

ᠠᠮᠢᠨ ᠭᠦᠷᠡᠭᠡ ᠴᠢᠬᠤᠯᠠ ᠃

ᠭᠦᠪᠢᠭᠦᠷ ᠬᠢᠭᠡᠳ ᠬᠥᠪᠥᠭᠦᠷ

ᠰᠡᠷᠢᠭᠦᠴᠡᠬᠦ ᠭᠦᠪᠢᠭᠦᠷ

ᠰᠠᠯᠬᠢ ᠲᠠᠲᠠᠨ᠎ᠠ ᠂

ᠳᠣᠪᠣᠭᠣᠷ ᠬᠥᠪᠥᠭᠦᠷ

ᠳᠣᠪᠣᠢᠨ ᠬᠠᠷᠠᠭᠳᠠᠨ᠎ᠠ ᠃