ᠮᠣᠩᠭᠣᠯ ᠦᠰᠦᠭ ᠮᠣᠯᠣᠷ ᠡᠷᠳᠡᠨᠢ-ᠳᠦᠷᠰᠦ ᠣᠢᠷᠠᠯᠴᠠᠭ᠎ᠠ ᠦᠭᠡᠰ-ᠠ ᠠᠢᠮᠠᠭ Монгол үсэг молор эрдэнэ-дүрс ойролцоо үгс ᠰᠢᠯᠦᠭ ᠢᠷᠠᠭᠤ ᠨᠠᠢᠷᠠᠭ

ᠠᠤᠭ᠎ᠠ ᠬᠢᠭᠡᠳ ᠠᠭᠤᠤ

ᠠᠵᠢᠯ ᠰᠤᠷᠤᠯᠭ᠎ᠠ ᠳ᠋ᠠᠭᠠᠨ ᠴᠢᠷᠮᠠᠢᠭᠠᠳ ᠠᠤᠭ᠎ᠠ ᠪᠦᠲᠦᠭᠡᠯ ᠭᠠᠷᠭᠠᠶ᠎ᠠ ᠂

ᠠᠭᠤᠤ ᠶᠡᠬᠡ ᠦᠢᠯᠡᠰ ᠲᠡᠭᠡᠨ ᠠᠷᠢᠭᠤᠨ ᠵᠢᠳᠬᠦᠯ ᠡᠷᠭᠦᠶ᠎ᠡ ᠃

ᠠᠨᠠᠷ ᠬᠢᠭᠡᠳ ᠠᠨᠢᠷ

ᠠᠯᠲᠠᠨ ᠨᠠᠮᠤᠷ ᠪᠣᠯᠪᠠᠰᠤᠷᠠᠭᠰᠠᠨ ᠠᠨᠠᠷ ᠵᠢᠮᠢᠰ ᠢ᠋ᠶ᠋ᠡᠨ ᠲᠡᠭᠦᠶ᠎ᠡ ᠂

ᠠᠨᠢᠷ ᠴᠢᠮᠡᠭᠡ ᠳᠤᠭᠤᠯᠳᠠᠭᠰᠠᠨ ᠠᠨᠢᠶ᠎ᠠ ᠨᠠᠷ ᠲᠠᠭᠠᠨ ᠬᠦᠷᠭᠡᠶ᠎ᠡ ᠃

ᠠᠩᠬᠢᠯᠤᠭᠰᠠᠨ ᠬᠢᠭᠡᠳ ᠠᠩᠭᠢᠯᠠᠭᠰᠠᠨ

ᠲᠣᠰᠣᠨ ᠤ᠋ ᠦᠨᠦᠷ ᠠᠩᠬᠢᠯᠤᠭᠰᠠᠨ ᠲᠣᠷᠭᠠᠨ ᠨᠣᠭᠣᠭᠠᠨ ᠲᠠᠯ᠎ᠠ ᠪᠠᠷ

ᠳᠤᠭᠤᠢᠯᠠᠩ ᠪᠦᠯᠦᠭ ᠠᠩᠭᠢᠯᠠᠭᠰᠠᠨ ᠳᠣᠷᠪᠢᠯᠢᠭ ᠪᠠᠭᠠᠴᠤᠳ ᠠᠢᠰᠤᠢ ᠃

ᠠᠪ ᠬᠢᠭᠡᠳ ᠠᠪᠠ

ᠠᠬᠠᠮᠠᠳ ᠤ᠋ᠨ ᠢ᠋ᠶ᠋ᠠᠨ ᠰᠤᠷᠭᠠᠯ ᠊ᠢ ᠠᠶᠤᠤᠯᠢᠬᠠᠢ ᠳ᠋ᠠᠭᠠᠨ ᠴᠡᠭᠡᠵᠢᠯᠡᠵᠦ ᠠᠪ ᠂

ᠠᠪᠠ ᠬᠣᠮᠣᠷᠭ᠎ᠠ ᠬᠢᠬᠦ ᠳ᠋ᠡᠭᠡᠨ ᠠᠶᠤᠯ ᠪᠠᠷᠲᠠᠭ᠎ᠠ ᠶ᠋ᠢ ᠬᠢᠴᠢᠶᠡ ᠃

ᠠᠪᠠᠬᠠᠢ ᠬᠢᠭᠡᠳ ᠠᠪᠠᠭᠠᠢ

ᠠᠷᠪᠠᠨ ᠨᠠᠢ᠍ᠮᠠᠨ ᠨᠠᠰᠤ ᠲᠠᠢ ᠠᠯᠠᠭ ᠲᠡᠷᠯᠢᠭ ᠲᠡᠢ ᠠᠪᠠᠬᠠᠢ ᠂

ᠠᠳᠠᠯ ᠭᠡᠷ ᠢ᠋ᠶ᠋ᠡᠨ ᠴᠢᠮᠡᠭᠯᠡᠳᠡᠭ ᠠᠵᠢᠯᠴᠢ ᠴᠡᠪᠡᠷᠬᠡᠨ ᠠᠪᠠᠭᠠᠢ ᠃

ᠠᠪᠠᠭ᠎ᠠ ᠬᠢᠭᠡᠳ ᠠᠪᠤᠭ᠎ᠠ

ᠠᠪᠠᠭ᠎ᠠ ᠡᠵᠢ ᠪᠡᠨ ᠳᠠᠭᠠᠵᠤ ᠠᠲᠠᠷ ᠬᠡᠭᠡᠷ᠎ᠡ ᠭᠠᠷᠤᠨ᠎ᠠ ᠂

ᠠᠪᠤᠭ᠎ᠠ ᠨᠣᠭᠣᠭ᠎ᠠ ᠲᠡᠭᠦᠵᠦ ᠠᠳᠠᠯ ᠭᠡᠷ ᠲᠡᠭᠡᠨ ᠠᠪᠴᠢᠷᠠᠨ᠎ᠠ ᠃

ᠠᠪᠤᠭᠠᠢ ᠬᠢᠭᠡᠳ ᠠᠪᠠᠭᠠᠢ

ᠠᠬ᠎ᠠ ᠵᠠᠬᠠᠰ ᠤ᠋ᠨ ᠬᠥᠮᠦᠨ ᠊ᠢ ᠠᠪᠤᠭᠠᠢ ᠭᠡᠵᠦ ᠳᠠᠭᠤᠳᠠᠭᠠᠷᠠᠢ !

ᠠᠬᠢᠮᠠᠭ ᠨᠠᠰᠤᠨ ᠤ᠋ ᠡᠮᠡᠭᠲᠡᠢ ᠶ᠋ᠢ ᠠᠪᠠᠭᠠᠢ ᠭᠡᠵᠦ ᠬᠦᠨᠳᠦᠳᠬᠡᠭᠡᠷᠡᠢ !

ᠠᠪᠤᠷᠢ ᠬᠢᠭᠡᠳ ᠠᠪᠠᠷᠢ

ᠠᠪᠤᠷᠢ ᠵᠠᠩ ᠢ᠋ᠶ᠋ᠠᠨ ᠵᠠᠰᠠᠵᠤ ᠠᠰᠪᠤᠷᠢ

ᠴᠠᠭᠠᠪᠤᠷ ᠶᠠᠪᠤ ᠂

ᠠᠯᠲᠠᠨ ᠰᠣᠶᠣᠯ ᠤ᠋ᠨ ᠣᠷᠭᠢᠯ ᠳ᠋ᠤ᠌ ᠠᠯᠮᠠᠰ ᠵᠣᠷᠢᠭ ᠢ᠋ᠶ᠋ᠠᠷ ᠠᠪᠠᠷᠢ ᠃

 

ᠠᠬᠠᠷ ᠬᠢᠭᠡᠳ ᠠᠬᠤᠷ

ᠠᠮᠢᠳᠤᠷᠠᠯ ᠠᠬᠤᠢ ᠶ᠋ᠢᠨ ᠶᠠᠪᠤᠴᠠ ᠳ᠋ᠤ᠌ ᠠᠬᠠᠷ ᠰᠠᠬᠠᠷ ᠵᠦᠢᠯ ᠳᠠᠭᠠᠷᠠᠳᠠᠭ ᠃

ᠠᠳᠤᠭᠤᠯᠠᠵᠤ ᠶᠠᠪᠤᠭ᠎ᠠ ᠰᠦᠷᠦᠭ ᠲᠦ᠍ ᠮᠢᠨᠢ ᠠᠬᠤᠷ ᠦᠰᠦ ᠲᠡᠢ ᠬᠣᠨᠢ ᠴᠤ᠌ ᠪᠠᠢᠳᠠᠭ ᠃

ᠠᠭᠠᠷ ᠬᠢᠭᠡᠳ ᠠᠭᠤᠷ

ᠠᠭᠠᠷ ᠳᠡᠭᠡᠭᠦᠷ ᠨᠢᠰᠳᠡᠭ ᠠᠯᠠᠭ ᠡᠷᠢᠶᠡᠨ ᠪᠣᠯᠵᠣᠮᠣᠷ ᠂

ᠠᠭᠤᠷ ᠤᠲᠤᠭ᠎ᠠ ᠰᠠᠪᠰᠠᠭᠤᠯᠳᠠᠭ ᠠᠵᠤ ᠦᠢᠯᠡᠳᠪᠦᠷᠢ ᠶ᠋ᠢᠨ ᠬᠤᠯᠠᠩ ᠃

ᠠᠭᠠᠷᠴᠠ ᠬᠢᠭᠡᠳ ᠠᠭᠠᠷᠴᠠᠭ

ᠠᠢᠷᠠᠭ ᠲᠠᠷᠠᠭ ᠤ᠋ᠨ ᠵᠦᠢᠯ ᠳ᠋ᠦ᠍ ᠠᠭᠠᠷᠴᠠ ᠬᠡᠳᠦᠢ ᠢᠰᠬᠦᠯᠡᠩ ᠪᠣᠢ ᠂

ᠠᠷᠤᠭ ᠶᠠᠰᠤᠨ ᠤ᠋ ᠬᠡᠯᠬᠢᠶ᠎ᠡ ᠳ᠋ᠦ᠍ ᠠᠭᠠᠷᠴᠠᠭ ᠬᠡᠳᠦᠢ ᠢᠳᠡᠷᠡᠭᠦᠨ ᠪᠣᠢ ᠃

ᠠᠭᠤᠢ ᠬᠢᠭᠡᠳ ᠠᠭᠤᠤ

ᠠᠭᠤᠯᠠ ᠬᠠᠳᠠᠨ ᠳ᠋ᠤ᠌ ᠠᠭᠤᠢ ᠨᠦᠬᠡ ᠪᠠᠢᠳᠠᠭ ᠂

ᠠᠭᠤᠳᠠᠮ ᠲᠠᠯ᠎ᠠ ᠳ᠋ᠤ᠌ ᠠᠭᠤᠤ ᠦᠢᠯᠡᠰ ᠪᠣᠰᠳᠠᠭ ᠃

ᠠᠭᠤᠯᠠ ᠬᠢᠭᠡᠳ ᠤᠯᠠ

ᠠᠯᠲᠠᠨ ᠬᠢᠯᠢ ᠪᠡᠨ ᠬᠠᠮᠠᠭᠠᠯᠠᠬᠤ ᠪᠠᠷ ᠠᠬ᠎ᠠ ᠮᠢᠨᠢ ᠴᠡᠷᠢᠭ ᠲᠦ᠍ ᠮᠣᠷᠳᠠᠭᠰᠠᠨ ᠂

ᠠᠯᠤᠰ ᠤ᠋ᠨ ᠴᠡᠩᠬᠡᠷ ᠠᠭᠤᠯᠠᠨ ᠳ᠋ᠤ᠌ ᠤᠯᠠ ᠮᠥᠷ ᠨᠢ ᠳᠤᠷᠠᠢᠭᠰᠠᠨ ᠃

ᠠᠭᠤᠴᠢᠯᠠᠵᠤ ᠬᠢᠭᠡᠳ ᠤᠭᠤᠴᠠᠯᠠᠵᠤ

ᠣᠰᠣᠯ ᠪᠤᠷᠤᠭᠤ ᠪᠠᠨ ᠮᠠᠲᠠᠷᠠᠭᠰᠠᠳ ᠊ᠢ ᠠᠭᠤᠴᠢᠯᠠᠵᠤ ᠬᠡᠯᠲᠦᠷᠢᠭᠦᠯᠬᠦ ᠶᠣᠰᠣ ᠪᠣᠢ ᠂

ᠤᠭᠤᠴᠠ ᠶ᠋ᠢ ᠪᠦᠬᠦᠯᠢ ᠪᠡᠷ ᠴᠢᠨᠠᠭᠠᠳ ᠤᠭᠤᠴᠠᠯᠠᠵᠤ ᠳᠠᠢᠯᠠᠬᠤ ᠵᠠᠩᠰᠢᠯ ᠴᠤ᠌ ᠪᠣᠢ ᠃

ᠠᠭᠤᠵᠢᠮ ᠬᠢᠭᠡᠳ ᠠᠭᠤᠳᠠᠮ

ᠰᠠᠨᠠᠭ᠎ᠠ ᠰᠡᠳᠬᠢᠯ ᠨᠢ ᠠᠭᠤᠵᠢᠮ ᠰᠠᠢᠬᠠᠨ ᠵᠠᠩ ᠲᠠᠢ ᠬᠥᠮᠦᠨ ᠪᠠᠢᠨᠠᠮ ᠂

ᠰᠠᠷᠠᠭᠤᠯ ᠲᠠᠯ᠎ᠠ ᠨᠢ ᠠᠭᠤᠳᠠᠮ ᠰᠣᠳᠣᠨ ᠴᠢᠮᠡᠭᠲᠦ ᠨᠤᠲᠤᠭ ᠪᠠᠢᠨᠠᠮ ᠃

ᠠᠭᠤᠷ ᠬᠢᠭᠡᠳ ᠤᠭᠤᠷ

ᠤᠰᠤᠨ ᠤ᠋ ᠠᠭᠤᠷ ᠲᠠᠭᠳᠠᠪᠠᠯ ᠡᠭᠦᠯᠡ ᠪᠣᠷᠣᠭᠠᠨ ᠪᠣᠯᠳᠠᠭ ᠂

ᠤᠷᠢᠳᠤ ᠶ᠋ᠢᠨ ᠴᠠᠭ ᠤ᠋ᠨ ᠮᠣᠩᠭᠣᠯᠴᠤᠳ ᠣᠭᠣᠷ ᠲᠤ᠌ ᠪᠤᠳᠠᠭ᠎ᠠ ᠨᠦᠳᠦᠳᠡᠭ ᠃

ᠠᠭᠤᠷᠰᠤ ᠬᠢᠭᠡᠳ ᠠᠭᠤᠷᠠᠰᠤ

ᠠᠭᠤᠳᠠᠮ ᠣᠭᠲᠠᠷᠭᠤᠢ ᠳᠡᠭᠡᠭᠦᠷ ᠠᠭᠤᠷᠰᠤ ᠰᠢᠪᠠᠭᠤ ᠨᠢᠰᠦᠨ᠎ᠡ ᠂

ᠠᠭᠤᠯᠠ ᠣᠪᠣᠭ᠎ᠠ ᠰᠢᠭ᠋ ᠪᠠᠶᠠᠨ ᠡᠳ᠋ ᠠᠭᠤᠷᠠᠰᠤ ᠪᠢᠯᠬᠠᠨ᠎ᠠ ᠃

ᠠᠭᠲᠠ ᠬᠢᠭᠡᠳ ᠠᠨᠳᠠ

ᠠᠭᠲᠠ ᠮᠣᠷᠢᠨ ᠳ᠋ᠠᠭᠠᠨ ᠮᠣᠷᠳᠠᠵᠤ ᠡᠬᠡ ᠰᠤᠷᠭᠠᠭᠤᠯᠢ ᠳ᠋ᠠᠭᠠᠨ ᠣᠴᠢᠶ᠎ᠠ ᠂

ᠠᠨᠳᠠ ᠨᠥᠬᠥᠳ ᠲᠡᠢ ᠪᠡᠨ ᠪᠦᠯᠬᠦᠮᠳᠡᠵᠦ ᠡᠷᠳᠡᠮ ᠰᠣᠶᠣᠯ ᠳ᠋ᠤ᠌ ᠰᠢᠮᠳᠠᠶ᠎ᠠ ᠃

ᠠᠮᠠ ᠬᠢᠭᠡᠳ ᠠᠮᠤ

ᠠᠮᠠ ᠠᠮᠠ ᠪᠠᠷ ᠡᠮᠬᠦᠵᠦ ᠠᠮᠤ ᠪᠤᠳᠠᠭ᠎ᠠ ᠢᠳᠡᠬᠦ ᠳ᠋ᠡᠭᠡᠨ

ᠠᠮᠤ ᠪᠤᠳᠠᠭᠠᠨ ᠤ᠋ ᠢᠷᠡᠯᠲᠡ ᠶ᠋ᠢ ᠠᠰᠠᠭᠤᠵᠤ ᠮᠡᠳᠡᠬᠦ ᠴᠢᠬᠤᠯᠠ ᠲᠠᠢ ᠃

ᠠᠮᠠᠷ ᠬᠢᠭᠡᠳ ᠠᠮᠠᠷᠠ

ᠠᠮᠠᠷ ᠳᠥᠭᠥᠮ ᠠᠵᠢᠯ ᠊ᠢ ᠨᠢ ᠠᠨᠳᠠ ᠨᠥᠬᠥᠳ ᠲᠡᠭᠡᠨ ᠥᠭᠭᠦᠶ᠎ᠡ

ᠠᠵᠢᠯ ᠠ᠋ᠴᠠ ᠢᠷᠡᠬᠦ ᠬᠥᠮᠦᠰ ᠊ᠢ ᠠᠮᠠᠷᠠ ᠭᠡᠵᠦ ᠲᠣᠬᠣᠨᠢᠭᠤᠯᠤᠶ᠎ᠠ ᠃

ᠠᠮᠢᠨᠴᠢᠷ ᠬᠢᠭᠡᠳ ᠠᠮᠠᠨᠴᠢᠷ

ᠥᠪᠡᠷ ᠦ᠋ᠨ ᠠᠮᠢ ᠪᠠᠨ ᠪᠣᠳᠣᠳᠠᠭ ᠠᠮᠢᠨᠴᠢᠷ ᠬᠥᠮᠦᠨ ᠪᠣᠢ ᠂

ᠦᠭᠡ ᠬᠡᠯᠡ  ᠳ᠋ᠡᠭᠡᠨ ᠰᠠᠢᠨ ᠠᠮᠠᠨᠴᠢᠷ ᠬᠥᠮᠦᠨ ᠴᠦ᠍ ᠪᠣᠢ ᠃

ᠠᠮᠤ ᠬᠢᠭᠡᠳ ᠠᠮᠢ

ᠬᠥᠮᠥᠷᠭᠡ ᠳᠦᠭᠦᠷᠡᠩ ᠠᠮᠤ ᠪᠤᠳᠠᠭ᠎ᠠ ᠪᠠᠢᠨ᠎ᠠ

ᠬᠥᠮᠦᠨ ᠠᠮᠢᠲᠠᠨ ᠳ᠋ᠤ᠌ ᠠᠮᠢ ᠭᠣᠣᠯ ᠪᠠᠢᠨ᠎ᠠ ᠃

ᠠᠮᠤᠰᠤ ᠬᠢᠭᠡᠳ ᠠᠮᠰᠠ

ᠠᠭᠰᠢᠭᠠᠭᠰᠠᠨ ᠲᠣᠰᠣ ᠲᠠᠢ ᠠᠮᠤᠰᠤ ᠪᠠᠨ ᠠᠶᠠᠭᠠᠯᠠᠵᠤ ᠲᠠᠨ ᠳ᠋ᠠᠭᠠᠨ ᠪᠠᠷᠢᠶ᠎ᠠ ᠂

ᠠᠯᠤᠰ ᠠ᠋ᠴᠠ ᠢᠷᠠᠭᠰᠠᠨ ᠵᠣᠴᠢᠳ ᠮᠢᠨᠢ ᠠᠶᠠᠷᠬᠠᠨ ᠰᠠᠭᠤᠭᠠᠳ ᠠᠮᠰᠠ ᠃

ᠠᠷᠴᠢᠭᠤᠷ ᠬᠢᠭᠡᠳ ᠠᠯᠴᠢᠭᠤᠷ

ᠴᠡᠯᠡᠭᠡᠷ ᠨᠣᠭᠣᠭᠠᠨ ᠲᠠᠷᠢᠶ᠎ᠠ ᠪᠠᠨ ᠠᠷᠴᠢᠭᠤᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠠᠷᠴᠢᠨ᠎ᠠ ᠂

ᠴᠡᠴᠡᠭ ᠬᠤᠸᠠᠷ ᠲᠠᠢ ᠠᠯᠴᠢᠭᠤᠷ ᠢ᠋ᠶ᠋ᠠᠨ ᠠᠨᠢᠶ᠎ᠠ ᠨᠠᠷ ᠲᠠᠭᠠᠨ ᠪᠡᠯᠡᠭᠯᠡᠨ᠎ᠡ ᠃

ᠡᠨᠳᠡᠬᠢ ᠬᠢᠭᠡᠳ ᠡᠨᠳᠡᠬᠦ

ᠡᠨᠳᠡᠬᠢ ᠭᠠᠵᠠᠷ ᠤ᠋ᠨ ᠪᠠᠢᠴᠠ ᠶ᠋ᠢ ᠡᠰᠡ ᠮᠡᠳᠡᠪᠡᠯ ᠲᠠᠨᠠᠷ ᠂

ᠡᠨᠳᠡᠬᠦ ᠶᠠᠪᠤᠳᠠᠯ ᠭᠠᠷᠬᠤ ᠶ᠋ᠢ ᠡᠷᠬᠡᠪᠰᠢ ᠬᠢᠴᠢᠶᠡᠵᠦ ᠶᠠᠪᠤ ᠃

 

ᠡᠪᠡᠰᠦ ᠬᠢᠭᠡᠳ ᠡᠪᠰᠡ

ᠡᠪᠡᠰᠦ ᠨᠣᠭᠣᠭ᠎ᠠ ᠴᠡᠯᠡᠭᠡᠷ ᠡᠭᠡᠷᠡᠮ᠎ᠡ ᠲᠠᠯ᠎ᠠ ᠲᠡᠨᠢᠭᠡᠷ ᠂

ᠰᠠᠢᠨ ᠣᠯᠠᠨ ᠬᠥᠮᠦᠰ ᠲᠡᠢ ᠰᠠᠨᠠᠭ᠎ᠠ ᠰᠡᠳᠬᠢᠯ ᠡᠪᠰᠡ ᠃

 

ᠡᠪᠦᠭᠡ ᠬᠢᠭᠡᠳ ᠥᠪᠥᠭ

ᠪᠤᠭᠤᠷᠤᠯ ᠡᠪᠦᠭᠡ ᠮᠢᠨᠢ ᠰᠠᠬᠠᠯ ᠲᠠᠢ ᠂ ᠪᠤᠶᠠᠨ ᠴᠠᠭᠠᠨ ᠰᠠᠬᠠᠯ ᠲᠠᠢ ᠃

ᠪᠥᠪᠡᠭᠡᠯᠵᠢ ᠰᠢᠪᠠᠭᠤ ᠥᠪᠥᠭ ᠲᠡᠢ ᠪᠥᠳ ᠪᠥᠳ ᠳᠠᠭᠤ ᠲᠠᠢ ᠃

 

ᠡᠪᠦᠭᠡᠷᠡᠬᠦ ᠬᠢᠭᠡᠳ ᠡᠪᠬᠡᠷᠡᠬᠦ

ᠡᠷᠳᠡᠮ ᠮᠡᠳᠡᠯᠭᠡ ᠡᠰᠡ ᠰᠤᠷᠪᠠᠯ ᠡᠪᠦᠭᠡᠷᠡᠬᠦ ᠦᠶᠡᠰ ᠲᠡᠭᠡᠨ ᠬᠠᠷᠠᠮᠰᠠᠨ᠎ᠠ ᠂

ᠡᠪᠬᠡᠷᠡᠬᠦ ᠡᠭᠦᠯᠡᠰ ᠊ᠢ ᠳᠠᠭᠠᠭᠠᠳ ᠡᠷᠳᠡᠨᠢᠲᠦ ᠴᠠᠭ ᠮᠢᠨᠢ ᠵᠠᠮᠬᠠᠷᠠᠨ᠎ᠠ ᠃

 

ᠡᠪᠦᠷ ᠬᠢᠭᠡᠳ ᠥᠪᠡᠷ

ᠡᠵᠢ ᠶ᠋ᠢᠨ ᠳᠤᠯᠠᠭᠠᠨ ᠡᠪᠦᠷ ᠭᠡᠭᠴᠢ ᠡᠷᠪᠡᠢ ᠮᠢᠨᠦ ᠥᠯᠥᠭᠡᠢ ᠰᠢᠦ ᠂

ᠥᠪᠡᠷ ᠦ᠋ᠨ ᠶᠠᠳᠠᠷᠠᠯ ᠢ᠋ᠶ᠋ᠠᠨ ᠲᠡᠪᠴᠢᠭᠡᠳ ᠥᠰᠬᠡᠵᠦ ᠮᠠᠨ ᠊ᠢ ᠬᠥᠮᠦᠵᠢᠭᠦᠯᠦᠭᠰᠡᠨ ᠰᠢᠦ ᠃

 

ᠡᠪᠦᠷ ᠬᠢᠭᠡᠳ ᠡᠪᠡᠷ

ᠡᠪᠦᠷ ᠳᠠᠬᠢ ᠬᠡᠦᠬᠡᠳ ᠨᠢ ᠣᠬᠢᠯᠠᠮᠠᠭᠴᠠ ᠡᠵᠢ ᠨᠢ ᠨᠣᠢᠷ ᠠ᠋ᠴᠠ ᠪᠠᠨ ᠰᠡᠷᠡᠯ᠎ᠡ ᠂

ᠡᠪᠡᠷ ᠢ᠋ᠶ᠋ᠡᠷ ᠬᠢᠭᠰᠡᠨ ᠤᠭᠵᠢ ᠪᠠᠷ ᠢ᠋ᠶ᠋ᠠᠨ ᠡᠩᠬᠦᠷᠡᠢ ᠬᠦᠦ ᠪᠡᠨ ᠲᠡᠵᠢᠭᠡᠯ᠎ᠡ ᠃

 

ᠡᠬᠡ ᠬᠢᠭᠡᠳ ᠡᠬᠢ

ᠬᠥᠮᠦᠨ ᠠᠮᠢᠲᠠᠨ ᠪᠦᠬᠦᠨ ᠳ᠋ᠦ᠍ ᠡᠬᠡ ᠡᠴᠢᠭᠡ ᠭᠡᠵᠦ ᠪᠠᠢᠨ᠎ᠠ ᠂

ᠬᠦᠷᠴᠢᠭᠢᠨᠡᠨ ᠤᠷᠤᠰᠬᠤ ᠭᠣᠣᠯ ᠳ᠋ᠤ᠌ ᠴᠤ᠌ ᠡᠬᠢ ᠪᠤᠯᠠᠭ ᠭᠡᠵᠦ ᠪᠠᠢᠨ᠎ᠠ ᠃

 

ᠡᠭᠡᠵᠦ ᠬᠢᠭᠡᠳ ᠡᠭᠡᠭᠡᠵᠦ

ᠡᠳᠦᠷ ᠦ᠋ᠨ ᠨᠠᠷᠠᠨ ᠤ᠋ ᠬᠠᠯᠠᠭᠤᠨ ᠳ᠋ᠤ᠌ ᠡᠷᠦᠬᠡ ᠭᠡᠷ ᠲᠡᠭᠡᠨ ᠡᠭᠡᠵᠦ ᠢᠷᠡᠯ᠎ᠡ ᠃

ᠡᠮᠦᠰᠦᠭᠰᠡᠨ ᠬᠤᠪᠴᠠᠰᠤ ᠪᠠᠨ ᠤᠬᠢᠶᠠᠭᠠᠳ ᠡᠭᠡᠭᠡᠵᠦ ᠬᠠᠲᠠᠭᠠᠬᠤ ᠪᠠᠷ ᠲᠠᠯᠪᠢᠯ᠎ᠠ ᠃

 

ᠡᠭᠡᠮ ᠬᠢᠭᠡᠳ ᠡᠭᠡᠮ᠎ᠡ

ᠡᠩᠬᠦᠷᠡᠢ ᠪᠠᠭ᠎ᠠ ᠳᠡᠭᠦᠦ ᠨᠠᠷ ᠮᠢᠨᠢ ᠡᠭᠡᠮ ᠦ᠋ᠨ ᠶᠠᠰᠤ ᠪᠠᠨ ᠬᠢᠴᠢᠶᠡ ᠂

ᠡᠭᠡᠮ᠎ᠡ ᠬᠠᠯᠠᠭᠤᠨ ᠡᠳᠦᠷ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠊ᠢ ᠠᠩᠬᠠᠷ ᠃

 

ᠡᠭᠡᠯ ᠬᠢᠭᠡᠳ ᠡᠭᠡᠯᠢ

ᠡᠭᠡᠯ ᠵᠢᠷ ᠦ᠋ᠨ ᠮᠠᠯᠴᠢᠨ ᠠᠪᠠᠭ᠎ᠠ ᠰᠠᠢᠬᠠᠨ ᠂

ᠡᠭᠡᠯᠢ ᠵᠠᠩ ᠲᠠᠢ ᠡᠶᠡᠯᠰᠡᠭ ᠬᠥᠮᠦᠨ ᠶᠤᠮᠰᠠᠨ ᠃

 

ᠡᠭᠡᠷᠡᠵᠦ ᠬᠢᠭᠡᠳ ᠡᠷᠢᠵᠦ

ᠴᠢᠯᠥᠭᠡᠲᠡᠢ ᠰᠠᠭᠤᠭᠰᠠᠨ ᠬᠥᠭᠰᠢᠨ ᠤᠲᠠᠰᠤ ᠡᠭᠡᠷᠡᠵᠦ ᠰᠠᠭᠤᠨ᠎ᠠ ᠂

ᠴᠢᠬᠤᠯᠳᠠᠵᠤ ᠶᠠᠪᠤᠭᠰᠠᠨ ᠡᠪᠦᠭᠡᠨ ᠦᠬᠡᠷ ᠡᠷᠢᠵᠦ ᠬᠠᠲᠠᠷᠢᠭᠤᠯᠤᠨ᠎ᠠ ᠃

 

ᠡᠭᠦᠳᠡ ᠬᠢᠭᠡᠳ ᠡᠭᠦᠳ

ᠰᠣᠶᠣᠯ ᠮᠡᠳᠡᠯᠭᠡ ᠶ᠋ᠢ ᠡᠵᠡᠮᠰᠢᠬᠦ ᠪᠡᠷ ᠰᠤᠷᠭᠠᠭᠤᠯᠢ ᠶ᠋ᠢᠨ ᠡᠭᠦᠳᠡ ᠶ᠋ᠢ ᠠᠯᠬᠤᠯ᠎ᠠ ᠂

ᠰᠣᠷᠭᠣᠭ ᠪᠢᠯᠢᠭ ᠢ᠋ᠶ᠋ᠡᠨ ᠬᠤᠷᠴᠠᠯᠠᠭᠠᠳ ᠰᠣᠳᠣᠨ ᠪᠦᠲᠦᠭᠡᠯ ᠡᠭᠦᠳ ᠃

 

ᠡᠭᠦᠷᠯᠡᠬᠦ ᠬᠢᠭᠡᠳ ᠡᠭᠦᠷᠭᠡᠯᠡᠬᠦ

ᠡᠷᠡᠦ ᠴᠠᠭᠠᠨ ᠰᠢᠪᠠᠭᠤ ᠡᠭᠦᠷᠯᠡᠬᠦ ᠪᠡᠷ ᠢᠷᠡᠯ᠎ᠡ ᠂

ᠡᠨᠳᠡᠬᠢ ᠶ᠋ᠢᠨ ᠠᠵᠢᠯ ᠢ᠋ᠶ᠋ᠠᠨ ᠪᠢ ᠡᠭᠦᠷᠭᠡᠯᠡᠬᠦ ᠪᠡᠷ ᠪᠣᠯᠤᠯ᠎ᠠ ᠃

 

ᠡᠭᠴᠡ ᠬᠢᠭᠡᠳ ᠡᠭᠡᠴᠢ

ᠡᠭᠴᠡ ᠥᠨᠳᠥᠷ ᠬᠠᠳᠠ ᠶ᠋ᠢ ᠴᠠᠰᠤ ᠬᠤᠴᠢᠪᠠ ᠂

ᠡᠭᠡᠴᠢ ᠳᠡᠭᠦᠦ ᠬᠣᠶᠠᠭᠤᠯᠠ ᠡᠲᠡᠭᠡᠳ ᠬᠣᠯᠠ ᠠᠶᠠᠯᠠᠪᠠ ᠃

 

ᠡᠮᠬᠢ ᠬᠢᠭᠡᠳ ᠡᠮᠬᠦ

ᠡᠮᠬᠢ ᠵᠢᠷᠤᠮ ᠊ᠢ ᠰᠠᠢᠲᠤᠷ  ᠰᠠᠬᠢᠶ᠎ᠠ ᠂

ᠡᠮᠬᠦ ᠪᠤᠳᠠᠭ᠎ᠠ ᠶ᠋ᠢ ᠴᠦ᠍ ᠪᠤᠤ ᠠᠰᠬᠠᠶ᠎ᠠ ᠃

 

ᠡᠮᠴᠢ ᠬᠢᠭᠡᠳ ᠥᠮᠴᠢ

ᠡᠪᠡᠳᠴᠢᠨ ᠡᠮᠭᠡᠭ ᠊ᠢ ᠵᠠᠰᠠᠳᠠᠭ ᠡᠮᠴᠢ ᠶ᠋ᠢᠨ ᠡᠷᠳᠡᠮ ᠰᠠᠢᠬᠠᠨ ᠂

ᠡᠨᠡ ᠪᠡᠶ᠎ᠡ ᠶ᠋ᠢᠨ ᠥᠮᠴᠢ ᠡᠷᠳᠡᠮ ᠨᠣᠮ ᠰᠠᠢᠬᠠᠨ ᠃

 

ᠡᠯᠡᠭᠲᠡᠵᠦ ᠬᠢᠭᠡᠳ ᠡᠯᠢᠭᠡᠳᠡᠵᠦ

ᠲᠠᠲᠠᠯᠭ᠎ᠠ ᠳᠡᠭᠡᠰᠦ ᠡᠯᠡᠭᠲᠡᠵᠦ ᠪᠠᠷᠠᠨ᠎ᠠ ᠂

ᠲᠠᠯ᠎ᠠ ᠳ᠋ᠤ᠌ ᠪᠢᠳᠡ ᠡᠯᠢᠭᠡᠳᠡᠵᠦ ᠬᠡᠪᠲᠡᠨ᠎ᠡ ᠃

 

ᠡᠯᠢᠬᠦ ᠬᠢᠭᠡᠳ ᠡᠯᠡᠬᠦ

ᠡᠯᠢᠶ᠎ᠡ ᠰᠢᠪᠠᠭᠤ ᠡᠯᠢᠬᠦ ᠰᠠᠢᠬᠠᠨ ᠂

ᠡᠮᠦᠰᠦᠭᠰᠡᠨ ᠬᠤᠪᠴᠠᠰᠤ ᠡᠯᠡᠬᠦ ᠮᠠᠭᠤᠬᠠᠢ ᠃

 

ᠡᠯᠢᠶ᠎ᠡ ᠬᠢᠭᠡᠳ ᠡᠯᠢᠭᠡ

ᠡᠯᠢᠶ᠎ᠡ ᠡᠯᠢᠶ᠎ᠡ ᠡᠷᠭᠢ ᠳᠡᠭᠡᠷ᠎ᠡ ᠂

ᠡᠯᠢᠭᠡ ᠵᠢᠷᠦᠬᠡ ᠴᠡᠭᠡᠵᠢᠨ ᠳᠣᠲᠣᠷ᠎ᠠ ᠃

 

ᠡᠯᠢᠵᠦ ᠬᠢᠭᠡᠳ ᠡᠯᠡᠭᠯᠡᠵᠦ

ᠡᠯᠢᠶ᠎ᠡ ᠰᠢᠪᠠᠭᠤ ᠡᠯᠢᠵᠦ ᠨᠢᠰᠬᠦ ᠰᠠᠢᠬᠠᠨ ᠂

ᠡᠩᠬᠦᠷᠡᠢ ᠨᠥᠬᠥᠳ ᠢ᠋ᠶ᠋ᠡᠨ ᠡᠯᠡᠭᠯᠡᠵᠦ ᠳᠣᠭᠣᠭᠢᠯᠠᠬᠤ ᠮᠠᠭᠤᠬᠠᠢ ᠃

 

ᠡᠯᠳᠡᠭᠦᠷ ᠬᠢᠭᠡᠳ ᠡᠯᠳᠡᠭᠦᠷᠢ

ᠨᠤᠬᠤᠭᠰᠠᠨ ᠭᠤᠯᠢᠷ ᠨᠢᠮᠭᠡᠯᠡᠬᠦ ᠳ᠋ᠦ᠍ ᠮᠣᠳᠣᠨ ᠡᠯᠳᠡᠭᠦᠷ ᠪᠣᠢ ᠂

ᠨᠣᠢᠲᠠᠨ ᠠᠷᠠᠰᠤ ᠡᠯᠳᠡᠬᠦ ᠳ᠋ᠦ᠍ ᠲᠡᠮᠦᠷ ᠡᠯᠳᠡᠭᠦᠷᠢ ᠴᠦ᠍ ᠪᠣᠢ ᠃

 

ᠡᠰᠡᠨ ᠬᠢᠭᠡᠳ ᠡᠰᠡ

ᠡᠯᠳᠡᠪ ᠡᠰᠡᠨ ᠮᠠᠭᠤ ᠬᠡᠷᠡᠭ ᠊ᠢ ᠡᠷᠡᠰ ᠪᠢᠲᠡᠭᠡᠢ ᠬᠢᠭᠡᠷᠡᠢ ᠂

ᠡᠰᠡ ᠦᠢᠯᠡᠲᠦᠭᠰᠡᠨ ᠪᠣᠯᠪᠠᠴᠤ ᠡᠭᠡᠨᠡᠭᠲᠡ ᠬᠢᠴᠢᠶᠡᠵᠦ ᠶᠠᠪᠤᠭᠠᠷᠠᠢ ᠃

 

ᠡᠰᠡᠷᠭᠦ ᠬᠢᠭᠡᠳ ᠡᠰᠡᠷᠭᠦᠦ

ᠡᠰᠡᠷᠭᠦ ᠡᠰᠡᠷᠭᠦ ᠪᠡᠨ ᠬᠠᠨᠳᠤᠵᠤ ᠡᠶ᠎ᠡ ᠡᠪᠲᠡᠢ ᠢᠨᠢᠶᠡᠯᠴᠡᠵᠦ ᠶᠠᠪᠤ ᠂

ᠡᠰᠡᠷᠭᠦᠦ ᠲᠡᠷᠰᠯᠡᠭᠦᠦ ᠠᠭᠠᠰᠢᠯᠠᠪᠠᠯ ᠡᠷᠡᠰ ᠲᠡᠮᠡᠴᠡᠯ ᠬᠢᠵᠦ ᠶᠠᠪᠤ ᠃

 

ᠡᠰᠬᠡᠬᠦ ᠬᠢᠭᠡᠳ ᠢᠰᠬᠡᠬᠦ

ᠬᠠᠷ᠎ᠠ ᠲᠣᠷᠭ᠎ᠠ ᠪᠠᠨ ᠬᠠᠢᠴᠢ ᠪᠠᠷ ᠡᠰᠬᠡᠬᠦ ᠭᠣᠶᠣᠬᠠᠨ

ᠰᠠᠭᠠᠭᠰᠠᠨ ᠰᠦ ᠪᠡᠨ ᠰᠠᠢᠲᠤᠷ  ᠢᠰᠬᠡᠬᠦ ᠰᠠᠢᠬᠠᠨ ᠃

 

ᠡᠳᠡ ᠬᠢᠭᠡᠳ ᠡᠳ᠋

ᠡᠳᠡ ᠬᠣᠶᠠᠭᠤᠯᠠ ᠪᠠᠨ ᠬᠤᠷᠰᠢᠵᠤ ᠡᠳ᠋ ᠪᠠᠷᠠᠭ᠎ᠠ ᠠᠪᠴᠢᠷᠠᠳᠠᠭ ᠂

ᠡᠪᠦᠯ ᠦ᠋ᠨ ᠬᠡᠷᠡᠭᠰᠡᠯ ᠊ᠢ ᠬᠠᠩᠭᠠᠭᠠᠳ ᠡᠷᠦᠬᠡ ᠪᠦᠬᠦᠨ ᠊ᠢ ᠪᠠᠶᠠᠰᠬᠠᠳᠠᠭ ᠃

 

ᠡᠷᠡᠨ ᠬᠢᠭᠡᠳ ᠡᠷᠢᠨ

ᠰᠣᠳᠣᠨ ᠰᠠᠢᠬᠠᠨ ᠡᠷᠡᠨ ᠳ᠋ᠡᠭᠡᠨ ᠰᠣᠶᠣᠯ ᠡᠵᠡᠮᠰᠢᠭᠡᠳ ᠪᠢᠰᠢᠷᠡᠯᠲᠡᠢ

ᠰᠦᠮ᠎ᠡ ᠬᠡᠢᠳ ᠡᠷᠢᠨ ᠰᠦᠰᠦᠭᠯᠡᠨ ᠮᠥᠷᠭᠦᠭᠰᠠᠳ ᠢᠨᠢᠶᠡᠯᠲᠡᠢ ᠃

 

ᠡᠷᠡᠬᠡᠭᠡ ᠬᠢᠭᠡᠳ ᠡᠷᠡᠭᠡ

ᠡᠷᠡᠬᠡᠭᠡ ᠭᠡᠵᠦ ᠪᠢᠴᠢᠭᠰᠡᠨ ᠪᠣᠯ ᠡᠪᠡᠳᠴᠢᠨ ᠨᠢ ᠳᠠᠬᠢᠭᠠᠳ ᠡᠮᠰᠡᠭ ᠪᠣᠯᠵᠠᠢ ᠂

ᠡᠷᠡᠭᠡ ᠭᠡᠵᠦ ᠬᠡᠯᠡᠭᠰᠡᠨ ᠪᠣᠯ ᠢᠷᠠᠭᠰᠠᠳ ᠨᠢ ᠳᠠᠩᠴᠢ ᠵᠣᠴᠢᠷᠬᠠᠭ ᠪᠣᠯᠵᠠᠢ ᠃

 

ᠡᠷᠡᠭᠦᠦ ᠬᠢᠭᠡᠳ ᠡᠷᠡᠦ

ᠡᠷᠡᠭᠦᠦ ᠶ᠋ᠢᠨ ᠬᠠᠤᠯᠢ ᠬᠤᠷᠴᠠ ᠲᠣᠳᠣ ᠡᠷᠡᠨ ᠦ᠌ ᠠᠮᠢᠳᠤᠷᠠᠯ ᠪᠠᠲᠤᠯᠠᠭᠠᠲᠠᠢ ᠂

ᠡᠷᠡᠦ ᠬᠤᠭᠤᠷ ᠤ᠋ᠨ ᠡᠭᠡᠰᠢᠭ ᠬᠠᠩᠭᠢᠨᠠᠮ᠎ᠠ ᠡᠷᠦᠬᠡ ᠪᠦᠬᠦᠨ ᠵᠢᠷᠭᠠᠯᠲᠠᠢ ᠃

 

ᠡᠷᠢᠭᠡ ᠬᠢᠭᠡᠳ ᠡᠷᠬᠡ

ᠡᠷᠢᠭᠡ ᠮᠠᠨᠢ ᠲᠣᠭᠠᠯᠠᠭᠠᠳ ᠡᠷᠬᠡ ᠴᠢᠯᠥᠭᠡ ᠣᠯᠤᠭᠰᠠᠨ ᠪᠢᠰᠢ ᠂

ᠡᠪ ᠬᠠᠮᠲᠤ ᠨᠠᠮ ᠤ᠋ᠨ ᠠᠴᠢ ᠪᠠᠷ ᠡᠩᠬᠡ ᠵᠢᠷᠭᠠᠯ ᠊ᠢ ᠡᠲᠯᠡᠵᠡᠢ ᠃

 

ᠡᠷᠦᠬᠦ ᠬᠢᠭᠡᠳ ᠡᠷᠡᠬᠦ

ᠠᠪᠤ ᠮᠢᠨᠢ ᠠᠷᠤ ᠶ᠋ᠢᠨ ᠬᠠᠰᠢᠶᠠᠨ ᠳ᠋ᠠᠭᠠᠨ ᠠᠯᠮᠠᠨ ᠬᠤᠳᠳᠤᠭ ᠡᠷᠦᠬᠦ ᠳ᠋ᠦ᠍

ᠠᠬ᠎ᠠ ᠮᠢᠨᠢ ᠡᠭᠦᠳᠡᠨ ᠡᠮᠦᠨ᠎ᠡ ᠪᠡᠨ ᠠᠳᠤᠭᠤᠨ ᠤᠷᠭ᠎ᠠ ᠪᠠᠨ ᠡᠷᠡᠬᠦ ᠪᠡᠷ ᠭᠠᠷᠪᠠ ᠃

 

ᠡᠷᠬᠡ ᠬᠢᠭᠡᠳ ᠡᠷᠡᠭᠡ

ᠡᠷᠬᠡ ᠴᠢᠯᠥᠭᠡᠲᠦ ᠠᠮᠢᠳᠤᠷᠠᠯ ᠳ᠋ᠤ᠌ ᠡᠷᠳᠡᠮ ᠰᠤᠷᠬᠤ ᠵᠢᠷᠭᠠᠯ ᠲᠠᠢ ᠂

ᠡᠷᠡᠭᠡ ᠵᠢᠷᠣᠭ᠎ᠠ ᠦᠭᠡᠢ ᠶᠠᠪᠤᠯᠴᠠᠬᠤ ᠳ᠋ᠤ᠌ ᠡᠶᠡᠯᠰᠡᠭ ᠨᠥᠬᠥᠳ ᠬᠠᠢᠷ᠎ᠠ ᠲᠠᠢ ᠃

 

ᠡᠷᠬᠡᠯᠡᠬᠦ ᠬᠢᠭᠡᠳ ᠡᠷᠬᠢᠯᠡᠬᠦ

ᠡᠴᠢᠭᠡ ᠡᠬᠡ ᠳ᠋ᠡᠭᠡᠨ ᠡᠷᠬᠡᠯᠡᠬᠦ ᠮᠠᠭᠤᠬᠠᠢ ᠂

ᠡᠳᠦᠷ ᠦ᠋ᠨ ᠠᠵᠢᠯ ᠢ᠋ᠶ᠋ᠠᠨ ᠡᠷᠬᠢᠯᠡᠬᠦ ᠰᠠᠢᠬᠠᠨ ᠃

 

ᠡᠷᠭᠢ ᠬᠢᠭᠡᠳ ᠡᠷᠬᠡ

ᠡᠷᠭᠢ ᠶ᠋ᠢᠨ ᠬᠥᠪᠡᠭᠡᠨ ᠳ᠋ᠦ᠍ ᠨᠠᠭᠠᠳᠪᠠᠯ ᠡᠭᠡᠨᠡᠭᠲᠡ ᠠᠶᠤᠯ ᠲᠠᠢ ᠪᠠᠢᠳᠠᠭ ᠂

ᠡᠷᠬᠡ ᠠᠰᠢᠭ ᠲᠤ᠌ ᠰᠢᠨᠤᠪᠠᠯ ᠡᠭᠦᠷᠢᠳᠡ ᠵᠢᠭᠰᠢᠯ ᠲᠡᠢ ᠪᠣᠯᠳᠠᠭ ᠃

 

ᠡᠷᠭᠦᠬᠦ ᠬᠢᠭᠡᠳ ᠦᠷᠭᠦᠬᠦ

ᠠᠴᠢ ᠵᠢᠳᠬᠦᠯ ᠢ᠋ᠶ᠋ᠡᠨ ᠡᠷᠭᠦᠬᠦ ᠠᠷᠠᠳ ᠤ᠋ᠨ ᠬᠦᠦ ᠭᠠᠪᠢᠶᠠᠲᠠᠢ ᠂

ᠠᠳᠤᠭᠤ ᠮᠠᠯ ᠦᠷᠭᠦᠬᠦ ᠳ᠋ᠦ᠍ ᠬᠣᠲᠠᠴᠢ ᠨᠣᠬᠠᠢ ᠭᠠᠪᠢᠶᠠᠲᠠᠢ ᠃

ᠢᠩ ᠬᠢᠭᠡᠳ ᠢᠩᠭᠡ

ᠢᠩ ᠲᠡᠭᠡᠷᠮ᠎ᠡ ᠬᠥᠯᠵᠦ ᠬᠠᠭᠤᠷᠠᠢ ᠠᠮᠤ ᠴᠠᠢᠯᠭᠠᠲᠠᠭ ᠂

ᠢᠩᠭᠡ ᠪᠣᠲᠣᠭᠣ ᠪᠠᠨ ᠳᠠᠭᠠᠭᠤᠯᠵᠤ ᠬᠠᠯᠠᠭᠠᠢ ᠢᠳᠡᠬᠦ ᠪᠡᠷ ᠶᠠᠪᠤᠳᠠᠭ ᠃

 

ᠢᠬᠡᠷ᠎ᠡ ᠬᠢᠭᠡᠳ ᠢᠬᠢᠷ

ᠢᠬᠡᠷ᠎ᠡ ᠲᠥᠷᠥᠭᠰᠡᠨ ᠠᠬ᠎ᠠ ᠳᠡᠭᠦᠦ ᠮᠡᠲᠦ

ᠡᠩᠬᠦᠷᠡᠢ ᠨᠥᠬᠥᠳ ᠲᠡᠢ ᠪᠡᠨ ᠪᠦᠯᠬᠦᠮᠳᠡᠭᠡᠳ ᠂

ᠢᠬᠢᠷ ᠰᠢᠬᠢᠷ ᠶᠠᠪᠤᠳᠠᠯ ᠳ᠋ᠤ᠌

ᠡᠪ ᠨᠠᠢᠷ ᠢ᠋ᠶ᠋ᠠᠨ ᠪᠤᠤ ᠡᠪᠳᠡᠯᠡᠶ᠎ᠡ ᠃

 

ᠢᠯᠡ ᠬᠢᠭᠡᠳ ᠶᠠᠯ᠎ᠠ

ᠢᠯᠡ ᠳᠠᠯᠳᠠ ᠤᠳᠬ᠎ᠠ ᠶ᠋ᠢ ᠨᠢ

ᠰᠢᠨᠵᠢᠯᠡᠵᠦ ᠵᠠᠳᠠᠯᠬᠤ ᠤᠴᠢᠷ ᠲᠠᠢ ᠂

ᠶᠠᠯ᠎ᠠ ᠨᠢᠭᠦᠯ ᠬᠣᠶᠠᠷ ᠊ᠢ

ᠰᠢᠳᠬᠡᠵᠦ ᠲᠣᠷᠭᠠᠬᠤ ᠴᠢᠬᠤᠯᠠ ᠲᠠᠢ ᠃

 

ᠢᠯᠠᠭ᠎ᠠ ᠬᠢᠭᠡᠳ ᠢᠮᠠᠭ᠎ᠠ

ᠬᠣᠣᠷ ᠲᠠᠷᠢᠵᠤ ᠶᠠᠪᠤᠳᠠᠭ

ᠬᠣᠣᠰ ᠵᠢᠭᠦᠷ ᠲᠡᠢ ᠢᠯᠠᠭ᠎ᠠ ᠂

ᠬᠣᠲᠠ ᠤᠰᠤ ᠪᠠᠨ ᠴᠢᠮᠡᠳᠡᠭ

ᠬᠣᠶᠠᠷ ᠡᠪᠡᠷ ᠲᠡᠢ ᠢᠮᠠᠭ᠎ᠠ

 

ᠢᠯᠠᠮ᠎ᠠ ᠬᠢᠭᠡᠳ ᠠᠯᠢᠮ᠎ᠠ

ᠲᠣᠷᠭ᠎ᠠ ᠰᠢᠭ᠋ ᠢᠯᠠᠮ᠎ᠠ ᠶ᠋ᠢᠨ ᠮᠣᠳᠣᠨ ᠳ᠋ᠤ᠌

ᠲᠤᠩ ᠠᠮᠲᠠ ᠲᠠᠢ ᠵᠢᠮᠢᠰ ᠰᠠᠭᠤᠳᠠᠭ ᠂

ᠲᠣᠰᠣᠨ ᠰᠢᠷᠭᠠᠯ ᠨᠠᠮᠤᠷ ᠲᠤ᠌

ᠲᠣᠭᠣᠷ ᠠᠯᠢᠮ᠎ᠠ ᠪᠣᠯᠪᠠᠰᠤᠷᠠᠳᠠᠭ ᠃

 

ᠢᠯᠠᠮ᠎ᠠ ᠬᠢᠭᠡᠳ ᠶᠠᠯᠢᠮ

ᠢᠯᠠᠮ᠎ᠠ ᠶ᠋ᠢᠨ ᠮᠣᠳᠣᠨ ᠤ᠋ ᠰᠡᠭᠦᠳᠡᠷ ᠲᠦ᠍

ᠢᠷᠵᠠᠢᠵᠤ ᠰᠠᠭᠤᠯ᠎ᠠ ᠪᠢᠳᠡ ᠂

ᠶᠠᠯᠢᠮ ᠦᠭᠡᠢ ᠤᠴᠢᠷ ᠊ᠢ

ᠶᠠᠷᠢᠯᠴᠠᠵᠤ ᠰᠠᠭᠤᠯ᠎ᠠ ᠪᠢᠳᠡ ᠃

 

ᠢᠯᠢᠭᠦᠷ ᠬᠢᠭᠡᠳ ᠢᠯᠡᠦᠷ

ᠢᠯᠢᠭᠦᠷ ᠪᠠᠷᠢᠵᠤ

ᠬᠠᠰᠢᠶ᠎ᠠ ᠪᠠᠨ ᠰᠢᠪᠠᠵᠤ ᠰᠤᠷᠤᠶ᠎ᠠ ᠂

ᠢᠯᠡᠦᠷ ᠠᠳᠬᠤᠵᠤ

ᠬᠤᠪᠴᠠᠰᠤ ᠪᠠᠨ ᠵᠠᠰᠠᠵᠤ ᠶᠠᠪᠤᠶ᠎ᠠ ᠃

 

ᠢᠯᠢᠳᠦ ᠬᠢᠭᠡᠳ ᠢᠯᠳᠦ

ᠪᠡᠶ᠎ᠡ ᠳ᠋ᠦ᠍ ᠭᠠᠷᠤᠭᠰᠠᠨ ᠢᠯᠢᠳᠦ ᠪᠡᠨ

ᠡᠮ ᠢ᠋ᠶ᠋ᠡᠷ ᠵᠠᠰᠠᠵᠤ ᠠᠷᠢᠯᠭᠠᠨ᠎ᠠ ᠂

ᠪᠠᠷᠢᠵᠤ ᠶᠠᠪᠤᠳᠠᠭ ᠢᠯᠳᠦ ᠪᠡᠨ

ᠡᠪᠲᠡᠢ ᠰᠠᠢᠬᠠᠨ ᠬᠤᠷᠢᠶᠠᠨ᠎ᠠ ᠃

 

ᠢᠯᠴᠢ ᠬᠢᠭᠡᠳ ᠡᠯᠴᠢᠨ

ᠠᠭᠠᠭᠢᠮ᠎ᠠ ᠵᠤᠨ ᠤ᠋ ᠨᠠᠷᠠ

ᠰᠢᠳᠡᠮ᠎ᠡ ᠬᠠᠯᠠᠭᠤᠨ ᠢᠯᠴᠢ ᠲᠡᠢ

ᠠᠯᠪᠠᠨ ᠶᠠᠪᠤᠳᠠᠯ ᠰᠢᠢᠳᠪᠦᠷᠢᠯᠡᠳᠡᠭ

ᠲᠤᠰᠬᠠᠢ ᠡᠯᠴᠢᠨ ᠰᠠᠢᠳ ᠲᠠᠢ ᠃

 

ᠢᠲᠠᠭᠤ ᠬᠢᠭᠡᠳ ᠶᠠᠳᠠᠭᠤ

ᠮᠠᠩᠬ᠎ᠠ ᠪᠤᠷᠭᠠᠰᠤ ᠳᠤᠮᠳᠠᠭᠤᠷ

ᠢᠲᠠᠭᠤ ᠨᠢᠰᠬᠦ ᠰᠠᠢᠬᠠᠨ ᠂

ᠮᠠᠯᠴᠢᠨ ᠠᠪᠠᠭ᠎ᠠ ᠶ᠋ᠢᠨ ᠠᠮᠢᠳᠤᠷᠠᠯ

ᠶᠠᠳᠠᠭᠤ ᠠ᠋ᠴᠠ ᠠᠩᠭᠢᠵᠢᠷᠠᠭᠰᠠᠨ ᠰᠠᠢᠬᠠᠨ ᠃

 

ᠢᠳᠡᠷ ᠬᠢᠭᠡᠳ ᠢᠳᠡᠷ᠎ᠡ

ᠢᠳᠡᠷ ᠵᠠᠯᠠᠭᠤ ᠨᠠᠰᠤᠨ ᠳ᠋ᠠᠭᠠᠨ

ᠡᠷᠳᠡᠮ ᠮᠡᠳᠡᠯᠭᠡ ᠰᠤᠷᠴᠤ ᠶᠠᠪᠤ ᠂

ᠡᠵᠢ ᠠᠪᠤ ᠪᠠᠨ ᠬᠠᠪᠰᠤᠷᠴᠤ

ᠢᠳᠡᠷ᠎ᠡ ᠨᠣᠭᠣᠭ᠎ᠠ ᠲᠡᠭᠦᠵᠦ ᠥᠭ ᠃

 

ᠢᠵᠢᠯ ᠬᠢᠭᠡᠳ ᠢᠵᠢᠯᠢ

ᠢᠵᠢᠯ ᠳᠠᠭᠤᠳᠠᠯᠭ᠎ᠠ ᠲᠠᠢ ᠦᠭᠡᠰ ᠊ᠢ

ᠡᠷᠢᠵᠦ ᠪᠠᠢᠭᠠᠳ ᠰᠤᠷᠤᠶ᠎ᠠ ᠂

ᠢᠵᠢᠯᠢ ᠳᠠᠰᠤᠯ ᠪᠣᠯᠭᠠᠭᠠᠳ

ᠡᠪᠴᠢᠭᠦᠦ ᠴᠡᠭᠡᠵᠢᠨ ᠳ᠋ᠡᠭᠡᠨ ᠬᠠᠲᠠᠶ᠎ᠠ ᠃

 

ᠢᠷ ᠬᠢᠭᠡᠳ ᠢᠷ᠎ᠡ

ᠬᠢᠲᠤᠭᠠᠨ ᠢᠷ ᠢ᠋ᠶ᠋ᠡᠨ ᠬᠤᠷᠴᠠᠯᠠᠭᠠᠳ

ᠬᠤᠷᠳᠤᠨ ᠢᠷ᠎ᠡ ᠂ ᠳᠠᠢᠴᠢᠳ  ᠮᠢᠨᠢ ᠂

ᠬᠠᠯᠳᠠᠷ᠎ᠠ ᠢᠷᠡᠬᠦ ᠳᠠᠢᠰᠤᠨ ᠊ᠢ

ᠬᠠᠷᠢᠯᠲᠠ ᠦᠭᠡᠢ ᠤᠰᠠᠳᠬᠠᠶ᠎ᠠ ᠃

 

ᠢᠷᠠᠭ᠎ᠠ ᠬᠢᠭᠡᠳ ᠢᠷᠡᠭ

ᠳᠥᠯᠭᠡᠨ ᠤᠰᠤᠨ ᠤ᠋ ᠳᠡᠭᠡᠭᠦᠷ

ᠢᠷᠠᠭ᠎ᠠ ᠳᠣᠯᠭᠢᠶᠠᠨ ᠭᠠᠷᠤᠨ᠎ᠠ ᠂

ᠲᠥᠯ ᠮᠠᠯ ᠤᠨᠲᠠᠬᠤ ᠳ᠋ᠠᠭᠠᠨ

ᠢᠷᠡᠭ ᠬᠡᠪᠢᠬᠦ ᠰᠣᠨᠣᠰᠳᠠᠨ᠎ᠠ ᠃

 

ᠢᠷᠠᠭᠰᠠᠨ ᠬᠢᠭᠡᠳ ᠢᠷᠠᠭᠰᠠᠨ

ᠡᠷᠢᠶᠡᠨ ᠠᠯᠴᠢᠭᠤᠷ ᠊ᠢ ᠴᠢᠨᠢ ᠢᠷᠠᠭᠰᠠᠨ ᠴᠢᠨᠢ

ᠡᠪᠯᠢᠭ ᠲᠠᠨ ᠊ᠢ ᠪᠡᠨ ᠲᠠᠨᠢᠯ᠎ᠠ ᠂

ᠡᠲᠡᠭᠡᠳ ᠬᠣᠯᠠ ᠠ᠋ᠴᠠ ᠢᠷᠠᠭᠰᠠᠨ ᠳ᠋ᠤ᠌ ᠴᠢᠨᠢ

ᠡᠷᠬᠢᠮ ᠬᠦᠨᠳᠦᠳᠬᠡᠯ ᠳᠡᠪᠰᠢᠭᠦᠯᠦᠶ᠎ᠡ ᠃

 

ᠢᠷᠦᠭᠡᠯ ᠬᠢᠭᠡᠳ ᠢᠷᠣᠭᠠᠷ

ᠢᠷᠦᠭᠡᠯ ᠲᠡᠢ ᠳ᠋ᠡᠭᠡᠨ ᠤᠴᠠᠷᠠᠵᠤ

ᠢᠪᠡᠭᠡᠯ ᠲᠡᠢ ᠳ᠋ᠡᠭᠡᠨ ᠲᠠᠨᠢᠯᠴᠠᠨ᠎ᠠ ᠂

ᠢᠷᠣᠭᠠᠷ ᠲᠠᠢ ᠳ᠋ᠠᠭᠠᠨ ᠲᠣᠭᠲᠠᠵᠤ

ᠶᠠᠪᠤᠳᠠᠯ ᠲᠠᠢ ᠳ᠋ᠠᠭᠠᠨ ᠪᠦᠲᠦᠨ᠎ᠡ ᠃

 

ᠢᠷᠬᠦ ᠬᠢᠭᠡᠳ ᠢᠷᠡᠬᠦ

ᠬᠡᠲᠦᠷᠡᠲᠡᠯ᠎ᠡ ᠢᠳᠡᠭᠡᠳ

ᠢᠷᠬᠦ ᠭᠡᠳᠡᠭ ᠰᠢᠪᠰᠢᠭ ᠂

ᠬᠡᠭᠡᠷ᠎ᠡ ᠶᠠᠪᠤᠭᠠᠳ

ᠢᠷᠡᠬᠦ ᠭᠡᠳᠡᠭ ᠰᠠᠢᠬᠠᠨ ᠃

 

ᠢᠷᠭᠠᠢ ᠬᠢᠭᠡᠳ ᠢᠷᠭᠤᠢ

ᠠᠭᠤᠯᠠ ᠨᠢᠷᠤᠭᠤᠨ ᠤ᠋

ᠢᠷᠭᠠᠢ ᠮᠣᠳᠣ ᠭᠠᠩᠭᠠᠩ ᠂

ᠠᠭᠤᠳᠠᠮ ᠲᠠᠯ᠎ᠠ ᠶ᠋ᠢᠨ

ᠢᠷᠭᠤᠢ ᠴᠡᠴᠡᠭ ᠭᠣᠶᠣᠬᠠᠨ ᠃

 

ᠢᠷᠮᠡᠬᠦ ᠬᠢᠭᠡᠳ ᠢᠷᠮᠡᠭ

ᠬᠠᠷ᠎ᠠ ᠠᠯᠠᠭ ᠨᠢᠳᠦ ᠪᠡᠨ

ᠬᠠᠯᠲᠤ ᠢᠷᠮᠡᠬᠦ ᠶ᠋ᠢᠨ ᠵᠠᠭᠤᠷ᠎ᠠ ᠂

ᠬᠠᠨᠵᠤᠨ ᠢᠷᠮᠡᠭ ᠲᠦ᠍ ᠰᠠᠭᠤᠭᠰᠠᠨ

ᠬᠠᠩᠭᠠᠢ ᠬᠦᠦ ᠠᠯᠠᠭ᠎ᠠ ᠃

 

ᠣᠨ ᠬᠢᠭᠡᠳ ᠣᠨᠢ

ᠣᠨ ᠣᠨ ᠳ᠋ᠤ᠌

ᠦᠢᠯᠡᠰ ᠴᠢᠨᠢ ᠰᠠᠴᠤᠷᠠᠭᠠᠳ ᠂

ᠣᠨᠢ ᠲᠣᠭᠣᠨᠣ ᠴᠢᠨᠢ

ᠤᠳᠤᠮ ᠥᠯᠵᠡᠢ ᠲᠡᠢ ᠮᠠᠨᠳᠤᠭ ᠃

 

ᠣᠨᠣᠯᠲᠠ ᠬᠢᠭᠡᠳ ᠤᠨᠠᠯᠲᠠ

ᠣᠨᠣᠯᠲᠠ ᠪᠠᠷᠢᠮᠲᠠ

ᠭᠦᠢᠴᠡᠳ ᠰᠠᠢᠬᠠᠨ ᠂

ᠤᠨᠠᠯᠲᠠ ᠬᠤᠷᠢᠶᠠᠯᠲᠠ

ᠡᠯᠪᠡᠭ ᠰᠠᠢᠬᠠᠨ ᠃

 

ᠣᠪᠣᠭ ᠬᠢᠭᠡᠳ ᠣᠮᠣᠭ

ᠣᠪᠣᠭ ᠨᠡᠷ᠎ᠡ ᠪᠡᠨ

ᠡᠷᠭᠦᠵᠦ ᠶᠠᠪᠤ ᠂

ᠣᠮᠣᠭ ᠵᠣᠷᠢᠭ ᠢ᠋ᠶ᠋ᠠᠨ

ᠡᠷᠴᠢᠯᠡᠵᠦ ᠶᠠᠪᠤ ᠃

 

ᠣᠪᠣᠭ ᠬᠢᠭᠡᠳ ᠣᠪᠣᠭ᠎ᠠ

ᠣᠪᠣᠭ ᠤᠭᠰᠠᠭ᠎ᠠ

ᠣᠯᠠᠨ ᠳ᠋ᠤ᠌ ᠪᠦᠷ ᠪᠠᠢᠳᠠᠭ ᠂

ᠠᠭᠤᠯᠠ ᠣᠪᠣᠭ᠎ᠠ

ᠤᠷᠢᠳᠠ ᠠ᠋ᠴᠠ ᠶᠡᠷᠦᠨᠢ ᠪᠠᠢᠳᠠᠭ ᠃

 

ᠣᠯᠣᠮ ᠬᠢᠭᠡᠳ ᠤᠯᠠᠮ

ᠭᠣᠣᠯ ᠤ᠋ᠨ ᠣᠯᠣᠮ ᠊ᠢ ᠴᠢᠭᠯᠡᠭᠡᠳ

ᠭᠤᠷᠪᠠᠨ ᠵᠡᠭᠡᠷ᠎ᠡ ᠭᠦᠶᠦᠵᠦ ᠪᠠᠢᠨ᠎ᠠ ᠂

ᠭᠣᠪᠢ ᠶ᠋ᠢᠨ ᠨᠣᠭᠣᠭᠠᠨ ᠵᠡᠷᠭᠡᠯᠭᠡᠨ ᠳ᠋ᠦ᠍

ᠤᠯᠠᠮ ᠪᠤᠵᠠᠭᠠᠢ ᠬᠠᠷᠠᠭᠳᠠᠵᠤ ᠪᠠᠢᠨ᠎ᠠ ᠃

 

ᠤᠲᠤᠭ᠎ᠠ ᠬᠢᠭᠡᠳ ᠣᠲᠣᠭ

ᠴᠢᠩ ᠤᠯᠤᠰ ᠤ᠋ᠨ ᠲᠦᠰᠢᠮᠡᠳ

ᠤᠲᠤᠭ᠎ᠠ ᠵᠢᠩᠰᠡ ᠵᠡᠭᠦᠳᠡᠭ ᠃

ᠴᠡᠴᠡᠭᠲᠦ ᠣᠷᠳᠣᠰ ᠨᠤᠲᠤᠭ ᠲᠤ᠌

ᠣᠲᠣᠭ ᠬᠣᠰᠢᠭᠤ ᠭᠡᠵᠦ ᠪᠠᠢᠳᠠᠭ ᠃

 

ᠣᠴᠢ ᠬᠢᠭᠡᠳ ᠣᠭᠣᠴᠢ

ᠬᠥᠭᠵᠢᠯ ᠳᠠᠯᠠᠯᠤᠭᠰᠠᠨ ᠣᠷᠣᠨ ᠳ᠋ᠤ᠌

ᠳᠡᠭᠦᠦᠨᠡᠷ ᠮᠢᠨᠢ ᠣᠴᠢ !

ᠬᠥᠭᠰᠢᠨ ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ ᠴᠠᠢ ᠶ᠋ᠢ

ᠨᠠᠢᠵᠨ ᠮᠢᠨᠢ ᠣᠭᠣᠴᠢ ᠃

 

ᠣᠶᠤᠨ ᠬᠢᠭᠡᠳ ᠣᠭ᠌ᠶᠤᠨ

ᠣᠶᠤᠨ ᠮᠡᠳᠡᠯᠭᠡ ᠶ᠋ᠢᠨ ᠳᠠᠯᠠᠢ ᠠ᠋ᠴᠠ

ᠣᠭ᠌ᠶᠤᠨ ᠨᠣᠭᠣᠭᠠᠨ ᠱ᠌ᠢᠷᠦ ᠶ᠋ᠢ ᠱᠦᠭᠦᠵᠦ ᠂

ᠣᠳᠣᠬᠢᠴᠢᠯᠠᠯᠲᠠ ᠶ᠋ᠢᠨ ᠰᠠᠢᠬᠠᠨ ᠦᠢᠯᠡᠰ ᠲᠦ᠍

ᠤᠷ᠎ᠠ ᠪᠢᠯᠢᠭ ᠢ᠋ᠶ᠋ᠡᠨ ᠡᠷᠭᠦᠨ ᠪᠠᠷᠢᠨ᠎ᠠ ᠃

 

ᠣᠶᠣᠭᠠᠳ ᠬᠢᠭᠡᠳ ᠤᠶᠠᠭᠠᠳ

ᠣᠶᠣᠳᠠᠯᠴᠢᠨ ᠬᠡᠦᠬᠡᠨ

ᠬᠤᠪᠴᠠᠰᠤ ᠣᠶᠣᠭᠠᠳ ᠪᠠᠶᠠᠷᠯᠠᠩᠭᠤᠢ ᠂

ᠠᠳᠤᠭᠤᠴᠢᠨ ᠵᠠᠯᠠᠭᠤ

ᠬᠦᠯᠦᠭ ᠢ᠋ᠶ᠋ᠡᠨ ᠤᠶᠠᠭᠠᠳ ᠪᠠᠳᠠᠷᠠᠩᠭᠤᠢ ᠃

 

ᠣᠷᠣᠢ ᠬᠢᠭᠡᠳ ᠤᠷᠢ

ᠠᠭᠤᠯᠠᠨ ᠤ᠋ ᠪᠤᠭᠤᠷᠤᠯ ᠣᠷᠣᠢ ᠠ᠋ᠴᠠ

ᠤᠷᠭᠤᠬᠤ ᠨᠠᠷᠠᠨ ᠮᠠᠨᠳᠤᠯ᠎ᠠ ᠂

ᠤᠷᠢ ᠵᠠᠯᠠᠭᠤ ᠨᠠᠰᠤᠨ ᠠ᠋ᠴᠠ

ᠤᠯᠠᠭᠠᠨ ᠲᠤᠶᠠᠭ᠎ᠠ ᠰᠠᠴᠤᠷᠠᠯ᠎ᠠ ᠃

 

ᠣᠷᠣᠨ ᠬᠢᠭᠡᠳ ᠤᠷᠠᠨ

ᠣᠷᠣᠨ ᠨᠤᠲᠤᠭ ᠤ᠋ᠨ

ᠬᠥᠭᠵᠢᠯ ᠣᠮᠣᠭᠰᠢᠯ ᠰᠠᠢᠬᠠᠨ ᠂

ᠤᠷᠠᠨ ᠵᠣᠬᠢᠶᠠᠯ ᠤ᠋ᠨ

ᠣᠷᠣᠯᠳᠣᠯᠭ᠎ᠠ ᠪᠦᠲᠦᠭᠡᠯ ᠰᠠᠢᠬᠠᠨ ᠃

 

ᠤᠷᠤᠭ ᠬᠢᠭᠡᠳ ᠤᠷᠭ᠎ᠠ

ᠤᠷᠤᠭ ᠰᠠᠷᠠᠯ ᠮᠣᠷᠢ ᠮᠢᠨᠢ

ᠤᠶᠠᠭᠠᠨ ᠳᠡᠭᠡᠷ᠎ᠡ ᠪᠡᠨ ᠦᠦᠷᠰᠡᠵᠦ ᠪᠠᠢᠨ᠎ᠠ ᠂

ᠤᠷᠲᠤ ᠦᠵᠦᠭᠦᠷ ᠲᠡᠢ ᠤᠷᠭ᠎ᠠ ᠮᠢᠨᠢ

ᠠᠭᠤᠳᠠᠮ ᠲᠠᠯ᠎ᠠ ᠳ᠋ᠠᠭᠠᠨ ᠨᠠᠬᠢᠯᠵᠠᠵᠤ ᠪᠠᠢᠨ᠎ᠠ ᠃

 

ᠣᠷᠣᠮ ᠬᠢᠭᠡᠳ ᠤᠷᠮ᠎ᠠ

ᠤᠨᠠᠭᠰᠠᠨ ᠠᠯᠲᠠᠨ ᠥᠯᠥᠭᠡᠢ ᠳ᠋ᠡᠭᠡᠨ

ᠣᠷᠣᠮ ᠮᠥᠷ ᠢ᠋ᠶ᠋ᠡᠨ ᠣᠷᠬᠢᠭᠠᠳ ᠂

ᠤᠳᠬ᠎ᠠ ᠰᠣᠶᠣᠯ ᠤ᠋ᠨ ᠬᠥᠳᠡᠭᠡ ᠳᠠᠰᠢ

ᠤᠷᠮ᠎ᠠ ᠵᠣᠷᠢᠭ ᠲᠠᠢ ᠶᠠᠪᠤᠯ᠎ᠠ ᠃

 

ᠣᠷᠣᠯᠠᠬᠤ ᠬᠢᠭᠡᠳ ᠤᠷᠠᠯᠠᠬᠤ

ᠬᠦᠴᠢᠷ ᠠᠵᠢᠯ ᠳ᠋ᠤ᠌

ᠪᠤᠰᠤᠳ ᠊ᠢ ᠣᠷᠣᠯᠠᠬᠤ ᠰᠠᠢᠰᠢᠶᠠᠯᠲᠠᠢ ᠂

ᠬᠥᠷᠥᠭ ᠵᠢᠷᠤᠭ ᠊ᠢ

ᠭᠠᠩᠭᠠᠩ ᠤᠷᠠᠯᠠᠬᠤ ᠱᠠᠭᠰᠢᠯᠲᠠᠢ ᠃

 

ᠣᠷᠣᠰᠢᠭ ᠬᠢᠭᠡᠳ ᠤᠷᠰᠢᠭ

ᠡᠬᠡ ᠣᠷᠣᠨ ᠳ᠋ᠠᠭᠠᠨ ᠵᠢᠤᠠᠬᠦᠭᠰᠡᠳ

ᠦᠢᠯᠡᠰ ᠲᠡᠢ ᠪᠡᠨ ᠮᠥᠩᠬᠡ ᠣᠷᠣᠰᠢᠭ ᠂

ᠡᠲᠡᠭᠡᠳ ᠤᠷᠰᠢᠭ ᠲᠠᠲᠠᠭᠰᠠᠳ

ᠡᠨᠡ ᠨᠤᠲᠤᠭ ᠠ᠋ᠴᠠ ᠠᠷᠢᠯᠤᠭ ᠃

 

ᠣᠷᠴᠢᠭᠤᠯᠬᠤ ᠬᠢᠭᠡᠳ ᠣᠷᠣᠰᠢᠭᠤᠯᠬᠤ

ᠡᠯ᠎ᠡ ᠵᠦᠢᠯ ᠦ᠋ᠨ ᠬᠡᠯᠡ ᠶ᠋ᠢ

ᠡᠯᠢᠭᠡ ᠶ᠋ᠢ ᠨᠢ ᠴᠠᠢᠲᠠᠯ᠎ᠠ ᠣᠷᠴᠢᠭᠤᠯᠬᠤ ᠰᠠᠢᠬᠠᠨ ᠂

ᠡᠷᠡᠯᠬᠡᠭ ᠪᠠᠭᠠᠲᠤᠷᠯᠢᠭ ᠢ᠋ᠶ᠋ᠠᠷ ᠪᠡᠶ᠎ᠡ ᠦᠷᠡᠭᠲᠡᠭᠰᠡᠳ ᠊ᠢ

ᠡᠬᠡ ᠰᠢᠷᠣᠢ ᠳ᠋ᠠᠭᠠᠨ ᠣᠷᠣᠰᠢᠭᠤᠯᠬᠤ ᠰᠣᠲᠤᠬᠠᠨ ᠃

 

ᠣᠷᠴᠣᠨ ᠬᠢᠭᠡᠳ ᠣᠷᠴᠢᠨ

ᠠᠭᠤᠯᠠ ᠤᠰᠤ ᠨᠢ ᠮᠢᠷᠠᠯᠵᠠᠭᠰᠠᠨ

ᠣᠷᠴᠣᠨ ᠦᠨᠳᠦᠰᠦᠲᠡᠨ ᠦ᠌ ᠨᠤᠲᠤᠭ ᠂

ᠣᠷᠴᠢᠨ ᠲᠣᠭᠣᠷᠢᠨ ᠨᠢ ᠪᠠᠶᠠᠯᠢᠭ

ᠣᠨᠴᠠ ᠰᠠᠢᠬᠠᠨ ᠭᠠᠵᠠᠷ ᠠ᠋ ᠃

ᠤᠤᠭᠠᠨ ᠬᠢᠭᠡᠳ ᠤᠳᠬᠤᠨ

ᠤᠤᠭᠠᠨ ᠡᠭᠡᠴᠢ ᠨᠢ

ᠤᠯᠠᠭᠠᠨ ᠠᠯᠴᠢᠭᠤᠷ ᠲᠠᠢ

ᠤᠳᠬᠤᠨ ᠳᠡᠭᠦᠦ ᠨᠢ

ᠣᠬᠣᠷ ᠮᠠᠯᠠᠭᠠᠢ ᠲᠠᠢ ᠃

 

ᠤᠤᠵᠢ ᠬᠢᠭᠡᠳ ᠤᠤᠭᠤᠵᠤ

ᠤᠤᠵᠢ ᠬᠠᠨᠵᠢᠶᠠᠷ ᠢ᠋ᠶ᠋ᠠᠨ

ᠡᠪᠯᠢᠭ ᠲᠣᠬᠢᠲᠠᠢ ᠡᠮᠦᠰᠦᠨ᠎ᠡ ᠂

ᠤᠤᠭᠤᠵᠤ ᠢᠳᠡᠬᠦ ᠳ᠋ᠡᠭᠡᠨ

ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠊ᠢ ᠠᠩᠬᠠᠷᠤᠨ᠎ᠠ ᠃

 

ᠤᠨᠠᠭ᠎ᠠ ᠬᠢᠭᠡᠳ ᠤᠨᠤᠭ᠎ᠠ

ᠤᠨᠠᠭ᠎ᠠ ᠮᠢᠨᠢ ᠥᠰᠦᠭᠡᠳ

ᠡᠮᠡᠭᠡᠯ ᠲᠣᠬᠣᠮ ᠲᠣᠬᠣᠭᠠᠷᠠᠢ ᠂

ᠤᠨᠤᠭ᠎ᠠ ᠬᠦᠯᠦᠭ ᠪᠣᠯᠤᠭᠠᠳ

ᠡᠵᠡᠨ ᠦ᠌ ᠪᠡᠨ ᠦᠢᠯᠡᠰ ᠲᠦ᠍ ᠵᠢᠳᠬᠦᠭᠡᠷᠡᠢ ᠃

 

ᠤᠨᠤᠬᠤ ᠬᠢᠭᠡᠳ ᠤᠨᠠᠬᠤ

ᠠᠭᠲᠠ ᠮᠣᠷᠢ ᠪᠠᠨ ᠤᠨᠤᠬᠤ

ᠠᠳᠤᠭᠤᠴᠢᠨ ᠮᠢᠨᠦ ᠪᠠᠶᠠᠰᠤᠯ ᠂

ᠠᠭᠠᠷ ᠤ᠋ᠨ ᠨᠠᠷᠠ ᠤᠨᠠᠬᠤ

ᠠᠭᠢᠭᠠᠳ ᠮᠠᠨᠳᠤᠬᠤ ᠶ᠋ᠢᠨ ᠲᠡᠮᠳᠡᠭ ᠃

 

ᠤᠨᠤᠭ᠎ᠠ ᠬᠢᠭᠡᠳ ᠣᠭᠣᠨᠣ

ᠤᠨᠤᠭ᠎ᠠ ᠮᠣᠷᠢ

ᠬᠠᠵᠠᠭᠠᠷ ᠴᠤᠯᠪᠤᠭᠤᠷ ᠲᠠᠢ ᠂

ᠣᠭᠴᠣᠷ ᠳᠡᠪᠡᠯ

ᠬᠣᠷᠮᠣᠢ ᠣᠨᠣᠭᠣ ᠲᠠᠢ ᠃

 

ᠤᠨᠲᠠ ᠬᠢᠭᠡᠳ ᠤᠮᠳᠠ

ᠥᠯᠥᠭᠡᠢ ᠲᠡᠢ ᠵᠢᠭᠠᠬᠠᠨ ᠳᠡᠭᠦᠦ ᠮᠢᠨᠢ

ᠦᠳᠡ ᠶ᠋ᠢᠨ ᠭᠣᠣᠯ ᠳ᠋ᠠᠭᠠᠨ ᠤᠨᠲᠠ ᠂

ᠥᠷᠯᠥᠭᠡ ᠰᠠᠭᠠᠭᠰᠠᠨ ᠰᠦ ᠮᠢᠨᠢ

ᠦᠨᠡᠬᠡᠷ ᠠᠮᠲᠠ ᠲᠠᠢ ᠤᠮᠳᠠ ᠃

 

ᠤᠬᠠᠭᠠᠯᠢᠭ ᠬᠢᠭᠡᠳ ᠤᠬᠠᠭᠤᠯᠭ᠎ᠠ

ᠤᠷᠲᠤ ᠠᠢᠯ ᠤ᠋ᠨ ᠲᠠᠮᠤᠷ᠎ᠠ

ᠤᠬᠠᠭᠠᠯᠢᠭ ᠲᠥᠷᠥᠭᠰᠡᠨ ᠬᠦᠦ ᠂

ᠣᠶᠤᠨ ᠲᠠᠷᠢᠬᠢ ᠪᠠᠨ ᠰᠢᠪᠬᠠᠨ

ᠤᠬᠠᠭᠤᠯᠭ᠎ᠠ ᠶ᠋ᠢᠨ ᠠᠵᠢᠯ ᠬᠢᠳᠡᠭ ᠃

 

ᠤᠭᠠᠯᠵᠠ ᠬᠢᠭᠡᠳ ᠤᠭᠯᠠᠵᠤ

ᠤᠭᠠᠯᠵᠠ ᠬᠡ ᠲᠡᠢ

ᠣᠷᠢᠶᠠᠮᠠᠯ ᠭᠤᠲᠤᠯ ᠂

ᠤᠭᠯᠠᠵᠤ ᠡᠮᠦᠰᠦᠭᠡᠳ

ᠤᠷᠤᠭᠰᠢ ᠠᠯᠬᠤᠶ᠎ᠠ ᠃

 

ᠤᠭᠰᠠᠭ᠎ᠠ ᠬᠢᠭᠡᠳ ᠤᠭᠰᠤᠭ᠎ᠠ

ᠤᠭᠰᠠᠭ᠎ᠠ ᠦᠨᠳᠦᠰᠦᠲᠡᠨ ᠢ᠋ᠶ᠋ᠡᠨ ᠮᠠᠨᠳᠤᠭᠤᠯᠤᠶ᠎ᠠ ᠭᠡᠪᠡᠯ

ᠣᠶᠤᠨ ᠮᠡᠳᠡᠯᠭᠡ ᠡᠪᠦᠷᠯᠡᠵᠦ ᠶᠠᠪᠤ ᠂

ᠴᠣᠬᠣᠷ ᠮᠣᠷᠢ ᠪᠠᠨ ᠤᠨᠤᠶ᠎ᠠ ᠭᠡᠪᠡᠯ

ᠴᠤᠯᠪᠤᠭᠤᠷ ᠤ᠋ᠨ ᠤᠭᠰᠤᠭ᠎ᠠ ᠪᠠᠨ ᠪᠠᠷᠢᠵᠤ ᠮᠣᠷᠳᠠ ᠃

 

ᠤᠯᠠᠭᠠᠨ ᠬᠢᠭᠡᠳ ᠤᠯᠠᠭᠠᠨ᠎ᠠ

ᠠᠭᠤᠯᠠᠨ ᠳ᠋ᠤ᠌ ᠤᠷᠭᠤᠳᠠᠭ

ᠤᠯᠠᠭᠠᠨ ᠥᠩᠭᠡ ᠲᠡᠢ

ᠤᠯᠠᠭᠠᠨ᠎ᠠ ᠵᠢᠮᠢᠰ

ᠣᠨᠴᠠ ᠠᠮᠲᠠ ᠲᠠᠢ ᠃

 

ᠤᠯᠠᠭᠠᠷᠠᠬᠤ ᠬᠢᠭᠡᠳ ᠤᠯᠠᠷᠢᠬᠤ

ᠤᠯᠠᠭᠠᠷᠠᠬᠤ ᠵᠢᠮᠢᠰ

ᠤᠯᠠᠭᠠᠨ ᠱ᠌ᠢᠷᠦ ᠠᠳᠠᠯᠢ ᠂

ᠤᠯᠠᠷᠢᠬᠤ ᠴᠠᠭ

ᠤᠰᠤᠨ ᠤ᠋ ᠤᠷᠤᠰᠬᠠᠯ ᠮᠡᠲᠦ ᠃

 

ᠤᠯᠤᠰ ᠬᠢᠭᠡᠳ ᠣᠯᠣᠰᠣ

ᠤᠯᠤᠰ ᠣᠷᠣᠨ ᠮᠢᠨᠢ

ᠤᠷᠲᠤ ᠨᠠᠰᠤᠯᠠᠭᠠᠷᠠᠢ !

ᠣᠯᠣᠰᠣ ᠲᠠᠷᠢᠶ᠎ᠠ ᠮᠢᠨᠢ

ᠥᠨᠳᠥᠷ ᠣᠷᠭᠣᠭᠠᠷᠠᠢ !

 

ᠤᠲᠤᠭ᠎ᠠ ᠬᠢᠭᠡᠳ ᠤᠳᠠᠭ᠎ᠠ

ᠬᠤᠯᠠᠩ ᠠ᠋ᠴᠠ ᠰᠤᠭᠤᠨᠠᠭᠯᠠᠭᠰᠠᠨ ᠤᠲᠤᠭ᠎ᠠ

ᠬᠣᠯᠠᠬᠢ ᠠᠭᠤᠯᠠ ᠶ᠋ᠢ ᠴᠢᠭᠯᠡᠪᠡ ᠂

ᠬᠣᠶᠠᠷᠬᠠᠨ ᠤᠳᠠᠭ᠎ᠠ ᠪᠤᠷᠭᠢᠯᠤᠭᠠᠳ

ᠬᠤᠷᠠᠭᠠᠨ ᠡᠭᠦᠯᠡᠰ ᠰᠢᠭ ᠣᠷᠢᠶᠠᠯᠳᠤᠪᠠᠢ ᠃

 

ᠤᠶᠠᠨ ᠬᠢᠭᠡᠳ ᠣᠶᠤᠨ

ᠤᠶᠠᠨ ᠰᠠᠢᠬᠠᠨ ᠪᠡᠶ᠎ᠡ ᠲᠡᠢ

ᠤᠰᠬᠠᠯ ᠬᠣᠶᠠᠷ ᠨᠢᠳᠦ ᠲᠡᠢ

ᠤᠷᠲᠤ ᠭᠡᠷ ᠦ᠋ᠨ ᠣᠶᠤᠨ ᠊ᠢ

ᠤᠯᠤᠰ ᠪᠦᠭᠦᠳᠡᠭᠡᠷ ᠮᠠᠭᠲᠠᠨ᠎ᠠ ᠃

 

ᠤᠶᠠᠩᠭ᠎ᠠ ᠬᠢᠭᠡᠳ ᠤᠶᠠᠭ᠎ᠠ

ᠤᠶᠠᠩᠭ᠎ᠠ ᠬᠥᠭᠵᠢᠮ ᠲᠡᠢ

ᠤᠷᠠᠨ ᠲᠣᠭᠯᠠᠯᠲᠠ ᠂

ᠤᠶᠠᠭ᠎ᠠ ᠳᠡᠭᠡᠰᠦ ᠲᠡᠢ

ᠤᠨᠤᠭ᠎ᠠ ᠮᠠᠯ ᠃

 

ᠤᠷᠠᠬ᠎ᠠ ᠬᠢᠭᠡᠳ ᠤᠷᠭ᠎ᠠ

ᠤᠷᠠᠬ᠎ᠠ ᠳ᠋ᠤ᠌ ᠲᠣᠣᠷᠯᠠᠭᠳᠠᠭᠰᠠᠨ ᠪᠣᠯᠵᠣᠮᠣᠷ

ᠣᠭᠲᠠᠷᠭᠤᠢ ᠳ᠋ᠤ᠌ ᠨᠢᠰᠬᠦᠶ᠎ᠡ ᠪᠡᠷᠬᠡ ᠂

ᠤᠷᠭ᠎ᠠ ᠳ᠋ᠤ᠌ ᠣᠷᠣᠭᠰᠠᠨ ᠮᠣᠷᠢ

ᠣᠷᠣᠭᠰᠢ ᠲᠡᠮᠡᠦᠯᠬᠦ ᠳ᠋ᠦ᠍ ᠬᠦᠴᠢᠷ ᠃

 

ᠤᠷᠠᠯᠢᠭ ᠬᠢᠭᠡᠳ ᠤᠷᠢᠯᠭ᠎ᠠ

ᠤᠳᠬ᠎ᠠ ᠤᠷᠠᠯᠢᠭ ᠤ᠋ᠨ ᠲᠣᠭᠯᠠᠯᠲᠠ

ᠠᠭᠤᠯᠭ᠎ᠠ ᠬᠡᠯᠪᠡᠷᠢ ᠰᠢᠨ᠎ᠡ ᠶᠦ᠍ᠮ ᠂

ᠤᠷᠢᠯᠭ᠎ᠠ ᠶ᠋ᠢᠨ ᠪᠢᠴᠢᠭ ᠲᠠᠷᠬᠠᠭᠠᠭᠠᠳ

ᠣᠯᠠᠨ ᠲᠠᠨ ᠳ᠋ᠠᠭᠠᠨ ᠰᠣᠨᠢᠷᠬᠠᠭᠤᠯᠤᠶ᠎ᠠ ᠃

 

ᠤᠷᠢᠨ ᠬᠢᠭᠡᠳ ᠤᠷᠠᠨ

ᠤᠷᠢᠨ ᠳᠤᠯᠠᠭᠠᠨ ᠬᠠᠪᠤᠷ ᠲᠤ᠌

ᠤᠷᠭᠤᠮᠠᠯ ᠪᠣᠳᠠᠰ ᠠᠮᠢᠯᠠᠨ᠎ᠠ ᠂

ᠤᠷᠠᠨ ᠬᠡᠯᠡ ᠲᠡᠢ ᠰᠢᠪᠠᠭᠤᠳ

ᠤᠶᠠᠩᠭ᠎ᠠ ᠳᠠᠭᠤᠤ ᠪᠠᠨ ᠡᠷᠭᠦᠨ᠎ᠡ ᠃

 

ᠤᠷᠢᠳᠤ ᠬᠢᠭᠡᠳ ᠤᠷᠲᠤ

ᠤᠷᠢᠳᠤ ᠤᠷᠢᠳᠤ ᠶ᠋ᠢᠨ

ᠰᠦᠮ᠎ᠡ ᠬᠡᠢᠳ ᠦ᠋ᠨ ᠦᠵᠡᠮᠵᠢ

ᠤᠷᠲᠤ ᠬᠠᠷᠰᠢ ᠶ᠋ᠢᠨ

ᠰᠦᠷᠯᠢᠭ ᠶᠡᠬᠡᠮᠰᠦᠭ ᠦᠵᠡᠮᠦᠷᠢ ᠃

 

ᠤᠷᠤᠭ ᠬᠢᠭᠡᠳ ᠤᠭᠤᠷᠠᠭ

ᠤᠷᠤᠭ ᠰᠠᠳᠤᠨ ᠬᠣᠯᠪᠣᠭᠠᠲᠠᠢ

ᠣᠷᠣᠨ ᠨᠤᠲᠤᠭ ᠮᠠᠭᠲᠠᠭᠠᠯᠲᠠᠢ ᠂

ᠤᠭᠤᠷᠠᠭ ᠰᠦ ᠠᠮᠲᠠᠲᠠᠢ

ᠣᠶᠤᠨ ᠮᠡᠳᠡᠯᠭᠡ ᠰᠤᠷᠤᠯᠲᠠᠢ ᠃

ᠥᠨᠢᠷ ᠬᠢᠭᠡᠳ ᠦᠨᠦᠷ

ᠥᠯᠥᠭᠡᠢ ᠲᠡᠨᠢᠭᠦᠨ ᠨᠤᠲᠤᠭ ᠮᠢᠨᠢ

ᠥᠨᠢᠷ ᠪᠠᠶᠠᠯᠢᠭ ᠪᠣᠯᠬᠣᠷ ᠂

ᠥᠷᠥᠮ᠎ᠡ ᠬᠤᠷᠤᠳ ᠲᠣᠰᠣ ᠮᠢᠨᠢ

ᠦᠨᠦᠷ ᠠᠮᠲᠠ ᠱᠠᠩᠳᠠᠭᠤᠨ ᠃

 

ᠥᠨᠥ ᠬᠢᠭᠡᠳ ᠥᠨᠢ

ᠥᠨᠥ ᠲᠠᠨᠠᠷ ᠴᠢᠷᠮᠠᠢᠵᠤ

ᠡᠷᠳᠡᠮ ᠰᠣᠶᠣᠯ ᠡᠵᠡᠮᠰᠢᠪᠡᠯ ᠂

ᠥᠭᠡᠯᠡᠢ ᠥᠨᠳᠥᠷ ᠪᠣᠯᠤᠭᠰᠠᠨ ᠤ᠋ ᠬᠣᠢᠨ᠎ᠠ

ᠥᠨᠢ ᠮᠥᠩᠬᠡ ᠶ᠋ᠢᠨ ᠦᠢᠯᠡᠰ ᠰᠢᠦ ᠃

 

ᠥᠩ ᠬᠢᠭᠡᠳ ᠥᠩᠭᠡ

ᠥᠩ ᠰᠢᠮᠡᠯᠢᠭ ᠪᠡᠯᠴᠢᠭᠡᠷ ᠲᠦ᠍

ᠥᠨᠢᠷ ᠰᠦᠷᠦᠭ ᠢᠳᠡᠰᠢᠯᠡᠨ᠎ᠡ ᠂

ᠥᠩᠭᠡ ᠪᠦᠷᠢ ᠶ᠋ᠢᠨ ᠴᠡᠴᠡᠭ ᠲᠦ᠍

ᠥᠷᠭᠡᠨ ᠲᠠᠯ᠎ᠠ ᠰᠣᠭᠲᠣᠭᠤᠷᠠᠨ᠎ᠠ ᠃

 

ᠥᠪ ᠬᠢᠭᠡᠳ ᠡᠪ

ᠦᠵᠡᠵᠦ ᠰᠤᠷᠤᠭᠰᠠᠨ ᠮᠡᠳᠡᠯᠭᠡ

ᠥᠨᠢᠳᠡ ᠶ᠋ᠢᠨ ᠥᠪ ᠬᠥᠷᠥᠩᠭᠡ ᠂

ᠦᠨᠳᠦᠰᠦᠲᠡᠨ ᠪᠦᠬᠦᠨ ᠦ᠌ ᠪᠦᠯᠬᠦᠮᠳᠡᠯ

ᠡᠭᠦᠷᠢᠳᠡ ᠶ᠋ᠢᠨ ᠡᠪ ᠨᠠᠢᠷ ᠃

 

ᠥᠪᠡᠷ ᠬᠢᠭᠡᠳ ᠥᠪᠥᠷ

ᠥᠷᠭᠡᠨ ᠮᠡᠳᠡᠯᠭᠡ ᠶ᠋ᠢ ᠡᠵᠡᠮᠰᠢᠬᠦ ᠳ᠋ᠦ᠍

ᠥᠪᠡᠷ ᠦ᠋ᠨ ᠴᠢᠷᠮᠠᠢᠯᠭ᠎ᠠ ᠴᠢᠬᠤᠯᠠ ᠂

ᠥᠪᠥᠷ ᠮᠣᠩᠭᠣᠯ ᠢ᠋ᠶ᠋ᠠᠨ ᠴᠡᠴᠡᠭᠯᠡᠭᠦᠯᠬᠦ ᠳ᠋ᠦ᠍

ᠦᠨᠳᠦᠰᠦᠲᠡᠨ ᠦ᠌ ᠪᠦᠯᠬᠦᠮᠳᠡᠯ ᠴᠢᠬᠤᠯᠠ ᠃

 

ᠥᠭ ᠬᠢᠭᠡᠳ ᠦᠭᠡ

 

ᠪᠤᠰᠤᠳ ᠤ᠋ᠨ ᠶᠠᠭᠤᠮ᠎ᠠ ᠶ᠋ᠢ ᠵᠢᠭᠡᠯᠡᠪᠡᠯ

ᠪᠤᠴᠠᠭᠠᠵᠤ ᠬᠤᠷᠳᠤᠨ ᠥᠭ ᠂

ᠪᠤᠷᠤᠭᠤ ᠦᠭᠡ ᠬᠡᠯᠡᠪᠡᠯ

ᠪᠤᠰᠢᠭᠤ ᠲᠦᠷᠭᠡᠨ ᠵᠠᠯᠠᠷᠠᠭᠤᠯ ᠃

 

ᠥᠯ ᠬᠢᠭᠡᠳ ᠦᠯᠦ

 

ᠥᠯ ᠰᠢᠮ᠎ᠡ ᠲᠡᠢ ᠬᠣᠭᠣᠯᠠ ᠶ᠋ᠢ

ᠦᠯᠡᠭᠦᠦ ᠢᠳᠡᠵᠦ ᠶᠠᠪᠤ ᠂

ᠦᠯᠦ ᠪᠦᠲᠦᠬᠦ ᠶᠠᠪᠤᠳᠠᠯ ᠊ᠢ

ᠡᠷᠡᠰ ᠪᠢᠲᠡᠭᠡᠢ ᠬᠢᠭᠡᠷᠡᠢ ᠃

 

ᠦᠰ ᠬᠢᠭᠡᠳ ᠦᠰᠦ

 

ᠦᠰ ᠥᠰᠢᠶ᠎ᠡ

ᠪᠦᠯᠬᠦᠮᠳᠡᠯ ᠳ᠋ᠦ᠍ ᠮᠠᠭᠤ ᠂

ᠦᠰᠦ ᠭᠡᠵᠢᠭᠡ

ᠪᠡᠶ᠎ᠡ ᠳ᠋ᠦ᠍ ᠰᠠᠢᠬᠠᠨ ᠃

 

ᠦᠰᠦᠳᠡᠨ ᠬᠢᠭᠡᠳ ᠦᠰᠲᠡᠨ

 

ᠦᠰᠦ ᠲᠣᠯᠣᠭᠠᠢ ᠲᠠᠢ

ᠦᠰᠦᠳᠡᠨ ᠠᠮᠢᠲᠠᠨ ᠪᠠᠢᠨ᠎ᠠ ᠂

ᠥᠰᠢᠶ᠎ᠡ ᠬᠣᠷᠣᠰᠤᠯ ᠲᠠᠢ

ᠦᠰᠲᠡᠨ ᠳᠠᠢᠰᠤᠨ ᠪᠠᠢᠨ᠎ᠠ ᠃

 

ᠥᠲᠡᠭᠡ ᠬᠢᠭᠡᠳ ᠦᠲᠦᠭ

 

ᠬᠣᠯᠠ ᠶ᠋ᠢᠨ ᠠᠭᠤᠯᠠᠨ ᠳ᠋ᠤ᠌

ᠪᠠᠮᠪᠤᠷᠰᠢ ᠥᠲᠡᠭᠡ ᠲᠡᠢ ᠂

ᠬᠣᠷᠣᠭ᠎ᠠ ᠬᠠᠰᠢᠶᠠᠨ ᠳ᠋ᠤ᠌

ᠥᠳᠥᠭ ᠬᠣᠷᠭᠣᠯ ᠲᠠᠢ ᠃

 

ᠥᠳᠥᠬᠦ ᠬᠢᠭᠡᠳ ᠦᠳᠡᠬᠦ

 

ᠬᠠᠯᠠᠭᠤᠨ ᠡᠳᠦᠷ

ᠮᠢᠬ᠎ᠠ ᠦᠲᠦᠭᠦ ᠶᠦ᠍ᠮ ᠂

ᠬᠠᠨᠵᠠᠷᠠᠭᠰᠠᠨ ᠳᠡᠪᠡᠯ ᠊ᠢ

ᠤᠲᠠᠰᠤ ᠪᠠᠷ ᠦᠳᠡᠬᠦ ᠶᠦ᠍ᠮ ᠃

 

ᠥᠳᠥᠯᠡᠬᠦ ᠬᠢᠭᠡᠳ ᠥᠲᠡᠯᠦᠬᠦ

 

ᠭᠠᠯᠠᠭᠤ ᠰᠢᠪᠠᠭᠤᠨ ᠤ᠋ ᠳᠡᠭᠳᠡᠭᠡᠬᠡᠢ

ᠥᠳᠥᠯᠡᠬᠦ ᠲᠤᠲᠤᠮ ᠭᠤᠪᠠᠢᠷᠠᠨ᠎ᠠ ᠂

ᠭᠠᠯ ᠵᠠᠯᠠᠭᠤ ᠨᠠᠰᠤ

ᠥᠲᠡᠯᠦᠬᠦ ᠲᠤᠲᠤᠮ ᠬᠣᠯᠠᠳᠠᠨ᠎ᠠ ᠃

 

ᠥᠷᠢ ᠬᠢᠭᠡᠳ ᠦᠷ

 

ᠥᠭᠡᠷ᠎ᠡ ᠬᠥᠮᠦᠨ ᠳ᠋ᠦ᠍ ᠥᠷᠢ ᠲᠡᠢ ᠪᠣᠯ

ᠥᠭᠴᠦ ᠪᠤᠴᠠᠭᠠᠬᠤ ᠨᠢ ᠴᠢᠬᠤᠯᠠ ᠂

ᠦᠢᠯᠡᠰ ᠠᠵᠢᠯ ᠢ᠋ᠶ᠋ᠠᠨ ᠡᠷᠲᠡᠯᠡᠶ᠎ᠡ ᠭᠡᠪᠡᠯ

ᠦᠷ ᠢ᠋ᠶ᠋ᠡᠷ ᠪᠣᠰᠬᠤ ᠨᠢ ᠴᠢᠬᠤᠯᠠ ᠃

 

ᠥᠷᠥᠭᠡ ᠬᠢᠭᠡᠳ ᠦᠷᠢᠶ᠎ᠡ

 

ᠡᠷᠦᠬᠡ ᠭᠡᠷ ᠮᠢᠨᠢ

ᠲᠠᠰᠤᠯᠭ᠎ᠠ ᠥᠷᠥᠭᠡ ᠲᠡᠢ

ᠦᠷᠢᠶ᠎ᠡ ᠮᠣᠷᠢ ᠮᠢᠨᠢ

ᠲᠠᠪᠤᠨ ᠨᠠᠰᠤ ᠲᠠᠢ

 

ᠥᠷᠥᠮ᠎ᠡ ᠬᠢᠭᠡᠳ ᠥᠷᠥᠮ

 

ᠡᠭᠡᠳᠡᠭᠰᠡᠨ ᠰᠦ ᠶ᠋ᠢᠨ ᠳᠡᠭᠡᠭᠦᠷ

ᠥᠷᠥᠮ᠎ᠡ ᠰᠠᠭᠤᠭᠠᠳ ᠵᠤᠵᠠᠭᠠᠨ ᠂

ᠡᠩᠨᠡᠭᠰᠡᠨ ᠬᠠᠪᠲᠠᠰᠤ ᠶ᠋ᠢᠨ ᠦᠷᠦᠮ

ᠨᠦᠬᠡᠯᠡᠭᠡᠳ ᠶᠠᠪ ᠶᠠᠭᠠᠷᠠᠤ ᠃

 

ᠥᠷᠭᠥᠭᠡ ᠬᠢᠭᠡᠳ ᠥᠷᠥᠭᠡ

 

ᠬᠣᠯᠠ ᠠ᠋ᠴᠠ ᠴᠠᠢᠯᠵᠠᠭᠰᠠᠨ

ᠬᠤᠨ ᠴᠠᠭᠠᠨ ᠥᠷᠭᠥᠭᠡ ᠂

ᠬᠣᠨᠣᠵᠤ ᠳᠠᠰᠢᠭᠰᠠᠨ

ᠬᠣᠪᠢᠨ ᠤ᠋ ᠳᠤᠯᠠᠭᠠᠨ ᠥᠷᠥᠭᠡ ᠃

 

ᠥᠷᠲᠡᠭ ᠬᠢᠭᠡᠳ ᠥᠷᠲᠡᠭᠡ

 

ᠪᠣᠯᠣᠷ ᠡᠷᠳᠡᠨᠢ

ᠦᠨ᠎ᠡ ᠥᠷᠲᠡᠭ ᠶᠡᠬᠡ ᠂

ᠪᠤᠬ᠎ᠠ ᠲᠡᠷᠭᠡ

ᠥᠷᠲᠡᠭᠡ ᠪᠠᠭᠤᠴᠠ ᠠᠷᠪᠢᠨ ᠃

 

ᠥᠷᠲᠥᠬᠦ ᠬᠢᠭᠡᠳ ᠥᠷᠢᠲᠦᠬᠦ

 

ᠭᠠᠷ ᠲᠤ᠌ ᠥᠷᠲᠥᠬᠦ ᠪᠡᠷ ᠵᠠᠷᠤᠬᠤ

ᠭᠠᠮᠨᠠᠬᠤ ᠦᠭᠡᠢ ᠰᠤᠷᠲᠠᠯ ᠮᠠᠭᠤ ᠂

ᠭᠠᠵᠠᠷ ᠪᠣᠯᠭᠠᠨ ᠳ᠋ᠤ᠌ ᠥᠷᠢᠲᠦᠬᠦ

ᠭᠠᠭᠴᠠᠭᠠᠷᠳᠠᠮᠠᠯ ᠶᠠᠪᠤᠳᠠᠯ ᠰᠢᠪᠰᠢᠭ ᠃

 

ᠦᠢ ᠬᠢᠭᠡᠳ ᠦᠶ᠎ᠡ

 

ᠦᠢ ᠣᠯᠠᠨ ᠪᠠᠭᠠᠲᠤᠷᠴᠤᠳ ᠤ᠋ᠨ

ᠥᠪᠡᠷ ᠦ᠋ᠨ ᠴᠢᠰᠤ ᠪᠠᠷ ᠢ᠋ᠶ᠋ᠠᠨ ᠪᠠᠢᠭᠤᠯᠤᠭᠰᠠᠨ

ᠥᠪᠥᠷ ᠮᠣᠩᠭᠣᠯ ᠣᠷᠣᠨ ᠢ᠋ᠶ᠋ᠠᠨ

ᠦᠶ᠎ᠡ ᠶ᠋ᠢᠨ ᠦᠶ᠎ᠡ ᠳ᠋ᠡᠭᠡᠨ ᠬᠠᠮᠠᠭᠠᠯᠠᠨ᠎ᠠ ᠃

 

ᠦᠢᠯᠡ ᠠᠵᠢᠯ

ᠬᠤᠷᠳᠤᠨ ᠪᠦᠲᠦᠭᠰᠡᠨ ᠨᠢ

ᠤᠰᠤᠨ ᠤ᠋ ᠤᠢᠯ

ᠬᠤᠷᠤᠯᠵᠠᠭᠰᠠᠨ ᠮᠡᠲᠦ ᠃

 

ᠦᠯᠢᠭᠡᠷ ᠬᠢᠭᠡᠳ ᠥᠯᠢᠭᠦᠷ

 

ᠦᠯᠢᠭᠡᠷ ᠳᠠᠭᠤᠷᠢᠶᠠᠯ

ᠦᠢᠯᠡᠰ ᠲᠦ᠍ ᠠᠰᠢᠭᠲᠠᠢ ᠂

ᠥᠯᠢᠭᠦᠷ ᠬᠥᠰᠢᠭᠦᠷᠭᠡ

ᠡᠷᠭᠦᠬᠦ ᠳ᠋ᠦ᠍ ᠲᠤᠰᠠᠲᠠᠢ ᠃

 

ᠦᠯᠳᠡᠵᠦ ᠬᠢᠭᠡᠳ ᠦᠯᠡᠳᠡᠭᠡᠵᠦ

 

ᠦᠳᠡᠯᠦᠭᠡ ᠨᠠᠰᠤᠲᠠᠨ ᠢ᠋ᠶ᠋ᠠᠨ ᠲᠠᠨᠠᠷ

ᠦᠯᠳᠡᠵᠦ ᠬᠥᠭᠡᠭᠡᠪᠡᠯ ᠡᠯᠡᠭ ᠰᠢᠦ ᠂

ᠦᠨᠡᠨ ᠰᠡᠳᠬᠢᠯ ᠡᠴᠡ ᠪᠡᠨ ᠬᠦᠨᠳᠦᠳᠬᠡᠨ

ᠦᠯᠡᠳᠡᠭᠡᠵᠦ ᠠᠰᠠᠷᠠᠪᠠᠯ ᠴᠢᠮᠡᠭ ᠰᠢᠦ ᠃

 

ᠦᠳᠡ ᠬᠢᠭᠡᠳ ᠥᠳᠥ

 

ᠦᠳᠡ ᠶ᠋ᠢᠨ ᠨᠠᠷᠠᠨ ᠤ᠋ ᠥᠨᠳᠥᠷ ᠲᠦ᠍

ᠥᠷᠭᠡᠨ ᠲᠠᠯ᠎ᠠ ᠬᠠᠯᠠᠭᠤᠬᠠᠨ ᠂

ᠥᠳᠥ ᠰᠥᠳᠥ ᠨᠢ ᠭᠦᠢᠴᠡᠭᠰᠡᠨ

ᠥᠪᠥᠭᠡᠯᠵᠢ ᠰᠢᠪᠠᠭᠤ ᠨᠢᠰᠦᠨ᠎ᠡ ᠃

 

ᠦᠶ᠎ᠡ ᠬᠢᠭᠡᠳ ᠦᠨᠢᠶ᠎ᠡ

 

ᠬᠥᠮᠦᠨ ᠠᠮᠢᠲᠠᠨ ᠳ᠋ᠤ᠌

ᠦᠶ᠎ᠡ ᠭᠡᠰᠢᠭᠦᠦ ᠲᠡᠢ ᠂

ᠬᠦᠷᠢᠶ᠎ᠡ ᠬᠠᠰᠢᠶᠠᠨ ᠳ᠋ᠤ᠌

ᠦᠨᠢᠶ᠎ᠡ ᠲᠤᠭᠤᠯ ᠲᠠᠢ ᠃

 

ᠦᠷ ᠬᠢᠭᠡᠳ ᠦᠷᠦ

 

ᠦᠷ ᠦ᠋ᠨ ᠲᠤᠶᠠᠭ᠎ᠠ ᠰᠣᠯᠣᠩᠭᠠᠷᠠᠭᠰᠠᠨ

ᠥᠪᠥᠷ ᠮᠣᠩᠭᠣᠯ ᠰᠠᠢᠬᠠᠨ ᠂

ᠦᠷᠦ ᠵᠢᠷᠦᠬᠡ ᠶ᠋ᠢ ᠲᠠᠲᠠᠭᠰᠠᠨ

ᠥᠯᠥᠭᠡᠢ ᠨᠤᠲᠤᠭ ᠰᠠᠢᠬᠠᠨ ᠃

 

ᠦᠷ ᠬᠢᠭᠡᠳ ᠦᠷ᠎ᠡ

 

ᠦᠳᠡᠰᠢ ᠶ᠋ᠢᠨ ᠬᠠᠷᠠᠩᠭᠤᠢ ᠶ᠋ᠢ ᠵᠢᠭᠰᠢᠲᠡᠭ᠋ ᠪᠣᠯ

ᠦᠷ ᠦ᠋ᠨ ᠭᠡᠭᠡ ᠶ᠋ᠢ ᠮᠠᠭᠲᠠ ᠂

ᠡᠯᠪᠡᠭ ᠬᠤᠷᠢᠶᠠᠯᠲᠠ ᠶ᠋ᠢ ᠬᠦᠰᠡᠳᠡᠭ ᠪᠣᠯ

ᠦᠷ᠎ᠡ ᠲᠠᠷᠢᠶ᠎ᠠ ᠪᠠᠨ ᠠᠷᠴᠢ ᠃