ᠮᠢᠨᠦ ᠬᠡᠨᠵᠡ ᠬᠤᠷᠠᠭᠠ- ᠳᠠᠰᠢᠳᠣᠷᠵᠢ ᠶᠢᠨ ᠨᠠᠴᠤᠭᠳᠣᠷᠵᠢМиний хэнз хурга-дашдоржийн нацагдорж
251ᠮᠢᠨᠦ ᠬᠡᠨᠵᠡ ᠬᠤᠷᠠᠭᠠ
ᠳ· ᠨᠠᠴᠤᠭᠳᠣᠷᠵᠢ
ᠮᠢᠨᠦ ᠬᠡᠨᠵᠡ ᠬᠤᠷᠠᠭᠠ
ᠮᠠᠩᠨᠠᠢ ᠬᠠᠯᠵᠠᠨ ᠵᠤᠷᠪᠤᠰ ᠲᠠᠢ᠂
ᠮᠢᠩᠭᠠᠨ ᠬᠣᠨᠢᠨ ᠤ᠋ ᠳᠤᠮᠳᠠ ᠠ᠋ᠴᠠ
ᠪᠢ ᠬᠠᠷᠠᠮᠠᠭᠴᠠ ᠲᠠᠨᠢᠳᠠᠭ᠃
ᠮᠢᠷᠠᠰ ᠮᠢᠷᠠᠰ ᠮᠠᠢᠯᠠᠵᠤ
ᠨᠠᠮᠠᠶ᠋ᠢ ᠴᠢᠭᠯᠡᠭᠰᠡᠭᠡᠷ ᠢᠷᠡᠳᠡᠭ᠃
ᠲᠤᠩ ᠴᠠᠭᠠᠨ ᠦᠰᠦ ᠲᠡᠢ
ᠳᠤᠷᠠᠨ ᠬᠠᠷᠠ ᠨᠢᠳᠦ ᠲᠡᠢ
ᠲᠦᠮᠡᠨ ᠬᠣᠨᠢᠨ ᠤ᠋ ᠳᠤᠮᠳᠠ ᠠ᠋ᠴᠠ
ᠲᠡᠭᠦᠨ ᠡᠴᠡ ᠬᠥᠭᠡᠷᠦᠬᠦᠨ ᠠᠮᠢᠲᠠᠨ ᠦᠭᠡᠢ᠃
ᠲᠥᠷᠥᠭᠰᠡᠨ ᠬᠣᠲᠠᠨ ᠳᠣᠲᠣᠷᠠ ᠪᠠᠨ
ᠪᠢᠳᠡ ᠬᠣᠶᠠᠷ ᠲᠣᠭᠯᠠᠳᠠᠭ᠃
ᠡᠪᠦᠳᠦᠭ ᠢ᠋ᠶ᠋ᠡᠨ ᠰᠥᠭᠥᠳᠴᠦ ᠪᠠᠢᠭᠠᠳ
ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠡᠵᠢ ᠶ᠋ᠢ ᠬᠥᠬᠥᠳᠡᠭ᠃
ᠡᠪᠦᠷ ᠳᠡᠭᠡᠷᠡ ᠮᠢᠨᠢ ᠭᠠᠷᠤᠭᠠᠳ
ᠭᠥᠷᠳᠡᠮᠡᠷ ᠭᠥᠷᠳᠡᠮᠡᠷ ᠡᠷᠬᠡᠯᠡᠳᠡᠭ᠃
ᠨᠡᠰᠢ ᠴᠠᠰᠢ ᠳᠡᠭᠳᠡᠨ
ᠮᠠᠯᠴᠢᠨ ᠨᠠᠮᠠᠶ᠋ᠢ ᠪᠠᠶᠠᠰᠬᠠᠳᠠᠭ᠃
ᠮᠢᠨᠦ ᠬᠡᠨᠵᠡ ᠬᠤᠷᠠᠭᠠ
ᠮᠠᠩᠨᠠᠢ ᠬᠠᠯᠵᠠᠨ ᠵᠤᠷᠪᠤᠰ ᠲᠠᠢ᠃
ᠮᠢᠩᠭᠠᠨ ᠬᠣᠨᠢᠨ ᠤ᠋ ᠳᠤᠮᠳᠠ ᠠ᠋ᠴᠠ
ᠪᠢ ᠬᠠᠷᠠᠮᠠᠭᠴᠠ ᠲᠠᠨᠢᠳᠠᠭ᠃
ᠮᠢᠷᠠᠰ ᠮᠢᠷᠠᠰ ᠮᠠᠢᠯᠠᠵᠤ
ᠨᠠᠮᠠᠶ᠋ᠢ ᠴᠢᠭᠯᠡᠭᠰᠡᠭᠡᠷ ᠢᠷᠡᠳᠡᠭ᠃
1933 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠴᠠᠬᠠᠷ ᠪᠠᠲᠤ᠂ᠭᠠᠷᠮᠠ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ