ᠪᠢ ᠲᠢᠷᠡᠩ ᠪᠣᠯᠵᠤ ᠵᠡᠭᠦᠲᠦᠯᠡᠯᠡ – ᠷ · ᠴᠣᠢᠨᠣᠮ Би дирэн болж зүүдэллээ – Р · Чойном
256ᠪᠢ ᠲᠢᠷᠡᠩ ᠪᠣᠯᠵᠤ ᠵᠡᠭᠦᠲᠦᠯᠡᠯᠡ
ᠪᠢ ᠲᠢᠷᠡᠩ ᠪᠣᠯᠵᠤ ᠵᠡᠭᠦᠲᠦᠯᠡᠯᠡ
ᠪᠡᠶᠡ ᠡᠴᠡ ᠪᠡᠨ ᠲᠣᠮᠣ ᠠᠯᠲᠠ ᠶ᠋ᠢ ᠡᠷᠭᠦᠵᠦ ᠪᠠᠶ᠋ᠢᠨᠠ ᠭᠡᠵᠦ ᠵᠡᠭᠦᠲᠦᠯᠡᠯᠡ
ᠪᠢᠰᠢᠳ ᠬᠥᠮᠦᠰ ᠲᠤ ᠲᠡᠭᠦᠨ ᠊ᠢ ᠪᠡᠨ ᠬᠤᠪᠢᠶᠠᠨ ᠥᠭᠴᠦ ᠪᠠᠶ᠋ᠢᠨᠠ ᠭᠡᠵᠦ ᠵᠡᠭᠦᠲᠦᠯᠡᠯᠡ
ᠪᠢ ᠴᠢ ᠭᠡᠵᠦ ᠬᠡᠷᠡᠯᠲᠦᠬᠦ ᠶ᠋ᠢ ᠨᠢ ᠴᠢᠩᠨᠠᠩᠬᠠᠨ ᠵᠡᠭᠦᠲᠦᠯᠡᠯᠡ
ᠠᠯᠲᠠ ᠠᠪᠤᠭᠰᠠᠨ ᠨᠢ ᠨᠠᠮᠠᠶ᠋ᠢ ᠦᠨᠦᠰᠴᠦ ᠪᠠᠶ᠋ᠢᠨᠠ ᠭᠡᠵᠦ ᠵᠡᠭᠦᠲᠦᠯᠡᠯᠡ
ᠠᠯᠲᠠ ᠠᠪᠤᠬ᠋ᠠ ᠦᠭᠡᠢ ᠨᠢ ᠨᠠᠮᠠᠶ᠋ᠢ ᠦᠬᠦ ᠭᠡᠵᠦ ᠪᠠᠶ᠋ᠢᠨᠠ ᠭᠡᠵᠦ ᠵᠡᠭᠦᠲᠦᠯᠡᠯᠡ
ᠠᠯᠲᠠ ᠬᠥᠮᠦᠨ ᠡᠴᠡ ᠦᠨᠡᠲᠡᠢ ᠪᠠᠶ᠋ᠢᠲᠠᠭ ᠭᠡᠳᠡᠭ
ᠠᠨᠠᠢ ᠯᠠ ᠪᠠᠰᠠ ᠬᠡᠪ ᠶ᠋ᠢᠡᠷ ᠶ᠋ᠢᠡᠨ ᠯᠠ ᠶᠤᠮ ᠪᠠᠶ᠋ᠢᠨᠠ ᠳ᠋ᠠ ᠃
ᠪᠢ ᠲᠢᠷᠡᠩ ᠪᠣᠯᠵᠤ ᠵᠡᠭᠦᠲᠦᠯᠡᠯᠡ
ᠪᠢᠷ ᠶ᠋ᠢᠡᠷ ᠵᠢᠷᠤᠰᠢ ᠦᠭᠡᠢ ᠭᠤᠸ᠋ᠠ ᠳᠦᠷᠢ ᠶ᠋ᠢ ᠣᠯᠵᠤ ᠵᠡᠭᠦᠲᠦᠯᠡᠯᠡ
ᠪᠢᠯᠢᠭ᠌ ᠦ᠋ᠨ ᠴᠠᠭᠠᠨ ᠰᠠᠷᠠᠨᠠᠢ ᠰᠢᠭ᠋ ᠪᠦᠰᠡᠭᠦᠢ ᠳᠤ ᠣᠴᠢᠵᠤ ᠪᠠᠶ᠋ᠢᠨᠠ ᠭᠡᠵᠦ ᠵᠡᠭᠦᠲᠦᠯᠡᠯᠡ
ᠪᠢᠲᠡᠭᠡᠢ ᠶᠠᠪᠤᠭᠠᠴᠢ ᠠ᠋ ! ᠭᠡᠵᠦ ᠭᠤᠶᠤᠬᠤ ᠶ᠋ᠢ ᠨᠢ ᠰᠣᠨᠣᠰᠴᠤ ᠪᠠᠶ᠋ᠢᠨᠠ ᠭᠡᠵᠦ ᠵᠡᠭᠦᠲᠦᠯᠡᠯᠡ
ᠨᠠᠲᠠ ᠲᠠᠢ ᠣᠶ᠋ᠢᠷᠠᠲᠤᠭᠰᠠᠨ ᠨᠢ ᠤᠴᠠᠷᠠᠨ ᠬᠠᠶ᠋ᠢᠵᠤ ᠪᠠᠶ᠋ᠢᠨᠠ ᠭᠡᠵᠦ ᠵᠡᠭᠦᠲᠦᠯᠡᠯᠡ
ᠨᠠᠲᠠ ᠲᠠᠢ ᠣᠶ᠋ᠢᠷᠠᠤᠠᠬᠤ ᠭᠡᠵᠦ ᠪᠤᠰᠤᠳ ᠨᠢ ᠤᠷᠤᠯᠲᠤᠵᠤ ᠪᠠᠶ᠋ᠢᠨᠠ ᠭᠡᠵᠦ ᠵᠡᠭᠦᠲᠦᠯᠡᠯᠡ
ᠨᠠᠷᠢᠨ ᠤᠬᠠᠭᠠᠨ ᠠ᠋ᠴᠠ ᠥᠩᠭᠡ ᠴᠢᠷᠠᠢ ᠂ ᠢᠯᠡᠭᠦᠦ ᠪᠠᠶ᠋ᠢᠬᠰᠠᠨ ᠭᠡᠳᠡᠭ
ᠨᠠᠮᠲᠠᠬ᠋ᠠ ᠦᠭᠡᠢ ᠲᠣᠣᠷᠠᠲᠠᠬ᠋ᠠ ᠶᠤᠮ ᠰᠢᠪ ᠳ᠋ᠡ ᠃
ᠪᠢ ᠲᠢᠷᠡᠩ ᠪᠣᠯᠵᠤ ᠵᠡᠭᠦᠲᠦᠯᠡᠯᠡ
ᠪᠢᠴᠢᠭᠰᠡᠨ ᠨᠣᠮ ᠶ᠋ᠢᠠᠨ ᠥᠪᠡᠷ ᠶ᠋ᠢᠡᠨ ᠬᠡᠪᠯᠡᠵᠦ ᠪᠠᠶ᠋ᠢᠨᠠ ᠭᠡᠵᠦ ᠵᠡᠭᠦᠲᠦᠯᠡᠯᠡ
ᠪᠢᠰᠢᠳ ᠨᠥᠬᠥᠳ ᠦ᠋ᠨ ᠶ᠋ᠢᠡᠨ ᠪᠦᠲᠦᠭᠡᠯ ᠊ᠢ ᠪᠣᠲᠢᠯᠠᠵᠤ ᠪᠠᠶ᠋ᠢᠨᠠ ᠭᠡᠵᠦ ᠵᠡᠭᠦᠲᠦᠯᠡᠯᠡ
ᠪᠢᠰᠢᠭᠦᠢ ᠣᠯᠠᠨ ᠮᠢᠩᠬ᠋ᠠ ᠪᠠᠷ ᠨᠢ ᠬᠤᠪᠢᠯᠠᠵᠤ ᠪᠠᠶ᠋ᠢᠨᠠ ᠭᠡᠵᠦ ᠵᠡᠭᠦᠲᠦᠯᠡᠯᠡ
ᠰᠢᠯᠦᠭ ᠊ᠢ ᠮᠢᠨᠢ ᠳᠠᠷᠤᠵᠤ ᠪᠠᠶ᠋ᠢᠬᠰᠠᠨ ᠬᠥᠮᠦᠰ ᠦᠨᠦᠰᠴᠦ ᠪᠠᠶ᠋ᠢᠨᠠ ᠭᠡᠵᠦ ᠵᠡᠭᠦᠲᠦᠯᠡᠯᠡ
ᠰᠢᠭᠦᠮᠵᠢᠯᠡᠨ ᠳᠠᠭᠠᠷᠢᠵᠤ ᠪᠠᠶ᠋ᠢᠬᠰᠠᠨ ᠬᠥᠮᠦᠰ
ᠨᠠᠮ ᠦ᠋ᠨ 《 ᠦᠨᠡᠨ 》 ᠳᠤ ᠮᠠᠭᠲᠠᠵᠤ ᠪᠠᠶ᠋ᠢᠨᠠ ᠭᠡᠵᠦ ᠵᠡᠭᠦᠲᠦᠯᠡᠯᠡ
ᠵᠢᠤᠠᠬᠦᠯ ᠡᠴᠡ ᠵᠢᠰᠤᠷ ᠨᠢ ᠦᠨᠡᠲᠡᠢ ᠪᠠᠶ᠋ᠢᠬᠰᠠᠨ ᠭᠡᠳᠡᠭ
ᠵᠦᠭᠡᠷ ᠪᠣᠯᠤᠬ᠋ᠠ ᠦᠭᠡᠢ ᠤᠯᠠᠮ ᠲᠣᠣᠷᠠᠲᠠᠬ᠋ᠠ ᠶᠤᠮ ᠰᠢᠪ ᠳ᠋ᠡ ᠃
ᠪᠢ ᠲᠢᠷᠡᠩ ᠪᠣᠯᠵᠤ ᠵᠡᠭᠦᠲᠦᠯᠡᠯᠡ
ᠪᠢᠰᠢ ᠬᠥᠮᠦᠰ ᠊ᠢ ᠴᠢᠲᠠᠬᠤ ᠭᠡᠵᠦ
ᠳᠠᠯᠠᠢ ᠲᠢᠪ ᠦ᠋ᠨ ᠡᠮᠡ ᠮᠠᠩᠭᠤᠰ ᠲᠠᠢ
ᠳᠠᠭᠠᠭᠠᠮᠠᠢ ᠠᠮᠠᠷᠠᠭ ᠪᠣᠯᠤᠨ ᠬᠠᠨᠢᠯᠠᠯᠠ ᠭᠡᠵᠦ ᠵᠡᠭᠦᠲᠦᠯᠡᠯᠡ ᠃
《 ᠷ ᠴᠣᠢᠨᠣᠮ ᠦ᠋ᠨ ᠰᠢᠯᠦᠭ ᠵᠣᠬᠢᠶᠠᠯ ᠦ᠋ᠨ ᠬᠤᠷᠢᠶᠠᠬᠤᠢ — 》
— ᠤᠶᠠᠩᠬ᠋ᠠ ᠶ᠋ᠢᠨ ᠰᠢᠯᠦᠭ ᠡᠴᠡ ᠬᠠᠭᠤᠯᠪᠠ ᠃
ᠪᠶ᠋᠊ · ᠳᠠᠮᠳᠢᠨᠰᠦ᠋ᠷᠦᠩ ᠡᠮᠬᠢᠤᠠᠬᠡᠨ ᠨᠠᠶ᠋ᠢᠷᠠᠭᠤᠯᠪᠠ
ᠬᠠᠷᠢᠭᠤᠴᠠᠭᠰᠠᠨ ᠨᠠᠶ᠋ᠢᠷᠠᠭᠤᠯᠤᠭᠴᠢ ᠄ ᠪᠣᠷᠣᠨᠤᠳ ᠳᠣᠷᠵᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠪᠠᠶᠠᠨᠰᠡᠷᠡᠩ
ᠬᠢᠨᠠᠭᠴᠢ ᠄ ᠮᠦᠩᠭᠦᠨᠴᠡᠴᠡᠭ