ᠠᠷᠪᠠᠨ ᠰᠠᠷᠠ ᠶ᠋ᠢᠨ ᠨᠢᠭᠡᠨ – ᠭᠦᠷᠵᠠᠪ Арван сарын нэгэн – Гүржав
282ᠠᠷᠪᠠᠨ ᠰᠠᠷᠠ ᠶ᠋ᠢᠨ ᠨᠢᠭᠡᠨ
ᠭᠦᠷᠵᠡᠪ
ᠠᠷᠪᠠᠨ ᠰᠠᠷᠠ ᠶ᠋ᠢᠨ ᠨᠢᠭᠡᠨ ᠪᠣᠯ
ᠠᠭᠤᠤ ᠤᠯᠤᠰ ᠦ᠋ᠨ ᠮᠢᠨᠢ ᠪᠠᠶ᠋ᠢᠭᠤᠯᠤᠭᠲᠠᠭᠰᠠ ᠡᠲᠦᠷ
ᠠᠲᠠᠭᠠᠲᠠᠨ ᠳᠠᠶ᠋ᠢᠰᠤᠨ ᠪ ᠳᠠᠷᠤᠯᠠᠯ ᠠ᠋ᠴᠠ ᠮᠤᠯᠲᠤᠷᠠᠵᠤ
ᠠᠷᠠᠤᠠᠴᠢᠯᠠᠭᠰᠠᠨ ᠵᠠᠰᠠᠭᠲᠤ ᠲᠥᠷᠥ ᠪᠡᠨ ᠪᠣᠰᠬᠠᠵᠤ
ᠠᠰ ᠦ᠋ᠨ ᠡᠷᠬᠡ ᠪᠡᠨ ᠡᠳ᠋ᠯᠡᠭᠰᠡᠨ ᠡᠲᠦᠷ
ᠠᠷᠪᠠᠨ ᠰᠠᠷᠠ ᠶ᠋ᠢᠨ ᠨᠢᠭᠡᠨ ᠪᠣᠯ
ᠠᠷᠠᠳ ᠲᠦᠮᠡᠨ ᠪ ᠮᠢᠨᠢ ᠥᠨᠳᠡᠢᠭᠰᠡᠨ ᠡᠲᠦᠷ
ᠠᠯᠠᠯᠬ᠋ᠠ ᠂ ᠬᠢᠲᠤᠯᠬ᠋ᠠ ᠶ᠋ᠢᠨ ᠲᠠᠮᠤ ᠠ᠋ᠴᠠ ᠠᠩᠭᠢᠵᠢᠷᠠᠵᠤ
ᠠᠮᠤᠷ ᠵᠢᠷᠭᠠᠯ ᠦ᠋ᠨ ᠵᠠᠮ ᠶ᠋ᠢᠠᠨ ᠡᠯᠭᠦᠵᠦ
ᠠᠵᠠ ᠬᠡᠢ ᠮᠣᠷᠢ ᠪᠠᠨ ᠮᠠᠨᠲᠤᠭᠤᠯᠤᠭᠰᠠᠨ ᠡᠲᠦᠷ
ᠠᠷᠪᠠᠨ ᠰᠠᠷᠠ ᠶ᠋ᠢᠨ ᠨᠢᠭᠡᠨ ᠪᠣᠯ
ᠠᠬᠠᠮᠠᠳ ᠬᠤᠪᠢᠰᠬᠠᠯᠴᠢᠳ ᠦ᠋ᠨ ᠮᠢᠨᠢ ᠠᠪᠴᠢᠷᠠᠭᠰᠠᠨ ᠡᠲᠦᠷ
ᠠᠷᠢᠭᠤᠨ ᠤᠯᠠᠭᠠᠨ ᠴᠢᠰᠤ ᠪᠠᠨ ᠤᠷᠤᠰᠬᠠᠵᠤ
ᠠᠯᠲᠠ ᠡᠷᠲᠡᠨᠢ ᠶ᠋ᠢᠨ ᠠᠮᠢ ᠪᠠᠨ ᠥᠷᠡᠭᠳᠡᠭᠦᠯᠵᠦ
ᠠᠰᠢᠲᠠ ᠮᠥᠩᠬᠡ ᠠᠪᠴᠢᠷᠠᠭᠰᠠᠨ ᠡᠲᠦᠷ
ᠠᠷᠪᠠᠨ ᠰᠠᠷᠠ ᠶ᠋ᠢᠨ ᠨᠢᠭᠡᠨ ᠪᠣᠯ
ᠠᠴᠢᠲᠤ ᠡᠪᠦᠭᠡ ᠶ᠋ᠢᠨ ᠮᠢᠨᠢ ᠱᠠᠭᠰᠢᠲᠠᠭ ᠡᠲᠦᠷ
ᠠᠩᠬᠠᠨ ᠪ ᠨᠡᠶ᠋ᠢᠭᠡᠮ ᠦ᠋ᠨ ᠦᠨᠲᠦᠰᠦ ᠶ᠋ᠢ ᠲᠠᠰᠤᠯᠵᠤ
ᠠᠯᠢᠪᠠ ᠵᠣᠪᠠᠯᠠᠩ ᠦ᠋ᠨ ᠬᠣᠣᠷ ᠊ᠢ ᠠᠷᠢᠯᠭᠠᠭᠰᠠᠨ ᠴᠠᠭ ᠭᠡᠳ
ᠠᠬᠢᠨ ᠳᠠᠬᠢᠨ ᠳᠤᠷᠠᠰᠬᠤ ᠡᠲᠦᠷ
ᠠᠷᠪᠠᠨ ᠰᠠᠷᠠ ᠶ᠋ᠢᠨ ᠨᠢᠭᠡᠨ ᠪᠣᠯ
ᠠᠪᠠᠬ᠋ᠠ ᠠᠨᠢᠶᠠ ᠨᠠᠷ ᠦ᠋ᠨ ᠮᠢᠨᠢ ᠬᠠᠷᠠᠲᠠᠭ ᠡᠲᠦᠷ
ᠠᠮᠠᠷᠠᠯᠲᠠ ᠲᠠᠯᠪᠢᠵᠤ ᠂ ᠨᠠᠭᠠᠤᠠᠴᠤ ᠵᠤᠭᠠᠴᠠᠨᠠ
ᠠᠵᠢᠯ ᠬᠢᠲᠡᠯ ᠦ᠋ᠨ ᠴᠢᠯᠥᠭᠡ ᠪᠡᠨ ᠲᠠᠯᠪᠢᠨᠠ ᠭᠡᠳ
ᠠᠮᠢᠵᠢᠬ᠋ᠠ ᠴᠢᠯᠥᠭᠡ ᠦᠭᠡᠢ ᠬᠠᠷᠠᠲᠠᠭ ᠡᠲᠦᠷ
ᠠᠷᠤ ᠨᠤᠲᠤᠭ ᠦ᠋ᠨ ᠬᠡᠦᠬᠡᠳ ᠪᠢᠲᠡ
ᠠᠷᠪᠠᠨ ᠰᠠᠷᠠ ᠶ᠋ᠢᠨ ᠨᠢᠭᠡᠨ ᠪ
ᠠᠲᠠᠪᠠᠰᠢ ᠠᠭᠤᠯᠭᠠᠲᠤ ᠡᠨᠡ ᠪᠠᠶᠠᠷ ᠶ᠋ᠢᠠᠨ
ᠠᠯᠠᠬ᠋ᠠ ᠪᠠᠨ ᠳᠡᠯᠭᠡᠨ ᠪᠠᠶᠠᠷᠯᠠᠨ ᠤᠭᠲᠤᠨᠠ
ᠠᠶᠠᠯᠭᠤ ᠳᠠᠭᠤᠤ ᠪᠠᠷ ᠶ᠋ᠢᠠᠨ ᠤᠷᠢᠨ ᠤᠭᠲᠤᠨᠠ !
ᠢᠷᠡᠯᠲᠡ ᠄ ᠭᠦᠷᠵᠠᠪ ᠦ᠋ᠨ ᠵᠣᠬᠢᠶᠠᠭᠰᠠᠨ《 ᠬᠡᠦᠬᠡᠳ ᠨᠠᠰᠤ ᠰᠠᠶ᠋ᠢᠬᠠᠨ 》 ᠭᠡᠳᠡᠭ ᠨᠣᠮ ᠠ᠋ᠴᠠ ᠬᠠᠭᠤᠯᠤᠨ ᠪᠢᠴᠢᠪᠡ ᠂
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠤ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠤᠷᠠᠨᠴᠡᠴᠡᠭ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
2023 ᠂3 ᠂13 ᠪ ᠡᠲᠦᠷ