ᠮᠣᠩᠭᠣᠯ ᠣᠨᠢᠰᠤᠭᠠ ᠶᠢᠨ ᠲᠡᠭᠦᠪᠦᠷᠢ – ᠬᠣᠶᠠᠳᠤᠭᠠᠷ ᠪᠦᠯᠦᠭ –1 Монгол оньсгын түүвэр –Хоёрдугаар бүлэг–1
809ᠬᠣᠶᠠᠳᠤᠭᠠᠷ ᠪᠦᠯᠦᠭ – ᠠᠷᠠᠳ ᠦ᠋ᠨ ᠠᠮᠠ ᠪᠠᠷ ᠵᠣᠬᠢᠶᠠᠭᠲᠠᠭᠰᠠᠨ ᠣᠨᠢᠰᠣᠬ᠋ᠠ
ᠡᠷᠬᠡᠲᠡᠨ ᠮᠠᠬᠠᠪᠣᠳ ᠲᠤ᠌ ᠬᠣᠯᠪᠣᠭᠳᠠᠭᠰᠠᠨ ᠵᠦᠢᠯ
ᠭᠦᠶᠦᠮᠡᠯ ᠰᠢᠷᠡᠭᠡ
ᠰᠠᠭᠤᠮᠠᠯ ᠨᠣᠶᠠᠨ
( ᠮᠣᠷᠢᠲᠠᠢ ᠬᠥᠮᠦᠨ)
ᠵᠤᠰᠠᠭ ᠢᠮᠠᠬ᠋ᠠ
ᠵᠢᠷᠭᠤᠭᠠᠨ ᠡᠪᠡᠷ ᠲᠡᠢ
ᠵᠤᠳ ᠢᠷᠡᠪᠡᠯ
ᠬᠣᠶᠠᠷ ᠡᠪᠡᠷ ᠲᠡᠢ
( ᠬᠠᠷᠢ ᠳᠤ ᠮᠣᠷᠲᠠᠭᠰᠠᠨ ᠬᠡᠦᠬᠡᠨ )
ᠠᠯᠲᠠᠨ ᠪᠤᠯᠠᠭ ᠦ᠋ᠨ ᠭᠥᠪᠡᠭᠡᠨ ᠳᠡᠭᠡᠷᠡ
ᠠᠯᠠᠭ ᠱᠠᠬ᠋ᠠ ᠪᠤᠯᠠᠬ᠋ᠠ ᠲᠠᠢ ᠪᠠᠶ᠋ᠢᠨᠠ
ᠠᠯᠲᠠ ᠪᠠ ᠮᠥᠩᠭᠥ ᠶ᠋ᠢ ᠮᠡᠲᠡᠬᠦ ᠦᠭᠡᠢ
ᠠᠬᠠ ᠳᠡᠭᠦᠦ ᠨᠡᠷ ᠮᠢᠨᠢ ᠳᠠᠭᠠᠪᠠᠯ
ᠪᠤᠭᠤᠷᠤᠯ ᠮᠣᠷᠢᠨ ᠠ᠋ᠴᠠ ᠪᠠᠨ ᠪᠠᠭᠤᠵᠤ ᠥᠭᠭᠦᠶᠡ
ᠪᠤᠯᠠᠭᠠᠨ ᠳᠠᠬᠤ ᠪᠠᠨ ᠲᠠᠶ᠋ᠢᠯᠵᠤ ᠥᠭᠭᠦᠶᠡ
( ᠲᠦᠷᠦᠭᠡ ᠦᠭᠡᠢ ᠬᠡᠦᠬᠡᠳ )
ᠳᠡᠭᠡᠷᠡ ᠲᠢᠪ ᠦ᠋ᠨ ᠣᠷᠣᠨ ᠠ᠋ᠴᠠ
ᠳᠡᠭᠦᠵᠢᠩ ᠦᠭᠡᠢ ᠪᠦᠲᠦᠵᠡᠢ
ᠳᠥᠷᠪᠡᠨ ᠲᠢᠪ ᠦ᠋ᠨ ᠣᠷᠣᠨ ᠠ᠋ᠴᠠ
ᠲᠤᠯᠭᠠᠭᠤᠷᠢ ᠦᠭᠡᠢ ᠪᠦᠲᠦᠵᠡᠢ
ᠴᠠᠪᠴᠢᠮᠠᠯ ᠬᠠᠲᠠᠨ ᠪ ᠨᠢᠭᠤᠷ ᠨᠢ
ᠢᠨᠠᠭᠰᠢ ᠬᠠᠨᠲᠤᠵᠠᠢ
ᠴᠢᠤᠠᠬᠤᠯᠠᠩ ᠦ᠋ᠨ ᠡᠬᠢᠨ ᠳᠡᠭᠡᠷᠡ
ᠥᠯᠵᠡᠢ ᠵᠠᠩᠬᠢ ᠵᠠᠩᠭᠢᠤᠠᠴᠠᠢ
( ᠬᠡᠦᠬᠡᠳ ᠪᠦᠲᠦᠬᠦ )
ᠨᠠᠲᠠᠲᠤ ᠨᠢᠭᠡ ᠶᠠᠭᠤᠮᠠ ᠪᠠᠶ᠋ᠢᠨᠠ
ᠲᠡᠭᠦᠨ ᠊ᠢ ᠬᠥᠮᠦᠨ ᠶᠡᠬᠡ ᠬᠡᠷᠡᠭᠯᠡᠨᠡ
ᠪᠢ ᠬᠠᠶᠠ ᠨᠢᠭᠡ ᠬᠡᠷᠡᠭᠯᠡᠨᠡ
( ᠬᠥᠮᠦᠨ ᠪ ᠨᠡᠷᠡ )
ᠠᠪᠲᠠᠷᠠ ᠳᠦᠭᠦᠷᠡᠩ
ᠠᠬᠠᠢ ᠪᠢᠴᠢᠭ᠌
( ᠬᠥᠮᠦᠨ ᠪ ᠤᠬᠠᠭᠠᠨ )
ᠡᠷᠬᠡ ᠮᠥᠩᠭᠥᠨ ᠴᠣᠣᠵᠢ
ᠪᠡᠷᠬᠡ ᠮᠥᠩᠭᠥᠨ ᠲᠦᠯᠬᠢᠭᠦᠷ ᠲᠡᠢ
( ᠣᠶᠤᠨ ᠤᠬᠠᠭᠠᠨ )
ᠴᠢᠮᠠ ᠠ᠋ᠴᠠ ᠪᠠᠬ᠋ᠠ
ᠴᠢᠮᠠᠶ᠋ᠢ ᠮᠡᠬᠡᠯᠡᠨᠡ
( ᠨᠣᠶ᠋ᠢᠷ )
ᠴᠢᠮᠠᠲᠤ ᠦᠵᠡᠭᠳᠡᠬᠦ ᠦᠭᠡᠢ ᠮᠥᠷᠲᠡᠭᠡᠨ
ᠴᠢᠮᠠᠶ᠋ᠢ ᠴᠣᠬᠢᠭᠠᠳ ᠤᠨᠠᠭᠠᠴᠢᠨᠠ
( ᠨᠣᠶ᠋ᠢᠷ )
ᠣᠢ ᠮᠥᠷᠡᠨ ᠊ᠢ ᠭᠡᠳᠦᠯᠦᠭᠰᠡᠨ ᠴᠤ᠌
ᠣᠶ᠋ᠢᠮᠣᠰᠤ ᠱᠠᠬᠠᠢ ᠨᠣᠷᠤᠭᠰᠠᠨ ᠦᠭᠡᠢ
ᠤᠷᠤᠭ ᠰᠠᠷᠠᠯ ᠊ᠢ ᠠᠯᠠᠭᠰᠠᠨ ᠴᠤ᠌
ᠤᠷᠤᠭᠤᠯ ᠠᠮᠠ ᠲᠣᠰᠣᠲᠠᠭᠰᠠᠨ ᠦᠭᠡᠢ
ᠣᠭᠲᠠᠷᠭᠤᠢ ᠳᠤ ᠵᠢᠭᠦᠷ ᠦᠭᠡᠢ ᠨᠢᠰᠦᠭᠰᠡᠨ ᠴᠤ᠌
ᠣᠶ᠋ᠢᠴᠢᠵᠤ ᠦᠭᠦᠭᠰᠡᠨ ᠣᠰᠣᠯ ᠦᠭᠡᠢ
ᠣᠷᠴᠢᠯᠠᠩ ᠳᠤ ᠠᠶᠤᠯ ᠦᠭᠡᠢ ᠲᠡᠨᠦᠭᠰᠡᠨ ᠴᠤ᠌
ᠣᠷᠣᠨ ᠠ᠋ᠴᠠ ᠪᠠᠨ ᠬᠥᠳᠡᠯᠦᠭᠰᠡᠨ ᠤᠴᠢᠷ ᠦᠭᠡᠢ
( ᠵᠡᠭᠦᠲᠦ )
ᠪᠥᠬᠡᠷ ᠪᠥᠬᠡᠷ ᠠᠯᠬᠤᠲᠠᠯ ᠲᠠᠢ
ᠪᠥᠭᠳᠥᠷ ᠮᠣᠲᠣᠨ ᠳᠤ ᠬᠣᠨᠣᠭ ᠲᠠᠢ
ᠬᠣᠶᠠᠷ ᠳᠠᠯᠢᠩ ᠬᠦᠨᠡᠰᠦ ᠲᠡᠢ
( ᠥᠯᠥᠭᠡᠢ ᠲᠡᠢ ᠬᠡᠦᠬᠡᠳ )
ᠬᠣᠩᠬᠢᠶᠠ ᠮᠣᠲᠣᠨ ᠬᠣᠨᠣᠭ ᠲᠠᠢ
ᠬᠣᠶᠠᠷ ᠬᠣᠪᠣᠭᠣ ᠤᠮᠲᠠ ᠲᠠᠢ
( ᠥᠯᠥᠭᠡᠢ ᠲᠡᠢ ᠬᠡᠦᠬᠡᠳ )
ᠳᠣᠪᠣ ᠲᠣᠭᠣᠷᠢᠭᠠᠳ
ᠳᠣᠯᠣᠭᠠᠨ ᠨᠦᠬᠡ
( ᠲᠣᠯᠣᠭᠠᠢ )
ᠪᠤᠮᠪᠠᠨ ᠰᠠᠶ᠋ᠢᠬᠠᠨ ᠪᠤᠲᠤᠩ
ᠪᠢᠲᠡᠭᠦᠦ ᠴᠢᠨᠠᠭᠰᠠᠨ ᠪᠤᠲᠠᠬ᠋ᠠ
ᠪᠢᠯᠢᠭ᠌ ᠦ᠋ᠨ ᠤᠯᠠᠭᠠᠨ ᠳᠠᠩᠰᠠ
ᠪᠡᠭᠡᠵᠢᠩ ᠬᠣᠶᠠᠷ ᠬᠠᠪᠲᠠᠬ᠋ᠠ
ᠴᠠᠪ ᠴᠠᠭᠠᠨ ᠴᠢᠯᠠᠭᠤ
ᠴᠠᠭᠠᠨ ᠠᠯᠠᠭ ᠬᠤᠨᠲᠠᠬ᠋ᠠ
( ᠲᠣᠯᠣᠭᠠᠢ )
ᠦᠰᠦ ᠲᠡᠢ ᠦᠰᠦ ᠦᠭᠡᠢ ᠬᠣᠶᠠᠷ
ᠦᠷ ᠴᠠᠶ᠋ᠢᠲᠠᠯᠠ ᠨᠣᠴᠣᠯᠲᠤᠨᠠ ᠃
( ᠳᠡᠷᠡ ᠲᠣᠯᠣᠭᠠᠢ ᠬᠣᠶᠠᠷ )
ᠪᠣᠯᠪᠣᠭᠣᠷ ᠠᠭᠤᠯᠠ ᠶ᠋ᠢᠨ ᠣᠷᠣᠢ
ᠪᠣᠮ ᠲᠦᠮᠡᠨ ᠪᠤᠷᠭᠠᠰᠤ
( ᠲᠣᠯᠣᠭᠠᠢ ᠦᠰᠦ )
ᠪᠣᠮᠪᠣᠷᠴᠠᠭ ᠦ᠋ᠨ ᠣᠷᠣᠢ ᠳᠡᠭᠡᠷᠡ
ᠪᠣᠮ ᠲᠦᠮᠡᠨ ᠴᠡᠷᠢᠭ ᠪᠠᠶ᠋ᠢᠨᠠ
ᠪᠠᠭᠤᠯᠭᠠᠲᠠᠢ ᠨᠢ ᠭᠠᠭᠴᠠᠬᠠᠨ
ᠶᠠᠩᠭᠠᠲᠠᠢ ᠪᠠᠭᠠᠲᠤᠷ
( ᠲᠣᠯᠣᠭᠠᠢ ᠶ᠋ᠢᠨ ᠦᠰᠦ ᠶ᠋ᠢ ᠠᠪᠬᠤ )
ᠬᠤᠷᠴᠠ ᠨᠠᠷᠠᠨ ᠳᠤ ᠬᠠᠯᠠᠬ᠋ᠠ ᠦᠭᠡᠢ
ᠬᠤᠷᠠ ᠤᠰᠤᠨ ᠳᠤ ᠤᠬᠢᠶᠠᠬ᠋ᠠ ᠦᠭᠡᠢ
ᠭᠠᠩ ᠲᠡᠮᠦᠷ ᠬᠦᠷᠦᠭᠡ ᠦᠭᠡᠢ
ᠭᠠᠭᠴᠠ ᠴᠤ᠌ ᠮᠣᠲᠣ ᠤᠷᠭᠤᠬ᠋ᠠ ᠦᠭᠡᠢ
( ᠬᠣᠵᠢᠭᠢᠷ ᠲᠣᠯᠣᠭᠠᠢ )
ᠬᠠᠷᠠ ᠪᠤᠤᠷᠠ ᠬᠠᠩᠭᠢᠰ ᠭᠡᠬᠦ ᠳᠤ
ᠬᠠᠵᠠᠭᠤ ᠶ᠋ᠢᠨ ᠡᠪᠡᠰᠦ ᠨᠤᠷᠠᠰᠬᠢᠨᠠ
( ᠦᠰᠦ ᠠᠪᠬᠤ )
ᠮᠢᠬᠠ ᠪᠠᠷ ᠪᠦᠲᠦᠭᠰᠡᠨ ᠪᠡᠶᠡ ᠲᠡᠢ
ᠮᠠᠯᠲᠠᠮᠠᠯ ᠶᠠᠰᠤᠨ ᠭᠡᠷ ᠲᠡᠢ
ᠮᠡᠷᠭᠡᠨ ᠰᠣᠲᠣ ᠤᠬᠠᠭᠠᠨ ᠲᠠᠢ
ᠮᠡᠲᠡᠵᠦ ᠰᠤᠷᠬᠤ ᠪᠢᠯᠢᠭ᠌ ᠲᠡᠢ
( ᠲᠠᠷᠢᠬᠢ )
ᠨᠠᠷᠢᠨ ᠰᠠᠶ᠋ᠢᠬᠠᠨ ᠰᠢᠨᠠ ᠳᠡᠭᠡᠷᠡ
ᠨᠠᠪᠴᠢ ᠦᠭᠡᠢ ᠰᠢᠯᠤᠭᠤᠨ ᠡᠪᠡᠰᠦ
( ᠰᠠᠬᠠᠯ )
ᠠᠭᠤᠯᠠ ᠶ᠋ᠢᠨ ᠠᠷᠤ ᠳᠤ
ᠤᠷᠲᠤ ᠬᠠᠷᠠ ᠬᠥᠮᠦᠨ
( ᠭᠡᠵᠢᠭᠡ )
ᠲᠣᠭᠣᠨᠣ ᠶ᠋ᠢᠨ ᠳᠡᠭᠡᠷᠡ ᠲᠣᠬᠣᠮ ᠬᠠᠷᠠ
ᠲᠣᠭᠠᠯᠠᠵᠤ ᠪᠣᠯᠲᠠᠭ ᠦᠭᠡᠢ ᠨᠣᠮᠣᠬᠠᠨ ᠬᠠᠷᠠ
( ᠦᠰᠦ )
ᠠᠷᠤ ᠳᠤ ᠴᠠᠰᠤ ᠣᠷᠣᠪᠠᠯ
ᠠᠷᠢᠯᠭᠠᠬᠤ ᠳᠤ ᠪᠡᠷᠬᠡ
ᠠᠯᠲᠠᠨ ᠭᠠᠲᠠᠰᠤ ᠮᠤᠷᠤᠶ᠋ᠢᠪᠠᠯ
ᠵᠠᠯᠠᠬᠤ ᠳᠤ ᠪᠡᠷᠬᠡ
( ᠦᠰᠦ ᠴᠠᠶ᠋ᠢᠵᠤ ᠪᠥᠭᠳᠥᠷ ᠪᠣᠯᠬᠤ )
ᠬᠠᠨ ᠠᠭᠤᠯᠠ ᠶ᠋ᠢᠨ ᠣᠷᠣᠢ ᠳᠤ
ᠴᠠᠰᠤ ᠣᠷᠣᠬᠤ ᠨᠢ ᠬᠡᠴᠡᠭᠦᠦ
ᠣᠷᠣᠭᠰᠠᠨ ᠬᠣᠶ᠋ᠢᠨᠠ
ᠬᠠᠶ᠋ᠢᠯᠬᠤ ᠨᠢ ᠴᠤ᠌ ᠬᠡᠴᠡᠭᠦᠦ
( ᠦᠰᠦ ᠴᠠᠶ᠋ᠢᠬᠤ )
ᠲᠡᠭᠦᠵᠦ ᠠᠪᠤᠭᠠᠳ
ᠲᠣᠬ᠋ᠠ ᠶ᠋ᠢ ᠨᠢ ᠮᠡᠳᠡᠳᠡᠭ ᠦᠭᠡᠢ
( ᠦᠰᠦ )
ᠬᠠᠨ ᠤᠯᠤᠰ ᠪᠤᠲᠠᠷᠠᠭᠰᠠᠨ ᠳᠤ
ᠬᠠᠷᠢᠭᠤᠯᠬᠤ ᠬᠥᠮᠦᠨ ᠦᠭᠡᠢ
ᠬᠠᠰᠠᠭ ᠲᠡᠷᠭᠡ ᠨᠢ ᠡᠪᠳᠡᠷᠡᠭᠰᠡᠨ ᠳᠤ
ᠡᠪᠯᠡᠬᠦ ᠬᠥᠮᠦᠨ ᠦᠭᠡᠢ
( ᠦᠰᠦ ᠴᠠᠶ᠋ᠢᠵᠤ ᠰᠢᠲᠦ ᠤᠨᠠᠬᠤ )
ᠬᠠᠩᠭᠠᠢ ᠳᠤ ᠣᠷᠣᠭᠰᠠᠨ ᠴᠠᠰᠤ ᠬᠠᠶ᠋ᠢᠯᠬᠤ ᠳᠤ ᠪᠡᠷᠬᠡ
ᠬᠠᠷᠠᠭᠤᠯ ᠳᠤ ᠮᠣᠷᠲᠠᠭᠰᠠᠨ ᠬᠥᠮᠦᠨ ᠢᠷᠡᠬᠦ ᠳᠤ ᠪᠡᠷᠬᠡ
( ᠦᠰᠦ ᠴᠠᠶ᠋ᠢᠬᠤ ᠪᠠ ᠦᠬᠦᠭᠰᠡᠨ ᠬᠥᠮᠦᠨ )
ᠭᠡᠷ ᠦ᠋ᠨ ᠭᠠᠲᠠᠨᠠ
ᠭᠡᠲᠡᠩ ᠭᠣᠲᠣᠩ
( ᠭᠡᠵᠢᠭᠡ )
ᠠᠷᠵᠠᠭᠠᠢ ᠪᠠᠷ ᠠᠷᠢᠯᠭᠠᠵᠤ
ᠰᠠᠷᠵᠠᠭᠠᠢ ᠪᠠᠷ ᠰᠠᠮᠨᠠᠵᠤ
ᠭᠤᠷᠪᠠ ᠪᠠᠷ ᠮᠤᠰᠬᠢᠵᠤ
ᠭᠣᠶᠣᠯᠠᠨ ᠬᠠᠮᠠᠭᠠᠯᠠᠨᠠ
( ᠭᠡᠵᠢᠭᠡ )
ᠥᠨᠲᠥᠷ ᠠᠭᠤᠯᠠ ᠶ᠋ᠢᠨ ᠠᠷᠤ ᠳᠤ
ᠥᠨᠥᠴᠢᠨ ᠲᠠᠤᠯᠠᠢ ᠶ᠋ᠢᠨ ᠬᠡᠪᠲᠡᠰᠢ
( ᠴᠢᠮᠠᠯᠠᠬᠠᠢ )
ᠭᠡᠷ ᠦ᠋ᠨ ᠠᠷᠤ ᠳᠤ
ᠭᠡᠨᠳᠡᠭ ᠬᠤᠤᠠᠲᠤᠭ
( ᠴᠢᠮᠠᠯᠠᠬᠠᠢ )
ᠬᠣᠲᠠ ᠢᠷᠡᠭᠡ
ᠬᠤᠷᠠᠬ᠋ᠠ ᠠᠯᠠᠬ᠋ᠠ
ᠬᠣᠲᠠ ᠨᠢ ᠰᠢᠲᠦ ᠦᠭᠡᠢ
ᠬᠤᠷᠠᠬ᠋ᠠ ᠨᠢ ᠶᠠᠰᠤ ᠦᠭᠡᠢ
( ᠬᠡᠦᠬᠡᠳ ᠬᠥᠬᠥᠬᠦ )
ᠠᠷᠪᠠᠨ ᠰᠠᠶ᠋ᠢᠨ ᠨᠥᠬᠥᠷ
ᠬᠥᠮᠦᠨ ᠪᠦᠷᠢ ᠳᠤ ᠪᠠᠶ᠋ᠢᠲᠠᠭ
( ᠠᠷᠪᠠᠨ ᠬᠤᠷᠤᠭᠤ )
ᠬᠣᠷᠢᠨ ᠬᠣᠨᠢ ᠬᠣᠯᠪᠣᠬ᠋ᠠ ᠲᠠᠢ
ᠬᠣᠲᠣᠭᠣᠷ ᠤᠯᠠᠭᠠᠭᠴᠢ ᠦᠨᠢᠶᠡ ᠤᠶᠠᠬ᠋ᠠ ᠲᠠᠢ
( ᠰᠢᠲᠦ ᠬᠡᠯᠡ )
ᠵᠡᠷᠭᠡᠯᠭᠡ ᠮᠣᠲᠣᠨ ᠪ ᠠᠷᠤ ᠳᠤ
ᠵᠡᠭᠡᠷᠲᠡᠭᠴᠢ ᠭᠡᠭᠦᠦ ᠲᠣᠭᠯᠠᠨᠠ
( ᠰᠢᠲᠦ ᠬᠡᠯᠡ )
ᠬᠣᠷᠢᠨ ᠬᠣᠨᠢ ᠬᠣᠯᠪᠣᠬ᠋ᠠ ᠲᠠᠢ
ᠬᠣᠩᠭᠣᠷ ᠵᠡᠭᠡᠷᠲᠡ ᠰᠣᠶ᠋ᠢᠯᠬ᠋ᠠ ᠲᠠᠢ
( ᠰᠢᠲᠦ ᠬᠡᠯᠡ )
ᠴᠠᠭᠠᠲᠠᠢ ᠪᠠᠷ ᠴᠠᠪᠴᠢᠨᠠ
ᠤᠯᠠᠭᠠᠲᠠᠢ ᠪᠠᠷ ᠤᠭᠲᠤᠨᠠ
( ᠰᠢᠲᠦ ᠬᠡᠯᠡ )
ᠭᠣᠣ ᠳᠤ ᠭᠤᠴᠢᠨ ᠴᠠᠭᠠᠨ ᠥᠷᠭᠥᠭᠡ
( ᠰᠢᠲᠦ )
ᠢᠷᠠᠭ ᠢᠮᠠᠬ᠋ᠠ ᠶᠠᠰᠤᠨ ᠬᠣᠲᠣᠭᠣᠲᠣ ᠲᠠᠢ
( ᠰᠢᠲᠦ ᠠᠮᠠ )
ᠬᠣᠨᠢᠨ ᠴᠢᠨᠡᠭᠡ ᠴᠠᠭᠠᠨ ᠬᠠᠲᠠᠨ ᠳᠤ
ᠬᠣᠩᠭᠣᠷ ᠤᠯᠠᠭᠠᠨ ᠦᠨᠡᠭᠡ ᠬᠠᠪᠴᠢᠬᠲᠠᠪᠠ
ᠦᠨᠡᠭᠡ ᠭᠠᠷᠬᠤ ᠶ᠋ᠢ ᠶᠠᠭᠠᠷᠠᠬᠤ ᠦᠭᠡᠢ ᠪᠠᠶ᠋ᠢᠲᠠᠯᠠ
ᠥᠨᠥᠬᠢ ᠬᠠᠲᠠ ᠭᠠᠷᠭᠠᠬᠤ ᠶ᠋ᠢ ᠶᠠᠭᠠᠷᠠᠨᠠ
( ᠰᠢᠲᠦᠨ ᠳᠤ ᠮᠢᠬᠠ ᠣᠷᠣᠬᠤ )
ᠢᠷᠪᠡᠬᠡᠲᠡᠢ ᠵᠢᠷᠪᠡᠬᠡᠲᠡᠢ ᠳᠤ ᠥᠭᠭᠦᠭᠡ
ᠵᠢᠷᠪᠡᠬᠡᠲᠡᠢ ᠨᠢᠴᠦᠭᠦᠨ ᠳᠤ ᠥᠭᠭᠦᠭᠡ
ᠨᠢᠴᠦᠭᠦᠨ ᠨᠢ ᠨᠦᠬᠡᠨ ᠳᠤ ᠭᠡᠭᠡ
( ᠭᠠᠷ ᠰᠢᠲᠦ ᠬᠡᠯᠡ ᠬᠣᠭᠣᠯᠠᠢ )
ᠠᠷᠵᠠᠭᠠᠬᠠᠢ ᠡᠪᠦᠭᠡᠨ ᠵᠠᠲᠠᠭᠯᠠᠬ᠋ᠠ
ᠠᠷᠪᠠᠨ ᠬᠥᠮᠦᠨ ᠊ᠢ ᠮᠣᠷᠲᠠᠭᠤᠯᠤᠬ᠋ᠠ
ᠱᠣᠨᠲᠣᠭᠣᠢ ᠪᠠᠭᠰᠢ ᠶ᠋ᠢ ᠵᠠᠯᠠᠬ᠋ᠠ
ᠰᠢᠪᠲᠤ ᠨᠡᠪᠲᠡ ᠬᠠᠤᠠᠬᠤᠭᠤᠯᠤᠬ᠋ᠠ
( ᠰᠢᠲᠦ ᠴᠢᠭᠴᠢᠯᠡᠬᠦ)
ᠲᠠᠢ ᠲᠠᠢ ᠬᠠᠲᠤᠨ ᠴᠢᠯᠡᠷᠬᠡᠵᠦ ᠭᠡᠨᠡ
ᠲᠠᠪᠤᠨ ᠪᠣᠱᠣᠭᠣ ᠳᠤᠭᠲᠤᠷᠴᠤ ᠭᠡᠨᠡ
ᠭᠣᠷᠭᠤᠢ ᠪᠠᠭᠰᠢ ᠶ᠋ᠢ ᠵᠠᠯᠠᠵᠤ ᠭᠡᠨᠡ
ᠭᠤᠨᠵᠢᠨ ᠲᠡᠮᠡᠭᠡ ᠶ᠋ᠢ ᠭᠠᠶ᠋ᠢᠲᠤᠭᠤᠯᠵᠤ ᠭᠡᠨᠡ
( ᠰᠢᠲᠦ ᠴᠢᠭᠴᠢᠯᠡᠬᠦ)
ᠬᠠᠰᠠᠭ ᠲᠡᠷᠭᠡ ᠡᠪᠲᠡᠷᠡᠬᠦ ᠨᠢ ᠬᠡᠴᠡᠭᠦᠦ
ᠡᠪᠳᠡᠷᠡᠭᠰᠡᠨ ᠬᠣᠶ᠋ᠢᠨᠠ ᠪᠠᠨ ᠡᠪᠯᠡᠭᠦᠯᠬᠦ ᠳᠤ ᠴᠤ᠌ ᠬᠡᠴᠡᠭᠦᠦ
( ᠰᠢᠲᠦ ᠤᠨᠠᠬᠤ )
ᠨᠦᠬᠡᠨ ᠳᠣᠲᠣᠷᠠ ᠨᠢᠴᠦᠭᠦᠨ ᠬᠦᠦ
( ᠬᠡᠯᠡ )
ᠬᠣᠩᠭᠣᠷ ᠳᠣᠲᠣᠷᠠ ᠬᠣᠩᠭᠣᠷ ᠵᠡᠭᠡᠷᠲᠡ ᠤᠶᠠᠭᠠᠲᠠᠢ
( ᠬᠡᠯᠡ )
ᠠᠭᠤᠢ ᠳᠣᠲᠣᠷᠠ ᠠᠯᠢᠶᠠ ᠤᠯᠠᠭᠠᠨ ᠴᠢᠪᠠᠭᠠᠨᠴᠠ
( ᠬᠡᠯᠡ )
ᠪᠠᠬ᠋ᠠ ᠭᠡᠷ ᠦ᠋ᠨ ᠳᠣᠲᠣᠷᠠ
ᠪᠠᠬᠢᠷᠠᠬ᠋ᠠ ᠴᠢᠪᠠᠭᠠᠨᠴᠠ
( ᠬᠡᠯᠡ )
ᠤᠯᠠᠭᠠᠭᠴᠢ ᠭᠡᠭᠦᠦ ᠤᠶᠠᠭᠠᠲᠠᠢ ᠪᠠᠶ᠋ᠢᠨᠠ
( ᠬᠡᠯᠡ )
ᠪᠢ ᠮᠡᠲᠡᠶᠡ
ᠴᠢ ᠬᠡᠯᠡ
( ᠬᠡᠯᠡ )
ᠨᠣᠭᠣᠭᠠᠨ ᠪ ᠬᠠᠰᠢᠶᠠᠨ ᠳᠣᠲᠣᠷᠠ
ᠨᠣᠶ᠋ᠢᠲᠠᠨ ᠤᠯᠠᠭᠠᠨ ᠲᠤᠭᠤᠯ
( ᠬᠡᠯᠡ )
ᠶᠡᠬᠡ ᠭᠡᠷ ᠦ᠋ᠨ ᠳᠣᠲᠣᠷᠠ ᠪᠠᠬ᠋ᠠ ᠭᠡᠷ
ᠪᠠᠬ᠋ᠠ ᠭᠡᠷ ᠦ᠋ᠨ ᠳᠣᠲᠣᠷᠠ ᠪᠠᠷᠬᠢᠷᠠᠬ᠋ᠠ ᠴᠢᠪᠠᠭᠠᠨᠴᠠ
( ᠬᠡᠯᠡ )
ᠤᠯᠠᠭᠠᠨ ᠦᠬᠡᠷ ᠶᠠᠰᠤᠨ ᠬᠣᠷᠣᠬ᠋ᠠ ᠲᠠᠢ
( ᠬᠡᠯᠡ )
ᠬᠠᠵᠠᠭᠤ ᠳᠡᠭᠡᠷᠡ ᠬᠠᠶ᠋ᠢᠪᠢᠨ ᠲᠣᠭᠣᠬ᠋ᠠ
( ᠴᠢᠬᠢ )
ᠬᠠᠵᠠᠭᠤ ᠳᠡᠭᠡᠷᠡ ᠬᠠᠵᠠᠭᠠᠢ ᠱᠠᠬᠠᠢ
( ᠴᠢᠬᠢ )
ᠲᠠᠯᠠ ᠳᠡᠭᠡᠷᠡ ᠲᠠᠯᠠ ᠲᠡᠪᠰᠢ
( ᠴᠢᠬᠢ )
ᠬᠡᠯᠲᠡᠷᠬᠡᠢ ᠬᠠᠵᠠᠭᠤ ᠶ᠋ᠢᠨ ᠬᠣᠶᠠᠷ
ᠬᠡᠨ ᠠᠯᠢᠨ ᠶ᠋ᠢᠠᠨ ᠲᠠᠨᠢᠬᠤ ᠦᠭᠡᠢ
ᠬᠡᠩᠭᠡᠷᠭᠡ ᠴᠠᠩ ᠳᠤᠤᠭᠠᠷᠪᠠᠯ
ᠬᠡᠯᠡᠯᠴᠡᠭᠰᠡᠨ ᠰᠢᠭ᠌ ᠴᠣᠭ ᠰᠣᠨᠣᠰᠤᠨᠠ
( ᠴᠢᠬᠢ)
ᠡᠵᠢ ᠶ᠋ᠢᠨ ᠥᠭᠭᠥᠭᠰᠡᠨ ᠬᠡᠲᠡᠪᠴᠢ ᠶ᠋ᠢ
ᠡᠲᠦᠢ ᠪᠣᠯᠲᠠᠯᠠ ᠦᠵᠡᠭᠡᠲᠦᠢ
( ᠴᠢᠬᠢ)
ᠬᠡᠯᠲᠡᠭᠡᠢ ᠡᠲᠡᠭᠡᠳ ᠦ᠋ᠨ ᠡᠵᠡᠨ
ᠬᠡᠨ ᠠᠯᠢᠨ ᠶ᠋ᠢᠠᠨ ᠲᠠᠨᠢᠬᠤ ᠦᠭᠡᠢ
ᠬᠡᠩᠭᠡᠷᠭᠡ ᠴᠠᠩ ᠳᠤᠤᠭᠠᠷᠪᠠᠯ
ᠬᠡᠨ ᠡᠴᠡ ᠴᠤ᠌ ᠤᠷᠢᠲᠠᠵᠤ ᠰᠣᠨᠣᠰᠤᠨᠠ
( ᠴᠢᠬᠢ)
ᠨᠠᠷᠠ ᠦᠭᠡᠢ ᠨᠠᠷᠢᠨ ᠭᠣᠣ
( ᠠᠮᠠ)
ᠤᠯᠠᠭᠠᠨ ᠬᠡᠷᠡᠮ ᠳᠤ ᠴᠠᠭᠠᠨ ᠪᠠᠶ᠋ᠢᠰᠢᠩ
ᠴᠠᠭᠠᠨ ᠪᠠᠶ᠋ᠢᠰᠢᠩ ᠳᠤ ᠴᠠᠶ᠋ᠢᠪᠤᠷ ᠦᠬᠡᠨ
( ᠠᠮᠠ )
ᠤᠯᠠᠭᠠᠨ ᠬᠡᠷᠡᠮ ᠳᠤ ᠴᠠᠭᠠᠨ ᠪᠠᠶ᠋ᠢᠰᠢᠩ
ᠴᠠᠭᠠᠨ ᠪᠠᠶ᠋ᠢᠰᠢᠩ ᠳᠤ ᠴᠠᠶ᠋ᠢᠪᠤᠷ ᠤᠯᠠᠭᠠᠨ ᠥᠬᠢᠨ
( ᠤᠷᠤᠭᠤᠯ ᠰᠢᠲᠤ ᠬᠡᠯᠡ)
ᠳᠣᠪᠣ ᠶ᠋ᠢ ᠲᠣᠭᠣᠷᠢᠭᠠᠳ ᠳᠣᠯᠣᠭᠠᠨ ᠨᠦᠬᠡ
ᠳᠤᠮᠳᠠ ᠨᠢ ᠢᠲᠡᠭᠡ ᠪᠤᠲᠠᠬ᠋ᠠ ᠶ᠋ᠢᠨ ᠨᠦᠬᠡ
(ᠠᠮᠠ ᠬᠠᠮᠠᠷ ᠴᠢᠬᠢ ᠨᠢᠲᠦ)
ᠳᠣᠪᠣ ᠶ᠋ᠢ ᠲᠣᠭᠣᠷᠢᠭᠠᠳ ᠳᠣᠯᠣᠭᠠᠨ ᠨᠦᠬᠡ
ᠳᠣᠷᠣᠭᠰᠢ ᠬᠠᠷᠠᠭᠰᠠᠨ ᠬᠣᠶᠠᠷ ᠨᠦᠬᠡ
( ᠶᠢᠰᠦᠨ ᠰᠦᠪᠡ)
ᠬᠣᠶᠠᠷ ᠲᠠᠰᠤᠯᠬ᠋ᠠ ᠪᠠᠶ᠋ᠢᠰᠢᠩ
ᠨᠢᠭᠡ ᠲᠤᠯᠭᠠᠭᠤᠷᠢ ᠲᠠᠢ
( ᠬᠠᠮᠠᠷ)
ᠬᠣᠶᠠᠷ ᠬᠤᠸᠠ ᠶ᠋ᠢᠨ ᠬᠣᠭᠣᠷᠣᠨᠲᠣ
ᠬᠤᠸᠠ ᠲᠡᠮᠡᠭᠡ ᠬᠡᠪᠲᠡᠵᠦ ᠪᠠᠶ᠋ᠢᠨᠠ
( ᠬᠠᠮᠠᠷ)
ᠶᠠᠩᠵᠤ ᠦᠭᠡᠢ ᠭᠠᠵᠠᠷ
ᠰᠢᠨᠵᠢ ᠦᠭᠡᠢ ᠪᠠᠶ᠋ᠢᠰᠢᠩ
( ᠬᠠᠮᠠᠷ)
ᠰᠡᠪᠡᠶ᠋ᠢᠨ ① ᠬᠤᠪᠢᠩ ᠳᠤ ᠵᠠᠪᠠᠭ ② ᠲᠠᠷᠠᠭ
( ᠨᠢᠰᠦ ᠂ ᠬᠠᠮᠠᠷ)
① ᠰᠡᠪᠡᠶ᠋ᠢᠨ — ᠶᠠᠭᠤᠮᠠᠨ ᠪ ᠳᠦᠷᠰᠦ ᠪᠠᠶ᠋ᠢᠲᠠᠯ ᠊ᠢ ᠵᠢᠭᠠᠭᠰᠠᠨ ᠦᠭᠡ ᠃
② ᠵᠠᠪᠠᠭ — ᠵᠠᠪᠠᠬ᠋ᠠ ᠭᠡᠳᠡᠭ ᠲᠡᠢ ᠤᠤᠠᠬᠠ ᠨᠢᠭᠡ ᠠᠮᠲᠠ ᠪᠠᠷ ᠠᠨᠠᠢ ᠭᠡᠰᠡᠨ ᠦᠭᠡ ᠃
ᠬᠣᠶᠠᠷ ᠲᠠᠰᠤᠯᠬ᠋ᠠ ᠪᠠᠶ᠋ᠢᠰᠢᠩ
ᠬᠣᠭᠣᠷᠣᠨᠲᠣ ᠪᠠᠨ ᠭᠠᠭᠴᠠᠬᠠᠨ ᠲᠤᠯᠭᠠᠭᠤᠷᠢ ᠲᠠᠢ
( ᠬᠠᠮᠠᠷ)
ᠡᠪᠡᠰᠦ ᠦᠭᠡᠢ ᠭᠠᠵᠠᠷ
ᠦᠵᠡᠭᠡᠷᠢ ᠦᠭᠡᠢ ᠭᠡᠷ
( ᠬᠠᠮᠠᠷ)
ᠡᠷᠬᠢ ᠳᠡᠭᠡᠷᠡ ᠡᠪᠲᠡᠶ᠋ᠢᠬᠡᠨ ᠡᠪᠡᠰᠦ
( ᠰᠠᠬᠠᠯ)
ᠬᠦᠷ ᠬᠦᠷ ᠭᠡᠪᠡᠯ ᠬᠦᠷᠬᠦ ᠦᠭᠡᠢ
ᠪᠤᠤ ᠬᠦᠷ ᠪᠤᠤ ᠬᠦᠷ ᠭᠡᠪᠡᠯ ᠬᠦᠷᠬᠦ
( ᠤᠷᠤᠭᠤᠯ)
ᠬᠠᠪᠴᠢᠬ ᠪᠣᠷᠲᠣᠭᠣᠨ ᠳᠤ
ᠭᠠᠰᠢᠯᠤᠭᠰᠠᠨ ᠵᠥᠭᠡᠬᠡᠢ
( ᠨᠢᠰᠦ)
ᠪᠣᠷᠲᠣᠭᠣ ᠳᠦᠭᠦᠷᠡᠩ ᠪᠣᠷᠣ ᠲᠣᠰᠣ
( ᠨᠢᠰᠦ)
ᠬᠣᠶᠠᠷ ᠳᠣᠮᠪᠣ ᠠ᠋ᠴᠠ ᠰᠢᠷᠠ ᠲᠣᠰᠣ ᠭᠣᠭᠣᠵᠢᠬᠤ
( ᠨᠢᠰᠦ)
ᠪᠤᠷᠭᠠᠰᠤᠨ ᠬᠠᠰᠢᠶᠠᠨ ᠳᠤ ᠪᠦᠭᠡᠷᠡᠯᠡᠭᠡ ᠳᠣᠭᠣᠯ
( ᠨᠢᠲᠦ)
ᠬᠠᠷᠠ ᠪᠢᠷᠠᠭᠤ ᠬᠢᠯᠭᠠᠰᠤᠨ ᠬᠣᠷᠣᠬ᠋ᠠ ᠲᠠᠢ
( ᠨᠢᠲᠦ)
ᠬᠠᠲᠠᠨ ᠡᠩᠭᠡᠷ ᠦ᠋ᠨ ᠬᠣᠶᠠᠷ ᠨᠠᠭᠤᠷ
ᠬᠠᠷᠠ ᠭᠠᠯᠠᠭᠤ ᠶ᠋ᠢ ᠰᠠᠭᠤᠯᠭᠠᠬᠤ ᠦᠭᠡᠢ
( ᠨᠢᠲᠦ)
ᠠᠭᠤᠢ ᠳᠣᠲᠣᠷᠠ ᠠᠯᠠᠭ ᠴᠢᠨᠣᠠ
( ᠨᠢᠲᠦ)
ᠲᠠᠯᠠ ᠳᠤᠮᠳᠠ ᠳᠠᠶ᠋ᠢᠪᠠᠯᠵᠠᠭᠤᠷ
ᠳᠠᠪᠠᠭᠠᠨ ᠪ ᠨᠠᠭᠠᠨᠠ ᠴᠠᠭᠠᠨᠠ ᠪᠦᠮᠪᠦᠯᠵᠡᠭᠦᠷ
ᠲᠠᠨ ᠪ ᠮᠠᠨ ᠪ ᠭᠠᠶ᠋ᠢᠬᠠᠯᠵᠠᠭᠤᠷ
( ᠨᠢᠲᠦ)
ᠠᠷᠠᠰᠤᠨ ᠬᠣᠷᠣᠬ᠋ᠠ ᠲᠠᠢ
ᠠᠯᠠᠭ ᠪᠢᠷᠠᠭᠤ ᠶ᠋ᠢ
ᠠᠤᠠᠬᠤᠪᠠᠯ ᠠᠤᠠᠬᠤ ᠳᠦᠭᠦᠷᠬᠦ ᠦᠭᠡᠢ
ᠲᠠᠯᠪᠢᠪᠠᠯ ᠲᠠᠯᠠ ᠳᠦᠭᠦᠷᠦᠨᠡ
( ᠨᠢᠲᠦ)
ᠪᠣᠰᠤᠬ᠋ᠠ ᠬᠠᠲᠠᠨ ᠪ ᠡᠩᠭᠡᠷ ᠲᠦ
ᠪᠤᠮᠪᠤᠯᠵᠭᠤᠷ ᠬᠣᠶᠠᠷ ᠨᠠᠭᠤᠷ ᠪᠤᠢ
ᠪᠤᠰᠤᠳ ᠨᠠᠭᠤᠷ ᠲᠠᠢ ᠲᠠᠭᠠᠷᠠᠬᠤ ᠦᠭᠡᠢ
ᠪᠤᠵᠠᠷ ᠪᠤᠷᠲᠠᠭ ᠢ ᠣᠷᠣᠭᠤᠯᠬᠤ ᠦᠭᠡᠢ
( ᠨᠢᠳᠦ )
ᠠᠯᠠᠭ ᠲᠤᠭᠤᠯ ᠬᠢᠯᠭᠠᠰᠤᠨ ᠰᠢᠪᠡᠭᠡ ᠲᠡᠢ
( ᠨᠢᠳᠦ )
ᠰᠠᠭᠤᠯᠠᠭᠠ ᠲᠣᠲᠣᠷᠠ ᠰᠠᠭᠤᠮᠠᠯ ᠰᠢᠯ
( ᠨᠢᠳᠦ )
ᠤᠯᠠᠭᠠᠨ ᠬᠠᠳᠠᠨ ᠤ ᠡᠩᠭᠡᠷ ᠳᠡᠭᠡᠷᠡ
ᠤᠷᠠᠨ ᠠᠯᠠᠭ ᠱᠠᠭᠠᠵᠠᠭᠠᠢ
ᠤᠰᠤ ᠰᠠᠴᠤᠭᠠᠳ ᠦᠷᠭᠦᠬᠦ ᠦᠭᠡᠢ
ᠤᠷᠭᠠ ᠲᠠᠯᠪᠢᠭᠠᠳ ᠣᠨᠣᠭᠳᠠᠬᠤ ᠦᠬᠡᠢ
( ᠨᠢᠳᠦ )
ᠪᠢᠴᠢᠬᠠᠨ ᠬᠠᠰᠢᠶᠠᠨ ᠳᠤ ᠪᠥᠭᠡᠷᠡ ᠠᠯᠠᠭ ᠲᠤᠭᠤᠯ
( ᠨᠢᠳᠦ )
ᠠᠭᠤᠢ ᠲᠣᠲᠣᠷᠠ ᠠᠯᠠᠭ ᠪᠥᠮᠪᠦᠭᠡ
( ᠨᠢᠳᠦ )
ᠪᠥᠭᠡᠷᠡ ᠠᠯᠠᠭ ᠰᠢᠪᠠᠭᠤ
ᠪᠥᠭᠦᠳᠡ ᠣᠯᠠᠨ ᠲᠠᠢ ᠬᠠᠷᠢᠯᠴᠠᠨᠠ
( ᠨᠢᠳᠦ )
ᠠᠭᠤᠢ ᠲᠣᠲᠣᠷᠠ ᠠᠯᠠᠭ ᠢᠮᠠᠭᠠ
( ᠨᠢᠳᠦ )
ᠠᠯᠠᠭ ᠪᠢᠷᠠᠭᠤ
ᠠᠷᠭᠠᠯ ᠤᠨ ᠬᠣᠭ ᠢ ᠳᠠᠭᠠᠭᠠᠬᠤ ᠦᠭᠡᠢ
( ᠨᠢᠳᠦ )
ᠢᠬᠡᠷᠡ ᠲᠥᠷᠥᠭᠰᠡᠨ ᠡᠭᠡᠴᠢ ᠳᠡᠭᠦᠦ ᠬᠣᠶᠠᠷ
ᠡᠳᠦᠢ ᠪᠣᠯᠲᠠᠯᠠ ᠠᠯᠢ ᠠᠯᠢᠨ ᠢᠶ᠋ᠠᠨ ᠦᠵᠡᠭᠡ ᠦᠭᠡᠢ
( ᠨᠢᠳᠦ )
ᠨᠠᠭᠤᠷ ᠲᠤ ᠲᠠᠣᠯᠠᠢ ᠤᠨᠠᠭᠠᠳ
ᠲᠠᠤᠯᠠᠢ ᠨᠢ ᠵᠣᠪᠠᠬᠤ ᠦᠭᠡᠢ
ᠨᠠᠭᠤᠷ ᠨᠢ ᠵᠣᠪᠠᠨᠠ
( ᠨᠢᠳᠦ )
ᠪᠤᠷᠬᠠᠨ ᠢᠶ᠋ᠠᠨ ᠪᠤᠷᠭᠠᠰᠤ ᠪᠠᠷ ᠭᠤᠶᠠᠳᠠᠬᠤ
( ᠨᠢᠳᠦ ᠴᠠᠪᠴᠢᠬᠤ )
ᠲᠠᠯᠠ ᠳᠡᠭᠡᠷᠡ ᠲᠠᠯᠪᠢᠯᠵᠭᠤᠷ
ᠲᠠᠪᠢᠨ ᠯᠠᠩ ᠤᠨ ᠪᠥᠮᠪᠦᠯᠵᠡᠭᠦᠷ
ᠪᠥᠮᠪᠦᠯᠵᠡᠭᠦᠷ ᠦᠨ ᠪᠥᠮᠪᠦᠯᠵᠡᠭᠦᠷ
ᠪᠥᠭᠦᠳᠡ ᠤᠯᠤᠰ ᠤᠨ ᠭᠠᠶ᠋ᠢᠬᠠᠯᠵᠭᠤᠷ
( ᠨᠢᠳᠦ )
ᠠᠷᠠᠮᠠᠭ ᠲᠠᠷᠠᠮᠠᠭ ᠮᠤᠳᠤᠨ ᠴᠠᠭᠠᠨᠠ
ᠠᠯᠠᠭ ᠮᠣᠷᠢᠲᠠᠢ ᠡᠷᠭᠢᠭᠦᠯ ᠶᠠᠪᠤᠨᠠ
( ᠨᠢᠳᠦ )
ᠭᠣᠷᠯᠣᠰ ᠤᠨ ᠬᠡᠥᠬᠡᠳ
ᠭᠣᠣᠯ ᠬᠠᠪᠴᠢᠨ ᠴᠤᠤᠭᠢᠯᠳᠤᠨᠠ
( ᠨᠢᠳᠦᠨ ᠰᠣᠷᠮᠤᠤᠰᠤ )
ᠭᠦᠨ ᠬᠤᠳᠳᠤᠭ ᠲᠤ
ᠭᠦᠩᠭᠦᠷ ᠠᠯᠠᠭ ᠰᠢᠪᠠᠭᠤ
( ᠨᠢᠳᠦ )
ᠳᠡᠯᠭᠡᠪᠡᠯ ᠳᠡᠯᠡᠬᠡᠢ ᠶ᠋ᠢᠨ ᠴᠢᠨᠡᠭᠡ
ᠬᠣᠮᠢᠪᠡᠯ ᠬᠤᠷᠤᠭᠤᠨ ᠤ ᠴᠢᠨᠡᠭᠡ
( ᠨᠢᠳᠦ )
ᠬᠤᠳᠳᠤᠭ ᠲᠣᠲᠣᠷᠠᠬᠢ
ᠬᠠᠭᠤᠷᠠᠢ ᠴᠢᠯᠠᠭᠤ
( ᠨᠢᠳᠦ )
ᠰᠦᠷᠦᠭ ᠱᠠᠭᠠᠵᠠᠭᠠᠢ
ᠰᠡᠭᠦᠯ ᠢᠶ᠋ᠠᠷ ᠢᠶ᠋ᠠᠨ ᠨᠠᠭᠠᠳᠤᠨᠠ
( ᠰᠤᠷᠮᠤᠤᠰᠤ )
ᠨᠠᠭᠠᠳᠤᠬᠢ ᠠᠭᠤᠯᠠ ᠶ᠋ᠢᠨ
ᠬᠡᠷᠡᠮ ᠦ᠋ᠨ ᠳᠡᠭᠡᠷᠡ ᠬᠡᠪᠲᠡᠭᠡ ᠯᠤᠤ
( ᠬᠦᠮᠦᠰᠭᠡ )
ᠬᠠᠶᠠᠭᠠᠨ ᠳᠡᠭᠡᠷᠡ ᠬᠠᠪᠢᠷᠭᠠᠨ ᠰᠠᠷᠠ
(ᠬᠦᠮᠦᠰᠭᠡ )
ᠬᠡᠴᠡ ᠳᠡᠭᠡᠷᠡ ᠬᠡᠭᠡᠷ ᠮᠣᠷᠢ
(ᠭᠦᠮᠦᠰᠭᠡ )
ᠬᠡᠴᠡ ᠳᠡᠭᠡᠷᠡ ᠬᠡᠲᠦᠨ ᠪᠠᠷᠠᠭᠠᠨ ᠠᠲᠤᠭᠤ
( ᠬᠦᠮᠦᠰᠭᠡ )
ᠨᠢᠮᠭᠡᠨ ᠬᠤᠯᠲᠠᠰᠤ ᠨᠡᠬᠡᠬᠡᠵᠤ ᠪᠤᠯᠲᠠᠬ ᠥᠭᠡᠢ
(ᠬᠢᠮᠤᠰᠤ )
ᠠᠷᠪᠠᠨ ᠴᠡᠷᠢᠭ ᠠᠷᠤ ᠳ᠋ᠠᠭᠠᠨ ᠲᠣᠯᠢ ᠲᠠᠢ
( ᠬᠢᠮᠤᠰᠤ )
ᠠᠷᠪᠠᠨ ᠮᠡᠷᠭᠡᠨ ᠠᠷᠤ ᠥᠭᠡᠲᠡ ᠮᠦᠰᠦ ᠡᠭᠦᠷᠦᠨᠡ
( ᠬᠢᠮᠤᠰᠤ )
ᠠᠷᠤ ᠳᠡᠭᠡᠷᠡ ᠠᠷᠪᠠᠨ ᠭᠢᠯᠤᠭᠠᠨ ( ᠴᠠᠭᠠᠨ ᠪ ᠴᠡᠭᠡᠷ ᠥᠬᠡ )
( ᠬᠢᠮᠤᠰᠤ )
ᠲᠠᠯᠠ ᠳᠡᠭᠡᠷᠡ ᠳᠠᠪᠤᠨ ᠭᠢᠯᠤᠭᠠᠨ
(ᠬᠢᠮᠤᠰᠤ )
ᠵᠡᠬᠥᠨᠲᠡᠢ ᠡᠴᠡ ᠢᠷᠡᠭᠰᠡᠨ ᠲᠠᠪᠤᠨ ᠲᠠᠩᠭᠤᠳ
ᠭᠦᠯᠡᠢᠭᠰᠡᠨ ᠭᠦᠯᠡᠢᠭᠰᠡᠨ ᠲᠤᠯᠤᠭᠠᠢ ᠲᠠᠢ
ᠭᠢᠯᠠᠶ᠋ᠢᠬᠰᠠᠨ ᠭᠢᠯᠠᠶ᠋ᠢᠬᠰᠠᠨ ᠭᠡᠵᠢᠭᠡ ᠲᠡᠢ
( ᠬᠤᠷᠤᠭᠤᠨ ᠥᠨᠲᠡᠭᠡ ᠬᠢᠮᠤᠰᠤ)
ᠨᠢᠮᠭᠡᠨ ᠴᠢᠯᠠᠭᠤ ᠶ᠋ᠢ
ᠨᠡᠭᠡᠭᠡᠵᠦ ᠪᠣᠯᠬᠤ ᠦᠭᠡᠢ
ᠨᠡᠭᠡᠭᠡᠭᠰᠡᠨ ᠬᠣᠶ᠋ᠢᠨᠠ ᠪᠠᠨ
ᠬᠠᠭᠠᠵᠤ ᠪᠣᠯᠬᠤ ᠦᠭᠡᠢ
( ᠬᠢᠮᠤᠰᠤ)
ᠥᠨᠲᠥᠷ ᠠᠭᠤᠯᠠ ᠶ᠋ᠢᠨ ᠠᠷᠤ ᠳᠤ
ᠥᠨᠲᠡᠭᠡᠨ ᠴᠠᠭᠠᠨ ᠭᠡᠷ
ᠡᠲᠤᠷ ᠤᠲᠠᠭᠠᠨ ᠵᠠᠰᠠᠪᠠᠴᠤ
ᠤᠭ ᠬᠡᠪ ᠶ᠋ᠢᠡᠨ ᠠᠯᠲᠠᠬᠤ ᠦᠭᠡᠢ
( ᠬᠦᠯ ᠭᠠᠷ ᠦ᠋ᠨ ᠬᠢᠮᠤᠰᠤ)
ᠨᠣᠶᠠᠳ ᠦ᠋ᠨ ᠬᠡᠦᠬᠡᠳ
ᠨᠣᠭᠣᠭᠠᠨ ᠲᠣᠷᠭᠠᠨ ᠳᠡᠪᠡᠯ ᠲᠡᠢ
( ᠡᠯᠢᠭᠡ)
ᠬᠥᠭᠡᠷᠦᠬᠦᠨ ᠬᠡᠦᠬᠡᠳ
ᠬᠦᠪᠦᠩ ᠳᠤ ᠬᠤᠴᠢᠭᠠᠰᠤ ᠲᠠᠢ
( ᠪᠥᠭᠡᠷᠡ)
ᠬᠠᠭᠠᠨ ᠪ ᠬᠡᠦᠬᠡᠨ
ᠬᠠᠷᠠ ᠲᠣᠷᠭᠠᠨ ᠥᠴᠢ( ᠲᠡᠷᠯᠢᠭ) ᠲᠡᠢ
ᠨᠣᠶᠠᠨ ᠪ ᠬᠡᠦᠬᠡᠨ
ᠨᠣᠭᠣᠭᠠᠨ ᠲᠣᠷᠭᠠᠨ ᠦᠴᠢ ᠲᠡᠢ
( ᠡᠯᠢᠭᠡ ᠰᠥᠰᠥ)
ᠡᠬᠡ ᠨᠢ ᠡᠯᠢᠭᠡ ᠤᠯᠠᠭᠠᠨ
ᠬᠦᠦ ᠨᠢ ᠬᠦᠵᠦᠭᠦᠦ ᠠᠯᠠᠭ
( ᠠᠭᠤᠰᠬᠢ ᠵᠢᠷᠦᠬᠡ)
ᠤᠲᠠᠰᠤᠨ ᠡᠬᠡ ᠲᠡᠢ ᠤᠭᠤᠲᠠ
ᠤᠨᠠᠯᠲᠠ ᠶ᠋ᠢ ᠰᠢᠩᠭᠡᠭᠡᠬᠦ ᠰᠠᠪᠠ
ᠤᠲᠠᠭᠠᠨ ᠵᠢᠯ ᠬᠡᠷᠡᠭᠯᠡᠪᠡᠴᠦ
ᠤᠷᠠᠭᠲᠠᠵᠤ ᠪᠠᠷᠠᠭᠲᠠᠬᠤ ᠦᠭᠡᠢ
( ᠬᠣᠲᠣᠭᠣᠲᠣ)
ᠨᠠᠭᠠᠨᠠ ᠨᠢ ᠤᠰᠤᠨ ᠬᠣᠲᠠ
ᠴᠠᠭᠠᠨᠠ ᠨᠢ ᠰᠠᠯᠬᠢᠨ ᠬᠣᠲᠠ
ᠳᠤᠮᠳᠠ ᠨᠢ ᠴᠢᠰᠤᠨ ᠬᠣᠲᠠ
ᠲᠣᠭᠣᠷᠢᠭᠠᠳ ᠶᠠᠰᠤᠨ ᠬᠣᠲᠠ
( ᠬᠣᠲᠣᠭᠣᠲᠣ ᠠᠭᠤᠰᠬᠢ ᠵᠢᠷᠦᠬᠡ ᠬᠠᠪᠢᠷᠬ᠋ᠠ)
ᠰᠠᠭᠤᠯᠠᠬ᠋ᠠ ᠶ᠋ᠢᠨ ᠳᠣᠲᠣᠷᠠ
ᠰᠤᠮᠤᠨ ᠤᠯᠠᠭᠠᠨ ᠡᠷᠲᠡᠨᠢ
( ᠵᠢᠷᠦᠬᠡ)
ᠲᠡᠷᠲᠡᠭᠡ ᠠᠭᠤᠯᠠ ᠶ᠋ᠢᠨ ᠴᠠᠭᠠᠨᠠ
ᠳᠡᠬᠡ ᠶ᠋ᠢᠨ ᠱᠠᠬ᠋ᠠ ᠪᠤᠯᠠᠭᠰᠠᠨ ᠪᠤᠢ
ᠲᠡᠭᠦᠨ ᠊ᠢ ᠳᠠᠭᠠᠭᠰᠠᠨ ᠬᠦᠮᠦᠨ ᠳᠤ
ᠪᠤᠭᠤᠷᠤᠯ ᠮᠣᠷᠢ ᠪᠠᠨ ᠪᠠᠭᠤᠵᠤ ᠥᠭᠭᠦᠶᠡ
ᠪᠤᠯᠠᠭᠠᠨ ᠳᠡᠪᠡᠯ ᠶ᠋ᠢᠡᠨ ᠲᠠᠶ᠋ᠢᠯᠵᠤ ᠥᠭᠭᠦᠶᠡ
( ᠵᠢᠷᠦᠬᠡ)
ᠭᠦᠨ ᠬᠤᠤᠠᠲᠤᠭ ᠲᠤ
ᠬᠥᠩᠬᠥᠷ ᠤᠯᠠᠭᠠᠨ ᠴᠢᠯᠠᠭᠤ
( ᠵᠢᠷᠦᠬᠡ)
ᠭᠦᠨ ᠲᠠᠯᠠ ᠶ᠋ᠢᠨ ᠡᠬᠢᠨ ᠳᠤ
ᠬᠥᠩᠬᠥᠷ ᠤᠯᠠᠭᠠᠨ ᠰᠢᠪᠠᠭᠤ
( ᠵᠢᠷᠦᠬᠡ)
ᠬᠦᠷᠡᠩ ᠪᠢᠷᠠᠭᠤ ᠴᠠᠭᠠᠨ ᠲᠣᠯᠣᠭᠠᠢ ᠲᠠᠢ
( ᠵᠢᠷᠦᠬᠡ)
ᠤᠯᠠᠭᠠᠨ ᠳᠣᠭᠣᠯ
ᠴᠠᠭᠠᠨ ᠬᠦᠵᠦᠭᠦᠪᠴᠢ ᠲᠡᠢ
( ᠵᠢᠷᠦᠬᠡ )
ᠤᠯᠠᠭᠠᠨ ᠭᠡᠷ
ᠴᠠᠭᠠᠨ ᠬᠠᠶᠠᠭᠠᠪᠴᠢ ᠲᠠᠢ
( ᠵᠢᠷᠦᠬᠡ )
ᠥᠨᠲᠥᠷ ᠠᠭᠤᠯᠠᠨ ᠪ ᠡᠩᠭᠡᠷ ᠲᠤ
ᠥᠷᠥᠭᠡᠰᠦᠨ ᠭᠠᠭᠴᠠᠬᠠᠨ ᠭᠦᠢᠯᠡᠰᠦ
( ᠬᠦᠢᠰᠦ )
ᠰᠢᠷᠠ ᠲᠠᠯᠠ ᠶ᠋ᠢᠨ ᠳᠤᠮᠳᠠ
ᠰᠠᠷᠠᠭᠤᠯ ᠠᠮᠠᠰᠠᠷ ᠲᠠᠢ
ᠰᠠᠶ᠋ᠢᠬᠠᠨ ᠬᠤᠤᠠᠲᠤᠭ
( ᠬᠦᠢᠰᠦ )
ᠠᠷᠢᠭᠤᠨ ᠰᠠᠶ᠋ᠢᠬᠠᠨ ᠪᠠᠷᠢᠴᠠ ᠲᠠᠢ
ᠠᠭᠤᠵᠢᠮ ᠰᠠᠶ᠋ᠢᠬᠠᠨ ᠰᠠᠨᠵᠢ ᠲᠠᠢ
ᠥᠷᠭᠡᠨ ᠰᠠᠶ᠋ᠢᠬᠠᠨ ᠲᠠᠯᠠ ᠲᠠᠢ
ᠤᠰᠤ ᠲᠣᠭᠲᠠᠬᠤ ᠬᠣᠩᠬᠣᠷ ᠲᠠᠢ
ᠠᠭᠤᠯᠠᠨ ᠴᠢᠨᠡᠭᠡ ᠳᠣᠪᠣ ᠲᠠᠢ
( ᠰᠡᠭᠦᠵᠢᠨ ᠶᠠᠰᠤ )
ᠬᠣᠲᠣᠩ ᠳᠣᠲᠣᠷᠠ
ᠬᠣᠶᠠᠷ ᠮᠠᠶ᠋ᠢᠵᠢᠬᠢ
(ᠰᠡᠭᠦᠵᠢ )
ᠬᠣᠯᠠ ᠶ᠋ᠢ ᠳᠣᠭᠣᠯᠤᠭᠴᠢ
ᠬᠣᠶᠠᠷ ᠵᠡᠭᠡᠷᠲᠡ
( ᠬᠥᠯ )
ᠲᠠᠪᠤᠨ ᠬᠣᠵᠢᠭᠢᠷ ᠭᠦᠶᠦᠵᠦ
ᠲᠠᠪᠠᠬᠠᠢ ᠬᠡᠦᠬᠡᠳ ᠬᠥᠭᠡᠭᠡᠨᠡ
( ᠬᠥᠯ )
ᠠᠷᠤ ᠠ᠋ᠴᠠ ᠢᠷᠡᠭᠰᠡᠨ
ᠠᠷᠪᠠᠨ ᠬᠣᠶᠠᠷ ᠪᠠᠶ᠋ᠢᠲᠠᠰᠤ
ᠵᠢᠷᠭᠤᠬ᠋ᠠ ᠨᠢ ᠬᠡᠭᠡᠯᠲᠡᠢ
ᠳᠥᠷᠪᠡ ᠨᠢ ᠬᠤᠰᠠᠷᠠᠩ
ᠬᠣᠶᠠᠷ ᠨᠢ ᠪᠥᠭᠡᠷᠡ ᠴᠣᠭᠣᠷᠣᠬᠠᠢ
( ᠵᠢᠷᠭᠤᠭᠠᠨ ᠴᠢᠮᠥᠭᠡ ᠂ ᠬᠣᠶᠠᠷ ᠳᠠᠯᠤ ᠂
ᠬᠣᠶᠠᠷ ᠪᠣᠭᠲᠣᠭᠣᠰᠣ᠂ ᠬᠣᠶᠠᠷ ᠰᠡᠭᠦᠵᠢ )
ᠲᠠᠪᠤᠨ ᠪᠠᠨᠲᠠᠢ ᠵᠣᠯᠠᠭᠠᠳ ᠵᠣᠭᠰᠣᠬᠤ ᠦᠭᠡᠢ
ᠲᠠᠷᠭᠤᠨ ᠯᠠᠮᠠ ᠬᠥᠭᠡᠭᠡᠭᠡᠳ ᠭᠦᠢᠴᠡᠬᠦ ᠦᠭᠡᠢ
( ᠬᠥᠯ ᠦ᠋ᠨ ᠬᠤᠷᠤᠭᠤ ᠥᠰᠥᠭᠡᠢ )
ᠭᠡᠲᠡᠰᠦ ᠨᠢ ᠠᠷᠤ ᠳ᠋ᠠᠭᠠᠨ
ᠨᠢᠷᠤᠭᠤ ᠨᠢ ᠡᠮᠦᠨᠡ ᠪᠡᠨ
( ᠬᠥᠯ ᠦ᠋ᠨ ᠪᠤᠯᠴᠢᠩ )
ᠬᠥᠮᠦᠨ ᠬᠥᠮᠦᠨ ᠪ ᠭᠡᠲᠡᠰᠦ ᠨᠢ ᠡᠮᠦᠨᠡ ᠪᠡᠨ
ᠬᠡᠴᠡᠭᠦᠦ ᠮᠠᠮᠠ ᠶ᠋ᠢᠨ ᠭᠡᠲᠡᠰᠦ ᠨᠢ ᠨᠢᠷᠤᠭᠤᠨ ᠳᠡᠭᠡᠷᠡ ᠪᠡᠨ
(ᠬᠥᠯ ᠦ᠋ᠨ ᠪᠤᠯᠴᠢᠩ )
ᠶᠡᠬᠡ ᠭᠡᠷ ᠦ᠋ᠨ ᠳᠣᠲᠣᠷᠠ ᠪᠠᠬ᠋ᠠ ᠭᠡᠷ
ᠪᠠᠬ᠋ᠠ ᠭᠡᠷ ᠦ᠋ᠨ ᠳᠣᠲᠣᠷᠠ ᠪᠠᠯᠴᠢᠷ ᠲᠠᠪᠤᠭᠤᠯᠠ
( ᠭᠤᠲᠤᠯ ᠡᠮᠦᠰᠦᠭᠰᠡᠨ ᠬᠥᠯ )
ᠲᠠᠪᠢᠨ ᠲᠡᠮᠡᠭᠡ ᠲᠠᠯᠠ ᠳᠤ ᠶᠠᠪᠤᠵᠠᠢ
ᠲᠠᠬᠠᠢ ᠬᠣᠵᠢᠭᠢᠷ ᠬᠥᠭᠡᠭᠡᠭᠡᠳ ᠭᠦᠢᠴᠡᠬᠦ ᠦᠭᠡᠢ
(ᠬᠥᠯ ᠦ᠋ᠨ ᠬᠤᠷᠤᠭᠤ )
ᠲᠠᠪᠤᠨ ᠲᠠᠶ᠋ᠢᠯᠤᠭ
ᠲᠠᠷᠠᠤ ᠭᠦᠶᠦᠨᠡ
ᠲᠠᠩᠬᠠᠢ ᠬᠣᠵᠢᠭᠢᠷ
ᠳᠠᠭᠠᠭᠠᠳ ᠭᠦᠶᠦᠨᠡ
( ᠬᠥᠯ ᠦ᠋ᠨ ᠬᠤᠷᠤᠭᠤ ᠥᠯᠮᠡᠢ )
ᠲᠠᠪᠤᠨ ᠪᠠᠨᠲᠢ ᠲᠠᠷᠠᠭᠠᠳ ᠶᠠᠪᠤᠭᠰᠠᠨ
ᠲᠠᠷᠬᠠᠢ ᠳᠠᠷᠰᠠᠭᠠᠷ ᠬᠣᠵᠢᠭᠢᠷ ᠭᠦᠶᠦᠭᠡᠳ ᠶᠠᠪᠤᠭᠰᠠᠨ
ᠥᠨᠥ ᠪᠣᠯᠲᠠᠯᠠ ᠭᠦᠢᠴᠡᠭᠡ ᠦᠭᠡᠢ
( ᠬᠥᠯ ᠦ᠋ᠨ ᠬᠤᠷᠤᠭᠤ ᠥᠰᠥᠭᠡᠢ )
ᠪᠢ ᠶᠠᠪᠤᠨᠠ
ᠪᠢᠯᠡᠭᠦᠦ ᠪᠡᠨ ᠭᠡᠭᠡᠨᠡ
( ᠬᠥᠮᠦᠨ ᠪ ᠮᠥᠷ )
ᠲᠠᠪᠤᠨ ᠬᠥᠮᠦᠨ ᠪ ᠨᠢᠭᠡ ᠨᠢ
ᠰᠢᠷᠡᠮᠦᠨ ᠮᠠᠯᠠᠭᠠᠢ ᠲᠠᠢ
( ᠬᠤᠷᠤᠭᠤᠪᠴᠢ ᠲᠠᠢ ᠬᠤᠷᠤᠭᠤ )
ᠬᠠᠷᠠᠬᠤ ᠳᠤ ᠣᠶ᠋ᠢᠷᠠ
ᠬᠠᠵᠠᠬᠤ ᠳᠤ ᠬᠣᠯᠠ
( ᠭᠠᠷ ᠦ᠋ᠨ ᠠᠯᠠᠬ᠋ᠠ )
ᠲᠠᠪᠤᠨ ᠠᠭᠤᠯᠠ ᠶ᠋ᠢᠨ ᠪᠠᠯ ᠳᠡᠭᠡᠷᠡ
ᠲᠠᠭᠲᠠᠬᠠᠢ ᠲᠠᠤᠯᠠᠢ ᠶ᠋ᠢᠨ ᠬᠡᠪᠲᠡᠰᠢ
( ᠭᠠᠷ ᠦ᠋ᠨ ᠠᠯᠠᠬ᠋ᠠ ᠶ᠋ᠢᠨ ᠬᠣᠩᠬᠣᠷ )
ᠠᠬᠠ ᠳᠡᠭᠦᠦ ᠠᠷᠪᠠᠭᠤᠯᠠ
ᠠᠶ᠋ᠢᠯ ᠭᠡᠷ ᠬᠣᠶᠠᠷ
ᠠᠮᠠᠷᠠᠭ ᠳᠣᠲᠣᠨᠣ ᠪᠦᠯᠬᠦᠮ ᠲᠡᠢ
ᠠᠵᠢᠯᠴᠢ ᠬᠥᠲᠡᠯᠮᠦᠷᠢᠴᠢ ᠴᠣᠣ ᠲᠠᠢ
( ᠭᠠᠷ )
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠲᠤᠶᠠᠬ᠋ᠠ ᠂ ᠳ᠋ᠦ᠋ᠩ ᠹᠸᠩ ᠂ ᠮᠢᠩᠭᠠᠳ · ᠴᠢᠮᠡᠭ ᠂ ᠠᠯᠲᠠᠨᠲᠤᠶᠠᠭᠠ
ᠬᠢᠨᠠᠭᠴᠢ ᠄ ᠬᠠᠷᠠᠨᠤᠳ · ᠲᠤᠶᠠᠭᠠ ᠂ ᠮᠢᠩᠭᠠᠳ · ᠴᠢᠮᠡᠭ