ᠲᠣᠬᠤᠨᠲᠡᠮᠦᠷ ᠤᠬᠠᠭᠠᠨᠲᠤ ᠬᠠᠭᠠᠨ （3） - ᠬᠦᠴᠢᠬᠡᠨ Тохонтөмөр ухаант хаан（3） - Хүчхэн
323ᠲᠣᠬᠤᠨᠲᠡᠮᠦᠷ ᠤᠬᠠᠭᠠᠨᠲᠤ ᠬᠠᠭᠠᠨ - ᠭᠤᠷᠪᠠᠳᠤᠭᠠᠷ ᠪᠦᠯᠦᠭ
ᠭᠤᠷᠪᠠᠲᠤᠭᠠᠷ ᠪᠥᠯᠥᠭ
ᠬᠣᠶᠠᠷ ᠨᠡᠶ᠋ᠢᠰᠯᠡᠯ ᠦ᠋ᠨ ᠲᠤᠯᠤᠯᠲᠤᠭᠠᠨ ᠊ᠢ ᠵᠠᠪᠰᠢᠵᠤ ᠡᠯᠲᠡᠮᠦᠷ ᠡᠷᠬᠡ ᠬᠤᠯᠠᠭᠠᠶ᠋ᠢᠯᠠᠪᠠᠢ
ᠬᠣᠲᠤᠭᠲᠦ ᠬᠠᠭᠠᠨ ᠭᠡᠨᠡᠤᠠᠲᠡ ᠬᠠᠯᠢᠵᠤ ᠲᠡᠦᠬᠡᠨ ᠣᠨᠢᠰᠣᠬ᠋ᠠ ᠦᠯᠡᠲᠡᠭᠡᠪᠡᠢ
ᠲᠡᠨᠲᠡᠴᠡ ᠰᠣᠲᠢᠪᠠᠯᠠ ᠭᠡᠭᠡᠨ ᠬᠠᠭᠠᠨ ᠪᠣᠯᠤᠨ ᠪᠠᠷᠠᠭᠤᠨ ᠭᠠᠷᠤᠨ ᠴᠢᠩᠰᠠᠩ ᠪᠠᠶ᠋ᠢᠵᠤ ᠪᠠᠷ ᠲᠡᠪᠰᠢ ᠵᠡᠷᠭᠡ ᠵᠠᠯᠢᠬᠠᠢ ᠲᠦᠰᠢᠮᠡᠳ ᠦ᠋ᠨ ᠭᠠᠷ ᠲᠦ ᠬᠣᠷᠤᠭᠠᠭᠲᠠᠭᠰᠠᠨ ᠪ ᠳᠠᠷᠠᠬ᠋ᠠ ᠂ ᠲᠦᠷᠦᠯ ᠦ᠋ᠨ ᠨᠣᠶᠠᠨ ᠠᠨᠲᠢᠪᠤᠬᠠ ᠶᠢᠰᠤᠨᠲᠡᠮᠦᠷ ᠬᠣᠶᠠᠭᠤᠯᠠ ᠬᠠᠭᠠᠨ ᠪ ᠬᠠᠰ ᠲᠠᠮᠠᠬ᠋ᠠ ᠴᠠᠴᠤᠭ ᠰᠠᠯᠲᠠ ᠶ᠋ᠢ ᠠᠪᠤᠭᠠᠳ ᠭᠤᠪᠢ ᠶ᠋ᠢᠨ ᠤᠮᠠᠷᠠ ᠣᠴᠢᠵᠤ ᠵᠢᠨ ᠸᠠᠩ ᠡᠰᠡᠨᠲᠡᠮᠦᠷ ᠲᠤ ᠡᠷᠭᠦᠨ ᠪᠠᠷᠢᠪᠠ ᠃
ᠵᠢᠨ ᠸᠠᠩ ᠡᠰᠡᠨᠲᠡᠮᠦᠷ ᠪᠣᠯᠪᠠᠰᠤ ᠭᠠᠮᠠᠯᠠ ᠶ᠋ᠢᠨ ᠠᠬᠠᠮᠠᠳ ᠬᠦᠪᠡᠭᠦᠨ ᠂ ᠡᠬᠡ ᠢᠨᠦ ᠬᠣᠩᠭᠢᠷᠠᠳ ᠦ᠋ᠨ ᠪᠣᠶᠠᠨ ᠭᠢᠯᠢᠮᠢᠱᠢ ᠪᠦᠯᠦᠭᠡ ᠃ ᠬᠣᠪᠢᠯᠠᠢ ᠰᠡᠴᠡᠨ ᠬᠠᠭᠠᠨ ᠲᠦᠷᠪᠡᠲᠦᠭᠡᠷ ᠬᠦᠪᠡᠭᠦᠨ ᠨᠣᠮᠣᠬᠠᠨ ᠊ᠢ ᠪᠸᠢ ᠫᠢᠩ ᠸᠠᠩ ᠡᠷᠭᠦᠮᠵᠢᠯᠡᠵᠦ ᠣᠮᠠᠷᠠᠲᠦ ᠬᠢᠯᠢ ᠶ᠋ᠢ ᠰᠠᠬᠢᠨ ᠰᠠᠭᠤᠯᠭᠠᠪᠠ ᠃ ᠨᠣᠮᠣᠬᠠᠨ ᠨᠠᠰᠤ ᠪᠠᠷᠠᠭᠰᠠᠨ ᠪ ᠬᠣᠶ᠋ᠢᠨᠠ ᠂ ᠬᠤᠪᠢᠯᠠᠢ ᠰᠡᠴᠡᠨ ᠬᠠᠭᠠᠨ ᠪᠠᠷ ᠶᠡᠬᠡ ᠣᠮᠪᠣᠯᠣ ᠭᠠᠮᠠᠯᠠ ᠶ᠋ᠢ ᠵᠢᠨ ᠸᠠᠩ ᠡᠷᠭᠦᠮᠵᠢᠯᠡᠵᠦ ᠂ ᠴᠢᠩᠭᠢᠰ ᠬᠠᠭᠠᠨ ᠪ ᠶᠡᠬᠡ ᠣᠷᠲᠣᠨ ᠵᠢᠴᠢ ᠶᠡᠬᠡ ᠳᠠᠬᠢᠯᠬ᠋ᠠ ᠶ᠋ᠢᠨ ᠬᠡᠷᠡᠭ ᠊ᠢ ᠮᠡᠳᠡᠭᠦᠯᠦᠭᠰᠡᠨ ᠪᠠᠶ᠋ᠢᠪᠠ ᠃ ᠭᠠᠮᠠᠯᠠ ᠨᠠᠰᠤ ᠪᠠᠷᠠᠭᠰᠠᠨ ᠪ ᠬᠣᠶ᠋ᠢᠨᠠ ᠲᠡᠭᠦᠨ ᠪ ᠠᠬᠠᠮᠠᠳ ᠬᠥᠪᠡᠭᠦᠨ ᠡᠰᠡᠨᠲᠡᠮᠦᠷ ᠶ᠋ᠢᠡᠷ ᠵᠢᠨ ᠸᠠᠩ ᠦ᠋ᠨ ᠬᠡᠷᠬᠡᠮ ᠊ᠢ ᠵᠠᠯᠭᠠᠮᠵᠢᠯᠠᠭᠤᠯᠵᠤ ᠮᠦᠨ ᠴᠢᠩᠭᠢᠰ ᠬᠠᠭᠠᠨ ᠪ ᠶᠡᠬᠡ ᠣᠷᠲᠣᠨ ᠪᠠ ᠶᠡᠬᠡ ᠳᠠᠬᠢᠯᠬ᠋ᠠ ᠶ᠋ᠢᠨ ᠬᠡᠷᠡᠭ ᠊ᠢ ᠵᠠᠯᠭᠠᠵᠤ ᠮᠡᠳᠡᠭᠦᠯᠦᠭᠰᠡᠨ ᠪᠦᠯᠦᠭᠡ ᠃
《 ᠶᠤᠸᠠᠨ ᠤᠯᠤᠰ ᠦ᠋ᠨ ᠲᠡᠦᠬᠡ 》 ᠳᠤ ᠡᠰᠡᠨᠲᠡᠮᠦᠷ ᠪᠡᠷ ᠲᠡᠮᠦᠷ ᠥᠯᠵᠡᠶ᠋ᠢᠲᠦ ᠬᠠᠭᠠᠨ ᠂ ᠬᠠᠶ᠋ᠢᠱᠠᠨ ᠬᠥᠯᠥᠭ ᠬᠠᠭᠠᠨ ᠂ ᠠᠶᠤᠷᠪᠠᠷᠸᠠᠲᠠ ᠪᠣᠶᠠᠨᠲᠦ ᠬᠠᠭᠠᠨ ᠯᠤᠬ᠋ᠠ ᠪᠣᠯᠵᠤᠬ᠋ᠠ ᠲᠤᠭᠲᠠᠭᠠᠵᠦ ᠲᠡᠲᠡᠨ ᠪ ᠶᠡᠬᠡ ᠬᠠᠭᠠᠨ ᠪ ᠰᠠᠭᠤᠷᠢᠨ ᠊ᠢ ᠮᠡᠲᠡᠷᠡᠵᠦ ᠲᠠᠩᠭᠠᠷᠢᠬᠯᠠᠭᠰᠠᠨ ᠪᠢᠴᠢᠭ᠌ ᠥᠭᠪᠡ ᠭᠡᠵᠦ ᠪᠣᠢ ᠃ ᠡᠶ᠋ᠢᠨ ᠬᠦ ᠲᠡᠭᠦᠨ ᠳᠤ ᠬᠠᠭᠠᠨ ᠣᠷᠣ ᠶ᠋ᠢ ᠵᠠᠯᠭᠠᠮᠵᠢᠯᠠᠬᠤ ᠪᠣᠯᠤᠯᠴᠠᠬ᠋ᠠ ᠦᠭᠡᠢ ᠪᠣᠯᠵᠣᠬᠤᠢ ᠃ 《 ᠮᠣᠷᠢᠨ ᠡᠪᠴᠢᠭᠦᠦ ᠶ᠋ᠢᠨ ᠬᠣᠪᠢᠰᠤᠯ 》 ᠡᠴᠡ ᠡᠮᠦᠨᠡ ᠬᠠᠭᠠᠨ ᠣᠷᠣ ᠳᠤ ᠰᠠᠭᠤᠬᠤ ᠭᠡᠰᠡᠨ ᠶᠠᠪᠤᠲᠠᠯ ᠲᠡᠭᠦᠨ ᠪ ᠵᠡᠭᠦᠲᠦᠨ ᠳᠤ ᠴᠤ᠌ ᠦᠭᠡᠢ ᠪᠠᠶ᠋ᠢᠵᠤᠬᠤᠢ ᠃
ᠲᠡᠮᠦᠲᠡᠷ ᠦ᠋ᠨ ᠦᠯᠡᠳᠡᠭᠳᠡᠯ ᠨᠠᠮᠲᠠᠨ ᠲᠠᠪᠰᠢ ᠨᠠᠷ ᠰᠦᠯᠪᠡᠭᠡᠯᠡᠨ ᠣᠷᠲᠣᠨ ᠪ ᠬᠣᠪᠢᠰᠤᠯ ᠭᠠᠷᠭᠠᠭᠰᠠᠨ ᠪᠣᠯᠪᠠᠴᠤ ᠠᠯᠲᠠᠨ ᠤᠷᠤᠭ ᠦ᠋ᠨ ᠬᠥᠮᠦᠰ ᠪᠢᠰᠢ ᠲᠤᠯᠠ ᠶᠡᠬᠡ ᠬᠠᠭᠠᠨ ᠪ ᠰᠠᠭᠤᠷᠢᠨ ᠊ᠢ ᠡᠵᠡᠯᠡᠬᠦ ᠬᠢᠷᠢ ᠭᠡᠮ ᠪᠠᠶ᠋ᠢᠬᠤ ᠦᠭᠡᠢ ᠃ ᠲᠡᠲᠡ ᠡᠷᠬᠡᠪᠰᠢ ᠠᠯᠲᠠᠨ ᠤᠷᠤᠭ ᠦ᠋ᠨ ᠨᠢᠭᠡ ᠬᠥᠮᠦᠨ ᠊ᠢ ᠣᠯᠵᠤ ᠤᠯᠤᠰ ᠲᠥᠷᠥ ᠶ᠋ᠢᠨ ᠲᠦᠯᠦᠭᠡᠨ ᠪ ᠬᠥᠮᠦᠨ ᠶ᠋ᠢᠡᠨ ᠪᠣᠯᠭᠠᠬᠤ ᠬᠡᠷᠡᠭᠲᠡᠢ ᠃ ᠡᠶ᠋ᠢᠨ ᠬᠦ ᠲᠡᠲᠡᠨ ᠣᠮᠠᠷᠠᠲᠦ ᠬᠢᠯᠢ ᠶ᠋ᠢ ᠳᠠᠷᠤᠨ ᠰᠠᠭᠤᠭᠰᠠᠨ ᠴᠡᠷᠢᠭ ᠦ᠋ᠨ ᠡᠷᠬᠡ ᠲᠡᠢ ᠵᠢᠨ ᠸᠠᠩ ᠡᠰᠡᠨᠲᠡᠮᠦᠷ ᠊ᠢ ᠰᠤᠩᠭᠤᠭᠰᠠᠨ ᠪᠠᠶ᠋ᠢᠪᠠ ᠃
ᠲᠡᠲᠦᠢ ᠳ᠋ᠦ᠍ᠷ ᠵᠢᠨ ᠸᠠᠩ ᠡᠰᠡᠨᠲᠡᠮᠦᠷ ᠦ᠋ᠨ ᠲᠣᠲᠤᠷᠠ ᠣᠷᠲᠤᠨᠠ ᠳ᠋ᠠᠦᠯᠠᠳ ᠱᠠᠭ ᠬᠡᠮᠡᠬᠦ ᠰᠠᠷᠲᠠᠭᠤᠯ ᠨᠣᠶᠠᠨ ᠪᠠᠶ᠋ᠢᠵᠠᠢ ᠃ ᠲᠡᠷᠡ ᠪᠡᠷ ᠢᠮᠠᠭᠲᠠ ᠬᠠᠭᠠᠨᠲᠤ ᠲᠥᠷᠥ ᠶ᠋ᠢᠨ ᠲᠣᠲᠤᠭᠠᠲᠦ ᠪᠠᠶ᠋ᠢᠲᠠᠯ ᠊ᠢ ᠲᠠᠩᠨᠠᠵᠦ ᠂ ᠲᠡᠭᠦᠨ ᠪ ᠬᠦᠪᠡᠭᠦᠨ ᠬᠠᠰᠠᠨ ᠬᠡᠮᠡᠭᠴᠢ ᠢᠨᠦ ᠪᠠᠶ᠋ᠢᠵᠤ ᠴᠢᠩᠰᠠᠩ ᠦ᠋ᠨ ᠣᠷᠲᠤᠨᠠ ᠦᠢᠯᠡᠴᠢᠯᠡᠵᠦ ᠂ ᠰᠡᠭᠦᠯᠡᠷ ᠨᠢ ᠬᠡᠰᠢᠭ ᠦ᠋ᠨ ᠨᠣᠶᠠᠨ ᠪᠣᠯᠵᠠᠢ ᠃ ᠰᠣᠲᠢᠪᠠᠯᠠ ᠭᠡᠭᠡᠨ ᠬᠠᠭᠠᠨ ᠬᠣᠷᠤᠭᠠᠭᠲᠠᠬᠤ ᠡᠴᠡ ᠡᠮᠦᠨᠡ ᠬᠠᠰᠠᠨ ᠪᠠᠷ ᠪᠤᠴᠠᠵᠤ ᠢᠷᠡᠭᠡᠳ ᠲᠠᠪᠰᠢ ᠪᠣᠯᠤᠨ ᠪᠠᠶ᠋ᠢᠵᠤ ᠶ᠋ᠢᠨ ᠰᠠᠨᠠᠯ ᠦᠷᠭᠦᠯᠵᠢ ᠵᠦᠷᠢᠯᠲᠦᠵᠦ ᠵᠠᠰᠠᠭ ᠲᠥᠷᠥ ᠶ᠋ᠢᠨ ᠪᠠᠶ᠋ᠢᠲᠠᠯ ᠲᠣᠭᠲᠠᠪᠦᠷᠢ ᠦᠭᠡᠢ ᠬᠡᠮᠡᠨ ᠮᠡᠳᠡᠭᠦᠯᠦᠭᠰᠡᠨ ᠪᠠᠶ᠋ᠢᠪᠠ ᠃
ᡁᠢ ᡁᠢ ᠶ᠋ᠢᠨ ᠭᠤᠷᠪᠠᠲᠤᠭᠠᠷ ᠣᠨ (1323 ᠣᠨ ) ᠪ ᠨᠠᠮᠤᠷ ᠦ᠋ᠨ ᠲᠤᠮᠲᠠᠲᠦ ᠰᠠᠷᠠ ᠳᠤ ᠵᠢᠨ ᠸᠠᠩ ᠡᠰᠡᠨᠲᠡᠮᠦᠷ ᠲᠤᠤᠯᠠ ᠭᠣᠣᠯ ᠦ᠋ᠨ ᠲᠡᠨᠵᠢᠨ ᠳᠤ ᠠᠪᠠ ᠬᠢᠵᠦ ᠪᠠᠶ᠋ᠢᠬᠰᠠᠨ ᠳᠤ ᠳᠠᠪᠰᠢ ᠶ᠋ᠢᠨ ᠵᠠᠷᠤᠭᠰᠠᠨ ᠨᠢᠭᠤᠴᠠ ᠡᠯᠴᠢᠨ ᠢᠷᠡᠭᠡᠳ ᠦᠭᠦᠯᠡᠷᠦᠨ ᠄ 《 ᠪᠢᠲᠡ ᠪᠦᠭᠦᠲᠡᠭᠡᠷ ᠬᠠᠭᠠᠨ ᠊ᠢ ᠬᠣᠷᠤᠭᠠᠰᠤᠭᠠᠢ ᠬᠡᠮᠡᠨ ᠵᠦᠪᠲᠡᠨ ᠲᠣᠭᠲᠠᠪᠠ ᠃ ᠬᠡᠷᠡᠭ ᠪᠦᠲᠦᠭᠰᠡᠨ ᠪ ᠬᠣᠶ᠋ᠢᠨᠠ ᠸᠠᠩ ᠲᠠᠨ ᠊ᠢ ᠤᠷᠢᠵᠤ ᠬᠠᠭᠠᠨ ᠪᠣᠯᠭᠠᠰᠤᠭᠠᠢ 》 ᠬᠡᠮᠡᠭᠰᠡᠨᠡ ᠡᠰᠡᠨᠲᠡᠮᠦᠷ ᠶᠡᠬᠡᠲᠡ ᠠᠭᠤᠷᠯᠠᠵᠤ ᠢᠷᠡᠭᠰᠡᠨ ᠡᠯᠴᠢᠨ ᠊ᠢ ᠪᠠᠷᠢᠵᠤ ᠬᠣᠷᠢᠭᠠᠳ ᠪᠠᠷᠢᠮᠠᠰᠢ ᠬᠡᠮᠡᠭᠴᠢ ᠬᠥᠮᠦᠨ ᠊ᠢ ᠵᠢᠨ ᠸᠠᠩ ᠦ᠋ᠨ ᠬᠣᠪᠢ ᠶ᠋ᠢᠨ ᠡᠯᠴᠢᠨ ᠶ᠋ᠢᠡᠷ ᠲᠣᠮᠢᠯᠠᠵᠤ 《 ᠲᠦᠷᠦ ᠶ᠋ᠢᠨ ᠬᠣᠪᠢᠰᠤᠯ 》 ᠭᠠᠷᠭᠠᠬᠤ ᠪᠠᠷ ᠪᠠᠶ᠋ᠢᠬ᠋ᠠ ᠳᠠᠪᠰᠢ ᠨᠠᠷ ᠊ᠢ ᠢᠯᠡᠴᠢᠯᠡᠨ ᠮᠡᠲᠡᠭᠦᠯᠬᠦ ᠪᠡᠷ ᠱᠠᠩᠲᠤ ᠳᠤ ᠢᠯᠡᠭᠡᠪᠡ ᠃ ᠭᠡᠲᠡᠯᠡ ᠢᠯᠡᠭᠡᠭᠰᠡᠨ ᠡᠯᠴᠢᠨ ᠱᠠᠩᠲᠤ ᠳᠤ ᠬᠦᠷᠬᠦ ᠡᠴᠡ ᠡᠮᠦᠨᠡ 《 ᠲᠦᠷᠦ ᠶ᠋ᠢᠨ ᠬᠣᠪᠢᠰᠤᠯ 》 ᠨᠢᠭᠡᠨᠲᠡ ᠪᠡᠶᠡᠯᠡᠭᠳᠡᠭᠰᠡᠨ ᠪᠠᠶ᠋ᠢᠪᠠ ᠃ ᠲᠡᠪᠰᠢ ᠨᠠᠷ ᠤᠨ ᠡᠲᠦᠭᠰᠡᠨ《ᠲᠦᠷᠦ ᠶᠢᠨ ᠬᠤᠪᠢᠰᠤᠯ》 ᠳᠦ ᠡᠰᠡᠨᠲᠡᠮᠤᠷ ᠤᠨ ᠠᠪᠤᠭᠰᠠᠨ ᠤᠪᠤᠷ ᠪᠤᠯ ᠬᠡᠷᠡᠭ ᠳᠡᠭᠡᠷᠡ ᠪᠠᠨ ᠤᠬᠤᠷᠢᠬᠤ ᠤᠷᠤᠭᠰᠢᠯᠠᠬᠤ ᠳᠤ ᠪᠦᠷ ᠠᠰᠢᠭᠲᠠᠢ ᠰᠠᠢᠢᠨ ᠠᠷᠭᠠ ᠪᠣᠳᠣᠯᠭᠠ ᠪᠣᠯᠤᠮᠤᠢ᠃ ᠦᠭᠡᠷᠡ ᠪᠡᠷ ᠬᠡᠯᠡᠪᠡᠯ᠂ ᠲᠦᠷᠦ ᠶᠢᠨ ᠬᠤᠪᠢᠰᠤᠯ ᠪᠦᠲᠦᠬᠦ ᠳᠤ ᠬᠦᠷᠪᠡᠯ ᠵᠢᠨ ᠸᠠᠩ ᠡᠰᠡᠨᠳᠡᠮᠤᠷ ᠶᠡᠬᠡ ᠬᠠᠭᠠᠨ ᠣ ᠰᠠᠭᠣᠷᠢᠨ ᠳᠤ ᠪᠠᠶᠠᠷᠲᠠᠢ ᠰᠠᠭᠣᠨᠠ ; ᠤᠪ ᠮᠡᠬᠡ ᠨᠢ ᠢᠯᠠᠭᠳᠠᠬᠤ ᠳᠤ ᠬᠦᠷᠪᠡᠯ ᠲᠡᠷᠡ ᠨᠢᠭᠡᠨᠳᠡ ᠡᠯᠴᠢᠨ ᠲᠤᠮᠢᠯᠠᠵᠤ ᠢᠯᠡᠴᠢᠯᠡᠨ ᠮᠡᠳᠡᠭᠦᠯᠦᠭᠰᠡᠨ ᠲᠤᠯᠠ ᠪᠡᠶᠡ ᠪᠡᠨ ᠠᠷᠢᠭᠤᠨ ᠢᠶᠡᠷ ᠭᠠᠷᠭᠠᠵᠤ ᠴᠢᠳᠠᠨᠠ᠃ ᠵᠢᠨ ᠸᠠᠩ ᠳᠤᠲᠤᠷᠠ ᠤᠷᠳᠤᠨ ᠤ ᠲᠦᠰᠢᠮᠡᠯ ᠳ᠋ᠠᠤᠯᠠᠳ ᠱᠠᠭ ᠵᠢᠴᠢ ᠲᠡᠭᠦᠨ ᠦ ᠬᠦᠪᠡᠭᠦᠨ ᠡᠨᠡ ᠦᠶᠡ ᠳᠦ ᠨᠢᠭᠡᠨᠲᠡ ᠲᠦᠷᠦ ᠶᠢᠨ ᠬᠤᠪᠢᠰᠤᠯ ᠳᠤ ᠤᠷᠤᠯᠴᠠᠭᠰᠠᠨ ᠴᠢᠬᠤᠯᠠ ᠬᠦᠮᠦᠰ ᠦᠨ ᠨᠢᠭᠡ ᠨᠢ ᠪᠠᠶ᠋ᠢᠬᠰᠠᠨ ᠶᠤᠮ᠃ ᠡᠳᠤᠭᠡ ᠲᠦᠷᠦ ᠶᠢᠨ ᠬᠤᠪᠢᠰᠣᠯ ᠢᠯᠠᠯᠲᠠ ᠤᠯᠵᠤ᠂ ᠵᠢᠨ ᠸᠠᠩ ᠡᠰᠡᠨᠳᠡᠮᠤᠷ ᠶᠡᠬᠡ ᠬᠠᠭᠠᠨ ᠤ ᠬᠠᠰ ᠲᠠᠮᠠᠭᠠ ᠶᠢ ᠲᠣᠰᠴᠤ ᠠᠪᠤᠭᠠᠳ ᠪᠠᠶᠠᠷᠯᠠᠬᠤ ᠶᠢᠨ ᠶᠡᠬᠡ ᠪᠡᠷ ᠪᠠᠶᠠᠷᠯᠠᠵᠤ᠂ ᠶᠢᠰᠦᠳᠦᠭᠡᠷ ᠰᠠᠷᠠ ᠶᠢᠨ ᠲᠦᠷᠪᠡᠨ ᠦ ᠡᠳᠦᠷ᠂ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠰᠤᠳᠢᠪᠠᠯᠠ ᠭᠡᠭᠡᠨ ᠬᠠᠭᠠᠨ ᠬᠣᠷᠣᠭᠠᠭᠳᠠᠭᠠᠳ ᠰᠠᠷᠠ ᠪᠤᠯᠤᠭᠠᠳᠦᠢ ᠪᠡᠷ ᠭᠡᠷᠦᠯᠦᠨ ᠮᠦᠷᠡᠨ ᠦ ᠬᠦᠪᠡᠭᠡᠨ ᠳᠦ ᠬᠠᠭᠠᠨ ᠤᠷᠤ ᠳᠤ ᠰᠠᠭᠣᠵᠤ᠂ ᠲᠡᠤᠬᠡᠨ ᠳᠤ ᠲᠠᠢᠢᠳᠢᠩ ᠳ᠋ᠢ ᠬᠠᠭᠠᠨ ᠬᠡᠮᠡᠪᠡ᠃ ᠲᠡᠳᠦᠢ ᠳ᠋ᠣᠷ ᠲᠦᠷᠦᠯ ᠦᠨ ᠨᠤᠶᠠᠨ ᠮᠠᠨᠢ ᠬᠡᠮᠡᠭᠴᠢ《 ᠮᠤᠷᠢᠨ ᠡᠪᠴᠢᠭᠦᠦ ᠶᠢᠨ ᠬᠣᠪᠢᠰᠤᠯ 》 ᠡᠴᠡ ᠵᠠᠶ᠋ᠢᠯᠠᠵᠤ᠂ ᠵᠢᠨ ᠸᠠᠩ ᠤᠨ ᠤᠷᠳᠤᠨ ᠳᠤ ᠢᠷᠡᠭᠡᠳ ᠬᠤᠷᠭᠤᠳᠠᠵᠤ ᠪᠠᠶ᠋ᠢᠵᠠᠢ᠃ ᠲᠡᠷᠡ ᠪᠡᠷ ᠨᠢᠭᠡᠨ ᠡᠲᠦᠷ ᠵᠠᠪᠰᠢᠶᠠᠨ ᠣᠯᠵᠤ ᠡᠰᠡᠨᠲᠡᠮᠤᠷ ᠬᠠᠭᠠᠨ ᠳᠤ ᠠᠶ᠋ᠢᠯᠠᠤᠠᠬᠠᠷᠤᠨ ᠄ 《 ᠲᠥᠷᠥ ᠶ᠋ᠢᠨ ᠬᠤᠪᠢᠰᠤᠯ ᠭᠠᠷᠭᠠᠵᠤ ᠶᠡᠬᠡ ᠬᠠᠭᠠᠨ ᠊ᠢ ᠬᠣᠷᠣᠭᠠᠭᠰᠠᠨ ᠲᠣᠯᠤᠭᠠᠶ᠋ᠢᠯᠠᠭᠰᠠᠨ ᠮᠠᠭᠤ ᠠᠷᠠᠳ ᠊ᠢ ᠡᠰᠡ ᠠᠯᠠᠪᠠᠰᠤ ᠡᠵᠡᠨ ᠪ ᠰᠠᠶ᠋ᠢᠨ ᠠᠯᠲᠠᠷ ᠢᠯᠡᠷᠡᠬᠦ ᠦᠭᠡᠢ ᠪᠥᠭᠡᠳ ᠬᠣᠶ᠋ᠢᠲᠤ ᠦᠶᠡ ᠳ᠋ᠤᠷ ᠣᠯᠵᠤ ᠮᠡᠲᠡᠬᠦ ᠦᠭᠡᠢ ᠪᠣᠯᠤᠮᠤᠢ 》 ᠬᠡᠮᠡᠭᠰᠡᠨᠡ ᠡᠰᠡᠨᠲᠡᠮᠤᠷ ᠬᠠᠭᠠᠨ ᠰᠡᠭᠡᠰᠭᠢᠨ ᠤᠬᠠᠭᠠᠷᠠᠵᠤ ᠂ ᠲᠡᠷᠡ ᠳᠠᠷᠤᠢ ᠬᠠᠮᠲᠤ ᠶᠠᠪᠤᠬ᠋ᠠ ᠶᠢᠰᠦᠨᠲᠡᠮᠤᠷ ᠲᠠᠨ ᠊ᠢ ᠪᠠᠷᠢᠪᠴᠢᠯᠠᠵᠤ ᠳᠡᠷᠰᠯᠡᠭᠰᠡᠨ ᠶᠠᠯᠠ ᠶ᠋ᠢ ᠲᠣᠲᠣᠷᠠᠭᠤᠯᠤᠨ ᠴᠠᠭᠠᠵᠠ ᠪᠠᠷ ᠭᠡᠰᠭᠡᠨ ᠠᠯᠠᠭᠠᠳ ᠂ ᠰᠢᠤᠢ ᠮᠠᠢ ᠵᠢᠶᠸ ᠶ᠋ᠢ ᠪᠠᠷᠠᠭᠤᠨ ᠭᠠᠷᠤᠨ ᠴᠢᠩᠰᠠᠩ ᠂ ᠨᠢᠤ ᠽᠸ ᠶ᠋ᠢ ᠪᠠᠶ᠋ᠢᠴᠠᠭᠠᠨ ᠠᠶ᠋ᠢᠯᠠᠤᠠᠬᠠᠬᠤ ᠬᠣᠷᠢᠶᠠ ᠶ᠋ᠢᠨ ᠡᠷᠬᠢᠨ ᠰᠠᠶ᠋ᠢᠳ ᠡᠷᠭᠦᠮᠵᠢᠯᠡᠵᠦ ᠤᠷᠢᠲᠠ ᠪᠠᠷ ᠨᠡᠶ᠋ᠢᠰᠯᠡᠯ ᠬᠣᠲᠠᠨᠠ ᠬᠦᠷᠴᠦ ᠲᠡᠪᠰᠢ ᠵᠢᠴᠢ ᠲᠡᠭᠦᠨ ᠪ ᠨᠠᠮᠲᠠᠨ ᠊ᠢ ᠪᠠᠷᠢᠪᠴᠢᠯᠠᠨ ᠠᠯᠠᠭᠤᠯᠵᠤ ᠭᠡᠷ ᠬᠥᠷᠥᠩᠭᠡ ᠶ᠋ᠢ ᠨᠢ ᠲᠠᠯᠠᠭᠤᠯᠪᠠ ᠃
ᠲᠤᠰ ᠵᠢᠯ ᠦ᠋ᠨ ᠠᠷᠪᠠᠨ ᠬᠣᠶᠠᠲᠤᠭᠠᠷ ᠰᠠᠷᠠ ᠳᠤ ᠡᠰᠡᠨᠲᠡᠮᠤᠷ ᠬᠠᠭᠠᠨ ᠳᠠᠶ᠋ᠢᠳᠤ ᠬᠣᠲᠠᠨᠠ ᠪᠤᠴᠠᠵᠤ ᠢᠷᠡᠭᠡᠳ ᠂ ᠭᠡᠭᠡᠨ ᠲᠤᠩᠭᠠᠯᠠᠭ ᠬᠠᠷᠰᠢ ᠳᠤ ᠲᠥᠷᠥᠯ ᠦ᠋ᠨ ᠸᠠᠩ ᠪᠤᠯᠤᠨ ᠰᠠᠶ᠋ᠢᠳ ᠲᠦᠰᠢᠮᠡᠳ ᠦ᠋ᠨ ᠪᠠᠶᠠᠷ ᠦ᠋ᠨ ᠶᠣᠰᠣ ᠪᠠᠷ ᠮᠥᠷᠭᠥᠬᠦ ᠶ᠋ᠢ ᠬᠦᠯᠢᠶᠡᠭᠰᠡᠨ ᠪ ᠬᠠᠮᠲᠤ ᠂ ᠲᠡᠮᠤᠲᠡᠷ ᠦ᠋ᠨ ᠦᠯᠡᠳᠡᠭᠳᠡᠯ ᠨᠠᠮᠲᠠᠨ ᠊ᠢ ᠦᠷᠭᠦᠯᠵᠢᠯᠡᠨ ᠴᠡᠪᠡᠷᠯᠡᠨ ᠪᠠᠷᠢᠪᠴᠢᠯᠠᠵᠤ ᠲᠥᠷᠥᠯ ᠦ᠋ᠨ ᠨᠣᠶᠠᠨ ᠠᠨᠲᠢᠪᠤᠬᠠ ᠲᠠᠨ ᠪ ᠭᠡᠷ ᠬᠥᠷᠥᠩᠭᠡ ᠶ᠋ᠢ ᠨᠢ ᠲᠡᠯᠡᠵᠦ ᠡᠮᠦᠨᠡ ᠣᠷᠣᠨ ᠳᠤ ᠴᠦᠯᠡᠵᠦ ᠶᠠᠪᠤᠭᠤᠯᠪᠠ ᠃ ᠭᠡᠪᠡᠴᠦ ᠲᠥᠷᠥ ᠶ᠋ᠢᠨ ᠬᠤᠪᠢᠰᠤᠯ ᠳᠤ ᠬᠠᠮᠤᠭᠲᠠᠨ ᠣᠷᠣᠭᠰᠠᠨ ᠳ᠋ᠠᠤᠯᠠᠳ ᠱᠠᠭ ᠬᠠᠷᠢᠨ ᠶᠠᠮᠠᠷ ᠴᠤ᠌ ᠤᠴᠢᠷ ᠦᠭᠡᠢ ᠥᠩᠭᠡᠷᠡᠭᠰᠡᠨ ᠪᠥᠭᠡᠳ ᠵᠡᠭᠦᠨ ᠭᠠᠷᠤᠨ ᠴᠢᠩᠰᠠᠩ ᠦ᠋ᠨ ᠲᠤᠰᠢᠶᠠᠯ ᠳᠤ ᠳᠡᠪᠰᠢᠭᠦᠯᠦᠭᠳᠡᠪᠡ ᠃ ᠲᠡᠭᠦᠨ ᠪ ᠬᠥᠪᠡᠭᠦᠨ ᠬᠠᠰᠠᠨ ᠣᠷᠭᠤᠵᠤ ᠶᠠᠪᠤᠭᠠᠳ ᠰᠤᠷᠠᠭ ᠴᠢᠮᠡᠭᠡ ᠲᠠᠰᠤᠷᠠᠪᠠ ᠃
ᠡᠰᠡᠨᠲᠡᠮᠤᠷ ᠬᠠᠭᠠᠨ ᠶᠡᠬᠡ ᠰᠠᠭᠤᠷᠢᠨ ᠊ᠢ ᠵᠠᠯᠭᠠᠮᠵᠢᠯᠠᠭᠰᠠᠨ ᠪ ᠬᠣᠶ᠋ᠢᠨᠠ ᠤᠨ ᠪ ᠴᠣᠯᠠ ᠪᠠᠨ ᠳᠠᠶ᠋ᠢᠳᠢᠩ ᠦ᠋ᠨ ᠲᠡᠷᠢᠭᠦᠨ ᠤᠨ (1324 ᠤᠨ ) ᠬᠡᠮᠡᠨ ᠬᠠᠯᠠᠭᠠᠳ ᠲᠡᠮᠦᠲᠡᠷ ᠲᠦ ᠬᠣᠣᠷᠯᠠᠭᠲᠠᠭᠰᠠᠨ ᠶᠠᠩ ᠳᠣᠷᠵᠢ ᠂ ᠰᠢᠶᠤᠤ ᠪᠠᠶ᠋ᠢᠵᠤ ᠂ ᠾᠧ ᠱᠸᠩ ᠵᠡᠷᠭᠡ ᠴᠢᠭᠡᠴᠢ ᠵᠢᠷᠤᠮᠲᠤ ᠲᠦᠰᠢᠮᠡᠳ ᠦ᠋ᠨ ᠬᠢᠯᠢᠰ ᠊ᠢ ᠴᠠᠭᠠᠤᠠᠬᠠᠵᠤ ᠥᠭᠭᠦᠭᠰᠡᠨ ᠪᠥᠭᠡᠳ ᠪᠢᠴᠢᠭ᠌ ᠴᠡᠷᠢᠭ ᠦ᠋ᠨ ᠲᠦᠰᠢᠮᠡᠳ ᠶ᠋ᠢᠡᠨ ᠳᠠᠭᠠᠭᠤᠯᠵᠤ ᠬᠠᠢ ᠶᠦᠨ ᠰᠸ ᠬᠡᠶ᠋ᠢᠳ ᠲᠦ ᠬᠦᠷᠴᠦ 《 ᠮᠣᠷᠢᠨ ᠡᠪᠴᠢᠭᠦᠦ ᠶ᠋ᠢᠨ ᠬᠤᠪᠢᠰᠤᠯ 》 ᠳᠤ ᠰᠣᠲᠢᠪᠠᠯᠠ ᠭᠡᠭᠡᠨ ᠬᠠᠭᠠᠨ ᠯᠤᠬ᠋ᠠ ᠬᠠᠮᠲᠤ ᠬᠣᠷᠣᠭᠠᠭᠲᠠᠭᠰᠠᠨ ᠪᠠᠶ᠋ᠢᠵᠤ ᠳᠤ ᠨᠣᠮ ᠤᠩᠰᠢᠭᠤᠯᠤᠨ ᠪᠤᠶᠠᠨ ᠦᠢᠯᠡᠤᠠᠴᠦ ᠥᠭᠴᠡᠢ᠃ ᠪᠠᠰᠠ ᠪᠠᠶ᠋ᠢᠵᠤ ᠶ᠋ᠢᠨ ᠬᠥᠪᠡᠭᠦᠨ ᠲᠠᠷᠮᠠᠰᠢᠷᠢ ᠪᠤᠯᠤᠨ ᠴᠠᠯᠠᠭ ᠊ᠢ ᠬᠡᠰᠢᠭ ᠦ᠋ᠨ ᠨᠣᠶᠠᠨ ᠡᠷᠭᠦᠮᠵᠢᠯᠡᠪᠡ ᠃
ᠡᠰᠡᠨᠲᠡᠮᠤᠷ ᠬᠠᠭᠠᠨ 《 ᠮᠣᠷᠢᠨ ᠡᠪᠴᠢᠭᠦᠦ ᠶ᠋ᠢᠨ ᠬᠤᠪᠢᠰᠤᠯ 》᠊ᠢ ᠠᠰᠢᠲᠠᠢ ᠰᠠᠶ᠋ᠢᠨ ᠰᠢᠢᠤᠠᠪᠦᠷᠢᠯᠡᠵᠦ ᠳᠡᠭᠡᠷᠡ ᠳᠣᠣᠷᠠᠬᠢ ᠶ᠋ᠢᠨ ᠬᠥᠮᠦᠰ ᠦ᠋ᠨ ᠰᠡᠤᠠᠬᠢᠯ ᠊ᠢ ᠠᠮᠤᠷ ᠲᠣᠭᠲᠠᠭᠤᠨ ᠪᠣᠯᠭᠠᠵᠤ ᠂ ᠬᠥᠪᠡᠭᠦᠨ ᠷᠠᠵᠠᠪᠠᠭ ᠊ᠢ ᠬᠣᠩ ᠲᠠᠶ᠋ᠢᠽᠢ ᠡᠷᠭᠦᠮᠵᠢᠯᠡᠵᠦ ᠨᠠᠪᠴᠢᠲᠤ ᠡᠷᠭᠦᠮᠵᠢᠯᠡᠯ ᠦ᠋ᠨ ᠪᠢᠴᠢᠭ᠌ ᠰᠣᠶᠣᠷᠬᠠᠨ ᠥᠪᠡᠷ ᠦ᠋ᠨ ᠬᠠᠤᠯᠢ ᠶᠣᠰᠣᠨ ᠪ ᠵᠠᠯᠭᠠᠮᠵᠢᠯᠠᠭᠴᠢ ᠪᠠᠨ ᠰᠣᠩᠭᠣᠨ ᠲᠣᠭᠲᠠᠭᠠᠪᠠ ᠃ ᠡᠨᠳᠡᠴᠡ ᠰᠡᠤᠠᠬᠢᠯ ᠥᠨᠲᠥᠷ ᠰᠠᠨᠠᠬ᠋ᠠ ᠠᠮᠤᠷ ᠶ᠋ᠢᠠᠷ ᠬᠠᠭᠠᠨ ᠬᠥᠮᠦᠨ ᠪ ᠠᠮᠢᠲᠤᠷᠠᠯ ᠊ᠢ ᠥᠩᠭᠡᠷᠡᠭᠦᠯᠪᠡ ᠃ ᠭᠡᠲᠡᠯᠡ ᠳᠡᠯᠡᠬᠡᠢ ᠳ᠋ᠠᠬᠢᠨ ᠰᠠᠮᠠᠭᠤᠷᠠᠬᠤ ᠦᠭᠡᠢ ᠡᠴᠡ ᠯᠡ ᠠᠶᠤᠲᠠᠭ ᠬᠤᠷᠤᠨ ᠰᠠᠨᠠᠬ᠋ᠠ ᠡᠪᠦᠷᠯᠡᠭᠰᠡᠨ ᠣᠨᠲᠣᠣ ᠨᠢᠭᠡ ᠪᠥᠯᠥᠭ ᠨᠣᠶᠠᠳ ᠲᠦᠰᠢᠮᠡᠳ ᠬᠠᠷᠢᠨ ᠲᠡᠭᠦᠨ ᠊ᠢ ᠬᠠᠯᠢᠬᠰᠠᠨ ᠪ ᠳᠠᠷᠠᠬ᠋ᠠ ᠥᠪᠡᠷ ᠲᠤᠷ ᠠᠰᠢᠬᠲᠠᠢ ᠬᠠᠭᠠᠨ ᠡᠵᠡᠨ ᠊ᠢ ᠡᠷᠭᠦᠨ ᠪᠠᠶ᠋ᠢᠭᠤᠯᠬᠤ ᠪᠠᠷ ᠰᠠᠨᠠᠭᠠᠷᠬᠠᠵᠤ ᠳᠣᠣᠭᠤᠷ ᠬᠤᠤᠪᠢᠯᠲᠤᠨ ᠡᠬᠢᠯᠡᠭᠰᠡᠨ ᠊ᠢ ᠡᠰᠡᠨᠲᠡᠮᠦᠷ ᠬᠠᠭᠠᠨ ᠶᠡᠷᠦ ᠰᠡᠷᠡᠵᠦ ᠮᠡᠳᠡᠭᠰᠡᠨ ᠦᠭᠡᠢ ᠃
ᠡᠷᠲᠡᠨ ᠪ ᠦᠭᠡᠨ ᠳ᠋ᠦ᠍ᠷ ᠨᠢᠭᠡᠨ ᠰᠠᠶ᠋ᠢᠨ ᠰᠡᠤᠠᠬᠢᠯ ᠦ᠋ᠨ ᠰᠢᠯᠲᠠᠭᠠᠨ ᠶ᠋ᠢᠠᠷ ᠠᠮᠤᠷᠯᠢᠩᠭᠤᠢ ᠰᠠᠯᠬᠢᠨ ᠨᠠᠶ᠋ᠢᠷ ᠲᠤ ᠠᠭᠤᠷ ᠪᠣᠯᠤᠮᠤᠢ ᠃ ᠨᠢᠭᠡᠨ ᠮᠠᠭᠤ ᠰᠠᠨᠠᠭᠠᠨ ᠪ ᠤᠴᠢᠷ ᠶ᠋ᠢᠠᠷ ᠢᠷᠣᠠ ᠳᠤ ᠣᠲᠣᠨ ᠵᠢᠬᠢᠷᠬᠡᠮᠰᠢᠭᠲᠦ ᠴᠢᠤᠠᠭᠦᠷ ᠭᠠᠷᠤᠮᠤᠢ ᠬᠡᠮᠡᠵᠦᠬᠦᠢ ᠃ ᠡᠰᠡᠨᠲᠡᠮᠦᠷ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠭᠰᠠᠨ ᠠ᠋ᠴᠠ ᠢᠨᠠᠭᠰᠢ ᠦᠶᠡᠷ ᠭᠠᠩ ᠂ ᠴᠠᠷᠴᠠᠬᠠᠢ ᠶ᠋ᠢᠨ ᠠᠶᠤᠯ ᠂ ᠭᠠᠵᠠᠷ ᠬᠦᠲᠡᠯᠦᠨ ᠠᠭᠤᠯᠠ ᠨᠤᠷᠠᠵᠤ ᠂ ᠲᠣᠭᠰᠢᠨ ᠰᠠᠯᠬᠢ ᠰᠠᠯᠭᠢᠯᠠᠬᠤ ᠮᠡᠲᠦ ᠶ᠋ᠢᠨ ᠭᠠᠢ ᠭᠠᠮᠰᠢᠬ ᠳᠠᠰᠤᠷᠡᠯᠳᠡ ᠦᠭᠡᠢ ᠭᠠᠷᠴᠤ ᠮᠠᠭᠤ ᠢᠷᠣᠠ ᠶ᠋ᠢᠨ ᠪᠠᠶ᠋ᠢᠲᠠᠯ ᠢᠯᠡᠷᠡᠭᠰᠡᠨᠡ ᠲᠡᠷᠡ ᠂ ᠰᠢᠷᠠ ᠯᠤᠤ ᠵᠢᠯ ᠦ᠋ᠨ ᠬᠠᠪᠤᠷ ᠦ᠋ᠨ ᠲᠡᠷᠢᠭᠦᠨ ᠰᠠᠷᠠ ᠳᠤ ᠳᠡᠯᠡᠬᠡᠢ ᠳ᠋ᠠᠬᠢᠨ ᠳᠤ ᠵᠠᠷᠯᠢᠬ ᠪᠠᠭᠤᠯᠭᠠᠵᠤ ᠂ ᠮᠦᠨ ᠵᠢᠯ ᠊ᠢ ᡁᠢ ᠾᠧ ᠶ᠋ᠢᠨ ᠲᠡᠷᠢᠭᠦᠨ ᠣᠨ (1328 ᠣᠨ ) ᠬᠡᠮᠡᠨ ᠨᠡᠷᠡᠶ᠋ᠢᠤᠠᠪᠡ ᠃ ᠲᠣᠰ ᠵᠢᠯ ᠦ᠋ᠨ ᠭᠤᠷᠪᠠᠲᠤᠭᠠᠷ ᠰᠠᠷᠠ ᠳᠤ ᠡᠰᠡᠨᠲᠡᠮᠦᠷ ᠬᠠᠭᠠᠨ ᠲᠠᠶ᠋ᠢᠲᠦ ᠬᠣᠲᠠ ᠶ᠋ᠢᠨ ᠲᠡᠭᠦᠷᠭᠡ ᠳᠤ ᠠᠪᠠᠯᠠᠷᠠ ᠭᠠᠷᠤᠭᠠᠳ ᠬᠠᠯᠠᠭᠤᠨ ᠬᠦᠢᠲᠡᠨ ᠬᠠᠷᠰᠢᠵᠤ ᠪᠡᠶᠡ ᠴᠢᠯᠡᠭᠡᠷᠡᠪᠡ ᠃ ᠲᠠᠪᠤᠲᠤᠭᠠᠷ ᠰᠠᠷᠠ ᠳᠤ ᠱᠠᠩᠲᠤ ᠳᠤ ᠪᠤᠴᠠᠵᠤ ᠢᠷᠡᠭᠡᠳ ᠡᠪᠡᠤᠠᠴᠢᠨ ᠢᠨᠦ ᠤᠯᠠᠮ ᠬᠦᠨᠲᠦᠷᠡᠵᠦ ᠳᠣᠯᠤᠳᠤᠭᠠᠷ ᠰᠠᠷᠠ ᠳᠤ ᠨᠠᠰᠤ ᠶᠡᠭᠦᠤᠠᠴᠦᠬᠦᠢ ᠃ ᠭᠤᠴᠢᠨ ᠵᠢᠷᠭᠤᠭᠠᠨ ᠨᠠᠰᠤᠲᠠᠢ ᠪᠦᠯᠦᠭᠡ ᠃ ᠵᠡᠭᠦᠨ ᠭᠠᠷᠤᠨ ᠴᠢᠩᠰᠠᠩ ᠳ᠋ᠠᠤᠯᠠᠳ ᠱᠠᠭ ᠪᠠᠷ ᠲᠥᠷᠥᠯ ᠦ᠋ᠨ ᠨᠣᠶᠠᠨ ᠸᠠᠩ ᠴᠠᠨ ( ᠡᠰᠡᠨᠲᠡᠮᠦᠷ ᠬᠠᠭᠠᠨ ᠪ ᠳᠡᠭᠦᠦ ) ᠪ ᠳᠡᠮᠵᠢᠯᠭᠡ ᠲᠣᠣᠷᠠ ᠬᠤᠸᠠᠩᠬᠡᠦ ᠪᠠᠪᠤᠬᠠᠨ ᠪᠣᠯᠤᠨ ᠬᠤᠩ ᠲᠠᠶ᠋ᠢᠽᠢ ᠷᠠᠵᠠᠪᠠᠭ ᠦ᠋ᠨ ᠨᠡᠷᠡ ᠪᠡᠷ ᠵᠠᠷᠯᠢᠬ ᠨᠡᠶ᠋ᠢᠲᠡᠯᠡᠵᠦ ᠲᠠᠶ᠋ᠢᠲᠦ ᠬᠣᠲᠠ ᠳᠤ ᠪᠠᠶ᠋ᠢᠬ᠋ᠠ ᠫᠢᠩ ᠵᠠᠩ ᠵᠸᠩᠱᠢ ᠲᠦᠰᠢᠮᠡᠯ ᠠᠪᠲᠤᠯᠠ ᠶ᠋ᠢ ᠨᠡᠶ᠋ᠢᠰᠯᠡᠯ ᠦ᠋ᠨ ᠨᠣᠶᠠᠳ ᠲᠦᠰᠢᠮᠡᠳ ᠪᠣᠯᠤᠨ ᠠᠷᠠᠳ ᠢᠷᠭᠡᠳ ᠦ᠋ᠨ ᠰᠡᠤᠠᠬᠢᠯ ᠊ᠢ ᠲᠣᠬᠤᠷᠤᠭᠤᠯᠤᠨ ᠡᠯᠡ ᠶᠠᠮᠤᠨ ᠪ ᠲᠠᠮᠠᠬ᠋ᠠ ᠴᠠᠴᠤᠭ ᠰᠠᠯᠲᠠ ᠶ᠋ᠢ ᠬᠤᠷᠢᠶᠠᠠ ᠬᠠᠲᠠᠭᠠᠯᠠᠲᠤᠭᠠᠢ ᠬᠡᠮᠡᠨ ᠡᠯᠴᠢᠨ ᠢᠯᠡᠭᠡᠪᠡ ᠃
ᠲᠠᠶ᠋ᠢᠲᠦ ᠬᠣᠲᠠ ᠶ᠋ᠢ ᠰᠠᠬᠢᠬᠴᠢ ᠲᠦᠰᠢᠮᠡᠯ ᠡᠯᠲᠡᠮᠦᠷ ᠪᠣᠯᠪᠠᠰᠤ ᠬᠠᠩᠯᠢᠨ ᠪ ᠲᠤᠭᠲᠤᠬ᠋ᠠ ᠶ᠋ᠢᠨ ᠣᠮᠪᠤᠯᠤ ᠪᠦᠯᠦᠭᠡ ᠃ ᠲᠡᠷᠡ ᠠᠩᠬᠠᠨ ᠳᠤ ᠪᠠᠨ ᠬᠠᠶ᠋ᠢᠱᠠᠨ ᠬᠥᠯᠥᠭ ᠬᠠᠭᠠᠨ ᠪ ᠰᠢᠲᠡᠷ ᠬᠠᠮᠠᠭᠠᠯᠠᠭᠴᠢ ᠪᠠᠶ᠋ᠢᠵᠤ ᠠᠷᠪᠠᠭᠠᠳ ᠵᠢᠯ ᠣᠮᠠᠷᠠᠲᠦ ᠬᠢᠯᠢ ᠶ᠋ᠢ ᠰᠠᠬᠢᠵᠤ ᠲᠡᠭᠦᠨ ᠪ ᠢᠲᠡᠭᠡᠯ ᠬᠠᠶ᠋ᠢᠷᠠ ᠶ᠋ᠢ ᠠᠨᠤ ᠭᠦᠨ ᠣᠯᠵᠠᠢ ᠃ ᠣᠲᠣ ᠬᠡᠲᠦᠶ᠋ᠢᠪᠡᠷ ᠡᠰᠡᠨᠲᠡᠮᠦᠷ ᠬᠠᠭᠠᠨ ᠪ ᠲᠦᠷᠦ ᠶ᠋ᠢᠨ ᠲᠦᠰᠢᠮᠡᠯ ᠪᠣᠯᠤᠭᠰᠠᠨ ᠴᠤ᠌ ᠬᠠᠭᠤᠴᠢᠨ ᠡᠵᠡᠨ ᠶ᠋ᠢᠡᠨ ᠶᠡᠷᠦ ᠮᠠᠷᠲᠠᠭᠰᠠᠨ ᠦᠭᠡᠢ ᠠᠵᠤᠭᠤ ᠃ ᠲᠡᠷᠡ ᠱᠠᠩᠲᠤ ᠬᠣᠲᠠ ᠶ᠋ᠢᠨ ᠵᠠᠷᠯᠢᠬ ᠊ᠢ ᠡᠰᠡᠷᠭᠦᠴᠡᠨ ᠰᠢ ᠠᠨ ᠸᠠᠩ ᠷᠠᠤᠠᠨᠠᠰᠢᠷᠢ ᠯᠤᠭᠡ ᠨᠡᠶ᠋ᠢᠯᠡᠵᠦ ᠬᠠᠶ᠋ᠢᠱᠠᠨ ᠬᠥᠯᠥᠭ ᠬᠠᠭᠠᠨ ᠪ ᠬᠣᠶᠠᠲᠤᠭᠠᠷ ᠬᠥᠪᠡᠭᠦᠨ ᠬᠤᠸᠠᠢ ᠸᠠᠩ ᠲᠣᠭᠲᠡᠮᠦᠷ ᠊ᠢ ᠶᠡᠬᠡ ᠬᠠᠭᠠᠨ ᠪ ᠰᠠᠭᠤᠷᠢᠨ ᠳᠤ ᠰᠠᠭᠤᠯᠭᠠᠬᠤ ᠪᠠᠷ ᠬᠤᠤᠪᠢᠯᠲᠤᠨ ᠨᠡᠯᠢᠶᠡᠳ ᠨᠣᠶᠠᠨ ᠊ᠢ ᠪᠡᠶᠡ ᠳᠤ ᠪᠡᠨ ᠲᠠᠲᠠᠵᠤ ᠴᠠᠭ ᠲᠣᠬᠢᠶᠠᠯ ᠊ᠢ ᠬᠦᠯᠢᠶᠡᠵᠦ ᠪᠠᠶ᠋ᠢᠯᠠ ᠃
ᠲᠡᠲᠦᠢ ᠳ᠋ᠤᠷ ᠱᠠᠩᠲᠤ ᠬᠣᠲᠠ ᠶ᠋ᠢᠨ ᠨᠣᠶᠠᠳ ᠲᠦᠰᠢᠮᠡᠳ ᠡᠰᠡᠨᠲᠡᠮᠦᠷ ᠬᠠᠭᠠᠨ ᠪ ᠭᠠᠰᠢᠭᠤᠲᠠᠯ ᠊ᠢ ᠭᠦᠢᠴᠡᠤᠠᠬᠡᠭᠡᠳ ᠪᠠᠪᠤᠬᠠᠨ ᠬᠠᠲᠤᠨ ᠂ ᠬᠣᠩ ᠲᠠᠶ᠋ᠢᠽᠢ ᠷᠠᠵᠠᠪᠠᠭ ᠦ᠋ᠨ ᠬᠠᠮᠲᠤ ᠳᠠᠶ᠋ᠢᠳᠤ ᠳᠤ ᠣᠴᠢᠬᠤ ᠪᠠᠷ ᠪᠡᠯᠡᠤᠠᠬᠡᠵᠦ ᠪᠠᠶ᠋ᠢᠪᠠ ᠃ ᠠᠷᠬ᠋ᠠ ᠤᠬᠠᠭᠠᠨ ᠶᠡᠬᠡᠲᠡᠢ ᠡᠯᠲᠡᠮᠦᠷ ᠠᠯᠢ ᠬᠡᠲᠤᠶ᠋ᠢᠨ ᠡᠨᠡ ᠮᠡᠲᠡᠭᠡ ᠶ᠋ᠢ ᠣᠯᠤᠭᠠᠳ ᠤᠬᠠᠭᠠᠨ ᠪ ᠳᠣᠲᠣᠷᠠ ᠤᠬᠠᠭᠠᠨ ᠬᠡᠷᠡᠭᠯᠡᠪᠡ ᠃ ᠲᠡᠷᠡ ᠪᠡᠷ ᠨᠠᠢ᠍ᠮᠠᠲᠤᠭᠠᠷ ᠰᠠᠷᠠ ᠶ᠋ᠢᠨ ᠰᠢᠨᠡ ᠶ᠋ᠢᠨ ᠳᠥᠷᠪᠡᠨ ᠪ ᠥᠷᠯᠥᠭᠡ ᠪᠢᠴᠢᠭ᠌ ᠴᠡᠷᠢᠭ ᠦ᠋ᠨ ᠲᠦᠰᠢᠮᠡᠳ ᠰᠢᠩ ᠱᠸᠩ ᠭᠥᠩ ᠣᠷᠲᠣᠨ ᠳᠤ ᠴᠤᠭᠯᠠᠷᠠᠵᠤ ᠂ ᠫᠢᠩ ᠵᠠᠩ ᠵᠸᠩᠱ᠌ᠢ ᠲᠦᠰᠢᠮᠡᠯ ᠠᠪᠲᠤᠯᠠ ᠠ᠋ᠴᠠ ᠬᠤᠸᠠᠩᠬᠡᠦ ᠪᠠᠪᠤᠬᠠᠨ ᠪᠣᠯᠤᠨ ᠬᠣᠩ ᠲᠠᠶ᠋ᠢᠽᠢ ᠷᠠᠵᠠᠪᠠᠭ ᠦ᠋ᠨ ᠵᠠᠷᠯᠢᠬ ᠊ᠢ ᠨᠡᠶ᠋ᠢᠲᠡᠯᠡᠬᠦ ᠭᠡᠵᠦ ᠪᠠᠶ᠋ᠢᠲᠠᠯᠠ ᠡᠯᠲᠡᠮᠦᠷ ᠥᠪᠡᠷ ᠦ᠋ᠨ ᠬᠤᠷᠰᠢᠶᠠ ᠨᠠᠮᠲᠠᠨ ᠠᠷᠪᠠᠨ ᠳᠣᠯᠣᠭᠠᠨ ᠪᠠᠭᠠᠲᠤᠷ ᠡᠷᠡᠴᠦᠳ ᠊ᠢ ᠳᠠᠶ᠋ᠢᠴᠢᠯᠠᠵᠤ ᠪᠢᠴᠢᠭ᠌ ᠴᠡᠷᠢᠭ ᠦ᠋ᠨ ᠣᠯᠠᠨ ᠲᠦᠰᠢᠮᠡᠯ ᠊ᠢ ᠪᠦᠰᠡᠯᠡᠨ ᠠᠪᠤᠭᠠᠳ ᠥᠨᠲᠥᠷ ᠳᠠᠭᠤᠨ ᠶ᠋ᠢᠠᠷ ᠥᠭᠦᠯᠡᠷᠦᠨ ᠄ 《 ᠬᠥᠯᠥᠭ ᠬᠠᠭᠠᠨ ᠪ ᠬᠣᠶᠠᠷ ᠬᠥᠪᠡᠭᠦᠨ ᠳᠤ ᠳᠡᠯᠡᠬᠡᠢ ᠳ᠋ᠠᠬᠢᠨ ᠪ ᠲᠥᠪ ᠤᠲᠤᠮᠰᠢᠯ ᠊ᠢ ᠭᠡᠲᠡᠷᠭᠦ ᠲᠤᠰᠢᠶᠠᠪᠠᠰᠤ ᠵᠣᠬᠢᠮᠤᠢ ᠃ ᠠᠶᠤᠮᠰᠢᠬ ᠦᠭᠡᠢ ᠦᠯᠦ ᠳᠠᠭᠠᠭᠰᠠᠳ ᠊ᠢ ᠠᠯᠠᠮᠤᠢ 》 ᠬᠡᠮᠡᠭᠡᠳ ᠫᠢᠩ ᠵᠠᠩ ᠵᠸᠩᠱ᠌ᠢ ᠲᠦᠰᠢᠮᠡᠯ ᠠᠪᠲᠤᠯᠠ ᠵᠢᠴᠢ ᠵᠡᠭᠦᠨ ᠭᠠᠷᠤᠨ ᠴᠢᠩᠰᠠᠩ ᠪᠠᠶᠠᠨᠴᠢᠷ ᠵᠡᠷᠭᠡ ᠠᠷᠪᠠᠨ ᠨᠣᠶᠠᠨ ᠊ᠢ ᠪᠠᠷᠢᠪᠴᠢᠯᠠᠵᠤ ᠭᠢᠨᠲᠠᠨ ᠳᠤ ᠬᠣᠷᠢᠪᠠ ᠃
ᠲᠡᠲᠦᠢ ᠳ᠋ᠤᠷ ᠬᠠᠶ᠋ᠢᠱᠠᠨ ᠬᠥᠯᠥᠭ ᠬᠠᠭᠠᠨ ᠪ ᠠᠬᠠᠮᠠᠳ ᠬᠥᠪᠡᠭᠦᠨ ᠵᠸᠤ ᠸᠠᠩ ᠬᠣᠱ᠌ᠢᠯᠠ ᠠᠯᠲᠠᠢ ᠣᠷᠴᠢᠮ ᠪᠠᠶ᠋ᠢᠬᠰᠠᠨ ᠲᠤᠯᠠ ᠲᠡᠷᠡ ᠳᠠᠷᠤᠢ ᠳᠤ ᠪᠤᠴᠠᠵᠤ ᠢᠷᠡᠵᠦ ᠴᠢᠲᠠᠬᠤ ᠦᠭᠡᠢ ᠃ ᠡᠶ᠋ᠢᠨ ᠬᠦ ᠡᠯᠲᠡᠮᠦᠷ ᠪᠡᠷ ᠾᠸᠨᠠᠨ ᠬᠤᠪᠢᠶᠠᠷᠢ ᠮᠣᠵᠢ ᠶ᠋ᠢᠨ ᠵᠥᠪᠯᠡᠭᠴᠢ ᠮᠢᠩᠯᠢᠭ᠍ᠲᠤᠩᠭᠠ ᠪᠣᠯᠤᠨ ᠵᠠᠰᠠᠭ ᠊ᠢ ᠳᠣᠭᠣᠯᠭᠠᠬᠤ ᠲᠦᠰᠢᠮᠡᠯ ᠲᠠᠷᠮᠠᠰᠢᠷᠢ ᠶ᠋ᠢ ᠵᠢᠶᠠᠩᠯᠢᠩ ᠦ᠋ᠨ ᠭᠠᠵᠠᠷ ᠠ᠋ᠴᠠ ᠬᠠᠶ᠋ᠢᠱᠠᠨ ᠬᠥᠯᠥᠭ ᠬᠠᠭᠠᠨ ᠪ ᠬᠣᠶᠠᠲᠤᠭᠠᠷ ᠬᠥᠪᠡᠭᠦᠨ ᠬᠤᠸᠠᠢ ᠸᠠᠩ ᠲᠣᠭᠲᠡᠮᠦᠷ ᠊ᠢ ᠦᠤᠠᠲᠡᠷ ᠲᠣᠰᠴᠤ ᠠᠪᠴᠢᠷᠠ ᠬᠡᠮᠡᠨ ᠵᠠᠷᠯᠠᠪᠠ ᠃ ᠡᠭᠦᠨ ᠪ ᠬᠠᠮᠲᠤ ᠾᠧᠨᠠᠨ ᠬᠤᠪᠢᠶᠠᠷᠢ ᠮᠣᠵᠢ ᠶ᠋ᠢᠨ ᠫᠢᠩ ᠵᠠᠩ ᠲᠦᠰᠢᠮᠡᠯ ᠪᠠᠶᠠᠨ ᠳᠤ ᠨᠢᠭᠤᠴᠠ ᠮᠡᠲᠡᠭᠡ ᠬᠦᠷᠭᠡᠵᠦ ᠬᠤᠸᠠᠢ ᠸᠠᠩ ᠲᠣᠭᠲᠡᠮᠦᠷ ᠊ᠢ ᠴᠡᠷᠢᠭ ᠶ᠋ᠢᠡᠷ ᠬᠠᠮᠠᠭᠠᠯᠠᠨ ᠨᠡᠶ᠋ᠢᠰᠯᠡᠯ ᠳᠤ ᠬᠦᠷᠭᠡᠵᠦ ᠢᠷᠡ ᠬᠡᠮᠡᠪᠡ ᠃
ᠪᠠᠶᠠᠨ ᠪᠣᠯ ᠮᠡᠷᠭᠢᠳ ᠠᠶ᠋ᠢᠮᠠᠭ ᠦ᠋ᠨ ᠬᠦᠮᠦᠨ ᠂ ᠮᠥᠨ ᠴᠤ᠌ ᠬᠠᠶ᠋ᠢᠱᠠᠨ ᠬᠥᠯᠥᠭ ᠬᠠᠭᠠᠨ ᠪ ᠬᠠᠭᠤᠴᠢᠨ ᠲᠦᠰᠢᠮᠡᠯ ᠪᠣᠯᠤᠮᠤᠢ ᠃ ᠲᠡᠷᠡ ᠠᠷᠪᠠᠨ ᠲᠠᠪᠤᠨ ᠨᠠᠰᠤᠨ ᠠ᠋ᠴᠠ ᠡᠬᠢᠯᠡᠭᠡᠳ ᠬᠠᠶ᠋ᠢᠱᠠᠨ ᠪ ᠣᠷᠲᠣᠨ ᠳᠤ ᠢᠷᠡᠵᠦ ᠦᠢᠯᠡᠴᠢᠯᠡᠭᠰᠡᠨ ᠠᠵᠤᠭᠤ ᠃ ᠡᠲᠦᠭᠡ ᠡᠯᠲᠡᠮᠦᠷ ᠦ᠋ᠨ ᠨᠢᠭᠤᠴᠠ ᠮᠡᠲᠡᠭᠡ ᠶ᠋ᠢ ᠣᠯᠤᠭᠠᠳ ᠄ 《 ᠡᠨᠡ ᠪᠣᠯᠪᠠᠰᠤ ᠡᠵᠡᠨ ᠪ ᠮᠢᠨᠢ ᠬᠥᠪᠡᠭᠦᠨ ᠪᠣᠯᠠᠢ ᠃ ᠡᠷᠲᠡ ᠡᠲᠦᠷ ᠬᠥᠯᠥᠭ ᠬᠠᠭᠠᠨ ᠪ ᠬᠦᠨᠲᠦ ᠬᠡᠰᠢᠭ ᠬᠦᠷᠲᠡᠵᠦ ᠡᠨᠡ ᠬᠦ ᠡᠷᠬᠢᠮ ᠵᠡᠷᠭᠡ ᠳᠤ ᠬᠦᠷᠦᠭᠰᠡᠨ ᠪᠣᠢ ᠊ᠶᠠ ᠃ ᠡᠲᠦᠭᠡ ᠪᠢ ᠬᠠᠵᠠᠭᠤ ᠠ᠋ᠴᠠ ᠬᠠᠷᠠᠵᠤ ᠬᠡᠷᠬᠢᠨ ᠪᠣᠯᠤᠮᠤᠢ ! 》 ᠬᠡᠮᠡᠭᠡᠳ ᠡᠯᠲᠡᠮᠦᠷ ᠲᠦ ᠬᠠᠷᠢᠭᠤ ᠠᠶ᠋ᠢᠯᠠᠤᠠᠬᠠᠷᠤᠨ ᠄ 《 ᠴᠢ ᠪᠡᠷ ᠨᠡᠶ᠋ᠢᠰᠯᠡᠯ ᠬᠣᠲᠠ ᠶ᠋ᠢᠨ ᠬᠡᠷᠡᠭ ᠊ᠢ ᠰᠠᠶ᠋ᠢᠲᠤᠷ ᠬᠠᠮᠢᠶᠠᠷᠴᠤ ᠪᠠᠶ᠋ᠢᠬᠲᠤᠨ ᠂ ᠪᠢ ᠪᠡᠷ ᠾᠧᠨᠠᠨ ᠠ᠋ᠴᠠ ᠲᠤᠰᠠᠯᠠᠰᠤᠭᠠᠢ 》 ᠬᠡᠮᠡᠪᠡ ᠃
ᠲᠡᠨᠲᠡᠴᠡ ᠮᠢᠩᠯᠢᠭ᠌ᠲᠤᠩᠭᠠ ᠪᠡᠷ ᠵᠢᠶᠠᠩᠯᠢᠩ ᠳ᠋ᠤᠷ ᠢᠷᠡᠭᠡᠳ ᠳᠠᠶ᠋ᠢᠲᠦ ᠬᠣᠲᠠ ᠶ᠋ᠢᠨ ᠪᠠᠴᠢᠮ ᠪᠠᠶ᠋ᠢᠲᠠᠯ ᠊ᠢ ᠠᠶ᠋ᠢᠯᠠᠤᠠᠬᠠᠨ ᠡᠯᠲᠡᠮᠦᠷ ᠦ᠋ᠨ ᠰᠠᠨᠠᠬ᠋ᠠ ᠶ᠋ᠢ ᠤᠯᠠᠮᠵᠢᠯᠠᠭᠰᠠᠨᠠ ᠬᠤᠸᠠᠢ ᠸᠠᠩ ᠲᠣᠭᠲᠡᠮᠦᠷ ᠶᠡᠬᠡᠲᠡ ᠪᠠᠶᠠᠷᠯᠠᠵᠤ ᠳᠠᠷᠠᠬ᠋ᠠ ᠡᠲᠦᠷ ᠨᠢ ᠳᠠᠶ᠋ᠢᠳᠤ ᠵᠦᠭ ᠮᠣᠷᠲᠠᠵᠤ ᠾᠧᠨᠠᠨ ᠶ᠋ᠢᠠᠷ ᠥᠩᠭᠡᠷᠡᠬᠦᠶᠡ ᠪᠠᠶᠠᠨ ᠬᠤᠶᠠᠭᠲᠤ ᠴᠡᠷᠢᠭ ᠊ᠢ ᠵᠠᠬᠢᠷᠤᠨ ᠲᠣᠭᠲᠡᠮᠦᠷ ᠊ᠢ ᠲᠣᠰᠴᠤ ᠠᠪᠤᠭᠠᠳ ᠨᠡᠶ᠋ᠢᠰᠯᠡᠯ ᠬᠣᠲᠠᠨ ᠳᠤ ᠬᠦᠷᠭᠡᠪᠡ ᠃
ᠬᠤᠸᠠᠢ ᠸᠠᠩ ᠲᠣᠭᠲᠡᠮᠦᠷ ᠲᠥᠷᠥᠭᠰᠡᠨ ᠡᠴᠡ ᠠᠪᠤᠭᠠᠳ ᠣᠲᠣ ᠪᠣᠯᠲᠠᠯᠠ ᠲᠣᠭᠲᠠᠭᠤᠨ ᠪᠤᠰᠤ ᠴᠦᠯᠡᠭᠳᠡᠯ ᠠᠮᠢᠲᠤᠷᠠᠯ ᠊ᠢ ᠥᠩᠭᠡᠷᠡᠭᠦᠯᠦᠭᠰᠡᠭᠡᠷ ᠢᠷᠡᠭᠰᠡᠨ ᠲᠤᠯᠠ ᠬᠠᠭᠠᠨ ᠣᠷᠣ ᠳᠤ ᠰᠠᠭᠤᠬᠤ ᠶ᠋ᠢ ᠬᠡᠨ ᠡᠴᠡ ᠴᠤ᠌ ᠢᠯᠡᠭᠦᠦ ᠬᠦᠰᠡᠬᠦ ᠨᠢ ᠳᠠᠮᠵᠢᠬ ᠦᠭᠡᠢ ᠃ ᠭᠡᠪᠡᠴᠦ ᠭᠣᠪᠢ ᠶ᠋ᠢᠨ ᠤᠮᠠᠷᠠ ᠳᠤ ᠳᠠᠷᠤᠨ ᠰᠠᠭᠤᠭᠰᠠᠨ ᠴᠡᠷᠢᠭ ᠦ᠋ᠨ ᠡᠷᠬᠡ ᠲᠡᠢ ᠬᠤᠱ᠌ᠢᠯᠠ ᠠᠬᠠ ᠪᠠᠨ ᠪᠣᠲᠣᠪᠠᠰᠤ ᠵᠢᠷᠦᠬᠡ ᠰᠡᠤᠠᠬᠢᠯ ᠢᠨᠦ ᠳᠣᠯᠭᠢᠰᠤᠮᠤᠢ ᠃ ᠲᠡᠷᠡ ᠪᠡᠷ ᠡᠯᠲᠡᠮᠦᠷ ᠲᠡᠢ ᠠᠭᠤᠯᠵᠠᠭᠠᠳ ᠲᠦᠯᠭᠡᠵᠦ ᠥᠭᠦᠯᠡᠷᠦᠨ ᠄ 《 ᠮᠢᠨᠦ ᠠᠬᠠ ᠬᠤᠱ᠌ᠢᠯᠠ ᠤᠮᠠᠷᠠᠲᠤ ᠭᠠᠵᠠᠷ ᠪᠣᠢ ᠂ ᠠᠬᠠ ᠶ᠋ᠢᠨ ᠡᠷᠲᠡᠮ ᠊ᠢ ᠪᠣᠲᠣᠪᠠᠰᠤ ᠵᠦᠢ ᠢᠨᠦ ᠶᠡᠬᠡ ᠰᠠᠭᠤᠷᠢᠨ ᠳ᠋ᠤᠷ ᠰᠠᠭᠤᠬᠤ ᠶᠣᠰᠣᠲᠠᠢ ᠪᠥᠭᠡᠲᠡᠯᠡ ᠪᠢ ᠬᠡᠷᠬᠢᠵᠦ ᠠᠶᠤᠮᠰᠢᠬ ᠦᠭᠡᠢ ᠲᠩᠷᠢ ᠶ᠋ᠢᠨ ᠵᠦᠢ ᠶ᠋ᠢ ᠰᠠᠮᠠᠭᠤᠷᠠᠭᠤᠯᠤᠮᠤᠢ ? 》 ᠬᠡᠮᠡᠪᠡ ᠃
ᠡᠯᠲᠡᠮᠦᠷ ᠥᠭᠦᠯᠡᠷᠦᠨ ᠄ 《 ᠬᠦᠮᠦᠨ ᠪ ᠰᠡᠤᠠᠬᠢᠯ ᠦ᠋ᠨ ᠬᠠᠨᠲᠤᠰᠢ ᠡᠰᠡᠷᠭᠦ ᠲᠡᠰᠡᠷᠭᠦ ᠲᠤᠯᠠ ᠬᠢᠯᠭᠠᠰᠤᠨ ᠲᠡᠲᠦᠢ ᠴᠢᠯᠥᠭᠡ ᠦᠭᠡᠢ ᠂ ᠬᠡᠷᠪᠡᠲᠡ ᠨᠢᠭᠡᠨᠲᠡ ᠠᠯᠲᠠᠪᠠᠰᠤ ᠭᠡᠮᠰᠢᠪᠡᠴᠦ ᠣᠷᠣᠶ᠋ᠢᠲᠠᠮᠤᠢ ᠊ᠶᠠ 》 ᠬᠡᠮᠡᠬᠦᠢ ᠳ᠋ᠤᠷ ᠬᠤᠸᠠᠢ ᠸᠠᠩ ᠲᠣᠭᠲᠡᠮᠦᠷ ᠥᠭᠦᠯᠡᠷᠦᠨ ᠄ 《 ᠬᠡᠷᠬᠢᠪᠡᠴᠦ ᠬᠦᠯᠢᠶᠡᠵᠦ ᠡᠰᠡ ᠪᠣᠯᠬᠤ ᠬᠡᠮᠡᠪᠡᠰᠦ ᠮᠢᠨᠦ ᠰᠠᠨᠠᠭᠠᠨ ᠊ᠢ ᠨᠡᠶ᠋ᠢᠲᠡ ᠳ᠋ᠤᠷ ᠵᠠᠷᠯᠠᠨ ᠤᠬᠠᠭᠤᠯ 》 ᠬᠡᠮᠡᠭᠡᠳ ᠶᠢᠰᠦᠨ ᠰᠠᠷᠠ ᠶ᠋ᠢᠨ ᠨᠢᠭᠡᠨ ᠪ ᠡᠲᠦᠷ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠪᠠ ᠃ ᠮᠣᠩᠭᠣᠯ ᠶ᠋ᠢᠠᠷ ᠵᠠᠶᠠᠭᠠᠲᠤ ᠬᠠᠭᠠᠨ ᠬᠡᠮᠡᠮᠦᠢ ᠃ ᠣᠨ ᠪ ᠴᠣᠯᠠ ᠶ᠋ᠢ ᠲᠢᠶᠠᠨ ᠯᠢ ᠶ᠋ᠢᠨ ᠲᠡᠷᠢᠭᠦᠨ ᠣᠨ (1328 ᠣᠨ ) ᠬᠡᠮᠡᠵᠦᠬᠦᠢ ᠃
ᠲᠣᠭᠲᠡᠮᠦᠷ ᠵᠠᠶᠠᠭᠠᠲᠤ ᠬᠠᠭᠠᠨ ᠳᠠᠶ᠋ᠢᠳᠤ ᠳᠤ ᠰᠠᠭᠤᠷᠢᠨᠠ ᠰᠠᠭᠤᠭᠰᠠᠨ ᠲᠡᠷᠡ ᠴᠠᠭ ᠲᠤ ᠱᠠᠩᠲᠤ ᠬᠣᠲᠠᠨᠠ ᠳ᠋ᠠᠤᠯᠠᠳ ᠱᠠᠭ ᠪᠣᠯᠤᠨ ᠯᠢᠶᠠᠩ ᠸᠠᠩ ᠸᠠᠩ ᠴᠡᠨ ᠨᠠᠷ ᠪᠠᠰᠠ ᠬᠤᠩ ᠲᠠᠶ᠋ᠢᠽᠢ ᠷᠠᠵᠠᠪᠠᠭ ᠊ᠢ ᠬᠠᠭᠠᠨ ᠡᠷᠭᠦᠮᠵᠢᠯᠡᠵᠦ ᠣᠨ ᠪ ᠴᠣᠯᠠ ᠶ᠋ᠢ ᠲᠢᠶᠠᠨ ᠱᠦᠨ ᠬᠡᠮᠡᠪᠡ ᠃ ᠡᠶ᠋ᠢᠨ ᠬᠦ ᠳᠠᠶ᠋ᠢᠳᠤ ᠪᠣᠯᠤᠨ ᠱᠠᠩᠲᠤ ᠳᠤ ᠬᠣᠶᠠᠷ ᠬᠠᠭᠠᠨ ᠊ᠢ ᠵᠡᠷᠭᠡ ᠪᠡᠷ ᠪᠠᠶ᠋ᠢᠭᠤᠯᠤᠭᠰᠠᠨ ᠤᠴᠢᠷ ᠡᠭᠦᠰᠴᠦᠬᠦᠢ ᠃
ᠲᠩᠷᠢ ᠳᠡᠭᠡᠷᠡ ᠶᠠᠭᠠᠬᠢᠨ ᠬᠣᠶᠠᠷ ᠨᠠᠷᠠᠨ ᠪᠠᠶ᠋ᠢᠵᠤ ᠪᠣᠯᠬᠤ ᠠᠵᠢ ᠃ ᠳ᠋ᠠᠤᠯᠠᠳ ᠱᠠᠭ ᠵᠢᠩᠬᠢᠨᠢ ᠬᠠᠭᠠᠨ ᠲᠥᠷᠥ ᠶ᠋ᠢ ᠲᠥᠯᠥᠭᠡᠯᠡᠨ ᠴᠡᠷᠢᠭ ᠲᠣᠮᠢᠯᠠᠨ ᠳᠠᠶ᠋ᠢᠳᠤ ᠬᠣᠲᠠ ᠶ᠋ᠢ ᠳᠠᠶ᠋ᠢᠯᠠᠪᠠ ᠃ ᠡᠯᠲᠡᠮᠦᠷ ᠴᠡᠷᠢᠭ ᠵᠠᠬᠢᠷᠤᠨ ᠤᠭᠲᠤᠨ ᠪᠠᠶ᠋ᠢᠯᠲᠤᠪᠠ ᠃ ᠡᠨᠡ ᠪᠣᠯ ᡁᠢ ᠾᠧ ᠶ᠋ᠢᠨ ᠲᠡᠷᠢᠭᠦᠨ ᠣᠨ ᠪ ᠶᠢᠰᠦᠨ ᠰᠠᠷᠠ ᠳᠤ ᠪᠣᠯᠤᠭᠰᠠᠨ ᠬᠣᠶᠠᠷ ᠡᠵᠡᠨ ᠪ ᠬᠠᠭᠠᠨ ᠣᠷᠣ ᠪᠤᠯᠢᠶᠠᠯᠲᠤᠭᠰᠠᠨ ᠳᠠᠶ᠋ᠢᠨ ᠪᠣᠯᠤᠮᠤᠢ ᠃ ᠲᠡᠦᠬᠡᠨᠡ ᠪᠠᠰᠠ 《 ᠬᠣᠶᠠᠷ ᠨᠡᠶ᠋ᠢᠰᠯᠡᠯ ᠦ᠋ᠨ ᠲᠤᠯᠤᠯᠲᠤᠭᠠᠨ 》 ᠭᠡᠳᠡᠭ ᠃
ᠡᠯᠲᠡᠮᠦᠷ ᠂ ᠳᠡᠭᠦᠦ ᠰᠠᠲᠤᠨ ᠪᠣᠯᠤᠨ ᠬᠥᠪᠡᠭᠦᠨ ᠲᠠᠩᠭᠢᠰ ᠨᠠᠷ ᠦ᠋ᠨ ᠬᠠᠮᠲᠤ ᠴᠡᠷᠢᠭ ᠶ᠋ᠢᠡᠨ ᠵᠠᠬᠢᠷᠴᠤ ᠱᠠᠩᠲᠤ ᠠ᠋ᠴᠠ ᠳᠠᠶ᠋ᠢᠯᠠᠷᠠ ᠢᠷᠡᠬ᠋ᠰᠡᠨ ᠲᠢᠶᠠᠨ ᠱᠦᠨ ᠳ᠋ᠢ ᠷᠠᠵᠠᠪᠠᠭ ᠬᠠᠭᠠᠨ ᠪ ᠴᠡᠷᠢᠭ ᠲᠡᠢ ᠦᠬᠦᠵᠦ ᠰᠡᠬᠡᠬᠦ ᠶ᠋ᠢᠨ ᠪᠠᠶ᠋ᠢᠯᠲᠤᠭᠠᠨ ᠬᠢᠵᠦ ᠪᠠᠶ᠋ᠢᠬᠰᠠᠨ ᠵᠠᠩᠭᠢᠯᠠᠬ᠋ᠠ ᠶ᠋ᠢᠨ ᠦᠶᠡ ᠳᠤ ᠂ ᠵᠡᠭᠦᠨ ᠬᠣᠶ᠋ᠢᠲᠤ ᠣᠷᠣᠨ ᠳᠤ ᠳᠠᠷᠤᠨ ᠰᠠᠭᠤᠭᠰᠠᠨ ᠮᠣᠩᠭᠣᠯ ᠴᠡᠷᠢᠭ ᠦ᠋ᠨ ᠶᠤᠸᠠᠨᠱᠤᠸᠠᠢ ᠪᠦᠬᠡᠲᠡᠮᠦᠷ ( ᠡᠯᠲᠡᠮᠦᠷ ᠦ᠋ᠨ ᠠᠪᠠᠬ᠋ᠠ ) ᠪᠣᠯᠤᠨ ᠴᠢ ᠸᠠᠩ ᠥᠷᠯᠥᠭ ᠪᠤᠬᠠ ᠶ᠋ᠢᠨ ᠴᠡᠷᠢᠭ ᠱᠠᠩᠲᠤ ᠬᠣᠲᠠ ᠶ᠋ᠢᠨ ᠰᠡᠷᠭᠡᠶ᠋ᠢᠯᠡᠯᠲᠡ ᠬᠣᠭᠣᠰᠣᠨ ᠪᠣᠯᠤᠭᠰᠠᠨ ᠵᠠᠪᠰᠢᠶᠠᠨ ᠊ᠢ ᠳᠠᠯᠢᠮᠳᠠᠭᠤᠯᠵᠤ ᠂ ᠠᠷᠪᠠᠨ ᠰᠠᠷᠠ ᠶ᠋ᠢᠨ ᠠᠷᠪᠠᠨ ᠭᠤᠷᠪᠠᠨ ᠪ ᠡᠲᠦᠷ ᠭᠡᠨᠡᠤᠠᠲᠡ ᠳᠠᠭᠠᠷᠢᠨ ᠴᠣᠬᠢᠪᠠ ᠃ ᠱᠠᠩᠲᠤ ᠬᠣᠲᠠ ᠶ᠋ᠢ ᠰᠠᠬᠢᠨ ᠰᠠᠭᠤᠭᠰᠠᠨ ᠳ᠋ᠠᠤᠯᠠᠳ ᠱᠠᠭ ᠨᠠᠷ ᠴᠡᠷᠢᠭ ᠦ᠋ᠨ ᠬᠦᠴᠦᠨ ᠮᠡᠬᠦᠰᠲᠡᠭᠡᠳ ᠬᠣᠷᠢᠬᠯᠠᠵᠤ ᠳᠡᠶ᠋ᠢᠯᠬᠦ ᠦᠭᠡᠢ ᠪᠣᠯᠵᠠᠢ ᠃ ᠡᠶ᠋ᠢᠨ ᠬᠦ ᠳ᠋ᠠᠣᠯᠠᠳ ᠱᠠᠬ ᠠᠷᠪᠠᠨ ᠳᠥᠷᠪᠡᠨ ᠪ ᠡᠲᠦᠷ ᠳᠡᠭᠡᠳᠦ ᠪᠡᠶᠡ ᠶ᠋ᠢ ᠨᠢᠴᠦᠭᠦᠯᠡᠨ ( ᠪᠡᠶᠡ ᠨᠢᠴᠦᠬᠦᠯᠡᠬᠦ ᠨᠢ ᠶᠠᠯᠠ ᠬᠦᠯᠢᠶᠡᠬᠦ ᠶ᠋ᠢᠨ ᠲᠡᠮᠲᠡᠭ ᠪᠤᠶᠤ ) ᠬᠠᠭᠠᠨ ᠪ ᠬᠠᠰ ᠲᠠᠮᠠᠬ᠋ᠠ ᠶ᠋ᠢ ᠲᠡᠪᠡᠷᠢᠭᠡᠳ ᠪᠢᠴᠢᠭ᠌ ᠴᠡᠷᠢᠭ ᠦ᠋ᠨ ᠲᠦᠰᠢᠮᠡᠳ ᠊ᠢ ᠳᠠᠭᠠᠭᠤᠯᠤᠨ ᠪᠠᠭᠤᠵᠤ ᠥᠭᠴᠡᠢ ᠃ ᠰᠠᠶᠢᠬᠠᠨ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠭᠠᠳ ᠬᠣᠶᠠᠷ ᠰᠠᠷᠠ ᠪᠣᠯᠤᠭᠰᠠᠨ ᠶᠢᠰᠦᠨ ᠨᠠᠰᠤᠲᠠᠢ ᠲᠢᠶᠠᠨ ᠱᠦᠨ ᠳ᠋ᠢ ᠬᠠᠭᠠᠨ ᠷᠠᠵᠠᠪᠠᠬ ᠮᠥᠷ ᠰᠤᠷᠠᠭ ᠦᠭᠡᠢ ᠪᠣᠯᠪᠠ ᠃ ᠠᠷᠪᠠᠨ ᠰᠠᠷᠠ ᠶ᠋ᠢᠨ ᠬᠣᠷᠢᠨ ᠨᠢᠭᠡᠨ ᠪ ᠡᠲᠦᠷ ᠂ ᠲᠣᠬᠲᠡᠮᠦᠷ ᠵᠠᠶᠠᠭᠠᠲᠤ ᠬᠠᠭᠠᠨ ᠰᠢᠩ ᠱᠸᠩ ᠭᠦᠩ ᠣᠷᠲᠤᠨ ᠳᠤ ᠰᠠᠭᠠᠲᠠᠵᠤ ᠂ ᠴᠢ ᠸᠠᠩ ᠥᠷᠯᠥᠭ ᠪᠤᠬᠠ ᠲᠠᠨ ᠶᠡᠬᠡ ᠬᠠᠭᠠᠨ ᠪ ᠬᠠᠰ ᠲᠠᠮᠠᠬ᠋ᠠ ᠶ᠋ᠢ ᠡᠷᠭᠦᠪᠡ ᠃ ᠳ᠋ᠠᠣᠯᠠᠳ ᠱᠠᠬ ᠲᠡᠷᠢᠭᠦᠲᠡᠢ ᠱᠠᠩᠲᠤ ᠬᠣᠲᠠ ᠶ᠋ᠢᠨ ᠪᠢᠴᠢᠭ᠌ ᠴᠡᠷᠢᠭ ᠦ᠋ᠨ ᠲᠦᠰᠢᠮᠡᠳ ᠊ᠢ ᠳᠠᠶ᠋ᠢᠳᠤ ᠳᠤ ᠳᠠᠷᠤᠵᠤ ᠠᠪᠴᠢᠷᠠᠭᠠᠳ ᠠᠯᠠᠬᠤ ᠶ᠋ᠢ ᠨᠢ ᠠᠯᠠᠵᠤ ᠴᠦᠯᠡᠬᠦ ᠶ᠋ᠢ ᠨᠢ ᠴᠦᠯᠡᠪᠡ ᠃ ᠬᠡᠷᠡᠭ ᠦ᠋ᠨ ᠡᠵᠡᠨ ᠳ᠋ᠠᠣᠯᠠᠳ ᠱᠠᠬ ᠊ᠢ ᠮᠥᠴᠢᠯᠡᠨ ᠠᠯᠠᠵᠤ ᠵᠡᠭᠡᠯᠢ ᠳᠤ ᠬᠠᠶᠠᠪᠠ ᠃ ᠲᠥᠷᠥᠯ ᠦ᠋ᠨ ᠨᠣᠶᠠᠨ ᠯᠢᠶᠠᠩ ᠸᠠᠩ ᠸᠠᠩ ᠴᠠᠨ ᠊ᠢ ᠴᠢᠰᠤ ᠭᠠᠷᠭᠠᠯ ᠦᠭᠡᠢ ᠪᠡᠷ ᠨᠥᠭᠴᠢᠭᠦᠯᠪᠡ ᠃
ᠲᠣᠬᠲᠡᠮᠦᠷ ᠵᠠᠶᠠᠭᠠᠲᠤ ᠬᠠᠭᠠᠨ ᠪᠠᠷ ᠳ᠋ᠠᠣᠯᠠᠳ ᠱᠠᠬ ᠂ ᠯᠢᠶᠠᠩ ᠸᠠᠩ ᠸᠠᠩ ᠴᠠᠨ ᠲᠦᠷᠦᠭᠦᠲᠠᠢ ᠱᠠᠩᠲᠤ ᠬᠣᠲᠠ ᠶ᠋ᠢᠨ ᠪᠢᠴᠢᠭ᠌ ᠴᠡᠷᠢᠭ ᠦ᠋ᠨ ᠲᠦᠰᠢᠮᠡᠳ ᠊ᠢ ᠬᠠᠷᠬᠢᠰ ᠬᠡᠷᠴᠡᠭᠡᠢ ᠪᠡᠷ ᠳᠠᠷᠤᠩᠭᠤᠶ᠋ᠢᠯᠠᠵᠠᠢ ᠃ ᠲᠡᠭᠦᠨ ᠊ᠢ ᠬᠦᠷᠢᠶᠡᠯᠡᠨ ᠶᠡᠬᠡ ᠬᠠᠭᠠᠨ ᠪ ᠰᠠᠭᠤᠷᠢᠨ ᠳᠤ ᠭᠠᠷᠭᠠᠭᠰᠠᠨ ᠡᠯᠲᠡᠮᠦᠷ ᠂ ᠪᠠᠶᠠᠨ ᠲᠦᠷᠦᠭᠦᠲᠠᠢ ᠳᠠᠶ᠋ᠢᠳᠤ ᠬᠣᠲᠠ ᠶ᠋ᠢᠨ ᠪᠢᠴᠢᠭ᠌ ᠴᠡᠷᠢᠭ ᠦ᠋ᠨ ᠲᠦᠰᠢᠮᠡᠳ ᠊ᠢ ᠪᠣᠯ ᠭᠠᠪᠢᠶᠠ ᠲᠡᠮᠲᠡᠭᠯᠡᠨ ᠬᠦᠨᠲᠦ ᠪᠡᠷ ᠱᠠᠩᠨᠠᠪᠠ ᠃ ᠡᠨᠲᠡ ᠡᠯᠲᠡᠮᠦᠷ ᠊ᠢ ᠲᠠᠢ ᠫᠢᠩ ᠸᠠᠩ ᠡᠷᠭᠦᠮᠵᠢᠯᠡᠵᠦ ᠂ ᠲᠥᠪ ᠪᠢᠴᠢᠭ᠌ ᠦ᠋ᠨ ᠮᠣᠵᠢ ᠶ᠋ᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠴᠢᠩᠰᠠᠩ ᠂ ᠴᠡᠷᠢᠭ ᠦ᠋ᠨ ᠨᠢᠭᠤᠴᠠ ᠶ᠋ᠢᠨ ᠬᠦᠷᠢᠶᠡᠯᠡᠩ ᠦ᠋ᠨ ᠵᠠᠬᠢᠷᠤᠭᠴᠢ ᠲᠦᠰᠢᠮᠡᠯ ᠪᠣᠯᠭᠠᠭᠠᠳ ᠳᠠᠷᠬᠠᠨ ᠴᠣᠯᠠ ᠨᠡᠮᠡᠵᠦ ᠰᠣᠶᠣᠷᠬᠠᠪᠠ ᠃ ᠪᠠᠶᠠᠨ ᠊ᠢ ᠪᠠᠶ᠋ᠢᠴᠠᠭᠠᠨ ᠠᠶ᠋ᠢᠯᠠᠤᠠᠬᠠᠬᠤ ᠬᠣᠷᠢᠶᠠ ᠶ᠋ᠢᠨ ᠳ᠋ᠠᠶ᠋ᠢᠹᠦ᠋ ᠲᠦᠰᠢᠮᠡᠯ ᠪᠣᠯᠭᠠᠵᠤ ᠰᠢᠲᠠᠷ ᠬᠠᠮᠠᠭᠠᠯᠠᠬᠤ ᠴᠡᠷᠢᠭ ᠊ᠢ ᠵᠠᠬᠢᠷᠤᠭᠤᠯᠪᠠ ᠃
ᠨᠢᠭᠡᠨ ᠡᠲᠦᠷ ᠲᠣᠬᠲᠡᠮᠦᠷ ᠵᠠᠶᠠᠭᠠᠲᠤ ᠬᠠᠭᠠᠨ ᠪᠠᠷ ᠲᠠᠢ ᠫᠢᠩ ᠸᠠᠩ ᠡᠯᠲᠡᠮᠦᠷ ᠊ᠢ ᠣᠷᠲᠤᠨ ᠳᠤ ᠪᠠᠨ ᠳᠠᠭᠤᠳᠠᠨ ᠠᠪᠴᠢᠷᠠᠭᠠᠳ ᠥᠭᠦᠯᠡᠷᠦᠨ ᠄ 《 ᠱᠠᠩᠲᠤ ᠶ᠋ᠢᠨ ᠬᠡᠷᠡᠭ ᠬᠤᠪᠢᠰᠤᠯ ᠊ᠢ ᠲᠥᠪᠰᠢᠳᠬᠡᠭᠰᠡᠨ ᠢᠨᠤ ᠪᠦᠷ ᠡᠷᠬᠢᠮ ᠰᠠᠶ᠋ᠢᠳ ᠴᠢᠨᠦ ᠭᠠᠪᠢᠶᠠ ᠪᠣᠯᠠᠢ ᠃ ᠥᠨᠥᠲᠥᠷ ᠮᠡᠬᠦᠰ ᠪᠢ ᠡᠨᠡ ᠡᠷᠬᠢᠮ ᠰᠠᠭᠤᠷᠢᠨᠠ ᠰᠠᠭᠤᠭᠰᠠᠨ ᠤᠬ ᠰᠠᠨᠠᠬ᠋ᠠ ᠪᠣᠯᠪᠠᠰᠤ ᠰᠠᠭᠤᠷᠢᠨ ᠊ᠢ ᠤᠮᠠᠷᠠ ᠬᠢᠯᠢ ᠶ᠋ᠢ ᠳᠠᠷᠤᠨ ᠰᠠᠭᠤᠭᠰᠠᠨ ᠠᠬᠠ ᠬᠤᠱᠢᠯᠠ ᠳ᠋ᠤᠷ ᠨᠠᠶ᠋ᠢᠷ ᠲᠠᠯᠪᠢᠬᠤᠢ ᠣᠴᠢᠷᠠ ᠪᠤᠶᠤ ᠃ ᠡᠲᠦᠭᠡ ᠮᠡᠷᠭᠡᠨ ᠰᠠᠶ᠋ᠢᠳ ᠲᠠᠨ ᠊ᠢ ᠤᠷᠢᠵᠤ ᠲᠤᠰ ᠬᠡᠷᠡᠭ ᠊ᠢ ᠵᠥᠪᠲᠡᠰᠦᠭᠡᠢ 》 ᠬᠡᠮᠡᠮᠦ ᠃
ᠡᠯᠲᠡᠮᠦᠷ ᠥᠭᠦᠯᠡᠷᠦᠨ ᠄ 《 ᠡᠵᠡᠨ ᠲᠠᠨ ᠢᠩᠬᠢᠬᠦ ᠬᠡᠷᠡᠭ ᠦᠭᠡᠢ ᠃ ᠡᠷᠲᠡᠨ ᠡᠴᠡ ᠠᠪᠤᠭᠠᠳ ᠬᠠᠭᠠᠨ ᠰᠠᠭᠤᠷᠢᠨ ᠊ᠢ ᠡᠵᠡᠯᠡᠭᠰᠡᠳ ᠭᠠᠭᠴᠠ ᠬᠦ ᠠᠬᠠᠮᠠᠳ ᠬᠥᠪᠡᠭᠦᠨ ᠪᠤᠰᠤ ᠃ ᠲᠠ ᠬᠣᠶᠠᠷ ᠪᠦᠷ ᠬᠥᠯᠥᠭ ᠬᠠᠭᠠᠨ ᠪ ᠲᠥᠷᠥᠭᠰᠡᠨ ᠬᠥᠪᠡᠭᠦᠨ ᠪᠥᠯᠥᠭᠡ ᠃ ᠵᠸᠦ ᠸᠠᠩ ᠠᠬᠠᠮᠠᠳ ᠭᠡᠬᠦᠯᠡ ᠡᠵᠡᠨ ᠲᠠᠨ ᠭᠠᠪᠢᠶᠠ ᠶᠡᠬᠡᠲᠡᠨ ᠲᠤᠯᠠ ᠠᠯᠢ ᠠᠨᠤ ᠰᠠᠭᠤᠷᠢᠨ ᠊ᠢ ᠡᠵᠡᠯᠡᠭᠰᠡᠨ ᠴᠤ᠌ ᠪᠦᠷ ᠶᠣᠰᠤᠨᠠ ᠨᠡᠶ᠋ᠢᠴᠡᠮᠦᠢ ᠃ 》
ᠲᠣᠬᠲᠡᠮᠦᠷ ᠵᠠᠶᠠᠭᠠᠲᠤ ᠬᠠᠭᠠᠨ ᠪᠠᠬᠠᠨ ᠪᠣᠲᠣᠯᠬᠢᠯᠠᠭᠠᠳ ᠥᠭᠦᠯᠡᠷᠦᠨ ᠄ 《 ᠬᠡᠲᠦᠶ᠋ᠢᠪᠡᠷ ᠡᠶ᠋ᠢᠨ ᠬᠦ ᠥᠭᠦᠯᠡᠪᠡᠴᠦ ᠮᠢᠨᠦ ᠳᠣᠲᠣᠷᠠ ᠶᠡᠷᠦ ᠨᠢ ᠠᠮᠤᠷ ᠦᠭᠡᠢ ᠂ ᠠᠬᠠ ᠳ᠋ᠤᠷ ᠰᠠᠭᠤᠷᠢᠨ ᠶ᠋ᠢᠠᠨ ᠨᠠᠶ᠋ᠢᠷ ᠲᠠᠯᠪᠢᠬᠤ ᠠ᠋ᠴᠠ ᠪᠢᠰᠢ ᠂ ᠰᠡᠤᠠᠬᠢᠯ ᠊ᠢ ᠲᠡᠭᠡᠵᠦ ᠵᠣᠪᠠᠭᠠᠬᠤ ᠳᠤᠷᠠ ᠦᠭᠡᠢ ᠃ ᠲᠡᠶ᠋ᠢᠮᠦ ᠶ᠋ᠢᠨ ᠲᠤᠯᠠ ᠮᠡᠷᠭᠡᠨ ᠰᠠᠶ᠋ᠢᠳ ᠲᠤᠰᠬᠠᠢ ᠡᠯᠴᠢᠨ ᠪ ᠪᠦᠯᠬᠦᠮ ᠪᠠᠶ᠋ᠢᠭᠤᠯᠵᠤ ᠭᠣᠪᠢ ᠶ᠋ᠢᠨ ᠤᠮᠠᠷᠠ ᠳᠤ ᠠᠬᠠ ᠶ᠋ᠢ ᠤᠷᠢᠷᠠ ᠢᠯᠡᠭᠡᠪᠡᠰᠦ ᠶᠠᠮᠠᠷ ? ᠠᠬᠠ ᠬᠡᠷᠪᠡ ᠮᠢᠨᠦ ᠰᠠᠨᠠᠯ ᠊ᠢ ᠬᠦᠯᠢᠶᠡᠨ ᠡᠰᠡ ᠠᠪᠤᠪᠠᠰᠤ ᠪᠢᠲᠡ ᠳᠠᠬᠢᠨ ᠵᠥᠪᠲᠡᠰᠦᠭᠡᠢ 》 ᠬᠡᠮᠡᠪᠡ ᠃
ᠲᠣᠬᠲᠡᠮᠦᠷ ᠦ᠋ᠨ ᠡᠨᠡ ᠠᠩᠬᠢ ᠥᠭᠦᠯᠡᠯ ᠊ᠢ ᠰᠣᠨᠣᠰᠤᠭᠠᠳ ᠡᠯᠲᠡᠮᠦᠷ ᠳᠠᠬᠢᠵᠤ ᠥᠪᠡᠷ ᠦ᠋ᠨ ᠰᠠᠨᠠᠯ ᠊ᠢ ᠪᠠᠷᠢᠮᠲᠠᠯᠠᠬᠤ ᠦᠭᠡᠢ ᠪᠣᠯᠪᠠ ᠃
ᠲᠢᠶᠠᠨ ᠯᠢ ᠶ᠋ᠢᠨ ᠲᠡᠷᠢᠭᠦᠨ ᠣᠨ ᠪ ᠠᠷᠪᠠᠨ ᠨᠢᠭᠡᠲᠦᠭᠡᠷ ᠰᠠᠷᠠ ᠳᠤ ᠲᠣᠬᠲᠡᠮᠦᠷ ᠵᠠᠶᠠᠭᠠᠲᠤ ᠬᠠᠭᠠᠨ ᠪᠠᠷ ᠰᠡᠲᠢ ᠬᠢᠭᠡᠳ ᠬᠠᠰᠠᠨ ᠬᠣᠶᠠᠷ ᠊ᠢ ᠤᠷᠢᠳ ᠬᠣᠵᠢᠳ ᠭᠣᠪᠢ ᠶ᠋ᠢᠨ ᠤᠮᠠᠷᠠ ᠳᠤ ᠢᠯᠡᠭᠡᠵᠦ ᠵᠸᠦ ᠸᠠᠩ ᠬᠣᠱᠢᠯᠠ ᠶ᠋ᠢ ᠨᠡᠶ᠋ᠢᠰᠯᠡᠯ ᠳᠤ ᠢᠷᠡᠵᠦ ᠶᠡᠬᠡ ᠬᠠᠭᠠᠨ ᠪ ᠰᠠᠭᠤᠷᠢᠨ ᠳᠤ ᠰᠠᠭᠤᠬᠤ ᠶ᠋ᠢ ᠬᠦᠰᠡᠮᠵᠢᠯᠡᠪᠡ ᠃
ᠵᠸᠦ ᠸᠠᠩ ᠬᠤᠱᠢᠯᠠ ᠪᠣᠯ ᠬᠠᠶ᠋ᠢᠱᠠᠨ ᠬᠥᠯᠥᠭ ᠬᠠᠭᠠᠨ ᠪ ᠠᠬᠠᠮᠠᠳ ᠬᠥᠪᠡᠭᠦᠨ ᠮᠥᠨ ᠃ ᠬᠠᠶ᠋ᠢᠱᠠᠨ ᠬᠥᠯᠥᠭ ᠬᠠᠭᠠᠨ ᡁᠢ ᠳ᠋ᠠ ᠶ᠋ᠢᠨ ᠲᠡᠷᠢᠭᠦᠨ ᠣᠨ (1308 ᠣᠨ ) ᠳᠤ ᠶᠡᠬᠡ ᠬᠠᠭᠠᠨ ᠪ ᠣᠷᠣ ᠳᠤ ᠰᠠᠭᠤᠵᠤ 《 ᠠᠬᠠ ᠠᠨᠤ ᠬᠠᠯᠢᠪᠠᠰᠤ ᠳᠡᠭᠦᠦ ᠢᠨᠤ ᠵᠠᠯᠭᠠᠮᠵᠢᠯᠠᠬᠤ 》 ᠭᠡᠰᠡᠨ ᠪᠣᠯᠵᠣᠬ᠋ᠠ ᠶᠣᠰᠣᠭᠠᠷ ᠳᠡᠭᠦᠦ ᠠᠶᠤᠷᠪᠠᠷᠸᠠᠲᠠ ᠶ᠋ᠢ ᠶᠡᠬᠡ ᠬᠠᠭᠠᠨ ᠪ ᠵᠠᠯᠭᠠᠮᠵᠢᠯᠠᠭᠴᠢ ᠪᠠᠷ ᠲᠣᠭᠲᠠᠭᠠᠵᠠᠢ ᠃ ᡁᠢ ᠳ᠋ᠠ ᠶ᠋ᠢᠨ ᠳᠥᠷᠪᠡᠳᠦᠭᠡᠷ ᠣᠨ ᠳᠤ ᠬᠠᠢᠱᠠᠨ ᠬᠥᠯᠥᠭ ᠬᠠᠭᠠᠨ ᠬᠠᠯᠢᠵᠤ ᠠᠶᠤᠷᠪᠠᠷᠸᠠᠲᠡ ᠶᠡᠬᠡ ᠬᠠᠭᠠᠨ ᠪ ᠣᠷᠣ ᠳᠤ ᠰᠠᠭᠤᠭᠰᠠᠨ ᠪ ᠳᠠᠷᠠᠬ᠋ᠠ 《 ᠳᠡᠭᠦᠦ ᠢᠨᠦ ᠬᠠᠯᠢᠪᠠᠰᠦ ᠦᠶᠡᠯᠢᠳ ᠬᠥᠪᠡᠭᠦᠨ ᠢᠨᠦ ᠵᠠᠯᠭᠠᠮᠵᠢᠯᠠᠬᠤ 》 ᠭᠡᠰᠡᠨ ᠤᠷᠢᠲᠤ ᠶ᠋ᠢᠨ ᠪᠣᠯᠵᠣᠬ᠋ᠠ ᠶᠣᠰᠣᠭᠠᠷ ᠬᠠᠶ᠋ᠢᠱᠠᠨ ᠪ ᠠᠬᠠᠮᠠᠳ ᠬᠥᠪᠡᠭᠦᠨ ᠬᠣᠱᠶ᠋ᠯᠠ ᠶ᠋ᠢ ᠶᠡᠬᠡ ᠬᠠᠭᠠᠨ ᠪ ᠵᠠᠯᠭᠠᠮᠵᠢᠯᠠᠭᠴᠢ ᠪᠠᠷ ᠲᠣᠭᠲᠠᠭᠠᠭᠰᠠᠨ ᠦᠭᠡᠢ ᠂ ᠬᠠᠷᠢᠨ ᠥᠪᠡᠷ ᠦ᠋ᠨ ᠬᠥᠪᠡᠭᠦᠨ ᠰᠤᠲᠢᠪᠠᠯᠨ ᠶ᠋ᠢ ᠬᠣᠩ ᠲᠠᠶ᠋ᠢᠽᠢ ᠡᠷᠭᠦᠮᠵᠢᠯᠡᠵᠦ ᠂ ᠬᠣᠱᠶ᠋ᠯᠠ ᠶ᠋ᠢ ᠵᠸᠦ ᠸᠠᠩ ᠡᠷᠭᠦᠮᠵᠢᠯᠡᠨ ᠶᠦᠨᠨᠠᠨ ᠊ᠢ ᠳᠠᠷᠤᠨ ᠰᠠᠭᠤᠯᠭᠠᠬᠤ ᠪᠠᠷ ᠢᠯᠡᠭᠡᠪᠡ ᠃ ᠬᠣᠱᠶ᠋ᠯᠠ ᠶ᠋ᠢᠨ ᠳᠡᠭᠦᠦ ᠲᠣᠭᠲᠡᠮᠦᠷ ᠊ᠢ ᠬᠤᠸᠠᠢ ᠸᠠᠩ ᠡᠷᠭᠦᠮᠵᠢᠯᠡᠵᠦ ᠵᠢᠶᠠᠩᠯᠢᠩ ᠦ᠋ᠨ ᠭᠠᠵᠠᠷ ( ᠣᠲᠣ ᠶ᠋ᠢᠨ ᠬᠤᠪᠧᠢ ᠮᠣᠵᠢ ᠶ᠋ᠢᠨ ᠵᠢᠶᠠᠩ ᠯᠢᠩ ) ᠲᠤ᠌ ᠶᠠᠪᠤᠭᠤᠯᠪᠠ ᠃ ᠡᠨᠡ ᠪᠣᠯ ᠬᠡᠷᠡᠭ ᠳᠡᠭᠡᠷᠡ ᠪᠡᠨ ᠡᠷᠬᠡᠲᠦ ᠰᠠᠶ᠋ᠢᠳ ᠲᠡᠮᠤᠲᠠᠷ ᠦ᠋ᠨ ᠥᠪᠡᠷ ᠦ᠋ᠨ ᠪᠠᠶ᠋ᠢᠷᠢ ᠰᠠᠭᠤᠷᠢ ᠪᠠᠨ ᠬᠠᠮᠠᠭᠠᠯᠠᠬᠤ ᠶ᠋ᠢᠨ ᠲᠥᠯᠥᠭᠡ ᠭᠠᠷᠭᠠᠭᠰᠠᠨ ᠬᠣᠶ᠋ᠢᠬᠤᠷ ᠠᠷᠬ᠋ᠠ ᠪᠥᠭᠡᠳ ᠠᠶᠤᠷᠪᠠᠷᠸᠠᠲᠡ ᠪᠤᠶᠠᠨᠲᠤ ᠬᠠᠭᠠᠨ ᠪᠠᠷ ᠥᠪᠡᠷ ᠦ᠋ᠨ ᠬᠥᠪᠡᠭᠦᠨ ᠰᠤᠲᠢᠪᠠᠯᠨ ᠶᠡᠬᠡ ᠬᠠᠭᠠᠨ ᠪ ᠰᠠᠭᠤᠷᠢᠨ ᠊ᠢ ᠢᠯᠭᠤᠬᠠᠨ ᠶ᠋ᠢᠠᠷ ᠵᠠᠯᠭᠠᠮᠵᠢᠯᠠᠬᠤ ᠳᠤ ᠰᠠᠭᠠᠳ ᠳᠤᠳᠬᠠᠷ ᠊ᠢ ᠨᠢ ᠠᠷᠢᠯᠭᠠᠵᠤ ᠥᠭᠭᠦᠭᠰᠡᠨ ᠨᠠᠷᠢᠨ ᠪᠣᠲᠣᠯᠬ᠋ᠠ ᠪᠣᠯᠤᠮᠤᠢ ᠃
ᠶᠠᠨ ᠶᠢᠦ ᠶ᠋ᠢᠨ ᠭᠤᠷᠪᠠᠲᠤᠭᠠᠷ ᠣᠨ (1316 ᠣᠨ ) ᠪ ᠠᠷᠪᠠᠨ ᠨᠢᠭᠡᠨ ᠰᠠᠷᠠ ᠳᠤ ᠵᠸᠦ ᠸᠠᠩ ᠬᠣᠱᠶ᠋ᠯᠠ ᠶᠦᠨᠨᠠᠨ ᠳᠤ ᠣᠴᠢᠬᠤ ᠪᠠᠷ ᠬᠠᠶ᠋ᠢᠱᠠᠨ ᠬᠥᠯᠥᠭ ᠬᠠᠭᠠᠨ ᠪ ᠬᠠᠭᠤᠴᠢᠨ ᠲᠦᠰᠢᠮᠡᠯ ᠲᠣᠬᠤᠷᠦ ᠂ ᠤᠷᠲᠤ ᠂ ᠽᠠᠩ ᠵᠢᠶᠠ ᠨᠦ᠍ ᠂ ᠪᠣᠯᠣᠳ ᠪᠣᠯᠤᠨ ᠵᠢᠶᠣᠤ ᠬᠤᠸᠠ ᠲᠠᠨ ᠊ᠢ ᠠᠪᠴᠤ ᠮᠣᠷᠲᠠᠪᠠ ᠃ ᠲᠠᠲᠠ ᠶᠠᠨ ᠠᠨ ᠶ᠋ᠢᠠᠷ ᠦᠩᠭᠡᠷᠡᠬᠦ ᠳᠤ ᠬᠠᠶ᠋ᠢᠱᠠᠨ ᠬᠥᠯᠥᠭ ᠬᠠᠭᠠᠨ ᠪ ᠬᠠᠭᠤᠴᠢᠨ ᠲᠦᠰᠢᠮᠡᠯ ᠰᠢᠷᠠ ᠂ ᠱᠠᠪᠲᠤᠨ ᠂ ᠠᡁᠮᠠᠨ ᠨᠠᠷ ᠬᠠᠯᠠᠭᠤᠨ ᠶ᠋ᠢᠠᠷ ᠤᠭᠲᠤᠪᠠᠢ ᠃ ᠲᠡᠷᠡ ᠴᠠᠭ ᠲᠤ ᠬᠣᠱᠶ᠋ᠯᠠ ᠶ᠋ᠢ ᠳᠠᠭᠠᠵᠤ ᠶᠠᠪᠤᠭᠰᠠᠨ ᠵᠢᠶᠣᠤ ᠬᠤᠸᠠ ᠬᠡᠮᠡᠭᠴᠢ ᠢᠨᠦ ᠬᠠᠭᠤᠴᠢᠨ ᠨᠠᠶ᠋ᠢᠵᠠ ᠰᠢᠷᠠ ᠨᠠᠷ ᠲᠠᠢ ᠠᠭᠤᠯᠵᠠᠭᠠᠳ ᠬᠠᠷᠢᠯᠴᠠᠨ ᠲᠡᠪᠡᠷᠢᠯᠲᠦᠨ ᠨᠢᠯᠪᠤᠰᠤ ᠤᠨᠠᠭᠠᠵᠤ ᠥᠭᠦᠯᠡᠷᠦᠨ ᠄ 《 ᠣᠲᠣ ᠶ᠋ᠢᠨ ᠶᠡᠬᠡ ᠬᠠᠭᠠᠨ ᠪ ᠣᠷᠣ ᠶ᠋ᠢ ᠴᠣᠬᠣᠮ ᠳᠤ ᠪᠠᠨ ᠬᠠᠶ᠋ᠢᠱᠠᠨ ᠬᠥᠯᠥᠭ ᠬᠠᠭᠠᠨ ᠪ ᠬᠣᠶ᠋ᠢᠴᠢᠰ ᠵᠠᠯᠭᠠᠮᠵᠢᠯᠠᠪᠠᠰᠤ ᠵᠣᠬᠢᠬᠤ ᠪᠥᠯᠥᠭᠡ ᠃ ᠭᠡᠲᠡᠯᠡ ᠲᠡᠭᠦᠨ ᠪ ᠠᠬᠠᠮᠠᠳ ᠬᠥᠪᠡᠭᠦᠨ ᠬᠣᠱᠶ᠋ᠯᠠ ᠶ᠋ᠢ ᠠᠯᠤᠰ ᠭᠠᠵᠠᠷ ᠶᠠᠪᠤᠭᠤᠯᠪᠠ ᠃ ᠡᠨᠡ ᠪᠣᠯᠪᠠᠰᠤ ᠠᠶᠤᠷᠪᠠᠷᠸᠠᠲᠡ ᠪᠤᠶᠠᠨᠲᠤ ᠬᠠᠭᠠᠨ ᠪ ᠤᠭ ᠰᠠᠨᠠᠬ᠋ᠠ ᠪᠤᠰᠤ ᠂ ᠬᠠᠷᠢᠨ ᠵᠠᠯᠢᠬᠠᠢ ᠲᠦᠰᠢᠮᠡᠳ ᠦ᠋ᠨ ᠭᠠᠷᠭᠠᠭᠰᠠᠨ ᠬᠣᠶ᠋ᠢᠬᠤᠷ ᠠᠷᠬ᠋ᠠ ᠪᠤᠶᠤ ᠃ ᠪᠢᠲᠡ ᠶᠡᠬᠡ ᠬᠠᠭᠠᠨ ᠳᠤ ᠠᠶ᠋ᠢᠯᠠᠤᠠᠬᠠᠵᠤ ᠵᠠᠯᠢᠬᠠᠢ ᠲᠦᠰᠢᠮᠡᠳ ᠦ᠋ᠨ ᠵᠠᠪᠰᠠᠷᠲᠠᠭᠤᠯᠬᠤ ᠤᠪ ᠮᠡᠬᠡ ᠶ᠋ᠢ ᠢᠯᠡᠴᠢᠯᠡᠰᠦᠭᠡᠢ ᠃ ᠡᠰᠡ ᠲᠡᠭᠡᠪᠡᠰᠦ ᠬᠡᠷᠡᠭ ᠦ᠋ᠨ ᠪᠠᠶ᠋ᠢᠲᠠᠯ ᠬᠠᠮᠢᠭᠠᠰᠢ ᠪᠣᠯᠬᠤ ᠶ᠋ᠢ ᠪᠤᠤ ᠮᠡᠲᠡ 》 ᠬᠡᠮᠡᠪᠡᠢ ᠃
ᠣᠯᠠᠨ ᠶ᠋ᠢᠠᠷ ᠶ᠋ᠢᠠᠨ ᠵᠢᠶᠣᠤ ᠬᠤᠸᠠ ᠶ᠋ᠢᠨ ᠬᠡᠯᠡᠭᠰᠡᠨ ᠊ᠢ ᠰᠣᠨᠣᠰᠤᠭᠠᠳ ᠴᠥᠮ ᠰᠡᠤᠠᠬᠢᠯ ᠬᠥᠲᠡᠯᠵᠦ ᠂ ᠲᠡᠭᠦᠨ ᠊ᠢ ᠳᠠᠶ᠋ᠢᠳᠤ ᠬᠣᠲᠠᠨᠠ ᠪᠤᠴᠠᠵᠤ ᠬᠠᠷᠢᠭᠠᠳ ᠶᠡᠬᠡ ᠬᠠᠭᠠᠨ ᠳᠤ ᠡᠨᠡ ᠬᠦ ᠰᠠᠨᠠᠯ ᠊ᠢ ᠳᠠᠮᠵᠢᠭᠤᠯᠤᠨ ᠠᠶ᠋ᠢᠯᠠᠤᠠᠬᠠᠭᠤᠯᠬᠤ ᠪᠠᠷ ᠵᠥᠪᠲᠡᠨ ᠲᠣᠭᠲᠠᠪᠠ ᠃ ᠱᠠᠨᠰᠢ ᠬᠤᠪᠢᠶᠠᠷᠢ ᠮᠣᠵᠢ ᠶ᠋ᠢᠨ ᠴᠢᠩᠰᠠᠩ ᠠᠰᠬᠠᠨ ᠪᠣᠯ ᠤᠤᠯ ᠳᠤ ᠪᠠᠨ ᠲᠥᠪ ᠪᠢᠢᠴᠢᠭ᠌ ᠦ᠋ᠨ ᠮᠣᠵᠢ ᠶ᠋ᠢᠨ ᠳᠠᠶ᠋ᠢᠱᠶ᠋ ᠲᠦᠰᠢᠮᠡᠯ ᠪᠠᠶ᠋ᠢᠵᠠᠢ ᠃ ᠲᠡᠷᠡ ᠪᠡᠷ ᠲᠡᠮᠤᠲᠠᠷ ᠲᠤ ᠬᠠᠪᠴᠢᠬᠲᠠᠨ ᠰᠢᠬᠠᠭᠲᠠᠭᠠᠳ ᠱᠠᠨᠰᠢ ᠳᠤ ᠢᠷᠡᠭᠰᠡᠨ ᠪᠥᠭᠡᠳ ᠳᠠᠶ᠋ᠢᠱᠶ᠋ ᠶ᠋ᠢᠨ ᠲᠤᠰᠢᠶᠠᠯ ᠊ᠢ ᠨᠢ ᠪᠠᠰᠠ ᠲᠡᠮᠤᠲᠠᠷ ᠪᠤᠯᠢᠶᠠᠨ ᠠᠪᠤᠭᠰᠠᠨ ᠪᠥᠯᠥᠭᠡ ᠃ ᠡᠶ᠋ᠢᠮᠦ ᠡᠴᠡ ᠠᠰᠬᠠᠨ ᠠᠯᠢ ᠬᠡᠲᠦᠶ᠋ᠢᠨ ᠲᠡᠮᠤᠲᠠᠷ ᠲᠤ ᠬᠣᠷᠣᠰᠤᠯ ᠡᠪᠦᠷᠯᠡᠵᠦ ᠲᠣᠬᠢᠶᠠᠯ ᠣᠯᠲᠠᠪᠠᠯ ᠥᠰᠢᠶᠡ ᠠᠪᠬᠤ ᠪᠠᠷ ᠪᠠᠶ᠋ᠢᠵᠠᠢ ᠃ ᠵᠢᠶᠣᠤ ᠬᠤᠸᠠ ᠶ᠋ᠢ ᠳᠠᠶ᠋ᠢᠳᠤ ᠳᠤ ᠪᠤᠴᠠᠬᠤ ᠦᠶᠡ ᠳᠤ ᠠᠰᠬᠠᠨ ᠱᠠᠨᠰᠢ ᠬᠤᠪᠢᠶᠠᠷᠢ ᠮᠣᠵᠢ ᠶ᠋ᠢᠨ ᠫᠢᠩ ᠵᠠᠩ ᠲᠦᠰᠢᠮᠡᠯ ᠲᠠᠴᠠᠷ ᠂ ᠢᠤᠶ᠋ᠢᠱᠶ᠋ ᠳ᠋ᠠᠶ᠋ᠢᠹᠦ᠋ ᠲᠦᠰᠢᠮᠡᠯ ᠲᠦᠷᠦᠪᠡᠢ ᠵᠢᠴᠢ ᠲᠣᠭᠣᠨ ᠵᠡᠷᠭᠡ ᠬᠥᠮᠦᠰ ᠲᠡᠢ ᠬᠣᠯᠪᠣᠬ᠋ᠠ ᠠᠪᠴᠤ ᠱᠠᠨᠰᠢ ᠳᠤ ᠰᠠᠭᠤᠬ᠋ᠠ ᠮᠣᠩᠭᠣᠯ ᠴᠡᠷᠢᠭ ᠊ᠢ ᠳᠠᠶ᠋ᠢᠴᠢᠯᠠᠨ ᠵᠢᠶᠣᠤ ᠬᠤᠸᠠ ᠶ᠋ᠢᠨ ᠬᠠᠮᠲᠤ ᠮᠣᠷᠲᠠᠵᠤ ᠬᠠᠭᠠᠨ ᠪ ᠳᠡᠷᠭᠡᠳᠡᠬᠢ ᠶ᠋ᠢ ᠠᠷᠢᠭᠤᠤᠠᠬᠠᠨ ᠴᠡᠪᠡᠷᠯᠡᠬᠦ ᠭᠡᠬᠦ ᠨᠡᠷᠡ ᠪᠡᠷ ᠲᠦᠩᠭᠤᠸᠠᠨ ᠪᠣᠭᠣᠮᠲᠠ ᠶ᠋ᠢ ᠭᠠᠷᠪᠠ ᠃ ᠭᠡᠲᠡᠯᠡ ᠵᠠᠮ ᠵᠠᠭᠤᠷᠠ ᠪᠠᠨ ᠲᠠᠴᠠᠷ ᠪᠣᠯᠤᠨ ᠲᠣᠭᠣᠨ ᠨᠠᠷ ᠤᠷᠪᠠᠵᠤ ᠠᠰᠬᠠᠨ ᠪᠣᠯᠤᠨ ᠵᠢᠶᠣᠤ ᠬᠤᠸᠠ ᠶ᠋ᠢ ᠬᠣᠣᠷᠯᠠᠵᠠᠢ ᠃
ᠬᠣᠱᠶ᠋ᠯᠠ ᠪᠠᠷ ᠠᠰᠬᠠᠨ ᠂ ᠵᠢᠶᠣᠤ ᠬᠤᠸᠠ ᠨᠠᠷ ᠦ᠋ᠨ ᠬᠣᠣᠷᠯᠠᠭᠲᠠᠭᠰᠠᠨ ᠊ᠢ ᠰᠣᠨᠣᠰᠤᠭᠠᠳ ᠶᠦᠨᠨᠠᠨ ᠳᠤ ᠣᠴᠢᠬᠤ ᠶ᠋ᠢ ᠪᠠᠶ᠋ᠢᠵᠤ ᠪᠠᠷᠠᠭᠤᠨᠰᠢ ᠴᠠᠭᠠᠲᠠᠢ ᠬᠠᠭᠠᠨᠲᠤ ᠤᠯᠤᠰ ᠊ᠢ ᠴᠢᠭᠯᠡᠨ ᠶᠠᠪᠤᠵᠠᠢ ᠃
ᠬᠣᠱᠶ᠋ᠯᠠ ᠲᠠᠨ ᠠᠯᠲᠠᠢ ᠬᠦᠷᠬᠦ ᠳᠤ ᠴᠠᠭᠠᠲᠠᠢ ᠬᠠᠭᠠᠨᠲᠤ ᠤᠯᠤᠰ ᠦ᠋ᠨ ᠡᠰᠡᠨᠪᠤᠬᠠ ᠬᠠᠨ ᠶᠡᠬᠡ ᠪᠠᠬ᠋ᠠ ᠰᠠᠶ᠋ᠢᠳ ᠲᠦᠰᠢᠮᠡᠳ ᠶ᠋ᠢᠡᠨ ᠠᠪᠴᠤ ᠬᠠᠯᠠᠭᠤᠨ ᠶ᠋ᠢᠠᠷ ᠤᠭᠲᠤᠨ ᠠᠪᠤᠪᠠ ᠃ ᠲᠤᠬᠠᠢ ᠶ᠋ᠢᠨ ᠦᠶᠡ ᠳᠤ ᠴᠠᠭᠠᠲᠠᠢ ᠬᠠᠭᠠᠨᠲᠤ ᠤᠯᠤᠰ ᠪᠣᠯᠤᠨ ᠶᠤᠸᠠᠨ ᠤᠯᠤᠰ ᠦ᠋ᠨ ᠬᠣᠭᠣᠷᠣᠨᠲᠣᠬᠢ ᠬᠠᠷᠢᠴᠠᠬ᠋ᠠ ᠪᠠᠴᠢᠮ ᠪᠠᠶ᠋ᠢᠪᠠ ᠃ ᠡᠰᠡᠨᠪᠤᠬᠠ ᠬᠠᠨ ᠦᠷᠭᠦᠯᠵᠢ ᠴᠡᠷᠢᠭ ᠳᠠᠶ᠋ᠢᠴᠢᠯᠠᠨ ᠶᠤᠸᠠᠨ ᠤᠯᠤᠰ ᠦ᠋ᠨ ᠬᠢᠯᠢ ᠬᠢᠵᠠᠭᠠᠷ ᠊ᠢ ᠳᠠᠭᠠᠷᠢᠨ ᠴᠣᠬᠢᠵᠤ ᠪᠠᠶ᠋ᠢᠬᠰᠠᠨ ᠲᠤᠯᠠ ᠬᠣᠱᠶ᠋ᠯᠠ ᠶ᠋ᠢᠨ ᠬᠦᠷᠴᠦ ᠢᠷᠡᠭᠰᠡᠨ ᠳᠤ ᠲᠣᠩ ᠶᠡᠬᠡ ᠪᠠᠶᠠᠷᠯᠠᠪᠠ ᠃ ᠳᠠᠶ᠋ᠢᠨ ᠬᠦ ᠬᠠᠮᠤᠭ ᠦ᠋ᠨ ᠲᠠᠩᠰᠤᠭ ᠪᠠᠶᠠᠨ ᠨᠤᠲᠤᠭ ᠰᠠᠶᠢᠨ ᠨᠢᠷᠤᠭᠤ ( ᠣᠲᠣ ᠶ᠋ᠢᠨ ᠰᠢᠨᠵᠢᠶᠠᠩ ᠦ᠋ᠨ ᠲᠠᠷᠪᠠᠭᠠᠲᠠᠢ ᠣᠷᠴᠢᠮ ) ᠪᠣᠯᠤᠨ ᠢᠯᠢ ᠭᠣᠣᠯ ᠦ᠋ᠨ ᠰᠠᠪᠠ ᠭᠠᠵᠠᠷ ᠲᠤ ᠨᠤᠲᠤᠭᠯᠠᠭᠤᠯᠪᠠ ᠃ ᠬᠣᠱᠶ᠋ᠯᠠ ᠪᠠᠷ ᠴᠠᠭᠠᠲᠠᠢ ᠬᠠᠭᠠᠨᠲᠤ ᠤᠯᠤᠰ ᠲᠤ ᠠᠷᠪᠠᠭᠠᠳ ᠵᠢᠯ ᠰᠠᠭᠤᠪᠠ ᠃ ᠡᠨᠡ ᠬᠣᠭᠣᠷᠣᠨᠲᠣ ᠠᠶᠤᠷᠪᠠᠷᠸᠠᠲᠡ ᠪᠤᠶᠠᠨᠲᠤ ᠬᠠᠭᠠᠨ ᠬᠠᠯᠢᠵᠤ ᠂ ᠬᠥᠪᠡᠭᠦᠨ ᠰᠤᠲᠢᠪᠠᠯᠨ ᠭᠡᠭᠡᠨ ᠬᠠᠭᠠᠨ ᠂ ᠳᠠᠶ᠋ᠢᠳᠢᠩ ᠳ᠋ᠢ ᠡᠰᠡᠨᠲᠡᠮᠤᠷ ᠬᠠᠭᠠᠨ ᠪ ᠲᠥᠷᠥ ᠶ᠋ᠢ ᠥᠩᠭᠡᠷᠡᠭᠦᠯᠪᠡ ᠃ ᠡᠲᠦᠭᠡ 《 ᠬᠣᠶᠠᠷ ᠨᠡᠶ᠋ᠢᠰᠯᠡᠯ ᠦ᠋ᠨ ᠲᠤᠯᠤᠯᠲᠤᠭᠠᠨ 》 ᠊ᠢ ᠳᠠᠮᠵᠢᠭᠠᠳ ᠵᠸᠦ ᠸᠠᠩ ᠬᠣᠱᠶ᠋ᠯᠠ ᠶ᠋ᠢᠨ ᠳᠡᠭᠦᠦ ᠲᠣᠭᠲᠡᠮᠦᠷ ᠶᠡᠬᠡ ᠬᠠᠭᠠᠨ ᠪ ᠰᠠᠭᠤᠷᠢᠨ ᠊ᠢ ᠵᠠᠯᠭᠠᠮᠵᠢᠯᠠᠭᠰᠠᠨ ᠪᠣᠯᠤᠨ ᠡᠲᠦᠭᠡ ᠡᠯᠴᠢᠨ ᠢᠯᠡᠭᠡᠵᠦ ᠶᠡᠬᠡ ᠬᠠᠭᠠᠨ ᠪ ᠣᠷᠣ ᠶ᠋ᠢ ᠲᠡᠭᠦᠨ ᠳᠤ ᠨᠠᠶ᠋ᠢᠷ ᠲᠠᠯᠪᠢᠬᠤ ᠪᠠᠷ ᠤᠷᠢᠷᠠ ᠢᠷᠡᠭᠰᠡᠨ ᠳ᠋ᠤᠷ ᠮᠠᠰᠢ ᠪᠠᠶᠠᠷᠯᠠᠵᠤ ᠭᠡᠨᠡ ᠃
ᠲᠡᠷᠡ ᠦᠶᠡ ᠳᠤ ᠴᠠᠭᠠᠲᠠᠢ ᠬᠠᠭᠠᠨᠲᠤ ᠤᠯᠤᠰ ᠦ᠋ᠨ ᠡᠰᠡᠨᠪᠤᠬᠠ ᠬᠠᠨ ᠬᠠᠯᠢᠵᠤ ᠂ ᠲᠦᠷᠦᠭᠡᠲᠡᠮᠤᠷ ᠬᠠᠨ ᠡᠷᠬᠡ ᠮᠡᠲᠡᠵᠦ ᠪᠠᠶ᠋ᠢᠵᠠᠢ ᠃ ᠲᠡᠷᠡ ᠪᠡᠷ ᠶᠤᠸᠠᠨ ᠤᠯᠤᠰ ᠯᠤᠬ᠋ᠠ ᠬᠠᠷᠢᠴᠠᠬ᠋ᠠ ᠪᠠᠨ ᠰᠠᠶ᠋ᠢᠵᠢᠷᠠᠭᠤᠯᠵᠤ ᠦᠵᠦᠮ ᠦ᠋ᠨ ᠠᠷᠢᠬᠢ ᠂ ᠠᠷᠭᠤᠮᠠᠭ ᠮᠣᠷᠢ ᠵᠡᠷᠭᠡ ᠶ᠋ᠢᠨ ᠪᠡᠯᠡᠭ ᠰᠡᠯᠲᠡ ᠡᠷᠭᠦᠨ ᠪᠠᠷᠢᠵᠤ ᠪᠠᠶ᠋ᠢᠵᠠᠢ ᠃
ᠥᠭᠦᠯᠡᠬᠦ ᠢᠨᠦ ᠂ ᠲᠣᠭᠲᠡᠮᠦᠷ ᠵᠠᠶᠠᠭᠠᠲᠤ ᠬᠠᠭᠠᠨ ᠪ ᠲᠣᠮᠢᠯᠠᠭᠰᠠᠨ ᠡᠯᠴᠢᠨ ᠰᠡᠲᠢ ᠨᠠᠷ ᠵᠸᠦ ᠸᠠᠩ ᠦ᠋ᠨ ᠣᠷᠲᠣᠨ ᠳᠤ ᠬᠦᠷᠴᠦ ᠢᠷᠡᠭᠡᠳ ᠵᠸᠦ ᠸᠠᠩ ᠬᠣᠱᠶ᠋ᠯᠠ ᠯᠤᠬ᠋ᠠ ᠠᠭᠤᠯᠵᠠᠭᠠᠳ ᠥᠭᠦᠯᠡᠷᠦᠨ ᠄ 《 ᠶᠡᠬᠡ ᠨᠣᠶᠠᠨ ᠲᠠᠨ ᠪᠠᠷ ᠬᠥᠯᠥᠭ ᠬᠠᠭᠠᠨ ᠪ ᠠᠬᠠᠮᠠᠳ ᠬᠥᠪᠡᠭᠦᠨ ᠪᠣᠯᠬᠤ ᠲᠤᠯᠠ ᠳᠡᠯᠡᠬᠡᠢ ᠳ᠋ᠠᠬᠢᠨ ᠊ᠢ ᠡᠵᠡᠯᠡᠪᠡᠰᠦ ᠵᠣᠬᠢᠮᠤᠢ ; ᠲᠦᠰᠢᠮᠡᠯ ᠪᠢ ᠪᠡᠷ ᠵᠠᠷᠯᠢᠬ ᠶ᠋ᠢᠠᠷ ᠤᠮᠠᠷᠠᠰᠢ ᠢᠷᠡᠵᠦ ᠶᠡᠬᠡ ᠨᠣᠶᠠᠨ ᠪ ᠡᠷᠲᠡ ᠡᠲᠦᠷ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠵᠤ ᠂ ᠨᠢᠭᠡ ᠳ᠋ᠤᠷ ᠳᠡᠯᠡᠬᠡᠢ ᠳ᠋ᠠᠬᠢᠨ ᠪ ᠬᠥᠮᠦᠰ ᠦ᠋ᠨ ᠰᠡᠤᠠᠬᠢᠯ ᠊ᠢ ᠲᠣᠬᠤᠷᠤᠭᠤᠯᠤᠨ ᠨᠥᠭᠦᠭᠡ ᠳ᠋ᠤᠷ ᠬᠠᠭᠠᠨ ᠪ ᠳᠡᠭᠦᠦ ᠬᠤᠸᠠᠢ ᠸᠠᠩ ᠦ᠋ᠨ ᠰᠠᠭᠤᠷᠢᠨ ᠊ᠢ ᠨᠠᠶ᠋ᠢᠷ ᠲᠠᠯᠪᠢᠬᠰᠠᠨ ᠰᠡᠤᠠᠬᠢᠯ ᠊ᠢ ᠬᠦᠯᠢᠶᠡᠨ ᠠᠪᠴᠤ ᠶᠡᠬᠡ ᠤᠶ᠋ᠢᠯᠠ ᠶ᠋ᠢ ᠪᠦᠲᠦᠭᠡᠬᠦ ᠪᠣᠯᠲᠤᠭᠠᠢ ᠬᠡᠮᠡᠨ ᠮᠥᠷᠭᠥᠨ ᠭᠣᠶᠣᠮᠤ 》 ᠬᠡᠮᠡᠭᠰᠡᠨᠡ ᠵᠸᠦ ᠸᠠᠩ ᠬᠣᠱᠶ᠋ᠯᠠ ᠥᠴᠢᠷᠦᠨ ᠄ 《 ᠱᠠᠩᠲᠤ ᠬᠣᠲᠠ ᠶ᠋ᠢ ᠲᠥᠪᠰᠢᠳᠬᠡᠭᠰᠡᠨ ᠢᠨᠦ ᠳᠡᠭᠦᠦ ᠲᠣᠭᠲᠡᠮᠦᠷ ᠦ᠋ᠨ ᠭᠠᠪᠢᠶᠠ ᠪᠥᠭᠡᠳ ᠡᠲᠦᠭᠡ ᠨᠢᠭᠡᠨᠲᠡ ᠬᠠᠭᠠᠨ ᠰᠠᠭᠤᠵᠤ ᠣᠨ ᠪ ᠴᠣᠯᠠ ᠶ᠋ᠢ ᠲᠣᠭᠲᠠᠭᠠᠭᠰᠠᠨ ᠲᠤᠯᠠ ᠡᠵᠡᠨ ᠰᠠᠶ᠋ᠢᠳ ᠦ᠋ᠨ ᠢᠯᠭᠠᠬ᠋ᠠ ᠲᠣᠭᠲᠠᠵᠤᠬᠤᠢ ᠂ ᠪᠢ ᠪᠡᠷ ᠲᠠᠬᠢᠨ ᠡᠨᠡ ᠬᠦ ᠰᠠᠭᠤᠷᠢᠨ ᠳᠤ ᠲᠠᠪᠰᠢᠪᠠᠰᠤ ᠲᠩᠷᠢ ᠳᠡᠭᠡᠷᠡ ᠬᠣᠶᠠᠷ ᠨᠠᠷᠠᠨ ᠭᠠᠷᠤᠭᠰᠠᠨ ᠮᠡᠲᠦ ᠪᠣᠯᠬᠤ ᠪᠢᠰᠢᠦ ? 》 ᠰᠡᠲᠢ ᠥᠭᠦᠯᠡᠷᠦᠨ᠄ 《ᠪᠤᠶᠠᠨᠲᠤ(ᠠᠶᠤᠷᠪᠠᠷᠸᠠᠲᠠᠨ) ᠬᠠᠭᠠᠨ ᠪᠠᠷ ᠵᠣᠪᠠᠯᠠᠩ ᠊ᠢ ᠠᠷᠢᠯᠭᠠᠵᠤ ᠠᠬᠠ ᠬᠠᠶ᠋ᠢᠱᠠᠨ ᠊ᠢ ᠤᠭᠲᠤᠨ ᠢᠷᠡᠭᠦᠯᠵᠦ ᠶᠡᠬᠡ ᠬᠠᠭᠠᠨ ᠪ ᠣᠷᠣ ᠳᠤ ᠨᠠᠶ᠋ᠢᠷ ᠲᠠᠯᠪᠢᠨ ᠰᠠᠭᠤᠯᠭᠠᠭᠠᠳ ᠂ ᠬᠥᠯᠥᠭ ᠬᠠᠭᠠᠨ ᠬᠠᠯᠢᠬᠰᠠᠨ ᠪ ᠳᠠᠷᠠᠬ᠋ᠠ ᠳᠡᠭᠦᠦ ᠢᠨᠤ ᠶᠡᠬᠡ ᠣᠷᠣ ᠶ᠋ᠢ ᠵᠠᠯᠭᠠᠮᠵᠢᠯᠠᠭᠰᠠᠨ ᠡᠷᠲᠡᠨ ᠪ ᠳᠦᠷᠢᠮ ᠪᠠᠶ᠋ᠢᠮᠤᠢ 》 ᠬᠡᠮᠡᠵᠦᠬᠦᠢ ᠃ ᠵᠸᠦ ᠸᠠᠩ ᠬᠣᠱᠶ᠋ᠯᠠ ᠥᠴᠢᠷᠦᠨ ᠄ 《 ᠴᠢᠨᠦ ᠦᠭᠦᠯᠡᠬᠦ ᠪᠡᠷ ᠪᠢ ᠶᠡᠬᠡ ᠰᠠᠭᠤᠷᠢᠨ ᠳᠤ ᠰᠠᠭᠤᠭᠰᠠᠨ ᠪ ᠬᠣᠶ᠋ᠢᠨᠠ ᠤᠷᠢᠲᠤᠬᠢ ᠳᠦᠷᠢᠮ ᠊ᠢ ᠳᠠᠭᠤᠷᠢᠶᠠᠨ ᠳᠡᠭᠦᠦ ᠲᠣᠭᠲᠡᠮᠦᠷ ᠊ᠢ ᠬᠣᠩ ᠲᠠᠶ᠋ᠢᠽᠢ ᠡᠷᠭᠦᠮᠵᠢᠯᠡᠬᠦ ᠪᠤᠶᠤ ? ᠰᠡᠲᠢ ᠦᠭᠦᠯᠡᠷᠦᠨ ᠄ 《 ᠡᠨᠡ ᠢᠨᠤ ᠭᠠᠷᠴᠠᠬ᠋ᠠ ᠦᠭᠡᠢ ᠪᠤᠯᠠᠢ ᠃ ᠠᠬᠠ ᠳᠡᠭᠦᠦ ᠬᠣᠶᠠᠭᠤᠯᠠ ᠬᠠᠷᠢᠯᠴᠠᠨ ᠨᠠᠶ᠋ᠢᠷ ᠲᠠᠯᠪᠢᠵᠤ ᠥᠷᠥᠰᠢᠶᠡᠯ ᠡᠷᠲᠡᠮ ᠊ᠢ ᠲᠡᠭᠦᠰ ᠪᠣᠯᠭᠠᠪᠠᠰᠤ ᠡᠷᠲᠡᠨ ᠪ ᠶᠣᠣ ᠂ ᠱᠦᠨ ᠡᠴᠡ ᠶᠠᠭᠤᠨ ᠳᠣᠣᠷᠠ ᠪᠠᠶ᠋ᠢᠬ᠋ᠠ ᠠᠵᠢ ? 》 ᠬᠡᠮᠡᠪᠡᠢ ᠃ ᠵᠸᠦ ᠸᠠᠩ ᠬᠣᠱᠶ᠋ᠯᠠ ᠨᠢᠭᠡᠨ ᠴᠠᠭ ᠳᠣᠷ ᠰᠢᠢᠳᠪᠦᠷᠢ ᠭᠠᠷᠭᠠᠵᠤ ᠳᠡᠶ᠋ᠢᠯᠬᠦ ᠦᠭᠡᠢ ᠪᠠᠶ᠋ᠢᠵᠤ ᠂ ᠣᠷᠲᠣᠨ ᠪ ᠨᠣᠶᠠᠳ ᠊ᠢ ᠴᠤᠭᠯᠠᠭᠤᠯᠤᠨ ᠵᠥᠪᠲᠡᠪᠡᠰᠦ ᠂ ᠣᠯᠠᠭᠤᠯᠠ ᠪᠦᠷ ᠡᠵᠡᠨ ᠶ᠋ᠢᠡᠨ ᠳᠠᠭᠠᠵᠤ ᠨᠡᠶ᠋ᠢᠰᠯᠡᠯ ᠣᠷᠣᠵᠤ ᠪᠠᠶᠠᠨ ᠡᠷᠬᠢᠮ ᠊ᠢ ᠡᠲᠯᠡᠬᠦ ᠶ᠋ᠢ ᠬᠦᠰᠡᠬᠦ ᠰᠡᠤᠠᠬᠢᠯ ᠲᠤᠯᠭᠠᠮ ᠲᠤᠯᠠ ᠴᠦᠮ ᠶ᠋ᠢᠡᠷ ᠨᠢᠭᠡᠨ ᠳᠠᠭᠤᠨ ᠶ᠋ᠢᠠᠷ ᠵᠥᠪᠰᠢᠶᠡᠷᠡᠵᠦᠬᠦᠢ ᠃ ᠴᠠᠭᠠᠲᠠᠢ ᠬᠠᠭᠠᠨᠲᠤ ᠤᠯᠤᠰ ᠦ᠋ᠨ ᠡᠵᠡᠨ ᠲᠥᠷᠦᠬᠡᠲᠡᠮᠦᠷ ᠪᠠᠰᠠ ᠵᠸᠦ ᠸᠠᠩ ᠬᠣᠱᠶ᠋ᠯᠠ ᠶ᠋ᠢ ᠬᠤᠷᠲᠤᠨ ᠨᠡᠶ᠋ᠢᠰᠯᠡᠯ ᠣᠷᠣᠵᠤ ᠶᠡᠬᠡ ᠬᠠᠭᠠᠨ ᠪ ᠰᠠᠭᠤᠷᠢᠨ ᠳᠤ ᠰᠠᠭᠤᠬᠤ ᠶ᠋ᠢ ᠢᠤᠠᠬᠠᠪᠠ ᠃ ᠵᠸᠦ ᠸᠠᠩ ᠬᠣᠱᠶ᠋ᠯᠠ ᠣᠯᠠᠨ ᠨᠣᠶᠠᠨ ᠪ ᠢᠤᠠᠬᠠᠯ ᠰᠠᠨᠠᠯ ᠊ᠢ ᠳᠠᠬᠢᠨ ᠳᠠᠪᠲᠠᠨ ᠪᠣᠲᠣᠯᠬᠢᠯᠠᠵᠤ ᠬᠠᠮᠤᠭ ᠡᠴᠦᠰ ᠲᠤ ᠬᠠᠭᠤᠴᠢᠨ ᠲᠦᠰᠢᠮᠡᠯ ᠪᠤᠯᠤᠳ ᠊ᠢ ᠤᠷᠢᠲᠠᠪᠡᠷ ᠨᠡᠶ᠋ᠢᠰᠯᠡᠯ ᠬᠣᠲᠠ ᠣᠷᠣᠭᠤᠯᠵᠤ ᠳᠡᠭᠦᠦ ᠲᠣᠭᠲᠡᠮᠦᠷ ᠵᠠᠶᠠᠭᠠᠲᠤ ᠬᠠᠭᠠᠨ ᠪ ᠤᠭ ᠰᠠᠨᠠᠬ᠋ᠠ ᠶ᠋ᠢ ᠣᠶ᠋ᠢᠯᠠᠭᠠᠭᠤᠯᠬᠤ ᠶ᠋ᠢᠨ ᠬᠠᠮᠲᠤᠲᠠ ᠥᠪᠡᠷ ᠦ᠋ᠨ ᠪᠡᠶᠡ ᠡᠮᠦᠨᠡᠰᠢ ᠮᠣᠷᠲᠠᠭᠰᠠᠨ ᠴᠢᠮᠡᠭᠡ ᠶ᠋ᠢ ᠤᠯᠠᠮᠵᠢᠯᠠᠭᠤᠯᠪᠠ ᠃ ᠲᠡᠲᠦᠢ ᠳ᠋ᠦ᠍ᠷ ᠱᠠᠩᠲᠤ ᠲᠠᠶ᠋ᠢᠲᠦ ᠬᠣᠶᠠᠷ ᠨᠡᠶ᠋ᠢᠰᠯᠡᠯ ᠦ᠋ᠨ ᠴᠡᠷᠢᠭ ᠠᠷᠠᠳ ᠵᠸᠦ ᠸᠠᠩ ᠬᠣᠱᠶ᠋ᠯᠠ ᠶ᠋ᠢᠨ ᠡᠯᠴᠢᠨ ᠲᠣᠮᠢᠯᠠᠨ ᠢᠷᠡᠭᠦᠯᠦᠭᠰᠡᠨ ᠊ᠢ ᠰᠣᠨᠣᠰᠤᠭᠠᠳ ᠮᠠᠰᠢᠲᠠ ᠪᠠᠶᠠᠷᠯᠠᠯᠲᠤᠨ ᠬᠥᠭᠡᠷᠦᠯᠲᠦᠵᠦ ᠬᠠᠷᠢᠯᠴᠠᠨ ᠪᠡᠶᠡ ᠪᠡᠶᠡ ᠳᠤ ᠪᠡᠨ ᠳᠠᠮᠵᠢᠭᠤᠯᠤᠨ ᠦᠭᠦᠯᠡᠯᠲᠦᠵᠦ ᠬᠥᠮᠦᠰ ᠦ᠋ᠨ ᠰᠡᠤᠠᠬᠢᠯ ᠦ᠋ᠨ ᠬᠠᠨᠲᠤᠰᠢ ᠲᠡᠭᠦᠨ ᠳ᠋ᠤᠷ ᠪᠣᠯᠵᠤ《 ᠪᠢᠳᠡᠨ ᠪ ᠦᠨᠡᠨ ᠡᠵᠡᠨ ᠦᠨᠡᠬᠡᠷ ᠤᠮᠠᠷᠠᠲᠤ ᠣᠷᠣᠨ ᠠ᠋ᠴᠠ ᠪᠤᠴᠠᠵᠤ ᠢᠷᠡᠯᠡ ! 》 ᠬᠡᠮᠡᠨ ᠲᠥᠷᠥᠯ ᠦ᠋ᠨ ᠨᠣᠶᠠᠳ ᠂ ᠬᠠᠭᠤᠴᠢᠨ ᠲᠦᠰᠢᠮᠡᠳ ᠥᠪᠡᠳᠡᠭᠰᠢ ᠶᠡᠬᠡ ᠪᠡᠷ ᠤᠭᠲᠤᠵᠤ ᠠᠪᠬᠤ ᠪᠠᠷ ᠪᠡᠯᠡᠳᠬᠡᠪᠡ᠃
ᠲᠠᠨᠲᠠᠴᠨ ᠵᠸᠦ ᠸᠠᠩ ᠬᠣᠱ᠌ᠢᠯᠨ ᠂ ᠴᠠᠭᠠᠲᠠᠢ ᠬᠠᠭᠠᠨᠲᠤ ᠤᠯᠤᠰ ᠦ᠋ᠨ ᠳᠥᠷᠥᠭᠡᠳᠡᠮᠦᠷ ᠬᠠᠨ ᠪ ᠶᠡᠬᠡ ᠴᠡᠷᠢᠭ ᠦ᠋ᠨ ᠬᠠᠮᠠᠭᠠᠯᠠᠯ ᠳᠣᠣᠷᠠ ᠽᠠᠩ ᠵᠢᠶᠠ ᠨᠦ᠍ ᠂ ᠠᠾᠠᠮᠨ ᠨᠠᠷ ᠦ᠋ᠨ ᠬᠠᠮᠲᠤ ᠡᠮᠦᠨᠡᠰᠢ ᠢᠷᠡᠪᠡ ᠃ ᠲᠠᠶᠠᠨ ᠯᠢ ᠶ᠋ᠢᠨ ᠬᠣᠶᠠᠲᠤᠭᠠᠷ ᠣᠨ (1329 ᠣᠨ ) ᠪ ᠴᠠᠭᠠᠨ ᠰᠠᠷᠠ ᠶ᠋ᠢᠨ ᠬᠣᠷᠢᠨ ᠳᠣᠯᠣᠭᠠᠨ ᠪ ᠡᠳᠦᠷ ᠵᠸᠦ ᠸᠠᠩ ᠬᠣᠱ᠌ᠢᠯᠨ ᠪᠡᠷ ᠲᠣᠭᠲᠡᠮᠦᠷ ᠵᠠᠶᠠᠭᠠᠲᠤ ᠬᠠᠭᠠᠨ ᠪ ᠢᠯᠡᠭᠡᠭᠰᠡᠨ ᠤᠭᠲᠤᠯᠭᠠ ᠶ᠋ᠢᠨ ᠡᠯᠴᠢᠨ ᠪ ᠪᠦᠯᠬᠦᠮ ᠲᠡᠢ ᠠᠭᠤᠯᠵᠠᠭᠠᠳ ᠳᠡᠭᠦᠦ ᠲᠣᠭᠲᠡᠮᠦᠷ ᠲᠡᠭᠦᠨ ᠊ᠢ ᠶᠡᠬᠡ ᠬᠠᠭᠠᠨ ᠪ ᠣᠷᠤ ᠳ᠋ᠤᠷ ᠦᠤᠠᠲᠡᠷ ᠰᠠᠭᠤᠲᠤᠭᠠᠢ ᠬᠡᠮᠡᠨ ᠬᠢᠴᠢᠶᠡᠨ ᠲᠤᠷᠠᠤᠠᠬᠤᠢ ᠶ᠋ᠢ ᠮᠡᠲᠡᠭᠡᠳ ᠬᠣᠷᠢᠨ ᠨᠠᠢ᠍ᠮᠠᠨ ᠪ ᠡᠳᠦᠷ ᠵᠸᠦ ᠸᠠᠩ ᠬᠣᠱ᠌ᠢᠯᠨ ᠪᠡᠷ ᠬᠠᠷᠠᠬᠣᠷᠢᠨ ᠪ ᠤᠮᠠᠷᠠ ᠳ᠋ᠡᠬᠢ ᠴᠡᠴᠡᠭᠲᠦ ᠨᠠᠭᠤᠷ ᠬᠡᠮᠡᠬᠦ ᠭᠠᠵᠠᠷ ᠲᠤ ᠬᠠᠭᠠᠨ ᠪ ᠰᠠᠭᠤᠷᠢᠨᠠ ᠰᠠᠭᠤᠪᠠ᠃ ᠬᠠᠮᠠᠭᠠᠯᠠᠨ ᠶᠠᠪᠤᠭᠠ ᠲᠥᠷᠥᠯ ᠦ᠋ᠨ ᠨᠣᠶᠠᠨ ᠶᠡᠬᠡ ᠰᠠᠶ᠋ᠢᠳ ᠲᠦᠰᠢᠮᠡᠳ ᠵᠢᠴᠢ ᠲᠣᠭᠲᠡᠮᠦᠷ ᠦ᠋ᠨ ᠲᠣᠮᠢᠯᠠᠨ ᠢᠷᠡᠭᠦᠯᠦᠭᠰᠡᠨ ᠡᠯᠴᠢᠨ ᠰᠡᠲᠢ ᠂ ᠬᠠᠰᠠᠨ ᠨᠠᠷ ᠪᠦᠭᠦᠳᠡᠭᠡᠷ ᠪᠠᠶᠠᠷ ᠦ᠋ᠨ ᠶᠣᠰᠣ ᠪᠠᠷ ᠮᠥᠷᠭᠦᠪᠡ ᠃ ᠮᠣᠩᠭᠣᠯ ᠶ᠋ᠢᠠᠷ ᠬᠣᠲᠣᠭᠲᠦ ᠬᠠᠭᠠᠨ ᠬᠡᠮᠡᠮᠦᠢ ᠃ ᠵᠠᠯᠭᠠᠭᠠᠳ ᠲᠠᠶ᠋ᠢᠲᠦ ᠬᠣᠲᠠ ᠠ᠋ᠴᠠ ᠠᠯᠲᠠ ᠮᠥᠩᠭᠥ ᠂ ᠡᠳ᠋ ᠬᠡᠷᠡᠬ᠋ᠰᠡᠯ ᠂ ᠪᠦᠰ ᠲᠣᠷᠬ᠋ᠠ ᠶ᠋ᠢᠨ ᠵᠦᠢᠯ ᠊ᠢ ᠬᠦᠷᠭᠡᠵᠦ ᠢᠷᠡᠪᠡ ᠃
ᠠᠯᠢᠪᠠ ᠬᠡᠷᠡᠭ ᠪᠦᠷ ᠰᠠᠨᠠᠭᠰᠠᠨ ᠶᠣᠰᠣᠭᠠᠷ ᠪᠦᠲᠦᠭᠰᠡᠨ ᠳᠤ ᠬᠣᠱ᠌ᠢᠯᠨ ᠬᠣᠲᠣᠭᠲᠦ ᠬᠠᠭᠠᠨ ᠰᠡᠤᠠᠬᠢᠯ ᠬᠠᠩᠭᠠᠯᠤᠭᠤᠨ ᠪᠣᠯᠵᠤ ᠰᠡᠲᠢ ᠶ᠋ᠢ ᠪᠤᠴᠠᠵᠤ ᠬᠠᠷᠢᠭᠠᠳ ᠲᠣᠭᠲᠡᠮᠦᠷ ᠲᠦ ᠬᠠᠷᠢᠭᠤ ᠮᠡᠲᠡᠭᠦᠯᠬᠦ ᠶ᠋ᠢ ᠵᠠᠬᠢᠪᠠ ᠃ ᠬᠣᠱ᠌ᠢᠯᠨ ᠬᠣᠲᠣᠭᠲᠦ ᠬᠠᠭᠠᠨ ᠪᠡᠷ ᠰᠡᠲᠢ ᠳ᠋ᠤᠷ ᠦᠭᠦᠯᠡᠷᠦᠨ ᠄ 《 ᠮᠢᠨᠦ ᠳᠡᠭᠦᠦ ᠤᠷᠢᠲᠠ ᠪᠢᠴᠢᠭ᠌ ᠱᠠᠰᠲᠢᠷ ᠊ᠢ ᠦᠷᠭᠦᠯᠵᠢ ᠣᠩᠰᠢᠬᠤ ᠲᠤᠷᠲᠠᠢ ᠪᠦᠯᠦᠭᠡ ᠃ ᠡᠲᠦᠭᠡ ᠬᠡᠷᠡᠭ ᠰᠢᠢᠳᠬᠡᠭᠰᠡᠨ ᠴᠢᠯᠥᠭᠡ ᠳ᠋ᠡᠭᠡᠨ ᠮᠡᠷᠭᠡᠳ ᠡᠷᠲᠡᠮᠲᠡᠳ ᠯᠤᠭᠡ ᠰᠢᠲᠡᠷᠲᠡᠨ ᠶᠠᠪᠤᠵᠤ ᠱᠠᠰᠲᠢᠷ ᠪᠢᠴᠢᠭ᠌ ᠊ᠢ ᠰᠢᠭᠦᠮᠵᠢᠯᠡᠨ ᠦᠭᠦᠯᠡᠯᠲᠦᠵᠦ ᠡᠷᠲᠡᠨ ᠡᠲᠦᠬᠡᠬᠢ ᠶ᠋ᠢᠨ ᠡᠩᠬᠡ ᠰᠠᠮᠠᠭᠤᠨ ᠪᠠ ᠤᠨᠤᠵᠤ ᠠᠯᠲᠠᠭᠰᠠᠨ ᠶᠠᠪᠤᠲᠠᠯ ᠊ᠢ ᠮᠡᠲᠡᠪᠡᠰᠦ ᠵᠣᠬᠢᠮᠤᠢ ᠃ ᠴᠢ ᠪᠡᠷ ᠨᠡᠶ᠋ᠢᠰᠯᠡᠯ ᠬᠣᠲᠠᠨ ᠳᠤ ᠬᠦᠷᠦᠭᠰᠡᠨ ᠪ ᠬᠣᠶ᠋ᠢᠨᠠ ᠮᠢᠨᠦ ᠡᠨᠡ ᠰᠠᠨᠠᠭᠠᠨ ᠊ᠢ ᠤᠬᠠᠭᠤᠯ 》 ᠬᠡᠮᠡᠪᠡ ᠃
ᠬᠠᠪᠤᠷ ᠦ᠋ᠨ ᠳᠤᠮᠳᠠᠳᠤ ᠰᠠᠷᠠ ᠳᠤ ᠰᠠᠲᠢ ᠨᠠᠷ ᠳᠠᠶ᠋ᠢᠳᠤ ᠳᠤ ᠪᠤᠴᠠᠵᠤ ᠬᠠᠷᠢᠭᠠᠳ ᠬᠠᠭᠠᠨ ᠪ ᠵᠠᠷᠯᠢᠬ ᠊ᠢ ᠠᠶ᠋ᠢᠯᠠᠤᠠᠬᠠᠪᠠ ᠃ ᠲᠣᠭᠲᠡᠮᠤᠷ ᠪᠠᠷ ᠠᠬᠠ ᠬᠣᠱᠶ᠋ᠯᠠ ᠶ᠋ᠢᠨ ᠬᠠᠭᠠᠨ ᠣᠷᠣ ᠳᠤ ᠰᠠᠭᠤᠭᠰᠠᠨ ᠊ᠢ ᠰᠣᠨᠣᠰᠤᠭᠠᠳ ᠶᠠᠮᠤᠨ ᠪ ᠰᠠᠶ᠋ᠢᠳ ᠲᠤᠷ ᠦᠭᠦᠯᠡᠷᠦᠨ ᠄ 《 ᠰᠠᠲᠢ ᠢᠷᠡᠵᠦ ᠬᠡᠯᠡᠬᠦ ᠢᠨᠤ ᠠᠬᠠ ᠶ᠋ᠢ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠪᠠ ᠬᠡᠮᠡᠮᠦᠢ ᠃ ᠬᠠᠪᠤᠷ ᠦ᠋ᠨ ᠳᠤᠮᠳᠠᠳᠤ ᠰᠠᠷᠠ ᠶ᠋ᠢᠨ ᠬᠣᠷᠢᠨ ᠨᠢᠭᠡᠨ ᠡᠴᠡ ᠴᠢᠨᠠᠭᠰᠢ ᠲᠠᠯᠪᠢᠬᠰᠠᠨ ᠲᠦᠰᠢᠮᠡᠳ ᠲᠤᠷ ᠬᠤᠷᠲᠤᠨ ᠲᠡᠮᠲᠡᠭ ᠥᠭᠲᠦᠭᠡᠢ ᠂ ᠡᠭᠦᠨᠴᠡ ᠬᠣᠶ᠋ᠢᠰᠢ ᠲᠦᠰᠢᠮᠡᠯ ᠲᠠᠯᠪᠢᠬᠤ ᠶ᠋ᠢ ᠠᠬᠠ ᠶ᠋ᠢᠨ ᠪᠠᠭᠤᠭᠰᠠᠨ ᠭᠠᠵᠠᠷ ᠲᠤᠷ ᠡᠴᠢᠵᠦ ᠠᠶ᠋ᠢᠯᠠᠤᠠᠬᠠᠭᠲᠤᠨ 》 ᠬᠡᠮᠡᠪᠡ ᠃
ᠬᠠᠪᠤᠷ ᠦ᠋ᠨ ᠰᠡᠭᠦᠯ ᠰᠠᠷᠠ ᠳᠤ ᠲᠣᠭᠲᠡᠮᠤᠷ ᠪᠡᠷ ᠪᠠᠷᠠᠭᠤᠨ ᠭᠠᠷᠤᠨ ᠴᠢᠩᠰᠠᠩ ᠡᠯᠲᠡᠮᠤᠷ ᠲᠤᠷ ᠬᠠᠭᠠᠨ ᠪ ᠬᠠᠰ ᠲᠠᠮᠠᠬ᠋ᠠ ᠶ᠋ᠢ ᠲᠡᠪᠡᠷᠢᠭᠦᠯᠵᠦ ᠬᠠᠭᠠᠨ ᠪ ᠪᠠᠭᠤᠭᠰᠠᠨ ᠭᠠᠵᠠᠷ ᠲᠤᠷ ᠬᠦᠷᠭᠡᠯᠭᠡᠭᠰᠡᠨ ᠪᠥᠭᠡᠳ ᠪᠠᠰᠠ ᠠᠯᠲᠠ ᠮᠢᠩᠬ᠋ᠠ ᠲᠠᠪᠤᠨ ᠵᠠᠭᠤᠨ ᠯᠠᠩ ᠂ ᠮᠥᠩᠭᠥ ᠳᠣᠯᠣᠭᠠᠨ ᠮᠢᠩᠬ᠋ᠠ ᠲᠠᠪᠤᠨ ᠵᠠᠭᠤᠨ ᠯᠠᠩ ᠂ ᠲᠣᠷᠬ᠋ᠠ ᠮᠠᠩᠨᠤᠭ ᠲᠦᠷᠪᠡᠭᠡᠳ ᠵᠠᠭᠤᠨ ᠪᠦᠬᠦᠯᠢ ᠭᠠᠷᠭᠠᠵᠤ ᠱᠠᠩᠨᠠᠬᠤᠢ ᠳ᠋ᠤᠷ ᠪᠡᠯᠡᠤᠠᠭᠡᠷᠡ ᠪᠠᠭᠤᠭᠰᠠᠨ ᠭᠠᠵᠠᠷ ᠲᠤᠷ ᠬᠦᠷᠭᠡᠭᠦᠯᠦᠭᠡᠳ ᠶᠠᠮᠤᠨ ᠪ ᠰᠠᠶ᠋ᠢᠳ ᠲᠤᠷ ᠦᠭᠦᠯᠡᠷᠦᠨ ᠄ 《 ᠬᠠᠰ ᠲᠠᠮᠠᠬ᠋ᠠ ᠶ᠋ᠢ ᠬᠣᠶ᠋ᠢᠲᠤ ᠭᠠᠵᠠᠷ ᠲᠤᠷ ᠬᠦᠷᠭᠡᠭᠰᠡᠨ ᠪ ᠲᠤᠯᠠᠲᠠ ᠵᠠᠰᠠᠭ ᠲᠥᠷᠥ ᠶ᠋ᠢᠨ ᠬᠡᠷᠡᠭ ᠊ᠢ ᠬᠥᠮᠦᠨ ᠵᠠᠷᠤᠵᠤ ᠪᠠᠭᠤᠭᠰᠠᠨ ᠭᠠᠵᠠᠷ ᠲᠤᠷ ᠰᠣᠨᠤᠰᠬᠠᠨ ᠠᠶ᠋ᠢᠯᠠᠤᠠᠭ᠋ᠠ 》 ᠬᠡᠮᠡᠵᠦᠬᠦᠢ ᠃
ᠵᠤᠨ ᠪ ᠲᠡᠷᠢᠭᠦᠨ ᠰᠠᠷᠠ ᠳᠤ ᠡᠯᠲᠡᠮᠤᠷ ᠂ ᠬᠠᠭᠠᠨ ᠪ ᠪᠠᠭᠤᠭᠰᠠᠨ ᠭᠠᠵᠠᠷ ᠲᠦ ᠬᠦᠷᠦᠭᠡᠳ ᠣᠯᠠᠨ ᠲᠦᠰᠢᠮᠡᠯ ᠊ᠢ ᠠᠪᠴᠤ ᠮᠦᠷᠭᠦᠭᠡᠳ ᠬᠠᠰ ᠲᠠᠮᠠᠬ᠋ᠠ ᠶ᠋ᠢ ᠡᠷᠭᠦᠨ ᠪᠠᠷᠢᠪᠠ ᠃ ᠬᠣᠱᠶ᠋ᠯᠠ ᠬᠤᠲᠤᠭᠲᠤ ᠬᠠᠭᠠᠨ ᠪᠠᠷ ᠡᠯᠲᠡᠮᠤᠷ ᠦ᠋ᠨ ᠭᠠᠪᠢᠶᠠ ᠶ᠋ᠢ ᠠᠨᠤ ᠶᠡᠬᠡᠲᠡ ᠰᠠᠶ᠋ᠢᠰᠢᠶᠠᠵᠤ ᠂ ᠲᠠᠶ᠋ᠢᠱᠶ᠋ ᠴᠣᠯᠠ ᠰᠣᠶᠣᠷᠬᠠᠨ ᠲᠣᠭᠲᠡᠮᠤᠷ ᠦ᠋ᠨ ᠡᠷᠭᠦᠮᠵᠢᠯᠡᠭᠰᠡᠨ ᠲᠥᠪ ᠪᠢᠴᠢᠭ᠌ ᠦ᠋ᠨ ᠮᠣᠵᠢ ᠶ᠋ᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠴᠢᠩᠰᠠᠩ ᠦ᠋ᠨ ᠲᠤᠰᠢᠶᠠᠯ ᠊ᠢ ᠤᠭ ᠬᠡᠪ ᠶ᠋ᠢᠡᠷ ᠪᠣᠯᠭᠠᠵᠤ ᠵᠠᠷᠯᠢᠬ ᠪᠣᠯᠤᠷᠤᠨ ᠄ 《 ᠮᠢᠨᠦ ᠳᠡᠭᠦᠦ ᠶ᠋ᠢᠨ ᠡᠷᠭᠦᠮᠵᠢᠯᠡᠭᠰᠡᠨ ᠨᠡᠶ᠋ᠢᠰᠯᠡᠯ ᠬᠣᠲᠠ ᠶ᠋ᠢᠨ ᠠᠯᠢᠪᠠ ᠲᠦᠰᠢᠮᠡᠳ ᠴᠦᠮ ᠤᠵᠠᠭᠤᠷ ᠦ᠋ᠨ ᠶᠣᠰᠣᠭᠠᠷ ᠶ᠋ᠢᠠᠨ ᠪᠣᠯᠲᠤᠭᠠᠢ ᠂ ᠡᠷᠬᠢᠨ ᠲᠦᠰᠢᠮᠡᠯ ᠴᠢ ᠪᠡᠷ ᠮᠢᠨᠦ ᠰᠠᠨᠠᠭᠠᠨ ᠊ᠢ ᠤᠬᠠᠭᠤᠯᠤᠭᠲᠤᠨ 》 ᠬᠡᠮᠡᠭᠰᠡᠨᠡ ᠡᠯᠲᠡᠮᠤᠷ ᠠᠶ᠋ᠢᠯᠠᠤᠠᠬᠠᠷᠤᠨ ᠄ 《 ᠬᠠᠭᠠᠨ ᠪᠠᠷ ᠲᠦᠮᠡᠨ ᠣᠯᠠᠨ ᠪ ᠨᠡᠶ᠋ᠢᠲᠡ ᠶ᠋ᠢᠨ ᠡᠵᠡᠨ ᠪᠦᠬᠦᠢ ᠶ᠋ᠢᠨ ᠲᠤᠯᠠ ᠵᠠᠰᠠᠭ ᠲᠥᠷᠥ ᠳ᠋ᠤᠷ ᠬᠣᠯᠪᠣᠭᠲᠠᠭᠰᠠᠨ ᠶᠡᠬᠡ ᠬᠡᠷᠡᠭ ᠴᠦᠮ ᠲᠦᠪ ᠪᠢᠴᠢᠭ᠌ ᠦ᠋ᠨ ᠮᠣᠵᠢ ᠂ ᠴᠡᠷᠢᠭ ᠦ᠋ᠨ ᠨᠢᠭᠤᠴᠠ ᠶ᠋ᠢᠨ ᠬᠦᠷᠢᠶᠡᠯᠡᠩ ᠂ ᠪᠠᠶ᠋ᠢᠴᠠᠭᠠᠨ ᠠᠶ᠋ᠢᠯᠠᠤᠠᠬᠠᠬᠤ ᠬᠣᠷᠢᠶᠠ ᠳ᠋ᠦ᠍ᠷ ᠪᠤᠢ ᠶ᠋ᠢᠨ ᠲᠤᠯᠠ ᠰᠢᠲᠤᠷᠭᠤ ᠬᠥᠮᠦᠨ ᠊ᠢ ᠰᠣᠩᠭᠣᠵᠤ ᠲᠠᠯᠪᠢᠪᠠᠰᠤ ᠵᠣᠬᠢᠮᠤᠢ 》 ᠬᠡᠮᠡᠬᠦᠶᠡ ᠬᠠᠭᠠᠨ ᠪᠠᠷ ᠵᠥᠪᠰᠢᠶᠡᠷᠡᠵᠦ ᠬᠥᠯᠥᠭ ᠬᠠᠭᠠᠨ ᠪ ᠬᠠᠭᠤᠴᠢᠨ ᠲᠦᠰᠢᠮᠡᠯ ᠠᡁᠨᠮᠠ ᠶ᠋ᠢ ᠲᠦᠪ ᠪᠢᠴᠢᠭ᠌ ᠦ᠋ᠨ ᠮᠣᠵᠢ ᠶ᠋ᠢᠨ ᠫᠢᠩ ᠵᠠᠩ ᠵᠸᠩᠱᠢ ᠲᠦᠰᠢᠮᠡᠯ ᠂ ᠪᠦᠸᠸ ᠲᠡᠮᠦᠷ ᠊ᠢ ᠴᠡᠷᠢᠭ ᠦ᠋ᠨ ᠨᠢᠭᠤᠴᠠ ᠶ᠋ᠢᠨ ᠬᠦᠷᠢᠶᠡᠯᠡᠩ ᠦ᠋ᠨ ᠬᠡᠷᠡᠭ ᠰᠢᠢᠳᠬᠡᠭᠴᠢ ᠂ ᠪᠣᠯᠤᠳ ᠊ᠢ ᠪᠠᠶ᠋ᠢᠴᠠᠭᠠᠨ ᠠᠶ᠋ᠢᠯᠡᠤᠠᠬᠠᠬᠤ ᠬᠣᠷᠢᠶᠠ ᠶ᠋ᠢᠨ ᠡᠷᠭᠢᠨ ᠰᠠᠶ᠋ᠢᠳ ᠶ᠋ᠢᠠᠷ ᠲᠣᠰ ᠲᠣᠰ ᠲᠣᠮᠢᠯᠠᠪᠠ ᠃
ᠬᠤᠱᠢᠯᠠ ᠬᠣᠲᠤᠭᠲᠦ ᠬᠠᠭᠠᠨ ᠪᠠᠷ ᠬᠠᠰ ᠲᠠᠮᠠᠬ᠋ᠠ ᠶ᠋ᠢ ᠬᠤᠷᠢᠶᠠᠠ ᠠᠪᠤᠭᠠᠳ ᠬᠠᠤᠯᠢ ᠶᠣᠰᠣᠨ ᠪ ᠶᠡᠬᠡ ᠬᠠᠭᠠᠨ ᠪᠣᠯᠤᠭᠰᠠᠨ ᠲᠤᠯᠠ ᠰᠡᠤᠠᠬᠢᠯ ᠮᠠᠰᠢ ᠥᠨᠲᠥᠷ ᠪᠣᠯᠵᠤ ᠪᠠᠶ᠋ᠢᠴᠠᠭᠠᠨ ᠠᠶ᠋ᠢᠯᠠᠤᠠᠬᠠᠬᠤ ᠬᠣᠷᠢᠶᠠ ᠶ᠋ᠢᠨ ᠲᠦᠰᠢᠮᠡᠳ ᠲᠤᠷ ᠵᠠᠷᠯᠢᠬ ᠪᠣᠯᠤᠷᠤᠨ ᠄ 《 ᠮᠠᠨ ᠪ ᠪᠣᠭᠲᠠ ᠴᠢᠩᠭᠢᠰ ᠬᠠᠭᠠᠨ ᠣᠯᠠᠨ ᠰᠠᠶ᠋ᠢᠳ ᠲᠦᠰᠢᠮᠡᠯ ᠳᠤ ᠪᠡᠨ ᠵᠠᠷᠯᠠᠨ ᠰᠤᠷᠭᠠᠭᠰᠠᠨ ᠠᠨᠤ ᠂ ᠭᠣᠸ᠋ᠠ ᠦᠬᠢᠳ ᠰᠠᠶ᠋ᠢᠨ ᠮᠣᠷᠢ ᠶ᠋ᠢ ᠬᠥᠮᠦᠨ ᠪᠦᠬᠦᠨ ᠬᠦᠰᠡᠮᠦᠢ ᠃ ᠲᠡᠶ᠋ᠢᠨ ᠠᠲᠠᠯᠠ ᠰᠡᠤᠠᠬᠢᠯ ᠢᠨᠦ ᠲᠡᠭᠦᠨ ᠳ᠋ᠦ᠍ᠷ ᠰᠢᠨᠤᠵᠤ ᠠᠪᠲᠠᠪᠠᠰᠤ ᠨᠡᠷᠡ ᠶ᠋ᠢ ᠭᠤᠲᠤᠭᠠᠭᠠᠳ ᠡᠷᠲᠡᠮ ᠢᠨᠦ ᠡᠪᠲᠡᠷᠡᠶᠦ ᠬᠡᠮᠡᠵᠦᠬᠦᠢ ᠃ ᠲᠦᠰᠢᠮᠡᠳ ᠲᠠ ᠪᠠᠷ ᠴᠠᠭᠠᠵᠠ ᠬᠠᠤᠯᠢ ᠶ᠋ᠢᠨ ᠲᠤᠰᠢᠶᠠᠯᠲᠤ ᠲᠡᠷᠢᠭᠦᠯᠦᠭᠰᠡᠨ ᠰᠠᠶ᠋ᠢᠳ ᠪᠦᠬᠦᠢ ᠶ᠋ᠢᠨ ᠲᠤᠯᠠᠲᠠ ᠡᠨᠡ ᠰᠤᠷᠭᠠᠯ ᠊ᠢ ᠣᠮᠠᠷᠲᠠᠯ ᠦᠭᠡᠢ ᠪᠠᠲᠤ ᠲᠣᠭᠲᠠᠭᠠᠲᠤᠭᠠᠢ ᠃ ᠰᠡᠴᠡᠨ ᠬᠠᠭᠠᠨ ᠪᠠᠷ ᠪᠠᠶ᠋ᠢᠴᠠᠭᠠᠨ ᠠᠶ᠋ᠢᠯᠡᠤᠠᠬᠠᠬᠤ ᠬᠣᠷᠢᠶᠠ ᠶ᠋ᠢ ᠲᠣᠭᠲᠠᠮ ᠪᠠᠶ᠋ᠢᠭᠤᠯᠬᠤ ᠦᠶᠡ ᠳᠤ ᠳᠠᠴᠠᠷ ᠨᠣᠶᠠᠨ ᠳ᠋ᠦ᠍ᠷ ᠵᠠᠷᠯᠢᠬ ᠪᠣᠯᠤᠭᠰᠠᠨ ᠠᠨᠤ ᠂ ᠴᠢᠮᠠ ᠶ᠋ᠢ ᠵᠠᠰᠠᠭ ᠲᠤᠷ ᠲᠤᠰᠠᠯᠠᠭᠤᠯᠪᠠᠢ ᠃ ᠦᠯᠢᠭᠡᠷᠯᠡᠪᠡᠰᠦ ᠳᠡᠯᠡᠬᠡᠢ ᠳ᠋ᠠᠬᠢᠨ ᠪ ᠵᠠᠰᠠᠭ ᠲᠥᠷᠥ ᠨᠢᠭᠡᠨ ᠬᠥᠮᠦᠨ ᠪ ᠪᠡᠶᠡ ᠠᠲᠠᠯᠢ ᠂ ᠲᠦᠪ ᠪᠢᠴᠢᠭ᠌ ᠦ᠋ᠨ ᠮᠣᠵᠢ ᠬᠡᠮᠡᠭᠴᠢ ᠪᠠᠷᠠᠭᠤᠨ ᠭᠠᠷ ᠂ ᠴᠡᠷᠢᠭ ᠦ᠋ᠨ ᠨᠢᠭᠤᠴᠠ ᠶ᠋ᠢᠨ ᠬᠦᠷᠢᠶᠡᠯᠡᠩ ᠬᠡᠮᠡᠭᠴᠢ ᠵᠡᠭᠦᠨ ᠭᠠᠷ ᠪᠣᠶᠤ ᠃ ᠬᠣᠶᠠᠷ ᠭᠠᠷ ᠡᠪᠡᠤᠠᠪᠡᠰᠦ ᠰᠠᠶ᠋ᠢᠨ ᠡᠮᠴᠢ ᠪᠡᠷ ᠵᠠᠰᠠᠭᠤᠯᠤᠮᠤᠢ ᠃ ᠮᠣᠵᠢ ᠂ ᠬᠦᠷᠢᠶᠡᠯᠡᠩ ᠦ᠋ᠨ ᠲᠦᠰᠢᠮᠡᠳ ᠦ᠋ᠨ ᠡᠨᠳᠡᠭᠰᠡᠨ ᠠᠯᠲᠠᠭᠰᠠᠨ ᠶᠠᠪᠤᠲᠠᠯ ᠊ᠢ ᠪᠠᠶ᠋ᠢᠴᠠᠭᠠᠨ ᠠᠶ᠋ᠢᠯᠠᠤᠠᠬᠠᠬᠤ ᠬᠣᠷᠢᠶᠠ ᠠ᠋ᠴᠠ ᠵᠠᠰᠠᠪᠠᠰᠤ ᠵᠣᠬᠢᠮᠤᠢ ᠃ ᠲᠥᠷᠥᠯ ᠦ᠋ᠨ ᠨᠣᠶᠠᠳ ᠂ ᠰᠠᠶ᠋ᠢᠳ ᠲᠦᠰᠢᠮᠡᠳ ᠪᠠᠷ ᠬᠠᠤᠯᠢ ᠴᠠᠭᠠᠵᠠ ᠶ᠋ᠢ ᠡᠪᠲᠡᠨ ᠵᠥᠷᠢᠴᠡᠵᠦ ᠶᠠᠪᠤᠭᠰᠡᠳ ᠊ᠢ ᠴᠦᠮ ᠢᠯᠡᠴᠢᠯᠡᠨ ᠪᠤᠷᠤᠭᠤᠰᠢᠶᠠᠭᠲᠤᠨ ᠃ ᠴᠠᠭᠠᠵᠠ ᠬᠠᠤᠯᠢ ᠬᠦᠨᠲᠦ ᠪᠣᠯᠪᠠᠰᠤ ᠰᠢᠨᠤᠬᠠᠢ ᠠᠪᠯᠢᠭᠠᠴᠢ ᠨᠤᠭᠤᠳ ᠠᠶᠤᠬᠤ ᠠᠨᠤ ᠬᠤᠷᠴᠠ ᠰᠦᠬᠡ ᠪᠡᠷ ᠮᠣᠲᠣᠨ ᠊ᠢ ᠣᠭᠲᠤᠯᠬᠤᠢ ᠳ᠋ᠦ᠍ᠷ ᠭᠦᠨ ᠳᠠᠭᠠᠭᠠᠬᠤ ᠠᠲᠠᠯᠢ ᠪᠤᠯᠠᠢ ᠃ ᠵᠢᠴᠢ ᠮᠢᠨᠦ ᠠᠯᠲᠠᠭᠰᠠᠨ ᠡᠨᠳᠡᠭᠰᠡᠨ ᠶᠠᠪᠤᠲᠠᠯ ᠊ᠢ ᠲᠦᠰᠢᠮᠡᠳ ᠲᠠ ᠭᠠᠷᠭᠠᠵᠤ ᠠᠶ᠋ᠢᠯᠠᠤᠠᠬᠠ ᠂ ᠪᠢ ᠲᠠᠨ ᠊ᠢ ᠬᠡᠷᠬᠢᠪᠡᠴᠦ ᠪᠤᠷᠤᠭᠤᠰᠢᠶᠠᠬᠤ ᠦᠭᠡᠢ 》 ᠬᠡᠮᠡᠪᠡ ᠃
ᠬᠤᠱᠢᠯᠠ ᠬᠤᠲᠤᠭᠲᠤ ᠬᠠᠭᠠᠨ ᠪᠠᠰᠠ ᠵᠠᠷᠯᠢᠬ ᠪᠠᠭᠤᠯᠭᠠᠵᠤ ᠲᠣᠬᠲᠡᠮᠦᠷ ᠊ᠢ ᠬᠣᠩ ᠲᠠᠶ᠋ᠢᠽᠢ ᠡᠷᠭᠦᠮᠵᠢᠯᠡᠵᠦ ᠂ ᠲᠥᠪ ᠪᠢᠴᠢᠭ᠌ ᠦ᠋ᠨ ᠮᠣᠵᠢ ᠶ᠋ᠢᠨ ᠰᠠᠶ᠋ᠢᠳ ᠲᠦᠰᠢᠮᠡᠳ ᠊ᠢ ᠵᠠᠰᠠᠭ ᠲᠥᠷᠥ ᠶ᠋ᠢᠨ ᠠᠯᠢᠪᠠ ᠶᠡᠬᠡ ᠪᠠᠬ᠋ᠠ ᠬᠡᠷᠡᠭ ᠊ᠢ ᠤᠷᠢᠲᠠ ᠪᠠᠷ ᠬᠣᠩ ᠲᠠᠶ᠋ᠢᠽᠢ ᠳ᠋ᠤᠷ ᠰᠣᠨᠤᠰᠬᠠᠭᠠᠳ ᠳᠠᠷᠠᠬ᠋ᠠ ᠨᠢ ᠠᠶ᠋ᠢᠯᠠᠤᠠᠬᠠ ᠬᠡᠮᠡᠪᠡ ᠃
ᠵᠣᠨ ᠪ ᠰᠡᠭᠦᠯ ᠰᠠᠷᠠ ᠳᠤ ᠳᠠᠶ᠋ᠢᠳᠤ ᠬᠣᠲᠠᠨ ᠳᠤ ᠪᠠᠶ᠋ᠢᠬᠰᠠᠨ ᠲᠣᠬᠲᠡᠮᠦᠷ ᠬᠤᠲᠤᠭᠲᠤ ᠬᠠᠭᠠᠨ ᠪᠠᠷ ᠲᠡᠭᠦᠨ ᠊ᠢ ᠬᠣᠩ ᠲᠠᠶ᠋ᠢᠽᠢ ᠡᠷᠭᠦᠮᠵᠢᠯᠡᠭᠰᠡᠨ ᠵᠠᠷᠯᠢᠬ ᠦ᠋ᠨ ᠪᠢᠴᠢᠭ᠌ ᠊ᠢ ᠣᠯᠵᠤ ᠂ ᠳᠠᠷᠠᠬ᠋ᠠ ᠡᠲᠦᠷ ᠨᠢ ᠠᠬᠠ ᠬᠤᠱᠢᠯᠠ ᠬᠤᠲᠤᠭᠲᠤ ᠬᠠᠭᠠᠨ ᠊ᠢ ᠤᠭᠲᠤᠷᠠ ᠤᠮᠠᠷᠠᠰᠢ ᠮᠣᠷᠲᠠᠪᠠ ᠃
ᠨᠠᠮᠤᠷ ᠦ᠋ᠨ ᠳᠤᠮᠳᠠᠳᠤ ᠰᠠᠷᠠ ᠳᠤ ᠬᠤᠱᠢᠯᠠ ᠬᠤᠲᠤᠭᠲᠤ ᠬᠠᠭᠠᠨ ᠣᠩᠬᠤᠴᠠᠲᠤ ( ᠣᠲᠣ ᠶ᠋ᠢᠨ ᠾᠧᠪᠧᠢ ᠮᠣᠵᠢ ᠶ᠋ᠢᠨ ᠴᠢᠭᠤᠯᠤᠯᠲᠤ ᠬᠠᠭᠠᠯᠬ᠋ᠠ ᠶ᠋ᠢᠨ ᠠᠷᠤ ᠳᠤ ᠪᠤᠢ ) ᠳᠤ ᠬᠦᠷᠴᠦ ᠢᠷᠡᠪᠡ ᠃ ᠲᠣᠬᠲᠡᠮᠦᠷ ᠂ ᠬᠣᠩ ᠲᠠᠶ᠋ᠢᠽᠢ ᠶ᠋ᠢᠨ ᠬᠢᠷᠢ ᠭᠡᠮ ᠶ᠋ᠢᠡᠷ ᠬᠤᠱᠢᠯᠠ ᠬᠤᠲᠤᠭᠲᠤ ᠬᠠᠭᠠᠨ ᠳ᠋ᠤᠷ ᠪᠠᠷᠠᠯᠠᠬᠪᠠ ᠃
ᠲᠡᠨᠲᠡᠴᠡ ᠠᠬᠠ ᠳᠡᠭᠦᠦ ᠬᠣᠶᠠᠭᠤᠯᠠ ᠤᠲᠠᠭᠠᠨ ᠡᠲᠦᠷ ᠡᠰᠡ ᠠᠭᠤᠯᠵᠠᠭᠰᠠᠨᠠ ᠤᠴᠠᠷᠠᠮᠠᠭᠴᠠ ᠬᠦᠵᠦᠭᠦᠦ ᠬᠦᠵᠦᠭᠦᠦ ᠪᠡᠨ ᠲᠡᠪᠡᠷᠢᠯᠲᠦᠨ ᠤᠬᠢᠯᠠᠯᠴᠠᠪᠠ ᠃ ᠬᠤᠱᠢᠯᠠ ᠬᠤᠲᠤᠭᠲᠤ ᠬᠠᠭᠠᠨ ᠪᠠᠷ ᠳᠡᠭᠦᠦ ᠬᠣᠩ ᠲᠠᠶ᠋ᠢᠽᠢ ᠲᠣᠬᠲᠡᠮᠦᠷ ᠲᠤ ᠲᠠᠯᠠᠷᠬᠠᠬᠤ ᠰᠡᠤᠠᠬᠢᠯ ᠶ᠋ᠢᠡᠨ ᠢᠯᠡᠤᠠᠬᠡᠵᠦ ᠲᠡᠷᠢᠭᠦᠯᠦᠭᠰᠡᠨ ᠰᠠᠶ᠋ᠢᠳ ᠂ ᠲᠥᠷᠥᠯ ᠦ᠋ᠨ ᠨᠣᠶᠠᠳ ᠯᠤᠬ᠋ᠠ ᠬᠠᠮᠲᠤ ᠪᠠᠷ ᠪᠠᠭᠤᠭᠰᠠᠨ ᠣᠷᠲᠤᠨ ᠳᠤ ᠪᠠᠨ ᠶᠡᠬᠡ ᠬᠤᠷᠢᠮ ᠬᠤᠷᠢᠮᠯᠠᠪᠠ ᠃ ᠡᠶ᠋ᠢᠨ ᠬᠦ ᠳᠦᠷᠪᠡᠨ ᠡᠲᠦᠷ ᠥᠩᠭᠡᠷᠡᠵᠦ ᠭᠡᠨᠡᠤᠠᠲᠡ ᠨᠠᠰᠤᠨ ᠬᠤᠲᠤᠭ ᠲᠡᠭᠦᠰᠪᠡ ᠃ ᠭᠤᠴᠢᠨ ᠬᠣᠶᠠᠷ ᠨᠠᠰᠤᠲᠠᠢ ᠪᠠᠶ᠋ᠢᠵᠤᠬᠤᠢ ᠃ ᠲᠡᠷᠡ ᠪᠡᠷ ᠨᠡᠶ᠋ᠢᠰᠯᠡᠯ ᠬᠣᠲᠠ ᠣᠷᠣᠬᠤ ᠵᠠᠮ ᠵᠠᠭᠤᠷᠠ ᠪᠠᠨ ᠵᠥᠪᠬᠡᠨ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠰᠦᠨ ᠬᠣᠨᠣᠭ (1329.1.27 ~8.6 ) ᠬᠠᠭᠠᠨ ᠰᠠᠭᠤᠪᠠ ᠃ ᠬᠤᠱᠢᠯᠠ ᠬᠠᠭᠠᠨ ᠪ ᠭᠡᠨᠡᠤᠠᠲᠡ ᠬᠠᠯᠢᠬᠰᠠᠨ ᠨᠢ ᠮᠣᠩᠭᠣᠯ ᠦ᠋ᠨ ᠲᠡᠦᠬᠡᠨ ᠳᠤ ᠨᠢᠭᠡᠨ ᠣᠨᠢᠰᠣᠬ᠋ᠠ ᠪᠣᠯᠤᠨ ᠲᠡᠮᠲᠡᠭᠯᠡᠭᠳᠡᠪᠡ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠡᠷᠲᠡᠨᠢ ᠂ ᠣᠤᠠᠬᠣᠨᠬᠤᠸᠠᠷ ᠂ ᠪᠤᠤ ᠿᠦᠩ ᠬᠤᠸᠠ ᠂ ᠴᠸᠨ ᠬᠤᠪᠢᠰᠬᠠᠯ ᠂
ᠥᠷᠯᠥᠭ᠋ ᠂ ᠰᠠᠷᠠᠨᠠ ᠂ ᠳ᠋ᠦ᠋ᠩ ᠢᠦᠢ ᠯᠢᠩ
ᠬᠢᠨᠠᠭᠴᠢ ᠄ ᠮᠥᠴᠢᠷ