ᠡᠷᠢᠶᠡᠨ ᠠᠯᠠᠭ ᠲᠠᠬᠢᠶᠠ ᠮᠢᠨᠢ – ᠭᠦᠷᠵᠠᠪ Эрээн алаг тахиа минь – Гүржав
288ᠡᠷᠢᠶᠡᠨ ᠠᠯᠠᠭ ᠲᠠᠬᠢᠶᠠ ᠮᠢᠨᠢ
ᠭᠦᠷᠵᠠᠪ
ᠭᠠᠯ ᠤᠯᠠᠭᠠᠨ ᠰᠡᠴᠢᠭ᠋ ᠲᠡᠢ
ᠭᠠᠩᠭᠠᠩ ᠰᠢᠷᠠ ᠭᠡᠵᠢᠭᠡ ᠲᠡᠢ
ᠭᠠᠯᠪᠢᠷ ᠬᠣᠶᠠᠷ ᠨᠢᠲᠦ ᠲᠡᠢ
ᠭᠠᠪᠰᠢᠭᠠᠢ ᠲᠦᠷᠭᠡᠨ ᠶᠠᠪᠤᠬ᠋ᠠ ᠲᠠᠢ
ᠡᠷᠢᠶᠡᠨ ᠠᠯᠠᠭ ᠲᠠᠬᠢᠶᠠ ᠮᠢᠨᠢ
ᠡᠷᠲᠡ ᠡᠴᠡ ᠡᠷᠲᠡ ᠰᠡᠷᠢᠨᠡ ᠂
ᠡᠷᠲᠡ ᠡᠴᠡ ᠡᠷᠲᠡ ᠰᠡᠷᠢᠭᠡᠳ
ᠡᠵᠡᠨ ᠨᠠᠮᠠᠶ᠋ᠢ ᠪᠠᠨ ᠳᠠᠭᠤᠳᠠᠨᠠ ᠃
ᠥᠥᠷ ᠮᠠᠩᠬᠠᠶ᠋ᠢᠲᠠᠯᠠ ᠴᠠᠶ᠋ᠢᠴᠢᠬᠠᠯᠠ
ᠦᠶᠡ ᠶ᠋ᠢᠨ ᠨᠥᠬᠥᠳ ᠴᠢᠨᠢ ᠪᠣᠰᠴᠠᠭᠠᠯᠠ ᠂
ᠴᠠᠢ ᠤᠰᠤ ᠪᠠᠨ ᠤᠤᠭᠤᠵᠠᠭᠠᠯᠠ
ᠴᠢ ᠯᠡ ᠭᠠᠭᠴᠠᠭᠠᠷ ᠤᠲᠠᠭᠰᠠᠭᠠᠷ ᠡ ᠁ ᠭᠡᠳ
ᠰᠠᠷᠠᠪᠴᠢᠨ ᠪ ᠮᠢᠨᠢ ᠳᠣᠣᠷᠠ ᠢᠷᠡᠴᠢᠬᠡᠭᠡᠳ
ᠰᠠᠭᠰᠠᠶ᠋ᠢᠵᠤ ᠵᠣᠭᠰᠣᠭᠠᠳ ᠳᠠᠭᠤᠳᠠᠨᠠ ᠂
ᠰᠠᠶ᠋ᠢᠨ ᠬᠡᠦᠬᠡᠳ ᠪᠣᠯ ᠡᠷᠳᠡᠯᠡᠳᠡᠭ ᠶᠤᠮ ᠭᠡᠳ
ᠰᠠᠨᠠᠭᠤᠯᠤᠨ ᠰᠠᠨᠠᠭᠤᠯᠤᠨ ᠰᠢᠪᠠᠲᠠᠭᠤᠯᠤᠨᠠ ᠁
ᠡᠷᠢᠶᠡᠨ ᠠᠯᠠᠭ ᠲᠠᠬᠢᠶᠠᠨ ᠪ ᠪᠠᠨ
ᠡᠭᠡᠯᠢᠲᠡᠢ ᠬᠣᠩᠭᠣᠷ ᠳᠠᠭᠤ ᠶ᠋ᠢ ᠴᠢᠩᠨᠠᠭᠠᠳ
ᠡᠵᠢ ᠠᠪᠤ ᠪᠠᠷ ᠶ᠋ᠢᠠᠨ ᠬᠡᠯᠡᠭᠦᠯᠥᠯ ᠦᠭᠡᠢ
ᠡᠷᠲᠡ ᠡᠴᠡ ᠡᠷᠲᠡ ᠪᠣᠰᠤᠨᠠ ᠪᠢ !
ᠭᠦᠷᠵᠠᠪ ᠦ᠋ᠨ ᠵᠣᠬᠢᠶᠠᠭᠰᠠᠨ 《 ᠬᠡᠦᠬᠡᠳ ᠨᠠᠰᠤ ᠰᠠᠶ᠋ᠢᠬᠠᠨ 》 ᠭᠡᠬᠦ ᠨᠣᠮ ᠠ᠋ᠴᠠ ᠬᠠᠭᠤᠯᠤᠨ ᠪᠢᠴᠢᠪᠡ ᠃
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ ᠬᠡᠪᠯᠡᠭᠦᠯᠪᠡ᠃
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠨᠣᠮ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ ᠃
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ᠃
2004 ᠣᠨ ᠪ 9 ᠰᠠᠷᠠ ᠳᠦ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ ᠃
2004 ᠣᠨ ᠪ 9 ᠰᠠᠷᠠ ᠳᠦ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠭᠦᠯᠪᠡ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠪᠠᠶᠠᠷᠴᠡᠴᠡᠭ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
2023 ᠂03 ᠂10