ᠨᠠᠶ᠋ᠢᠵᠠ ᠨᠥᠬᠥᠳ ᠭᠡᠳᠡᠭ ᠦᠭᠡ - ᠭᠦᠷᠵᠠᠪ Найз нөхөд гэдэг үг – Гүржав
392ᠨᠠᠶ᠋ᠢᠵᠠ ᠨᠥᠬᠥᠳ ᠭᠡᠳᠡᠭ ᠦᠭᠡ
( ᠨᠢᠯᠬᠠᠰᠠᠭ ᠣᠶᠤᠨ ᠰᠡᠤᠠᠬᠢᠴᠡ ᠲᠡᠢ ᠰᠤᠷᠤᠭᠴᠢᠳ ᠦ᠋ᠨ ᠶ᠋ᠢᠠᠨ 《 ᠨᠠᠶ᠋ᠢᠵᠠ ᠨᠥᠬᠥᠳ 》 ᠭᠡᠬᠦ ᠬᠣᠶᠠᠷ ᠦᠭᠡ ᠶ᠋ᠢᠨ ᠤᠤᠠᠬᠠ ᠶ᠋ᠢᠨ ᠠᠰᠠᠭᠤᠯᠲᠠ ᠶ᠋ᠢᠨ ᠬᠠᠷᠢᠭᠤ ᠳᠤ ᠨᠠᠶ᠋ᠢᠷᠠᠭᠤᠯᠵᠤ ᠪᠢᠴᠢᠭᠰᠡᠨ ᠲᠠᠶ᠋ᠢᠯᠪᠤᠷᠢ ᠰᠢᠯᠦᠭ )
ᠭᠦᠷᠵᠠᠪ
ᠨᠠᠶ᠋ᠢᠵᠠ ᠂ ᠨᠥᠬᠥᠳ ᠭᠡᠳᠡᠭ ᠦᠭᠡ
ᠨᠠᠶ᠋ᠢᠷ ᠬᠠᠶ᠋ᠢᠷᠠ ᠭᠡᠰᠡᠨ ᠦᠭᠡ ᠶᠤᠮ
ᠨᠠᠮᠠᠢ᠍ᠢ ᠳᠡᠮᠵᠢᠨᠡ ᠂ ᠴᠢᠮᠠᠢ᠍ᠢ ᠲᠤᠰᠠᠯᠠᠨᠠ
ᠨᠢᠭᠡ ᠢᠮᠠᠬᠤ ᠴᠥ᠍ ᠰᠠᠯᠬᠤ ᠦᠭᠡᠢ ᠭᠡᠰᠡᠨ ᠦᠭᠡ ᠶᠤᠮ
ᠨᠢᠲᠤᠷᠬ᠋ᠠ ᠡᠷᠭᠢᠭᠦᠯᠬᠦ ᠦᠭᠡᠢ
《 ᠨᠢᠰᠤᠩᠬᠠᠢ 》 ᠪᠠᠨ ᠳᠣᠷᠣᠮᠵᠢᠯᠠᠬᠤ ᠦᠭᠡᠢ
《 ᠨᠢᠭᠤᠴᠠ 》 ᠪᠠᠨ ᠳᠠᠯᠳᠠᠯᠠᠬᠤ ᠦᠭᠡᠢ
ᠨᠢᠯᠪᠤᠰᠤ ᠪᠠᠨ ᠦᠵᠡᠯᠴᠡᠬᠦ ᠦᠭᠡᠢ —
ᠨᠢᠬᠲᠠᠷᠠᠨᠠ ᠂ ᠵᠢᠭᠳᠡᠷᠡᠨᠡ
ᠨᠠᠶ᠋ᠢᠭᠤᠬᠤ ᠦᠭᠡᠢ ᠭᠤᠶ᠋ᠢᠪᠢᠬᠤ ᠦᠭᠡᠢ ᠂
ᠪᠠᠲᠤ ᠲᠦᠰᠢᠯᠴᠡᠨᠡ ᠭᠡᠰᠡᠨ ᠦᠭᠡ ᠶᠤᠮ
ᠨᠠᠶ᠋ᠢᠵᠠ ᠂ ᠨᠥᠬᠥᠳ ᠭᠡᠳᠡᠭ ᠦᠭᠡ
ᠨᠡᠩᠬᠢ ᠰᠢᠷᠤᠢ ᠭᠡᠰᠡᠨ ᠦᠭᠡ ᠪᠢᠰᠢ
ᠨᠠᠷᠠᠰᠤ ᠮᠠᠶ᠋ᠢᠯᠠᠰᠤ ᠭᠡᠰᠡᠨ ᠦᠭᠡ ᠶᠤᠮ
ᠨᠠᠨᠲᠢᠨ ᠴᠢᠨᠠᠷ ᠬᠤᠪᠢᠷᠠᠬᠤ ᠦᠭᠡᠢ ᠭᠡᠰᠡᠨ ᠦᠭᠡ ᠶᠤᠮ
ᠨᠠᠶ᠋ᠢᠲᠠᠯᠬ᠋ᠠ ᠳᠡᠮᠵᠢᠯᠭᠡ ᠬᠤᠮᠰᠠᠤᠠᠬᠤ ᠦᠭᠡᠢ ᠭᠡᠰᠡᠨ ᠦᠭᠡ ᠶᠤᠮ
ᠨᠠᠷᠢᠨ ᠤᠬᠠᠭᠠᠨ ᠵᠠᠷᠤᠬᠤ ᠦᠭᠡᠢ ᠭᠡᠰᠡᠨ ᠦᠭᠡ ᠶᠤᠮ
ᠨᠠᠶ᠋ᠢᠷᠠᠮᠲᠠᠯ ᠂ ᠨᠥᠬᠥᠷᠯᠡᠯ ᠊ᠢ
ᠡᠪᠲᠡᠬᠦ ᠦᠭᠡᠢ ᠭᠡᠰᠡᠨ ᠦᠭᠡ ᠶᠤᠮ
ᠨᠠᠭᠠᠲᠤᠮ ᠲᠣᠭᠯᠠᠭᠠᠮ ᠳᠤ 《 ᠬᠣᠷᠣᠰᠬᠤ 》 ᠦᠭᠡᠢ ᠭᠡᠰᠡᠨ ᠦᠭᠡ ᠶᠤᠮ
ᠨᠠᠭᠠᠰᠢ ᠂ ᠴᠠᠭᠠᠰᠢ ᠪᠠᠨ ᠬᠤᠤᠠᠬᠤᠯᠠᠬᠤ ᠦᠭᠡᠢ ᠭᠡᠰᠡᠨ ᠦᠭᠡ ᠶᠤᠮ
《 ᠨᠠᠷᠠ ᠦᠭᠡᠢ 》 ᠮᠠᠭᠤᠬᠠᠢ ᠳᠦᠷᠢᠯᠡᠬᠦ ᠦᠭᠡᠢ ᠭᠡᠰᠡᠨ ᠦᠭᠡ ᠶᠤᠮ
ᠨᠠᠭᠠᠰᠢ ᠦᠭᠡᠢ ᠶᠠᠪᠤᠲᠠᠯ ᠬᠢᠬᠦ ᠦᠭᠡᠢ ᠭᠡᠰᠡᠨ ᠦᠭᠡ ᠶᠤᠮ
ᠨᠠᠶ᠋ᠢᠵᠠ ᠂ ᠨᠥᠬᠥᠳ ᠭᠡᠳᠡᠭ ᠦᠭᠡ
ᠨᠠᠷᠭᠢᠯᠲᠤᠨᠠ ᠂ ᠪᠠᠶᠠᠰᠤᠯᠲᠤᠨᠠ
ᠨᠢᠷᠭᠡᠯᠲᠦᠨᠡ ᠳᠠᠷᠭᠢᠯᠳᠤᠨᠠ
《 ᠨᠢᠭᠡᠯᠡ ᠬᠥᠮᠦᠨ ᠠᠲᠠᠯᠢ 》 ᠪᠦᠯᠬᠦᠮᠲᠡᠨᠡ ᠭᠡᠰᠡᠨ ᠦᠭᠡ ᠶᠤᠮ
ᠨᠡᠶ᠋ᠢᠲᠡ ᠳᠠᠶᠠᠭᠠᠷ ᠶ᠋ᠢᠠᠨ ᠲᠠᠪᠰᠢᠨᠠ ᠭᠡᠰᠡᠨ ᠦᠭᠡ ᠶᠤᠮ ᠂ ᠂ ᠂ ᠂
ᠨᠠᠶ᠋ᠢᠵᠠ ᠂ ᠨᠥᠬᠥᠳ ᠲᠡᠢ ᠬᠥᠮᠦᠨ
ᠨᠠᠶ᠋ᠢᠷᠰᠠᠭ ᠳᠣᠲᠣᠨᠣ ᠬᠥᠮᠦᠨ ᠶᠤᠮ ᠂
ᠨᠠᠶ᠋ᠢᠲᠠᠪᠤᠷᠢ ᠲᠠᠢ ᠢᠲᠡᠭᠡᠯ ᠲᠡᠢ ᠬᠥᠮᠦᠨ ᠶᠤᠮ
ᠨᠠᠮᠢᠯᠵᠠᠭᠰᠠᠨ ᠰᠡᠤᠠᠬᠢᠯ ᠲᠡᠢ ᠬᠥᠮᠦᠨ ᠶᠤᠮ
ᠨᠡᠮᠡᠷᠢ ᠶᠡᠬᠡ ᠦᠢᠯᠡᠰ ᠲᠦ
ᠨᠡᠮᠡᠷᠢ ᠬᠠᠨᠲᠢᠪ ᠲᠠᠢ ᠬᠥᠮᠦᠨ ᠶᠤᠮ
ᠨᠠᠶ᠋ᠢᠵᠠ ᠂ ᠨᠥᠬᠥᠳ ᠦᠭᠡᠢ ᠬᠥᠮᠦᠨ
ᠨᠠᠪᠰᠢᠢᠬᠰᠨ — ᠰᠦᠨᠡᠰᠦ ᠦᠭᠡᠢ ᠬᠥᠮᠦᠨ ᠶᠤᠮ
ᠨᠠᠪᠲᠠᠶ᠋ᠢᠬᠰᠠᠨ — ᠰᠦᠯᠲᠡ ᠦᠭᠡᠢ ᠬᠥᠮᠦᠨ ᠶᠤᠮ
ᠨᠠᠷᠭᠢᠶᠠ ᠦᠭᠡᠢ — ᠭᠠᠭᠴᠠᠭᠠᠷᠲᠠᠮᠠᠯ ᠬᠥᠮᠦᠨ ᠶᠤᠮ
ᠨᠠᠮᠪᠠ ᠦᠭᠡᠢ — ᠭᠠᠴᠢᠬᠲᠠᠩᠭᠤᠢ ᠬᠥᠮᠦᠨ ᠶᠤᠮ
ᠨᠡᠷᠡᠲᠦ ᠬᠣᠷᠸ᠋ᠠ ᠳᠤ ᠴᠤᠬᠤᠶ᠋ᠢᠬᠤ
ᠨᠢᠭᠤᠷ ᠦᠭᠡᠢ — ᠨᠦᠯᠴᠦᠭᠡᠷ ᠬᠥᠮᠦᠨ ᠶᠤᠮ
ᠨᠠᠭᠠᠲᠤᠬᠢ ᠴᠠᠭᠠᠲᠤᠬᠢ ᠶ᠋ᠢ ᠢᠯᠭᠠᠬᠤ
ᠨᠢᠲᠦ ᠦᠭᠡᠢ — ᠰᠣᠬᠣᠷ ᠬᠥᠮᠦᠨ ᠶᠤᠮ
ᠨᠠᠲᠠ ᠴᠢᠮᠠ ᠳᠤ ᠳᠣᠷᠠᠰᠤᠭᠤᠯᠤᠮᠠᠷ
ᠨᠡᠷᠡ ᠦᠭᠡᠢ — ᠶᠠᠲᠠᠷ ᠬᠥᠮᠦᠨ ᠶᠤᠮ
ᠨᠠᠮᠲᠠᠷ ᠴᠠᠲᠢᠬ ᠲᠤ ᠲᠡᠮᠲᠡᠭᠯᠡᠭᠦᠯᠦᠮᠡᠷ
ᠨᠥᠬᠥᠴᠡᠯ ᠦᠭᠡᠢ — ᠶᠣᠲᠠᠷ ᠬᠥᠮᠦᠨ ᠶᠤᠮ ᠁
ᠨᠠᠶ᠋ᠢᠵᠠ ᠂ ᠨᠥᠬᠥᠳ ᠭᠡᠳᠡᠭ ᠦᠭᠡ ᠶ᠋ᠢᠨ
ᠨᠠᠷᠢᠯᠢᠬ 《 ᠲᠠᠶ᠋ᠢᠯᠪᠤᠷᠢ 》 ᠶ᠋ᠢ ᠣᠶ᠋ᠢᠯᠠᠭᠠᠪᠠ ᠤᠤ ?
ᠨᠥᠬᠥᠳ ᠮᠢᠨᠢ !
ᠨᠠᠶ᠋ᠢᠵᠠ ᠨᠥᠬᠥᠳ ᠲᠡᠢ ᠶᠠᠪᠤᠬᠤ ᠶ᠋ᠢᠨ
ᠨᠠᠭᠤᠢ ᠤᠤᠠᠬᠠ ᠶ᠋ᠢ ᠮᠡᠲᠡᠪᠡ ᠤᠤ ?
ᠨᠠᠶ᠋ᠢᠵᠠ ᠨᠠᠷ ᠮᠢᠨᠢ !
ᠨᠠᠶ᠋ᠢᠵᠠ ᠣᠯᠠᠨ ᠲᠠᠢ — ᠨᠥᠬᠥᠳ ᠠᠷᠪᠢᠨ ᠲᠠᠢ ᠬᠥᠮᠦᠨ
ᠨᠠᠯᠠᠭᠠᠷ ᠡᠨᠡ ᠣᠷᠴᠢᠯᠠᠩ ᠳᠤ
ᠨᠢᠭᠡ ᠴᠦ᠍ ᠭᠠᠴᠢᠬᠲᠠᠬᠤ ᠦᠭᠡᠢ ᠂
ᠭᠠᠭᠴᠠᠭᠠᠷᠲᠠᠬᠤ ᠦᠭᠡᠢ
ᠪᠠᠭᠠᠲᠤᠷ ᠬᠥᠮᠦᠨ ᠶᠤᠮ ᠰᠢᠦ
ᠪᠠᠶᠠᠰᠤᠩᠭᠤᠢ ᠬᠥᠮᠦᠨ ᠶᠤᠮ !
ᠨᠠᠶ᠋ᠢᠵᠠ ᠂ ᠨᠥᠬᠥᠳ ᠂ ᠣᠯᠠᠨ ᠲᠠᠢ ᠶᠠᠪᠤᠭᠠᠷᠠᠢ ᠂ ᠲᠠ ᠨᠠᠷ ᠮᠢᠨᠢ !
ᠭᠦᠷᠵᠠᠪ ᠤᠨ ᠵᠤᠬᠢᠶᠠᠭᠰᠠᠨ < ᠬᠡᠤᠭᠡᠳ ᠨᠠᠰᠤ ᠰᠠᠶ᠋ᠢᠬᠠᠨ > ᠡᠴᠡ ᠰᠤᠩᠭᠤᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ ᠬᠡᠪᠯᠡᠭᠦᠯᠪᠡ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠦ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠦ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠭᠡ ᠠᠮᠢᠯᠠᠭᠤᠯᠤᠭᠴᠢ ᠄ ᠮᠢᠭᠮᠡᠷ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
2023 ᠣᠨ ᠪ3 ᠰᠠᠷᠠ ᠶ᠋ᠢᠨ9 ᠪ ᠡᠲᠦᠷ