ᠬᠤᠳᠤᠮ ᠮᠣᠩᠭᠣᠯ ᠪᠢᠴᠢᠭ ᠮᠢᠨᠢ- ᠵᠢ᠊ ᠂ ᠰᠢᠨᠡᠪᠠᠶᠠᠷХодом монгол бичиг минь-жий , шанаабаяр
308ᠬᠤᠳᠤᠮ ᠮᠣᠩᠭᠣᠯ ᠪᠢᠴᠢᠭ ᠮᠢᠨᠢ
ᠵᠢ᠊ ᠂ ᠰᠢᠨᠡᠪᠠᠶᠠᠷ
ᠳᠣᠯᠣᠭᠠᠨ ᠡᠭᠡᠰᠢᠭ ᠦ᠋ᠨ ᠠᠶᠠᠯᠭᠤ
ᠨᠢ ᠳᠠᠯᠠᠨ ᠤᠷᠲᠤᠷᠢᠭ ᠤ᠋ᠨ ᠥᠷᠲᠡᠭᠡ ᠲᠡᠢ
ᠳᠠᠯᠠᠢ ᠪᠠᠶᠠᠨ
ᠰᠠᠩ ᠳ᠋ᠤ᠌ ᠨᠢ
ᠭᠤᠴᠢᠨ ᠭᠤᠷᠪᠠᠨ ᠥᠷᠭᠡᠷᠢᠭ ᠲᠡᠢ
ᠪᠣᠰᠤᠭᠠ
ᠬᠡᠢᠮᠣᠷᠢ ᠲᠠᠢ ᠪᠢᠴᠢᠭ ᠮᠢᠨᠢ ᠵᠣᠭᠰᠣᠭᠠ ᠰᠦᠯᠳᠡ ᠶ᠋ᠢᠨ ᠰᠠᠨᠵᠢ ᠲᠠᠢ
ᠪᠣᠭᠳᠠ ᠴᠢᠩᠭᠢᠰ ᠦ᠋ᠨ ᠦᠶᠡ ᠡᠴᠡ ᠴᠡᠭᠴᠡᠷᠡᠵᠦ
ᠢᠷᠡᠭᠰᠡᠨ ᠤᠯᠠᠮᠵᠢᠯᠠᠯ ᠲᠠᠢ
ᠨᠠᠢ᠍ᠮᠠᠨ ᠵᠠᠭᠤᠨ ᠤ᠋ ᠲᠡᠷᠲᠡᠭᠡ ᠳ᠋ᠦ᠍ ᠳᠡᠯᠡᠬᠡᠢ ᠶ᠋ᠢ ᠬᠥᠲᠥᠯᠵᠦ ᠶᠠᠪᠤᠭᠰᠠᠨ ᠢ᠋ᠶ᠋ᠠᠨ
ᠨᠸᠲ ᠰᠦᠯᠵᠢᠶᠡ ᠶ᠋ᠢᠨ ᠡᠷᠢᠨ ᠢ᠋ᠶ᠋ᠡᠷ
ᠨᠡᠶ᠋ᠢᠭᠡᠮ ᠳᠣᠷᠣ ᠠ᠋ᠴᠠ ᠵᠠᠶ᠋ᠢᠳᠠᠬᠰᠠᠨ ᠶᠤᠮ
ᠨᠢᠭᠡᠳᠦᠭᠰᠡᠨ ᠺᠣᠳ᠋ ᠤ᠋ᠨ ᠪᠠᠢᠭᠤᠯᠭᠠ ᠳ᠋ᠤ᠌ ᠵᠠᠷᠢᠮᠳᠤᠭ ᠬᠤᠪᠢ ᠲᠠᠢ ᠪᠦᠷᠢᠳᠬᠡᠭᠳᠡᠭᠡᠳ
ᠨᠢᠭᠡ ᠯᠡ ᠮᠡᠳᠡᠬᠦ ᠳ᠋ᠦ᠍ ᠥᠨᠥᠳᠥᠷ
ᠲᠡᠦᠬᠡ ᠶ᠋ᠢᠨ ᠲᠡᠮᠳᠡᠭ
ᠪᠣᠯᠴᠢᠬᠠᠭᠰᠠᠨ ᠶᠤᠮ ᠃
ᠠᠴᠤᠭ ᠰᠢᠯᠪᠢ ᠡᠴᠡ ᠡᠬᠢᠯᠡᠭᠡᠳ
ᠭᠤᠴᠢᠨ ᠵᠢᠷᠭᠤᠭᠠᠨ ᠵᠢᠷᠤᠯᠭᠠ ᠲᠠᠢ
ᠠᠶᠠᠯᠭᠤ ᠳᠠᠭᠤᠳᠠᠯᠭᠠ
ᠨᠢᠭᠡ ᠪᠦᠷᠢ ᠨᠢ ᠨᠤᠲᠤᠭ ᠤᠰᠤᠨ ᠠ᠋ᠴᠠ ᠤᠴᠢᠭ ᠲᠠᠢ
ᠨᠠᠢ᠍ᠮᠠᠨ ᠮᠣᠵᠢ
ᠣᠷᠣᠨ ᠤ᠋ ᠭᠡᠵᠦ ᠲᠣᠢᠮᠣ ᠳ᠋ᠤ᠌ ᠪᠠᠨ ᠵᠢᠭᠠᠨ
ᠶᠠᠷᠢᠭᠳᠠᠳᠠᠭ ᠊ᠴᠤ
ᠨᠠᠢᠷᠰᠠᠭ ᠮᠣᠩᠭᠣᠯ
ᠲᠦᠮᠡᠨ ᠦ᠌ ᠮᠢᠨᠢ
ᠵᠢᠷᠦᠬᠡᠨ ᠦ᠌ ᠫᠠᠰᠫᠣᠷᠲ ᠪᠣᠯᠤᠭᠰᠠᠨ ᠶᠤᠮ ᠃
ᠬᠢᠵᠢᠭ ᠲᠠᠬᠤᠯ
ᠦᠷᠪᠢᠰᠦᠭᠰᠡᠨ ᠬᠠᠲᠠᠭᠤ ᠴᠠᠭ ᠤ᠋ᠨ ᠦᠶᠡ ᠪᠡᠷ
ᠬᠡᠯᠡᠨ ᠦ᠌ ᠰᠤᠷᠭᠠᠯᠲᠠ
ᠪᠤᠳᠤᠯᠢᠭᠰᠠᠨ ᠡᠭᠵᠢᠭ᠌ ᠲᠤᠯᠭᠠᠭᠤ ᠴᠠᠭ ᠢ᠋ᠶ᠋ᠠᠷ
ᠪᠦᠷᠠᠨ ᠲᠥᠷᠥᠯ ᠦ᠋ᠨ ᠬᠡᠴᠢᠶᠡᠯ ᠢ᠋ᠶ᠋ᠡᠨ
ᠴᠣᠬᠣᠷ ᠪᠢᠴᠢᠭ ᠢ᠋ᠶ᠋ᠡᠷ ᠭᠦᠳᠦᠯᠡᠭᠦᠯᠵᠦ
ᠪᠤᠰᠤᠳ ᠤ᠋ᠨ ᠭᠡᠮᠡᠷ ᠢᠯᠭᠠᠭᠳᠠᠵᠤ 《ᠮᠣᠩᠭᠣᠯ ᠬᠡᠯᠡ ᠪᠢᠴᠢᠭ 》 ᠪᠣᠯᠤᠭᠰᠠᠨ ᠠ᠋ ᠃
ᠬᠠᠷᠢᠨ ᠲᠡᠭᠡᠭᠰᠡᠨ ᠦ᠌ ᠶᠠᠭᠠᠬᠢᠮᠠᠢ ᠂
ᠬᠠᠮᠤᠭ ᠮᠣᠩᠭᠣᠯ ᠥᠷᠭᠡᠨ ᠬᠣᠢᠨᠠ
ᠬᠠᠢᠷᠠᠲᠠᠢ ᠡᠬᠡ ᠬᠡᠯᠡᠨ ᠦ᠌ ᠪᠡᠨ ᠪᠣᠰᠤᠭᠠ
ᠪᠢᠴᠢᠭ ᠢ᠋ ᠥᠪᠯᠡᠭᠦᠯᠬᠦ ᠪᠡᠷ
ᠣᠷᠬᠣᠨ ᠮᠥᠷᠡᠨ ᠦ᠌ ᠬᠥᠨᠳᠡᠢ ᠡᠴᠡ ᠴᠢᠯᠠᠭᠤᠨ
ᠪᠢᠴᠢᠭ ᠨᠢ ᠥᠨᠳᠡᠯᠵᠡᠵᠦ
ᠣᠭᠰᠢᠵᠤ ᠪᠣᠰᠤᠭᠰᠠᠨ
ᠲᠦᠮᠡᠨ ᠨᠢ ᠲᠥᠷᠥ ᠶ᠋ᠢᠨ ᠪᠢᠴᠢᠭ ᠢ᠋ᠶ᠋ᠡᠷ ᠵᠠᠷᠯᠠᠭᠰᠠᠨ
ᠶᠤᠮ ᠃
ᠭᠣᠪᠢ ᠶ᠋ᠢᠨ ᠡᠮᠦᠨᠡ ᠡᠴᠡ ᠠᠪᠬᠠᠭᠤᠯᠤᠭᠠᠳ
ᠲᠢᠪ ᠦ᠋ᠨ ᠴᠠᠭᠠᠳᠤᠬᠢ
ᠬᠦᠷᠲᠡᠯᠡ
ᠬᠤᠳᠤᠮ ᠮᠣᠩᠭᠣᠯ ᠪᠢᠴᠢᠭ ᠢ᠋ᠶ᠋ᠡᠨ ᠳᠡᠭᠡᠳᠦᠯᠡᠨ
ᠬᠡᠷᠡᠭᠯᠡᠬᠦ ᠪᠣᠯᠤᠭᠰᠠᠨ ᠶᠤᠮ
ᠭᠡᠷ ᠦ᠋ᠨ ᠪᠢᠴᠢᠭ ᠢ᠋ᠶ᠋ᠡᠷ ᠦᠯᠡᠳᠡᠭᠰᠡᠨ ᠊ᠴᠤ
ᠳᠡᠷᠡ ᠶ᠋ᠢᠨ ᠳᠡᠷᠭᠡᠳᠡ ᠪᠠᠶ᠋ᠢᠯᠭᠠᠵᠣ
ᠭᠡᠷᠭᠡᠢ ᠬᠡᠦᠬᠡᠳ ᠦᠭᠡᠢ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠴᠠᠬᠢᠮ ᠢ᠋ᠶ᠋ᠠᠷ ᠪᠢᠴᠢᠭᠯᠡᠵᠦ
ᠰᠤᠷᠤᠯᠴᠠᠭᠰᠠᠨ ᠶᠤᠮ ᠂
ᠤᠳᠤᠮᠲᠤ ᠰᠣᠶᠣᠯ ᠤ᠋ᠨ ᠭᠧᠨ ᠦ᠌ ᠡᠷᠴᠢ
ᠨᠢ ᠰᠡᠪᠲᠦᠵᠦ ᠶᠠᠪᠤᠭᠠ ᠊ᠴᠤ
ᠤᠬᠠᠭᠠᠨᠲᠤ ᠮᠣᠩᠭᠣᠯ
ᠬᠥᠮᠦᠨ ᠦ᠌ ᠵᠣᠷᠢᠭ
ᠨᠢ ᠰᠢᠨᠲᠠᠷᠠᠵᠤ ᠦᠵᠡᠭᠡ ᠦᠭᠡᠢ
ᠣᠷᠴᠢᠨ ᠴᠠᠭ ᠤ᠋ᠨ ᠠᠶᠠ ᠪᠠᠷ
ᠴᠠᠬᠢᠮ ᠶᠢᠷᠲᠢᠨᠴᠦ ᠣᠷᠣᠭᠰᠠᠨ ᠊ᠴᠤ
ᠤᠤᠭᠠᠯ ᠪᠢᠴᠢᠭ ᠦ᠋ᠨ ᠵᠢᠷᠤᠯᠭᠠᠨ ᠤ᠋ ᠢᠷ ᠨᠢ
ᠰᠢᠮᠠᠷᠠᠬᠤ ᠤᠴᠢᠷ ᠦᠭᠡᠢ
2023.3.14
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠤᠷᠢᠢᠶᠠᠩᠬᠠᠢ ᠨᠠᠷᠠᠨᠮᠠᠨᠳᠠ
2023.3.17