ᠪᠣᠳᠣᠯ – ᠷ ᠂ ᠴᠣᠢᠨᠣᠮ Бодол - Р ᠂ Чойном
329ᠪᠣᠳᠣᠯ
ᠥᠴᠤᠬᠡᠲᠤᠷᠬᠡᠨ ᠴᠢ ᠪᠢᠲᠡ ᠬᠣᠶᠠᠷ ᠪᠡᠶᠡ ᠪᠡᠶᠡ ᠪᠡᠨ ᠲᠠᠨᠢᠲᠠᠭ ᠦᠭᠡᠢ ᠪᠠᠶ᠋ᠢᠯᠠ
ᠥᠨᠢᠷ ᠣᠯᠠᠨ ᠪ ᠬᠡᠯᠡ ᠠᠮᠠᠨ ᠳᠤ ᠦᠨᠡᠮᠰᠢᠵᠦ ᠨᠠᠮᠠᠶ᠋ᠢ ᠴᠢ ᠂ ᠴᠢᠮᠠᠶ᠋ᠢ ᠪᠢ
ᠥᠴᠢᠯᠠᠵᠤ ᠡᠰᠡᠪᠡᠯ ᠦᠯᠦ ᠳᠣᠭᠣᠨ ᠂ ᠭᠡᠲᠡᠯᠡ ᠪᠠᠰᠠ ᠰᠣᠨᠢᠬᠠᠨ
ᠥᠪᠡᠷ ᠵᠠᠭᠤᠷᠠ ᠪᠠᠨ ᠠᠯᠢᠪᠣᠮ ᠦ᠋ᠨ ᠵᠢᠷᠤᠭ ᠰᠢᠭ᠋ ᠬᠠᠶᠠ ᠨᠢᠭᠡᠨ ᠊ᠢ ᠪᠡᠨ ᠬᠠᠷᠠᠲᠠᠭ ᠪᠠᠶ᠋ᠢᠯᠠ
ᠨᠠᠮᠠᠶ᠋ᠢ ᠴᠢᠮᠠ ᠲᠠᠢ ᠳᠠᠰᠬᠠᠬᠤ ᠬᠤᠪᠢ ᠵᠠᠶᠠᠭᠠᠨ ᠪ ᠴᠠᠭ ᠨᠥᠬᠥᠴᠡᠯ ᠪᠦᠷᠢᠤᠠᠴᠦ
ᠴᠢᠮᠠᠶ᠋ᠢ ᠨᠠᠳᠠ ᠲᠠᠢ ᠳᠠᠰᠬᠠᠬᠤ ᠬᠣᠷᠣᠮ ᠮᠥᠴᠡ ᠶ᠋ᠢᠨ ᠪᠣᠯᠤᠯᠴᠠᠭᠠ ᠪᠦᠬᠦᠨ ᠲᠣᠬᠢᠷᠠᠵᠤ
ᠠᠷᠠᠳ ᠨᠠᠶ᠋ᠢᠷᠠᠭᠴᠢ ᠬᠣᠶᠠᠷ ᠦ᠋ᠨ ᠬᠣᠶᠠᠷ ᠵᠢᠷᠦᠬᠡ ᠪᠡᠶᠡ ᠪᠡᠶᠡ ᠪᠡᠨ ᠡᠷᠢᠯ ᠳᠤ ᠳᠠᠭᠤᠳᠠᠭᠰᠠᠨ
ᠠᠭᠤᠤ ᠶᠡᠬᠡ ᠡᠳᠦᠷ ᠦ᠋ᠨ ᠥᠴᠦᠬᠡᠨ ᠭ᠌ᠱᠠᠨ ᠵᠠᠭᠤᠷᠠ ᠊ᠢ ᠪᠢ ᠬᠡᠵᠢᠶᠡ ᠴᠤ᠌ ᠮᠠᠷᠲᠠᠬᠤ ᠦᠭᠡᠢ
ᠡᠬᠢᠯᠡᠵᠦ ᠭᠣᠬᠠ ᠮᠤᠯᠲᠤᠯᠬᠤ ᠠᠵᠠᠲᠠᠢ ᠰᠤᠭᠤᠯᠤᠭᠠ ᠴᠢᠨᠦ ᠵᠢᠷᠦᠬᠡᠨ ᠳᠤ ᠲᠠᠭᠠᠷᠠᠵᠤ
ᠷᠢᠨᠴᠢᠨ ᠤ ᠬᠦᠦ ᠶ᠋ᠢᠨ ᠵᠢᠷᠦᠬᠡ ᠪᠠᠲᠤᠨᠤᠷᠪᠤ ᠶ᠋ᠢᠨ ᠨᠢᠭᠡᠨ ᠪᠠᠢᠰᠢᠩ ᠳᠤ
ᠤᠷᠲᠤ ᠣᠷᠣᠨ ᠳᠡᠭᠡᠷᠡ ᠨᠢ ᠤᠨᠠᠭᠰᠠᠨ ᠡ ᠂
ᠫᠤᠤ ᠶ᠋ᠢᠨ ᠶ᠋ᠢᠡᠨ ᠠᠮᠠ ᠶ᠋ᠢ ᠡᠰᠡᠷᠭᠦ ᠡᠷᠭᠦᠬᠦ ᠠᠷᠭᠠ ᠦᠭᠡᠢ ᠤᠬᠢᠯᠠᠵᠤ
ᠤᠨᠠᠭᠰᠠᠨ ᠵᠢᠷᠦᠬᠡ ᠮᠢᠨᠢ ᠬᠥᠭᠡᠷᠦᠬᠦᠢ
ᠪᠣᠭ ᠴᠦ᠍ ᠪᠣᠯᠤᠭᠰᠠᠨ ᠂ ᠪᠤᠷᠬᠠᠨ ᠴᠦ᠍ ᠪᠣᠯᠤᠭᠰᠠᠨ ᠴᠢᠮᠠᠶ᠋ᠢ ᠪᠡᠨ ᠭᠡᠵᠦ ᠪᠥᠮᠪᠥᠷᠢᠯᠡ ᠃
ᠨᠠᠢᠷᠠᠭᠴᠢ ᠶ᠋ᠢᠨ ᠵᠢᠷᠦᠬᠡ ᠶ᠋ᠢ ᠬᠥᠰᠡᠷ ᠰᠥᠭᠥᠳᠦᠭᠦᠯᠦᠭᠰᠡᠨ ᠴᠢᠨᠦ ᠵᠢᠷᠦᠬᠡ
ᠨᠠᠳᠠ ᠬᠣᠣᠰ ᠦᠭᠡᠢ ᠴᠢ ᠥᠪᠡᠷ ᠶ᠋ᠢᠠᠨ ᠠᠭᠤᠤ ᠭᠠᠶ᠋ᠢᠬᠠᠮᠰᠢᠬᠲᠤ ᠬᠥᠮᠦᠨ ᠶᠤᠮ
ᠠᠯᠠᠭ ᠨᠢᠲᠦᠨ ᠪ ᠴᠢᠨᠢ ᠰᠣᠷᠮᠤᠤᠰᠤᠨ ᠳᠤ ᠬᠥᠲᠥᠯᠥᠭᠳᠡᠨ ᠬᠠᠮᠢᠭᠠᠰᠢ ᠪᠠᠨ ᠯᠠ ᠪᠣᠯ ᠲᠠᠶ᠋ᠢᠰᠢ ᠪᠠᠨ
ᠠᠷᠬ᠋ᠠ ᠦᠭᠡᠢ ᠪᠢ ᠴᠢᠨᠦ ᠡᠮᠦᠨᠡ ᠥᠴᠦᠬᠡᠨ ᠠᠷᠴᠠᠬ᠋ᠠ ᠦᠭᠡᠢ ᠠᠮᠢᠲᠠᠨ ᠶᠤᠮ
ᠲᠡᠭᠡᠲᠡᠯᠡ ᠵᠠᠭᠤᠨ ᠵᠢᠯ ᠦ᠋ᠨ ᠬᠣᠶ᠋ᠢᠨᠠ ᠬᠥᠮᠦᠨ ᠲᠥᠷᠥᠯᠬᠢᠲᠡ
ᠲᠡᠮᠲᠡᠭᠯᠡᠵᠦ ᠴᠢᠨᠦ ᠲᠤᠬᠠᠢ ᠳᠠᠭᠤᠷᠢᠰᠬᠤ ᠪᠣᠯᠪᠠ ᠤᠤ ᠂ ᠬᠠᠶ᠋ᠢᠷᠠᠲᠤ ᠮᠢᠨᠢ ᠂
ᠳᠠᠪᠴᠶᠠᠷᠢ ᠠᠯᠲᠠᠵᠤ ᠴᠢᠮᠠᠶ᠋ᠢ ᠪᠠᠨ ᠬᠡᠵᠤ ᠭᠦᠶᠦᠭᠡᠳ ᠴᠢᠮᠠ ᠳ᠋ᠠᠭᠠᠨ ᠵᠢᠮᠡᠯᠡᠭᠦᠯᠵᠦ ᠪᠠᠶ᠋ᠢᠬᠰᠠᠨ
ᠲᠡᠨᠡᠭᠬᠡᠨ ᠠᠮᠠᠷᠠᠭ ᠮᠢᠨᠦ ᠲᠤᠬᠠᠢ ᠳᠤᠷᠠᠰᠴᠤ ᠬᠥᠰᠢᠶᠡ ᠪᠠᠷᠢᠮᠠᠯ ᠪᠦᠲᠦᠭᠡᠨᠡ ᠡ ᠃
ᠼᠸᠮᠸᠨ᠍ᠲ ᠴᠢᠯᠠᠭᠤ ᠪᠠᠷ ᠶᠡᠬᠡᠮᠰᠦᠭᠯᠡᠨ ᠪᠣᠰᠤᠭᠰᠠᠨ ᠠᠪᠤᠷᠭᠤ ᠪᠡᠶᠡ ᠮᠢᠨᠢ
ᠴᠡᠷᠡᠨᠲᠣᠯᠮᠠ ᠶ᠋ᠢ ᠪᠡᠨ ᠦᠭᠡᠶ᠋ᠢᠯᠡᠵᠦ ᠂
ᠢᠷᠡᠬᠦ ᠵᠠᠭᠤᠨ ᠪ ᠶᠢᠷᠲᠢᠨᠴᠦ ᠳᠤ ᠭᠠᠭᠴᠠᠭᠠᠷᠲᠠᠨ ᠵᠣᠭᠰᠣᠭᠠᠳ
ᠠᠮᠠᠷᠠᠭ ᠊ᠢ ᠮᠢᠨᠢ ᠲᠤᠷᠠᠰᠤᠭᠠᠴᠢ ᠂
ᠢᠷᠠᠭᠤ ᠰᠢᠯᠦᠭ ᠦ᠋ᠳ ᠮᠢᠨᠢ ᠂ ᠲᠡᠭᠦᠨ ᠪ ᠬᠦᠴᠦ ᠰᠢᠦ ᠳ᠋ᠡ ᠬᠡᠵᠤ
ᠠᠴᠢ ᠭᠤᠴᠢ ᠳ᠋ᠠᠭᠠᠨ ᠬᠡᠯᠡᠶᠡ ᠭᠡᠪᠡᠴᠦ ᠠᠮᠠ ᠬᠥᠲᠡᠯᠬᠦ ᠴᠢᠲᠠᠯ ᠦᠭᠡᠢ
ᠴᠢᠯᠠᠭᠤᠨ ᠨᠢᠲᠦᠨ ᠳ᠋ᠡᠭᠡᠨ ᠴᠢᠯᠠᠭᠤᠨ ᠨᠢᠯᠪᠤᠰᠤ ᠲᠠᠢ ᠵᠣᠭᠰᠣᠨᠠ
ᠭᠡᠪᠡᠴᠦ ᠬᠣᠵᠢᠮ ᠦ᠋ᠨ ᠬᠥᠮᠦᠰ ᠨᠠᠲᠠ ᠬᠥᠰᠢᠶᠡ ᠪᠣᠰᠬᠠᠬᠤ ᠠ᠋ᠴᠠ ᠪᠢ ᠤᠷᠢᠲᠠᠵᠤ
ᠭᠡᠷᠡᠯᠲᠦ ᠬᠣᠷᠸ᠋ᠠ ᠳᠤ ᠬᠣᠩᠭᠣᠷ ᠴᠢᠮᠠᠶ᠋ᠢ ᠪᠠᠨ ᠰᠢᠯᠦᠭ ᠶ᠋ᠢᠡᠷ ᠶ᠋ᠢᠡᠨ ᠲᠤᠩᠬᠠᠭᠯᠠᠯᠠ
ᠬᠡᠮᠯᠡᠵᠦ ᠵᠢᠮᠡᠯᠡᠭᠰᠡᠨ ᠴᠦ᠍ ᠲᠡᠪᠡᠷᠢᠭᠦᠯᠵᠦ ᠮᠠᠭᠲᠠᠭᠰᠠᠨ ᠴᠦ᠍
ᠬᠡᠪ ᠶ᠋ᠢᠡᠷ ᠶ᠋ᠢᠡᠨ ᠪᠠᠶ᠋ᠢᠬᠤ ᠮᠢᠨᠦ ᠰᠢᠯᠦᠭ ᠦ᠋ᠳ
ᠭᠡᠷᠡᠯ ᠵᠢᠷᠤᠭ ᠦ᠋ᠳ ᠲᠠᠶ᠋ᠢᠯᠪᠤᠷᠢ ᠵᠡᠭᠦᠯᠲᠡᠲᠡᠢ ᠪᠡᠨ ᠨᠣᠮ ᠪᠣᠯᠤᠨ ᠦᠯᠡᠲᠡᠨᠡ ᠪᠤᠢ
ᠮᠡᠲᠡᠭᠡᠵᠢ ᠲᠡᠷᠡ ᠨᠣᠮ ᠳᠤ ᠂ ᠥᠨᠥ ᠵᠤᠨ ᠨᠠᠲᠠ ᠳᠤᠷᠠᠰᠬᠠᠭᠰᠠᠨ ᠴᠢᠨᠦ ᠵᠢᠷᠤᠭ ᠬᠡᠪᠯᠡᠭᠳᠡᠨᠡ
《 ᠮᠡᠨᠲᠦᠪᠠᠶᠠᠷ ᠣᠪᠣᠭᠲᠠᠢ ᠴᠡᠷᠡᠨᠲᠣᠯᠮᠠ ᠂ ᠨᠠᠶ᠋ᠢᠷᠠᠭᠴᠢ ᠶ᠋ᠢᠨ ᠠᠮᠠᠷᠠᠭ 》 ᠬᠡᠵᠤ
ᠵᠢᠷᠤᠭ ᠦ᠋ᠨ ᠴᠢᠨᠢ ᠠᠷᠤ ᠳᠤ ᠨᠠᠢ᠍ᠮᠠᠲᠤ ᠶ᠋ᠢᠨ ᠦᠰᠦᠭ ᠶ᠋ᠢᠡᠷ ᠲᠣᠪᠴᠢ ᠲᠠᠶ᠋ᠢᠯᠪᠤᠷᠢ ᠬᠡᠪᠯᠡᠨᠡ
ᠵᠠᠭᠤᠨ ᠵᠢᠯ ᠦ᠋ᠨ ᠳᠠᠷᠠᠭᠠᠬᠢ ᠵᠢᠷᠤᠭ ᠬᠤᠸᠠᠷ ᠰᠢᠭ᠋ ᠬᠡᠦᠬᠡᠨ ᠨᠤᠭᠦᠳ ᠴᠢᠮᠠ ᠳᠤ ᠮᠢᠨᠢ ᠠᠲᠠᠭᠠᠷᠬᠠᠨᠠ ᠃
ᠠᠵᠠᠲᠠᠢ ᠬᠡᠦᠬᠡᠨ ᠪᠤᠢ ! ᠬᠡᠵᠤ ᠡᠮᠡᠭᠲᠡᠢ ᠨᠢ ᠴᠤ᠌ ᠬᠡᠯᠡᠨᠡ
ᠡᠷᠡᠭᠲᠡᠢ ᠨᠢ ᠴᠤ᠌ ᠬᠡᠯᠡᠨᠡ
ᠵᠢᠷᠤᠭ ᠊ᠢ ᠴᠢᠨᠢ ᠰᠢᠲᠦᠨᠡ
ᠠᠭᠤᠤ ᠶᠡᠬᠡ ᠬᠥᠮᠦᠨ ᠬᠡᠵᠤ ᠨᠠᠮᠠᠶ᠋ᠢ ᠲᠡᠲᠡ ᠪᠣᠲᠣᠨᠠ ᠂ ᠪᠠᠰᠠ ᠰᠢᠲᠦᠨᠡ ᠂
ᠭᠡᠪᠡᠴᠦ ᠡᠨᠡ ᠪᠡᠶᠡ ᠶ᠋ᠢ ᠮᠢᠨᠢ ᠪᠢᠴᠢᠭᠰᠡᠨ ᠰᠢᠯᠦᠭ ᠲᠡᠢ ᠪᠡᠨ
ᠠᠲᠠᠯᠢ ᠪᠠᠶ᠋ᠢᠬ᠋ᠠ ᠦᠭᠡᠢ ᠶ᠋ᠢ ᠲᠡᠲᠡ ᠮᠡᠲᠡᠬᠦ ᠦᠭᠡᠢ
ᠡᠭᠡᠯ ᠦ᠋ᠨ ᠡᠭᠡᠯ ᠂ ᠶᠠᠲᠠᠭᠤ ᠶ᠋ᠢᠨ ᠶᠠᠲᠠᠭᠤ ᠨᠢᠭᠡᠨ ᠠᠷᠠᠳ ᠶᠠᠪᠤᠭᠰᠠᠨ ᠭᠡᠵᠦ ᠲᠡᠲᠡ ᠪᠣᠲᠣᠬᠤ ᠦᠭᠡᠢ
ᠪᠠᠰᠠ ᠴᠢᠮᠠᠶ᠋ᠢ ᠠᠪᠠᠯᠢ ᠨᠥᠬᠥᠷ ᠡᠴᠡ ᠪᠡᠨ ᠰᠠᠯᠵᠤ ᠡᠰᠡ ᠵᠢᠷᠦᠬᠡᠯᠡᠨ
ᠪᠠᠲᠤᠨᠣᠷᠪᠤ ᠶ᠋ᠢᠨ ᠬᠥᠨᠲᠡᠢ ᠳᠤ ᠤᠬᠢᠯᠠᠵᠤ ᠦᠯᠡᠲᠡᠵᠦ ᠶᠠᠪᠤᠭᠰᠠᠨ
ᠵᠣᠪᠠᠯᠠᠩᠲᠠᠨ ᠬᠡᠵᠤ ᠲᠡᠲᠡ ᠢᠲᠡᠭᠡᠬᠦ ᠦᠭᠡᠢ
ᠡᠮᠡᠭᠲᠡᠢ ᠨᠢ ᠨᠥᠬᠥᠷ ᠲᠡᠭᠡᠨ ᠵᠣᠲᠣᠭᠤᠯᠵᠤ
ᠡᠷᠡᠭᠲᠡᠢ ᠨᠢ ᠴᠠᠭ ᠦᠶᠡ ᠳ᠋ᠡᠭᠡᠨ ᠵᠣᠲᠣᠭᠤᠯᠤᠭᠰᠠᠨ ᠶᠠᠲᠠᠭᠤ ᠬᠣᠣᠰ
ᠡᠨᠡ ᠵᠠᠭᠤᠨ ᠳᠤ ᠤᠬᠢᠯᠠᠵᠤ ᠶᠠᠪᠤᠭᠰᠠᠨ ᠊ᠢ ᠮᠠᠨᠢ ᠢᠷᠡᠬᠦ ᠵᠠᠭᠤᠨ ᠳᠤ ᠮᠡᠲᠡᠬᠦ ᠦᠭᠡᠢ
ᠲᠡᠲᠡᠨ ᠊ᠢ ᠮᠡᠲᠡᠬᠦ ᠨᠢ ᠡᠨᠡ ᠬᠣᠶᠠᠷ ᠴᠦ᠍ ᠶᠣᠰᠣᠲᠠᠢ ᠵᠢᠷᠭᠠᠭᠰᠠᠨ ᠳ᠋ᠠ ᠬᠡᠵᠤ ᠱᠠᠭᠰᠢᠨᠠ
ᠲᠡᠷᠡ ᠨᠢ ᠳᠡᠭᠡᠷᠡ ᠂ ᠪᠦᠲᠦᠭᠡᠯᠴᠢ ᠶ᠋ᠢᠨ ᠵᠣᠪᠠᠯᠠᠩ ᠶ᠋ᠢᠠᠷ ᠪᠦᠲᠦᠭᠡᠯ ᠦ᠋ᠨ ᠵᠢᠷᠭᠠᠯ ᠣᠯᠲᠠᠲᠠᠭ ᠶᠤᠮ
ᠬᠠᠷᠢᠨ ᠴᠢ ᠪᠢᠲᠡ ᠬᠣᠶᠠᠷ ᠲᠦᠮᠡ ᠥᠭᠭᠦᠭᠰᠡᠨ ᠭᠠᠭᠴᠠ ᠵᠢᠷᠭᠠᠯ ᠪᠣᠯ
ᠬᠠᠷᠠᠩᠭᠤᠢ ᠫᠸᠩ ᠂ ᠠᠯᠲᠠ ᠬᠦᠷᠬᠦ ᠦᠭᠡᠢ ᠭᠡᠷ ᠲᠤ
ᠳᠡᠯᠢᠮ ᠬᠦᠷᠬᠦ ᠦᠭᠡᠢ ᠮᠣᠲᠣᠨ ᠣᠷᠣ
ᠭᠤᠴᠢᠨ ᠭᠤᠷᠪᠠᠨ ᠬᠣᠨᠣᠭ ᠪᠢᠯᠡ ᠃
1974.10.13
《 ᠷ · ᠴᠣᠶ᠋ᠢᠨᠣᠮ ᠦ᠋ᠨ ᠰᠢᠯᠦᠭ ᠵᠣᠬᠢᠶᠠᠯ ᠬᠤᠷᠢᠶᠠᠬᠤᠢ — 》
— ᠤᠶᠠᠩᠬ᠋ᠠ ᠶ᠋ᠢᠨ ᠰᠢᠯᠦᠭ ᠡᠴᠡ ᠬᠠᠭᠤᠯᠪᠠ ᠃
ᠪᠢ · ᠳᠠᠮᠳᠢᠨᠰᠦ᠋ᠷᠦᠩ ᠡᠮᠬᠢᠤᠠᠬᠡᠨ ᠨᠠᠶ᠋ᠢᠷᠠᠭᠤᠯᠪᠠ
ᠬᠠᠷᠢᠭᠤᠴᠠᠭᠰᠠᠨ ᠨᠠᠶ᠋ᠢᠷᠠᠭᠤᠯᠤᠭᠴᠢ ᠄ ᠪᠣᠷᠤᠨᠤᠳ ᠳᠣᠷᠵᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠴᠣᠭᠵᠢᠷᠭᠠᠯ
ᠬᠢᠨᠠᠭᠴᠢ ᠄ ᠣᠳᠬᠠᠨᠰᠣᠠ ᠂ ᠭᠠᠷᠮᠠ