ᠬᠡᠦᠬᠡᠳ ᠨᠠᠰᠤᠨ ᠪ ᠤᠶᠠᠩᠬ᠋ᠠ - ᠭᠦᠷᠵᠠᠪ Хүүхэд насны уянга – Гүржав
348ᠬᠡᠦᠬᠡᠳ ᠨᠠᠰᠤᠨ ᠪ ᠤᠶᠠᠩᠬ᠋ᠠ
ᠭᠦᠷᠵᠠᠪ
ᠬᠣᠷᠸ᠋ᠠ ᠳᠤ ᠤᠨᠠᠵᠤ ᠢᠷᠡᠭᠰᠡᠨ
ᠪᠡᠶᠡ ᠮᠢᠨᠢ ᠬᠡᠦᠬᠡᠳ
ᠬᠣᠨᠢᠨ ᠳᠤ ᠤᠬᠢᠯᠠᠵᠤ ᠶᠠᠪᠤᠭᠰᠠᠨ
ᠨᠠᠰᠤ ᠮᠢᠨᠢ ᠬᠡᠦᠬᠡᠳ
ᠬᠣᠩᠬᠣᠷ ᠲᠤ ᠲᠣᠭᠯᠠᠵᠤ ᠪᠠᠷᠢᠬᠰᠠᠨ
ᠨᠠᠭᠠᠲᠤᠮ ᠮᠢᠨᠢ ᠬᠡᠦᠬᠡᠳ
ᠬᠣᠯᠠ ᠳᠤ ᠵᠠᠶ᠋ᠢᠯᠠᠵᠤ ᠮᠣᠷᠲᠠᠭᠰᠠᠨ
ᠤᠬᠠᠭᠠᠨ ᠮᠢᠨᠢ ᠬᠡᠦᠬᠡᠳ
ᠬᠥᠮᠦᠨ ᠳᠤ ᠶᠠᠷᠢᠵᠤ ᠰᠠᠭᠤᠬᠤ
ᠵᠣᠭᠣᠭ ᠮᠢᠨᠢ ᠬᠡᠦᠬᠡᠳ
ᠬᠦᠷᠢᠶᠡᠨ ᠳᠤ ᠵᠢᠷᠭᠢᠵᠦ ᠰᠣᠯᠣᠩᠭᠠᠷᠠᠬᠤ
ᠪᠠᠶᠠᠰᠤᠯ ᠮᠢᠨᠢ ᠬᠡᠦᠬᠡᠳ
ᠬᠦᠰᠡᠯᠡᠩ ᠳᠤ ᠪᠠᠤᠠᠮᠠᠯᠠᠵᠤ ᠳᠡᠯᠭᠡᠷᠡᠬᠦ
ᠴᠡᠴᠡᠭ ᠮᠢᠨᠢ ᠬᠡᠦᠬᠡᠳ
ᠬᠦᠰᠢᠶᠡᠨ ᠳᠤ ᠪᠠᠬᠠᠷᠬᠠᠵᠤ ᠵᠡᠭᠦᠯᠭᠡᠬᠦ
ᠮᠧᠲᠠᠯ ᠮᠢᠨᠢ ᠬᠡᠦᠬᠡᠳ
ᠥᠨᠲᠥᠷ ᠲᠤ ᠡᠷᠭᠦᠵᠦ ᠮᠠᠨᠲᠤᠭᠤᠯᠬᠤ
ᠲᠤᠭ ᠮᠢᠨᠢ ᠬᠡᠦᠬᠡᠳ
ᠡᠲᠦᠷᠵᠢᠨ ᠵᠠᠰᠠᠵᠤ ᠪᠣᠯᠪᠠᠰᠤᠷᠠᠭᠤᠯᠬᠤ
ᠳᠠᠰᠬᠠᠯ ᠮᠢᠨᠢ ᠬᠡᠦᠬᠡᠳ
ᠥᠲᠡᠯᠲᠡᠯᠡ ᠪᠡᠨ ᠤᠩᠰᠢᠵᠤ ᠨᠢᠲᠦᠯᠡᠬᠦ
ᠰᠤᠲᠤᠷ ᠮᠢᠨᠢ ᠬᠡᠦᠬᠡᠳ ᠁
ᠬᠡᠦᠬᠡᠳ ᠲᠤ ᠪᠢ
ᠤᠬᠠᠭᠠᠨ ᠦᠭᠡᠢ ᠬᠠᠶ᠋ᠢᠷᠠᠲᠠᠢ ᠡ
ᠬᠦᠴᠦ ᠪᠡᠨ ᠶᠡᠭᠦᠯᠡᠬᠦ
ᠰᠡᠵᠢᠭ ᠦᠭᠡᠢ ᠰᠡᠤᠠᠬᠢᠯ ᠲᠡᠢ ᠡ
ᠬᠥᠯᠥᠰᠥᠨ ᠴᠡᠩᠬᠡᠷ ᠳᠤᠰᠤᠯ ᠦ᠋ᠳ ᠮᠢᠨᠢ ᠠ᠋
ᠬᠡᠦᠬᠡᠳ ᠦ᠋ᠨ ᠲᠥᠯᠥᠭᠡ
ᠪᠥᠮᠪᠥᠷᠢᠨ ᠪᠥᠮᠪᠥᠷᠢᠭᠡᠰᠡᠢ
ᠬᠥᠮᠦᠨ ᠪ ᠠᠯᠲᠠᠨ ᠤᠬᠠᠭᠠᠨ ᠮᠢᠨᠢ ᠠ᠋
ᠬᠡᠦᠬᠡᠳ ᠦ᠋ᠨ ᠥᠭᠡᠲᠡ ᠡᠴᠡ
ᠠᠯᠠᠬ᠋ᠠ ᠪᠠᠨ ᠡᠭᠦᠷᠢᠲᠡ ᠲᠠᠰᠢᠭᠠᠰᠠᠢ !
ᠭᠦᠷᠵᠠᠪ ᠤᠨ ᠵᠤᠬᠢᠶᠠᠭᠰᠠᠨ < ᠬᠡᠤᠭᠡᠳ ᠨᠠᠰᠤ ᠰᠠᠶ᠋ᠢᠬᠠᠨ > ᠡᠴᠡ ᠰᠤᠩᠭᠤᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ ᠬᠡᠪᠯᠡᠭᠦᠯᠪᠡ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠦ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠦ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠪᠣᠷᠭᠢᠯ
ᠦᠰᠦᠭ ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
2023 ᠣᠨ ᠪ3 ᠰᠠᠷᠠ ᠶ᠋ᠢᠨ8 ᠪ ᠡᠲᠦᠷ ᠃