ᠬᠡᠪᠯᠡᠭᠳᠡᠭᠡ ᠦᠭᠡᠢ ᠨᠣᠮ ᠤᠳ – ᠬᠤᠨᠲᠤᠨ ᠪᠠᠭᠠᠲᠤᠷ Хэвлэгдээгүй номууд – хунтун баатар
265ᠬᠡᠪᠯᠡᠭᠳᠡᠭᠡ ᠦᠭᠡᠢ ᠨᠣᠮ ᠤᠳ
ᠬᠣᠨᠳᠣᠨ ᠪᠠᠭᠠᠲᠤᠷ
ᠬᠡᠪᠯᠡᠭᠳᠡᠭᠡ ᠦᠭᠡᠢ ᠦᠨᠡᠲᠦ ᠨᠣᠮ᠂ ᠨᠠᠰᠤᠲᠠᠢ ᠪᠤᠭᠤᠷᠤᠯᠴᠤᠳ ᠮᠢᠨᠢ
ᠬᠥᠳᠡᠭᠡ ᠨᠤᠲᠤᠭ ᠢᠶᠠᠷ ᠮᠢᠨᠢ ᠡᠳᠦᠷ ᠡᠴᠡ ᠡᠳᠦᠷ ᠴᠦᠬᠡᠷᠡᠵᠦ ᠯᠠ ᠪᠠᠢᠨᠠ
ᠬᠥᠷᠵᠡᠢᠵᠦ ᠪᠠᠷᠵᠠᠢᠭᠰᠠᠨ ᠨᠢᠭᠤᠷ ᠤᠨ ᠬᠢᠨᠢ ᠠᠲᠤᠷᠢᠶᠠ ᠪᠦᠷᠢ ᠳᠤ ᠨᠢ
ᠬᠥᠮᠦᠨ ᠤ ᠠᠮᠢᠳᠤᠷᠠᠯ ᠤᠨ ᠡᠯᠳᠡᠪ ᠨᠢᠭᠤᠴᠠ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠢᠳᠠᠭ
ᠠᠯᠠᠭ ᠬᠣᠷᠸᠠ ᠬᠠᠢᠷᠠ ᠨᠠᠢᠷ ᠦᠭᠡᠢ ᠰᠢᠦ ᠠᠪᠤᠭᠠᠳ ᠶᠠᠪᠤᠴᠢᠬᠠᠨᠠ᠂ ᠲᠠᠨᠥᠰ ᠢ ᠮᠢᠨᠢ
ᠠᠯᠳᠠᠭᠠ ᠣᠨᠥᠭᠠ ᠲᠠᠢ ᠲᠡᠦᠬᠡ ᠵᠢ ᠨᠢ ᠠᠯᠳᠠᠬᠤ ᠡᠴᠡ ᠪᠠᠨ ᠡᠮᠦᠨᠡ
ᠠᠮᠵᠢᠵᠦ ᠤᠩᠰᠢᠭᠠᠷᠠᠢ ᠬᠥᠮᠥᠰ ᠮᠢᠨᠢ
ᠪᠢᠴᠢᠭᠳᠡᠭᠡ ᠦᠭᠡᠢ ᠬᠣᠪᠣᠷ ᠨᠣᠮ᠂ ᠨᠤᠲᠤᠭ ᠤᠨ ᠬᠡᠳᠦᠨ ᠲᠣᠮᠣᠭᠠᠲᠡᠳ ᠮᠢᠨᠢ
ᠪᠢᠳᠡᠨ ᠤ ᠬᠠᠵᠠᠭᠣᠲᠠ ᠡᠭᠦᠷᠢᠲᠡ ᠮᠥᠩᠬᠡᠷᠡᠬᠦ ᠦᠭᠡᠢ ᠨᠢ ᠶᠢᠷᠲᠢᠨᠴᠤ ᠶᠢᠨ ᠵᠢᠮᠡ ᠪᠢᠯᠡ
ᠪᠢᠷ ᠴᠠᠭᠠᠰᠤ ᠪᠡᠷ ᠪᠢᠰᠢ ᠲᠤᠭᠤᠯᠵᠤ ᠥᠩᠭᠡᠷᠡᠭᠦᠯᠦᠭᠰᠡᠨ ᠪᠣᠳᠠᠲᠤ ᠠᠮᠢᠳᠤᠷᠠᠯ ᠢᠶᠠᠷ ᠢᠶᠠᠨ
ᠪᠢᠯᠢᠭ ᠣᠶᠣᠨ ᠢ ᠲᠥᠯᠵᠢᠭᠦᠯᠦᠭᠴᠢ ᠨᠢᠭᠡᠨ ᠪᠣᠳᠢ ᠷᠣᠮᠠᠨ ᠪᠢᠯᠡ᠂ ᠨᠠᠰᠥᠲᠠᠳ ᠮᠢᠨᠢ
ᠪᠤᠶᠠᠨ ᠵᠢᠷᠭᠠᠯ ᠢᠶᠠᠨ ᠦᠷᠡ ᠬᠣᠢᠴᠢ ᠳᠤ ᠪᠠᠨ ᠵᠦᠩᠨᠡᠵᠦ ᠦᠯᠡᠳᠡᠭᠡᠭᠡᠳ
ᠪᠤᠷᠬᠠᠨ ᠤ ᠣᠷᠣᠨ ᠳᠤ ᠨᠢᠭᠡ ᠯᠠ ᠮᠡᠳᠡᠬᠦ ᠳᠤ ᠶᠠᠪᠤᠴᠢᠬᠠᠨᠠ ᠰᠢᠦ᠂ ᠡᠪᠦᠭᠡᠳ ᠮᠢᠨᠢ
ᠪᠤᠴᠠᠰᠢ ᠦᠭᠡᠢ ᠮᠣᠷᠳᠠᠬᠤ ᠡᠴᠡ ᠨᠢ ᠡᠮᠦᠨᠡ ᠵᠠᠪᠳᠤᠵᠤ ᠢᠯᠡᠭᠦᠬᠡᠨ ᠤᠩᠰᠢᠶᠠ᠂ ᠠᠮᠢᠳᠤ ᠨᠣᠮ ᠢᠶᠠᠨ
︽ᠠᠯᠲᠠᠨ ᠬᠠᠭᠤᠳᠠᠰᠤᠨ ᠳᠤ ᠴᠤ᠌ ᠲᠡᠮᠲᠡᠭᠯᠡᠭᠳᠡᠭᠡ ᠦᠭᠡᠢ ᠵᠦᠢᠯ ᠢ
ᠠᠷᠤᠭ ᠡᠭᠦᠷᠦᠭᠰᠡᠨ ᠴᠢᠪᠠᠭᠠᠨᠴᠠ ᠶᠢᠨ ᠠᠮᠠᠨ ᠡᠴᠡ ᠰᠣᠨᠣᠰᠤᠯᠠ︾ ᠭᠡᠵᠦ
ᠠᠪᠢᠶᠠᠰᠯᠢᠭ ᠨᠠᠢᠷᠠᠭ᠍ᠴᠢ ᠷᠢᠨᠴᠢᠨ ᠤ ᠴᠣᠢᠨᠣᠮ ᠤᠨ ᠪᠢᠴᠢᠵᠦ ᠦᠯᠡᠳᠡᠭᠡᠭᠰᠡᠨ ᠨᠢ
ᠠᠷᠭᠠ ᠦᠭᠡᠢ ᠯᠠ ᠦᠨᠡᠨ ᠭᠡᠳᠡᠭ ᠢ ᠠᠮᠢᠳᠤᠷᠠᠯ ᠭᠡᠷᠡᠴᠢᠯᠡᠳᠡᠭ ᠢ ᠤᠬᠠᠭᠠᠷᠠᠶᠠ
ᠠᠯᠳᠠᠷ ᠨᠡᠷᠡ ᠨᠢ ᠬᠣᠷᠸᠠ ᠳᠤ ᠬᠣᠷᠣᠮ ᠦᠯᠡᠳᠡᠭᠡᠳ᠂ ᠬᠦᠭᠡᠷᠦᠬᠦᠢ ᠪᠤᠭᠤᠷᠤᠯ ᠦᠳ ᠮᠢᠨᠢ
ᠠᠷᠤ ᠠᠷᠤ ᠡᠴᠡ ᠪᠠᠨ ᠴᠣᠪᠣᠷᠠᠵᠦ ᠣᠲᠣᠨᠠ ᠰᠢᠦ᠂ ᠴᠢᠰᠤᠨ ᠳᠤ ᠪᠠᠨ ᠰᠢᠩᠭᠡᠭᠡᠵᠦ ᠤᠩᠰᠢᠶᠠ᠂
ᠬᠠᠮᠳᠣ ᠳᠤ ᠪᠠᠨ
ᠨᠢᠭᠡ ᠤᠬᠠᠭᠠᠯᠢᠭ ᠨᠤᠲᠤᠭ ᠤᠨ ᠪᠤᠭᠤᠷᠤᠯ ᠮᠢᠨᠢ ᠬᠠᠯᠢᠨ ᠣᠳᠬᠤ ᠨᠢ
ᠨᠢᠭᠡᠨ ᠪᠣᠳᠢ ᠭᠠᠢᠬᠠᠮᠰᠢᠭ᠍ᠲᠤ ᠨᠣᠮ ᠤᠷᠠᠭᠳᠠᠭᠰᠠᠨ ᠲᠠᠢ ᠡᠭᠡᠭᠡ ᠠᠳᠠᠯᠢ
ᠬᠠᠲᠠᠭᠤ ᠣᠷᠴᠢᠯᠠᠩ ᠤᠨ ᠬᠠᠯᠠ ᠦᠵᠡᠵᠦ᠂ ᠠᠮᠢᠳᠤᠷᠠᠯ ᠲᠤᠭᠤᠯᠤᠭᠰᠠᠨ
ᠬᠠᠮᠤᠭ ᠡᠴᠡ ᠦᠨᠡᠲᠦ ᠨᠣᠮ᠂ ᠨᠤᠲᠤᠭ ᠤᠨ ᠬᠡᠳᠦᠨ ᠪᠤᠭᠤᠷᠤᠯᠴᠤᠳ ᠢᠶᠠᠨ
ᠬᠠᠢᠷᠠᠯᠠᠵᠦ ᠬᠦᠨᠳᠦᠳᠭᠡᠨ ᠬᠠᠯᠠᠰᠢᠷᠠᠯ ᠦᠭᠡᠢ ᠢᠯᠡᠭᠦᠬᠡᠨ ᠤᠩᠰᠢᠶᠠ᠂
ᠬᠠᠢᠷᠠ ᠰᠢᠮᠡ ᠶᠢ ᠨᠢ ᠬᠦᠷᠲᠡᠨ ᠪᠠᠢᠵᠦ ᠳᠠᠬᠢᠨ ᠳᠠᠬᠢᠨ ᠤᠩᠰᠢᠶᠠ ᠬᠥᠮᠥᠰ ᠮᠢᠨᠢ᠃
2020.4.23 ᠨᠣᠮ ᠤᠩᠰᠢᠬᠤ ᠡᠳᠦᠷ ᠲᠦ ᠵᠣᠷᠢᠭᠤᠯᠪᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ: ᠰᠣᠪᠣᠳ
ᠬᠢᠨᠠᠭ᠍ᠴᠢ: ᠲᠤᠭ᠍ᠴᠢ ᠰᠠᠷᠠᠨᠠ