ᠠᠭᠤᠯᠠ – ᠭᠦᠷᠵᠠᠪ Уул – Гүржав
293ᠠᠭᠤᠯᠠ
ᠭᠦᠷᠵᠠᠪ
ᠠᠭᠤᠯᠠ — ᠲᠠᠯᠠ ᠶ᠋ᠢᠨ ᠲᠦᠰᠢᠭ
ᠤᠤᠬᠢᠬᠤ ᠰᠠᠯᠬᠢ ᠂ ᠬᠠᠤᠭᠢᠬᠤ ᠰᠢᠭᠤᠷᠬ᠋ᠠ ᠶ᠋ᠢ
ᠤᠬᠤᠷᠢᠭᠤᠯᠵᠤ ᠬᠣᠷᠢᠬᠯᠠᠭᠴᠢ ᠬᠦᠴᠦᠲᠦ ᠡᠷᠡ
ᠤᠷᠪᠠᠬᠤ ᠲᠩᠷᠢ ᠂ ᠣᠩᠬᠣᠯᠢᠬᠤ ᠳᠡᠯᠡᠬᠡᠢ ᠶ᠋ᠢ
ᠲᠤᠯᠤᠨ ᠲᠣᠭᠲᠠᠭᠠᠭᠴᠢ ᠲᠤᠯᠭᠠᠭᠤᠷᠢ ᠂ ᠲᠡᠩᠬᠡᠯᠢᠭ
ᠠᠭᠤᠯᠠ — ᠲᠠᠯᠠ ᠶ᠋ᠢᠨ ᠲᠦᠰᠢᠭ
ᠠᠭᠤᠯᠠ — ᠤᠵᠠᠭᠤᠷ ᠦ᠋ᠨ ᠲᠡᠦᠬᠡ
ᠤᠰᠤ ᠰᠢᠷᠭᠢᠵᠦ ᠂ ᠬᠥᠷᠥᠰᠥ ᠬᠠᠲᠠᠵᠤ
ᠤᠷᠭᠤᠮᠠᠯ ᠳᠠᠷᠤᠭᠳᠠᠵᠤ ᠂ ᠪᠣᠲᠠᠰ ᠪᠤᠯᠠᠭᠲᠠᠵᠤ
ᠤᠲᠠᠭᠠᠨ ᠣᠨ — ᠤᠨᠲᠠᠭᠰᠠᠭᠠᠷ ᠂ ᠬᠡᠪᠲᠡᠭᠰᠡᠭᠡᠷ
ᠤᠷᠭᠤᠨ ᠴᠢᠯᠠᠭᠤᠵᠢᠬᠰᠠᠨ
ᠤᠵᠠᠭᠤᠷ ᠦ᠋ᠨ ᠲᠡᠦᠬᠡ
ᠠᠭᠤᠯᠠ — ᠤᠬᠠᠭᠠᠨ ᠪ ᠳᠥᠷᠥᠭᠡ
ᠤᠶᠠᠩᠭᠠᠷᠠᠵᠤ ᠵᠢᠷᠭᠢᠬᠦ ᠨᠢᠯᠬᠠ ᠪᠣᠲᠣᠯ ᠦ᠋ᠨ ᠮᠢᠨᠢ
ᠣᠭᠲᠠᠷᠭᠤᠢ ᠳᠤ ᠭᠠᠷᠬᠤ ᠂ ᠣᠷᠴᠢᠯᠠᠩ ᠊ᠢ ᠬᠠᠶ᠋ᠢᠬᠤ
ᠣᠲᠣᠨ ᠳᠤ ᠬᠦᠷᠬᠦ — ᠣᠩᠭᠢᠴᠢᠵᠤ ᠠᠭᠤᠲᠠᠯᠬᠤ
ᠠᠩᠬᠠᠨ ᠪ ᠱᠠᠲᠤ ᠂ ᠠᠰᠬᠠᠨ ᠲᠡᠭᠳᠡᠷ
ᠠᠭᠤᠯᠠ — ᠤᠬᠠᠭᠠᠨ ᠪ ᠳᠥᠷᠥᠭᠡ
ᠠᠭᠤᠯᠠ — ᠤᠬᠤᠴᠢᠯᠠᠭᠤᠰᠢᠲᠠᠢ ᠨᠢᠭᠤᠴᠠ
ᠤᠯᠠ ᠶ᠋ᠢᠨ ᠳᠣᠣᠷᠠ ᠪᠠᠨ ᠂ ᠪᠡᠯ ᠦ᠋ᠨ ᠳᠡᠭᠡᠷᠡ ᠪᠡᠨ
ᠠᠭᠤᠷᠬᠠᠢ ᠪᠤᠯᠠᠭᠲᠠᠴᠠ ᠶ᠋ᠢ ᠠᠭᠤᠯᠤᠭᠰᠠᠨ ᠂ ᠬᠠᠲᠠᠭᠠᠯᠠᠭᠰᠠᠨ
ᠤᠯᠠᠮ ᠳᠣᠲᠣᠭᠰᠢ ᠪᠠᠨ ᠂ ᠤᠨᠠᠭᠠᠨ ᠢᠷᠣᠭᠠᠷ ᠲᠠᠭᠠᠨ
ᠣᠨᠴᠠ ᠴᠤᠬᠠᠭ ᠡᠷᠲᠡᠨᠢᠰ ᠊ᠢ ᠳᠠᠯᠳᠠᠯᠠᠭᠰᠠᠨ ᠂ ᠳᠠᠷᠤᠭᠰᠠᠨ
ᠤᠬᠤᠴᠢᠯᠠᠭᠤᠰᠢᠲᠠᠢ ᠨᠢᠭᠤᠴᠠ ᠃
ᠭᠦᠷᠵᠠᠪ ᠤᠨ ᠵᠤᠬᠢᠶᠠᠭᠰᠠᠨ < ᠬᠡᠤᠭᠡᠳ ᠨᠠᠰᠤ ᠰᠠᠶ᠋ᠢᠬᠠᠨ > ᠡᠴᠡ ᠰᠤᠩᠭᠤᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ ᠬᠡᠪᠯᠡᠭᠦᠯᠪᠡ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠦ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠦ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠪᠠᠶᠠᠷᠴᠡᠴᠡᠭ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
20230307