ᠬᠡᠵᠢᠶᠡᠲᠡ ᠨᠢᠯᠬᠠ ᠦᠷᠡ - ᠭ · ᠴᠢᠩᠪᠠᠭᠠᠲᠤᠷ Хэзээд нялх үр - Г · Чинбаатар
314ᠬᠡᠵᠢᠶᠡᠲᠡ ᠨᠢᠯᠬᠠ ᠦᠷᠡ
ᠭ · ᠴᠢᠩᠪᠠᠭᠠᠲᠤᠷ
ᠨᠠᠮᠬᠠᠨ ᠨᠠᠮᠬᠠᠨ ᠳᠣᠯᠣᠭᠠᠳ ᠶ᠋ᠢᠠᠨ ᠰᠠᠨᠠᠭᠰᠠᠭᠠᠷ ᠶᠠᠪᠤᠬᠤ ᠶ᠋ᠢᠨ ᠴᠠᠭ ᠲᠤ
ᠨᠠᠮᠤᠷ ᠨᠠᠮᠤᠷ ᠦ᠋ᠨ ᠬᠢᠷᠠᠭᠤ ᠶ᠋ᠢ ᠪᠤᠭᠤᠷᠤᠯ ᠳᠤ ᠪᠣᠲᠣᠬ᠋ᠠ ᠦᠭᠡᠢ ᠶᠠᠪᠤᠯᠠ
ᠨᠠᠮᠠ ᠶ᠋ᠢ ᠰᠠᠨᠠᠨ ᠡᠩᠰᠡᠷᠡᠬᠦ ᠭᠠᠭᠴᠠᠬᠠᠨ ᠡᠵᠢ ᠳᠤ ᠪᠡᠨ ᠣᠴᠢᠬᠤᠯᠠᠷ
ᠨᠢᠯᠬᠠ ᠪᠠᠯᠴᠢᠷ ᠨᠠᠰᠤᠨ ᠳᠤ ᠪᠠᠨ ᠪᠠᠶ᠋ᠢᠬ᠋ᠠ ᠴᠦ᠍ ᠶᠤᠮ ᠰᠢᠭ᠋ ᠡᠷᠬᠡᠯᠡᠯᠡ
ᠴᠡᠩᠭᠡᠷ ᠴᠡᠩᠭᠡᠷ ᠢᠷᠭᠤᠢ ᠪᠠᠨ ᠵᠡᠭᠦᠳᠦᠯᠡᠭᠰᠡᠭᠡᠷ ᠶᠠᠪᠤᠬᠤ ᠶ᠋ᠢᠨ ᠴᠠᠭ ᠲᠦ
ᠴᠡᠴᠡᠭ ᠦ᠋ᠨ ᠨᠢᠯᠪᠤᠰᠤ ᠰᠢᠭᠦᠲᠡᠷᠢ ᠶ᠋ᠢ ᠡᠭᠰᠢᠨᠡ ᠴᠦ᠍ ᠬᠡ ᠦᠭᠡᠢ ᠪᠤᠲᠤᠯᠠ
ᠴᠢᠮᠡᠭᠡ ᠦᠭᠡᠢ ᠰᠢᠷᠦᠭᠦᠨ ᠬᠠᠷᠠᠴᠠ ᠲᠠᠢ ᠠᠪᠤ ᠪᠠᠨ ᠰᠠᠨᠠᠭᠰᠠᠭᠠᠷ ᠬᠠᠷᠢᠬᠤ ᠳ᠋ᠠᠭᠠᠨ
ᠴᠡᠭᠡᠯ ᠳ᠋ᠡᠭᠡᠨ ᠲᠤᠯᠤᠭᠰᠠᠨ ᠨᠠᠰᠤ ᠪᠠᠨ ᠮᠠᠷᠲᠠᠨ ᠪᠠᠶ᠋ᠢᠵᠤ ᠦᠨᠦᠰᠦᠭᠦᠯᠦᠯᠡ
ᠱᠠᠭᠠᠨ ᠱᠠᠭᠠᠨ ᠴᠢᠯᠠᠭᠤᠳ ᠶ᠋ᠢᠠᠨ ᠦᠭᠡᠢᠯᠡᠭᠰᠡᠭᠡᠷ ᠶᠠᠪᠤᠬᠤ ᠶ᠋ᠢᠨ ᠴᠠᠭ ᠲᠦ
ᠱᠠᠩᠲᠤ ᠶ᠋ᠢᠨ ᠭᠣᠣᠯ ᠦ᠋ᠨ ᠤᠰᠤ ᠶ᠋ᠢ ᠰᠢᠷᠭᠢᠨᠡ ᠭᠡᠵᠦ ᠰᠠᠨᠠᠬ᠋ᠠ ᠦᠭᠡᠢ
ᠰᠠᠶ᠋ᠢᠨ ᠪᠦᠬᠦᠨ ᠪ ᠦᠯᠵᠡᠢ ᠶ᠋ᠢ ᠰᠦ᠋ ᠪᠠᠨ ᠡᠷᠭᠦᠨ ᠢᠷᠦᠭᠡᠭᠰᠡᠨ
ᠰᠠᠶ᠋ᠢᠬᠠᠨ ᠡᠵᠢ ᠶ᠋ᠢᠨ ᠳᠡᠷᠭᠡᠳᠡ ᠲᠣᠮᠣᠭᠠᠵᠢᠨᠠ ᠬᠡᠵᠦ ᠴᠦ᠍ ᠪᠣᠲᠣᠬ᠋ᠠ ᠦᠭᠡᠢ
ᠬᠦᠷᠡᠩ ᠬᠦᠷᠡᠩ ᠠᠭᠤᠯᠠᠰ ᠶ᠋ᠢᠠᠨ ᠡᠷᠢᠨ ᠲᠡᠮᠡᠦᠯᠵᠦ ᠶᠠᠪᠤᠬᠤ ᠳ᠋ᠠᠭᠠᠨ
ᠬᠥᠮᠦᠨ ᠪ ᠨᠤᠲᠤᠭ ᠦ᠋ᠨ ᠰᠢᠷᠣᠢ ᠡᠴᠡ ᠨᠤᠲᠤᠭ ᠶ᠋ᠢᠠᠨ ᠯᠡ ᠭᠡᠵᠦ ᠬᠠᠷᠢᠯᠠ
ᠬᠦᠦ ᠶ᠋ᠢᠨ ᠶ᠋ᠢᠡᠨ ᠰᠠᠶ᠋ᠢᠨ ᠳᠤ ᠪᠠᠶᠠᠷᠯᠠᠭᠰᠠᠨ ᠭᠦᠲᠦᠰᠬᠡᠨ ᠠᠪᠤ ᠶ᠋ᠢᠨ ᠳᠡᠷᠭᠡᠳᠡ
ᠬᠡᠦᠬᠡᠳ ᠨᠢᠯᠬᠠ ᠨᠠᠰᠤᠨ ᠳ᠋ᠠᠭᠠᠨ ᠪᠠᠶ᠋ᠢᠬ᠋ᠠ ᠶᠤᠮ ᠰᠢᠭ᠋ ᠡᠷᠬᠡᠯᠡᠯᠡ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠪᠣᠣ ᠴᠢᠩ ᠬᠤ᠌
ᠬᠢᠨᠠᠬᠴᠢ ᠄ ᠪᠠᠯᠵᠢ