ᠵ ᠡᠷᠳᠡᠨᠢᠳᠠᠯᠠᠢ᠂ ᠫ ᠭᠡᠷᠡᠯᠲᠦ-ᠣᠳᠣ ᠳᠠᠭᠠᠷᠢᠯᠴᠠᠭᠠᠨЖ.Эрдэнэдалай, П.Гэрэлт-Од-дайралцаан
490ᠳᠠᠭᠠᠷᠢᠯᠴᠠᠭᠠ ᠬᠣᠯᠪᠣᠭᠠ
ᠬᠣᠯᠪᠣᠨ ᠳᠠᠭᠤᠯᠠᠭᠰᠠᠨ ᠨᠢ ᠄ ᠵ᠊ · ᠡᠷᠲᠡᠨᠢᠲᠠᠯᠠᠢ
ᠫ᠊ · ᠭᠡᠷᠡᠯᠲᠦ
ᠬᠥᠶᠢ ᠂ ᠴᠢ ᠬᠦᠯᠢᠶᠡᠵᠦ ᠪᠠᠢ !
ᠬᠥᠮᠦᠨ ᠦ᠌ ᠬᠡᠯᠡᠬᠦ ᠶ᠋ᠢ ᠰᠣᠨᠣᠰᠴᠤ ᠪᠠᠢ !
ᠠᠢ ᠂ ᠴᠢ ᠠᠶᠠᠳᠠᠵᠤ ᠪᠠᠢ !
ᠠᠬᠠ ᠶ᠋ᠢᠨ ᠢ᠋ᠶ᠋ᠡᠨ ᠬᠡᠯᠡᠬᠦ ᠶ᠋ᠢ ᠰᠣᠨᠣᠰᠴᠤ ᠪᠠᠢ !
ᠳᠠᠭᠠᠷᠢᠯᠴᠠᠪᠠᠯ ᠳᠠᠭᠠᠷᠢᠯᠴᠠᠶᠠ !
ᠳᠠᠯᠢᠩ ᠬᠥᠭᠡᠷᠭᠡ ᠪᠡᠨ ᠲᠠᠯᠪᠢᠯᠴᠠᠶᠠ !
ᠬᠡᠯᠡᠯᠴᠡᠪᠡᠯ ᠬᠡᠯᠡᠯᠴᠡᠶᠡ !
ᠬᠡᠲᠡ ᠬᠢᠲᠤᠭᠠ ᠪᠠᠨ ᠬᠠᠪᠢᠷᠤᠯᠴᠠᠶᠠ !
ᠵᠠ — ᠬᠦᠦ ᠮᠢᠨᠢ ᠲᠡᠶ᠋ᠢᠮᠦ ᠦᠦ ᠳᠡ !
ᠪᠠᠷᠠᠭᠤᠨ ᠭᠣᠣᠯ ᠨᠢ ᠦᠶᠡᠷᠯᠡᠵᠡᠢ
ᠪᠠᠨᠰᠠ ᠪᠠᠷ ᠬᠥᠭᠥᠷᠭᠡ ᠲᠠᠯᠪᠢᠶᠠ !
ᠪᠠᠭᠠ ᠳᠡᠭᠦᠦ ᠮᠢᠨᠢ ᠢᠷᠡᠭᠰᠡᠨ ᠲᠤᠯᠠ
ᠰᠢᠯᠦᠭ ᠦ᠋ᠨ ᠬᠥᠭᠥᠷᠭᠡ ᠲᠠᠯᠪᠢᠶᠠ !
ᠵᠡᠭᠦᠨ ᠭᠣᠣᠯ ᠨᠢ ᠦᠶᠡᠷᠯᠡᠵᠡᠢ
ᠵᠦᠩ ᠢ᠋ᠶ᠋ᠡᠷ ᠬᠥᠭᠥᠷᠭᠡ ᠲᠠᠯᠪᠢᠶᠠ !
ᠵᠦᠢᠲᠡᠢ ᠳᠡᠭᠦᠦ ᠮᠢᠨᠢ ᠢᠷᠡᠭᠰᠡᠨ ᠲᠤᠯᠠ
ᠰᠢᠯᠦᠭ ᠦ᠋ᠨ ᠬᠥᠭᠥᠷᠭᠡ ᠲᠠᠯᠪᠢᠶᠠ !
ᠵᠤᠷᠠᠮᠠ ᠶ᠋ᠢᠨ ᠲᠠᠨᠢ ᠨᠦᠬᠡᠨ ᠳ᠋ᠦ᠍ ᠨᠢ
ᠵᠢᠷᠭᠤᠭᠠᠨ ᠰᠠᠯᠠᠭᠠ ᠪᠠᠶ᠋ᠢᠨᠠ ᠤᠤ ᠳᠠ ?
ᠵᠤᠯᠵᠠᠭᠠᠨ ᠴᠢᠨᠡᠭᠡ ᠴᠡᠭᠡᠵᠢᠨ ᠳ᠋ᠦ᠍ ᠨᠢ
ᠵᠢᠷᠭᠤᠭᠠᠨ ᠰᠢᠯᠦᠭ ᠪᠠᠶ᠋ᠢᠨᠠ ᠤᠤ ᠳᠠ ?
ᠠᠯᠠᠭᠳᠠᠭᠠᠨ ᠤ᠋ ᠨᠦᠬᠡᠨ ᠳ᠋ᠦ᠍ ᠨᠢ
ᠠᠷᠪᠠᠨ ᠰᠠᠯᠠᠭᠠ ᠪᠠᠶ᠋ᠢᠨᠠ ᠤᠤ ᠳᠠ ?
ᠠᠪᠤ ᠴᠢᠨᠦ ᠴᠡᠭᠡᠵᠢᠨ ᠳ᠋ᠦ᠍ ᠨᠢ
ᠠᠷᠪᠠᠨ ᠰᠢᠯᠦᠭ ᠪᠠᠶ᠋ᠢᠨᠠ ᠤᠤ ᠳᠠ ?
ᠵᠠ — ᠬᠦᠦ ᠮᠢᠨᠢ ᠲᠡᠶ᠋ᠢᠮᠦ ᠦᠦ ᠳᠡ !
ᠰᠠᠷᠠ ᠶ᠋ᠢ ᠬᠠᠷᠪᠤᠭᠠᠳ ᠠᠯᠳᠠᠪᠠᠯ
ᠰᠠᠭᠠᠳᠠᠭ ᠪᠠᠷᠢᠭᠠᠳ ᠶᠠᠭᠤ ᠬᠢᠨᠡ ?
ᠴᠢᠮᠠ ᠲᠠᠢ ᠬᠡᠯᠡᠯᠴᠡᠭᠡᠳ ᠭᠠᠷᠲᠠᠬᠤ ᠶᠤᠮ ᠪᠣᠯ
ᠰᠢᠯᠦᠭ ᠬᠣᠯᠪᠣᠭᠠᠳ ᠶᠠᠭᠤ ᠬᠢᠨᠡ ?
ᠮᠡᠯᠡᠬᠡᠢ ᠬᠠᠷᠪᠤᠭᠠᠳ ᠠᠯᠳᠠᠪᠠᠯ ᠳᠠ
ᠮᠡᠷᠭᠡᠨ ᠪᠠᠶ᠋ᠢᠭᠠᠳ ᠶᠠᠭᠤ ᠬᠢᠨᠡ ?
ᠮᠥᠨᠥᠬᠡᠨ ᠴᠢᠮᠠ ᠳ᠋ᠤ᠌ ᠠᠯᠳᠠᠬᠤ ᠶᠤᠮ ᠪᠣᠯ
ᠰᠢᠯᠦᠭ ᠬᠣᠯᠪᠣᠭᠠᠳ ᠶᠠᠭᠤ ᠬᠢᠨᠡ ?
ᠠᠷᠪᠠᠨ ᠲᠠᠪᠤᠨ ᠤ᠋ ᠰᠠᠷᠠ ᠶ᠋ᠢ ᠨᠢ
ᠠᠷᠤ ᠳᠡᠭᠡᠷᠡ ᠭᠠᠷᠲᠠᠯᠠ ᠬᠡᠯᠡᠯᠴᠡᠶᠡ !
ᠠᠳᠤᠭᠤ ᠦᠬᠡᠷ ᠬᠣᠶᠠᠷ ᠊ᠢ ᠨᠢ
ᠪᠡᠯᠴᠢᠭᠡᠷ ᠲᠦ᠍ ᠭᠠᠷᠲᠠᠯᠠ ᠬᠡᠯᠡᠯᠴᠡᠶᠡ !
ᠬᠣᠷᠢᠨ ᠲᠠᠪᠤᠨ ᠤ᠋ ᠰᠠᠷᠠ ᠶ᠋ᠢ ᠪᠡᠨ
ᠬᠣᠶ᠋ᠢᠨᠠ ᠠ᠋ᠴᠠ ᠭᠠᠷᠲᠠᠯᠠ ᠬᠡᠯᠡᠯᠴᠡᠶᠡ !
ᠬᠣᠨᠢ ᠢᠮᠠᠭᠠ ᠬᠣᠶᠠᠷ ᠊ᠢ ᠪᠡᠨ
ᠪᠡᠯᠴᠢᠭᠡᠷ ᠲᠦ᠍ ᠭᠠᠷᠲᠠᠯᠠ ᠬᠡᠯᠡᠯᠴᠡᠶᠡ !
ᠵᠠ — ᠬᠦᠦ ᠮᠢᠨᠢ ᠲᠡᠶ᠋ᠢᠮᠦ ᠦᠦ ᠳᠡ !
ᠭᠦᠨ ᠨᠠᠭᠤᠷ ᠤ᠋ᠨ ᠤᠰᠤᠨ ᠳ᠋ᠤ᠌ ᠨᠢ
ᠭᠥᠯᠢᠮ ᠦ᠋ᠨ ᠦᠵᠦᠭᠦᠷ ᠠᠪᠲᠠᠭᠠ ᠦᠭᠡᠢ
ᠭᠦᠶᠦᠭᠡᠳ ᠢᠷᠡᠭᠰᠡᠨ ᠴᠢᠮᠠ ᠮᠠᠭᠤ ᠳ᠋ᠤ᠌
ᠰᠢᠯᠦᠭ ᠦ᠋ᠨ ᠦᠵᠦᠭᠦᠷ ᠠᠪᠲᠠᠭᠠ ᠦᠭᠡᠢ
ᠲᠣᠬᠣᠢ ᠲᠣᠭᠣᠷᠢᠮ ᠤᠰᠤᠨ ᠳ᠋ᠤ᠌ ᠨᠢ
ᠲᠣᠬᠣᠮ ᠤ᠋ᠨ ᠦᠵᠦᠭᠦᠷ ᠠᠪᠲᠠᠭᠠ ᠦᠭᠡᠢ
ᠲᠣᠭᠯᠠᠭᠠᠳ ᠢᠷᠡᠭᠰᠡᠨ ᠴᠢᠮᠠ ᠮᠠᠭᠤ ᠳ᠋ᠤ᠌
ᠰᠢᠯᠦᠭ ᠦ᠋ᠨ ᠦᠵᠦᠭᠦᠷ ᠠᠪᠲᠠᠭᠠ ᠦᠭᠡᠢ
ᠭᠡᠭᠦᠦ ᠮᠣᠷᠢ ᠶ᠋ᠢ ᠤᠨᠤᠭᠠᠳ
ᠬᠥᠪᠡᠭᠡ ᠳᠠᠪᠠᠭᠤᠯᠵᠤ ᠴᠢᠳᠠᠨᠠ ᠤᠤ ᠳᠠ ?
ᠭᠦᠵᠡᠭᠡᠨ ᠲᠣᠯᠣᠭᠠᠶ᠋ᠢᠯᠠᠵᠤ ᠢᠷᠡᠴᠢᠬᠡᠭᠡᠳ
ᠨᠠᠳᠠ ᠲᠠᠢ ᠬᠡᠯᠡᠯᠴᠡᠵᠦ ᠪᠠᠷᠠᠬᠤ ᠤᠤ ᠳᠠ ?
ᠳᠠᠭᠠᠨ ᠮᠣᠷᠢ ᠶ᠋ᠢ ᠤᠨᠤᠭᠠᠳ ᠴᠢ
ᠳᠠᠪᠠᠭᠠ ᠳᠠᠪᠠᠭᠤᠯᠵᠤ ᠴᠢᠳᠠᠬᠤ ᠤᠤ ᠳᠠ ?
ᠳᠠᠪᠤᠰᠠᠩ ᠤ᠋ᠨ ᠲᠣᠯᠣᠭᠠᠶ᠋ᠢᠯᠠᠵᠤ ᠢᠷᠡᠴᠢᠬᠡᠭᠡᠳ
ᠨᠠᠳᠠ ᠲᠠᠢ ᠬᠡᠯᠡᠯᠴᠡᠵᠦ ᠴᠢᠳᠠᠬᠤ ᠤᠤ ᠳᠠ ?
ᠵᠠ — ᠬᠦᠦ ᠮᠢᠨᠢ ᠲᠡᠶ᠋ᠢᠮᠦ ᠦᠦ ᠳᠡ !
ᠣᠭᠣᠨᠣ ᠭᠦᠶᠦᠭᠡᠳ ᠢᠷᠡᠪᠡᠯ
ᠣᠷᠣᠨ ᠊ᠢ ᠨᠢ ᠵᠢᠭᠠᠭᠠᠳ ᠥᠭᠭᠦᠶᠡ ᠳᠡ !
ᠣᠷᠣᠣᠯᠠᠩ ᠭᠦᠶᠦᠭᠡᠳ ᠢᠷᠡᠪᠡᠯ
ᠴᠢᠮᠠ ᠳ᠋ᠤ᠌ ᠵᠢᠭᠠᠭᠠᠳ ᠥᠭᠭᠦᠶᠡ ᠳᠡ !
ᠵᠡᠭᠡᠷᠡ ᠭᠦᠶᠦᠭᠡᠳ ᠢᠷᠡᠪᠡᠯ ᠳᠠ
ᠵᠢᠮ ᠊ᠢ ᠨᠢ ᠵᠢᠭᠠᠭᠠᠳ ᠥᠭᠭᠦᠶᠡ ᠳᠡ !
ᠴᠢᠳᠬᠥᠷ ᠭᠦᠶᠦᠭᠡᠳ ᠢᠷᠡᠪᠡᠯ ᠳᠠ
ᠴᠢᠮᠠ ᠳ᠋ᠤ᠌ ᠵᠢᠭᠠᠭᠠᠳ ᠥᠭᠭᠦᠶᠡ ᠳᠡ !
ᠳᠡᠭᠡᠭᠦᠷ ᠭᠠᠷᠳᠠᠭ ᠭᠠᠯᠠᠭᠤᠨ ᠳ᠋ᠤ᠌ ᠨᠢ
ᠳᠡᠭᠡᠰᠦ ᠬᠠᠶᠠᠭᠠᠳ ᠬᠦᠷᠦᠨᠡ ᠦᠦ ᠳᠡ !
ᠳᠡᠪᠡᠯ ᠢ᠋ᠶ᠋ᠡᠨ ᠳᠠᠭᠠᠭᠠᠬᠤ ᠦᠭᠡᠢ ᠴᠢ ᠮᠠᠭᠤ ᠳ᠋ᠤ᠌
ᠰᠢᠯᠦᠭ ᠬᠠᠶᠠᠭᠠᠳ ᠬᠦᠷᠦᠨᠡ ᠦᠦ ᠳᠡ !
ᠤᠷᠳᠤᠭᠤᠷ ᠭᠠᠷᠳᠠᠭ ᠭᠠᠯᠠᠭᠤᠨ ᠳ᠋ᠤ᠌ ᠨᠢ
ᠤᠷᠭᠠ ᠬᠠᠶᠠᠭᠠᠳ ᠬᠦᠷᠦᠨᠡ ᠦᠦ ᠳᠡ !
ᠤᠭᠤᠴᠠ ᠪᠠᠨ ᠳᠠᠭᠠᠭᠠᠬᠤ ᠦᠭᠡᠢ ᠴᠢᠮᠠ ᠮᠠᠭᠤ
ᠨᠠᠳᠠ ᠲᠠᠢ ᠬᠡᠯᠡᠯᠴᠡᠭᠡᠳ ᠭᠠᠷᠤᠨᠠ ᠦᠦ ᠳᠡ !
ᠵᠠ — ᠬᠦᠦ ᠮᠢᠨᠢ ᠲᠡᠶ᠋ᠢᠮᠦ ᠦᠦ ᠳᠡ !
ᠡᠷᠢᠶᠡᠨ ᠡᠷᠢᠶᠡᠨ ᠡᠯᠵᠢᠭᠡ ᠴᠢᠨᠢ
ᠡᠮᠡᠭᠡᠯ ᠲᠡᠢ ᠪᠡᠨ ᠮᠡᠨᠳᠦ ᠦᠦ ᠳᠡ ︖
ᠡᠯᠵᠢᠭᠡ ᠰᠠᠭᠠᠳᠠᠭ ᠰᠠᠭᠤᠯᠠᠭᠠ ᠴᠢᠨᠢ
ᠢᠷᠣᠭᠠᠯ ᠲᠠᠢ ᠪᠠᠨ ᠮᠡᠨᠳᠦ ᠦᠦ ᠳᠡ ?
ᠨᠣᠭᠣᠭᠠᠨ ᠨᠣᠭᠣᠭᠠᠨ ᠡᠯᠵᠢᠭᠡ ᠴᠢᠨᠢ
ᠨᠣᠭᠲᠣ ᠲᠠᠢ ᠪᠠᠨ ᠮᠡᠨᠳᠦ ᠦᠦ ᠳᠡ ︖
ᠨᠣᠬᠠᠢ ᠰᠠᠭᠠᠳᠠᠭ ᠰᠠᠭᠤᠯᠠᠭᠠ ᠴᠢᠨᠢ
ᠢᠷᠣᠭᠠᠯ ᠲᠠᠢ ᠪᠠᠨ ᠮᠡᠨᠳᠦ ᠦᠦ ᠳᠡ ?
ᠵᠠ — ᠬᠦᠦ ᠮᠢᠨᠢ ᠲᠡᠶ᠋ᠢᠮᠦ ᠦᠦ ᠳᠡ !
ᠠᠭᠤᠯᠠᠨ ᠳᠡᠭᠡᠭᠦᠷ ᠶᠠᠪᠤᠳᠠᠭ
ᠤᠯᠠᠭᠠᠨ ᠬᠠᠯᠲᠠᠷ ᠬᠡᠨ ᠦ᠌ ᠬᠢ ᠪᠣᠢ ?
ᠠᠭᠤᠯᠠᠨ ᠳᠡᠭᠡᠭᠦᠷ ᠶᠠᠪᠤᠳᠠᠭ
ᠤᠯᠠᠭᠠᠨ ᠬᠠᠯᠲᠠᠷ ᠮᠠᠨ ᠤ᠋ ᠬᠢ ᠠ᠋ !
ᠤᠯᠤᠰ ᠠ᠋ᠴᠠ ᠲᠦᠷᠦᠭᠦᠯᠡᠵᠦ ᠳᠤᠤᠭᠠᠷᠳᠠᠭ
ᠲᠡᠷᠡ ᠵᠣᠯᠪᠢᠩ ᠬᠡᠨ ᠦ᠌ ᠬᠢ ᠪᠣᠢ ?
ᠤᠯᠤᠰ ᠠ᠋ᠴᠠ ᠲᠦᠷᠦᠭᠦᠯᠡᠵᠦ ᠳᠤᠤᠭᠠᠷᠳᠠᠭ
ᠲᠡᠷᠡ ᠵᠣᠯᠪᠢᠩ ᠲᠠᠨ ᠤ᠋ ᠬᠢ ᠠ᠋ !
ᠬᠠᠳᠠᠨ ᠳᠡᠭᠡᠭᠦᠷ ᠶᠠᠪᠤᠳᠠᠭ
ᠬᠠᠷᠠ ᠬᠠᠯᠲᠠᠷ ᠬᠡᠨ ᠦ᠌ ᠬᠢ ᠪᠣᠢ ?
ᠬᠠᠳᠠᠨ ᠳᠡᠭᠡᠭᠦᠷ ᠶᠠᠪᠤᠳᠠᠭ
ᠬᠠᠷᠠ ᠬᠠᠯᠲᠠᠷ ᠮᠠᠨ ᠤ᠋ ᠬᠢ ᠠ᠋ !
ᠬᠠᠮᠤᠭ ᠠ᠋ᠴᠠ ᠲᠦᠷᠦᠭᠦᠯᠡᠵᠦ ᠳᠤᠤᠭᠠᠷᠳᠠᠭ
ᠲᠡᠷᠡ ᠵᠣᠯᠪᠢᠩ ᠬᠡᠨ ᠦ᠌ ᠬᠢ ᠪᠣᠢ ?
ᠬᠠᠮᠤᠭ ᠠ᠋ᠴᠠ ᠲᠦᠷᠦᠭᠦᠦ ᠳᠤᠤᠭᠠᠷᠳᠠᠭ
ᠲᠡᠷᠡ ᠵᠣᠯᠪᠢᠩ ᠲᠠᠨ ᠤ᠋ ᠬᠢ ᠠ᠋ !
ᠣᠳᠣ ᠬᠣᠶᠠᠭᠤᠯᠠ ᠪᠠᠨ ᠪᠣᠯᠢᠶᠠ ᠳᠠ
ᠣᠯᠵᠠ ᠶ᠋ᠢᠨ ᠪᠡᠯᠭᠡ ᠲᠠᠯᠪᠢᠶᠠ ᠳᠠ
ᠲᠦᠷ ᠬᠣᠶᠠᠭᠤᠯᠠ ᠪᠠᠨ ᠪᠣᠯᠢᠶᠠ ᠳᠠ
ᠲᠦᠮᠡᠨ ᠪᠡᠯᠭᠡ ᠲᠠᠯᠪᠢᠶᠠ ᠳᠠ
ᠨᠠᠷᠠᠨ ᠳ᠋ᠤ᠌ ᠠᠳᠠᠯᠢ ᠬᠡᠷᠡᠯᠳᠦᠵᠦ ᠶᠠᠪᠤ
ᠨᠠᠪᠴᠢᠨ ᠳ᠋ᠤ᠌ ᠠᠳᠠᠯᠢ ᠳᠡᠯᠭᠡᠷᠡᠵᠦ ᠶᠠᠪᠤ
ᠨᠠᠶ᠋ᠢᠷ ᠬᠥᠷ ᠢ᠋ᠶ᠋ᠡᠷ ᠳᠦᠭᠦᠷᠴᠦ ᠶᠠᠪᠤ
ᠨᠠᠰᠤᠨ ᠦᠷᠭᠦᠯᠵᠢ ᠵᠢᠷᠭᠠᠵᠤ ᠶᠠᠪᠤᠭᠠᠷᠠᠢ !
ᠶᠠᠪᠤᠭᠠᠷᠠᠢ᠂
ᠶᠠᠪᠤᠭᠠᠷᠠᠢ᠂
ᠶᠠᠪᠤᠭᠠᠷᠠᠢ !
ᠬᠤᠷᠤᠢ !
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠮᠥᠩᠭᠥᠨᠴᠡᠴᠡᠭ
ᠦᠰᠦᠭ ᠬᠠᠲᠠᠭᠰᠠᠨ ᠨᠢ ᠄ ᠮᠥᠩᠭᠥᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ ᠄ᠮᠥᠴᠢᠷ