ᠪᠢ ᠶᠠᠭᠠᠬᠢᠨᠠ - ᠭ ᠂ ᠴᠢᠩᠪᠠᠭᠠᠲᠤᠷ Би яана - Г ᠂ Чинбаатар
492ᠪᠢ ᠶᠠᠭᠠᠬᠢᠨᠠ
ᠭ · ᠴᠢᠩᠪᠠᠭᠠᠲᠤᠷ
ᠵᠢᠭᠠᠬᠠᠨ ᠪᠠᠬ᠋ᠠ ᠶ᠋ᠢᠨ ᠨᠠᠰᠤᠨ ᠳᠤ ᠪᠠᠨ ᠡᠷᠬᠡᠯᠡᠵᠦ ᠨᠠᠭᠠᠲᠤᠭᠰᠠᠨ ᠳᠡᠨᠵᠢ
ᠵᠠᠲᠠᠭᠠᠢ ᠲᠣᠭᠣᠷᠢᠮ ᠪᠦᠷᠢᠲᠦ ᠳᠤ ᠨᠤᠷᠭᠢᠵᠤ ᠪᠠᠶ᠋ᠢᠬᠰᠠᠨ ᠰᠢᠪᠠᠭᠤᠳ
ᠠᠲᠤᠭᠤᠨ ᠪ ᠬᠥᠯᠥᠰᠥ ᠥᠨᠥᠷᠲᠦᠭᠰᠡᠨ ᠠᠭᠤᠯᠠ ᠲᠠᠯᠠ ᠶ᠋ᠢᠨ ᠰᠠᠯᠬᠢ
ᠠᠯᠲᠠᠨ ᠰᠤᠷᠭᠠᠯ ᠶ᠋ᠢᠠᠨ ᠬᠠᠶ᠋ᠢᠷᠠᠯᠠᠭᠰᠠᠨ ᠨᠤᠲᠤᠭ ᠦ᠋ᠨ ᠪᠤᠭᠤᠷᠤᠯ ᠡᠪᠦᠭᠡᠳ
ᠬᠠᠷᠢᠭᠠᠳ ᠣᠴᠢᠬᠤ ᠶ᠋ᠢᠨ ᠴᠠᠭ ᠲᠤ ᠪᠠᠶ᠋ᠢᠬᠤ ᠦᠭᠡᠢ ᠪᠠᠶ᠋ᠢᠪᠠᠯ ᠶᠠᠭᠠᠬᠢᠨᠠ
ᠬᠠᠶ᠋ᠢᠭᠠᠳ ᠡᠷᠢᠬᠦ ᠶ᠋ᠢᠨ ᠦᠶᠡ ᠳᠤ ᠠᠯᠠᠬ᠋ᠠ ᠪᠠᠶ᠋ᠢᠪᠠᠯ ᠶᠠᠭᠠᠬᠢᠨᠠ
ᠬᠠᠷᠢ ᠭᠠᠵᠠᠷ ᠠ᠋ᠴᠠ ᠲᠡᠮᠡᠦᠯᠦᠭᠰᠡᠭᠡᠷ ᠭᠡᠷ ᠶ᠋ᠢᠡᠨ ᠭᠡᠳ ᠬᠠᠷᠢᠬᠤ ᠳᠤ
ᠬᠠᠶ᠋ᠢᠷᠠᠲᠠᠢ ᠭᠠᠭᠴᠠᠬᠠᠨ ᠨᠤᠲᠤᠭ ᠮᠢᠨᠢ ᠣᠯᠲᠠᠬᠤ ᠪᠠᠶ᠋ᠢᠪᠠᠯ ᠶᠠᠭᠠᠬᠢᠨᠠ
ᠵᠢᠯ ᠵᠢᠯ ᠮᠠᠨ ᠪ ᠬᠢ ᠶ᠋ᠢ ᠡᠷᠭᠢᠳᠡᠭ ᠰᠠᠷᠠᠪᠴᠢᠨ ᠪ ᠮᠢᠨᠢ ᠬᠠᠷᠢᠶᠠᠴᠠᠢ
ᠵᠠᠯᠠᠨ ᠳᠡᠭᠡᠷᠡ ᠰᠦ᠋ ᠦᠨᠦᠷᠲᠦᠭᠦᠯᠦᠨ ᠵᠣᠭᠰᠣᠲᠠᠭ ᠪᠥᠭᠡᠷᠡ ᠠᠯᠠᠭ ᠲᠤᠭᠤᠯ
ᠵᠡᠭᠦᠲᠦᠨ ᠳᠤ ᠬᠦᠷᠲᠡᠯᠡ ᠡᠷᠢᠭᠳᠡᠳᠡᠭ ᠨᠠᠭᠠᠲᠤᠮ ᠦ᠋ᠨ ᠮᠢᠨᠢ ᠠᠯᠠᠭ ᠴᠢᠯᠠᠭᠤᠳ
ᠵᠢᠷᠦᠬᠡᠨ ᠳᠤ ᠮᠥᠩᠬᠡ ᠠᠷᠭᠠᠮᠵᠢᠶᠠ ᠲᠠᠢ ᠨᠠᠮᠬᠠᠨ ᠪᠣᠷᠣ ᠳᠣᠯᠣᠭᠠᠳ
ᠡᠷᠢᠭᠡᠳ ᠣᠴᠢᠬᠤ ᠶ᠋ᠢᠨ ᠮᠢᠨᠢ ᠴᠠᠭ ᠲᠦ ᠪᠠᠶ᠋ᠢᠬᠤ ᠦᠭᠡᠢ ᠪᠠᠶ᠋ᠢᠪᠠᠯ ᠶᠠᠭᠠᠬᠢᠨᠠ
ᠡᠷᠭᠢᠭᠡᠳ ᠬᠠᠷᠠᠬᠤ ᠶ᠋ᠢᠨ ᠦᠶᠡ ᠳᠤ ᠠᠯᠠᠬ᠋ᠠ ᠪᠣᠯᠴᠢᠬᠠᠪᠠᠯ ᠶᠠᠭᠠᠬᠢᠨᠠ
ᠡᠨᠡ ᠯᠡ ᠬᠣᠯᠠ ᠶ᠋ᠢᠨ ᠭᠠᠵᠠᠷ ᠠ᠋ᠴᠠ ᠨᠤᠲᠤᠭ ᠶ᠋ᠢᠠᠨ ᠭᠡᠳ ᠬᠠᠷᠢᠬᠤ ᠳᠤ
ᠡᠨᠡ ᠪᠦᠬᠦᠨ ᠮᠢᠨᠢ ᠲᠡᠭᠡᠭᠡᠳ ᠣᠯᠲᠠᠬᠤ ᠦᠭᠡᠢ ᠪᠠᠶ᠋ᠢᠪᠠᠯ ᠶᠠᠭᠠᠬᠢᠨᠠ
ᠨᠠᠷᠠᠨ ᠪ ᠢᠯᠴᠢᠨ ᠳᠤ ᠴᠣᠭᠰᠢᠬᠰᠠᠨ ᠠᠷᠭᠠᠯ ᠦ᠋ᠨ ᠪᠦᠯᠢᠶᠡᠨ ᠨᠥᠮᠥᠷᠢ
ᠨᠠᠪᠴᠢᠨ ᠪ ᠠᠯᠠᠭᠠᠨ ᠳᠤ ᠪᠥᠮᠪᠦᠭᠡᠨᠡᠭᠰᠡᠨ ᠰᠢᠭᠦᠲᠡᠷᠢ ᠶ᠋ᠢᠨ ᠪᠣᠯᠣᠷᠬᠠᠨ ᠮᠥᠬᠦᠯᠢᠭ
ᠨᠢᠯᠬᠠ ᠶ᠋ᠢᠨ ᠮᠢᠨᠢ ᠮᠥᠷ ᠊ᠢ ᠬᠠᠲᠠᠭᠠᠯᠠᠭᠰᠠᠨ ᠬᠥᠲᠡᠭᠡ ᠰᠢᠯᠢ ᠪᠠᠶ᠋ᠢᠭᠠᠯᠢ
ᠨᠠᠰᠤᠵᠢᠬᠤ ᠳᠣᠳᠣᠮ ᠦᠭᠡᠢᠯᠡᠭᠳᠡᠬᠦ ᠮᠢᠨᠦ ᠭᠠᠭᠴᠠᠬᠠᠨ ᠡᠬᠡ ᠣᠷᠣᠨ
ᠲᠡᠮᠡᠦᠯᠦᠭᠡᠳ ᠬᠠᠷᠢᠬᠤ ᠶ᠋ᠢᠨ ᠮᠢᠨᠢ ᠴᠠᠭ ᠲᠤ ᠪᠠᠶ᠋ᠢᠬᠤ ᠦᠭᠡᠢ ᠪᠠᠶ᠋ᠢᠪᠠᠯ ᠶᠠᠭᠠᠬᠢᠨᠠ
ᠲᠡᠮᠲᠡᠷᠢᠭᠡᠳ ᠡᠷᠢᠯᠡ ᠴᠦ᠍ ᠭᠡᠰᠡᠨ ᠣᠯᠲᠠᠬᠤ ᠦᠭᠡᠢ ᠪᠠᠶ᠋ᠢᠪᠠᠯ ᠶᠠᠭᠠᠬᠢᠨᠠ
ᠲᠩᠷᠢ ᠶ᠋ᠢᠨ ᠬᠠᠶᠠᠭᠠᠨ ᠠ᠋ᠴᠠ ᠨᠤᠲᠤᠭ ᠶ᠋ᠢᠠᠨ ᠭᠡᠳ ᠬᠠᠷᠢᠬᠤ ᠳᠤ ᠮᠢᠨᠢ
ᠲᠡᠷᠡ ᠪᠦᠬᠦᠨ ᠪᠦᠷ ᠳᠣᠮᠣᠭ ᠪᠣᠯᠴᠢᠬᠠᠭᠰᠠᠨ ᠪᠣᠯ ᠶᠠᠭᠠᠬᠢᠨᠠ
2003.516
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠭᠡᠷᠡᠯ
ᠬᠢᠨᠠᠭᠴᠢ ᠄ ᠪᠠᠯᠵᠢ