ᠮ · ᠴᠡᠷᠡᠨᠲᠤᠯᠮᠠ ᠳ᠋ᠠᠭᠠᠨ - ᠷ ᠂ ᠴᠣᠢᠨᠣᠮ М · Цэрэндуламдаа - Р ᠂ Чойном
272ᠮ · ᠴᠡᠷᠡᠨᠲᠤᠯᠮᠠ ᠳ᠋ᠠᠭᠠᠨ
ᠲᠡᠰᠴᠦ ᠢᠨᠠᠭᠯᠠᠭᠰᠠᠨ ᠬᠣᠩᠭᠣᠷ ᠮᠢᠨᠢ ᠡ
ᠳᠠᠬᠢᠭᠠᠳ ᠨᠢᠭᠡ ᠰᠢᠯᠦᠭ ᠊ᠢ ᠮᠢᠨᠢ ᠤᠩᠰᠢᠭᠠᠴᠢ ᠂
ᠳᠠᠩᠴᠤ ᠪᠢ ᠴᠢᠮᠠ ᠳ᠋ᠠᠭᠠᠨ ᠬᠠᠶ᠋ᠢᠷᠠᠲᠠᠢ ᠰᠢᠭ᠋ ᠶ᠋ᠢᠡᠨ
ᠳᠠᠩᠴᠤ ᠪᠠᠰᠠ ᠪᠣᠭᠣᠨᠢᠬᠠᠨ ᠨᠠᠰᠤᠲᠠᠢ ᠰᠢᠦ !
ᠠᠮᠠᠷᠠᠭᠯᠠᠯ ᠦ᠋ᠨ ᠰᠠᠶ᠋ᠢᠬᠠᠨ ᠳᠤ ᠬᠠᠭᠤᠷᠲᠠᠭᠠᠳ
ᠠᠶᠤᠯ ᠪᠦᠬᠦᠨ ᠊ᠢ ᠮᠠᠷᠲᠠᠵᠤ ᠪᠣᠯᠤᠨᠠ
ᠤᠷᠠᠨ ᠰᠢᠯᠦᠭ ᠦ᠋ᠨ ᠦᠭᠡᠨ ᠳᠤ ᠬᠠᠭᠤᠷᠲᠠᠭᠠᠳ
ᠤᠷᠢᠲᠤᠬᠢ ᠬᠣᠶ᠋ᠢᠲᠤᠬᠢ ᠪᠠᠨ ᠮᠠᠷᠲᠠᠵᠤ ᠪᠣᠯᠤᠨᠠ ᠃
ᠰᠠᠶ᠋ᠢᠬᠠᠨ ᠴᠢᠮᠠᠶ᠋ᠢ ᠪᠠᠨ ᠬᠠᠷᠠᠭᠠᠳ ᠪᠢ
ᠰᠠᠷᠠ ᠲᠠᠢ ᠬᠣᠷᠸ᠋ᠠ ᠶ᠋ᠢ ᠮᠠᠷᠲᠠᠵᠤ ᠪᠣᠯᠤᠨᠠ
ᠮᠠᠭᠤᠬᠠᠢ ᠬᠦᠦ ᠪᠡᠨ ᠬᠠᠷᠠᠭᠠᠳ ᠴᠢ
ᠮᠠᠭᠤ ᠪᠦᠬᠦᠨ ᠊ᠢ ᠮᠠᠷᠲᠠᠵᠤ ᠪᠣᠯᠤᠨᠠ ᠃
ᠬᠠᠷᠢᠨ ᠂ ᠢᠷᠠᠭᠤ ᠨᠠᠶ᠋ᠢᠷᠠᠭᠴᠢ ᠶ᠋ᠢᠨ ᠠᠷᠤ ᠳᠤ
ᠬᠠᠷᠢᠭᠤ ᠦᠭᠡᠢ ᠣᠶ᠋ᠢᠷᠠᠬᠠᠨ ᠢᠷᠡᠭᠰᠡᠨ ᠦᠬᠦᠯ ᠊ᠢ ᠮᠠᠷᠲᠠᠵᠤ ᠪᠣᠯᠬᠤ ᠦᠭᠡᠢ
ᠬᠣᠷᠸ᠋ᠠ ᠶ᠋ᠢᠨ ᠭᠠᠭᠴᠠ ᠦᠨᠡᠨ ᠲᠡᠷᠡ ᠪᠣᠯᠬᠤ ᠪᠠᠷ
ᠬᠣᠶᠠᠷ ᠴᠢᠬᠢ ᠪᠡᠨ ᠲᠠᠭᠯᠠᠭᠠᠳ ᠴᠤ᠌ ᠨᠡᠮᠡᠷᠢ ᠦᠭᠡᠢ ᠃
ᠢᠨᠠᠭ ᠬᠣᠩᠭᠣᠷ ᠮᠢᠨᠢ ᠪᠤᠤ ᠭᠠᠶ᠋ᠢᠬᠠ
ᠶᠠᠭᠠᠬᠢᠨᠠ ᠠ᠋ ᠡᠶ᠋ᠢᠨᠡ ᠡ ᠭᠡᠵᠦ ᠪᠤᠤ ᠭᠤᠨᠢᠬᠠᠷᠠ !
ᠶᠠᠷᠢᠬᠤ ᠶᠠᠭᠤᠮᠠ ᠪᠠᠨ ᠣᠯᠵᠤ ᠶᠠᠲᠠᠭᠠᠳ ᠡᠭᠦᠨ ᠊ᠢ ᠪᠢᠴᠢᠭᠡ ᠦᠭᠡᠢ
ᠶᠠᠩᠭᠤᠷᠬᠠᠵᠤ ᠂ ᠦᠬᠦᠯ ᠶ᠋ᠢᠡᠷ ᠳᠠᠯᠠᠶ᠋ᠢᠯᠭᠠᠬᠤ ᠳ᠋ᠠᠭᠠᠨ ᠡᠭᠦᠨ ᠊ᠢ ᠬᠡᠯᠬᠢᠭᠡ ᠦᠭᠡᠢ
ᠠᠮᠢᠲᠠᠨ ᠪᠦᠬᠦᠨ ᠊ᠢ ᠬᠣᠷᠢᠬᠯᠠᠵᠤ ᠪᠠᠶ᠋ᠢᠬᠤ ᠳᠤ
ᠠᠮᠠᠷᠠᠭᠯᠠᠵᠤ ᠴᠢ ᠪᠢᠲᠡᠨ ᠬᠣᠶᠠᠷ ᠳᠠᠰᠤᠭᠰᠠᠨ
ᠠᠷᠬ᠋ᠠ ᠦᠭᠡᠢ ᠠᠮᠠᠷᠠᠭ ᠦ᠋ᠨ ᠬᠣᠷᠢᠬ ᠦᠭᠡᠢ ᠰᠡᠤᠠᠬᠢᠯ ᠊ᠢ
ᠠᠶ᠋ᠢᠮᠠᠭ ᠰᠤᠮᠤ ᠪᠠᠷ ᠶ᠋ᠢᠠᠨ ᠳᠡᠢᠯᠳᠡᠭ ᠦᠭᠡᠢ ᠶᠤᠮ ᠪᠢᠯᠡ ᠃
ᠣᠲᠣ ᠪᠢ ᠴᠢᠨᠦᠬᠢ ᠂ ᠬᠣᠩᠭᠣᠷ ᠮᠢᠨᠢ !
ᠣᠷᠴᠢᠯᠠᠩ ᠳᠤ ᠪᠢ ᠂ ᠥᠭᠡᠷᠡ ᠬᠡᠨ ᠪ ᠬᠢ ᠴᠤ᠌ ᠪᠢᠰᠢ ᠂
ᠣᠯᠠᠨ ᠪ ᠠᠮᠠ ᠰᠠᠶ᠋ᠢᠨ ᠴᠤ᠌ ᠪᠠᠶ᠋ᠢᠬᠰᠠᠨ ᠂ ᠮᠠᠭᠤ ᠴᠤ᠌ ᠪᠠᠶ᠋ᠢᠬᠰᠠᠨ
ᠣᠰᠣᠯ ᠦᠭᠡᠢ ᠨᠢᠭᠡᠨ ᠰᠢᠯᠦᠭᠴᠢ ᠴᠢᠨᠦᠬᠢ ᠪᠣᠯᠤᠯᠠ ᠃
ᠠᠯᠠᠭ ᠲᠠᠢ ᠴᠣᠭᠣᠭ ᠲᠠᠢ ᠡᠨᠡ ᠬᠣᠷᠸ᠋ᠠ ᠳᠡᠭᠡᠷᠡ
ᠠᠪᠢᠶᠠᠰ ᠠᠲᠠᠷᠠᠮᠠ ᠬᠣᠶᠠᠷ ᠊ᠢ ᠡᠭᠦᠷᠴᠦ ᠲᠥᠷᠥᠭᠰᠡᠨ
ᠠᠷᠠᠳ ᠰᠢᠯᠦᠭᠴᠢ ᠶ᠋ᠢᠨ ᠥᠨᠥᠲᠥᠷ ᠡᠴᠡ ᠬᠣᠶ᠋ᠢᠰᠢᠬᠢ
ᠠᠮᠢᠲᠤᠷᠠᠯ
ᠠᠯᠲᠠᠬ᠋ᠠ
ᠠᠯᠲᠠᠷ
ᠠᠮᠠᠷᠠᠭᠯᠠᠯ
ᠠᠮᠵᠢᠯᠲᠠ
ᠴᠥᠮ ᠴᠢᠨᠦ ᠶᠤᠮ !
ᠪᠦᠭᠦᠲᠡ ᠶ᠋ᠢ ᠨᠢ ᠴᠢ ᠮᠡᠲᠡᠨᠡ ᠂
ᠪᠦᠲᠦᠭᠡᠯ ᠪᠦᠲᠦᠭᠡᠯ ᠦ᠋ᠨ ᠳᠡᠭᠡᠳᠦ ᠪᠡᠷ ᠤᠷᠭᠤᠭᠤᠯᠤᠨᠠ ᠤᠤ
ᠪᠦᠲᠡᠭᠡᠯᠭᠡ ᠳᠠᠪᠤᠤ ᠶ᠋ᠢᠨ ᠳᠣᠣᠭᠤᠷ ᠰᠢᠷᠭᠤᠭᠤᠯᠤᠨᠠ ᠤᠤ
ᠪᠦᠷ ᠂ ᠭᠡᠷ ᠲᠡᠷᠭᠡᠨ ᠪ ᠮᠣᠷᠢ ᠪᠣᠯᠭᠠᠨᠠ ᠤᠤ
ᠪᠦᠭᠦᠲᠡ ᠶ᠋ᠢ ᠨᠢ ᠴᠢ ᠮᠡᠲᠡᠨᠡ !
ᠬᠠᠷᠢᠨ ᠭᠠᠭᠴᠠᠬᠠᠨ ᠶᠠᠭᠤᠮᠠ ᠶ᠋ᠢ ᠴᠢ ᠮᠡᠲᠡᠬᠦ ᠦᠭᠡᠢ
ᠬᠠᠶ᠋ᠢᠷᠠᠯᠠᠵᠤ ᠪᠠᠶ᠋ᠢᠬᠰᠠᠨ ᠴᠤ᠌
ᠬᠠᠶ᠋ᠢᠷᠠ ᠨᠢ ᠬᠠᠭᠤᠴᠢᠷᠠᠭᠠᠳ
ᠬᠠᠷᠢᠶᠠᠵᠤ ᠪᠠᠶ᠋ᠢᠬᠰᠠᠨ ᠴᠤ᠌
ᠬᠠᠷᠠᠲᠠᠵᠤ ᠂ ᠡᠰᠡᠪᠡᠯ ᠴᠢ ᠥᠪᠡᠷ ᠶ᠋ᠢᠡᠨ ᠮᠡᠬᠡᠯᠡᠵᠦ ᠪᠠᠶ᠋ᠢᠬᠰᠠᠨ ᠴᠤ᠌
ᠬᠠᠶ᠋ᠢᠬᠤᠷᠤᠯ ᠦᠭᠡᠢ ᠨᠢᠭᠡ ᠯᠠ ᠠᠶᠤᠮᠰᠢᠬᠲᠤ ᠡᠲᠦᠷ
ᠬᠠᠭᠠᠴᠠᠯ ᠭᠡᠳᠡᠭ ᠰᠦᠷᠲᠦ ᠠᠶᠤᠯ ᠢᠷᠡᠨᠡ
ᠲᠡᠭᠦᠨ ᠊ᠢ ᠬᠣᠶ᠋ᠢᠰᠢᠯᠠᠭᠤᠯᠵᠤ ᠂ ᠤᠷᠤᠭᠰᠢᠯᠠᠭᠤᠯᠵᠤ ᠴᠢ ᠮᠡᠲᠡᠬᠦ ᠦᠭᠡᠢ ᠃
ᠴᠢᠩ ᠵᠢᠷᠦᠬᠡᠨ ᠪ ᠬᠡᠮᠵᠢᠶᠡ ᠬᠠᠷᠠᠭᠠᠯᠵᠠᠯ ᠦᠭᠡᠢ
ᠴᠢ ᠦᠯᠡᠲᠡᠵᠦ ᠂ ᠪᠢ ᠶᠠᠪᠤᠨᠠ ᠃
ᠴᠢᠪᠢᠯ ᠨᠢᠭᠦᠯᠲᠦ ᠬᠣᠷᠸ᠋ᠠ ᠶ᠋ᠢᠨ ᠪᠠᠬᠠ ᠶ᠋ᠢ ᠬᠠᠩᠭᠠᠵᠤ
ᠴᠢ ᠮᠢᠨᠢ ᠂ ᠠᠷᠭᠠᠴᠠᠬ᠋ᠠ ᠦᠭᠡᠢ ᠥᠬᠢᠨ ᠰᠢᠭ᠌ ᠤᠬᠢᠯᠠᠨ ᠬᠠᠶ᠋ᠢᠯᠠᠨᠠ ᠃
ᠲᠡᠭᠡᠭᠡᠳ ᠂ ᠢᠷᠠᠭᠤ ᠨᠠᠶ᠋ᠢᠷᠠᠭᠴᠢ ᠠᠯᠠᠬ᠋ᠠ ᠪᠣᠯᠤᠨᠠ
ᠲᠡᠷᠲᠡᠭᠡ ᠪᠠᠲᠤᠨᠤᠷᠪᠤ ᠶ᠋ᠢᠨ ᠳᠤᠯᠠᠭᠠᠬᠠᠨ ᠬᠠᠷᠠᠩᠭᠤᠢ ᠰᠥᠨᠢ ᠨᠤᠭᠦᠳ ᠲᠦ
ᠲᠡᠮᠲᠡᠷᠢᠵᠦ ᠨᠢᠭᠤᠭᠲᠠᠵᠤ ᠪᠡᠶᠡ ᠪᠡᠶᠡ ᠳ᠋ᠡᠭᠡᠨ ᠣᠴᠢᠲᠠᠭ ᠪᠠᠶ᠋ᠢᠬᠰᠠᠨ
ᠲᠡᠰᠬᠡᠯ ᠦᠭᠡᠢ ᠬᠠᠶ᠋ᠢᠷᠠᠲᠤ ᠬᠥᠮᠦᠨ ᠴᠢᠨᠢ ᠠᠯᠠᠬ᠋ᠠ ᠪᠣᠯᠤᠨᠠ ᠃
ᠪᠠᠭᠲᠠᠷᠠᠲᠠᠯᠠ ᠪᠠᠨ ᠴᠢᠮᠠᠶ᠋ᠢ ᠲᠡᠪᠡᠷᠢᠵᠦ ᠪᠠᠶ᠋ᠢᠬᠰᠠᠨ ᠴᠡᠭᠡᠵᠢ
ᠪᠠᠷᠠᠭᠤᠨ ᠱᠣᠩ ᠳᠡᠭᠡᠷᠡ23/6 ᠭᠡᠵᠦ ᠰᠡᠢᠯᠦᠭᠰᠡᠨ ᠲᠡᠷᠡ ᠭᠠᠷ
ᠪᠠᠶ᠋ᠢᠰᠢᠩ ᠦ᠋ᠨ ᠬᠠᠨᠠᠨ ᠳᠡᠭᠡᠷᠡ ᠵᠢᠷᠦᠬᠡ ᠵᠢᠷᠤᠭᠰᠠᠨ ᠬᠤᠷᠤᠭᠤ
ᠪᠠᠶ᠋ᠢᠨ ᠪᠠᠶ᠋ᠢᠨ ᠴᠢᠮᠠᠶ᠋ᠢ ᠪᠠᠨ ᠮᠠᠭᠤᠵᠢᠷᠠᠵᠤ ᠤᠨᠠᠲᠠᠯᠠ ᠥᠨᠥᠰᠦᠭᠰᠡᠨ ᠬᠣᠰᠢᠭᠤ
ᠪᠠᠶ᠋ᠢᠬᠤ ᠦᠭᠡᠢ ᠪᠣᠯᠤᠨᠠ ! ᠁
ᠡᠲᠦᠷ ᠁ ᠰᠠᠷᠠ ᠁ ᠵᠢᠯ ᠦ᠋ᠳ ᠁
ᠥᠩᠭᠡᠷᠡᠭᠰᠡᠭᠡᠷ ᠂ ᠵᠤᠵᠠᠭᠠᠬᠠᠨ ᠬᠣᠨᠣᠭ ᠨᠢᠮᠭᠡᠷᠡᠨᠡ ᠂
ᠥᠨᠥ ᠵᠤᠨ ᠪ ᠨᠠᠷᠠ ᠰᠢᠭ᠋ ᠬᠠᠯᠠᠭᠤᠨ ᠬᠠᠶ᠋ᠢᠷᠠ
ᠥᠨᠢ ᠡᠷᠲᠡᠨ ᠪ ᠦᠯᠢᠭᠡᠷ ᠳᠣᠮᠣᠭ ᠰᠢᠭ᠋ ᠬᠣᠴᠣᠷᠤᠭᠲᠠᠨᠠ ᠃
ᠪᠠᠶ᠋ᠢᠲᠠᠯ ᠶᠠᠮᠠᠷ ᠴᠤ᠌ ᠪᠠᠶ᠋ᠢᠯᠠ ᠭᠡᠰᠡᠨ ᠂ ᠲᠡᠷᠡ ᠴᠠᠭ ᠲᠦ ᠴᠢ
ᠪᠠᠲᠤᠨᠤᠷᠪᠤ ᠶ᠋ᠢᠨ ᠳᠡᠪᠲᠡᠷ ᠊ᠢ ᠮᠢᠨᠢ ᠰᠡᠬᠦᠬᠦ ᠤᠤ ?
ᠣᠷᠴᠢᠯᠠᠩ ᠳᠤ ᠭᠠᠭᠴᠠᠬᠠᠨ ᠴᠢᠮᠠᠶ᠋ᠢ ᠭᠡᠵᠦ ᠶᠠᠪᠤᠭᠰᠠᠨ ᠰᠢᠯᠦᠭᠴᠢ ᠶ᠋ᠢᠨ
ᠣᠩᠭᠢᠷᠠᠬ᠋ᠠ ᠮᠥᠷ ᠦ᠋ᠳ ᠊ᠢ ᠳᠠᠬᠢᠨ ᠤᠩᠰᠢᠬᠤ ᠤᠤ ?
ᠴᠣᠩᠬᠣ ᠶ᠋ᠢ ᠴᠢᠨᠢ ᠲᠣᠭᠰᠢᠬᠤ ᠳᠤ ᠨᠠᠲᠠ ᠳ᠋ᠠᠭᠠᠨ
ᠴᠣᠴᠢᠷᠲᠠᠵᠤ ᠪᠠᠶ᠋ᠢᠬᠰᠠᠨ ᠰᠢᠭ᠋ ᠶ᠋ᠢᠡᠨ ᠵᠢᠷᠦᠬᠡ ᠴᠢᠨᠢ
ᠬᠣᠷᠢᠨ ᠨᠠᠰᠤᠲᠠᠢ ᠪᠦᠰᠡᠭᠦᠢ ᠶ᠋ᠢᠨ ᠥᠨᠲᠥᠷ ᠬᠦᠴᠦᠲᠡᠯ ᠶ᠋ᠢᠡᠷ
ᠬᠣᠷᠸ᠋ᠠ ᠶ᠋ᠢ ᠮᠠᠷᠲᠠᠨ ᠳᠣᠭᠳᠣᠯᠵᠤ ᠴᠢᠲᠠᠬᠤ ᠪᠣᠯᠪᠠ ᠤᠤ ?
ᠬᠡᠷᠪᠡ ᠴᠢᠲᠠᠬᠤ ᠪᠣᠯ ᠴᠢᠨᠢ ᠪᠢ
ᠬᠡᠴᠡᠭᠦᠦ ᠦᠬᠦᠯ ᠊ᠢ ᠵᠠᠭᠤᠨ ᠵᠢᠯ ᠶ᠋ᠢᠡᠷ ᠬᠣᠶ᠋ᠢᠰᠢᠯᠠᠭᠤᠯᠵᠤ ᠴᠢᠲᠠᠨᠠ ᠂
ᠴᠢᠲᠠᠬᠤ ᠦᠭᠡᠢ ᠭᠡᠪᠡᠯ ᠂ ᠥᠨᠥᠲᠥᠷ ᠴᠤ᠌ ᠪᠢ
ᠴᠢᠮᠠᠶ᠋ᠢ ᠪᠠᠨ ᠣᠷᠬᠢᠭᠠᠳ ᠨᠢᠲᠦ ᠠᠨᠢᠬᠤ ᠳᠤ ᠪᠡᠯᠡᠨ ᠪᠠᠶ᠋ᠢᠨᠠ ᠃
1974.8.9
《 ᠷ · ᠴᠣᠶ᠋ᠢᠨᠣᠮ ᠦ᠋ᠨ ᠰᠢᠯᠦᠭ ᠵᠣᠬᠢᠶᠠᠯ ᠦ᠋ᠨ ᠬᠤᠷᠢᠶᠠᠬᠤᠢ — 》
— ᠤᠶᠠᠩᠬ᠋ᠠ ᠶ᠋ᠢᠨ ᠰᠢᠯᠦᠭ ᠡᠴᠡ ᠬᠠᠭᠤᠯᠪᠠ ᠃
ᠪᠢ᠍᠊ · ᠳᠠᠮᠳᠢᠨᠰᠦ᠋ᠷᠦᠩ ᠡᠮᠬᠢᠤᠠᠬᠡᠨ ᠨᠠᠶ᠋ᠢᠷᠠᠭᠤᠯᠪᠠ
ᠬᠠᠷᠢᠭᠤᠴᠠᠭᠰᠠᠨ ᠨᠠᠶ᠋ᠢᠷᠠᠭᠤᠯᠤᠭᠴᠢ ᠄ ᠪᠣᠷᠣᠨᠤᠳ ᠳᠣᠷᠵᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ : ᠪᠠᠶᠠᠨᠰᠡᠷᠡᠩ
ᠬᠢᠨᠠᠭᠴᠢ ᠪᠠᠭᠰᠢ : ᠮᠥᠩᠭᠦᠨᠴᠡᠴᠡᠭ