ᠳᠡᠭᠡᠳᠦᠰ ᠮᠢᠨᠢ ᠥᠷᠥᠰᠢᠶᠡ - ᠭ · ᠴᠢᠩᠪᠠᠭᠠᠲᠤᠷ Дээдэс минь өршөө - Г · Чинбаатар
253ᠳᠡᠭᠡᠳᠦᠰ ᠮᠢᠨᠢ ᠥᠷᠥᠰᠢᠶᠡ
ᠭ · ᠴᠢᠩᠪᠠᠭᠠᠲᠤᠷ
ᠴᠢᠩᠭᠢᠰ ᠡᠴᠡ ᠪᠤᠰᠤᠳ ᠳᠡᠭᠡᠳᠦᠰ ᠶ᠋ᠢᠡᠨ ᠲᠣᠭᠣᠬᠤ ᠦᠭᠡᠢ ᠶᠡᠬᠡᠷᠬᠡᠦ
ᠥᠷᠥᠰᠢᠶᠡ ᠂ ᠳᠡᠭᠡᠳᠦᠰ ᠮᠢᠨᠢ
ᠥᠴᠦᠬᠡᠨ ᠪᠢᠲᠡᠨ ᠊ᠢ ᠥᠷᠥᠰᠢᠶᠡ
ᠥᠪᠡᠷ ᠡᠴᠡ ᠴᠢᠨᠢ ᠲᠠᠰᠤᠷᠠᠵᠤ
ᠡᠭᠦᠯᠡ ᠲᠡᠢ ᠲᠩᠷᠢ ᠶ᠋ᠢᠨ ᠳᠣᠣᠷᠠ ᠳᠠᠭᠠᠷᠠᠵᠤ ᠦᠯᠡᠳᠡᠭᠰᠡᠨ
ᠬᠠᠪᠤᠷ ᠦ᠋ᠨ ᠪᠠᠭᠤᠷᠠᠢ ᠰᠢᠭ᠋ ᠪᠢᠲᠡᠨ ᠶ᠋ᠢᠡᠨ
ᠬᠠᠭᠠᠨ ᠳᠡᠭᠡᠳᠦᠰ ᠦ᠋ᠳ ᠮᠢᠨᠢ ᠥᠷᠥᠰᠢᠶᠡ!
ᠴᠠᠭ ᠦ᠋ᠨ ᠰᠠᠯᠬᠢᠨ ᠊ᠢ ᠢᠯᠲᠦ ᠰᠢᠬ ᠴᠠᠪᠴᠢᠵᠤ
ᠴᠠᠭᠠᠨ ᠬᠡᠷᠡᠮ ᠊ᠢ ᠰᠤᠮᠤ ᠰᠢᠭ᠋ ᠲᠤᠭᠤᠯᠵᠤ
ᠴᠠᠪᠴᠢᠯᠲᠤᠬᠤ ᠳᠠᠶ᠋ᠢᠰᠤᠨ ᠊ᠢ ᠬᠢᠶᠠᠷ ᠴᠣᠬᠢᠵᠤ
ᠬᠣᠶᠠᠷ ᠲᠢᠪ ᠦ᠋ᠨ ᠬᠣᠶ᠋ᠢᠮᠣᠷ ᠵᠠᠪᠢᠯᠠᠵᠤ
ᠬᠣᠷᠸ᠋ᠠ ᠳᠡᠯᠡᠬᠡᠢ ᠶ᠋ᠢ ᠰᠦᠯᠲᠠᠨ ᠳᠤ ᠪᠡᠨ ᠬᠤᠷᠢᠶᠠᠭᠰᠠᠨ
ᠣᠮᠣᠭᠲᠤ ᠤᠲᠤᠮ ᠦ᠋ᠨ ᠳᠣᠮᠣᠭᠲᠤ ᠲᠡᠦᠬᠡ ᠶ᠋ᠢᠨ
ᠣᠭᠣᠷᠴᠣᠭ ᠪᠣᠯᠤᠭᠰᠠᠨ ᠬᠣᠶ᠋ᠢᠴᠢᠰ ᠶ᠋ᠢᠠᠨ ᠥᠷᠥᠰᠢᠶᠡ
ᠥᠰᠲᠡᠢ ᠲᠡᠦᠬᠡ ᠶ᠋ᠢᠨ ᠲᠣᠷᠭᠠᠨ ᠢᠷ ᠳᠡᠭᠡᠷᠡ
ᠡᠴᠢᠨᠡᠭᠡᠨ ᠵᠢᠯ ᠵᠣᠪᠠᠵᠤ ᠡᠯᠡᠭᠰᠡᠨ ᠪ ᠴᠢᠨᠢ ᠬᠠᠷᠢᠭᠤ
ᠦᠷᠡ ᠬᠣᠶ᠋ᠢᠴᠢᠰ ᠲᠤ ᠪᠠᠨ ᠥᠷᠢ ᠲᠡᠢ ᠶᠤᠮ ᠰᠢᠭ᠌ ᠰᠠᠨᠠᠵᠤ
ᠥᠪᠡᠷᠰᠡᠳ ᠊ᠢ ᠴᠢᠨᠢ ᠴᠢᠮᠠᠯᠠᠵᠤ ᠶᠠᠪᠤᠭᠰᠠᠨ ᠊ᠢ ᠥᠷᠥᠰᠢᠶᠡ
ᠢᠵᠠᠭᠤᠷ ᠳᠡᠭᠡᠳᠦ ᠬᠡᠲᠦᠨ ᠮᠣᠩᠭᠣᠯ ᠶ᠋ᠢᠠᠨ
ᠶᠠᠰᠤ ᠪᠠᠨ ᠨᠢᠮᠭᠡᠷᠡᠵᠦ᠂ ᠴᠢᠰᠤ ᠪᠠᠨ ᠰᠢᠩᠭᠡᠷᠡᠲᠡᠯᠡ ᠰᠠᠨᠠᠵᠤ ᠶᠠᠪᠤᠭᠰᠠᠨ ᠶᠤᠮ
ᠬᠢᠬᠦ ᠦᠭᠡᠢ ᠬᠥᠮᠦᠨ ᠳᠤ ᠪᠤᠷᠤᠭᠤ ᠪᠠᠶ᠋ᠢᠲᠠᠭ ᠦᠭᠡᠢ ᠶᠤᠮ
ᠬᠢᠭᠰᠡᠨ ᠨᠢᠭᠡᠨ ᠪ ᠪᠡᠨ ᠭᠠᠪᠢᠶᠠ ᠶ᠋ᠢ ᠥᠴᠦᠬᠡᠨ ᠠᠯᠲᠠᠬ᠋ᠠ ᠪᠠᠷ ᠪᠠᠯᠠᠯᠬᠤ ᠭᠡᠵᠦ
ᠬᠢᠭᠡ ᠦᠭᠡᠢ ᠪᠦᠬᠦ ᠬᠥᠮᠦᠰ ᠰᠢᠭᠤᠷᠬ᠋ᠠ ᠰᠢᠭ᠋ ᠪᠤᠵᠢᠭᠢᠨᠠᠲᠠᠭ ᠶᠤᠮ
ᠬᠡᠷᠪᠡ ᠬᠡᠲᠦᠨ ᠵᠠᠭᠤᠨ ᠪ ᠡᠮᠦᠨᠡ ᠥᠨᠥᠲᠥᠷ ᠦ᠋ᠨ ᠪᠢᠲᠡ ᠪᠠᠶ᠋ᠢᠬᠰᠠᠨ ᠰᠠᠨ ᠪᠣᠯ
ᠬᠡᠲᠦᠨ ᠮᠣᠩᠭᠣᠯ ᠶ᠋ᠢᠠᠨ ᠡᠪᠯᠡᠭᠦᠯᠵᠦ ᠰᠠᠭᠤᠬᠤ ᠶ᠋ᠢ ᠪᠤᠤ ᠬᠡᠯᠡ
ᠭᠡᠰᠡᠭ ᠲᠡᠢ ᠰᠢᠪᠠᠷ ᠳᠠᠯᠠᠢ ᠳᠤ ᠤᠨᠠᠭᠰᠠᠨ ᠰᠢᠭ᠋ ᠯᠠ ᠠᠯᠠᠬ᠋ᠠ ᠪᠣᠯᠬᠤ ᠪᠠᠶ᠋ᠢᠬᠰᠠᠨ
ᠭᠠᠯ ᠳᠤᠮᠳᠠᠭᠤᠷ ᠬᠤᠶᠠᠭ ᠲᠠᠢ ᠪᠠᠨ ᠲᠠᠭᠣᠴᠢᠵᠤ
ᠭᠠᠰᠠᠯᠠᠩ ᠳᠤᠮᠳᠠᠭᠤᠷ ᠮᠥᠷ ᠲᠡᠢ ᠪᠡᠨ ᠲᠤᠭᠤᠯᠵᠤ
ᠭᠠᠩ ᠢᠯᠲᠦᠨ ᠪ ᠪᠠᠷᠢᠭᠤᠯ ᠠ᠋ᠴᠠ ᠭᠠᠷ ᠰᠠᠯᠭᠠᠯ ᠦᠭᠡᠢ ᠪᠠᠶ᠋ᠢᠯᠲᠤᠵᠤ
ᠭᠠᠵᠠᠷ ᠳᠡᠭᠡᠷᠡ ᠬᠡᠲᠦᠨ ᠮᠣᠩᠭᠣᠯ ᠶ᠋ᠢᠠᠨ ᠦᠯᠡᠲᠡᠭᠡᠬᠦ ᠭᠡᠵᠦ
ᠵᠠᠭᠤ ᠵᠠᠭᠤᠨ ᠵᠢᠯ ᠶ᠋ᠢᠠᠷ ᠰᠢᠨᠠᠯᠤᠭᠰᠠᠨ ᠳᠡᠭᠡᠳᠦᠰ ᠶ᠋ᠢᠡᠨ
ᠵᠣᠷᠢᠬ ᠶ᠋ᠢᠠᠷ ᠰᠠᠭᠤᠵᠤ ᠨᠢᠯᠬᠠᠷᠠᠨ ᠡᠷᠬᠢᠯᠡᠬᠦ ᠳᠤ ᠪᠡᠨ ᠥᠭᠡᠯᠡᠵᠦ ᠰᠠᠭᠤᠭᠰᠠᠨ
ᠵᠤᠲᠠᠷᠠᠭᠤ ᠠᠲᠠᠯᠠ ᠪᠠᠨ ᠨᠡᠷᠡᠯᠬᠡᠦ ᠪᠢᠲᠡᠨ ᠶ᠋ᠢᠠᠨ ᠥᠷᠥᠰᠢᠶᠡ
2007.2.20
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠭᠡᠷᠡᠯ
ᠬᠢᠨᠠᠭᠴᠢ ᠄ ᠪᠠᠯᠵᠢ