ᠪᠠᠲᠤᠨᠤᠷᠪᠤ ᠳᠤ ᠴᠢ ᠪᠢᠲᠡ ᠬᠣᠶᠠᠷ ᠤᠴᠠᠷᠠᠯᠠ – ᠷ · ᠴᠣᠢᠨᠣᠮ Батноровд чи бид хоёр учирлаа – Р · Чойном
282ᠪᠠᠲᠤᠨᠤᠷᠪᠤ ᠳᠤ ᠴᠢ ᠪᠢᠲᠡ ᠬᠣᠶᠠᠷ ᠤᠴᠠᠷᠠᠯᠠ
ᠤᠶ᠋ᠢᠤᠠᠬᠠᠷᠲᠠᠢ ᠭᠠᠵᠠᠷ — ᠪᠠᠲᠤᠨᠤᠷᠪᠤ ᠯᠠ ᠭᠡᠬᠦ ᠶᠤᠮ
ᠤᠰᠤ ᠦᠭᠡᠢ ᠂ ᠮᠣᠲᠣ ᠦᠭᠡᠢ ᠂ ᠬᠥᠭᠵᠢᠯ ᠦᠭᠡᠢ ᠯᠠ ᠭᠡᠬᠦ ᠶᠤᠮ
ᠤᠯᠠᠭᠠᠨᠪᠠᠭᠠᠲᠤᠷ ᠠ᠋ᠴᠠ ᠪᠢ ᠴᠢᠮᠠᠶ᠋ᠢ ᠪᠠᠨ ᠣᠯᠤᠬ᠋ᠠ ᠦᠭᠡᠢ
ᠤᠴᠠᠷᠠᠵᠤ ᠡᠨᠡ ᠯᠠ ᠪᠠᠲᠤᠨᠤᠷᠪᠤ ᠳᠤ ᠲᠡᠰᠦᠯᠡ ᠳ᠋ᠠ ᠃
ᠪᠠᠲᠤᠨᠤᠷᠪᠤ ᠤᠰᠤ ᠲᠠᠢ ᠪᠠᠶ᠋ᠢᠯᠠ ᠭᠡᠳ
ᠪᠠᠯᠭᠤᠬᠤ ᠤᠰᠤ ᠲᠠᠢ ᠨᠢ ᠰᠡᠤᠠᠬᠢᠯ ᠬᠣᠯᠪᠣᠬᠤ ᠪᠢᠰᠢ
ᠪᠠᠲᠤᠨᠤᠷᠪᠤ ᠮᠣᠲᠣ ᠲᠠᠢ ᠪᠠᠶ᠋ᠢᠯᠠ ᠭᠡᠳ
ᠪᠠᠬᠠᠨ ᠮᠣᠲᠣ ᠲᠠᠢ ᠨᠢ ᠬᠠᠶ᠋ᠢᠷᠠ ᠪᠠᠨ ᠬᠤᠪᠢᠶᠠᠯᠴᠠᠬᠤ ᠪᠢᠰᠢ ᠃
ᠡᠬᠡᠨᠡᠷ ᠬᠡᠦᠬᠡᠳ ᠦ᠋ᠨ ᠬᠣᠪ ᠵᠢᠪ ᠶᠡᠬᠡᠲᠡᠢ
ᠡᠯᠦᠢ ᠬᠤᠯᠤᠢ ᠲᠥᠪ ᠲᠤᠨᠢ ᠴᠢᠮᠠ ᠲᠠᠢ ᠪᠠᠨ ᠲᠡᠰᠦᠯᠡ ᠂
ᠡᠷᠴᠢᠲᠡᠢ ᠰᠠᠯᠬᠢᠨ ᠳᠤ ᠤᠯᠠᠭᠠᠨ ᠶ᠋ᠢᠠᠷ ᠡᠷᠭᠢᠳᠡᠭ
ᠡᠯᠡᠰᠦᠨ ᠳᠡᠭᠡᠷᠡ ᠨᠢ ᠴᠢᠮᠠ ᠲᠠᠢ ᠪᠠᠨ ᠲᠡᠰᠦᠯᠡ ᠃
ᠬᠣᠲᠠ ᠳᠤ ᠪᠣᠯ ᠂ ᠪᠣᠯᠢᠲᠤᠽᠡᠷ ᠦ᠋ᠨ ᠬᠤᠰᠤᠭᠤᠷ ᠶ᠋ᠢᠠᠷ
ᠬᠣᠪᠬᠤ ᠲᠥᠷᠥᠮᠡᠷ ᠲᠡᠷᠡ ᠮᠠᠭᠤ ᠪᠠᠶ᠋ᠢᠰᠢᠩ
ᠬᠣᠶᠠᠷᠬᠠᠨ ᠪᠡᠶᠡ ᠶ᠋ᠢᠨ ᠮᠢᠨᠢ ᠤᠴᠠᠷᠠᠨ ᠵᠢᠷᠭᠠᠬᠤ
ᠬᠣᠷᠸ᠋ᠠ ᠶ᠋ᠢᠨ ᠭᠠᠭᠴᠠ ᠳ᠋ᠧᠪᠠᠵᠠᠨ ᠮᠢᠨᠢ ᠪᠠᠶ᠋ᠢᠯᠠ ᠃
ᠬᠠᠪᠤᠷ ᠴᠠᠭ ᠦ᠋ᠨ ᠡᠪᠦᠯᠵᠢᠶᠡ ᠰᠢᠭ᠌ ᠺᠯᠦ᠋ᠪ ᠨᠢ
ᠬᠠᠷᠠᠬᠤ ᠳᠤ ᠮᠠᠭᠤᠬᠠᠢ ᠴᠦ᠍ ᠲᠡᠭᠦᠨ ᠳᠣᠲᠣᠷᠠ
《 ᠬᠠᠯᠠᠭᠤᠨ ᠴᠠᠰᠤ ᠶ᠋ᠢ ᠦᠵᠡᠵᠦ ᠰᠠᠭᠤᠬᠤ ᠳ᠋ᠠᠭᠠᠨ
ᠬᠠᠮᠤᠭ ᠦ᠋ᠨ ᠠᠩᠬᠠᠨ ᠪ ᠡᠭᠦᠲᠡ ᠮᠢᠨᠢ ᠨᠡᠭᠡᠭᠡᠭᠳᠡᠭᠰᠡᠨ !
ᠬᠠᠷᠢᠯᠴᠠᠬ᠋ᠠ ᠬᠣᠯᠪᠣᠭᠠᠨ ᠪ ᠥᠮᠥᠭᠡᠷ ᠪᠠᠶ᠋ᠢᠰᠢᠩ
ᠬᠠᠶ᠋ᠢᠰᠤᠲᠠᠢ ᠮᠣᠲᠣ ᠂ ᠨᠢᠭᠡᠲᠦᠯ ᠦ᠋ᠨ ᠺᠣᠨᠲ᠋ᠣᠷ
ᠬᠠᠷᠠᠩᠭᠤᠢ ᠰᠥᠨᠢ ᠤᠨᠲᠠᠷᠠᠲᠠᠭ ᠭᠡᠷᠡᠯ
ᠡᠨᠡ ᠪᠦᠬᠦᠨ ᠂ ᠪᠢᠲᠡᠨ ᠊ᠢ ᠤᠴᠠᠷᠠᠭᠤᠯᠤᠭᠰᠠᠨ ᠃
ᠪᠠᠶᠠᠷ ᠂ ᠭᠤᠨᠢᠬ ᠂ ᠠᠶᠤᠮᠰᠢᠬ — ᠲᠠᠶ᠋ᠢᠪᠤᠰᠢᠷᠠᠯ
ᠪᠠᠷᠠᠭᠠᠨ ᠰᠥᠨᠢ ᠶ᠋ᠢᠨ ᠬᠣᠮᠰᠠᠬᠠᠨ ᠵᠢᠷᠭᠠᠯ ᠁
ᠪᠠᠰᠠ ᠭᠣᠮᠣᠷᠬᠠᠯ ᠂ ᠬᠠᠶ᠋ᠢᠷᠠᠯᠠᠯ ᠶ᠋ᠢᠠᠨ ᠠᠮᠰᠠᠭᠰᠠᠨ
ᠪᠠᠲᠤᠨᠤᠷᠪᠤ ᠶ᠋ᠢ ᠪᠢᠲᠡ ᠮᠠᠷᠲᠠᠵᠤ ᠴᠢᠲᠠᠬᠤ ᠦᠭᠡᠢ !
ᠬᠣᠶᠠᠷ ᠵᠢᠭᠦᠷ ᠦ᠋ᠨ ᠶ᠋ᠢᠡᠨ ᠨᠢᠭᠡ ᠶ᠋ᠢ ᠲᠠᠰᠤᠯᠤᠭᠤᠯᠤᠭᠰᠠᠨ ᠰᠢᠪᠠᠭᠤ ᠰᠢᠭ᠋
ᠬᠣᠩᠭᠣᠷ ᠴᠢᠮᠠᠶ᠋ᠢ ᠪᠠᠨ ᠶᠠᠪᠤᠭᠤᠯᠴᠢᠬᠠᠭᠠᠳ ᠪᠢ ᠴᠢᠨᠢ
ᠡᠨᠡ ᠪᠠᠶ᠋ᠢᠰᠢᠩ ᠂ ᠺᠯᠦ᠋ᠪ ᠂ ᠬᠣᠯᠪᠣᠬ᠋ᠠ ᠶ᠋ᠢ ᠬᠠᠷᠠᠭᠠᠳ
ᠡᠯᠢᠭᠡ ᠵᠢᠷᠦᠬᠡ ᠰᠢᠮᠰᠢᠷᠡᠨ ᠭᠤᠨᠢᠬᠯᠠᠬᠤ ᠪᠠᠶ᠋ᠢᠬᠠ ᠳ᠋ᠠ ᠃
ᠤᠷᠲᠤᠭᠠᠳ ᠪᠢ ᠶᠠᠪᠤᠴᠢᠬᠠᠬᠤ ᠶᠤᠮ ᠪᠣᠯ
ᠤᠴᠠᠷᠠᠨ ᠳᠠᠰᠤᠭᠰᠠᠨ ᠤᠶᠠᠬᠠᠨ ᠴᠢ ᠮᠢᠨᠢ
ᠤᠰᠤᠨ ᠨᠢᠲᠦᠯᠡᠵᠦ ᠭᠠᠪ ᠭᠠᠭᠴᠠᠭᠠᠷᠲᠠᠨ
ᠤᠶᠠᠭᠠᠲᠠᠢ ᠪᠣᠲᠣᠭᠣ ᠰᠢᠭ᠋ ᠯᠡ ᠦᠯᠡᠲᠡᠬᠦ ᠪᠠᠶ᠋ᠢᠬᠠ ᠳ᠋ᠠ ᠃
ᠠᠮᠠᠷᠠᠭ ᠳᠤᠷᠠᠯᠠᠯ ᠮᠠᠨᠢ ᠤᠷᠪᠠᠬᠤ ᠶᠤᠮ ᠪᠣᠯ
ᠠᠯᠢ ᠴᠤ᠌ ᠭᠠᠵᠠᠷ ᠠ᠋ᠴᠠ ᠪᠠᠲᠤᠨᠤᠷᠪᠤ ᠳᠤ ᠢᠷᠡᠭᠡᠳ
ᠠᠩᠬᠠᠨ ᠴᠢᠮᠠ ᠲᠠᠢ ᠥᠨᠥᠰᠦᠯᠳᠦᠭᠰᠡᠨ ᠭᠠᠵᠠᠷ ᠳᠡᠭᠡᠷᠡ
ᠠᠮᠢᠰᠬᠤᠯ ᠶᠤᠭᠠᠨ ᠬᠤᠷᠢᠶᠠᠬᠤ ᠪᠣᠯᠤᠨᠠ ᠃
1974.7.11
《 ᠷ · ᠴᠣᠶ᠋ᠢᠨᠣᠮ ᠦ᠋ᠨ ᠰᠢᠯᠦᠭ᠋ ᠵᠣᠬᠢᠶᠠᠯ ᠦ᠋ᠨ ᠬᠤᠷᠢᠶᠠᠬᠤᠢ ! 》
— ᠤᠶᠠᠩᠬ᠋ᠠ ᠶ᠋ᠢᠨ ᠰᠢᠯᠦᠭ ᠡᠴᠡ ᠬᠠᠭᠤᠯᠪᠠ ᠃
ᠪᠢ᠍᠊ · ᠳᠠᠮᠳᠢᠨᠰᠦ᠋ᠷᠦᠩ ᠡᠮᠬᠢᠤᠠᠬᠡᠨ ᠨᠠᠶ᠋ᠢᠷᠠᠭᠤᠯᠪᠠ
ᠬᠠᠷᠢᠭᠤᠴᠠᠭᠰᠠᠨ ᠨᠠᠶ᠋ᠢᠷᠠᠭᠤᠯᠤᠭᠴᠢ ᠄ ᠪᠣᠷᠣᠨᠤᠳ ᠳᠣᠷᠵᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠪᠠᠶᠠᠨᠰᠡᠷᠡᠩ
ᠬᠢᠨᠠᠭᠴᠢ ᠄ ᠣᠳᠬᠠᠨᠰᠣᠠ