ᠳᠠᠯᠠᠨ ᠬᠠᠷᠠ – ᠭ · ᠴᠢᠩᠪᠠᠭᠠᠲᠤᠷ Далан хар – Г· Чинбаатар
384ᠳᠠᠯᠠᠨ ᠬᠠᠷᠠ
ᠭ · ᠴᠢᠩᠪᠠᠭᠠᠲᠤᠷ
ᠪᠣᠲᠣᠯ ᠳᠤ ᠪᠠᠨ ᠳᠠᠷᠤᠭᠳᠠᠨ ᠲᠦᠩᠰᠦᠶ᠋ᠢᠭᠡ ᠴᠤ᠌ ᠶᠤᠮ ᠤᠤ ᠂
ᠮᠢᠨᠦ ᠳᠠᠯᠠᠨ ᠬᠠᠷᠠ
ᠪᠤᠷᠬᠠᠨ ᠬᠠᠯᠲᠤᠨ ᠡᠵᠢ ᠪᠡᠨ ᠰᠠᠨᠠᠬ᠋ᠠ ᠴᠤ᠌ ᠶᠤᠮ ᠤᠤ ᠂
ᠮᠢᠨᠦ ᠳᠠᠯᠠᠨ ᠬᠠᠷᠠ
ᠪᠣᠯᠪᠠᠯ ᠭᠠᠯᠲᠤ ᠠᠭᠤᠯᠠ ᠰᠢᠭ᠋ ᠳᠡᠯᠪᠡᠷᠡᠶᠡ ᠭᠡᠵᠦ ᠪᠤᠬᠢᠨᠢᠲᠤᠬ᠋ᠠ ᠴᠤ᠌ ᠶᠤᠮ ᠤᠤ ᠂
ᠮᠢᠨᠦ ᠳᠠᠯᠠᠨ ᠬᠠᠷᠠ
ᠪᠣᠲᠣᠬᠤ ᠳᠤ ᠲᠦᠮᠡᠳ ᠦ᠋ᠨ ᠲᠠᠯᠠ ᠪᠠᠨ ᠲᠡᠪᠡᠷᠢᠶᠡ ᠭᠡᠵᠦ ᠬᠦᠰᠡᠭᠡ ᠴᠤ᠌ ᠶᠤᠮ ᠤᠤ ᠂
ᠮᠢᠨᠦ ᠳᠠᠯᠠᠨ ᠬᠠᠷᠠ
ᠰᠠᠯᠬᠢᠨ ᠳᠤ ᠤᠷᠤᠭᠤᠲᠠᠭᠰᠠᠨ ᠭᠠᠭᠴᠠ ᠰᠠᠭᠠᠷᠠᠯ ᠮᠣᠷᠢ ᠪᠠᠨ
ᠲᠩᠷᠢ ᠡᠴᠡ ᠰᠤᠷᠠᠭᠯᠠᠨ
ᠰᠠᠷᠠ ᠨᠠᠷᠠᠨ ᠠ᠋ᠴᠠ ᠭᠡᠭᠡ ᠪᠠᠷᠢᠨ ᠴᠥᠬᠥᠷᠡᠩ ᠶ᠋ᠢᠡᠨ ᠪᠠᠷᠠᠲᠠᠯᠠ
ᠡᠷᠢᠭᠡ ᠴᠤ᠌ ᠶᠤᠮ ᠤᠤ
ᠠᠯᠲᠠᠨ ᠬᠠᠭᠠᠨ ᠪ ᠠᠷᠭᠤᠮᠠᠭ ᠲᠦᠮᠡᠨ ᠠᠲᠤᠭᠤ ᠶ᠋ᠢ
ᠵᠡᠭᠦᠲᠦᠯᠡᠨ ᠵᠡᠭᠦᠲᠦᠯᠡᠨ
ᠠᠶᠠ ᠮᠢᠨᠦ ᠳᠠᠯᠠᠨ ᠬᠠᠷᠠ ᠲᠦᠪᠡᠷᠭᠡᠨ ᠪ ᠴᠢᠮᠡᠭᠡ ᠠᠨᠢᠷᠲᠤᠨ
ᠬᠦᠯᠢᠶᠡᠭᠡ ᠴᠤ᠌ ᠶᠤᠮ ᠤᠤ
ᠲᠠᠯᠠ ᠶ᠋ᠢᠨ ᠬᠠᠷᠠᠭᠤᠯ — ᠳᠠᠯᠠᠨ ᠬᠠᠷᠠ ᠮᠢᠨᠢ
ᠲᠠ ᠣᠲᠣ ᠶᠠᠭᠤ ᠬᠠᠷᠠᠵᠤ ᠪᠠᠶ᠋ᠢᠬ᠋ᠠ ᠪᠤᠢ?
ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠴᠤ᠌ ᠦᠭᠡᠢ ᠲᠠᠮᠲᠤᠷᠬᠠᠢ ᠲᠠᠯᠠ ᠪᠠᠨ ᠬᠠᠷᠠᠭᠠᠳ
ᠲᠠᠨ ᠪ ᠴᠢᠯᠠᠭᠤ ᠮᠢᠨᠦ ᠵᠢᠷᠦᠬᠡ ᠰᠢᠭ᠌ ᠬᠦᠨᠲᠦᠷᠡᠵᠦ ᠪᠠᠶ᠋ᠢᠬ᠋ᠠ ᠴᠤ᠌ ᠶᠤᠮ ᠤᠤ ᠁
ᠬᠠᠬᠢᠷ ᠬᠦᠢᠲᠡᠨ ᠤᠮᠠᠷᠠᠲᠤ ᠶ᠋ᠢᠨ ᠰᠠᠯᠬᠢ ᠱᠤᠤᠭᠢᠨ ᠰᠢᠭᠤᠷᠠᠲᠠᠭ ᠶᠠᠩᠵᠤ ᠪᠠᠷ ᠶ᠋ᠢᠠᠨ
ᠬᠠᠲᠠᠭᠤ ᠴᠢᠯᠠᠭᠤᠨ ᠬᠡᠷᠡᠮ ᠴᠤ᠌ ᠬᠠᠰᠢᠵᠤ ᠴᠢᠲᠠᠲᠠᠭ ᠦᠭᠡᠢ ᠬᠡᠪ ᠶ᠋ᠢᠡᠷ ᠶ᠋ᠢᠡᠨ
ᠬᠠᠷᠢᠨ ᠲᠡᠷᠡ ᠲᠩᠷᠢ ᠶ᠋ᠢᠨ ᠴᠡᠷᠢᠭ ᠮᠣᠷᠢᠲᠤ ᠳᠠᠶ᠋ᠢᠴᠢᠳ
ᠬᠠᠮᠢᠭᠠᠰᠢ ᠶᠠᠪᠤᠯᠤᠬ᠋ᠠ ᠂ ᠠᠭᠤᠯᠠ ᠲᠠᠯᠠ ᠮᠢᠨᠢ ᠠᠵᠢᠨ ᠳᠠᠵᠢᠨ ᠁
ᠵᠠᠭᠤᠨ ᠵᠠᠭᠤᠨ ᠪ ᠠᠯᠤᠰ ᠳᠠᠬᠢ ᠶ᠋ᠢ ᠡᠬᠡᠷ ᠲᠠᠲᠠᠲᠠᠯᠠ ᠰᠠᠨᠠᠬᠤ ᠠ᠋ᠴᠠ
ᠥᠭᠡᠷᠡ ᠶᠠᠭᠠᠬᠢᠬᠤ ᠪᠤᠢ?
ᠵᠢᠷᠭᠤᠭᠠᠨ ᠰᠠᠷᠠ ᠶ᠋ᠢᠨ ᠴᠡᠴᠡᠭ ᠰᠢᠭ᠌ ᠬᠡᠭᠡᠮᠰᠦᠭᠯᠡᠵᠦ ᠯᠡ ᠶᠠᠪᠤᠬᠤ ᠠ᠋ᠴᠠ
ᠣᠨᠲᠣᠣ ᠶᠠᠭᠠᠬᠢᠬᠤ ᠪᠤᠢ?
ᠠᠭᠤᠯᠠ ᠲᠠᠢ ᠬᠥᠮᠦᠨ ᠂ ᠲᠦᠰᠢᠭ ᠲᠡᠢ ᠬᠥᠮᠦᠨ ᠭᠡᠵᠦ
ᠲᠦᠮᠡᠳ ᠲᠠᠯᠠ ᠲᠠᠢ ᠪᠠᠨ ᠬᠣᠶᠠᠭᠤᠯᠠ
ᠠᠭᠤᠷ ᠰᠠᠪᠰᠠᠭᠤᠯᠤᠭᠰᠠᠨ ᠡᠪᠦᠯ ᠦ᠋ᠨ ᠨᠠᠭᠤᠷ ᠰᠢᠭ᠋ ᠳᠦᠩᠭᠢᠨᠡᠬᠦ ᠡᠴᠡ
ᠴᠠᠭᠠᠰᠢ ᠶᠠᠭᠠᠬᠢᠬᠤ ᠪᠤᠢ?
ᠳᠠᠯᠠᠨ ᠬᠠᠷᠠᠭᠤᠯ ᠲᠠᠢ ᠪᠠᠶ᠋ᠢᠲᠠᠯᠠ ᠲᠠᠯᠠ ᠮᠢᠨᠢ
ᠶᠠᠭᠤᠨ ᠳᠤ ᠪᠠᠨ ᠡᠵᠡᠭᠦᠶ᠋ᠢᠷᠡᠪᠡ?
ᠲᠠᠭᠠᠨᠠ ᠶ᠋ᠢᠨ ᠴᠠᠭᠠᠨ ᠴᠡᠴᠡᠭ ᠳᠡᠭᠡᠷᠡ ᠰᠢᠭᠦᠲᠡᠷᠢ ᠪᠡᠷ
ᠬᠡᠨ ᠤᠬᠢᠯᠠᠪᠠ?
ᠲᠠᠯᠠ ᠮᠢᠨᠢ ᠬᠥᠭᠡᠷᠦᠬᠦᠢ ᠠᠭᠤᠯᠠ ᠪᠠᠨ ᠳᠠᠭᠠᠭᠠᠬᠤ ᠲᠡᠩᠬᠡᠭᠡ ᠴᠤ᠌ ᠦᠭᠡᠢ
ᠪᠣᠯᠤᠭᠰᠠᠨ ᠬᠣᠶ᠋ᠢᠨᠠ
ᠲᠠᠨ ᠶ᠋ᠢᠠᠨ ᠪᠢ ᠲᠤᠷᠢᠬᠠᠨ ᠵᠢᠷᠦᠬᠡᠨ ᠳᠤ ᠪᠡᠨ ᠲᠡᠭᠡᠭᠡᠵᠦ ᠯᠡ ᠬᠡᠯᠲᠦᠷᠢᠬᠦ ᠡᠴᠡ
ᠣᠨᠲᠣᠣ ᠶᠠᠭᠠᠬᠢᠬᠤ ᠪᠤᠢ
ᠳᠠᠯᠠᠨ ᠬᠠᠷᠠ ᠮᠢᠨᠢ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠭᠡᠷᠡᠯ
ᠬᠢᠨᠠᠭᠴᠢ ᠄ ᠰᠡᠯᠡᠭᠦᠨ ᠪᠠᠭᠰᠢ