ᠡᠪᠦᠭᠡ ᠳ᠋ᠡᠭᠡᠨ ᠪᠢ ᠵᠠᠬᠢᠲᠠᠯ ᠪᠢᠴᠢᠯᠡ – ᠭᠦᠷᠵᠠᠪ Өвөөдөө би захидал бичлээ – Гүржав
278ᠡᠪᠦᠭᠡ ᠳ᠋ᠡᠭᠡᠨ ᠪᠢ ᠵᠠᠬᠢᠲᠠᠯ ᠪᠢᠴᠢᠯᠡ
ᠭᠦᠷᠵᠡᠪ
ᠥᠷᠭᠡᠨ ᠬᠠᠩᠭᠠᠢ ᠳ᠋ᠠᠭᠠᠨ ᠬᠣᠨᠢ ᠪᠠᠨ ᠪᠡᠯᠴᠢᠭᠡᠭᠡᠳ
ᠥᠨᠲᠥᠷ ᠬᠠᠶ᠋ᠢᠷᠬᠠᠨ ᠳ᠋ᠠᠭᠠᠨ ᠬᠠᠨᠠ ᠪᠠᠨ ᠲᠦᠰᠢᠭᠦᠯᠦᠭᠡᠳ
ᠥᠲᠡᠯᠬᠦ ᠶ᠋ᠢᠨ ᠡᠷᠡᠨ ᠳᠤ ᠨᠠᠷᠠ ᠪᠠᠨ ᠳᠤᠷᠠᠰᠤᠭᠰᠠᠨ
ᠥᠷᠥᠰᠢᠶᠡᠯᠲᠦ ᠲᠠ ᠮᠢᠨᠢ ᠰᠠᠶ᠋ᠢᠨ ᠪᠠᠶ᠋ᠢᠨᠠ ᠤᠤ
ᠠᠩᠬ᠋ᠠ ᠦᠷᠡ ᠳ᠋ᠡᠭᠡᠨ ᠰᠠᠨᠠᠬ᠋ᠠ ᠬᠠᠶᠠᠭᠠᠳ
ᠠᠮᠠᠷᠠᠯᠲᠠ ᠴᠢᠯᠥᠭᠡ ᠳ᠋ᠤᠨᠢ ᠰᠤᠷᠠᠭ ᠲᠠᠯᠪᠢᠭᠠᠳ
ᠠᠬᠲᠠ ᠬᠥᠯᠥᠭ ᠲᠡᠭᠡᠨ ᠡᠮᠡᠭᠡᠯ ᠳᠠᠷᠤᠨ
ᠠᠮᠵᠢᠵᠤ ᠲᠣᠰᠬᠤ ᠪᠠᠷ ᠪᠡᠯᠡᠤᠠᠴᠦ ᠪᠠᠶ᠋ᠢᠨᠠ ᠤᠤ
ᠠᠶ᠋ᠢᠯ ᠦ᠋ᠨ ᠣᠯᠠᠨ ᠲᠠᠢ ᠵᠣᠭᠣᠭ ᠲᠠᠭᠠᠷᠠᠭᠠᠳ
ᠠᠯᠢ ᠪᠠᠶ᠋ᠢᠬᠰᠠᠨ ᠶ᠋ᠢᠠᠨ ᠳᠡᠯᠭᠡᠨ ᠬᠦᠷᠦᠭᠡᠳ
ᠠᠮᠢᠲᠤᠷᠠᠯ ᠦ᠋ᠨ ᠰᠠᠶ᠋ᠢᠬᠠᠨ ᠶ᠋ᠢᠠᠨ ᠱᠠᠭᠰᠢᠨ ᠪᠠᠬᠠᠲᠤᠨ
ᠠᠵᠠ ᠶ᠋ᠢᠨ ᠢᠨᠢᠶᠡᠲᠦ ᠲᠡᠢ ᠮᠥᠰᠢᠶᠡᠨ ᠪᠠᠶ᠋ᠢᠨᠠ ᠤᠤ
ᠡᠪᠦᠭᠡ ᠲᠠ ᠮᠢᠨᠢ ᠮᠡᠨᠲᠦ ᠪᠠᠶ᠋ᠢᠨᠠ ᠤᠤ
ᠥᠰᠪᠥᠷᠢ ᠨᠠᠮᠠᠢ᠍ᠢ ᠪᠠᠨ ᠳᠤᠷᠠᠰᠤᠭᠰᠠᠭᠠᠷ ᠪᠠᠶ᠋ᠢᠨᠠ ᠤᠤ
ᠥᠷᠯᠥᠭᠡ ᠦᠲᠡᠰᠢ ᠦᠭᠡᠢ ᠰᠠᠷᠠᠪᠴᠢᠯᠠᠭᠰᠠᠭᠠᠷ ᠪᠠᠶ᠋ᠢᠨᠠ ᠤᠤ
ᠥᠤᠠᠲᠡᠷ ᠤᠴᠢᠬᠤ ᠶ᠋ᠢ ᠮᠢᠨᠢ ᠬᠦᠯᠢᠶᠡᠭᠰᠡᠭᠡᠷ ᠪᠠᠶ᠋ᠢᠨᠠ ᠤᠤ ᠁
ᠥᠭᠦᠭᠡᠷᠲᠡᠵᠦ ᠰᠠᠨᠠᠲᠠᠭ ᠣᠮᠪᠣᠯᠣ ᠴᠢᠨᠢ — ᠪᠢ
ᠡᠪᠦᠷᠯᠡᠵᠦ ᠬᠠᠶ᠋ᠢᠷᠠᠯᠠᠲᠠᠭ ᠦᠷᠡ ᠴᠢᠨᠢ — ᠪᠢ
ᠡᠲᠦᠷᠵᠢᠨ ᠬᠤᠪᠢᠶᠠᠭᠲᠠᠲᠠᠭ ᠰᠡᠤᠠᠬᠢᠯ ᠴᠢᠨᠢ — ᠪᠢ
ᠥᠭᠡᠲᠡᠯᠡᠨ ᠮᠠᠨᠲᠤᠬᠤ ᠬᠦᠰᠡᠯ ᠴᠢᠨᠢ — ᠪᠢ
ᠰᠤᠷᠤᠭᠰᠠᠨ ᠬᠢᠴᠢᠶᠡᠯ ᠶ᠋ᠢᠡᠨ ᠣᠶᠤᠨ ᠳ᠋ᠠᠭᠠᠨ ᠰᠢᠩᠭᠡᠭᠡᠳ
ᠰᠤᠷᠤᠯᠬ᠋ᠠ ᠶ᠋ᠢᠨ ᠬᠤᠭᠤᠴᠠᠬ᠋ᠠ ᠪᠠᠨ ᠠᠮᠵᠢᠯᠲᠠ ᠲᠠᠢ ᠲᠡᠭᠦᠰᠭᠡᠭᠡᠳ
ᠠᠶᠤᠤᠯᠢᠬᠠᠢ ᠳᠦᠭᠦᠷᠡᠩ ᠪᠠᠬᠠᠲᠤᠯ ᠪᠠᠶᠠᠷ ᠲᠠᠢ
ᠠᠴᠢᠲᠤ ᠲᠠᠨ ᠳ᠋ᠠᠭᠠᠨ ᠵᠣᠯᠭᠠᠬᠤ ᠪᠠᠷ ᠣᠴᠢᠨᠠ
ᠡᠪᠦᠭᠡ ᠲᠠ ᠮᠢᠨᠢ ᠰᠠᠨᠠᠬ᠋ᠠ ᠠᠮᠤᠷ ᠪᠠᠢ
ᠠᠮᠵᠢᠯᠲᠠ ᠲᠠᠢ ᠪᠤᠴᠠᠬᠤ ᠶ᠋ᠢ ᠮᠢᠨᠢ ᠢᠲᠡᠭᠡᠵᠦ ᠪᠠᠢ
ᠡᠲᠦᠷ ᠰᠥᠨᠢ ᠦᠭᠡᠢ ᠵᠥᠩᠨᠡᠵᠦ ᠪᠠᠢ
ᠥᠷᠥᠴᠡ ᠵᠢᠷᠦᠬᠡᠨ ᠡᠴᠡ ᠪᠡᠨ ᠢᠷᠥᠭᠡᠵᠦ ᠪᠠᠢ ᠡ !
ᠭᠦᠷᠵᠠᠪ ᠤᠨ ᠵᠤᠬᠢᠶᠠᠭᠰᠠᠨ < ᠬᠡᠤᠭᠡᠳ ᠨᠠᠰᠤ ᠰᠠᠶ᠋ᠢᠬᠠᠨ > ᠡᠴᠡ ᠰᠤᠩᠭᠤᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ ᠬᠡᠪᠯᠡᠭᠦᠯᠪᠡ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠦ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠦ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠤᠷᠠᠨᠴᠡᠴᠡᠭ
ᠦᠰᠦᠭ ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
2023 ᠣᠨ ᠪ3 ᠰᠠᠷᠠ ᠶ᠋ᠢᠨ7 ᠪ ᠡᠲᠦᠷ ᠃