ᠦᠨᠡᠭᠡ ᠴᠢᠨᠣᠠ ᠬᠣᠶᠠᠷ Үнэг чоно хоёр
380ᠦᠨᠡᠭᠡ ᠴᠢᠨᠣᠠ ᠬᠣᠶᠠᠷ
ᠦᠨᠡᠭᠡ ᠴᠢᠨᠣᠠ ᠬᠣᠶᠠᠷ ᠬᠠᠮᠲᠤ ᠶᠠᠪᠤᠵᠤ ᠪᠠᠶ᠋ᠢᠭᠠᠳ ᠬᠦᠵᠡᠭᠡ ᠰᠢᠷᠠ ᠲᠣᠰᠣ ᠣᠯᠵᠠᠢ ᠃ ᠡᠨᠡ ᠲᠣᠰᠣ ᠶ᠋ᠢ ᠬᠣᠶᠠᠭᠤᠯᠠ ᠲᠡᠭᠰᠢ ᠬᠤᠪᠢᠶᠠᠵᠤ ᠢᠲᠡᠬᠦ ᠶ᠋ᠢ ᠵᠠᠪᠲᠤᠵᠤ ᠪᠠᠶ᠋ᠢᠲᠠᠯᠠ ᠦᠨᠡᠭᠡ ᠄
— ᠡᠨᠡ ᠲᠣᠰᠣ ᠶ᠋ᠢ ᠡᠨᠲᠡ ᠢᠲᠡᠬᠦ ᠳᠤ ᠵᠣᠬᠢᠰ ᠦᠭᠡᠢ ᠂ ᠬᠥᠮᠦᠨ ᠶᠠᠪᠤᠨᠠ ᠃ ᠬᠠᠷᠢᠨ ᠥᠨᠲᠥᠷ ᠠᠭᠤᠯᠠ ᠶ᠋ᠢᠨ ᠣᠷᠣᠢ ᠳᠡᠭᠡᠷᠡ ᠭᠠᠷᠴᠤ ᠢᠲᠡᠶᠡ ᠂ ᠴᠢ ᠠᠪᠴᠤ ᠶᠠᠪᠤ ᠭᠡᠪᠡ ᠃
ᠢᠩᠭᠢᠭᠡᠳ ᠬᠣᠶᠠᠭᠤᠯᠠ ᠥᠨᠲᠥᠷ ᠠᠭᠤᠯᠠ ᠶ᠋ᠢᠨ ᠣᠷᠣᠢ ᠳᠤ ᠭᠠᠷᠪᠠ ᠃ ᠭᠡᠲᠡᠯᠡ ᠦᠨᠡᠭᠡ ᠄
— ᠡᠨᠡ ᠲᠣᠰᠣ ᠶ᠋ᠢ ᠬᠤᠪᠢᠶᠠᠵᠤ ᠢᠳᠡᠭᠰᠡᠨ ᠪ ᠬᠡᠷᠡᠭ ᠦᠭᠡᠢ ᠂ ᠨᠢᠭᠡ ᠨᠢ ᠢᠲᠡᠪᠡᠯ ᠵᠣᠬᠢᠨᠠ ᠭᠡᠯᠡ ᠃ ᠴᠢᠨᠣᠠ ᠄
— ᠬᠡᠨ ᠮᠠᠨᠢ ᠢᠲᠡᠬᠦ ᠪᠤᠢ ? ᠭᠡᠬᠦ ᠳᠤ ᠦᠨᠡᠭᠡ ᠄
— ᠬᠡᠨ ᠠᠬᠠ ᠨᠠᠰᠤᠲᠠᠢ ᠮᠠᠨᠢ ᠢᠲᠡᠪᠡᠯ ᠲᠠᠭᠠᠷᠠᠨᠠ ᠂ ᠴᠢ ᠬᠡᠲᠤᠨ ᠨᠠᠰᠤᠲᠠᠢ ᠪᠤᠢ ? ᠭᠡᠵᠦ ᠠᠰᠠᠭᠤᠯᠠ ᠃
ᠴᠢᠨᠣᠠ ᠦᠨᠡᠭᠡ ᠶ᠋ᠢ ᠮᠡᠬᠡᠯᠡᠵᠦ ᠥᠨᠥᠬᠢ ᠲᠣᠰᠣ ᠶ᠋ᠢ ᠢᠲᠡᠬᠦ ᠶ᠋ᠢᠨ ᠲᠣᠯᠠᠲᠠ ᠄
— ᠨᠠᠮᠠᠢ᠍ᠢ ᠪᠠᠬ᠋ᠠ ᠪᠠᠶ᠋ᠢᠬᠤ ᠳᠤ ᠰᠦᠮᠪᠦᠷ ᠠᠭᠤᠯᠠ ᠳᠣᠪᠣ ᠰᠢᠭ᠋᠂ ᠰᠦᠨ ᠳᠠᠯᠠᠢ ᠱᠠᠯᠪᠠᠭ ᠰᠢᠭ᠋ ᠪᠠᠶ᠋ᠢᠬᠰᠠᠨ ᠪᠢᠯᠡ ᠭᠡᠬᠦ ᠳᠤ ᠦᠨᠡᠭᠡ ᠤᠴᠢᠷ ᠵᠦᠭ ᠦᠭᠡᠢ ᠤᠬᠢᠯᠠᠯᠠ ᠃ ᠴᠢᠨᠣᠠ ᠳᠣᠲᠣᠷᠠ ᠪᠠᠨ 《 ᠰᠢᠷᠠ ᠭᠠᠶ᠋ᠢᠬᠠᠯ ᠴᠢᠮᠠᠢ ᠶ᠋ᠢ ᠴᠤ᠌ ᠨᠢᠭᠡ ᠮᠡᠬᠡᠯᠡᠯᠡ ᠳ᠋ᠠ ᠃ ᠣᠲᠣ ᠤᠬᠢᠯᠠᠭᠰᠠᠨ ᠴᠤ᠌ ᠤᠬᠢᠯᠠᠭᠰᠠᠨ ᠦᠭᠡᠢ ᠴᠤ᠌ ᠲᠣᠰᠣ ᠮᠢᠨᠦᠬᠢ ᠪᠣᠯᠤᠯᠠ ᠳ᠋ᠠ 》 ᠭᠡᠵᠦ ᠪᠣᠲᠣᠭᠠᠳ ᠄
— ᠴᠢ ᠶᠠᠭᠤᠨ ᠳᠤ ᠣᠬᠢᠯᠠᠬ᠋ᠠ ᠪᠤᠢ ᠭᠡᠬᠦ ᠳᠤ ᠦᠨᠡᠭᠡ ᠄
— ᠨᠠᠲᠠ ᠳᠤ ᠭᠤᠷᠪᠠᠨ ᠵᠤᠯᠵᠠᠬ᠋ᠠ ᠪᠤᠢ ᠃ ᠬᠠᠮᠤᠭ ᠦ᠋ᠨ ᠪᠠᠬ᠋ᠠ ᠨᠢ ᠴᠢᠮᠠ ᠲᠠᠢ ᠰᠠᠴᠠᠭᠤ ᠶᠤᠮ ᠪᠠᠶ᠋ᠢᠨᠠ ᠃ ᠲᠡᠭᠡᠭᠡᠳ ᠰᠡᠤᠠᠬᠢᠯ ᠤᠶᠠᠷᠠᠯᠠ ᠭᠡᠬᠦ ᠳᠤ ᠴᠢᠨᠣᠠ ᠲᠡᠭᠦᠨ ᠊ᠢ ᠰᠣᠨᠣᠰᠴᠤ ᠶᠡᠬᠡᠯᠡ ᠢᠴᠢᠭᠡᠳ ᠦᠯᠦᠨ ᠬᠣᠭᠣᠰᠣᠨ ᠬᠣᠩᠬᠣᠯᠵᠠᠭᠰᠠᠭᠠᠷ ᠬᠣᠩᠭᠢᠯ ᠳ᠋ᠠᠭᠠᠨ ᠪᠤᠴᠠᠬᠤ ᠳᠤ ᠦᠨᠡᠭᠡ ᠲᠣᠰᠣ ᠶ᠋ᠢ ᠭᠠᠭᠴᠠᠭᠠᠷ ᠶ᠋ᠢᠠᠨ ᠴᠠᠤᠠᠲᠠᠯᠠ ᠪᠠᠨ ᠢᠲᠡᠵᠡᠢ ᠃
《 ᠮᠣᠩᠭᠣᠯ ᠠᠷᠠᠳ ᠦ᠋ᠨ ᠠᠮᠠᠨ ᠵᠣᠬᠢᠶᠠᠯ ᠦ᠋ᠨ ᠳᠡᠭᠡᠵᠢ ᠪᠢᠴᠢᠭ 》 ᠡᠴᠡ ᠰᠣᠩᠭᠣᠪᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠰᠢᠯᠤᠭᠤᠨ