ᠬᠦᠰᠡᠯᠡᠩ – ᠭᠦᠷᠵᠠᠪ Хүслэн – Гүржав
291ᠬᠦᠰᠡᠯᠡᠩ
ᠭᠦᠷᠵᠠᠪ
ᠬᠦᠰᠡᠯᠡᠩ ᠭᠡᠵᠦ
ᠬᠥᠮᠦᠰ ᠦ᠋ᠨ —
ᠬᠦᠷᠦᠶᠡ ᠣᠴᠢᠶᠠ ᠭᠡᠵᠦ
ᠬᠥᠭᠡᠭᠡᠵᠦ ᠵᠣᠷᠢᠲᠠᠭ ᠵᠠᠩ
ᠬᠥᠯᠥᠰᠥ ᠴᠢᠰᠤ ᠪᠠᠨ ᠰᠢᠪᠬᠠᠭᠠᠳ
ᠬᠥᠭᠡᠭᠡᠴᠡᠯᠲᠦᠵᠦ ᠲᠠᠭᠤᠲᠠᠭ ᠵᠦᠢᠯᠡᠰ
ᠬᠦᠰᠡᠯᠡᠩ ᠭᠡᠵᠦ
ᠬᠥᠮᠦᠰ ᠦ᠋ᠨ —
ᠭᠡᠬᠦᠳᠡᠭ ᠰᠡᠤᠠᠬᠢᠯ ᠦ᠋ᠨ ᠭᠦᠨ ᠡᠴᠡ
ᠬᠦᠪᠦᠷᠡᠵᠦ ᠴᠣᠬᠣᠶ᠋ᠢᠲᠠᠭ ᠨᠠᠬᠢᠶᠠ
ᠬᠥᠲᠡᠯᠮᠦᠷᠢ ᠰᠢᠮᠲᠠᠯᠬ᠋ᠠ ᠶ᠋ᠢᠨ ᠰᠢᠮᠡ ᠪᠡᠷ
ᠬᠥᠬᠡᠷᠡᠵᠦ ᠤᠯᠠᠶ᠋ᠢᠲᠠᠭ ᠵᠢᠮᠢᠰ
ᠬᠦᠰᠡᠯᠡᠩ ᠭᠡᠵᠦ
ᠬᠥᠮᠦᠰ ᠦ᠋ᠨ —
ᠠᠮᠢᠲᠤᠷᠠᠯ ᠳᠡᠭᠵᠢᠷᠡᠯ ᠦ᠋ᠨ ᠬᠥᠪᠴᠢ
ᠠᠶᠠᠯᠠᠯ ᠵᠠᠮᠨᠠᠯ ᠦ᠋ᠨ ᠬᠥᠲᠥᠴᠢ
ᠠᠷᠬ᠋ᠠ ᠰᠡᠤᠠᠬᠢᠴᠡ ᠶ᠋ᠢᠨ ᠳᠡᠯᠭᠡᠴᠡ
ᠠᠲᠠᠯ ᠪᠦᠲᠦᠭᠡᠯᠭᠡ ᠶ᠋ᠢᠨ ᠲᠦᠯᠬᠢᠴᠡ
ᠬᠦᠰᠡᠯᠡᠩ ᠭᠡᠵᠦ
ᠬᠥᠮᠦᠰ ᠦ᠋ᠨ —
ᠠᠮᠠᠲᠠᠭᠰᠠᠨ ᠶ᠋ᠢᠠᠨ ᠪᠡᠶᠡᠯᠡᠭᠦᠯᠬᠦ ᠶ᠋ᠢᠨ ᠡᠷᠴᠢ
ᠠᠯᠲᠠᠭᠰᠠᠨ ᠶ᠋ᠢᠠᠨ ᠨᠥᠬᠥᠬᠦ ᠶ᠋ᠢᠨ ᠰᠢᠨᠵᠢ
ᠠᠵᠠ ᠲᠠᠢ ᠶᠠᠪᠤᠬᠤ ᠶ᠋ᠢᠨ ᠰᠤᠪᠢᠨ
ᠠᠰᠠᠵᠤ ᠮᠠᠨᠲᠤᠬᠤ ᠶ᠋ᠢᠨ ᠵᠢᠭᠦᠷ ᠁
ᠬᠦᠰᠡᠯᠡᠩ ᠲᠡᠢ ᠬᠥᠮᠦᠨ —
ᠭᠦᠴᠦᠷᠬᠡᠭ ᠬᠥᠮᠦᠨ
ᠬᠦᠴᠦ ᠲᠠᠮᠢᠷ ᠪᠦᠷᠢᠨ ᠬᠥᠮᠦᠨ
ᠬᠦᠨᠡᠰᠦ ᠭᠠᠨᠵᠤᠬ᠋ᠠ ᠪᠦᠲᠦᠨ ᠬᠥᠮᠦᠨ
ᠬᠦᠷᠬᠦ ᠴᠡᠭ ᠲᠣᠲᠣ ᠬᠥᠮᠦᠨ
ᠬᠦᠰᠡᠯᠡᠩ ᠦᠭᠡᠢ ᠬᠥᠮᠦᠨ —
ᠬᠦᠨᠲᠦ ᠦᠭᠡᠢ ᠬᠥᠮᠦᠨ
ᠬᠥᠮᠦᠨ ᠪ ᠳᠤᠮᠳᠠ
ᠢᠲᠡᠭᠡᠯ ᠦᠭᠡᠢ ᠬᠥᠮᠦᠨ
ᠬᠡᠦᠬᠡᠳ ᠦᠷᠡᠰ ᠲᠡᠭᠡᠨ
ᠠᠴᠢᠯᠠᠯ ᠦᠭᠡᠢ ᠬᠥᠮᠦᠨ
ᠬᠦᠵᠢ ᠳᠡᠯᠡᠬᠡᠢ ᠳᠤ
ᠮᠥᠷ ᠦᠭᠡᠢ ᠬᠥᠮᠦᠨ
ᠬᠦᠰᠡᠯᠡᠩ ᠭᠡᠵᠦ — ᠰᠠᠶ᠋ᠢᠬᠠᠨ
ᠬᠥᠰᠡᠷᠲᠡᠭᠦᠯᠵᠦ ᠪᠣᠯᠣᠰᠢ ᠦᠭᠡᠢ ᠡᠷᠬᠢᠮ —
ᠬᠥᠭᠡᠭᠡᠵᠦ ᠶᠠᠪᠤᠬᠤ ᠨᠢ ᠡᠷᠬᠢᠮ
ᠬᠥᠩᠭᠡᠪᠴᠢᠯᠡᠵᠦ ᠣᠮᠲᠣᠭᠠᠶ᠋ᠢᠯᠠᠯ ᠦᠭᠡᠢ
ᠬᠥᠪᠴᠢᠲᠡᠵᠦ ᠲᠡᠷᠰᠯᠡᠰᠢᠭᠦᠯᠬᠦ ᠨᠢ ᠡᠷᠬᠢᠮ !
ᠭᠦᠷᠵᠠᠪ ᠤᠨ ᠵᠤᠬᠢᠶᠠᠭᠰᠠᠨ < ᠬᠡᠤᠭᠡᠳ ᠨᠠᠰᠤ ᠰᠠᠶ᠋ᠢᠬᠠᠨ > ᠡᠴᠡ ᠰᠤᠩᠭᠤᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ ᠬᠡᠪᠯᠡᠭᠦᠯᠪᠡ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠦ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠦ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠪᠣᠷᠭᠢᠯ
ᠦᠰᠦᠭ ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
2023 ᠣᠨ ᠪ3ᠰᠠᠷᠠ ᠶ᠋ᠢᠨ 6 ᠪ ᠡᠲᠦᠷ