ᠮᠡᠷᠭᠡ – ᠷ · ᠴᠣᠢᠨᠣᠮ Мэргэ – Р · Чойном
340ᠮᠡᠷᠭᠡ
ᠠᠯᠲᠠᠢ ᠶ᠋ᠢᠨ ᠴᠠᠭᠠᠳᠤᠬᠢ ᠬᠠᠰᠠᠭ ᠵᠠᠩᠰᠢᠯ ᠶ᠋ᠢᠠᠷ
ᠠᠵᠠ ᠵᠠᠶᠠᠭᠠ ᠪᠠᠨ ᠪᠢ ᠮᠡᠷᠭᠡᠯᠡᠵᠦ ᠰᠠᠭᠤᠨᠠ
ᠲᠠᠯᠠ ᠨᠤᠲᠤᠭ ᠦ᠋ᠨ ᠶ᠋ᠢᠠᠨ ᠳᠥᠴᠢᠨ ᠨᠢᠭᠡᠨ ᠴᠢᠯᠠᠭᠤ ᠶ᠋ᠢ
ᠲᠠᠪᠤᠨ ᠲᠣᠯᠣᠭᠠᠢ ᠳ᠋ᠤ᠌ ᠬᠤᠪᠢᠶᠠᠨ ᠲᠠᠰᠤᠯᠵᠤ ᠰᠠᠭᠤᠨᠠ᠃
ᠡᠨᠡ ᠪᠦᠰᠡᠭᠦᠢ ᠲᠡᠢ ᠠᠭᠤᠯᠵᠠᠪᠠᠯ ᠶᠠᠭᠠᠬᠢᠬᠤ ᠪᠣᠯ? ᠭᠡᠵᠦ
ᠡᠷᠡᠭᠡ ᠴᠡᠭᠡᠷ ᠥᠬᠡᠢ ᠲᠠᠨᠢᠯᠴᠠᠪᠠᠯ ᠶᠠᠭᠠᠬᠢᠬᠤ ᠪᠣᠯ? ᠭᠡᠵᠦ
ᠡᠷᠬᠡᠯᠡᠵᠦ ᠪᠦᠷ ᠳᠠᠰᠤᠯᠴᠠᠪᠠᠯ ᠶᠠᠮᠠᠷ ᠪᠣᠯ? ᠭᠡᠵᠦ
ᠡᠴᠦᠰ ᠲᠡᠭᠡᠨ ᠪᠦᠷ ᠬᠠᠨᠢᠯᠠᠪᠠᠯ ᠶᠠᠮᠠᠷ ᠪᠣᠯ? ᠭᠡᠵᠦ
ᠭᠤᠷᠪᠠ ᠳᠠᠬᠢᠨ ᠲᠠᠲᠠᠵᠤ ᠦᠵᠡᠯᠡ
ᠭᠤᠷᠪᠠᠨ ᠭᠤᠷᠪᠠ ᠶ᠋ᠢᠨ ᠶᠢᠰᠦ ᠲᠠᠰᠤᠯᠤᠯᠠ
ᠲᠠᠰᠤᠯᠬᠤ ᠪᠣᠯᠭᠠᠨ ᠳ᠋ᠤ᠌ ᠰᠠᠶ᠋ᠢᠨ ᠲᠥᠯᠭᠡ
ᠲᠠᠪᠤᠨ ᠲᠣᠯᠣᠭᠠᠢ ᠳᠦᠭᠦᠷᠡᠩ ᠪᠠᠭᠤᠯᠠ
ᠲᠡᠭᠡᠭᠰᠡᠨ ᠴᠢᠨᠢ ᠭᠣᠣᠯ ᠶᠠᠭᠤᠮᠠ ᠪᠠᠨ ᠮᠠᠷᠲᠠᠴᠢᠬᠠᠵᠠᠢ
ᠲᠡᠷᠡ ᠨᠠᠮᠠᠢᠢ ᠲᠣᠭᠣᠬᠤ ᠡᠰᠡᠬᠦ ᠶ᠋ᠢ ᠮᠡᠷᠭᠡᠯᠡᠭᠰᠡᠨ ᠦᠭᠡᠢ᠃
1974.6.13
《 ᠷ · ᠴᠣᠶ᠋ᠢᠨᠣᠮ ᠤᠨ ᠰᠢᠯᠦᠭ ᠵᠣᠬᠢᠶᠠᠯ ᠤᠨ ᠬᠤᠷᠢᠶᠠᠬᠤᠢ — 》
— ᠤᠶᠠᠩᠭᠠ ᠶ᠋ᠢᠨ ᠰᠢᠯᠦᠭ ᠠ᠋ᠴᠠ ᠬᠠᠭᠤᠯᠪᠠ ᠃
ᠪᠢ᠊ · ᠳᠠᠮᠳᠢᠨᠰᠦ᠋ᠷᠦᠩ ᠡᠮᠬᠢᠳᠬᠡᠨ ᠨᠠᠶ᠋ᠢᠷᠠᠭᠤᠯᠪᠠ
ᠬᠠᠷᠢᠭᠤᠴᠠᠭᠰᠠᠨ ᠨᠠᠶ᠋ᠢᠷᠠᠭᠤᠯᠤᠭᠴᠢ ᠄ ᠪᠣᠷᠣᠨᠣᠳ ᠳᠣᠷᠵᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠣᠳᠣᠨᠭᠡᠷᠡᠯ
ᠬᠢᠨᠠᠭᠴᠢ ᠪᠠᠭᠰᠢ ᠄ ᠣᠳᠬᠠᠨᠰᠸᠠ