ᠵᠠᠮᠤᠬᠠ ᠡᠩ ᠦ᠋ᠨ ᠬᠥᠮᠦᠨ ᠪᠢᠰᠢ – ᠰᠤᠩᠷᠠᠢ Замха энгийн хүн биш – Сунрай
372ᠵᠠᠮᠤᠬᠠ ᠡᠩ ᠦ᠋ᠨ ᠬᠥᠮᠦᠨ ᠪᠢᠰᠢ
ᠰᠤᠩᠷᠠᠢ
ᠣᠷᠣᠰᠢᠯ ᠦ᠋ᠨ ᠣᠷᠣᠨ ᠳᠤ
ᠵᠠᠮᠤᠬᠠ!
ᠴᠢᠮᠠ ᠶ᠋ᠢ ᠳᠤᠷᠠᠳᠬᠤ ᠳᠤ
ᠴᠢᠩᠭᠢᠰ ᠦ᠋ᠨ ᠶᠡᠬᠡ ᠮᠣᠩᠭᠣᠯ ᠦ᠋ᠨ ᠴᠢᠬᠢ ᠬᠠᠩᠭᠢᠨᠠᠨᠠ
ᠴᠢᠨᠦᠭᠰᠡᠨ ᠢᠩᠭᠡᠨ ᠪ ᠬᠥᠬᠥᠨ ᠡᠴᠡ ᠰᠦ᠋ ᠳᠤᠰᠤᠯᠠᠨᠠ
ᠬᠤᠷᠴᠠ ᠰᠡᠯᠡᠮᠡ ᠬᠤᠢ ᠳᠤ ᠪᠠᠨ ᠵᠠᠩᠭᠢᠷᠠᠨᠠ
ᠬᠤᠭᠤᠷ ᠬᠥᠭᠵᠢᠮ ᠬᠥᠪᠴᠢᠷᠡᠨ ᠲᠠᠰᠤᠷᠠᠨᠠ ᠃
ᠵᠠᠮᠤᠬᠠ!
ᠴᠢᠮᠠ ᠶ᠋ᠢ ᠳᠤᠷᠠᠰᠬᠤ ᠳᠤ
ᠪᠤᠷᠬᠠᠨ ᠬᠠᠯᠲᠤᠨ ᠠᠭᠤᠯᠠ ᠪᠢᠲᠡᠭᠦᠬᠡᠨ ᠰᠡᠭᠦᠷᠡᠰᠦᠯᠡᠨᠡ
ᠪᠤᠶ᠋ᠢᠷ ᠬᠥᠯᠥᠨ ᠨᠠᠭᠤᠷ ᠤᠨᠢᠶᠠᠷᠲᠤᠨ ᠵᠠᠶ᠋ᠢᠷᠲᠤᠨᠠ
ᠪᠤᠭᠤᠷᠤᠯ ᠠᠯᠲᠠᠢ ᠶ᠋ᠢᠨ ᠴᠠᠰᠤ ᠤᠶᠠᠷᠠᠩᠬᠠᠨ ᠨᠢᠯᠪᠤᠰᠤᠷᠠᠨᠠ
ᠪᠤᠲᠠᠩᠲᠤ ᠮᠣᠩᠭᠣᠯ ᠣᠷᠣᠨ ᠮᠢᠨᠢ ᠳᠤᠭᠵᠢᠷᠠᠩᠬᠠᠨ ᠨᠠᠮᠠᠨᠴᠢᠯᠠᠨᠠ ᠃
ᠨᠠᠢ᠍ᠮᠠᠨ ᠵᠠᠭᠤᠨ ᠪ ᠨᠠᠷᠠ ᠂ ᠬᠤᠷᠠ ᠂ ᠰᠠᠯᠬᠢ
ᠨᠠᠶ᠋ᠢᠷ ᠵᠢᠷᠤᠮ ᠂ ᠶᠠᠯᠠ ᠭᠠᠪᠢᠶᠠ ᠶ᠋ᠢ ᠴᠢᠨᠢ ᠲᠤᠩᠭᠠᠨ ᠲᠤᠩᠭᠠᠭᠰᠠᠭᠠᠷ ᠁
ᠨᠡᠬᠡᠮᠵᠢᠯᠡᠨ ᠰᠠᠨᠠᠬᠤᠶᠠ!
ᠨᠢᠭᠡᠨ ᠦᠶᠡ ᠶ᠋ᠢᠨ ᠲᠡᠭᠷᠢᠯᠢᠭ ᠲᠥᠷᠥ ᠶ᠋ᠢ
ᠲᠠ ᠨᠢᠲᠦ ᠪᠡᠷ ᠪᠡᠨ ᠬᠠᠷᠠᠬ᠋ᠠ ᠦᠭᠡᠢ ᠴᠤ᠌
ᠨᠢᠭᠡᠲᠦᠨ ᠮᠠᠨᠲᠤᠬᠤ ᠦᠢᠯᠡᠰ ᠲᠡᠢ ᠨᠢ
ᠵᠠᠶᠠᠬ᠋ᠠ ᠪᠠᠨ ᠬᠠᠲᠠᠭᠤᠬᠠᠨ ᠬᠣᠯᠪᠣᠭᠰᠠᠨ ᠰᠠᠨ ᠃
ᠬᠥᠮᠦᠨ ᠪ ᠬᠣᠷᠸ᠋ᠠ ᠳᠤ ᠲᠠ ᠂ ᠴᠢᠩᠭᠢᠰ ᠲᠡᠢ ᠦᠵᠡᠯᠴᠡᠬᠦ ᠭᠡᠭᠴᠢ
ᠬᠥᠬᠡ ᠴᠢᠨᠣᠠ ᠂ ᠪᠠᠷᠰ ᠲᠤᠷ ᠥᠭᠶᠦᠭᠡ ᠂ ᠴᠤᠭᠯᠠᠭᠤᠯᠤᠭᠰᠠᠨ ᠥᠭᠡᠷᠡ ᠦᠦ ⁈
ᠬᠣᠵᠢᠮ ᠦ᠋ᠨ ᠲᠡᠦᠬᠡᠴᠢᠳ ᠲᠠᠨ ᠊ᠢ ᠬᠡᠷᠬᠢᠨ ᠦᠨᠡᠯᠡᠭᠰᠡᠨ ᠴᠤ᠌ ᠶᠠᠭᠠᠬᠢᠮᠤᠢ!
ᠬᠣᠶ᠋ᠢᠨᠠᠬᠢ ᠰᠢᠯᠦᠭ ᠶ᠋ᠢᠡᠷ ᠳᠠᠶ᠋ᠢᠯᠬ᠋ᠠ ᠪᠣᠯᠭᠠᠨ ᠭᠡᠭᠡᠨ ᠰᠦᠨᠡᠰᠦᠨ ᠳᠤ ᠴᠢᠨᠢ ᠡᠷᠭᠦᠶᠡ ᠃
ᠵᠠᠮᠤᠬᠠ ᠡᠩ ᠦ᠋ᠨ ᠬᠥᠮᠦᠨ ᠪᠢᠰᠢ
ᠵᠠᠮᠤᠬᠠ ᠡᠩ ᠦ᠋ᠨ ᠬᠥᠮᠦᠨ ᠪᠢᠰᠢ
ᠵᠠ! ᠭᠡᠵᠦ ᠡᠮᠦᠨᠡ ᠴᠢᠨᠢ ᠪᠥᠬᠥᠶ᠋ᠢᠨ
ᠵᠣᠭᠰᠣ! ᠭᠡᠪᠡᠯ ᠵᠣᠭ ᠲᠣᠰᠲᠠᠭ
ᠵᠣᠯᠪᠢᠩ ᠡᠷᠡ ᠪᠢᠰᠢ
ᠵᠠᠩ ᠵᠢᠷᠤᠮ ᠂ ᠡᠷᠡ ᠴᠢᠲᠠᠯ
ᠵᠠᠯᠢ ᠰᠠᠮᠪᠠᠬ᠋ᠠ ᠂ ᠠᠷᠬ᠋ᠠ ᠤᠬᠠᠭᠠᠨ
ᠠᠯᠢᠨ ᠶ᠋ᠢᠠᠷ ᠳᠤᠲᠠᠬᠤ ᠬᠥᠮᠦᠨ ᠪᠢᠰᠢ ᠲᠠ
ᠵᠢᠭᠠᠭᠰᠠᠨ ᠭᠠᠵᠠᠷ ᠴᠢᠨᠢ ᠢᠯᠡᠷᠡᠵᠦ
ᠵᠠᠩᠨᠠᠬᠤ ᠦᠶᠡ ᠳᠤ ᠴᠢᠨᠢ ᠳᠠᠯᠳᠢᠷᠠᠨ
ᠵᠠᠬᠢᠶᠠ ᠵᠠᠷᠯᠢᠬ ᠊ᠢ ᠴᠢᠨᠢ ᠳᠠᠭᠠᠵᠤ
ᠵᠠᠪᠠᠵᠢᠨ ᠮᠢᠬᠠ ᠠ᠋ᠴᠠ ᠪᠠᠨ ᠲᠠᠲᠠᠭᠤᠯᠲᠠᠭ
ᠵᠤᠲᠠᠷᠠᠭᠰᠠᠨ ᠬᠥᠮᠦᠨ ᠴᠤ᠌ ᠪᠢᠰᠢ ᠃
ᠵᠠᠮᠤᠬᠠ ᠵᠢᠩᠬᠢᠨᠢ ᠡᠷᠡ ᠬᠥᠮᠦᠨ
ᠵᠠᠪᠠᠯ ᠰᠠᠨᠠᠭᠰᠠᠨ ᠶ᠋ᠢᠠᠨ ᠭᠦᠢᠴᠡᠭᠡᠬᠦ ᠭᠡᠰᠡᠨ
ᠵᠠᠰᠠᠭ ᠮᠡᠲᠡᠯ ᠴᠣᠭᠴᠠᠯᠠᠬᠤ ᠭᠡᠰᠡᠨ
ᠵᠠᠲᠠᠷᠠᠨ ᠠᠶ᠋ᠢᠮᠠᠭ ᠶ᠋ᠢᠠᠷ ᠶ᠋ᠢᠠᠨ ᠲᠥᠪᠯᠡᠬᠦ ᠭᠡᠰᠡᠨ
ᠵᠣᠷᠢᠮᠠᠭ ᠬᠠᠲᠠᠭᠤ ᠮᠣᠩᠭᠣᠯ ᠬᠥᠮᠦᠨ!
ᠪᠣᠷᠵᠢᠭᠢᠨ ᠣᠪᠣᠭ ᠦ᠋ᠨ ᠲᠡᠮᠦᠵᠢᠨ ᠊ᠢ
ᠪᠣᠯᠤᠮᠠᠷ ᠬᠥᠮᠦᠨ ᠭᠡᠵᠦ ᠡᠷᠲᠡ ᠲᠠᠨᠢᠬᠰᠠᠨ
ᠪᠣᠲᠣᠯᠬ᠋ᠠ ᠤᠬᠠᠭᠠᠨ ᠠᠯᠢ ᠴᠤ᠌ ᠲᠠᠯᠠ ᠪᠠᠷ
ᠪᠤᠰᠤᠳ ᠠ᠋ᠴᠠ ᠳᠠᠪᠠᠬᠤ ᠶ᠋ᠢ ᠨᠢ ᠲᠡᠷᠡ ᠮᠡᠳᠡᠭᠰᠡᠨ
ᠪᠠᠬ᠋ᠠ ᠪᠠᠶ᠋ᠢᠬᠤ ᠳᠤ ᠪᠠᠨ ᠠᠨᠲᠠ ᠪᠠᠷᠢᠯᠲᠤᠭᠰᠠᠨ
ᠪᠠᠬᠠᠨ ᠲᠣᠮᠣᠷᠠᠭᠠᠳ ᠠᠲᠠᠬ᠋ᠠ ᠪᠠᠷᠢᠯᠲᠤᠭᠰᠠᠨ
ᠪᠠᠰᠠ ᠰᠡᠭᠦᠯ ᠳᠤ ᠪᠡᠨ ᠥᠰᠢᠶᠡ ᠪᠠᠷᠢᠯᠲᠤᠭᠰᠠᠨ
ᠪᠠᠰᠤᠵᠤ ᠪᠠᠶ᠋ᠢᠬᠰᠠᠨ ᠠ᠋ᠴᠠ ᠪᠢᠰᠢᠷᠡᠬᠦ ᠪᠣᠯᠤᠭᠰᠠᠨ
ᠪᠢᠰᠢᠷᠡᠯᠡ ᠭᠡᠳ ᠰᠢᠲᠦᠨ ᠳᠠᠭᠠᠬ᠋ᠠ ᠦᠭᠡᠢ
ᠪᠢᠷᠠ ᠴᠢᠲᠠᠯ ᠶ᠋ᠢᠠᠨ ᠦᠵᠡᠯᠴᠡᠬᠦ ᠪᠡᠷ ᠰᠢᠢᠳᠦᠭᠰᠡᠨ
ᠪᠠᠭᠠᠲᠤᠷ ᠬᠦᠴᠦᠨ ᠂ ᠤᠷᠠ ᠠᠪᠢᠶᠠᠰ ᠶ᠋ᠢᠠᠨ
ᠪᠠᠶ᠋ᠢᠨ ᠳᠠᠬᠢᠨ ᠰᠢᠯᠭᠠᠬᠤ ᠪᠠᠷ ᠪᠣᠯᠤᠭᠰᠠᠨ!
ᠳᠠᠯᠠᠨ ᠪᠠᠯᠵᠣᠳ ᠂ ᠨᠠᠬᠤ ᠬᠤᠨ ᠶ᠋ᠢᠠᠷ
ᠳᠠᠷᠠᠬ᠋ᠠ ᠳᠠᠷᠠᠭᠠᠯᠠᠨ ᠪᠠᠶ᠋ᠢᠯᠲᠤᠵᠤ ᠶᠠᠪᠤᠭᠰᠠᠨ
ᠳᠠᠮ ᠳᠠᠮ ᠶ᠋ᠢᠠᠷ ᠬᠣᠯᠪᠣᠬ᠋ᠠ ᠪᠠᠶ᠋ᠢᠭᠤᠯᠵᠤ
ᠳᠠᠷᠬᠠᠨ ᠣᠷᠣᠨ ᠊ᠢ ᠨᠢ ᠬᠠᠯᠲᠠᠵᠤ ᠶᠠᠪᠤᠭᠰᠠᠨ
ᠬᠡᠷᠦᠯᠦᠨ ᠣᠨᠣᠨ ᠪ ᠬᠣᠶᠠᠷ ᠬᠥᠪᠡᠭᠡ ᠪᠡᠷ
ᠬᠡᠲᠦᠬᠡᠨ ᠮᠣᠷᠢ ᠲᠠᠢ ᠴᠤ᠌ ᠳᠠᠪᠬᠢᠭᠤᠯᠵᠤ ᠪᠠᠶ᠋ᠢᠬᠰᠠᠨ
ᠬᠡᠨᠲᠡᠢ ᠂ ᠬᠠᠯᠲᠤᠨ ᠪ ᠡᠮᠦᠨᠡ ᠬᠣᠶ᠋ᠢᠭᠤᠷ
ᠭᠡᠭᠡᠮᠰᠦᠭ ᠰᠦᠷ ᠶ᠋ᠢᠡᠨ ᠪᠠᠲᠠᠷᠠᠭᠤᠯᠵᠤ ᠶᠠᠪᠤᠭᠰᠠᠨ ᠃
ᠬᠦᠢᠲᠡᠨ ᠪ ᠳᠠᠶ᠋ᠢᠨ ᠳᠤ ᠭᠡᠰᠡᠭ ᠢᠯᠠᠭᠠᠳ
ᠬᠤᠢ ᠰᠠᠯᠬᠢ ᠰᠢᠭ᠋ ᠱᠤᠤᠭᠢᠭᠤᠯᠵᠤ ᠶᠠᠪᠤᠭᠰᠠᠨ
《 ᠬᠦᠷ ᠬᠠᠭᠠᠨ 》 ᠭᠡᠵᠦ ᠪᠡᠶᠡ ᠪᠡᠨ ᠡᠷᠭᠦᠮᠵᠢᠯᠡᠨ
ᠬᠥᠮᠦᠨ ᠪ ᠰᠣᠨᠣᠷ ᠊ᠢ ᠳᠣᠷᠭᠢᠭᠤᠯᠵᠤ ᠪᠠᠶ᠋ᠢᠬᠰᠠᠨ ᠂
ᠤᠩ ᠬᠠᠭᠠᠨ ᠲᠠᠢ ᠨᠠᠶ᠋ᠢᠵᠠ ᠪᠣᠯᠤᠯᠴᠠᠵᠤ
ᠤᠬᠠᠭᠠᠨ ᠠᠷᠬ᠋ᠠ ᠡᠷᠭᠦᠵᠦ ᠪᠠᠶ᠋ᠢᠯᠠ ᠂
ᠬᠦᠴᠦᠯᠢᠭ ᠬᠦᠦ ᠲᠡᠢ ᠴᠦ᠍ ᠬᠥᠯ ᠨᠡᠶ᠋ᠢᠯᠡᠵᠦ
ᠬᠥᠯᠥᠰᠥ ᠴᠢᠰᠤ ᠪᠠᠨ ᠬᠣᠯᠢᠵᠤ ᠦᠵᠡᠯᠡ
ᠬᠥᠯ ᠶ᠋ᠢᠡᠨ ᠣᠯᠬᠤ ᠦᠭᠡᠢ ᠳᠠᠷᠢᠲᠠᠢ ᠣᠤᠠᠴᠢᠭᠢᠨ ᠊ᠢ ᠴᠤ᠌
ᠬᠠᠨᠢᠲᠠᠨ ᠶ᠋ᠢᠠᠨ ᠪᠣᠯᠭᠠᠵᠤ ᠲᠠᠲᠠᠵᠤ ᠦᠵᠡᠯᠡ
ᠬᠠᠭᠠᠨ ᠪ ᠬᠥᠪᠡᠭᠦᠳ ᠲᠤ ᠬᠣᠪ ᠵᠥᠭᠡᠭᠡᠵᠦ
ᠬᠠᠭᠠᠴᠠᠭᠤᠯᠵᠤ ᠰᠢᠯᠭᠠᠬᠤ ᠪᠠᠷ ᠤᠷᠤᠯᠲᠤᠵᠤ ᠦᠵᠡᠯᠡ
ᠪᠠᠶ᠋ᠢᠯᠲᠤᠬᠤ ᠪᠣᠯᠭᠠᠨ ᠳᠠᠷᠤᠭᠳᠠᠵᠤ ᠪᠠᠶ᠋ᠢᠬᠰᠠᠨ ᠴᠤ᠌
ᠪᠠᠶ᠋ᠢᠲᠠᠯ ᠊ᠢ ᠦᠵᠡᠨ ᠬᠤᠪᠢᠷᠠᠵᠤ ᠯᠠ ᠪᠠᠶ᠋ᠢᠯᠠ
ᠪᠠᠶ᠋ᠢᠲᠠᠭ ᠣᠯᠠᠨ ᠠᠷᠬ᠋ᠠ ᠮᠡᠬᠡ ᠪᠡᠨ
ᠪᠠᠷᠢᠬᠲᠠᠬᠤ ᠪᠣᠯᠲᠠᠯᠠ ᠪᠠᠨ ᠰᠢᠪᠬᠠᠵᠤ ᠪᠠᠶ᠋ᠢᠯᠠ
ᠶᠠᠭᠠᠬᠢᠵᠤ ᠬᠢᠭᠰᠡᠨ ᠴᠤ᠌ ᠳᠡᠶ᠋ᠢᠯᠬᠦ ᠦᠭᠡᠢ
ᠲᠩᠷᠢ ᠶ᠋ᠢᠨ ᠰᠠᠨᠠᠬ᠋ᠠ ᠲᠡᠶ᠋ᠢᠰᠢ ᠪᠠᠨ ᠪᠠᠶ᠋ᠢᠯᠠ
ᠬᠡᠷᠡᠶ᠋ᠢᠳ ᠂ ᠨᠠᠢ᠍ᠮᠠᠨ ᠂ ᠲᠠᠶ᠋ᠢᠴᠢᠭᠤᠳ ᠁ ᠊ᠢ
ᠭᠡᠰᠡᠭ ᠭᠡᠰᠡᠭ ᠶ᠋ᠢᠡᠷ ᠴᠢᠩᠭᠢᠰ ᠲᠤ ᠨᠢᠭᠡᠤᠠᠬᠡᠯᠡ ᠃
ᠭᠡᠰᠡᠭᠯᠡᠨ ᠲᠤᠰᠠᠭᠠᠷᠯᠠᠭᠰᠠᠨ ᠤᠭᠰᠠᠭᠠᠲᠠᠨ ᠨᠤᠭᠤᠳ ᠊ᠢ
ᠬᠡᠨ ᠴᠤ᠌ ᠲᠡᠭᠡᠵᠦ ᠂ ᠬᠠᠤᠠᠬᠤᠵᠤ ᠴᠢᠲᠠᠬᠤ ᠪᠢᠯᠡ!
ᠬᠡᠷᠪᠡ ᠵᠠᠮᠤᠬᠠ ᠪᠠᠶ᠋ᠢᠬᠰᠠᠨ ᠦᠭᠡᠢ ᠪᠣᠯ
ᠬᠡᠵᠢᠶᠡ ᠲᠡᠲᠡᠨ ᠊ᠢ ᠨᠢᠭᠡᠤᠠᠬᠡᠬᠦ ᠪᠢᠯᠡ?!
ᠥᠲᠥᠭᠡᠵᠦ ᠪᠠᠶ᠋ᠢᠭᠠᠳ ᠬᠤᠤᠠᠬᠤᠯᠲᠤᠭᠤᠯᠬᠤ ᠦᠭᠡᠢ ᠪᠣᠯ
ᠥᠰᠢᠶᠡᠷᠬᠡᠵᠦ ᠬᠣᠭᠣᠷᠣᠨᠲᠣ ᠨᠢ ᠵᠠᠪᠰᠠᠷᠲᠠᠭᠤᠯᠬᠤ ᠦᠭᠡᠢ ᠪᠣᠯ
《ᠠᠪᠤ ᠂ ᠬᠦᠦ ᠶ᠋ᠢᠨ ᠬᠠᠷᠢᠴᠠᠬ᠋ᠠ 》 ᠨᠢ ᠲᠠᠰᠤᠷᠠᠬᠤ ᠦᠭᠡᠢ ᠪᠣᠯ
《 ᠠᠬᠠ ᠂ ᠳᠡᠭᠦᠦ ᠶ᠋ᠢᠨ ᠶᠠᠪᠤᠯᠴᠠᠬ᠋ᠠ 》 ᠨᠢ ᠡᠪᠲᠡᠷᠡᠬᠦ ᠦᠭᠡᠢ ᠪᠣᠯ
ᠥᠭᠡᠯᠦᠨ ᠡᠬᠡ ᠶ᠋ᠢᠨ ᠲᠡᠮᠦᠵᠢᠨ ᠡᠴᠡ
ᠥᠷᠥᠭᠡᠯ ᠊ᠢ ᠶᠠᠭᠤ ᠳᠠᠷᠤᠬᠤ ᠪᠢᠯᠡ!
ᠦᠨᠲᠦᠰᠦ ᠶ᠋ᠢ ᠨᠢ ᠶᠠᠭᠤ ᠭᠡᠵᠦ ᠲᠠᠰᠤᠯᠬᠤ ᠪᠢᠯᠡ!
ᠦᠵᠡᠯᠴᠡᠭᠡᠨ ᠶᠠᠭᠠᠬᠢᠵᠤ ᠡᠭᠦᠰᠬᠦ ᠪᠢᠯᠡ!
ᠡᠮᠦᠨᠡ ᠤᠮᠠᠷᠠ ᠶ᠋ᠢ ᠬᠡᠷᠬᠢᠨ ᠬᠤᠷᠢᠶᠠᠮᠵᠢᠯᠠᠬᠤ ᠪᠢᠯᠡ!
ᠬᠠᠷᠢ ᠶ᠋ᠢ ᠬᠡᠷᠬᠢᠨ ᠲᠦᠪᠰᠢᠤᠠᠬᠡᠬᠦ ᠪᠢᠯᠡ!
ᠬᠢᠵᠠᠭᠠᠷ ᠊ᠢ ᠬᠡᠷᠬᠢᠨ ᠪᠡᠬᠢᠵᠢᠭᠦᠯᠬᠦ ᠪᠢᠯᠡ!
ᠬᠠᠮᠤᠭ ᠮᠣᠩᠭᠣᠯ ᠬᠡᠷᠬᠢᠨ ᠨᠢᠭᠡᠤᠠᠬᠡᠬᠦ ᠪᠢᠯᠡ!
ᠬᠠᠭᠠᠨᠲᠤ ᠤᠯᠤᠰ ᠬᠡᠷᠬᠢᠨ ᠪᠠᠶ᠋ᠢᠭᠤᠯᠤᠭᠲᠠᠬᠤ ᠪᠢᠯᠡ!
ᠵᠠᠮᠤᠬᠠ ᠦᠨᠡᠬᠡᠷ ᠡᠩ ᠦ᠋ᠨ ᠬᠥᠮᠦᠨ ᠪᠢᠰᠢ
ᠵᠠᠭᠤᠵᠤ ᠠᠲᠠᠭᠠᠷᠬᠠᠮᠠᠷ ᠵᠠᠩᠵᠤᠨ ᠬᠥᠮᠦᠨ
ᠵᠠᠪᠠᠯ ᠳᠤᠷᠠᠰᠬᠤ ᠴᠤᠤᠲᠤ ᠬᠥᠮᠦᠨ
ᠵᠠᠯᠭᠠᠵᠤ ᠰᠤᠲᠤᠯᠬᠤ ᠲᠡᠦᠬᠡᠲᠦ ᠬᠥᠮᠦᠨ
ᠵᠠᠰᠠᠭ ᠲᠥᠷᠥ ᠳᠤ ᠬᠦᠨᠲᠦᠲᠡᠢ ᠬᠥᠮᠦᠨ
ᠦᠬᠦᠬᠦ ᠦᠶᠡ ᠳᠤ ᠪᠡᠨ ᠴᠤ᠌
ᠥᠴᠢᠯ ᠶ᠋ᠢᠡᠨ ᠥᠴᠢᠵᠦ
ᠦᠨᠲᠦᠰᠦᠲᠡᠨ ᠶᠠᠰᠤᠲᠠᠨ ᠪ ᠪᠠᠨ
ᠥᠭᠡᠲᠡᠯᠡᠬᠦ ᠶ᠋ᠢ ᠵᠥᠩᠨᠡᠵᠦ
ᠥᠪᠡᠷ ᠦ᠋ᠨ ᠪᠡᠶᠡ ᠶ᠋ᠢᠨ ᠶ᠋ᠢᠡᠨ
ᠣᠰᠣᠯ ᠊ᠢ ᠵᠥᠪᠰᠢᠶᠡᠷᠡᠵᠦ
ᠦᠨᠡᠨᠴᠢ ᠨᠠᠶ᠋ᠢᠵᠠ ᠶ᠋ᠢᠨ ᠶ᠋ᠢᠡᠨ
ᠦᠯᠡᠲᠡᠭᠡᠬᠦ ᠶ᠋ᠢ ᠳᠡᠪᠴᠢᠭᠰᠡᠨ ᠃
ᠦᠨᠡᠨ ᠰᠡᠤᠠᠬᠢᠯ ᠦ᠋ᠨ ᠠᠨᠲᠠ ᠪᠣᠯᠪᠠᠴᠤ
ᠦᠭᠡ ᠪᠡᠷ ᠴᠢᠨᠢ ᠯᠠᠪ ᠣᠷᠣᠬᠤ ᠦᠭᠡᠢ ᠭᠡᠰᠡᠨ ᠃
ᠥᠮᠴᠢᠯᠡᠵᠦ ᠥᠪᠯᠡᠭᠰᠡᠨ ᠨᠤᠲᠤᠭ ᠤᠰᠤ ᠪᠠᠨ
ᠥᠷᠥᠭᠡᠯ ᠶ᠋ᠢᠡᠷ ᠵᠠᠬᠢᠷᠤᠭᠤᠯᠵᠤ ᠲᠦᠪᠲᠡᠬᠦ ᠦᠭᠡᠢ ᠭᠡᠰᠡᠨ
ᠥᠰᠢᠶᠡᠷᠬᠡᠵᠦ ᠳᠠᠶ᠋ᠢᠳᠤᠵᠤ ᠶᠠᠪᠤᠬᠤ ᠶ᠋ᠢᠨ ᠣᠷᠣᠨ ᠳᠤ
ᠦᠬᠦᠯ ᠶ᠋ᠢᠡᠷ ᠲᠠᠨ ᠊ᠢ ᠳᠡᠮᠵᠢᠶᠡ ᠭᠡᠰᠡᠨ ᠃
ᠥᠪᠡᠷ ᠦ᠋ᠨ ᠪᠡᠶᠡ ᠮᠢᠨᠢ ᠪᠠᠶ᠋ᠢᠬᠤ ᠦᠭᠡᠢ ᠴᠤ᠌ ᠭᠡᠰᠡᠨ
ᠦᠢᠯᠡᠰ ᠴᠢᠨᠢ ᠬᠣᠶ᠋ᠢᠰᠢᠲᠠ ᠬᠥᠭᠵᠢᠨᠡ ᠭᠡᠰᠡᠨ ᠃
ᠬᠥᠮᠦᠨ ᠪ ᠳᠣᠣᠷᠠ ᠶᠠᠪᠤᠲᠠᠭ ᠦᠭᠡᠢ ᠲᠤᠯᠠ
ᠬᠥᠬᠡ ᠲᠩᠷᠢ ᠳᠤ ᠪᠡᠨ ᠮᠣᠷᠢᠯᠠᠶᠠ ᠭᠡᠰᠡᠨ ᠃
ᠬᠥᠨᠥᠭᠡᠯ ᠨᠢᠭᠦᠯ ᠲᠠᠷᠢᠬᠤ ᠶ᠋ᠢᠨ ᠣᠷᠣᠨ ᠳᠤ
ᠬᠦᠨᠲᠦᠲᠡᠢ ᠨᠠᠶ᠋ᠢᠷᠰᠠᠭ ᠵᠠᠯᠠᠷᠠᠶᠠ ᠭᠡᠰᠡᠨ ᠃
ᠤᠯᠠᠭᠠᠨ ᠴᠢᠰᠤ ᠶ᠋ᠢ ᠮᠢᠨᠢ ᠭᠠᠷᠭᠠᠯ ᠦᠭᠡᠢ
ᠤᠨᠲᠠᠭᠰᠠᠨ ᠶᠤᠮ ᠰᠢᠭ᠋ ᠮᠣᠷᠲᠠᠭᠤᠯ! ᠭᠡᠰᠡᠨ
ᠦᠨᠲᠦᠰᠦᠲᠡᠨ ᠪ ᠮᠢᠨᠢ ᠵᠠᠩᠰᠢᠯ ᠶᠣᠰᠣᠭᠠᠷ
ᠥᠨᠲᠥᠷ ᠭᠠᠵᠠᠷ ᠣᠷᠣᠰᠢᠭᠤᠯ ᠭᠡᠰᠡᠨ ᠃
ᠵᠠᠮᠤᠬᠠ ᠦᠨᠡᠬᠡᠷ ᠡᠩ ᠦ᠋ᠨ ᠬᠥᠮᠦᠨ ᠪᠢᠰᠢ
ᠵᠣᠭᠰᠣᠬ᠋ᠠ ᠬᠡᠶ᠋ᠢᠮᠣᠷᠢᠲᠤ ᠡᠷᠡ ᠬᠥᠮᠦᠨ
ᠵᠣᠲᠣᠭ ᠰᠡᠭᠰᠦᠷᠦᠭᠰᠡᠨ ᠪᠥᠬᠡ ᠬᠥᠮᠦᠨ
ᠵᠣᠪᠠᠯᠠᠩ ᠶ᠋ᠢᠠᠨ ᠬᠤᠪᠢᠶᠠᠯᠴᠠᠲᠠᠭ ᠠᠨᠲᠠ ᠬᠥᠮᠦᠨ
ᠵᠣᠷᠢᠬᠰᠠᠨ ᠶ᠋ᠢᠠᠨ ᠬᠢᠳᠡᠭ ᠮᠣᠩᠭᠣᠯ ᠬᠥᠮᠦᠨ!
ᠵᠣᠷᠢᠬ ᠵᠥᠷᠢᠭᠦᠳ ᠪᠠᠭᠠᠲᠤᠷ ᠬᠥᠮᠦᠨ!
ᠨᠡᠷᠡ ᠬᠦᠨᠲᠦᠲᠦ ᠲᠡᠦᠬᠡ ᠶ᠋ᠢᠨ ᠠᠪᠤᠷᠭᠤ ᠰᠣᠩᠷᠠᠢ ᠪᠠᠭᠰᠢ ᠶ᠋ᠢᠨ ᠪᠢᠴᠢᠵᠦ ᠦᠯᠡᠲᠡᠭᠡᠭᠰᠡᠨ ᠪᠦᠲᠦᠭᠡᠯ ᠊ᠢ ᠬᠦᠷᠭᠡᠪᠡ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠭᠡᠷᠡᠯ
ᠬᠢᠨᠠᠭᠴᠢ ᠄ ᠪᠠᠯᠵᠢ