ᠨᠠᠭᠤᠷ ᠦ᠋ᠨ ᠶ᠋ᠢᠠᠨ ᠤᠰᠤᠨ ᠳᠤ ᠴᠢᠯᠠᠭᠤ ᠶᠠᠭᠤᠨ ᠳᠤ ᠰᠢᠲᠠᠯᠠ – ᠪ · ᡀᠬᠠᠪᠠᠰᠥ᠋ᠷᠦᠩ Нуурынхаа усанд чулуу юунд шидлээ – Б · Лхагвасүрэн
439ᠨᠠᠭᠤᠷ ᠦ᠋ᠨ ᠶ᠋ᠢᠠᠨ ᠤᠰᠤᠨ ᠳᠤ ᠴᠢᠯᠠᠭᠤ ᠶᠠᠭᠤᠨ ᠳᠤ ᠰᠢᠲᠠᠯᠠ
[ ᠮᠣᠩᠭᠣᠯ ] ᠪ · ᡀᠬᠠᠪᠠᠰᠥ᠋ᠷᠦᠩ
ᠮᠠᠨᠠᠨ ᠂ ᠨᠠᠭᠤᠷ ᠬᠣᠶᠠᠷ ᠪᠡᠶᠡ ᠪᠡᠶᠡ ᠳᠤ ᠪᠠᠨ ᠠᠭᠤᠰᠴᠤ
ᠰᠢᠪᠠᠭᠤ ᠂ ᠳᠠᠯᠪᠠᠬ᠋ᠠ ᠬᠣᠶᠠᠷ ᠢᠯᠭᠠᠭᠲᠠᠮᠠ ᠦᠭᠡᠢ ᠪᠤᠴᠠᠯᠵᠤ
ᠰᠠᠷᠠᠨ ᠤ ᠲᠤᠶᠠᠬ᠋ᠠ ᠴᠤ᠌ ᠪᠠᠭᠲᠠᠮᠠ ᠦᠭᠡᠢ ᠰᠠᠯᠵᠤ ᠶᠠᠲᠠᠭᠰᠠᠨ ᠴᠠᠭ ᠶ᠋ᠢᠠᠷ
ᠰᠠᠪᠠᠬ᠋ᠠ ᠦᠭᠡᠢ ᠬᠣᠩᠭᠣᠷ ᠠᠭᠠᠰᠢᠨ ᠳᠤ ᠪᠠᠨ ᠬᠥᠲᠥᠯᠥᠭᠳᠡᠵᠦ
ᠰᠠᠶ᠋ᠢᠬᠠᠨ ᠨᠢᠲᠦᠨ ᠨᠠᠭᠤᠷ ᠤᠷᠤᠭᠤ ᠪᠠᠨ ᠪᠢ
ᠴᠢᠯᠠᠭᠤ ᠶᠠᠭᠤᠨ ᠳᠤ ᠰᠢᠲᠠᠯᠠ !
ᠰᠨᠨᠲᠤᠷᠤᠭᠰᠠᠨ ᠰᠢᠪᠠᠭᠤᠳ ᠨᠢ ᠡᠷᠭᠢᠵᠦ ᠪᠠᠭᠤᠯ ᠦᠭᠡᠢ
ᠵᠡᠯᠡᠯᠡᠵᠦ ᠴᠢᠲᠠᠯ ᠦᠭᠡᠢ ᠦᠢᠮᠡᠵᠦ ᠪᠢᠯᠡ
ᠭᠤᠨᠢᠬ ᠶ᠋ᠢᠠᠨ ᠳᠠᠭᠠᠭᠠᠵᠤ ᠶᠠᠲᠠᠨ
ᠭᠠᠵᠠᠷ ᠶ᠋ᠢᠠᠷ ᠴᠢᠷᠦᠭᠰᠡᠨ ᠰᠡᠭᠦᠲᠡᠷ ᠨᠢ ᠬᠦᠷᠲᠡᠯᠡ
ᠲᠤᠭᠤᠯᠬᠤ ᠰᠢᠭ᠋ ᠪᠤᠴᠠᠵᠤ ᠪᠢᠯᠡ
ᠳᠠᠩᠴᠤ ᠬᠣᠯᠠ ᠳ᠋ᠠᠭᠠᠨ ᠪᠤᠴᠠᠬᠤ ᠶ᠋ᠢᠨ ᠶ᠋ᠢᠡᠨ ᠤᠷᠢᠳ
ᠳᠠᠷᠠᠭᠠᠯᠠᠨ ᠭᠤᠷᠪᠠᠨ ᠰᠥᠨᠢ ᠴᠢᠭᠤᠯᠬᠤ ᠴᠤ᠌ ᠪᠠᠶ᠋ᠢᠬᠰᠠᠨ ᠶᠤᠮ ᠪᠢᠯᠡ ᠤᠤ ?
ᠡᠵᠢ ᠪᠣᠯᠤᠭᠰᠠᠨ ᠴᠡᠩᠬᠡᠷ ᠨᠠᠭᠤᠷ ᠶ᠋ᠢᠠᠨ
ᠡᠷᠭᠢᠵᠤ ᠭᠤᠷᠪᠠᠨᠲᠠ ᠭᠠᠩᠭᠠᠨᠠᠬᠤ ᠴᠤ᠌ ᠪᠠᠶ᠋ᠢᠭᠰᠠᠨ ᠶᠤᠮ ᠪᠢᠯᠡ ᠤᠤ ?
ᠢᠰᠬᠡᠷᠬᠦ ᠰᠤᠮᠤᠨ ᠳᠤ ᠥᠷᠲᠥᠭᠰᠡᠨ ᠨᠢᠭᠡ ᠪᠡᠨ ᠢᠷᠡᠬᠦ ᠴᠤ᠌ ᠪᠣᠯᠪᠠ ᠤᠤ ᠭᠡᠵᠦ
ᠭᠣᠷᠢᠲᠠᠵᠤ ᠴᠤ᠌ ᠪᠠᠶ᠋ᠢᠬᠰᠠᠨ ᠶᠤᠮ ᠪᠢᠯᠡ ᠤᠤ ?
ᠡᠷᠭᠢᠵᠦ ᠢᠷᠡᠲᠡᠯᠡ ᠪᠡᠨ ᠡᠯᠢᠭᠡ ᠬᠠᠲᠠᠨ ᠰᠢᠨᠠᠯᠬᠤ
ᠡᠨᠡ ᠯᠠ ᠨᠠᠭᠤᠷ ᠦ᠋ᠨ ᠢᠶ᠋ᠠᠨ ᠤᠰᠤ ᠶ᠋ᠢ
ᠵᠠᠯᠭᠢᠯᠠᠵᠤ ᠬᠠᠨᠤᠬ᠋ᠠ ᠦᠭᠡᠢ ᠴᠤ᠌ ᠪᠠᠶ᠋ᠢᠬᠰᠠᠨ ᠶᠤᠮ ᠪᠢᠯᠡ ᠤᠤ ?
ᠭᠡᠨᠡᠨ ᠵᠦᠭ ᠦᠭᠡᠢ ᠵᠠᠩ ᠶ᠋ᠢᠠᠷ ᠴᠢᠯᠠᠭᠤ ᠰᠢᠲᠡᠭᠰᠡᠨ ᠮᠢᠨᠢ
ᠪᠤᠷᠤᠭᠤ ᠲᠠᠢ ᠴᠤ᠌ ᠭᠡᠬᠦ ᠳ᠋ᠡᠭᠡᠨ
ᠰᠢᠪᠠᠭᠤ ᠪᠦᠬᠦᠨ ᠪ ᠡᠮᠦᠨᠡ ᠪᠤᠷᠤᠭᠤ ᠦᠭᠡᠢ
ᠢᠷᠡᠬᠦ ᠬᠠᠪᠤᠷ ᠰᠠᠶ᠋ᠢᠬᠠᠨ ᠨᠢᠲᠦᠨ ᠨᠠᠭᠤᠷ ᠲᠤ ᠪᠠᠨ ᠢᠷᠡᠶᠡ ᠭᠡᠪᠡᠴᠦ
ᠢᠷᠡᠵᠦ ᠴᠢᠲᠠᠬᠤ ᠦᠭᠡᠢ ᠰᠢᠪᠠᠭᠤᠨ ᠪ ᠡᠮᠦᠨᠡ
ᠭᠠᠷᠴᠠᠬ᠋ᠠ ᠦᠭᠡᠢ ᠪᠢ ᠪᠤᠷᠤᠭᠤ ᠲᠠᠢ
ᠠᠩᠬᠠ ᠳᠤᠮᠳᠠᠳᠤ ᠶᠢᠨ ᠡᠪᠦᠯ ᠤᠨ ᠠᠮᠠᠷᠠᠯᠲᠠ ᠶ᠋ᠢᠨ
< ᠠᠮᠲᠠᠷᠬᠠᠨ ᠤᠩᠰᠢᠬᠤᠢ > ᠠᠴᠠ ᠬᠠᠭᠤᠯᠪᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠲᠡᠭᠷᠢ ᠡᠵᠢ
ᠬᠢᠨᠠᠭ᠍ᠴᠢ ᠄ ᠴᠣᠯᠮᠣᠨᠲᠦᠶᠠᠭᠠ ᠪᠠᠭ᠍ᠰᠢ
2023 ᠂3 ᠂7