ᠬᠣᠷᠸ᠋ᠠ ᠳᠤ ᠪᠢ ᠬᠠᠶ᠋ᠢᠷᠠᠲᠠᠢ – ᠭᠦᠷᠵᠠᠪ Хорвоод би хайртай – Гүржав
305ᠬᠣᠷᠸ᠋ᠠ ᠳᠤ ᠪᠢ ᠬᠠᠶ᠋ᠢᠷᠠᠲᠠᠢ
ᠭᠥᠷᠵᠠᠪ
ᠬᠣᠮᠰᠠᠬᠠᠨ ᠲᠠᠪᠴᠢᠭᠤ ᠪᠡᠶᠡ ᠶ᠋ᠢ ᠮᠢᠨᠢ
ᠬᠣᠷᠮᠣᠢ — ᠬᠥᠷᠥᠰᠥ ᠪᠡᠷ ᠶ᠋ᠢᠡᠨ ᠪᠠᠭᠯᠠᠵᠤ
ᠬᠣᠭ ᠨᠣᠪᠰᠢ ᠲᠠᠢ ᠨᠢᠭᠤᠷ ᠊ᠢ ᠮᠢᠨᠢ
ᠬᠣᠩᠭᠣᠷ ᠰᠠᠯᠬᠢ ᠪᠠᠷ ᠶ᠋ᠢᠠᠨ ᠤᠬᠢᠶᠠᠭᠰᠠᠨ
ᠬᠣᠷᠸ᠋ᠠ ᠳᠤ ᠪᠢ ᠬᠠᠶ᠋ᠢᠷᠠᠲᠠᠢ !
ᠬᠣᠨᠢ ᠮᠠᠯ ᠳᠤ ᠶᠠᠪᠤᠭᠤᠯᠵᠤ
ᠬᠣᠷᠭᠣᠯ ᠠᠷᠭᠠᠯ ᠳᠤ ᠭᠥᠶᠦᠯᠭᠡᠵᠦ
ᠬᠥᠲᠡᠯᠮᠦᠷᠢ ᠠᠲᠠᠯ ᠰᠤᠷᠭᠠᠭᠰᠠᠨ
ᠬᠦᠨᠲᠦ ᠠᠴᠢᠯᠠᠯ ᠳ᠋ᠤᠨᠢ ᠬᠠᠶ᠋ᠢᠷᠠᠲᠠᠢ !
ᠪᠣᠷᠣᠭᠠᠨ ᠴᠠᠰᠤᠨ ᠳᠤ ᠭᠤᠶᠠᠲᠠᠭᠤᠯᠵᠤ
ᠪᠤᠲᠠ ᠳᠡᠷᠡᠰᠦᠨ ᠳᠤ ᠪᠥᠲᠦᠷᠢᠭᠦᠯᠵᠦ
ᠪᠤᠷᠤᠭᠤ ᠵᠥᠪ ᠊ᠢ ᠲᠠᠨᠢᠭᠤᠯᠤᠭᠰᠠᠨ
ᠪᠣᠯᠪᠠᠰᠤᠷᠠᠯ ᠬᠥᠮᠥᠵᠢᠭᠦᠯᠭᠡ ᠳ᠋ᠤᠨᠢ ᠬᠠᠶ᠋ᠢᠷᠠᠲᠠᠢ !
ᠨᠠᠭᠤᠷ ᠪᠦᠷᠢᠲᠦ ᠳᠤ ᠣᠮᠪᠠᠭᠤᠯᠵᠤ
ᠨᠢᠰᠦ ᠨᠢᠯᠪᠤᠰᠤ ᠶ᠋ᠢ ᠮᠢᠨᠢ ᠵᠦᠯᠭᠦᠵᠦ
ᠨᠢᠷᠤᠭᠤᠨ ᠴᠢᠯᠡᠭᠡ ᠶ᠋ᠢ ᠮᠢᠨᠢ ᠠᠷᠢᠯᠭᠠᠭᠰᠠᠨ
ᠨᠢᠭᠤᠴᠠᠭᠠᠢ ᠢᠪᠡᠭᠡᠯ ᠳ᠋ᠤᠨᠢ ᠬᠠᠶ᠋ᠢᠷᠠᠲᠠᠢ !
ᠬᠡᠭᠡᠷᠡ ᠲᠠᠯᠠ ᠳᠤ ᠲᠣᠭᠯᠠᠭᠤᠯᠵᠤ
ᠬᠡᠨᠳᠡᠭ ᠰᠡᠨᠳᠡᠭ ᠊ᠢ ᠮᠢᠨᠢ ᠭᠠᠷᠭᠠᠵᠤ
ᠭᠡᠭᠦᠳᠡᠭ ᠦ᠋ᠨ ᠤᠶ᠋ᠢᠤᠠᠬᠠᠷ ᠊ᠢ ᠮᠢᠨᠢ ᠲᠠᠶ᠋ᠢᠯᠤᠭᠰᠠᠨ
ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠬᠠᠯᠠᠮᠵᠢ ᠳ᠋ᠤᠨᠢ ᠬᠠᠶ᠋ᠢᠷᠠᠲᠠᠢ !
ᠬᠣᠷᠸ᠋ᠠ ᠳᠤ ᠪᠢ ᠬᠠᠶ᠋ᠢᠷᠠᠲᠠᠢ !
ᠭᠦᠷᠵᠠᠪ ᠤᠨ ᠵᠤᠬᠢᠶᠠᠭᠰᠠᠨ < ᠬᠡᠤᠭᠡᠳ ᠨᠠᠰᠤ ᠰᠠᠶ᠋ᠢᠬᠠᠨ > ᠡᠴᠡ ᠰᠤᠩᠭᠤᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠠᠷᠠᠳ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ ᠬᠡᠪᠯᠡᠭᠦᠯᠪᠡ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠰᠢᠨᠬᠤᠸᠠ ᠪᠢᠴᠢᠭ ᠦ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠥᠪᠥᠷ ᠮᠣᠩᠭᠣᠯ ᠦ᠋ᠨ ᠭᠠᠵᠠᠷ ᠠᠭᠤᠷᠬᠠᠢ ᠶ᠋ᠢᠨ ᠬᠡᠪᠯᠡᠬᠦ ᠦᠢᠯᠡᠤᠠᠪᠦᠷᠢ ᠬᠡᠪᠯᠡᠪᠡ
2004 ᠣᠨ ᠪ 9 ᠰᠠᠷᠠ ᠳᠦ ᠠᠩᠬᠠᠲᠤᠭᠠᠷ ᠬᠡᠪ ᠊ᠢ ᠬᠢᠪᠡ
2004 ᠣᠨ ᠪ 9 ᠰᠠᠷᠠ ᠳᠦ ᠠᠩᠬᠠ ᠤᠲᠠᠬ᠋ᠠ ᠬᠡᠪᠯᠡᠪᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠴᠦ᠋᠂ ᠮᠢᠭ᠌ᠮᠠᠷ
ᠦᠰᠦᠭ ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
2023 ᠤᠨ ᠪ 3 ᠰᠠᠷᠠ ᠶ᠋ᠢᠨ 6 ᠪ ᠡᠲᠦᠷ