ᠭᠤᠴᠢ ᠬᠦᠷᠦᠭᠰᠡᠨ ᠪᠣᠯ ᠲᠠ ᠳᠣᠯᠣᠭᠠᠨ ᠵᠢᠯ ᠦ᠋ᠨ ᠬᠣᠶ᠋ᠢᠨᠠ ᠨᠡᠮᠡᠢᠢ ᠣᠶ᠋ᠢᠯᠠᠭᠠᠨᠠ — ᠴᠣᠢᠨᠣᠮ Гуч хүрсэн бол та долоон жилийн хойно намыг ойлгоно — Чойном
287ᠭᠤᠴᠢ ᠬᠦᠷᠦᠭᠰᠡᠨ ᠪᠣᠯ ᠲᠠ ᠳᠣᠯᠣᠭᠠᠨ ᠵᠢᠯ ᠦ᠋ᠨ ᠬᠣᠶ᠋ᠢᠨᠠ ᠨᠡᠮᠡᠢᠢ ᠣᠶ᠋ᠢᠯᠠᠭᠠᠨᠠ
ᠭᠤᠴᠢ ᠬᠦᠷᠦᠭᠰᠡᠨ ᠪᠣᠯ ᠲᠠ ᠳᠣᠯᠣᠭᠠᠨ ᠵᠢᠯ ᠦ᠋ᠨ ᠬᠣᠶ᠋ᠢᠨᠠ ᠨᠠᠮᠡᠢᠢ ᠣᠶ᠋ᠢᠯᠠᠭᠠᠨᠠ
ᠭᠤᠷᠪᠠᠬᠠᠨ ᠬᠠᠪᠤᠷ ᠦ᠋ᠨ ᠳᠠᠷᠠᠬ᠋ᠠ ᠳᠥᠴᠢ ᠬᠦᠷᠦᠨᠡ ᠂ ᠲᠡᠭᠡᠬᠦ ᠳ᠋ᠡᠭᠡᠨ ᠪᠢ
ᠭᠤᠨᠢᠬ᠋ᠠ ᠦᠭᠡᠢ ᠬᠠᠷᠢᠨ ᠪᠠᠶᠠᠷᠯᠠᠬᠤ ᠤᠴᠢᠷ ᠭᠡᠪᠡᠯ
ᠵᠠᠯᠠᠭᠤ ᠽᠠᠨᠲᠠᠨ ᠶᠠᠪᠤᠬᠤ ᠬᠣᠷᠸ᠋ᠠ ᠪᠦᠬᠦᠨ ᠊ᠢ ᠠᠮᠰᠠᠵᠤ
ᠵᠡᠷᠲᠡᠢ ᠴᠤᠤᠲᠠᠢ ᠶᠠᠪᠤᠬᠤ ᠶ᠋ᠢᠨ ᠲᠡᠷᠡ ᠪᠦᠬᠦᠨ ᠊ᠢ ᠡᠲᠯᠡᠵᠦ
ᠽᠠᠨᠪᠤᠳᠢᠪ ᠦ᠋ᠨ ᠨᠢᠭᠤᠷ ᠳᠡᠭᠡᠷᠡ ᠡᠴᠡ ᠬᠣᠪᠬᠤ ᠠᠷᠴᠢᠭᠤᠯᠬᠤ ᠲᠥᠬᠦᠭᠰᠡᠨ
ᠵᠠᠲᠠᠭᠠᠢ ᠳᠤᠷᠠ ᠪᠠᠷ ᠠᠮᠢᠲᠤᠷᠠᠯ ᠮᠢᠨᠢ ᠰᠠᠶᠢᠬᠠᠨ ᠠ᠋ᠴᠠ ᠲᠣᠭᠲᠠᠵᠤ ᠪᠠᠶ᠋ᠢᠨᠠ ᠃
ᠴᠠᠭᠠᠨ ᠵᠢᠭᠦᠷᠲᠦ ᠴᠠᠬᠤᠯᠠᠢ ᠳᠠᠯᠠᠢ ᠶ᠋ᠢᠨ ᠰᠢᠭᠤᠷᠬ᠋ᠠ ᠶ᠋ᠢ ᠬᠦᠰᠡᠬᠦ ᠰᠢᠭ᠌
ᠴᠠᠶ᠋ᠢᠯᠭᠠᠨ ᠵᠠᠯᠠᠭᠤ ᠨᠠᠰᠤᠨ ᠳᠤ ᠳᠡᠷᠪᠡᠨ ᠨᠠᠷᠭᠢᠬᠤ ᠶ᠋ᠢ ᠮᠥᠷᠥᠭᠡᠰᠴᠦ
ᠴᠠᠭ ᠬᠤᠭᠤᠴᠠᠬ᠋ᠠ ᠪᠦᠬᠦᠨ ᠢᠶ᠋ᠠᠨ ᠴᠠᠭ ᠦᠶᠡ ᠰᠢᠭ᠌ ᠤᠷᠤᠰᠬᠠᠵᠤ
ᠴᠠᠭᠲᠠᠵᠤ ᠵᠣᠭᠰᠣᠭᠠᠬᠤ ᠠᠷᠬ᠋ᠠ ᠦᠭᠡᠢ ᠴᠢᠩᠭᠠᠯᠠᠵᠤ ᠶᠠᠪᠤᠭᠰᠠᠨ ᠪᠠᠶ᠋ᠢᠬᠤ ᠶᠤᠮ
ᠠᠯᠲᠠᠬ᠋ᠠ ᠣᠨᠣᠬ᠋ᠠ ᠶᠡᠬᠡᠲᠡᠢ ᠶᠡᠬᠡ ᠣᠷᠣᠨ ᠪ ᠮᠢᠨᠢ ᠡᠪᠦᠭᠡ
ᠠᠯᠲᠠᠨ ᠪ ᠰᠠᠶ᠋ᠢᠬᠠᠨ ᠪᠦᠬᠦᠨ ᠾᠦᠩᠨᠦ ᠶ᠋ᠢᠨ ᠦᠶᠡ ᠳᠤ ᠬᠠᠶᠠᠭᠰᠠᠨ ᠰᠢᠭ᠋
ᠠᠮᠢᠨ ᠳ᠋ᠠᠭᠠᠨ ᠠᠷᠴᠢ ᠡᠨᠡ ᠨᠢᠭᠡᠨ ᠪᠡᠶᠡ ᠮᠢᠨᠢ ᠪᠠᠭᠠᠲᠠᠢ
ᠠᠮᠠᠷᠠᠭ ᠰᠠᠶ᠋ᠢᠬᠠᠨ ᠪᠦᠬᠦᠨ ᠊ᠢ ᠵᠠᠯᠠᠭᠤ ᠨᠠᠰᠤᠨ ᠳ᠋ᠠᠭᠠᠨ ᠭᠡᠭᠡᠵᠡᠢ ᠃
ᠨᠣᠶ᠋ᠢᠷ ᠬᠣᠭᠣᠯᠠᠨ ᠪ ᠣᠷᠣᠨ ᠳᠤ ᠬᠣᠲᠠ ᠶ᠋ᠢᠨ ᠭᠤᠲᠤᠮᠵᠢ ᠲᠤᠶ᠋ᠢᠪᠡᠭᠡᠵᠦ
ᠨᠣᠮ ᠡᠷᠲᠡᠮ ᠦ᠋ᠨ ᠣᠷᠣᠨ ᠳᠤ ᠬᠣᠣᠷᠲᠠᠢ ᠰᠢᠩᠭᠡᠨ ᠵᠠᠯᠭᠢᠯᠠᠵᠤ
ᠨᠣᠬᠠᠢ ᠶᠠᠪᠤᠲᠠᠭ ᠵᠢᠮᠡ ᠊ᠢ ᠪᠤᠷᠬᠠᠨ ᠶᠠᠪᠤᠲᠠᠭ ᠵᠠᠮ ᠰᠢᠭ᠋
ᠨᠣᠮᠢᠨ ᠳᠡᠯᠡᠬᠡᠢ ᠳᠡᠭᠡᠷᠡ ᠡᠴᠡ ᠪᠤᠷᠤᠭᠤ ᠪᠠᠷ ᠰᠢᠯᠢᠵᠦ ᠶᠠᠪᠤᠭᠰᠠᠨ
ᠠᠷᠪᠠᠨ ᠵᠢᠷᠭᠤᠭᠠᠨ ᠨᠠᠰᠤᠨ ᠠ᠋ᠴᠠ ᠭᠤᠴᠢᠨ ᠭᠤᠷᠪᠠ ᠶ᠋ᠢ ᠬᠦᠷᠲᠡᠯᠡᠬᠢ
ᠠᠶᠤᠯᠲᠠᠢ ᠲᠡᠷᠡ ᠳᠠᠪᠠᠬ᠋ᠠ ᠶ᠋ᠢ ᠠᠬᠢᠨ ᠳᠠᠪᠠᠬᠤ ᠶ᠋ᠢ ᠬᠦᠰᠡᠬᠦ ᠦᠭᠡᠢ
ᠠᠮᠢ ᠳᠦᠢᠳᠡᠢ ᠰᠢᠭᠤᠷᠬ᠋ᠠ ᠠᠰᠢᠭᠦᠢ ᠵᠢᠭᠠᠯ ᠨᠠᠮᠲᠠᠬᠤ
ᠠᠵᠠᠢ ᠪᠤᠭᠤᠷᠤᠯ ᠦ᠋ᠨ ᠡᠲᠦᠷ ᠦ᠋ᠳ ᠮᠢᠨᠢ ᠠᠯᠲᠠᠨ ᠠ᠋ᠴᠠ ᠦᠨᠡᠲᠡᠢ ᠪᠠᠶ᠋ᠢᠨᠠ ᠃
ᠭᠤᠴᠢ ᠬᠦᠷᠦᠭᠰᠡᠨ ᠪᠣᠯ ᠲᠠ ᠳᠣᠯᠣᠭᠠᠨ ᠵᠢᠯ ᠦ᠋ᠨ ᠬᠣᠶ᠋ᠢᠨᠠ ᠨᠡᠮᠡᠢᠢ ᠣᠶ᠋ᠢᠯᠠᠭᠠᠨᠠ᠃
ᠭᠤᠴᠢ ᠬᠦᠷᠦᠭᠡ ᠦᠭᠡᠢ ᠪᠣᠯ ᠴᠢ ᠣᠯᠠᠨ ᠵᠢᠯ ᠦ᠋ᠨ ᠬᠣᠶ᠋ᠢᠨᠠ ᠨᠡᠮᠡᠢᠢ ᠣᠶ᠋ᠢᠯᠠᠭᠠᠵᠤ ᠮᠠᠭᠠᠳ ᠦᠭᠡᠢ
ᠭᠣᠣᠯᠰᠡᠯᠲᠡ ᠨᠤᠷᠡᠯᠲᠡ ᠶᠡᠬᠡᠲᠡᠢ ᠠᠮᠢᠲᠤᠷᠠᠯ ᠦ᠋ᠨ ᠵᠠᠮ ᠭᠡᠳᠡᠭ
ᠭᠤᠴᠢ ᠪᠤᠰᠤ ᠲᠥᠴᠢᠨ ᠳᠠᠪᠠᠬ᠋ᠠ ᠪᠠᠶ᠋ᠢᠵᠤ ᠰᠠᠶᠢ ᠲᠡᠭᠰᠢᠷᠡᠳᠡᠭ ᠪᠠᠶ᠋ᠢᠨᠠ ᠃
1973 .11.12 ᠲᠣᠯᠣᠭᠠᠶ᠋ᠢᠲᠤ
《 ᠷ · ᠴᠣᠶ᠋ᠢᠨᠣᠮ ᠦ᠋ᠨ ᠰᠢᠯᠦᠭ᠋ ᠵᠣᠬᠢᠶᠠᠯ ᠦ᠋ᠨ ᠬᠤᠷᠢᠶᠠᠬᠤᠢ — 》
— ᠤᠶᠠᠩᠬ᠋ᠠ ᠶ᠋ᠢᠨ ᠰᠢᠯᠦᠭ᠋ ᠡᠴᠡ ᠬᠠᠭᠤᠯᠪᠠ ᠃
ᠪᠢ᠍᠊ · ᠳᠠᠮᠳᠢᠨᠰᠦ᠋ᠷᠦᠩ ᠡᠮᠬᠢᠤᠠᠬᠡᠨ ᠨᠠᠶ᠋ᠢᠷᠠᠭᠤᠯᠪᠠ
ᠬᠠᠷᠢᠭᠤᠴᠠᠭᠰᠠᠨ ᠨᠠᠶ᠋ᠢᠷᠠᠭᠤᠯᠤᠭᠴᠢ ᠄ ᠪᠣᠷᠣᠨᠤᠳ ᠳᠣᠷᠵᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠴᠣᠭᠵᠢᠷᠭᠠᠯ
ᠬᠢᠨᠠᠭᠴᠢ ᠪᠠᠭᠰᠢ ᠄ ᠣᠳᠬᠠᠨᠰᠸᠠ