ᠪᠦᠰᠡᠭᠦᠢ ᠴᠡᠴᠡᠭ – ᠪᠣᠷᠵᠢᠭᠢᠨ ᠷᠢᠨᠴᠢᠨ Бүсгүй цэцэг – Боржигон ренчин
341ᠪᠦᠰᠡᠭᠦᠢ ᠴᠡᠴᠡᠭ
ᠪᠣᠷᠵᠢᠭᠢᠨ ᠷᠢᠨᠴᠢᠨ
< 3᠂ 8 > ᠶᠢᠨ ᠡᠮᠡᠭᠲᠡᠢᠴᠦᠳ ᠤᠨ ᠪᠠᠶᠠᠷ ᠲᠦ
ᠪᠦᠭᠦᠳᠡ ᠨᠠᠢᠷᠠᠮᠳᠠᠬᠤ ᠤᠯᠤᠰ ᠲᠦ ᠪᠡᠨ ᠬᠠᠭᠠᠰ ᠲᠤᠯᠭᠠᠭᠤᠷᠢ ᠴᠡᠴᠡᠭ
ᠪᠥᠮᠪᠥᠷᠴᠡᠭ ᠳᠡᠯᠡᠬᠡᠢ ᠳᠤ ᠪᠡᠨ ᠡᠵᠢ ᠶᠢᠨ ᠵᠠᠶᠠᠭᠠ ᠲᠠᠢ ᠠᠭᠤᠤ ᠴᠡᠴᠡᠭ
ᠪᠦᠯᠢ ᠭᠡᠷ ᠲᠦ ᠪᠡᠨ ᠭᠡᠷᠡᠯᠲᠦᠨ ᠰᠠᠴᠤᠷᠠᠭᠰᠠᠨ ᠨᠠᠷᠠᠨ ᠴᠡᠴᠡᠭ
ᠪᠦᠰᠡᠲᠡᠢ ᠬᠠᠨᠢ ᠳᠤ ᠪᠡᠨ ᠵᠢᠷᠭᠠᠯ ᠢ ᠠᠪᠴᠢᠷᠠᠭᠴᠢ ᠰᠠᠷᠠᠨ ᠴᠡᠴᠡᠭ
ᠠᠳᠠᠯ ᠠᠮᠢᠳᠤᠷᠠᠯ ᠢᠶᠠᠨ ᠥᠭᠡᠳᠡ ᠪᠡᠨ ᠲᠠᠲᠠᠭᠰᠠᠨ ᠣᠳᠣᠨ ᠴᠡᠴᠡᠭ
ᠠᠬᠠᠮᠠᠳ ᠨᠠᠰᠤᠲᠠᠨ ᠢᠶᠡᠨ ᠬᠦᠨᠳᠦᠯᠡᠵᠦ ᠳᠡᠭᠡᠵᠢᠯᠡᠭᠰᠡᠨ ᠠᠯᠲᠠᠨ ᠴᠡᠴᠡᠭ
ᠠᠢᠯ ᠠᠢᠮᠠᠭ ᠲᠦ ᠪᠡᠨ ᠠᠴᠢᠯᠠᠯ ᠵᠢᠷᠤᠮ ᠲᠠᠢ ᠠᠷᠢᠭᠤᠨ ᠴᠡᠴᠡᠭ
ᠠᠩᠭᠠ ᠦᠷᠡ ᠪᠡᠨ ᠡᠨᠡᠷᠢᠵᠦ ᠬᠥᠮᠥᠵᠢᠭᠦᠯᠦᠭᠰᠡᠨ ᠪᠦᠦᠪᠠᠢ ᠴᠡᠴᠡᠭ
ᠡᠷᠦᠬᠡ ᠭᠡᠷ ᠢᠶᠡᠨ ᠪᠠᠶᠠᠷ ᠵᠢᠷᠭᠠᠯ ᠢᠶᠡᠷ ᠪᠢᠯᠬᠠᠭᠤᠯᠤᠭᠰᠠᠨ ᠥᠨᠢᠷ ᠴᠡᠴᠡᠭ
ᠡᠷᠬᠢᠮ ᠦᠢᠯᠡᠰ ᠲᠦ ᠪᠡᠨ ᠭᠢᠯᠠᠷᠠᠵᠤ ᠶᠠᠪᠤᠭᠰᠠᠨ ᠣᠳᠣᠨ ᠴᠡᠴᠡᠭ
ᠬᠣᠯᠠ ᠶᠢ ᠣᠢᠷᠠᠲᠤᠭᠤᠯᠵᠤ ᠬᠣᠲᠠᠯᠠ ᠶᠢ ᠢᠪᠡᠭᠡᠭᠰᠡᠨ ᠤᠬᠠᠭᠠᠨ ᠴᠡᠴᠡᠭ
ᠬᠣᠷᠸᠠ ᠶᠢ ᠤᠶᠠᠷᠠᠭᠤᠯᠵᠤ ᠬᠣᠭᠣᠷᠣᠨᠳᠤ ᠨᠢ ᠪᠦᠯᠬᠦᠮᠳᠡᠭᠦᠯᠦᠭᠰᠡᠨ ᠣᠶᠣᠨ ᠴᠡᠴᠡᠭ
ᠭᠤᠷᠪᠠ ᠪᠡᠷ ᠭᠦᠷᠦᠭᠰᠡᠨ ᠭᠡᠵᠢᠭᠡ ᠨᠢ ᠬᠠᠢᠷᠠ ᠶᠢ ᠪᠤᠯᠢᠶᠠᠮᠠ ᠭᠤᠸᠠ ᠴᠡᠴᠡᠭ
ᠭᠤᠪᠠᠢ ᠭᠤᠸᠠᠯᠢᠭᠬᠠᠨ ᠳᠦᠷᠢ ᠨᠢ ᠳᠤᠷᠠ ᠶᠢ ᠲᠠᠲᠠᠮᠠ ᠭᠣᠶᠣᠬᠠᠨ ᠴᠡᠴᠡᠭ
ᠭᠣᠶᠣᠮᠰᠤᠭᠯᠠᠵᠤ ᠭᠠᠩᠭᠠᠷᠠᠵᠤ ᠶᠠᠪᠤᠬᠤ ᠨᠢ ᠵᠡᠭᠦᠳᠦᠨ ᠳᠤ ᠬᠣᠨᠤᠭᠰᠢᠮᠠ ᠬᠣᠩᠭᠣᠷ ᠴᠡᠴᠡᠭ
< ᠭᠤᠷᠪᠠ᠂ ᠨᠠᠢ᠌ᠮᠠ > ᠶᠢᠨ ᠲᠤᠭᠴᠢ -- ᠵᠢᠷᠦᠬᠡᠨ ᠳᠤ ᠰᠡᠢᠯᠦᠭᠳᠡᠮᠡ ᠪᠦᠰᠡᠭᠦᠢ ᠴᠡᠴᠡᠭ ᠡ!
2023᠂3᠂8