ᠪᠦᠰᠡᠭᠦᠢ ᠬᠥᠮᠦᠨ ᠳᠤ ᠡᠷᠭᠦᠬᠦ ᠤᠶᠠᠩᠬ᠋᠎ᠠ- ᠲ ᠂ ᠪᠠᠲᠤᠪᠤᠶᠠᠨБүсгүй хүнд өргөх уянх-т , батбуяан ᠰᠢᠯᠦᠭ ᠢᠷᠠᠭᠤ ᠨᠠᠢᠷᠠᠭ

    ᠲ ᠂ ᠪᠠᠲᠤᠪᠤᠶᠠᠨ
ᠡᠨᠡᠷᠢᠩᠭᠦᠢ ᠴᠠᠶ᠋ᠢᠯᠭᠠᠨ ᠡᠭᠡᠴᠢ ᠳᠡᠭᠦᠦ ᠨᠡᠷ ᠮᠢᠨᠢ
ᠡᠭᠡᠰᠢᠭ ᠪᠠᠲᠠᠷᠠᠭᠠᠬᠤ ᠨᠠᠷᠠᠨ ᠰᠠᠷᠠᠨ ᠮᠢᠨᠢ

ᠪᠦᠲᠦᠨ ᠠᠮᠢᠲᠤᠷᠠᠯ ᠪᠦᠯᠢᠶᠡᠰᠬᠡᠬᠦ ᠬᠠᠶ᠋ᠢᠷ᠎ᠠ
ᠳᠦᠭᠦᠷᠡᠩ ᠢᠨᠢᠶᠡᠲᠦ ᠪᠡᠯᠡᠭᠯᠡᠲᠡᠭ ᠤᠶᠠᠩᠬ᠋᠎ᠠ
ᠤᠷᠠᠨ ᠭᠤᠸ᠋᠎ᠠ ᠪᠦᠰᠡᠭᠦᠶ᠋ᠢᠴᠦᠳ ᠮᠢᠨᠢ ᠠ᠋  !
ᠲᠠᠨᠠᠷ ᠮᠢᠨᠢ ᠯᠠ ᠪᠠᠶ᠋ᠢᠬᠤ ᠦᠭᠡᠢ ᠶᠤᠮ ᠪᠣᠯ
ᠲᠠᠨᠠᠨ ᠴᠠᠭᠠᠨ ᠥᠷᠭᠥᠭᠡ ᠭᠡᠷ ᠲᠦ ᠠᠵᠠ ᠵᠢᠷᠭᠠᠯ
ᠶᠠᠭᠤᠨ ᠳᠤ ᠪᠤᠴᠠᠯᠬᠤ ᠪᠢᠯᠡ ᠡ ?
ᠲᠠᠨᠠᠷ ᠮᠢᠨᠢ ᠯᠠ ᠪᠠᠶ᠋ᠢᠬᠤ ᠦᠭᠡᠢ ᠪᠣᠯ
ᠠᠵᠤ ᠠᠮᠢᠲᠤᠷᠠᠯ ᠦ᠋ᠨ ᠭᠠᠯ ᠶᠠᠭᠤ ᠭᠡᠵᠦ ᠳᠦᠷᠡᠯᠵᠡᠬᠦ ᠪᠢᠯᠡ ᠡ ?
ᠲᠠᠨᠠᠷ ᠮᠢᠨᠢ ᠪᠠᠶ᠋ᠢᠬᠤ ᠦᠭᠡᠢ ᠪᠣᠯ
ᠳᠤᠷᠠᠯᠠᠯ ᠶᠠᠭᠠᠬᠢᠨ ᠵᠢᠷᠮᠦᠰᠦᠯᠡᠵᠦ ᠂

ᠳᠠᠭᠤᠤ ᠨᠠᠶ᠋ᠢᠷᠠᠭ ᠶᠠᠭᠠᠬᠢᠨ ᠤᠶᠠᠩᠭᠠᠷᠠᠬᠤ ᠪᠢᠯᠡ ᠡ ?
ᠲᠠᠨᠠᠷ ᠮᠢᠨᠢ ᠪᠠᠶ᠋ᠢᠬᠤ ᠦᠭᠡᠢ ᠪᠣᠯ
ᠡᠷ᠎ᠡ ᠴᠡᠷᠢᠭ ᠶᠠᠭᠠᠬᠢᠵᠤ ᠲᠥᠷᠥᠵᠦ ᠂

ᠡᠬᠡ ᠣᠷᠣᠨ ᠶ᠋ᠢᠠᠨ ᠬᠡᠨ ᠬᠠᠮᠠᠭᠠᠯᠠᠨ᠎ᠠ ᠪᠢᠯᠡ ᠡ ? ᠁
ᠲᠠᠨᠠᠷ ᠮᠢᠨᠢ ᠪᠠᠶ᠋ᠢᠬᠤ ᠦᠭᠡᠢ ᠪᠣᠯ
ᠪᠠᠶᠠᠷ ᠵᠢᠷᠭᠠᠯ ᠶᠠᠭᠠᠬᠢᠨ ᠤᠨᠲᠤᠷᠴᠤ ᠪᠠᠶ᠋ᠢᠬ᠋᠎ᠠ

ᠪᠦᠬᠦᠨ ᠬᠡᠷᠬᠢᠨ ᠬᠠᠶ᠋ᠢᠷ᠎ᠠ ᠪᠠᠷ ᠴᠠᠯᠭᠢᠯᠠᠬᠤ ᠪᠢᠯᠡ ᠡ ? !
ᠭᠤᠸ᠋᠎ᠠ ᠰᠠᠶ᠋ᠢᠬᠠᠨ ᠡᠬᠡ ᠪᠣᠯᠣᠭᠰᠠᠳ ᠮᠢᠨᠢ
ᠭᠣᠶᠣ ᠪᠣᠯᠪᠠᠰᠤᠨ ᠴᠠᠶ᠋ᠢᠯᠭᠠᠨ ᠡᠵᠢ ᠨᠠᠷ ᠮᠢᠨᠢ ᠠ᠋
ᠦᠵᠡᠰᠬᠦᠯᠡᠩ ᠬᠥᠭᠡᠷᠦᠬᠦᠨ ᠤᠷᠠᠨ ᠪᠦᠰᠡᠭᠦᠶ᠋ᠢᠴᠦᠳ ᠮᠢᠨᠢ
ᠥᠩᠭᠡ ᠲᠤᠶᠠᠬ᠋᠎ᠠ ᠨᠡᠮᠡᠬ᠋ᠰᠡᠨ ᠭᠠᠯ ᠦ᠋ᠨ ᠪᠤᠷᠬᠠᠨ ᠮᠢᠨᠢ ᠡ ? !
ᠲᠠᠨᠠᠷ ᠮᠢᠨᠢ ᠯᠠ ᠪᠠᠶᠠᠷ ᠵᠢᠷᠭᠠᠯ ᠲᠠᠢ ᠪᠣᠯ
ᠡᠷᠡᠴᠦᠳ ᠪᠢᠲᠡ ᠠᠵᠠ ᠵᠢᠷᠭᠠᠯ ᠲᠠᠢ !
ᠲᠠᠨᠠᠷ ᠮᠢᠨᠢ ᠯᠠ ᠢᠨᠢᠶᠡᠲᠦ ᠳᠠᠭᠤᠤ ᠲᠠᠢ ᠪᠣᠯ
ᠡᠬᠡ ᠣᠷᠣᠨ ᠮᠢᠨᠢ ᠠᠮᠤᠷ ᠠᠮᠤᠭᠤᠯᠠᠩ ᠪᠠᠶ᠋ᠢᠬᠤ ᠶᠣᠰᠣᠲᠠᠢ !

     — ᠳᠡᠯᠡᠬᠡᠢ ᠶ᠋ᠢᠨ ᠡᠮᠡᠭᠲᠡᠢᠴᠦᠳ ᠦ᠋ᠨ ᠪᠠᠶᠠᠷ ᠎ᠲᠤ᠌ ᠵᠣᠷᠢᠭᠤᠯᠪᠠ
   ᠠᠮᠢᠯᠠᠭᠤᠯᠤᠭᠴᠢ ᠄ ᠳ ᠂ ᠣᠶᠤᠨᠪᠢᠯᠢᠭ᠌
   ᠬᠢᠨᠠᠭᠴᠢ ᠄ ᠣᠤᠠᠬᠠᠨᠰᠣ ᠎ᠡ